1 KOLINITO 15
15
Ko te Toetu o Keliso
1Taina, au e manako o fakamasaua atu ki a koutou e uiga mo te Tala 'Lei tela ne folafola atu ne au ki a koutou, tela ne talia ne koutou kae tenei foki e tumau koutou i ei i te fakatuanaki. 2Ko te tala 'lei tena, tenei e folafola atu ne au, kae e ola koutou i ei, manafai e puke mau ne koutou, seiloga la ko se talitonu koutou ki ei.
3 #
Isa 53.5-12
Ko tuku atu ne au ki a koutou a te mea e tafa sili i te taua ne maua ne au, i a Keliso ne mate mo otou agasala, e pela eiloa mo muna a te Tusi. 4#Sala 16.8-10; Mata 12.40; Galu 2.24-32Ne tanu kae ne toetu mai te mate i te tolu o aso, e pela eiloa mo muna a te Tusi. 5#Luka 24.34; Mata 28.16,17; Male 16.14; Luka 24.36; Ioa 20.19Ne fakaasi atu ki a Petelu e pela foki ki te tinoagafulu mo te tokolua. 6Ne toe fakaasi atu foki ki nisi taina e silia atu i te limaselau i te taimi e tasi. A te tokoukega o latou koi ola, kae isi foki ko 'mate. 7Ne fakaasi atu ki a Iakopo, e pela foki mo apositolo katoa.
8 #
Galu 9.3-6
Kae ne fakaasi fakamuli mai eiloa ki a au, toe itiiti eiloa kae talimuli taku 'fuliga ki te ola fou mō te galuega tenei.#15.8: kae ko tena fanau mai e se katoatoa; io me ko oi ne fanau mai i te taimi se. 9#Galu 8.3Au ko te toe apositolo fakamuli kae fatauva, kae se 'tau foki o fakaigoa ki se apositolo, i te mea i a au ne fakasaua ki te Ekalesia a te Atua. 10Kae ona ko te alofa tauanoa o te Atua, ko fai ei au nei mo apositolo, ka ko tona alofa ki a au e tumau eiloa tona aoga. Ne galue malosi atu au i lo so se apositolo, kae se pogai mai i a au, kae ne pogai mai i te alofa tauanoa o te Atua tela e i loto i a au. 11Tela la, me ne vau mai i a au io me mai i a latou, tenei eiloa a te mea e tasi e folafola atu ne matou, ko te mea tena e talitonu koutou ki ei.
Ko te Toe'tu o Tatou
12Nei, kafai ne folafolagina Keliso me ne toetu mai tino 'mate, e pefea la o fai mai a nisi o koutou me seai se toetu o tino 'mate? 13Kafai e seai se toetu o tino 'mate, ko tena uiga e seki toetu a Keliso. 14Kafai foki e seki toetu eiloa a Keliso, ko tena uiga ko seai se tala 'lei e folafola atu ne matou, ko seai foki se tala 'lei e talitonu koutou ki ei. 15Kafai la e tena te manatu o nisi tino, ko tona uiga a matou ne apositolo 'loi, i te mea ko folafola atu ne matou i te Atua ne fakatu ne ia Keliso mai te mate. E se tonu a te manatu tena me seai se toetu, me i tino 'mate e toe'tu katoa. 16Me kafai ne seki toe'tu a tino 'mate, ko tena uiga e seki toetu foki a Keliso. 17Kafai Keliso e seki toetu ake mai tino 'mate, ko se aoga te otou fakatuanaki, kae koi tumau foki eiloa koutou i otou agasala. 18Tela la, ko vaega Kelisiano pena kola ko 'mate i a Keliso e se toe fakaolagina latou, e pela mo te otou manatu. 19Kafai ko te tou talitonu ki a Keliso se mea fua tau te olaga nei, kae se se mea tau te ola se gata mai, ko tona uiga ko tatou ko tino e pito sili i te fakaa'lofa i te lalolagi nei.
20Ka ko te tonuga eiloa, a Keliso ne toetu ake mai te mate, ko te fua muamua eiloa o tino 'mate. 21Me ne oko mai a te mate i te tino e tokotasi ko Atamu, ne oko mai foki a te toetu i te tino e tokotasi ko Keliso. 22Ne 'mate katoa tino i te agasala a Atamu; tela la, ka fakaolagina tino katoa i a Keliso. 23Ka ko tino katoa e fakatu ake mai te mate i te taimi tonu. Ko Keliso ko te fua muamua, kae fakamuli ifo, ko latou kola ko fai mō ia i tona toe foki mai. 24Tela la, ka oko mai te fakaotiga; ka fakatakavale ne Keliso a pule katoa fakatemoni, kae tuku atu a te Malo o te Atua ki te Atua te Tamana. 25#Sala 110.1Me e 'tau eiloa o pule a Keliso ke oko ki te taimi ko oti ne tuku ne te Atua a fili o Keliso mai lalo i ona vae. 26A te toe fili e 'tau o fakatakavale, ko te mate. 27#Sala 8.6Muna a te Tusi, “A te Atua ko oti ne tuku katoa ne ia a mea katoa mai lalo i ona vae.” Kae kafai e fai mai a ia, “Ke tuku a mea katoa mai lalo i ona vae,” ko iloa tonu ei me i a ia tela ne tuku ne ia mea katoa i lalo o Keliso, e se aofia i ei. 28Kafai ko palele ne tuku mea katoa mai lalo i a ia, tela la, ka nofo foki mai lalo a te Tama i a ia tela ne tuku ne ia mea katoa mai lalo i a ia, ko pule te Atua i mea katoa.
29Kae kafai e se pena, kae ne a manatu o tino e uiga ki te papatisogina o latou e sui ei a tino kola ne 'mate? Kafai e toe'tu a tino 'mate, e seai se mea e 'tau ei o papatisogina se tino e sui ei te tino tela ko mate. 30Ai a e fakapuapuagatia ei au i taimi katoa? 31Oku taina, e fetaui faeloa au mo te mate i aso katoa. A toku fiafia e maua mai i a koutou ona ko te tou olaga i a Keliso Iesu te tou Aliki, e fai ne ia ke folafola atu ne au te mea nei. 32#Isa 22.13Kafai pela me tonu me ne taua au mo “manu fekai” i konei i Efeso, ona ko manatu faka te tagata, ia, se a la te aoga o fakalavelave ne sao ei au manafai e seai se toetu? Kafai e se toe'tu a tino 'mate, “Ke na 'kai kae inu tatou, me taeao ko 'mate tatou.”
33Ke se fakaloiloigina koutou: “A taugasoa ma'sei e fakamasei ne latou te amio 'lei.” 34Toe 'foki ki otou mafaufauga 'lei, kae sa toe agasala. Ko fai atu au penei ke tae'ma ei koutou, i te mea e se iloa ne nisi o koutou a te Atua.
Ko te Toetu o te Foitino
35Kae ka fesili mai se tino penei, “Ka fakatuake pefea a tino 'mate? Se vaega foitino pefea ka maua ne latou?” 36Se fesili valea tena! A te fuaga e toki ne koe i te laukele, e se mafai o ola seiloga ko pala. 37Ka ko te fuaga e toki ne koe i te laukele, e kese 'mao mai ona foliga mai te lakau ne tupu mai i te fuaga ne toki ne koe. A mea e toki ne koutou i te laukele, ne tama fuaga, e pela mo se fuaga saito io me se lakau ake fakaatea. A fuaga kona e matua kese 'mao mai lakau manafai ko 'lasi lakau. 38Kae ne tuku atu ne te Atua ki fuaga takitasi a te vaega foliga, e pela eiloa mo te mea ne loto a ia ki ei.
39E kese foliga o foitino o mea ola, ko tino, manu, manulele mo ika e kesekese katoa foliga o olotou foitino.
40A mea i te lagi e iai olotou foitino, e pena foki a mea i te lalolagi; ka ko te gali o foitino o mea i te lagi, e kese mai i te gali o foitino o mea i te lalolagi. 41E tasi faeloa a te gali o te la, ko te sua gali e o te masina, ko te sua gali e o fetu; me kese te gali o te sua fetu mai te sua fetu.
42E pena foki a te toetu o tino 'mate. A te foitino tela e tanu e pala, ka ko te foitino tela e fakatu ake mai te mate, e se mafai o pala. 43E matamasei foliga o te foitino i te tugamau, kae kafai ko fakatu ake mai te mate, ko gali kae mata malosi. 44I te taimi ne tanu ei se foitino faka te tino ola, kae i te toetuakega mai te mate ko fai mo foitino faka te Agaga. Kafai e isi se foitino faka te tino ola, e isi foki se foitino faka te Agaga. 45#Kene 2.7E pela mo muna a te Tusi, “A te tino muamua ko Atamu, kae ne fai mo tino ola,” ka ko te Atamu fakaoti ne fai mo Agaga fakaola ki tino. 46Kae se ko te faka te Agaga ne muamua, ka ko te faka te foitino, tafa atu ki ei ko te faka te Agaga. 47A te tino muamua tela ko Atamu, ne faite mai i te laukele, se tagata o te laukele, ka ko te tokolua o tino tela ko Keliso ne vau mai te lagi. 48A tino o te laukele, e foliga mai e pela mo ne tino ne faite mai te laukele, ka ko tino o te lagi, e pela eiloa mo te tino tela ne vau mai te lagi. 49Ona ko tatou ko foliga o te tino ne faite mai te laukele, tela la, ka foliga foki tatou#15.49: A tatou ka 'pei ki; i nisi lomiga e isi i ei ko tau o faka'pei ki luga o tatou. #15.49: a i a e seki mafuli katoatoa; io me kae se ko i a tena te loto o te Atua.ki foliga o te tino mai te lagi manafai e 'mate tatou.
50Taina, ke fai atu ne au a te uiga o te mea nei: a te mea e faite mai te 'kano mo te toto e se mafai o fai mo olotou tofi te Malo o te Atua, mo te mea foki tela e oko ki ei te pala.
51 #
1Tesa 4.15-17
Kiloke! Ke fai atu ne au a te mea 'funa. E se 'mate katoa tatou, kae ka 'fuli katoa foliga otou foitino, i se taimi fakapei mai mua nei, 52e pela eiloa mo se kemoga o mata, manafai ko tagi a te pu fakaoti. Me kafai e tagi te pu, ka toetu a Kelisiano ki te se toe 'mate, kae ka 'fuli foki foliga otou foitino. 53Me i te foitino mate tenei, e 'tau o fakaeke ki ei a te foitino se mate, mo te foitino se ola tumau tenei, e 'tau o tuku atu ki luga i a ia te foitino ola tumau. 54#Isa 25.8Kafai ko te mea mate ko fakaeke ki ei a te mea se mate, mo te mea ola se tumau ko fakaeke atu ki ei a te mea ola tumau, ko taunu ei a muna a te Tusi: “Ko takavale te mate ka ko katoatoa nei te manumalo.”
55 #
Hose 13.14
“Te mate, tefea tou manumalo?
Te mate, tefea tou malosi?”
56A te 'mae o te mate ko te agasala, ka ko te malosi o te agasala ko te tulafono. 57Kae ke fakafetai atu tatou ki te Atua, me ne aumai ne ia te manumalo ki a tatou e alatu i te tou Aliki ko Iesu Keliso.
58Tela la e oku taina fagasele, ke mautakitaki koutou, sa gasue'sue, kae ke ga'lue malosi koutou i te galuega a te Aliki, me ko iloa 'lei ne koutou me se mafai o maumau otou galuega i te Aliki.
Iliyochaguliwa sasa
1 KOLINITO 15: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific