Mga Binuhatan 27
27
Nagpanakayon si Pablo pa Roma
1Sang ginpat-od nga dapat magpanakayon kami pakadto sa Italia, gintugyan nila si Pablo kag ang iban pa gid nga mga binilanggo kay Julio, isa ka opisyal sa batalyon sang mga soldado nga Romanhon nga ginatawag, “Batalyon sang Emperador.” 2Nagsakay kami sa isa ka sakayan gikan sa Adrumentina nga manugtulak pakadto sa mga puerto sang probinsya sang Asia. Sang pagpanakayon namon, nag-upod sa amon si Aristarco isa ka taga-Macedonia nga naghalin sa Tesalonica. 3Nagdungka kami sa Sidon sang madason nga adlaw. Maayo gid ang pagkabig ni Julio kay Pablo kag iya gintugotan si Pablo sa pagduaw sa iya mga abyan agod nga mahatagan sia nila sang iya mga kinahanglanon. 4Halin didto nagpadayon kami, ugaling tungod kay sumpong ang hangin, didto kami nagpanakayon sa pihak sang isla sang Cipre nga lipod sa hangin. 5Gintabok namon ang dagat nga bahin sang mga probinsya sang Cilicia kag Panfilia kag nagdungka kami sa Mira sa probinsya sang Licia. 6Didto ang opisyal nakakita sang sakayan halin sa Alejandria nga magapanakayon pakadto sa Italia. Gani ginpasakay niya kami.
7Sa sulod sang pila ka adlaw mahinay ang amon pagpanakayon kag binudlayan gid kami tubtob nga nakaabot kami malapit sa banwa sang Gnido. Indi kami makapadayon sa amon ginapadulongan kay sumpong ang hangin. Gani nagpanakayon kami sa pihak sang isla sang Creta nga lipod sa hangin kag nag-agi kami malapit sa siwil sang Salmo. 8Nagpanghigaron kami kag binudlayan gid sa paglambot sa lugar nga ginatawag “Maayo nga mga Dulongkaan” nga malapit sa banwa sang Lasea.
9Nagdugay kami didto tubtob manginmakatalagam ang magpadayon sa pagpanakayon tungod kay sa sadto nga panahon, ang Adlaw sang Pagtubos#27:9 ADLAW SANG PAGTUBOS: Ini ginasaulog sa hingapusan nga bahin sang Septiembre ukon sa pagsugod sang Oktobre, nga sa amo nga panahon makatalagam ang magpanakayon. nagligad na. Gani nagpaandam si Pablo sa ila: 10“Mga abyan, makita ko nga halin karon ang aton pagpanakayon manginpeligruso. Daku gid ang mapierde sa mga kargamento kag sakayan, kag may madula man nga kabuhi.” 11Pero ang ginpati sang opisyal amo ang ginhambal sang kapitan kag tag-iya sang sakayan kag indi ang ginsiling ni Pablo. 12Indi maayo nga magpabilin sa sadto nga dulongkaan kon tigtulognaw, gani halos ang tanan nagpakamaayo nga magtulak kami kag magtinguha gid nga makalambot sa Fenice kon mahimo. Isa ini ka puerto sa Creta nga nagaatubang sa nabagatnan-nakatundan kag sa naaminhan-nakatundan#27:12 nabagatnan-nakatundan kag sa naaminhan-nakatundan: ukonsa naaminhan-nasidlangan kag sa nabagatnan-nasidlangan. kag didto sarang sila makatener tubtob matapos ang tigtulognaw.
Ang Bagyo sa Dagat
13Nagsugod sa pagdupoydupoy ang habagat kag nagpainuino sila nga matuman nila ang ila plano. Gani ginbatak nila ang angkla kag nagpalayag nga nagapanghigaron sa baybayon sang Creta. 14Pero sa wala madugay nagmadlos ang hangin nga ginatawag Timog halin sa isla. 15Ginbunal sang hangin ang sakayan kag tungod kay indi makapanungsong ang sakayan sa hangin, nagpabaya na lang kami kag nagpaanod kon diin kami daldalon sang hangin. 16Nakapalipod kami sang pag-agi namon sa bagatnan nayon sang diutay nga isla sang Cauda. Bisan pa nga binudlayan kami didto, natigayon namon ang pagtabid sang bote agod nga indi maano. 17Sang napasaka nila ang bote gingaid ini sing hugot sang mga kalat sa sakayan. Nahadlok sila nga mabara sa mga pasil malapit sa baybayon sang Libya, gani ginpapanaog nila ang layag kag nagpaanod sa hangin. 18Nagpadayon ang mabaskog nga bagyo, gani sang madason nga adlaw ginpangtagbong nila sa dagat ang iban sang mga kargamento sang sakayan. 19Sang madason pa gid nga adlaw ginpanghaboy nila sa dagat ang bahin sang kasangkapan sang sakayan. 20Sa sulod sang madamo nga adlaw wala kami makakita sang adlaw ukon mga bituon, kag nagpadayon ang paghuyop sang mabaskog nga hangin. Sang ulihi nadulaan kami sang paglaom nga maluwas.
21Sang dugay na nga wala makakaon ang mga tawo nagtindog kag naghambal si Pablo sa ila, “Mga abyan, kuntani ginpamatian ninyo ako kag wala kita magpanakayon halin sa Creta. Kuntani nalikawan naton ining mga kasamaran kag kapierdihan. 22Pero karon, nagapangabay ako nga magpakaisog kamo! Wala sing isa sa inyo nga madula ang kabuhi, kundi ang sakayan lamang ang maguba. 23Kay kagab-i ginpadala sa akon ang isa ka anghel sang Dios nga nagapanag-iya sa akon kag akon ginasimba kag 24nagsiling sia, ‘Indi ka mahadlok, Pablo! Dapat ka magpangatubang sa Emperador. Ang Dios sa iya kaayo sa imo magaluwas sang mga kabuhi sang tanan nga nagapanakayon upod sa imo.’ 25Gani, mga abyan, magpakaisog kamo! Kay nagasalig ako sa Dios nga matuman ang iya ginsiling sa akon. 26Ugaling isampay kita sa baybayon sang isa ka isla.”
27Sa ika-14 nga gab-i gin-anod kami sa Dagat sang Mediteraneo. Sang mga tungang gab-i ginbulobanta sang mga tripulante nga malapit na kami sa higad. 28Gani nagtunton sila sang lubid nga may pamato sa pagtungkad kag nasapwan nila nga ang tubig may kadalumon nga baynte ka dupa. Sang ulihi gintungkad nila liwat sa ulounhan ang tubig kag nasapwan nila nga may kadalumon ini nga kinse ka dupa. 29Nahadlok sila nga madusdos ang sakayan sa mga bato, gani gintunton nila ang apat ka angkla sa ulin sang sakayan kag nagpangamuyo sila nga mag-aga. 30Ang mga tripulante nagtinguha sa pagpalagyo halin sa sakayan. Gintunton nila ang bote sa tubig kag nagpakunokuno nga nagatunton sila sang mga angkla sa dulong. 31Pero nagsiling si Pablo sa opisyal kag sa mga soldado, “Kon indi magpabilin ang mga tripulante sa sakayan, indi kamo maluwas.” 32Gani gin-utod sang mga soldado ang mga kalat nga nagahigot sang bote kag ginpabay-an nila ini nga maanod.
33Madali na lang mag-aga kag nagpangabay si Pablo sa ila tanan nga magkaon. Nagsiling sia, “Ika-14 na nga adlaw subong ang inyo paghulat kag wala gid kamo makakaon. 34Gani, nagapangabay ako sa inyo nga magkaon kamo kay kinahanglan ninyo ini agod mabuhi kamo. Wala sing may madula sa inyo, bisan isa ka nahot sang inyo buhok sa inyo mga ulo.” 35Sang makahambal sini si Pablo, nagkuha sia sing tinapay, nagpasalamat sa Dios sa atubang nila tanan, ginpamihakpihak niya ini kag nagsugod sa pagkaon. 36Nagmabakod sila kag tanan sila nagkaon. 37Mga 276#27:37 276: Ang iban nga mga manuskrito may275; ang iban maysetentay sais. kami tanan nga mga sumalakay sa sakayan. 38Sang nagkalabusog sila, ginpanghaboy nila ang tanan nga trigo sa dagat agod magmag-an ang sakayan.
Nabara ang Sakayan
39Sang pagkaaga, wala mahibaluan sang mga tripulante ang baybayon, pero may nakita sila nga sapasapa nga may baybayon sa diin ginkaisahan nila nga didto ipabara ang sakayan kon mahimo. 40Gani ginpang-utod nila ang mga kalat nga naangot sa mga angkla kag ginbilin ini sa dagat, kag dungan sini ginpanghubad nila ang mga kalat nga naangtan sang mga timon. Dayon gintakod nila ang layag sa dulong agod huypon sila sang hangin padulong sa baybayon. 41Pero nakabunggo ang sakayan sa pasil kag nabara ini. Nag-ungot ang dulong sang sakayan kag indi ini makahulag samtang ang ulin nawasak bangod sang kabaskog sang mga balod.
42Nagplano ang mga soldado nga pamatyon ang tanan nga mga binilanggo agod nga indi sila makalangoy pa higad kag makapalagyo. 43Pero ginpunggan sila sang opisyal sang mga soldado sa paghimo sini kay luyag niya luwason si Pablo. Sa baylo sini nagmando sia nga maglumpat una sa tubig ang tanan nga makahibalo maglangoy kag magpahigad. 44Ang mga nabilin nagsunod nga nagakapyot sa mga tapi ukon sa pila ka bahin sang sakayan nga naguba. Amo ini kon paano kami tanan nakatakas sa higad nga wala maano.
Iliyochaguliwa sasa
Mga Binuhatan 27: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
Mga Binuhatan 27
27
Nagpanakayon si Pablo pa Roma
1Sang ginpat-od nga dapat magpanakayon kami pakadto sa Italia, gintugyan nila si Pablo kag ang iban pa gid nga mga binilanggo kay Julio, isa ka opisyal sa batalyon sang mga soldado nga Romanhon nga ginatawag, “Batalyon sang Emperador.” 2Nagsakay kami sa isa ka sakayan gikan sa Adrumentina nga manugtulak pakadto sa mga puerto sang probinsya sang Asia. Sang pagpanakayon namon, nag-upod sa amon si Aristarco isa ka taga-Macedonia nga naghalin sa Tesalonica. 3Nagdungka kami sa Sidon sang madason nga adlaw. Maayo gid ang pagkabig ni Julio kay Pablo kag iya gintugotan si Pablo sa pagduaw sa iya mga abyan agod nga mahatagan sia nila sang iya mga kinahanglanon. 4Halin didto nagpadayon kami, ugaling tungod kay sumpong ang hangin, didto kami nagpanakayon sa pihak sang isla sang Cipre nga lipod sa hangin. 5Gintabok namon ang dagat nga bahin sang mga probinsya sang Cilicia kag Panfilia kag nagdungka kami sa Mira sa probinsya sang Licia. 6Didto ang opisyal nakakita sang sakayan halin sa Alejandria nga magapanakayon pakadto sa Italia. Gani ginpasakay niya kami.
7Sa sulod sang pila ka adlaw mahinay ang amon pagpanakayon kag binudlayan gid kami tubtob nga nakaabot kami malapit sa banwa sang Gnido. Indi kami makapadayon sa amon ginapadulongan kay sumpong ang hangin. Gani nagpanakayon kami sa pihak sang isla sang Creta nga lipod sa hangin kag nag-agi kami malapit sa siwil sang Salmo. 8Nagpanghigaron kami kag binudlayan gid sa paglambot sa lugar nga ginatawag “Maayo nga mga Dulongkaan” nga malapit sa banwa sang Lasea.
9Nagdugay kami didto tubtob manginmakatalagam ang magpadayon sa pagpanakayon tungod kay sa sadto nga panahon, ang Adlaw sang Pagtubos#27:9 ADLAW SANG PAGTUBOS: Ini ginasaulog sa hingapusan nga bahin sang Septiembre ukon sa pagsugod sang Oktobre, nga sa amo nga panahon makatalagam ang magpanakayon. nagligad na. Gani nagpaandam si Pablo sa ila: 10“Mga abyan, makita ko nga halin karon ang aton pagpanakayon manginpeligruso. Daku gid ang mapierde sa mga kargamento kag sakayan, kag may madula man nga kabuhi.” 11Pero ang ginpati sang opisyal amo ang ginhambal sang kapitan kag tag-iya sang sakayan kag indi ang ginsiling ni Pablo. 12Indi maayo nga magpabilin sa sadto nga dulongkaan kon tigtulognaw, gani halos ang tanan nagpakamaayo nga magtulak kami kag magtinguha gid nga makalambot sa Fenice kon mahimo. Isa ini ka puerto sa Creta nga nagaatubang sa nabagatnan-nakatundan kag sa naaminhan-nakatundan#27:12 nabagatnan-nakatundan kag sa naaminhan-nakatundan: ukonsa naaminhan-nasidlangan kag sa nabagatnan-nasidlangan. kag didto sarang sila makatener tubtob matapos ang tigtulognaw.
Ang Bagyo sa Dagat
13Nagsugod sa pagdupoydupoy ang habagat kag nagpainuino sila nga matuman nila ang ila plano. Gani ginbatak nila ang angkla kag nagpalayag nga nagapanghigaron sa baybayon sang Creta. 14Pero sa wala madugay nagmadlos ang hangin nga ginatawag Timog halin sa isla. 15Ginbunal sang hangin ang sakayan kag tungod kay indi makapanungsong ang sakayan sa hangin, nagpabaya na lang kami kag nagpaanod kon diin kami daldalon sang hangin. 16Nakapalipod kami sang pag-agi namon sa bagatnan nayon sang diutay nga isla sang Cauda. Bisan pa nga binudlayan kami didto, natigayon namon ang pagtabid sang bote agod nga indi maano. 17Sang napasaka nila ang bote gingaid ini sing hugot sang mga kalat sa sakayan. Nahadlok sila nga mabara sa mga pasil malapit sa baybayon sang Libya, gani ginpapanaog nila ang layag kag nagpaanod sa hangin. 18Nagpadayon ang mabaskog nga bagyo, gani sang madason nga adlaw ginpangtagbong nila sa dagat ang iban sang mga kargamento sang sakayan. 19Sang madason pa gid nga adlaw ginpanghaboy nila sa dagat ang bahin sang kasangkapan sang sakayan. 20Sa sulod sang madamo nga adlaw wala kami makakita sang adlaw ukon mga bituon, kag nagpadayon ang paghuyop sang mabaskog nga hangin. Sang ulihi nadulaan kami sang paglaom nga maluwas.
21Sang dugay na nga wala makakaon ang mga tawo nagtindog kag naghambal si Pablo sa ila, “Mga abyan, kuntani ginpamatian ninyo ako kag wala kita magpanakayon halin sa Creta. Kuntani nalikawan naton ining mga kasamaran kag kapierdihan. 22Pero karon, nagapangabay ako nga magpakaisog kamo! Wala sing isa sa inyo nga madula ang kabuhi, kundi ang sakayan lamang ang maguba. 23Kay kagab-i ginpadala sa akon ang isa ka anghel sang Dios nga nagapanag-iya sa akon kag akon ginasimba kag 24nagsiling sia, ‘Indi ka mahadlok, Pablo! Dapat ka magpangatubang sa Emperador. Ang Dios sa iya kaayo sa imo magaluwas sang mga kabuhi sang tanan nga nagapanakayon upod sa imo.’ 25Gani, mga abyan, magpakaisog kamo! Kay nagasalig ako sa Dios nga matuman ang iya ginsiling sa akon. 26Ugaling isampay kita sa baybayon sang isa ka isla.”
27Sa ika-14 nga gab-i gin-anod kami sa Dagat sang Mediteraneo. Sang mga tungang gab-i ginbulobanta sang mga tripulante nga malapit na kami sa higad. 28Gani nagtunton sila sang lubid nga may pamato sa pagtungkad kag nasapwan nila nga ang tubig may kadalumon nga baynte ka dupa. Sang ulihi gintungkad nila liwat sa ulounhan ang tubig kag nasapwan nila nga may kadalumon ini nga kinse ka dupa. 29Nahadlok sila nga madusdos ang sakayan sa mga bato, gani gintunton nila ang apat ka angkla sa ulin sang sakayan kag nagpangamuyo sila nga mag-aga. 30Ang mga tripulante nagtinguha sa pagpalagyo halin sa sakayan. Gintunton nila ang bote sa tubig kag nagpakunokuno nga nagatunton sila sang mga angkla sa dulong. 31Pero nagsiling si Pablo sa opisyal kag sa mga soldado, “Kon indi magpabilin ang mga tripulante sa sakayan, indi kamo maluwas.” 32Gani gin-utod sang mga soldado ang mga kalat nga nagahigot sang bote kag ginpabay-an nila ini nga maanod.
33Madali na lang mag-aga kag nagpangabay si Pablo sa ila tanan nga magkaon. Nagsiling sia, “Ika-14 na nga adlaw subong ang inyo paghulat kag wala gid kamo makakaon. 34Gani, nagapangabay ako sa inyo nga magkaon kamo kay kinahanglan ninyo ini agod mabuhi kamo. Wala sing may madula sa inyo, bisan isa ka nahot sang inyo buhok sa inyo mga ulo.” 35Sang makahambal sini si Pablo, nagkuha sia sing tinapay, nagpasalamat sa Dios sa atubang nila tanan, ginpamihakpihak niya ini kag nagsugod sa pagkaon. 36Nagmabakod sila kag tanan sila nagkaon. 37Mga 276#27:37 276: Ang iban nga mga manuskrito may275; ang iban maysetentay sais. kami tanan nga mga sumalakay sa sakayan. 38Sang nagkalabusog sila, ginpanghaboy nila ang tanan nga trigo sa dagat agod magmag-an ang sakayan.
Nabara ang Sakayan
39Sang pagkaaga, wala mahibaluan sang mga tripulante ang baybayon, pero may nakita sila nga sapasapa nga may baybayon sa diin ginkaisahan nila nga didto ipabara ang sakayan kon mahimo. 40Gani ginpang-utod nila ang mga kalat nga naangot sa mga angkla kag ginbilin ini sa dagat, kag dungan sini ginpanghubad nila ang mga kalat nga naangtan sang mga timon. Dayon gintakod nila ang layag sa dulong agod huypon sila sang hangin padulong sa baybayon. 41Pero nakabunggo ang sakayan sa pasil kag nabara ini. Nag-ungot ang dulong sang sakayan kag indi ini makahulag samtang ang ulin nawasak bangod sang kabaskog sang mga balod.
42Nagplano ang mga soldado nga pamatyon ang tanan nga mga binilanggo agod nga indi sila makalangoy pa higad kag makapalagyo. 43Pero ginpunggan sila sang opisyal sang mga soldado sa paghimo sini kay luyag niya luwason si Pablo. Sa baylo sini nagmando sia nga maglumpat una sa tubig ang tanan nga makahibalo maglangoy kag magpahigad. 44Ang mga nabilin nagsunod nga nagakapyot sa mga tapi ukon sa pila ka bahin sang sakayan nga naguba. Amo ini kon paano kami tanan nakatakas sa higad nga wala maano.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012