Mga Binuhatan 21
21
Si Pablo Nagkadto sa Jerusalem
1Nagpaalam kami sa ila kag nagtulak. Nagpanakayon kami sing deretso kag nag-abot sa Coos. Sang madason nga adlaw nagpa-Rodas kami kag halin didto nagpadayon kami sa Patara. 2Nakakita kami didto sing isa ka sakayan nga manugpadulong sa Fenicia. Gani nagsakay kami kag nagtulak. 3Sang nakalambot kami sa lugar sa diin malantawan namon ang Cipre, nagpadulong kami sa bagatnan nayon pakadto sa Siria. Nagdungka kami kag nagtakas sa Tiro sa diin nagdiskarga ang sakayan. 4May nasapwan kami didto nga mga gintuton-an kag nagdayon kami sa ila sa sulod sang isa ka simana. Paagi sa gahom sang Espiritu ginsingganan nila si Pablo nga indi magkadto sa Jerusalem. 5Pero sang matapos ang isa ka simana nga pag-upod namon sa ila, naghalin kami kag nagpadayon sa pagpanakayon. Tanan sila, upod ang ila mga asawa kag mga kabataan nagdul-ong sa amon sa gwa sang siudad. Didto sa baybayon, nagluhod kami tanan kag nagpangamuyo. 6Sang makapaalam kami sa isa kag isa, nagsakay kami sa sakayan kag sila nagpauli.
7Nagpadayon kami sa amon pagpanakayon gikan sa Tiro pakadto sa Tolemaida, sa diin nagpakigkita kami sa mga kautoran didto kag nagtener kami sa ila sing isa ka adlaw. 8Sang#Bin. 6:5; 8:5. madason nga adlaw naglakat kami kag nakaabot sa Cesarea. Nagkadto kami sa balay ni Felipe nga manugwali sang Maayong Balita, kag didto kami nagdayon. Isa sia sang pito ka mga tawo nga napilian nga manugbulig sa Jerusalem. 9May apat sia ka mga anak nga dalaga nga nagawali sang mensahe sang Dios. 10Mga#Bin. 11:28. pila na kami ka adlaw didto sang mag-abot ang isa ka propeta nga ginahingalanan Agabo nga naghalin sa Judea. 11Nagkadto sia sa amon kag ginkuha niya ang paha ni Pablo kag gingapos ang iya kaugalingon nga mga tiil kag mga kamot sini kag nagsiling sia, “Ini amo ang ginasiling sang Espiritu Santo: Ang tag-iya sini nga paha pagagapuson subong sini sang mga Judio sa Jerusalem, kag itugyan nila sia sa mga Hentil.”
12Sang mabatian namon ini, kami kag ang iban nga mga tawo didto nagpangabay kay Pablo nga indi magkadto sa Jerusalem. 13Pero nagsabat sia, “Ngaa nagahinibi kamo kag ginapasubo ninyo ako? Handa ako indi lamang sa pagpagapos sa Jerusalem, kundi bisan pa mapatay tungod kay Ginoong Jesus.”
14Indi gid sia magpamati sa amon. Gani wala kami magpamilit sa iya, kundi nagsiling na lang kami, “Kabay nga matuman ang kabubot-on sang Ginoo.”
15Sang makatener kami didto sing pila ka adlaw, ginhimos namon ang amon mga dala kag nagtaklad kami sa Jerusalem. 16May mga gintuton-an halin sa Cesarea nga nag-upod man sa amon kag gin-upod nila kami sa balay ni Mnason nga taga-Cipre sa diin kami madayon.#21:16 Kag gin-upod nila kami sa balay ni Mnason…sa diin kami madayon: ukongin-upod nila ang tawo nga si Mnason sa diin sa iya balay kami madayon. Sia tumoluo halin pa sang una.
Ginbisitahan ni Pablo si Santiago
17Sang pag-abot namon sa Jerusalem, ginbaton kami sing malipayon sang mga kautoran. 18Sang madason nga adlaw, si Pablo nag-upod sa amon sa pagpakigkita kay Santiago, kag ang tanan nga mga katigulangan sang iglesia yadto didto. 19Gin-abiabi sila ni Pablo kag ginsugiran niya sila sang tanan nga ginhimo sang Dios sa mga Hentil paagi sa iya tulomanon. 20Kag sang makabati sila sa iya, nagdayaw sila tanan sa Dios. Dayon nagsiling sila kay Pablo, “Kita mo, utod Pablo, linibo ka mga Judio ang nagtuluo kag sila tanan masinulondon gid sa Kasugoan. 21May nagpanugid sa ila nga nagapanudlo ka sa tanan nga mga Judio nga nagaestar sa mga pungsod sang mga Hentil nga magsikway sang Kasugoan ni Moises. Nagasiling pa kuno ikaw nga indi sila magpatuli sang ila mga kabataan ukon magsunod sang mga pagsulondan sang mga Judio. 22Mabatian gid nila nga nag-abot ka diri. Gani ano ang himuon naton? 23Himua#Num. 6:13-21. ang amon ginasiling sa imo. May apat diri ka mga tawo nga may ginsumpaan. 24Mag-upod ka sa ila kag magbuylog sa ila seremonya sang pagpaninlo kag bayari ang ila balayran agod sarang na sila makapakalbo.#21:24 MAKAPAKALBO: Tan-awa ang 18:18. Sa sini nga paagi ang tanan makahibalo nga indi matuod ang bisan ano nga mga butang nga ginpanugid sa ila nahanungod sa imo kay makita nila nga ikaw nagatuman sang Kasugoan ni Moises. 25Kon#Bin. 15:29. nahanungod sa mga Hentil nga nagtuluo, nakapadala kami sang sulat sa ila nahanungod sang ginkaisahan namon nga indi gid sila magkaon sang nahalad sa mga diosdios ukon sang dugo ukon sang mga sapat nga napatay paagi sa pagkuga, kag indi sila magpakighilawas.”
26Gani nag-upod si Pablo sa sini nga mga tawo kag sang madason nga adlaw nagbuylog sia sa ila sa paghimo sang seremonya sa pagpaninlo. Sa tapos sini nagkadto sia sa Templo sa pagpahibalo sa ila kon san-o matapos ang ila pagpaninlo, kag kon san-o magdulot sang halad para sa tagsa sa ila.
Si Pablo Gindakop sa Templo
27Sang madali na lang matapos ang pito ka adlaw sang pagpaninlo, may mga Judio gikan sa probinsya sang Asia nga nakakita kay Pablo sa Templo. Ginsugyot nila ang tanan nga mga tawo kag gindakop nila si Pablo. 28Nagsinggit sila, “Mga taga-Israel, bulig kamo! Amo ini ang tawo nga nagapanudlo sa bisan diin sia magkadto batok sa mga tawo sang Israel, batok sa Kasugoan ni Moises kag batok sa sini nga Templo. Kag karon nagdala pa sia sa Templo sang mga Hentil kag gindagtaan niya ining balaan nga lugar!” (29Nagsiling#Bin. 20:4. sila sini tungod kay nakit-an nila si Trofimo nga taga-Efeso nga kaupod ni Pablo sa siudad, kag naghunahuna sila nga gindala sia ni Pablo sa Templo.)
30Nagkinagula ang bilog nga siudad kag ang mga tawo nagdinaguso sa pagdakop kay Pablo kag ginsagnoy sia nila pa gwa sa Templo. Sa gilayon gintakpan ang mga pwertahan sang Templo. 31Sang buot na kuntani patyon sang mga tawo si Pablo, may nagpahibalo sa kumander sang mga soldado nga Romanhon nga ang bug-os nga Jerusalem nagkinagamo. 32Sa gilayon ang kumander nagdala sing mga soldado upod sa ila mga opisyales kag nagdalidali sa pagkadto sa nagatipon nga mga tawo. Sang makita sang mga tawo ang kumander kag ang mga soldado gin-untatan nila ang pagbakol kay Pablo. 33Kinadtuan sang kumander si Pablo kag gindakop kag nagmando nga gapuson sia sing duha ka kadena. Dayon nagpamangkot ang kumander, “Sin-o bala ini nga tawo kag ano ang iya nahimo?” 34Lainlain nga mga sabat ang iya nabatian. Tungod sang tama gid nga pagkinagula indi mahibaluan sang kumander kon ano gid ang natabo. Gani, ginmanduan niya ang iya mga tinawo nga dalhon si Pablo sa baraks. 35Nadala gid man nila sia sa hagdanan, kag dason napilitan sila sa pagpas-an sa iya tungod kay akig gid ang mga tawo nga 36nagalagas kay Pablo kag nagasinggit, “Patya sia!”
Ginpangapinan ni Pablo ang Iya Kaugalingon
37Sang dalhon na nila kuntani si Pablo sa sulod sang baraks, nagsiling sia sa kumander: “May ihambal kuntani ako sa imo.”
Nagpamangkot ang kumander, “Makahambal ka man gali sang Griego? 38Kon amo, indi ikaw ang Ehiptohanon nga sang wala lang madugay nagsugod sang rebulosyon kag nagpangulo sang 4,000 ka mga armado nga mga rebelde nga iya gindala sa desierto?”
39Nagsabat si Pablo, “Ako isa ka Judio nga natawo sa Tarso sang Cilicia, isa ka banwahanon sang isa ka daku nga siudad. Kon mahimo, tugoti ako sa paghambal sa mga tawo.”
40Ginpahanugotan sia sang kumander, gani nagtindog si Pablo sa hagdanan kag nagbayaw sang iya kamot sa mga tawo. Sang naghipos sila, naghambal si Pablo sa ila sa Hebreo nga nagasiling:
Iliyochaguliwa sasa
Mga Binuhatan 21: MBBHIL12
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012
Mga Binuhatan 21
21
Si Pablo Nagkadto sa Jerusalem
1Nagpaalam kami sa ila kag nagtulak. Nagpanakayon kami sing deretso kag nag-abot sa Coos. Sang madason nga adlaw nagpa-Rodas kami kag halin didto nagpadayon kami sa Patara. 2Nakakita kami didto sing isa ka sakayan nga manugpadulong sa Fenicia. Gani nagsakay kami kag nagtulak. 3Sang nakalambot kami sa lugar sa diin malantawan namon ang Cipre, nagpadulong kami sa bagatnan nayon pakadto sa Siria. Nagdungka kami kag nagtakas sa Tiro sa diin nagdiskarga ang sakayan. 4May nasapwan kami didto nga mga gintuton-an kag nagdayon kami sa ila sa sulod sang isa ka simana. Paagi sa gahom sang Espiritu ginsingganan nila si Pablo nga indi magkadto sa Jerusalem. 5Pero sang matapos ang isa ka simana nga pag-upod namon sa ila, naghalin kami kag nagpadayon sa pagpanakayon. Tanan sila, upod ang ila mga asawa kag mga kabataan nagdul-ong sa amon sa gwa sang siudad. Didto sa baybayon, nagluhod kami tanan kag nagpangamuyo. 6Sang makapaalam kami sa isa kag isa, nagsakay kami sa sakayan kag sila nagpauli.
7Nagpadayon kami sa amon pagpanakayon gikan sa Tiro pakadto sa Tolemaida, sa diin nagpakigkita kami sa mga kautoran didto kag nagtener kami sa ila sing isa ka adlaw. 8Sang#Bin. 6:5; 8:5. madason nga adlaw naglakat kami kag nakaabot sa Cesarea. Nagkadto kami sa balay ni Felipe nga manugwali sang Maayong Balita, kag didto kami nagdayon. Isa sia sang pito ka mga tawo nga napilian nga manugbulig sa Jerusalem. 9May apat sia ka mga anak nga dalaga nga nagawali sang mensahe sang Dios. 10Mga#Bin. 11:28. pila na kami ka adlaw didto sang mag-abot ang isa ka propeta nga ginahingalanan Agabo nga naghalin sa Judea. 11Nagkadto sia sa amon kag ginkuha niya ang paha ni Pablo kag gingapos ang iya kaugalingon nga mga tiil kag mga kamot sini kag nagsiling sia, “Ini amo ang ginasiling sang Espiritu Santo: Ang tag-iya sini nga paha pagagapuson subong sini sang mga Judio sa Jerusalem, kag itugyan nila sia sa mga Hentil.”
12Sang mabatian namon ini, kami kag ang iban nga mga tawo didto nagpangabay kay Pablo nga indi magkadto sa Jerusalem. 13Pero nagsabat sia, “Ngaa nagahinibi kamo kag ginapasubo ninyo ako? Handa ako indi lamang sa pagpagapos sa Jerusalem, kundi bisan pa mapatay tungod kay Ginoong Jesus.”
14Indi gid sia magpamati sa amon. Gani wala kami magpamilit sa iya, kundi nagsiling na lang kami, “Kabay nga matuman ang kabubot-on sang Ginoo.”
15Sang makatener kami didto sing pila ka adlaw, ginhimos namon ang amon mga dala kag nagtaklad kami sa Jerusalem. 16May mga gintuton-an halin sa Cesarea nga nag-upod man sa amon kag gin-upod nila kami sa balay ni Mnason nga taga-Cipre sa diin kami madayon.#21:16 Kag gin-upod nila kami sa balay ni Mnason…sa diin kami madayon: ukongin-upod nila ang tawo nga si Mnason sa diin sa iya balay kami madayon. Sia tumoluo halin pa sang una.
Ginbisitahan ni Pablo si Santiago
17Sang pag-abot namon sa Jerusalem, ginbaton kami sing malipayon sang mga kautoran. 18Sang madason nga adlaw, si Pablo nag-upod sa amon sa pagpakigkita kay Santiago, kag ang tanan nga mga katigulangan sang iglesia yadto didto. 19Gin-abiabi sila ni Pablo kag ginsugiran niya sila sang tanan nga ginhimo sang Dios sa mga Hentil paagi sa iya tulomanon. 20Kag sang makabati sila sa iya, nagdayaw sila tanan sa Dios. Dayon nagsiling sila kay Pablo, “Kita mo, utod Pablo, linibo ka mga Judio ang nagtuluo kag sila tanan masinulondon gid sa Kasugoan. 21May nagpanugid sa ila nga nagapanudlo ka sa tanan nga mga Judio nga nagaestar sa mga pungsod sang mga Hentil nga magsikway sang Kasugoan ni Moises. Nagasiling pa kuno ikaw nga indi sila magpatuli sang ila mga kabataan ukon magsunod sang mga pagsulondan sang mga Judio. 22Mabatian gid nila nga nag-abot ka diri. Gani ano ang himuon naton? 23Himua#Num. 6:13-21. ang amon ginasiling sa imo. May apat diri ka mga tawo nga may ginsumpaan. 24Mag-upod ka sa ila kag magbuylog sa ila seremonya sang pagpaninlo kag bayari ang ila balayran agod sarang na sila makapakalbo.#21:24 MAKAPAKALBO: Tan-awa ang 18:18. Sa sini nga paagi ang tanan makahibalo nga indi matuod ang bisan ano nga mga butang nga ginpanugid sa ila nahanungod sa imo kay makita nila nga ikaw nagatuman sang Kasugoan ni Moises. 25Kon#Bin. 15:29. nahanungod sa mga Hentil nga nagtuluo, nakapadala kami sang sulat sa ila nahanungod sang ginkaisahan namon nga indi gid sila magkaon sang nahalad sa mga diosdios ukon sang dugo ukon sang mga sapat nga napatay paagi sa pagkuga, kag indi sila magpakighilawas.”
26Gani nag-upod si Pablo sa sini nga mga tawo kag sang madason nga adlaw nagbuylog sia sa ila sa paghimo sang seremonya sa pagpaninlo. Sa tapos sini nagkadto sia sa Templo sa pagpahibalo sa ila kon san-o matapos ang ila pagpaninlo, kag kon san-o magdulot sang halad para sa tagsa sa ila.
Si Pablo Gindakop sa Templo
27Sang madali na lang matapos ang pito ka adlaw sang pagpaninlo, may mga Judio gikan sa probinsya sang Asia nga nakakita kay Pablo sa Templo. Ginsugyot nila ang tanan nga mga tawo kag gindakop nila si Pablo. 28Nagsinggit sila, “Mga taga-Israel, bulig kamo! Amo ini ang tawo nga nagapanudlo sa bisan diin sia magkadto batok sa mga tawo sang Israel, batok sa Kasugoan ni Moises kag batok sa sini nga Templo. Kag karon nagdala pa sia sa Templo sang mga Hentil kag gindagtaan niya ining balaan nga lugar!” (29Nagsiling#Bin. 20:4. sila sini tungod kay nakit-an nila si Trofimo nga taga-Efeso nga kaupod ni Pablo sa siudad, kag naghunahuna sila nga gindala sia ni Pablo sa Templo.)
30Nagkinagula ang bilog nga siudad kag ang mga tawo nagdinaguso sa pagdakop kay Pablo kag ginsagnoy sia nila pa gwa sa Templo. Sa gilayon gintakpan ang mga pwertahan sang Templo. 31Sang buot na kuntani patyon sang mga tawo si Pablo, may nagpahibalo sa kumander sang mga soldado nga Romanhon nga ang bug-os nga Jerusalem nagkinagamo. 32Sa gilayon ang kumander nagdala sing mga soldado upod sa ila mga opisyales kag nagdalidali sa pagkadto sa nagatipon nga mga tawo. Sang makita sang mga tawo ang kumander kag ang mga soldado gin-untatan nila ang pagbakol kay Pablo. 33Kinadtuan sang kumander si Pablo kag gindakop kag nagmando nga gapuson sia sing duha ka kadena. Dayon nagpamangkot ang kumander, “Sin-o bala ini nga tawo kag ano ang iya nahimo?” 34Lainlain nga mga sabat ang iya nabatian. Tungod sang tama gid nga pagkinagula indi mahibaluan sang kumander kon ano gid ang natabo. Gani, ginmanduan niya ang iya mga tinawo nga dalhon si Pablo sa baraks. 35Nadala gid man nila sia sa hagdanan, kag dason napilitan sila sa pagpas-an sa iya tungod kay akig gid ang mga tawo nga 36nagalagas kay Pablo kag nagasinggit, “Patya sia!”
Ginpangapinan ni Pablo ang Iya Kaugalingon
37Sang dalhon na nila kuntani si Pablo sa sulod sang baraks, nagsiling sia sa kumander: “May ihambal kuntani ako sa imo.”
Nagpamangkot ang kumander, “Makahambal ka man gali sang Griego? 38Kon amo, indi ikaw ang Ehiptohanon nga sang wala lang madugay nagsugod sang rebulosyon kag nagpangulo sang 4,000 ka mga armado nga mga rebelde nga iya gindala sa desierto?”
39Nagsabat si Pablo, “Ako isa ka Judio nga natawo sa Tarso sang Cilicia, isa ka banwahanon sang isa ka daku nga siudad. Kon mahimo, tugoti ako sa paghambal sa mga tawo.”
40Ginpahanugotan sia sang kumander, gani nagtindog si Pablo sa hagdanan kag nagbayaw sang iya kamot sa mga tawo. Sang naghipos sila, naghambal si Pablo sa ila sa Hebreo nga nagasiling:
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Maayong Balita nga Biblia © Philippine Bible Society, 2012