1 KOLINITO 10
10
Ko Fakatonuga ke Fakaeteete ki Tupua
1 #
Eso 13.21,22;
Eso 14.22-29
Taina, au e manako ke masaua ne koutou a te mea ne tupu ki tupuga o tatou kola ne tau'tali i a Mose. Ne 'nofo katoa latou mai lalo o te puipuiga a te kaumana, kae ne 'sao katoa i loto i te Tai Kula. 2I loto i te kaumana pela foki mo te tai, ne papatiso katoa latou e pela mo ne soko o Mose. 3#Eso 16.35Ne 'kai katoa ki te meakai faka te Agaga e tasi, 4#Eso 17.6; Nume 20.11kae ne inu katoa ki te mea inu faka te Agaga e tasi; me ne inu ki te vai mai te kaupapa faka te Agaga tela ne olo tasi eiloa mo latou; ka ko Keliso eiloa te kaupapa tena. 5#Nume 14.29,30Ne 'mate valevale a te tokoukega o latou i te vao ona ko olotou agasala.
6 #
Nume 11.4
A agasala a latou ne fakaakoakoga ki a tatou, e fakatonu mai ei ke se fiafia tatou ki mea masei kola ne fai ne latou. 7#Eso 32.6Ke mo a e tapuaki ki tupua, e pela mo nisi o latou. E pela mo muna a te Tusi, “A tino ne 'nofo ki lalo o 'kai kae inu, ne 'tu ake foki ki luga o 'saka.” E tapuaki pena latou ki te tupua pulumakau aulo. 8#Nume 25.1-18E se 'tau mo tatou o sulaitetapu, e pela mo nisi o latou, kae i te aso e tasi, e tusa mo te toko lua sefulu tolu afe o latou ne 'mate. 9#Nume 21.5,6E se 'tau mo tatou o tofotofo a te Aliki,#10.9: te Aliki; i nisi lomiga e isi i ei Keliso. e pela mo nisi o latou. Ne u latou ne gata, 'mate atu eiloa. 10#Nume 16.41-49E se 'tau mo koutou o mui'mui ki te Atua, e pela mo nisi o latou. Ne tamate foki latou ne te Agelu o te Mate.
11Ne 'tupu katoa a mea konei ki a latou ke fai mo akoakoga ki nisi tino, kae ne tusi ki lalo ke fai foki mo akoakoga ki a tatou. I te mea a tatou nei e ola i te taimi ko pili o oko mai te gataga.
12Ko te tino tela e mafaufau i a ia ko 'lei katoatoa, ke fakaeteete i a ia mana paku atu ki te agasala. 13Ko fakaosoosoga katoa kola e masani o maua ne koutou i otou auala, se mea e masani eiloa o oko mai ki tino. Me i te Atua e tausi tena folafolaga, kae se mafai foki o talia ne ia ke fakaosoosogina koutou ke sili atu i te otou malosi o 'teke te fakaosoosoga; kae i te taimi e fakaosoosogina ei koutou, ka tuku atu ne ia a te malosi e kufaki ei ne koutou, kae fai foki ne ia se ala e 'sao ei koutou.
14Tela la e oku taugasoa pele, ke 'mao koutou mai tapuakiga ki tupua. 15A koutou ne tino 'poto, au e manako ke mafaufau fakalei koutou ki aku muna konei ka fai atu. 16#Mata 26.26-28; Male 14.22-24; Luka 22.19,20Kafai e fakamanuia ne tatou ki te 'talo a te ipu uaina i te 'Kaiga a te Aliki, ko tona uiga ko tino katoa kola e inu i ei, ko kau fakatasi ki te toto o Keliso. Ka ko te falaoa tela e tofitofi ne tatou, ko tona uiga ko kau fakatasi tatou i te foitino o Keliso, manafai e 'kai tatou ki te falaoa tena. E a, e tonu au me ikai? 17Ona ko te falaoa e tasi, ko fai ei tatou mo foitino e tasi, i te mea a tatou katoa e 'kai ki te falaoa e tasi.
18 #
Levi 7.6
Mafaufau ake la ki faifaiga faka te lotu a tino Isalaelu. A tino kola e 'kai ki taulaga ne ofo i te fata faitaulaga, ko tona uiga ko kau fakatasi latou ki taulaga kona. 19Se a te uiga o te mea e fai atu ei au? E a, a te tupua tela ne ofo atu ki a ia a meakai se atua ola? 20#Teu 32.17Ikai! Tenei te uiga o te mea e fai atu ei au, me i taulaga e ofo atu ne se tino i fata faitaulaga fapaupau, ko taulaga ki temoni, kae se ki te Atua. Au se loto ke fai koutou mo takaga o temoni. 21E se mafai o inu koutou ki te ipu a te Aliki, kae toe inu foki ki te ipu a temoni; e se mafai foki o 'kai koutou i te laulau a te Aliki, kae toe 'kai foki i te laulau a temoni. 22#Teu 32.21Kafai e fai tatou penei, ka kaisanosano te Aliki. A te tou malosi e se sili atu i te malosi o te Atua.
23 #
1Koli 6.12
Se mea tonu me i Kelisiano e saoloto o 'kai ki so se meakai ne ofo ki tupua, manafai e fiakai ki ei. Se mea 'lei tena i mua o te Atua. Kae masaua, mo a mana 'kai koutou ki ei, manafai e iloa ne koutou me masei ki a koutou. 24E se 'tau mo se tino o kilokilo faeloa ki tena 'lei, ka ko te 'lei foki o nisi tino.
25E saoloto faeloa koutou o 'kai ki so se 'kano o manu kola e fakatau i te maketi, kae mo a mana sukesuke ne koutou me ne aumai i fea a 'kano kona. 26#Sala 24.1Me ne muna mai a te Tusi, “A te lalolagi mo mea katoa i ei, e a te Aliki.”
27Kafai se tino se kelisiano ne 'kami ne ia koutou ke fai 'kaiga mo ia, 'kai ki mea ko laulau atu i otou mua, kae mo a ma fesili koutou me ne aumai i fea a meakai kona. 28Kae kafai e isi se tino e muna atu penei ki a koutou, “Konei meakai ne tuku atu ki tupua,” sa kai la ki ei; me mana faka'mae ei ne koutou tona mafaufau. 29Ko tena uiga, ko se 'kai koutou ki ei me mana 'mae ei te mafaufau o te tino tela ne fakailoa mai ne ia, kae se ko otou mafaufau ne ala ei o se 'kai koutou ki ei.
Ka fai mai se tino, “Ko 'lei, kae ai a la ka taofigina ei toku saolotoga o fai so se mea, ona ko te mafaufau o te sua tino? 30Kafai e fakafetai au ki te Atua mo toku loto 'ma mō aku meakai ne maua mai meakai kola ne ofo ki tupua, ka ko nisi Kelisiano e fakatauemu ki a au me ko te ifo ki tupua a te mea tena.”
31Tela la, me ne a otou mea e fai, me 'kai io me inu, e fai katoa ne koutou mō te vikiga o te Atua. 32Sa fai ne koutou se mea e 'mae ei te loto o tino Iutaia, io me ki tino o fenua fakaatea, io me ki Ekalesia a te Atua. 33Ke fai ne koutou a mea kola e fai ne au: au e taumafai o fakamalie so se tino i mea katoa e fai ne au, i toku se fia manatu ifo ki toku 'lei, kae mo te 'lei o tino katoa, ko te mea ke ola latou i te ola faka te Agaga.
Iliyochaguliwa sasa
1 KOLINITO 10: Tusi Tapu
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Tuvalu Revised Bible © Bible Society in the South Pacific