GALUEGA 15
15
Ko te Fono i Ielusalema
1 #
Levi 12.3
E isi ne tino ne o'mai mai Iutaia ki Anitioka, kamata ei o akoako atu latou ki te kau taina, olotou muna, “E se mafai o maua ne koutou te ola seiloga ke pilitome muamua koutou e pela mo te Tulafono a Mose.” 2Ne fai se fakakinauga malosi a Paulo mo Panapa mo latou kona, e uiga ki te mataupu tena. Tela, ne iku ake ei ke olo atu a Paulo mo Panapa mo nisi tino i Anitioka ki Ielusalema, o fesili atu ki apositolo mo toeaina e uiga ki te mataupu tenei.
3Ko uga atu nei a latou ne te Ekalesia; kae i te lotou oloatuga, ne afe atu a latou ki Foinikia mo Samalia, taku atu ei ne latou ki ei i tino o fenua fakaatea ko oti ne 'fuli atu ki te Atua, ona ko te tala tena. Ne fia'fia lasi a te kau taina i kona. 4I te lotou okoatuga ki Ielusalema, ne tali 'lei a latou ne te Ekalesia, mo apositolo, e pela foki mo toeaina. Ne taku atu ne laua ki a latou a mea e uke ne fai ne te Atua ki a laua. 5Ka ko nisi tino talitonu kola e 'kau i te kau a Falesaio, ne 'tu ake ki luga kae fai ake, “E 'tau mo latou o pilitome, kae fai atu foki ki ei ke tausi Tulafono a Mose.”
6Ne fono fakatasi apositolo mo toeaina o mafaufau kite mataupu tena. 7#Galu 10.1-43Ne tai leva eiloa te lotou finauga, tu ake ei Petelu kae fai atu, “Oku taina, e iloa ne koutou i aso mua ne filifili au ne te Atua mai i a koutou ke folafola atu ne au a te Tala 'Lei ki tino o fenua fakaatea, ko te mea ke lagona ne latou kae talitonu ki ei. 8#Galu 10.44; Galu 2.4Ka ko te Atua tela e iloa ne ia loto o tino, ne fakamaoni ne ia latou i te tukumaiga ki a latou a te Agaga Tapu, e pela eiloa mo te tukumaiga ki a tatou. 9E seki fakakesekese ne ia a tatou mo latou, kae ne faka'ma ne ia olotou loto i te fakatuanaki. 10Tela la, se a te mea ko tofotofo ei ne koutou a te Atua, i te fakaekeatuga ne koutou ki tuauma o tino talitonu a te amoga tela e se mafai ne o'tou tupuga mo tatou o amo? 11E talitonu tatou me e fakaolagina tatou i te alofa tauanoa o te Aliki ko Iesu Keliso, e pela foki eiloa mo latou.”
12A tino katoa o te Fono ne 'nofo faka'logo, kae fakalogologo mai ki a Panapa mo Paulo e tala atu ki a latou a fakailoga mo vavega, ne fai ne te Atua ki tino o fenua fakaatea e alatu i a laua. 13I te otiga ne fai'pati atu laua, ne faipati ake ei a Iakopo penei: “Oku taina, faka'logo mai! 14Ko oti ne fakamatala mai ne Simona a te fakaasiga muamua o te alofa o te Atua ki tino o fenua fakaatea, i te filifiliga o nisi tino mai i a latou ke fai katoa mo ona tino tonu. 15Ko fakamaoni ei foki a muna a pelofeta kola ne tusi mai penei:
16 #
Amo 9.11,12 ‘Au e foki atu ma oti atu a te mea nei.
Kae ka toe ati ake ne au a te fale o Tavita tela ne maofa;
Ka toe fai ne au a mea ne ma'sei i ei
Kae toe faka'tu ake.
17Ko te mea ke 'sala atu ki te Aliki a tino kola koi 'toe,
E pela foki mo fenua fakaatea katoa kola e fakaigoa ki toku igoa.
18Tena te mea ne fai mai ei a te Aliki, tela ne fai ne ia a mea katoa konei ke iloa mai aso mua eiloa.”’
19Ne fano eiloa te faipatiga a Iakopo, ana muna, “A toku manatu e se 'tau mo tatou o fakalavelave atu ki tino o fenua fakaatea kola ko 'fuli mai ki te Atua. 20#Eso 34.15-17; Levi 18.6-23; Levi 17.10-16Ka ko te mea e 'tau o fai ne tatou, ke tusi atu se tusi ki a latou ke se 'kai ki meakai kola e se 'ma, me ne meakai ne fai mo tupua; ke sa sulaitetapu; ke sa 'kai foki ki manu kola ne 'kumi a ua kae ke se 'kai foki ki toto o manu. 21Me i te Tulafono a Mose ko leva eiloa ne faitau sale i loto i fale tapuaki i Sapati takitasi; ke oko foki ki ana muna e folafola atu faeloa i fa'kai takitasi.”
Ko te Tusi ki Tino Talitonu o Fenua Fakaatea
22Fakamuli ifo, ne iku i apositolo mo toeaina fakatasi mo te Ekalesia, ke filifili ne tagata mai te kaulotu, ke uga atu ki Anitioka fakatasi mo Paulo mo Panapa. Ne filifili ne latou a Iuta tela e igoa ki a Pasapa fakatasi mo Sila, ne tagata e lasi te fakaaloalogina ne te kau taina. 23Ne ave ne laua a te tusi tenei:
“Ko 'alofa atu otou taina ko apositolo mo toeaina, ki te kau taina katoa mai fenua fakaatea kola e 'nofo i Anitioka, mo Sulia, e pela foki mo Kilikia. 24Ko oti ne lagona ne matou me isi ne tino o te motou kaulotu ne olo atu o fakalavelave ki a koutou i olotou muna, tela ne se toka ei otou mafaufau, kae ne seki fakatonu atu ne matou ke fai ne latou pena. 25Tela la, ko oti ne fai te fono a matou, ko loto tasi katoa foki matou ke filifili ne avefekau ke olo atu ki a koutou. Ka olo atu laua fakatasi mo Panapa mo Paulo ko omotou taugasoa pele. 26Ko laua kona ne ofo atu o la ola mo te galuega a te tou Aliki ko Iesu Keliso. 27Tena te mea ko uga atu ei ne matou a Iuta mo Sila, ka taku atu ne laua ki a koutou i a la muna eiloa, e pela eiloa mo mea konei i loto i te tusi nei. 28Me ko kau fakatasi matou mo te Agaga Tapu, ke sa toe fakaeke atu ki a koutou se isi amoga e fakaopoopo ki tulafono konei: 29Mo a ma 'kai koutou ki taulaga ne ofo atu mo tupua; mo a ma 'kai ki te toto; mo a ma kai ki manu ne 'kumi a ua kae se fakasali a te toto, mo a foki ma sulaitetapu koutou. Kafai e se fai ne koutou a mea kona, ka 'lei otou olaga. Ke manuia koutou!”
30Ne uga atu a avefekau ke olo ki Anitioka, ne fakapotopoto ei ne laua i kona a te potukau katoa o tino talitonu, kae tuku atu ne laua ki ei a te tusi. 31I te faitauga ne latou a te tusi, ne 'fonu latou i te fiafia ona ko muna fakamalosi i ei. 32A Iuta mo Sila ne pelofeta. Ne tai leva eiloa te la faipatiga kae fakamalosi atu a loto o te kau taina i muna e uke. 33Ne 'nofo laua i kona i ne mo aso, uga atu ei a laua mo te filemu ne te kau taina i kona, ke toe 'foki atu ki tino kola ne uga mai ne latou a laua.#15.33: I nisi lomiga e faopoopo ne latou a te foaitau e 34: Ka ko Sila ne mafaufau ke nofo a ia i kona. 34Ka ko Sila, ne iku i tena mafaufau ke nofo a ia i kona.
35Ka ko Paulo mo Panapa ne 'nofo i Anitioka i ne mo aso; ne kau fakatasi laua mo nisi tino i te akoako atu, kae lauga atu a te muna a te Aliki.
Ko Taki Olo a Paulo mo Panapa
36Mai tua ifo, ne fai atu a Paulo ki a Panapa, “Ta olo o toe asi atu ki kaulotu i fa'kai katoa kola ne folafola ne taua ki ei a te muna a te Aliki, ke kilo'kilo foki taua me pefea te tulaga o te lotou galuega.” 37Ne manako a Panapa ke olo tasi latou mo Ioane Maleko; 38#Galu 13.13kae ne manatu ake a Paulo me e sili ke se olo latou mo ia tela ne tele keatea mai i a laua i Pafulia. Ne seki nofo foki a ia ke oko ki te taimi e oti ei te lotou galuega. 39Ne fakakinau malosi laua i te mea nei, taki olo ei laua. Ne ave ne Panapa a Maleko, malaga atu ei laua ki Kupelu; 40ka ko Paulo ne filifili ne ia Sila, olo ei laua; tuku atu ei a ia ne te kau taina ki te tausiga o te alofa tauanoa o te Atua. 41Ne fanatu a ia ki Sulia mo Kilikia, fakamalosi atu ei ne ia Ekalesia i kona.
Iliyochaguliwa sasa
GALUEGA 15: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
GALUEGA 15
15
Ko te Fono i Ielusalema
1 #
Levi 12.3
E isi ne tino ne o'mai mai Iutaia ki Anitioka, kamata ei o akoako atu latou ki te kau taina, olotou muna, “E se mafai o maua ne koutou te ola seiloga ke pilitome muamua koutou e pela mo te Tulafono a Mose.” 2Ne fai se fakakinauga malosi a Paulo mo Panapa mo latou kona, e uiga ki te mataupu tena. Tela, ne iku ake ei ke olo atu a Paulo mo Panapa mo nisi tino i Anitioka ki Ielusalema, o fesili atu ki apositolo mo toeaina e uiga ki te mataupu tenei.
3Ko uga atu nei a latou ne te Ekalesia; kae i te lotou oloatuga, ne afe atu a latou ki Foinikia mo Samalia, taku atu ei ne latou ki ei i tino o fenua fakaatea ko oti ne 'fuli atu ki te Atua, ona ko te tala tena. Ne fia'fia lasi a te kau taina i kona. 4I te lotou okoatuga ki Ielusalema, ne tali 'lei a latou ne te Ekalesia, mo apositolo, e pela foki mo toeaina. Ne taku atu ne laua ki a latou a mea e uke ne fai ne te Atua ki a laua. 5Ka ko nisi tino talitonu kola e 'kau i te kau a Falesaio, ne 'tu ake ki luga kae fai ake, “E 'tau mo latou o pilitome, kae fai atu foki ki ei ke tausi Tulafono a Mose.”
6Ne fono fakatasi apositolo mo toeaina o mafaufau kite mataupu tena. 7#Galu 10.1-43Ne tai leva eiloa te lotou finauga, tu ake ei Petelu kae fai atu, “Oku taina, e iloa ne koutou i aso mua ne filifili au ne te Atua mai i a koutou ke folafola atu ne au a te Tala 'Lei ki tino o fenua fakaatea, ko te mea ke lagona ne latou kae talitonu ki ei. 8#Galu 10.44; Galu 2.4Ka ko te Atua tela e iloa ne ia loto o tino, ne fakamaoni ne ia latou i te tukumaiga ki a latou a te Agaga Tapu, e pela eiloa mo te tukumaiga ki a tatou. 9E seki fakakesekese ne ia a tatou mo latou, kae ne faka'ma ne ia olotou loto i te fakatuanaki. 10Tela la, se a te mea ko tofotofo ei ne koutou a te Atua, i te fakaekeatuga ne koutou ki tuauma o tino talitonu a te amoga tela e se mafai ne o'tou tupuga mo tatou o amo? 11E talitonu tatou me e fakaolagina tatou i te alofa tauanoa o te Aliki ko Iesu Keliso, e pela foki eiloa mo latou.”
12A tino katoa o te Fono ne 'nofo faka'logo, kae fakalogologo mai ki a Panapa mo Paulo e tala atu ki a latou a fakailoga mo vavega, ne fai ne te Atua ki tino o fenua fakaatea e alatu i a laua. 13I te otiga ne fai'pati atu laua, ne faipati ake ei a Iakopo penei: “Oku taina, faka'logo mai! 14Ko oti ne fakamatala mai ne Simona a te fakaasiga muamua o te alofa o te Atua ki tino o fenua fakaatea, i te filifiliga o nisi tino mai i a latou ke fai katoa mo ona tino tonu. 15Ko fakamaoni ei foki a muna a pelofeta kola ne tusi mai penei:
16 #
Amo 9.11,12 ‘Au e foki atu ma oti atu a te mea nei.
Kae ka toe ati ake ne au a te fale o Tavita tela ne maofa;
Ka toe fai ne au a mea ne ma'sei i ei
Kae toe faka'tu ake.
17Ko te mea ke 'sala atu ki te Aliki a tino kola koi 'toe,
E pela foki mo fenua fakaatea katoa kola e fakaigoa ki toku igoa.
18Tena te mea ne fai mai ei a te Aliki, tela ne fai ne ia a mea katoa konei ke iloa mai aso mua eiloa.”’
19Ne fano eiloa te faipatiga a Iakopo, ana muna, “A toku manatu e se 'tau mo tatou o fakalavelave atu ki tino o fenua fakaatea kola ko 'fuli mai ki te Atua. 20#Eso 34.15-17; Levi 18.6-23; Levi 17.10-16Ka ko te mea e 'tau o fai ne tatou, ke tusi atu se tusi ki a latou ke se 'kai ki meakai kola e se 'ma, me ne meakai ne fai mo tupua; ke sa sulaitetapu; ke sa 'kai foki ki manu kola ne 'kumi a ua kae ke se 'kai foki ki toto o manu. 21Me i te Tulafono a Mose ko leva eiloa ne faitau sale i loto i fale tapuaki i Sapati takitasi; ke oko foki ki ana muna e folafola atu faeloa i fa'kai takitasi.”
Ko te Tusi ki Tino Talitonu o Fenua Fakaatea
22Fakamuli ifo, ne iku i apositolo mo toeaina fakatasi mo te Ekalesia, ke filifili ne tagata mai te kaulotu, ke uga atu ki Anitioka fakatasi mo Paulo mo Panapa. Ne filifili ne latou a Iuta tela e igoa ki a Pasapa fakatasi mo Sila, ne tagata e lasi te fakaaloalogina ne te kau taina. 23Ne ave ne laua a te tusi tenei:
“Ko 'alofa atu otou taina ko apositolo mo toeaina, ki te kau taina katoa mai fenua fakaatea kola e 'nofo i Anitioka, mo Sulia, e pela foki mo Kilikia. 24Ko oti ne lagona ne matou me isi ne tino o te motou kaulotu ne olo atu o fakalavelave ki a koutou i olotou muna, tela ne se toka ei otou mafaufau, kae ne seki fakatonu atu ne matou ke fai ne latou pena. 25Tela la, ko oti ne fai te fono a matou, ko loto tasi katoa foki matou ke filifili ne avefekau ke olo atu ki a koutou. Ka olo atu laua fakatasi mo Panapa mo Paulo ko omotou taugasoa pele. 26Ko laua kona ne ofo atu o la ola mo te galuega a te tou Aliki ko Iesu Keliso. 27Tena te mea ko uga atu ei ne matou a Iuta mo Sila, ka taku atu ne laua ki a koutou i a la muna eiloa, e pela eiloa mo mea konei i loto i te tusi nei. 28Me ko kau fakatasi matou mo te Agaga Tapu, ke sa toe fakaeke atu ki a koutou se isi amoga e fakaopoopo ki tulafono konei: 29Mo a ma 'kai koutou ki taulaga ne ofo atu mo tupua; mo a ma 'kai ki te toto; mo a ma kai ki manu ne 'kumi a ua kae se fakasali a te toto, mo a foki ma sulaitetapu koutou. Kafai e se fai ne koutou a mea kona, ka 'lei otou olaga. Ke manuia koutou!”
30Ne uga atu a avefekau ke olo ki Anitioka, ne fakapotopoto ei ne laua i kona a te potukau katoa o tino talitonu, kae tuku atu ne laua ki ei a te tusi. 31I te faitauga ne latou a te tusi, ne 'fonu latou i te fiafia ona ko muna fakamalosi i ei. 32A Iuta mo Sila ne pelofeta. Ne tai leva eiloa te la faipatiga kae fakamalosi atu a loto o te kau taina i muna e uke. 33Ne 'nofo laua i kona i ne mo aso, uga atu ei a laua mo te filemu ne te kau taina i kona, ke toe 'foki atu ki tino kola ne uga mai ne latou a laua.#15.33: I nisi lomiga e faopoopo ne latou a te foaitau e 34: Ka ko Sila ne mafaufau ke nofo a ia i kona. 34Ka ko Sila, ne iku i tena mafaufau ke nofo a ia i kona.
35Ka ko Paulo mo Panapa ne 'nofo i Anitioka i ne mo aso; ne kau fakatasi laua mo nisi tino i te akoako atu, kae lauga atu a te muna a te Aliki.
Ko Taki Olo a Paulo mo Panapa
36Mai tua ifo, ne fai atu a Paulo ki a Panapa, “Ta olo o toe asi atu ki kaulotu i fa'kai katoa kola ne folafola ne taua ki ei a te muna a te Aliki, ke kilo'kilo foki taua me pefea te tulaga o te lotou galuega.” 37Ne manako a Panapa ke olo tasi latou mo Ioane Maleko; 38#Galu 13.13kae ne manatu ake a Paulo me e sili ke se olo latou mo ia tela ne tele keatea mai i a laua i Pafulia. Ne seki nofo foki a ia ke oko ki te taimi e oti ei te lotou galuega. 39Ne fakakinau malosi laua i te mea nei, taki olo ei laua. Ne ave ne Panapa a Maleko, malaga atu ei laua ki Kupelu; 40ka ko Paulo ne filifili ne ia Sila, olo ei laua; tuku atu ei a ia ne te kau taina ki te tausiga o te alofa tauanoa o te Atua. 41Ne fanatu a ia ki Sulia mo Kilikia, fakamalosi atu ei ne ia Ekalesia i kona.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific