1 KOLINITO 8
8
Ko te Fesili e Uiga ki Meakai ne Tuku atu ki Tupua
1Au e manako o tali atu ki feitu e uiga ki meakai ne tuku atu ki tupua. E tonu, e taofi koutou pela me tonu eiloa otou manatu. Ko vaega manatu pena e 'tupu mai i te fakamatamata; kae na ko te alofa ake eiloa e ati ake ne ia te tino ki te olaga 'lei. 2Ko te tino e muna mai i a ia e poto i mea faka te lalolagi; e tonu ka ko te mea e se maua ne ia te poto tonu tela ko te iloa o te Atua. 3Ko te tino tela e alofa ki te Atua, e iloa a ia ne te Atua.
4Tela la, ko te feitu e uiga ki te 'kai ki meakai ne tuku atu ki tupua: e iloa ne tatou i tupua e fakatiga fua ki mea se tonu; kae e iloa foki ne tatou me i te iai o te Atua e tokotasi, e tonu eiloa te talitonuga tena. 5Kafai e isi ne mea e taku ko “atua”, i te lagi me i te lalolagi, kae kafai e tonu me tokouke “atua” mo “aliki” penei, 6kae tokotasi eiloa a te Atua mo tatou. A te Atua ko te tou Tamana, tela ko te mafuaga o mea katoa, tela e ola ei tatou mō ia. E tokotasi eiloa a te Aliki, ko Iesu Keliso, tela ne faite ei a mea katoa e alatu i a ia, kae ola foki tatou i a ia.
7Kae se ko tino katoa e iloa ne latou a te mea tonu tenei. E isi ne Kelisiano e talitonu me i tupua ne mea tonu, tela la; kafai e 'kai ki meakai ne tuku atu ki tupua, ko manatu ei pela me ka malaia latou i ei. A te pogai ne ala ei o mafaufau pena latou ona ko te vaivai o te lotou fakatuanaki. 8A meakai, e se fai ne ia tatou ke pili ki te Atua; e seai foki se mea e malaia ei tatou manafai e se 'kai ki ei, io me manuia ei tatou manafai e 'kai ki ei.
9Ke fakaeteete koutou, ke mo a manafai te otou saolotoga o 'kai ki so se meakai, mo mea e 'taki atu ei latou kola e vaivai i te fakatuanaki ke pa'ku atu ki te agasala. 10I te mea, kafai ko te tino e vaivai a tona mafaufau i feitu penei, kae e matea ne ia koe tela e iloa te mea tonu e uiga ki tupua, e kai i te fale tapu o tupua; e a, e se fakamalosi ne tau mea tena ne fai a te taina kelisiano vaivai, ke kai ki meakai ne tuku atu ki tupua? 11Tela la, a te tino vaivai tenei, se taina foki o koe, me ne mate foki a Keliso mō ia, kae ka malaia a ia ona ko tau mea ne fai. 12Ona ko faiga penei ko agasala ei koutou ki a Keliso, i te fakaagasala ne koutou otou taina kae faka'mae foki ne koutou olotou mafaufau vaivai. 13Kafai ko meakai ko te pogai e agasala i ei toku taina, ka se toe kai eiloa au ki so se meakai tela e fakataputapu, me mana agasala ei toku taina ona ko au.
Iliyochaguliwa sasa
1 KOLINITO 8: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific