Mga Taga-Roma 5
5
Ginbaton sang Dios
1Karon kay ginbaton na kita paagi sa pagtuo, may paghidait kita#5:1 may paghidait kita: Ang iban nga mga manuskrito maykinahanglan may paghidait kita. sa Dios paagi kay Jesu-Cristo nga aton Ginoo. 2Paagi sa pagtuo, gindala niya kita sa diin kita karon sa pag-agom sang kaayo sang Dios bisan indi kita takos. Gani, nagakalipay kita#5:2 nagakalipay kita: ukonmagkalipay kita. bangod may bug-os kita nga kapat-uran nga maambit naton ang pagkahalangdon sang Dios! 3Kag ilabi na gid nagakalipay man kita#5:3 nagakalipay man kita: ukonmagkalipay man kita. sa aton mga pag-antos, tungod kay nakahibalo kita nga ang pag-antos nagapatubas sang pagbatas, 4kag ang pagbatas nahamut-an sang Dios, kag ang iya pagkahamuot nagahatag sing kapat-uran. 5Sa sini nga kapat-uran indi kita mapaslawan, tungod kay ang Dios nagapuno sang aton mga tagipusoon sang iya gugma paagi sa Espiritu Santo nga ginhatag sang Dios sa aton.
6Kay sang wala pa kita sing sarang mahimo, si Cristo napatay para sa mga makasasala, sa nagakaigo nga tion nga gintalana sang Dios. 7Mabudlay kaayo para sa isa ka tawo nga handa mapatay para sa matarong nga tawo. Ayhan may yara man nga handa mapatay para sa maayo nga tawo. 8Pero ang Dios nagpakita kon daw ano ang iya paghigugma sa aton kay sang mga makasasala pa kita, napatay si Cristo para sa aton! 9Paagi sa iya dugo#5:9 Paagi sa iya dugo: ukonPaagi sa iya pagkapatay. ginbaton kita karon sang Dios. Gani, daw ano pa gid ang pagluwas niya sa aton sa kaakig sang Dios. 10Mga kaaway kita anay sang Dios, pero paagi sa kamatayon sang iya Anak, ginhimo niya kita nga iya mga abyan. Kag karon nga kita mga abyan sang Dios, daw ano pa gid ang pagluwas niya sa aton paagi sa kabuhi ni Cristo! 11Kag indi lamang amo ina! Nagakalipay kita tungod sang ginhimo sang Dios paagi sa aton Ginoong Jesu-Cristo, nga karon naghimo sa aton nga mga abyan na sang Dios.
Si Adan kag si Cristo
12Ang#Gen. 3:6; Klm. Sol. 2:24. sala nagsulod sa kalibutan paagi sa isa ka tawo, kag ang iya sala nagdala sing kamatayon. Gani, ang kamatayon nagaabot sa tanan nga mga katawhan, tungod kay ang tanan nga mga tawo nagpakasala. 13Ang sala yari na sa kalibutan sa wala pa mahatag ang Kasugoan paagi kay Moises. Pero kon wala sing kasugoan, ang sala wala man ginaisip batok sa tawo. 14Pero halin sang panahon ni Adan tubtob kay Moises, ang kamatayon naggahom sa tanan nga mga katawhan, bisan pa sa mga wala makasala, subong sang ginhimo ni Adan paagi sang paglapas niya sang sugo sang Dios.
Si Adan larawan sang isa nga magaabot. 15Pero sila nga duha indi pareho, tungod kay ang regalo sang Dios indi mapaanggid sa sala ni Adan. Matuod gid nga tungod sang sala sadtong isa ka tawo, ang tanan nga mga katawhan nagkalamatay. Pero ang kaayo sang Dios mas sobra pa sang sa sini kag amo man ang iya bugana nga regalo para sa madamo nga mga katawhan, paagi sa kaayo sang isa ka tawo nga amo si Jesu-Cristo. 16May kinatuhay ang regalo sang Dios kag ang sala sang isa ka tawo. Sa tapos makasala yadtong isa ka tawo, nag-abot ang paghukom nga “Ang tawo nakasala”, pero sa tapos sang madamo nga mga sala nag-abot ang regalo sang Dios nga “Nagabaton sang mga tawo!” 17Matuod gid nga paagi sa sala sadtong isa ka tawo, ang kamatayon nagsugod sa paggahom tungod sadtong isa ka tawo. Pero daw ano pa gid kadako ang resulta sang nahimo sang isa ka tawo, nga amo si Jesu-Cristo! Ang tanan nga nagabaton sang bugana nga kaayo sang Dios kag ang tanan nga mga ginbaton magagahom sa kabuhi paagi kay Cristo.
18Gani, tungod sang isa ka sala nakondenar ang tanan nga mga katawhan, subong man tungod sang isa ka matarong nga buhat nahilway ang tanan nga katawhan, kag nahatagan sila sing kabuhi. 19Kag subong nga ang tanan nga mga katawhan ang nanginmakasasala tungod sang paglapas sang isa ka tawo, sa amo man nga bagay tanan nga mga katawhan ang pagabatunon sa atubang sang Dios tungod sang pagtuman sang isa ka tawo.
20Ang Kasugoan nag-abot agod magdugang ang mga paglapas. Pero sa pagdugang sang sala, ang kaayo sang Dios nagdugang sing labi pa gid. 21Gani, subong nga ang sala naggahom paagi sa kamatayon, sa amo man nga bagay ang kaayo sang Dios nagagahom paagi sa pagkamatarong, kag nagatuytoy sa aton padulong sa kabuhi nga wala sing katapusan, paagi kay Jesu-Cristo nga aton Ginoo.
Iliyochaguliwa sasa
Mga Taga-Roma 5: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
Mga Taga-Roma 5
5
Ginbaton sang Dios
1Karon kay ginbaton na kita paagi sa pagtuo, may paghidait kita#5:1 may paghidait kita: Ang iban nga mga manuskrito maykinahanglan may paghidait kita. sa Dios paagi kay Jesu-Cristo nga aton Ginoo. 2Paagi sa pagtuo, gindala niya kita sa diin kita karon sa pag-agom sang kaayo sang Dios bisan indi kita takos. Gani, nagakalipay kita#5:2 nagakalipay kita: ukonmagkalipay kita. bangod may bug-os kita nga kapat-uran nga maambit naton ang pagkahalangdon sang Dios! 3Kag ilabi na gid nagakalipay man kita#5:3 nagakalipay man kita: ukonmagkalipay man kita. sa aton mga pag-antos, tungod kay nakahibalo kita nga ang pag-antos nagapatubas sang pagbatas, 4kag ang pagbatas nahamut-an sang Dios, kag ang iya pagkahamuot nagahatag sing kapat-uran. 5Sa sini nga kapat-uran indi kita mapaslawan, tungod kay ang Dios nagapuno sang aton mga tagipusoon sang iya gugma paagi sa Espiritu Santo nga ginhatag sang Dios sa aton.
6Kay sang wala pa kita sing sarang mahimo, si Cristo napatay para sa mga makasasala, sa nagakaigo nga tion nga gintalana sang Dios. 7Mabudlay kaayo para sa isa ka tawo nga handa mapatay para sa matarong nga tawo. Ayhan may yara man nga handa mapatay para sa maayo nga tawo. 8Pero ang Dios nagpakita kon daw ano ang iya paghigugma sa aton kay sang mga makasasala pa kita, napatay si Cristo para sa aton! 9Paagi sa iya dugo#5:9 Paagi sa iya dugo: ukonPaagi sa iya pagkapatay. ginbaton kita karon sang Dios. Gani, daw ano pa gid ang pagluwas niya sa aton sa kaakig sang Dios. 10Mga kaaway kita anay sang Dios, pero paagi sa kamatayon sang iya Anak, ginhimo niya kita nga iya mga abyan. Kag karon nga kita mga abyan sang Dios, daw ano pa gid ang pagluwas niya sa aton paagi sa kabuhi ni Cristo! 11Kag indi lamang amo ina! Nagakalipay kita tungod sang ginhimo sang Dios paagi sa aton Ginoong Jesu-Cristo, nga karon naghimo sa aton nga mga abyan na sang Dios.
Si Adan kag si Cristo
12Ang#Gen. 3:6; Klm. Sol. 2:24. sala nagsulod sa kalibutan paagi sa isa ka tawo, kag ang iya sala nagdala sing kamatayon. Gani, ang kamatayon nagaabot sa tanan nga mga katawhan, tungod kay ang tanan nga mga tawo nagpakasala. 13Ang sala yari na sa kalibutan sa wala pa mahatag ang Kasugoan paagi kay Moises. Pero kon wala sing kasugoan, ang sala wala man ginaisip batok sa tawo. 14Pero halin sang panahon ni Adan tubtob kay Moises, ang kamatayon naggahom sa tanan nga mga katawhan, bisan pa sa mga wala makasala, subong sang ginhimo ni Adan paagi sang paglapas niya sang sugo sang Dios.
Si Adan larawan sang isa nga magaabot. 15Pero sila nga duha indi pareho, tungod kay ang regalo sang Dios indi mapaanggid sa sala ni Adan. Matuod gid nga tungod sang sala sadtong isa ka tawo, ang tanan nga mga katawhan nagkalamatay. Pero ang kaayo sang Dios mas sobra pa sang sa sini kag amo man ang iya bugana nga regalo para sa madamo nga mga katawhan, paagi sa kaayo sang isa ka tawo nga amo si Jesu-Cristo. 16May kinatuhay ang regalo sang Dios kag ang sala sang isa ka tawo. Sa tapos makasala yadtong isa ka tawo, nag-abot ang paghukom nga “Ang tawo nakasala”, pero sa tapos sang madamo nga mga sala nag-abot ang regalo sang Dios nga “Nagabaton sang mga tawo!” 17Matuod gid nga paagi sa sala sadtong isa ka tawo, ang kamatayon nagsugod sa paggahom tungod sadtong isa ka tawo. Pero daw ano pa gid kadako ang resulta sang nahimo sang isa ka tawo, nga amo si Jesu-Cristo! Ang tanan nga nagabaton sang bugana nga kaayo sang Dios kag ang tanan nga mga ginbaton magagahom sa kabuhi paagi kay Cristo.
18Gani, tungod sang isa ka sala nakondenar ang tanan nga mga katawhan, subong man tungod sang isa ka matarong nga buhat nahilway ang tanan nga katawhan, kag nahatagan sila sing kabuhi. 19Kag subong nga ang tanan nga mga katawhan ang nanginmakasasala tungod sang paglapas sang isa ka tawo, sa amo man nga bagay tanan nga mga katawhan ang pagabatunon sa atubang sang Dios tungod sang pagtuman sang isa ka tawo.
20Ang Kasugoan nag-abot agod magdugang ang mga paglapas. Pero sa pagdugang sang sala, ang kaayo sang Dios nagdugang sing labi pa gid. 21Gani, subong nga ang sala naggahom paagi sa kamatayon, sa amo man nga bagay ang kaayo sang Dios nagagahom paagi sa pagkamatarong, kag nagatuytoy sa aton padulong sa kabuhi nga wala sing katapusan, paagi kay Jesu-Cristo nga aton Ginoo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012