1 KOLINITO 2
2
Ko te Folafolaga ki te Keliso ne Fakasataulo
1I taku fanatuga ki a koutou, e oku taugasoa, o folafola atu mea funa kae 'tonu a te Atua,#2.1: Te mea 'funa mo te tonu a te Atua; i nisi lomiga e isi i ei te molimau e uiga ki te Atua. ne seki fakaoga ne au a muna 'loto mo akoakoga ma'luga. 2I te mea ne manatu au ke fakapuli mea katoa i te taimi koi 'nofo tatou, vagana fua ko Iesu Keliso, mo tona mate i luga i te sataulo. 3#Galu 18.9Tela la, i taku fanatuga ki a koutou, ko oko eiloa i toku vaivai mo te polepole i te mataku, 4ka ko aku muna mo taku folafolaga ne seki fakatoka atu i muna 'gali o te poto faka te tagata, kae ne fai i te fakaasiga 'mana a te Agaga o te Atua. 5Tela la, a te otou fakatuanaki e se fakavae i luga o te poto o tino, kae i te mana o te Atua.
Ko te Poto o te Atua
6Au e faipati ki te poto ki a latou kola ko ma'tua i te olaga faka te Agaga. Kae se se poto faka te lalolagi, io me se poto o tino kola e pule ne latou te lalolagi nei, ko latou kona ko pili o palele te lotou pule. 7A te poto tela e faipati au ki ei, ko te poto 'funa o te Atua, tela e 'funa mai tino, ka ko leva ne fakatoka ne te Atua mō te tou manuia ka koi tuai o faite te lalolagi. 8E seai ne takitaki o te lalolagi nei ne iloa ne latou a te poto tenei. Moi fai ne iloa ne latou, penei e se fakasataulo ne latou a te Aliki 'malu. 9#Isa 64.4E pela mo muna a te Tusi,
“Ko te mea ne seki matea io me ne seki lagona ne se tino,
Ko te mea ne mafaufaugina ne se tino me se mafai o tupu,
Ko te mea tonu eiloa tena ne fuafuagina ne te Atua mō latou kola e a'lofa ki a ia.”
10Ka ko tatou tonu eiloa ne fakaasi ki ei ne te Atua, ke iloa ne tatou ana mea 'funa e alatu i tena Agaga. A te Agaga e fakaasi ne ia a mea katoa, e oko foki eiloa ki fuafuaga 'loto a te Atua. 11E pela mo te tino, ko tena agaga eiloa e iloa ei me ne a mea i tena 'kano loto. Ia, e pena foki la te Atua, ko te Agaga eiloa o te Atua tela e iloa ne ia a mea katoa e uiga ki te Atua. 12Kae nei, e seki maua ne matou a te agaga o te lalolagi tenei; kae ne maua ne matou a te Agaga ne aumai ne te Atua, ko te mea ke iloa ne matou a mea katoa ne tuku mai ne te Atua ki a matou.
13Tela la, a matou e se fai'pati atu ki muna ne akoako mai ki te poto o tino, kae ki muna ne akoako mai ne te Agaga, i te taimi e fakamatala ei ne matou a mea tonu faka te Agaga ki a latou kola ko maua ne latou te Agaga.#2.13: kia latou kola ko iai i a latou te Agaga; io me mo muna kola ne tuku mai ne te Agaga. 14Ka ko te tino tela e se maua ne ia te Agaga, e se maua foki ne ia a meaalofa mai te Agaga o te Atua. E se mafai eiloa o iloa tonu ne ia, me ne mea valea fua ki a ia, i te mea e fakamasinogina fua te lotou aoga i feitu faka te Agaga. 15A te tino tela ei i a ia a te Agaga o te Atua, e mafai ne ia o fakamasino a te tāua o mea katoa, kae seai eiloa se tino e mafai o fakamasino a ia. 16#Isa 40.13E pela mo muna a te Tusi,
“Ko oi e iloa ne ia a te mafaufau o te Aliki?
Ko oi e mafai ne ia o fakatonu a ia?”
E seai, ka ko tatou fua kola ko maua ne tatou a te mafaufau o Keliso.
Iliyochaguliwa sasa
1 KOLINITO 2: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific
1 KOLINITO 2
2
Ko te Folafolaga ki te Keliso ne Fakasataulo
1I taku fanatuga ki a koutou, e oku taugasoa, o folafola atu mea funa kae 'tonu a te Atua,#2.1: Te mea 'funa mo te tonu a te Atua; i nisi lomiga e isi i ei te molimau e uiga ki te Atua. ne seki fakaoga ne au a muna 'loto mo akoakoga ma'luga. 2I te mea ne manatu au ke fakapuli mea katoa i te taimi koi 'nofo tatou, vagana fua ko Iesu Keliso, mo tona mate i luga i te sataulo. 3#Galu 18.9Tela la, i taku fanatuga ki a koutou, ko oko eiloa i toku vaivai mo te polepole i te mataku, 4ka ko aku muna mo taku folafolaga ne seki fakatoka atu i muna 'gali o te poto faka te tagata, kae ne fai i te fakaasiga 'mana a te Agaga o te Atua. 5Tela la, a te otou fakatuanaki e se fakavae i luga o te poto o tino, kae i te mana o te Atua.
Ko te Poto o te Atua
6Au e faipati ki te poto ki a latou kola ko ma'tua i te olaga faka te Agaga. Kae se se poto faka te lalolagi, io me se poto o tino kola e pule ne latou te lalolagi nei, ko latou kona ko pili o palele te lotou pule. 7A te poto tela e faipati au ki ei, ko te poto 'funa o te Atua, tela e 'funa mai tino, ka ko leva ne fakatoka ne te Atua mō te tou manuia ka koi tuai o faite te lalolagi. 8E seai ne takitaki o te lalolagi nei ne iloa ne latou a te poto tenei. Moi fai ne iloa ne latou, penei e se fakasataulo ne latou a te Aliki 'malu. 9#Isa 64.4E pela mo muna a te Tusi,
“Ko te mea ne seki matea io me ne seki lagona ne se tino,
Ko te mea ne mafaufaugina ne se tino me se mafai o tupu,
Ko te mea tonu eiloa tena ne fuafuagina ne te Atua mō latou kola e a'lofa ki a ia.”
10Ka ko tatou tonu eiloa ne fakaasi ki ei ne te Atua, ke iloa ne tatou ana mea 'funa e alatu i tena Agaga. A te Agaga e fakaasi ne ia a mea katoa, e oko foki eiloa ki fuafuaga 'loto a te Atua. 11E pela mo te tino, ko tena agaga eiloa e iloa ei me ne a mea i tena 'kano loto. Ia, e pena foki la te Atua, ko te Agaga eiloa o te Atua tela e iloa ne ia a mea katoa e uiga ki te Atua. 12Kae nei, e seki maua ne matou a te agaga o te lalolagi tenei; kae ne maua ne matou a te Agaga ne aumai ne te Atua, ko te mea ke iloa ne matou a mea katoa ne tuku mai ne te Atua ki a matou.
13Tela la, a matou e se fai'pati atu ki muna ne akoako mai ki te poto o tino, kae ki muna ne akoako mai ne te Agaga, i te taimi e fakamatala ei ne matou a mea tonu faka te Agaga ki a latou kola ko maua ne latou te Agaga.#2.13: kia latou kola ko iai i a latou te Agaga; io me mo muna kola ne tuku mai ne te Agaga. 14Ka ko te tino tela e se maua ne ia te Agaga, e se maua foki ne ia a meaalofa mai te Agaga o te Atua. E se mafai eiloa o iloa tonu ne ia, me ne mea valea fua ki a ia, i te mea e fakamasinogina fua te lotou aoga i feitu faka te Agaga. 15A te tino tela ei i a ia a te Agaga o te Atua, e mafai ne ia o fakamasino a te tāua o mea katoa, kae seai eiloa se tino e mafai o fakamasino a ia. 16#Isa 40.13E pela mo muna a te Tusi,
“Ko oi e iloa ne ia a te mafaufau o te Aliki?
Ko oi e mafai ne ia o fakatonu a ia?”
E seai, ka ko tatou fua kola ko maua ne tatou a te mafaufau o Keliso.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific