Exodo 6
6
1Dayon ang Ginoo nagsiling kay Moises, “Karon makita mo ang akon himuon sa hari. Piliton ko sia sa pagpalakat sa akon mga tawo. Matuod gid nga mapilitan sia sa pagpagwa sa ila sa iya duta.”
Gintawag Liwat sang Ginoo si Moises
2Ang#Gen. 17:1; 28:3; 35:11; Exo. 3:13-15. Dios nagsiling kay Moises, “Ako amo ang Ginoo. 3Nagpakita ako kay Abraham, kay Isaac, kag kay Jacob, subong Makagagahom nga Dios. Wala ako magpakilala sa ila paagi sa akon balaan nga ngalan, ang Ginoo.#6:3 ANG GINOO: Tan-awa ang 3:14. 4Naghimo man ako sang akon kasugtanan sa ila, nga nagasaad sa paghatag sa ila sang duta sang Canaan, ang duta nga ila gin-estaran subong mga dumoluong. 5Karon nabatian ko ang mga panghakroy sang mga Israelinhon nga gin-ulipon sang mga Ehiptohanon, kag nadumdoman ko ang akon kasugtanan. 6Gani, dapat mo isiling sa mga Israelinhon, ‘Ako amo ang Ginoo: hilwayon ko kamo sa mabudlay nga mga trabaho nga ginapaobra sa inyo sang mga Ehiptohanon. Luwason ko kamo sa ila pag-ulipon sa inyo. Luwason ko kamo paagi sa akon makusog nga butkon nga nagadala sang makakulogmat nga silot. 7Mangin-akon kamo kaugalingon nga katawhan, kag ako mangin-inyo Dios. Mahibaluan ninyo nga ako amo ang Ginoo nga inyo Dios, nga nagahilway sa inyo sa mabudlay nga mga trabaho nga ginapaobra sa inyo sang mga Ehiptohanon. 8Dal-on ko kamo sa duta nga ginpanumpa ko nga ihatag kay Abraham, kay Isaac kag kay Jacob. Ihatag ko ini sa inyo subong inyo kaugalingon nga panublion. Ako amo ang Ginoo.’” 9Ginsugid ini ni Moises sa mga Israelinhon, pero indi sila magpamati sa iya, kay nadulaan na sila sing paglaom tungod sang mapintas nga pag-ulipon sa ila.
10Dayon ang Ginoo nagsiling kay Moises, 11“Lakat kag isiling sa hari sang Ehipto nga dapat niya pagwaon ang mga Israelinhon sa iya duta.”
12Pero si Moises nagsiling sa Ginoo, “Kon ang mga Israelinhon indi gani magpamati sa akon, ano ang pagpamati sang hari sa akon? Indi ako maayo nga manughambal.”
13Ang Ginoo nagmando kay Moises kag kay Aaron: “Singgana ang mga Israelinhon kag ang hari sang Ehipto, nga ginsugo ko kamo sa pagpagwa sang mga Israelinhon halin sa duta sang Ehipto.”
Ang Lista sang mga Katigulangan ni Moises kag ni Aaron
14Amo ini ang mga pangulo sang ila mga panimalay: ang mga anak nga lalaki ni Ruben nga panganay ni Jacob amo sanday Hanoc, Palu, Hezron, kag Carmi; ini sila amo ang mga katigulangan sang mga kabarangayan ni Ruben. 15Si Simeon may anom ka mga kabataan nga lalaki nga amo sanday Jemuel, Jamin, Ohad, Jaquin, Zohar kag Shaul nga anak sang Canaanhon nga babayi; ini sila amo ang mga katigulangan sang mga kabarangayan ni Simeon. 16Si#Num. 3:17-20; 26:57-58; 1 Cron. 6:16-19. Levi may tatlo ka mga anak nga lalaki nga amo sanday Gerson, Kohat, kag Merari; ini sila amo ang mga katigulangan sang mga kabarangayan ni Levi. Si Levi nagkabuhi sing 137 ka tuig. 17Ang mga anak nga lalaki ni Gerson amo sanday Libni, Simei, kag sila may madamo nga mga kaliwat. 18Ang apat ka mga anak nga lalaki ni Kohat amo sanday Amram, Izar, Hebron, kag Uziel. Si Kohat nagkabuhi sing 133 ka tuig. 19Ang duha ka mga anak nga lalaki ni Merari amo sanday Mali kag Musi. Amo ini ang mga kabarangayan ni Levi, kag ang ila mga kaliwatan.
20Si Amram nagpangasawa kay Jocabed nga utod sang iya amay, kag sia nagbata kay Aaron kag kay Moises. Si Amram nagkabuhi sing 137 ka tuig. 21Ang tatlo ka mga anak nga lalaki ni Izar amo sanday Core, Nepeg kag Zicri. 22Ang tatlo ka mga anak nga lalaki ni Uziel amo sanday Misael, Elzafan, kag Sitri.
23Si Aaron nagpangasawa kay Eliseba, nga anak ni Aminadab kag utod nga babayi ni Naason. Ang anak nanday Aaron kag Eliseba amo sanday Nadab, Abiu, Eleazar, kag Itamar. 24Ang tatlo ka mga anak nga lalaki ni Core amo sanday Asir, Elkana, kag Abiasaf; kabarangayan sang mga Corinhon. 25Si Eleazar nga anak ni Aaron, nagpangasawa sang isa sang mga anak ni Putiel, nga nag-anak kay Fineas. Amo ini ang mga pangulo sang mga panimalay ni Levi suno sa iya mga kabarangayan.
26Si Aaron kag si Moises amo ang ginsingganan sang Ginoo, “Pagwaa ang mga Israelinhon halin sa duta sang Ehipto suno sa ila mga tribo.” 27Sila ni Moises kag ni Aaron amo ang nagsiling sa hari sang Ehipto nga hilwayon ang mga Israelinhon.
Ang Mando sang Ginoo kay Moises kag kay Aaron
28Sang paghambal sang Ginoo kay Moises didto sa Ehipto 29nagsiling sia, “Ako amo ang Ginoo. Singgana ang hari sang Ehipto, sang tanan nga ginsiling ko sa imo.”
30Pero nagsabat si Moises sa Ginoo, “Nakahibalo ka nga indi ako maayo nga manughambal. Indi gid sia magpamati sa akon!”
Iliyochaguliwa sasa
Exodo 6: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
Exodo 6
6
1Dayon ang Ginoo nagsiling kay Moises, “Karon makita mo ang akon himuon sa hari. Piliton ko sia sa pagpalakat sa akon mga tawo. Matuod gid nga mapilitan sia sa pagpagwa sa ila sa iya duta.”
Gintawag Liwat sang Ginoo si Moises
2Ang#Gen. 17:1; 28:3; 35:11; Exo. 3:13-15. Dios nagsiling kay Moises, “Ako amo ang Ginoo. 3Nagpakita ako kay Abraham, kay Isaac, kag kay Jacob, subong Makagagahom nga Dios. Wala ako magpakilala sa ila paagi sa akon balaan nga ngalan, ang Ginoo.#6:3 ANG GINOO: Tan-awa ang 3:14. 4Naghimo man ako sang akon kasugtanan sa ila, nga nagasaad sa paghatag sa ila sang duta sang Canaan, ang duta nga ila gin-estaran subong mga dumoluong. 5Karon nabatian ko ang mga panghakroy sang mga Israelinhon nga gin-ulipon sang mga Ehiptohanon, kag nadumdoman ko ang akon kasugtanan. 6Gani, dapat mo isiling sa mga Israelinhon, ‘Ako amo ang Ginoo: hilwayon ko kamo sa mabudlay nga mga trabaho nga ginapaobra sa inyo sang mga Ehiptohanon. Luwason ko kamo sa ila pag-ulipon sa inyo. Luwason ko kamo paagi sa akon makusog nga butkon nga nagadala sang makakulogmat nga silot. 7Mangin-akon kamo kaugalingon nga katawhan, kag ako mangin-inyo Dios. Mahibaluan ninyo nga ako amo ang Ginoo nga inyo Dios, nga nagahilway sa inyo sa mabudlay nga mga trabaho nga ginapaobra sa inyo sang mga Ehiptohanon. 8Dal-on ko kamo sa duta nga ginpanumpa ko nga ihatag kay Abraham, kay Isaac kag kay Jacob. Ihatag ko ini sa inyo subong inyo kaugalingon nga panublion. Ako amo ang Ginoo.’” 9Ginsugid ini ni Moises sa mga Israelinhon, pero indi sila magpamati sa iya, kay nadulaan na sila sing paglaom tungod sang mapintas nga pag-ulipon sa ila.
10Dayon ang Ginoo nagsiling kay Moises, 11“Lakat kag isiling sa hari sang Ehipto nga dapat niya pagwaon ang mga Israelinhon sa iya duta.”
12Pero si Moises nagsiling sa Ginoo, “Kon ang mga Israelinhon indi gani magpamati sa akon, ano ang pagpamati sang hari sa akon? Indi ako maayo nga manughambal.”
13Ang Ginoo nagmando kay Moises kag kay Aaron: “Singgana ang mga Israelinhon kag ang hari sang Ehipto, nga ginsugo ko kamo sa pagpagwa sang mga Israelinhon halin sa duta sang Ehipto.”
Ang Lista sang mga Katigulangan ni Moises kag ni Aaron
14Amo ini ang mga pangulo sang ila mga panimalay: ang mga anak nga lalaki ni Ruben nga panganay ni Jacob amo sanday Hanoc, Palu, Hezron, kag Carmi; ini sila amo ang mga katigulangan sang mga kabarangayan ni Ruben. 15Si Simeon may anom ka mga kabataan nga lalaki nga amo sanday Jemuel, Jamin, Ohad, Jaquin, Zohar kag Shaul nga anak sang Canaanhon nga babayi; ini sila amo ang mga katigulangan sang mga kabarangayan ni Simeon. 16Si#Num. 3:17-20; 26:57-58; 1 Cron. 6:16-19. Levi may tatlo ka mga anak nga lalaki nga amo sanday Gerson, Kohat, kag Merari; ini sila amo ang mga katigulangan sang mga kabarangayan ni Levi. Si Levi nagkabuhi sing 137 ka tuig. 17Ang mga anak nga lalaki ni Gerson amo sanday Libni, Simei, kag sila may madamo nga mga kaliwat. 18Ang apat ka mga anak nga lalaki ni Kohat amo sanday Amram, Izar, Hebron, kag Uziel. Si Kohat nagkabuhi sing 133 ka tuig. 19Ang duha ka mga anak nga lalaki ni Merari amo sanday Mali kag Musi. Amo ini ang mga kabarangayan ni Levi, kag ang ila mga kaliwatan.
20Si Amram nagpangasawa kay Jocabed nga utod sang iya amay, kag sia nagbata kay Aaron kag kay Moises. Si Amram nagkabuhi sing 137 ka tuig. 21Ang tatlo ka mga anak nga lalaki ni Izar amo sanday Core, Nepeg kag Zicri. 22Ang tatlo ka mga anak nga lalaki ni Uziel amo sanday Misael, Elzafan, kag Sitri.
23Si Aaron nagpangasawa kay Eliseba, nga anak ni Aminadab kag utod nga babayi ni Naason. Ang anak nanday Aaron kag Eliseba amo sanday Nadab, Abiu, Eleazar, kag Itamar. 24Ang tatlo ka mga anak nga lalaki ni Core amo sanday Asir, Elkana, kag Abiasaf; kabarangayan sang mga Corinhon. 25Si Eleazar nga anak ni Aaron, nagpangasawa sang isa sang mga anak ni Putiel, nga nag-anak kay Fineas. Amo ini ang mga pangulo sang mga panimalay ni Levi suno sa iya mga kabarangayan.
26Si Aaron kag si Moises amo ang ginsingganan sang Ginoo, “Pagwaa ang mga Israelinhon halin sa duta sang Ehipto suno sa ila mga tribo.” 27Sila ni Moises kag ni Aaron amo ang nagsiling sa hari sang Ehipto nga hilwayon ang mga Israelinhon.
Ang Mando sang Ginoo kay Moises kag kay Aaron
28Sang paghambal sang Ginoo kay Moises didto sa Ehipto 29nagsiling sia, “Ako amo ang Ginoo. Singgana ang hari sang Ehipto, sang tanan nga ginsiling ko sa imo.”
30Pero nagsabat si Moises sa Ginoo, “Nakahibalo ka nga indi ako maayo nga manughambal. Indi gid sia magpamati sa akon!”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012