1 KOLINITO 7
7
Ko Fesili e Uiga ki te Fakaipoipoga
1Nei, ko tali atu au ki mea kola ne tusi mai ei koutou. E sili i te 'lei manafai e se avaga se tagata. 2Kae ona ko te uke o te fina lalolagi, tela la, ko 'tau ei i tagata takitokotasi ke fai ne olotou avaga, e pela foki mo fafine. 3A te tagata avaga e 'tau mo ia o fakafiafia ki tena avaga, e pela foki mo te fafine ki tena avaga, ka ke fakatau fesoasoani foki o fakama'lie laua takitokotasi i o la manako. 4A te fafine avaga e se pule i tona foitino, ka ko te avaga fua; e pela foki mo te tagata avaga e se pule i tona foitino, ka ko te avaga fua. 5Sa 'teke te manako o te sua tino ne te sua tino, seiloga eiloa ko malie koulua ke se fai mō se vaitaimi, ko te mea ke fakaaoga olua taimi kona mō 'talo; ka oti ake la, ko fai ei alua faiga fakatau avaga, ko te mea ke se fai te olua se mafai o kufaki mo mea e tuku atu ei koulua ki te fakaosoosoga a Satani.
6E se fakatonu atu au ke a'vaga koutou. E mafai o a'vaga koutou ma'nafai e manako koutou ki ei. 7Aku muna eiloa ke se avaga a tino e penei mo au, ka ko tofu tino katoa mo tena meaalofa mai te Atua; ko te sua tino ko te meaalofa ko te se avaga, ka ko te sua tino ko te avaga.
8Au e fai atu ki a koutou tino 'taka pela foki mo fafine ko 'mate olotou avaga, me sili manafai ke 'nofo taka eiloa koutou penei mo au. 9Kae kafai la e se maua ne koutou o taofiofi otou manako, e tau o avaga koutou, me sili atu eiloa a te avaga i lo i te tō atu ki te masei ona ko te lasi o te fina lalolagi.
10 #
Mata 5.32; 19.9; Male 10.11,12; Luka 16.18 Ki tino avaga, e isi saku fakatonuga mō koutou, e se e a aku, kae e a te Aliki. A te fafine avaga, e se 'tau mo ia o tiakina tena avaga. 11Kafai la e tiakina ne te fafine tena avaga, e 'tau mo ia o se toe avaga, io me toe fakalei a ia mo tena avaga. E pena foki te tagata, e se 'tau mo ia o tiaki tena avaga.
12Ki nisi tino, e penei aku muna e fai atu ki a koutou: kafai se tagata kelisiano e avaga ki se fafine se kelisiano, ka ko loto malie foki eiloa a ia o 'nofo tasi mo te tagata tena, e 'tau la mo te tagata tena o se tiaki tena avaga. Masaua, i te fakatonuga tena ko fai atu ne au, me e a aku ake eiloa, kae e se e a te Aliki. 13Kafai se fafine kelisiano e avaga ki se tagata se kelisiano, ka ko loto malie foki eiloa a ia o 'nofo tasi mo te fafine, e 'tau la mo te fafine tena o se tiaki tena avaga. 14Me i te tagata se kelisiano, e talia ne te Atua ona ko tena avaga. E pena foki a te fafine se kelisiano, e talia ne te Atua ona ko te la fakatasi mo te kelisiano. Kafai e se pena, ko tona uiga a la fanau ka taku ne fanau a tino pouliuli; kae nei ko talia tamaliki ne te Atua. 15Kafai ko te tino se kelisiano ko manako o tiaki tena avaga kelisiano, e 'tau eiloa o fai pena. Kafai e tupu te mea nei, ko saoloto ei a te tino kelisiano, se tagata io me se fafine o filifili me e 'tau o mavae io me 'nofo tasi laua. A te mea taua ke ola koutou i te olaga filemu. 16E mafai pefea o fakatalitonu ne koe, te avaga fafine kelisiano, me ka se mafai ne koe o fakaola#7.16: E mafai pefea ne koe o fakapatonu … me i a koe ka se fakaolagina; io me E iloa pefea ne koe … me ia koe ka fakaolagina.a tau avaga tagata? Io, me mafai pefea o fakatalitonu ne koe te avaga tagata Kelisiano, me ka se mafai ne koe o fakaola#7.16: E fakamautinoa pefea ne koe … me i a koe ka se fakaolagina; io me E iloa pefea ne koe … me i a koe ko fakaolagina.tau avaga fafine?
Ko Akoakoga mō te Olaga Kelisiano
17E 'tau mo tino katoa o ola i se tulaga o te olaga tela ko nofo a ia i ei, i te taimi ne kalagagina ei a ia ne te Atua. Tenei te tulafono tela e akoako ne au ki Ekalesia katoa. 18Kafai ko te tino ne pilitome ko oti ne talia ke fai a ia mo Kelisiano, ke se taumafai a ia o 'tina keatea a fakailoga o te pilitome. Kae kafai ko te tino e seki pilitome ko oti ne talia ne ia ke fai a ia mo Kelisiano, e 'tau mo ia o se pilitome. 19Me ko te pilitome me ko te se pilitome, e seai eiloa se uiga o mea kona. A te mea taua ko te fakalogo ki fakatonuga a te Atua. 20A tino katoa, e 'tau o tumau faeloa latou i tulaga kola ne talia ei ne latou ke fai latou mo Kelisiano. 21Se pologa koe i te taimi ne kalagagina ei koe ke fai mo Kelisiano? Ia, e se afaina te feitu tena, kae kafai e maua sou avanoa e fai ei koe mo tino saoloto, fakaaoga te avanoa tena. 22Me i te pologa tela ko fai mo Kelisiano, ko fakasaoloto a ia ne te Aliki mai te agasala, e pena foki a te tino saoloto tela ko fai mo Kelisiano, se tavini a Keliso. 23A te Atua ne fakasaoloto ne ia koutou ki te mate o Iesu; tela la, ke se fai koutou mo pologa ki mea faka te lalolagi. 24Taina, ke tumau tatou takitokotasi i te mafutaga mo te Atua i so se vaega o tulaga o te olaga e 'nofo i ei tatou takitokotasi i te taimi nei.
Ko Fesili e Uiga ki Tino 'Taka mo Fafine ko 'Mate Olotou Avaga
25Ia, ko te feitu e uiga ki a latou kola e seki a'vaga eiloa: seai se fakatonuga ne maua ne au mai i te Aliki mo te mea tena, ka ko avatu ne au oku mafaufauga, i te mea i a au se tino ko fakatuagagina i te alofa 'nau o te Aliki o fai saku tali 'lei ki ei.
26I te mafaufau atu ki te mea tenei e tupu i te taimi nei, i toku taofi kati e 'tau mo te tagata ke se avaga. 27Ka ko koe e te tagata kelisiano, kafai e isi sau avaga sa taumafai o tiakina. Kafai koe e seki avaga eiloa, sa taumafai la o salasala sau avaga. 28Kafai ko avaga koe, e se agasala koe; kafai foki a te fafine taka ko avaga, e se agasala foki a ia. Ko latou kola e fia a'vaga, ka maua ne latou a fakalavelave faka te lalolagi, kae fia fakasao fua ne au a koutou mai feitu kona.
29Taina, tenei te uiga o te mea e faipati au ki ei: ko se leva nei aso, kae mai te taimi nei o fano ki mua, a tagata a'vaga e tau o se mafaufau māfa ki feitu o te atiakega o te kaiga. 30Kafai e 'pole tou loto ki ei, ke mo a e to 'pole malosi koe ki ei. Kafai e fakafiafia koe ki tou olaga, ke mo a mana fakafiafia malosi. Kafai e 'togi ne au mea ke mo a e sona 'togi ke uke. 31Kafai e 'togi mai ne au mea kae toe 'togi atu ne koe ki nisi tino, ke mo a e to fano ki ei tou mafaufau mo tou malosi. Me i te tulaga o te lalolagi e iai nei, ka se leva ko palele atu ei.
32Au e manako ke saoloto koe mai te loto 'pole. A te tagata taka e fiafia faeloa ki galuega tau te Aliki, i te mea e taumafai a ia o fakafiafia te Aliki; 33ka ko te tagata avaga, e 'pole ki feitu o te atiakega o te kaiga, i te mea e manako o fakafiafia tena avaga, 34ka ko vaeluagina foki a tona loto. A te fafine tela e se fia avaga, e fiafia faeloa ki galuega a te Aliki, i te mea e manako o fakatapu a tona olaga i te feitu faka te foitino mō feitu faka te Agaga, ka ko te fafine avaga e mafaufau 'mafa faeloa ki feitu o te atiakega o te kaiga, i te mea e manako a ia o fakafiafia tena avaga.
35Au e faipati atu penei i te mea au e manako o fesoasoani atu ki a koutou. Au e se taumafai o fai ne fakataputapuga mo koutou. Au e loto ke fai ne koutou te mea tonu kae 'lei, ko te mea ke tuku katoatoa koutou ki te galuega a te Aliki.
36Kafai se tino ko iloa ne ia me se 'lei ana amioga e fai ki tena famau, kae kafai ko malosi ki eiloa ona manako fina lalolagi, me se lagona eiloa o te foitino; tela la, e 'tau o avaga laua, ke mo a e maua ne fakalavelave. 37Kafai se tino ko tonu katoatoa mo tona loto ke se avaga a ia, se mea 'lei tena. 38Tela la, ko te tino e avaga ki tena famau se mea 'lei eiloa; kae kafai e se avaga ki ei, ko fai ne ia te mea tafasili i te 'lei mō ia.
39A te fafine avaga e ligina i aso katoa e ola ei tena avaga. Kafai la ko mate a te tagata, ko saoloto ei a te fafine o toe avaga ki te tagata e loto ki ei, kae 'tau eiloa se tagata kelisiano. 40Konei oku manatu ki feitu kona ne tusi mai ei koutou, kae talitonu au me konei foki a manatu o te Aliki ki mea kona.
Iliyochaguliwa sasa
1 KOLINITO 7: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
1 KOLINITO 7
7
Ko Fesili e Uiga ki te Fakaipoipoga
1Nei, ko tali atu au ki mea kola ne tusi mai ei koutou. E sili i te 'lei manafai e se avaga se tagata. 2Kae ona ko te uke o te fina lalolagi, tela la, ko 'tau ei i tagata takitokotasi ke fai ne olotou avaga, e pela foki mo fafine. 3A te tagata avaga e 'tau mo ia o fakafiafia ki tena avaga, e pela foki mo te fafine ki tena avaga, ka ke fakatau fesoasoani foki o fakama'lie laua takitokotasi i o la manako. 4A te fafine avaga e se pule i tona foitino, ka ko te avaga fua; e pela foki mo te tagata avaga e se pule i tona foitino, ka ko te avaga fua. 5Sa 'teke te manako o te sua tino ne te sua tino, seiloga eiloa ko malie koulua ke se fai mō se vaitaimi, ko te mea ke fakaaoga olua taimi kona mō 'talo; ka oti ake la, ko fai ei alua faiga fakatau avaga, ko te mea ke se fai te olua se mafai o kufaki mo mea e tuku atu ei koulua ki te fakaosoosoga a Satani.
6E se fakatonu atu au ke a'vaga koutou. E mafai o a'vaga koutou ma'nafai e manako koutou ki ei. 7Aku muna eiloa ke se avaga a tino e penei mo au, ka ko tofu tino katoa mo tena meaalofa mai te Atua; ko te sua tino ko te meaalofa ko te se avaga, ka ko te sua tino ko te avaga.
8Au e fai atu ki a koutou tino 'taka pela foki mo fafine ko 'mate olotou avaga, me sili manafai ke 'nofo taka eiloa koutou penei mo au. 9Kae kafai la e se maua ne koutou o taofiofi otou manako, e tau o avaga koutou, me sili atu eiloa a te avaga i lo i te tō atu ki te masei ona ko te lasi o te fina lalolagi.
10 #
Mata 5.32; 19.9; Male 10.11,12; Luka 16.18 Ki tino avaga, e isi saku fakatonuga mō koutou, e se e a aku, kae e a te Aliki. A te fafine avaga, e se 'tau mo ia o tiakina tena avaga. 11Kafai la e tiakina ne te fafine tena avaga, e 'tau mo ia o se toe avaga, io me toe fakalei a ia mo tena avaga. E pena foki te tagata, e se 'tau mo ia o tiaki tena avaga.
12Ki nisi tino, e penei aku muna e fai atu ki a koutou: kafai se tagata kelisiano e avaga ki se fafine se kelisiano, ka ko loto malie foki eiloa a ia o 'nofo tasi mo te tagata tena, e 'tau la mo te tagata tena o se tiaki tena avaga. Masaua, i te fakatonuga tena ko fai atu ne au, me e a aku ake eiloa, kae e se e a te Aliki. 13Kafai se fafine kelisiano e avaga ki se tagata se kelisiano, ka ko loto malie foki eiloa a ia o 'nofo tasi mo te fafine, e 'tau la mo te fafine tena o se tiaki tena avaga. 14Me i te tagata se kelisiano, e talia ne te Atua ona ko tena avaga. E pena foki a te fafine se kelisiano, e talia ne te Atua ona ko te la fakatasi mo te kelisiano. Kafai e se pena, ko tona uiga a la fanau ka taku ne fanau a tino pouliuli; kae nei ko talia tamaliki ne te Atua. 15Kafai ko te tino se kelisiano ko manako o tiaki tena avaga kelisiano, e 'tau eiloa o fai pena. Kafai e tupu te mea nei, ko saoloto ei a te tino kelisiano, se tagata io me se fafine o filifili me e 'tau o mavae io me 'nofo tasi laua. A te mea taua ke ola koutou i te olaga filemu. 16E mafai pefea o fakatalitonu ne koe, te avaga fafine kelisiano, me ka se mafai ne koe o fakaola#7.16: E mafai pefea ne koe o fakapatonu … me i a koe ka se fakaolagina; io me E iloa pefea ne koe … me ia koe ka fakaolagina.a tau avaga tagata? Io, me mafai pefea o fakatalitonu ne koe te avaga tagata Kelisiano, me ka se mafai ne koe o fakaola#7.16: E fakamautinoa pefea ne koe … me i a koe ka se fakaolagina; io me E iloa pefea ne koe … me i a koe ko fakaolagina.tau avaga fafine?
Ko Akoakoga mō te Olaga Kelisiano
17E 'tau mo tino katoa o ola i se tulaga o te olaga tela ko nofo a ia i ei, i te taimi ne kalagagina ei a ia ne te Atua. Tenei te tulafono tela e akoako ne au ki Ekalesia katoa. 18Kafai ko te tino ne pilitome ko oti ne talia ke fai a ia mo Kelisiano, ke se taumafai a ia o 'tina keatea a fakailoga o te pilitome. Kae kafai ko te tino e seki pilitome ko oti ne talia ne ia ke fai a ia mo Kelisiano, e 'tau mo ia o se pilitome. 19Me ko te pilitome me ko te se pilitome, e seai eiloa se uiga o mea kona. A te mea taua ko te fakalogo ki fakatonuga a te Atua. 20A tino katoa, e 'tau o tumau faeloa latou i tulaga kola ne talia ei ne latou ke fai latou mo Kelisiano. 21Se pologa koe i te taimi ne kalagagina ei koe ke fai mo Kelisiano? Ia, e se afaina te feitu tena, kae kafai e maua sou avanoa e fai ei koe mo tino saoloto, fakaaoga te avanoa tena. 22Me i te pologa tela ko fai mo Kelisiano, ko fakasaoloto a ia ne te Aliki mai te agasala, e pena foki a te tino saoloto tela ko fai mo Kelisiano, se tavini a Keliso. 23A te Atua ne fakasaoloto ne ia koutou ki te mate o Iesu; tela la, ke se fai koutou mo pologa ki mea faka te lalolagi. 24Taina, ke tumau tatou takitokotasi i te mafutaga mo te Atua i so se vaega o tulaga o te olaga e 'nofo i ei tatou takitokotasi i te taimi nei.
Ko Fesili e Uiga ki Tino 'Taka mo Fafine ko 'Mate Olotou Avaga
25Ia, ko te feitu e uiga ki a latou kola e seki a'vaga eiloa: seai se fakatonuga ne maua ne au mai i te Aliki mo te mea tena, ka ko avatu ne au oku mafaufauga, i te mea i a au se tino ko fakatuagagina i te alofa 'nau o te Aliki o fai saku tali 'lei ki ei.
26I te mafaufau atu ki te mea tenei e tupu i te taimi nei, i toku taofi kati e 'tau mo te tagata ke se avaga. 27Ka ko koe e te tagata kelisiano, kafai e isi sau avaga sa taumafai o tiakina. Kafai koe e seki avaga eiloa, sa taumafai la o salasala sau avaga. 28Kafai ko avaga koe, e se agasala koe; kafai foki a te fafine taka ko avaga, e se agasala foki a ia. Ko latou kola e fia a'vaga, ka maua ne latou a fakalavelave faka te lalolagi, kae fia fakasao fua ne au a koutou mai feitu kona.
29Taina, tenei te uiga o te mea e faipati au ki ei: ko se leva nei aso, kae mai te taimi nei o fano ki mua, a tagata a'vaga e tau o se mafaufau māfa ki feitu o te atiakega o te kaiga. 30Kafai e 'pole tou loto ki ei, ke mo a e to 'pole malosi koe ki ei. Kafai e fakafiafia koe ki tou olaga, ke mo a mana fakafiafia malosi. Kafai e 'togi ne au mea ke mo a e sona 'togi ke uke. 31Kafai e 'togi mai ne au mea kae toe 'togi atu ne koe ki nisi tino, ke mo a e to fano ki ei tou mafaufau mo tou malosi. Me i te tulaga o te lalolagi e iai nei, ka se leva ko palele atu ei.
32Au e manako ke saoloto koe mai te loto 'pole. A te tagata taka e fiafia faeloa ki galuega tau te Aliki, i te mea e taumafai a ia o fakafiafia te Aliki; 33ka ko te tagata avaga, e 'pole ki feitu o te atiakega o te kaiga, i te mea e manako o fakafiafia tena avaga, 34ka ko vaeluagina foki a tona loto. A te fafine tela e se fia avaga, e fiafia faeloa ki galuega a te Aliki, i te mea e manako o fakatapu a tona olaga i te feitu faka te foitino mō feitu faka te Agaga, ka ko te fafine avaga e mafaufau 'mafa faeloa ki feitu o te atiakega o te kaiga, i te mea e manako a ia o fakafiafia tena avaga.
35Au e faipati atu penei i te mea au e manako o fesoasoani atu ki a koutou. Au e se taumafai o fai ne fakataputapuga mo koutou. Au e loto ke fai ne koutou te mea tonu kae 'lei, ko te mea ke tuku katoatoa koutou ki te galuega a te Aliki.
36Kafai se tino ko iloa ne ia me se 'lei ana amioga e fai ki tena famau, kae kafai ko malosi ki eiloa ona manako fina lalolagi, me se lagona eiloa o te foitino; tela la, e 'tau o avaga laua, ke mo a e maua ne fakalavelave. 37Kafai se tino ko tonu katoatoa mo tona loto ke se avaga a ia, se mea 'lei tena. 38Tela la, ko te tino e avaga ki tena famau se mea 'lei eiloa; kae kafai e se avaga ki ei, ko fai ne ia te mea tafasili i te 'lei mō ia.
39A te fafine avaga e ligina i aso katoa e ola ei tena avaga. Kafai la ko mate a te tagata, ko saoloto ei a te fafine o toe avaga ki te tagata e loto ki ei, kae 'tau eiloa se tagata kelisiano. 40Konei oku manatu ki feitu kona ne tusi mai ei koutou, kae talitonu au me konei foki a manatu o te Aliki ki mea kona.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific