2 KOLINITO 5
5
1E iloa ne matou me kafai ko fakamaseigina te fale ie tela ko te foitino tenei, ko tona uiga ko tiaki te foitino faka te lalolagi manafai e 'mate tatou, kae aumai ne te Atua ne foitino fou mo fale faka te lagi kola e tumau ki te se gata mai. Ne fale ne faite ne te Atua, kae se ne faite ne tino. 2E oi omotou loto i te foitino nei ona ko te fia maua o te foitino faka te lagi. 3Kafai la e maua ka tumau eiloa i ei. 4Ka koi 'nofo matou i te fale tenei faka te lalolagi, e maua matou ne te loto 'pole; e se ko tona uiga me ma'nako matou o ave keatea te foitino faka te lalolagi, ka ko te mea e ma'nako matou ki te foitino faka te lagi ke tuku ki luga i a matou, ko te mea ke manumalo a te mea e tumau i te mea e se tumau. 5A te Atua ko ia tena ne fakatoka ne ia matou mo te suiga tenei, kae ne tuku mai ne ia tona Agaga ke fai mo fakailoga o te fakamanuiaga katoatoa a te Atua mo tatou i aso konei mai mua.
6E 'fonu faeloa matou i te loto malosi. E iloa foki ne matou me kafai e ola matou i te feitu faka te foitino, e 'mao foki eiloa matou mai te Aliki. 7A te taimi nei, a matou e ola i te olaga fakatuanaki ki mea ka oko mai, e se ona ko te mea ko oti ne 'kilo omotou mata ki ei, ka ko te mea e talitonu matou ki ei. 8E loto ma'losi faeloa matou, ka ko loto foki matou ke na tiaki ne matou te foitino faka te lalolagi, ko te mea ke na fakatasi matou mo te Aliki. 9Tela la, me ko te 'nofo o matou i te fale, io me ko te se 'nofo i ei, a te motou manatu sili ko te fakafiafia ne matou a ia. 10#Loma 14.10 E 'tau mo tatou katoa o 'tu i mua o te nofoga fakamasino o Keliso, ko te mea ke mafai ne tatou takitokotasi o maua te ikuga o mea ne fai ne tatou i te olaga nei, me ko te 'lei io me ko te masei.
Ko te Fakataugasoa mo te Atua e Alatu i a Keliso
11E iloa ne matou te uiga o te mataku ki te Aliki; tela la, e akoako malosi foki ne matou a tino ke fai pena. E iloa 'lei ne te Atua omotou loto, kae kati e iloa 'lei eiloa ne koutou au i otou loto. 12E se fai pela e tavae ifo eiloa matou ne matou ki a koutou, kae fakaasi atu ne matou a pogai e 'tau ei koutou o fakamata'mata ona ko matou, ko te mea ke mafai ne koutou o tali atu ki tino kola e fakamata'mata ki olotou foliga, kae se ko olotou loto. 13Ko taku fakavaleagina matou ne tino ona ko te Atua; kae nei ko taku'leia matou ona ko koutou. 14A matou e pule ne te alofa o Keliso mō tatou, kae nei ko iloa tonu foki ne matou takitokotasi i a Iesu ne mate mō tino katoa, tela la, ko kau fakatasi a tino katoa i tona mate. 15Ne mate mō tino katoa, ko te mea ko tino kola e ola ke se ola mō latou, kae ke ola mō ia tela ne mate kae ne toetu ake.
16Tela la, ko se toe mafai o fakamasino ne matou so se tino i feitu faka te foitino. Kafai ne fakamasino ne matou a Keliso i se aso ki manatu faka te foitino, ko se toe fai nei ne matou. 17Kafai ko ola Keliso i loto i se tino, a ia se tino fou; ko teka keatea a te tino mua; kae kiloke, ko oko mai te foitino fou ki a ia. 18A mea katoa konei ne aumai i te Atua, tela ne faka'lei ne ia tatou mo ia e alatu i a Keliso, kae ne aumai foki ne ia ki a tatou a te galuega o te faka'leiga o tino. 19A te fekau a tatou me i te Atua, ne fai ne ia a tino katoa mo ona taugasoa e alatu ia Keliso. #5.19: A te Atua ne fai ne ia a tino katoa mo ana taugasoa e auala i a Keliso; io me A te Atua ne i iloto i a Keliso tela ne fai ei ne ia a tino katoa mo ana taugasoa. Te Atua ne seki tausi ne ia te fakamauga o olotou agasala, kae ko oti ne aumai ne ia ki a tatou, se fekau tela e fakailoa mai, me ne pefea o fai ne ia latou mo ana taugasoa.
20A matou ko sui o Keliso. Ko fakaaoga foki matou ne te Atua ke faipati atu ki a koutou e alatu i a matou. Ona ko matou ko sui o Keliso, ko fakamolemole atu ei matou ki a koutou ke faka'lei koutou mo te Atua. 21E seai se agasala a Keliso, ka ko te Atua ne fai ne ia Keliso ke mate mo agasala a tatou, ko te mea ke fai te tou 'soko fakatasi mo ia, mo auala e kau fakatasi ei tatou mo ia i te amiotonu a te Atua.
Iliyochaguliwa sasa
2 KOLINITO 5: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
2 KOLINITO 5
5
1E iloa ne matou me kafai ko fakamaseigina te fale ie tela ko te foitino tenei, ko tona uiga ko tiaki te foitino faka te lalolagi manafai e 'mate tatou, kae aumai ne te Atua ne foitino fou mo fale faka te lagi kola e tumau ki te se gata mai. Ne fale ne faite ne te Atua, kae se ne faite ne tino. 2E oi omotou loto i te foitino nei ona ko te fia maua o te foitino faka te lagi. 3Kafai la e maua ka tumau eiloa i ei. 4Ka koi 'nofo matou i te fale tenei faka te lalolagi, e maua matou ne te loto 'pole; e se ko tona uiga me ma'nako matou o ave keatea te foitino faka te lalolagi, ka ko te mea e ma'nako matou ki te foitino faka te lagi ke tuku ki luga i a matou, ko te mea ke manumalo a te mea e tumau i te mea e se tumau. 5A te Atua ko ia tena ne fakatoka ne ia matou mo te suiga tenei, kae ne tuku mai ne ia tona Agaga ke fai mo fakailoga o te fakamanuiaga katoatoa a te Atua mo tatou i aso konei mai mua.
6E 'fonu faeloa matou i te loto malosi. E iloa foki ne matou me kafai e ola matou i te feitu faka te foitino, e 'mao foki eiloa matou mai te Aliki. 7A te taimi nei, a matou e ola i te olaga fakatuanaki ki mea ka oko mai, e se ona ko te mea ko oti ne 'kilo omotou mata ki ei, ka ko te mea e talitonu matou ki ei. 8E loto ma'losi faeloa matou, ka ko loto foki matou ke na tiaki ne matou te foitino faka te lalolagi, ko te mea ke na fakatasi matou mo te Aliki. 9Tela la, me ko te 'nofo o matou i te fale, io me ko te se 'nofo i ei, a te motou manatu sili ko te fakafiafia ne matou a ia. 10#Loma 14.10 E 'tau mo tatou katoa o 'tu i mua o te nofoga fakamasino o Keliso, ko te mea ke mafai ne tatou takitokotasi o maua te ikuga o mea ne fai ne tatou i te olaga nei, me ko te 'lei io me ko te masei.
Ko te Fakataugasoa mo te Atua e Alatu i a Keliso
11E iloa ne matou te uiga o te mataku ki te Aliki; tela la, e akoako malosi foki ne matou a tino ke fai pena. E iloa 'lei ne te Atua omotou loto, kae kati e iloa 'lei eiloa ne koutou au i otou loto. 12E se fai pela e tavae ifo eiloa matou ne matou ki a koutou, kae fakaasi atu ne matou a pogai e 'tau ei koutou o fakamata'mata ona ko matou, ko te mea ke mafai ne koutou o tali atu ki tino kola e fakamata'mata ki olotou foliga, kae se ko olotou loto. 13Ko taku fakavaleagina matou ne tino ona ko te Atua; kae nei ko taku'leia matou ona ko koutou. 14A matou e pule ne te alofa o Keliso mō tatou, kae nei ko iloa tonu foki ne matou takitokotasi i a Iesu ne mate mō tino katoa, tela la, ko kau fakatasi a tino katoa i tona mate. 15Ne mate mō tino katoa, ko te mea ko tino kola e ola ke se ola mō latou, kae ke ola mō ia tela ne mate kae ne toetu ake.
16Tela la, ko se toe mafai o fakamasino ne matou so se tino i feitu faka te foitino. Kafai ne fakamasino ne matou a Keliso i se aso ki manatu faka te foitino, ko se toe fai nei ne matou. 17Kafai ko ola Keliso i loto i se tino, a ia se tino fou; ko teka keatea a te tino mua; kae kiloke, ko oko mai te foitino fou ki a ia. 18A mea katoa konei ne aumai i te Atua, tela ne faka'lei ne ia tatou mo ia e alatu i a Keliso, kae ne aumai foki ne ia ki a tatou a te galuega o te faka'leiga o tino. 19A te fekau a tatou me i te Atua, ne fai ne ia a tino katoa mo ona taugasoa e alatu ia Keliso. #5.19: A te Atua ne fai ne ia a tino katoa mo ana taugasoa e auala i a Keliso; io me A te Atua ne i iloto i a Keliso tela ne fai ei ne ia a tino katoa mo ana taugasoa. Te Atua ne seki tausi ne ia te fakamauga o olotou agasala, kae ko oti ne aumai ne ia ki a tatou, se fekau tela e fakailoa mai, me ne pefea o fai ne ia latou mo ana taugasoa.
20A matou ko sui o Keliso. Ko fakaaoga foki matou ne te Atua ke faipati atu ki a koutou e alatu i a matou. Ona ko matou ko sui o Keliso, ko fakamolemole atu ei matou ki a koutou ke faka'lei koutou mo te Atua. 21E seai se agasala a Keliso, ka ko te Atua ne fai ne ia Keliso ke mate mo agasala a tatou, ko te mea ke fai te tou 'soko fakatasi mo ia, mo auala e kau fakatasi ei tatou mo ia i te amiotonu a te Atua.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific