Rom 15
15
Du Yïpiɔ̈u tɔ Mit tɔ Kɔc Kɔ̈k Mitpiɔ̈ɔ̈th
1Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda. 2Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet. 3#Diɛt 69:9. Acakaa Kërtho guöp, aacïï këde yenpiɔ̈u ee looi, ku, acït man cï e gɔ̈ɔ̈r an, “Lɛ̈ɛ̈t lɛ̈ɛ̈të kɔc yïn acï lööny ë yayeth.” 4Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r. 5Ku ënɔɔnë, Nhialic de guömdekäŋ kekë muŋdepiɔ̈u, ee week tɔ luel jam tök wapäc jam röŋ ke Kërtho, 6ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.
Wëlpiɛth tëde Juöör
7Yen aa wek röt dɔm wapäc, acït nɔn cï Kërtho wook dɔm ayadäŋ, ke Nhialic bï leec. 8Aluɛɛl alë an, Kërtho acï aa raan ë aŋueel luööi në baŋ de yic de Nhialic, ke bï ka cï kɔn lɛ̈k kuarkuɔ tɔ ye yith, 9#2 Tham 22:50; Diɛt 18:49. ku luɔi bï Juöör Nhialic aa lɛc nɔm ayadäŋ në baŋ de kok cï en piɔ̈u kok ke keek, acït man cï gɔ̈ɔ̈r e an,
“Yen abä yɛn këdu gam ë Juöör yiic,
Ku piaany rinku.”
10 #
Nyöŋ 32:43. Ku be lueel an,
“Yak piɔ̈ɔ̈th miɛt, wek Juöör, në kɔcke ëtök!”
11 #
Diɛt 117:1. Ku be lueel an,
“Yak Bɛ̈nydït piɔɔny, wek Juöör wedhie,
Ku yak lɛc nɔm, wek kɔc wedhie!”
12 #
Yith 11:10 (LXX). Ku be Yithaya luel an,
“Abï dɛ meei de Jethe,
Ku bï dɛ raan bï rɔt jɔ le Juöör cieŋ,
Yen abï Juöör aa ŋɔ̈ɔ̈th.”
13Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.
Kë tɔ Paulo Gär ke cï Ŋeeny
14Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët. 15Ku we cä gäär cök kɔ̈k ke ya ril nyin arëët, ë täŋ täk ɛn wenïïm në kë cäk kɔn ŋic, në baŋ de dhuëëŋ cï Nhialic gäm ɛn. 16Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer. 17Yen a cath ɛn wokë kë duɛ̈ɛ̈r ɛn rɔt leec ë Kërtho Yecu yic në ka ke luɔi de Nhialic. 18Yɛn cïï jam däŋ duɛ̈ɛ̈r lueel, ee jam de kë cï Kërtho looi në yɛn etök, në jam ayï luɔi, bï en Juöör tɔ piŋ wël, 19ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër. 20Yeka, aa nu ë yapiɔ̈u luɔi bän wëlpiɛth aa guiir, të kënë rin ke Kërtho kɔn lueel, ku yɛn aa cïn piɔ̈u luɔi bän yïk ë këërkëër ë raan däŋ nɔm. 21#Yith 52:15 (LXX). Ku acït man cï e gɔ̈ɔ̈r an,
“Kɔc kënë lɛ̈k ë këde, kek abï tïŋ,
Ku kɔc kën kɔn piŋ, kek abï jam yökic.”
Kïït de Paulo në Biäk bï Yen lɔ Roma
22 #
Rom 1:13. Yɛn aaye cool ë pëënë ya bɛ̈n bä yɛn bɛ̈n tëde week. 23Ku ënɔɔnë luɔi cïn en tëdiën be nu ë bɛ̈ikë yiic, ku luɔi aa yɛn piɔ̈u dɛ lɔ la yɛn tëde week ee run juëckë, 24ke yɛn bï jɔ lɔ tëde week, miäk të keny ɛn Tarcic, (yɛn de piɔ̈u luɔi bän we tïŋ miäk të tɛ̈ɛ̈k ɛn, aguɔkï ya ruac kueer lɔ tɛ̈ɛ̈n, të cän piɔ̈u kɔn a yum ëmääth ë abärɔdun). 25#1 Kor 16:1-4. Ku yɛn lɔ Jeruthalem ënɔɔnë, la kɔc ɣerpiɔ̈ɔ̈th lɔ luööi. 26Kɔc ke Makedonia kekë Akaya acïk käŋ juɛ̈ɛ̈r kɔc në miɛt ë kekpiɔ̈ɔ̈th kɔc ɣerpiɔ̈ɔ̈th kuanynyïïn nu ë Jeruthalem. 27#1 Kor 9:11. Acïk ke juaar në miɛt ë kekpiɔ̈ɔ̈th, ku anu ë keyiëth luɔi bï kek ke miɔɔc. Ku Juöör, të cï kek aa kɔc röm në keek ëtök në kakɛn ë Wëi, aye guɔ nu ë keyiëth ayadäŋ luɔi bï kek ke kony në ka ke piny. 28Na miäk, acä luɔiyë thöl, ku cä ka cï ke luöi ke dhiël keek, ke we bä baar të la yɛn Tarcic. 29Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.
30Ku ënɔɔnë, wek läŋ, wek mïthëkɔckuɔ, në biäk de Bɛ̈nydan Yecu Kërtho, ku nhiëër ë Wëidït an, bäk a kony në lɔ̈ŋ aa wek Nhialic lɔ̈ŋ arëët në biäkdï, cït man ë kɔc wiët, 31ke ya bï luök ë kɔc reec gäm cin, kɔc nu Judaya, ku läŋkï aya, në këde luɔi bä looi ë Jeruthalem, nɔn bï en miɛt tëde kɔc ɣerpiɔ̈ɔ̈th. 32Ku nɔn bän bɛ̈n tëde week në piɔ̈nmit, të cï Nhialic e lueel, agoku aa lɔ̈ŋ ëtök wokë week. 33Nhialic de mät, ë tɔ̈u ke week wedhie. Amiin.
Iliyochaguliwa sasa
Rom 15: dip-JPB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Jieeng de Padang © The Bible Society in South Sudan, 2011.
Rom 15
15
Du Yïpiɔ̈u tɔ Mit tɔ Kɔc Kɔ̈k Mitpiɔ̈ɔ̈th
1Wok kɔc ril, wo bï kɔc dhil aa muk në kɔ̈c kɔ̈ɔ̈c kek, ku cuku ee luui në këde piɔ̈nda. 2Wook wodhie ë ŋɛk ë ye raan rëër kek kony abï piɔ̈u miɛt, ë këde piathde, ku këde kuɛ̈t bï ye kueet. 3#Diɛt 69:9. Acakaa Kërtho guöp, aacïï këde yenpiɔ̈u ee looi, ku, acït man cï e gɔ̈ɔ̈r an, “Lɛ̈ɛ̈t lɛ̈ɛ̈të kɔc yïn acï lööny ë yayeth.” 4Ku ka cï gɔ̈ɔ̈r ɣɔn thɛɛr kedhie aake gäär ë wëët bï wo wëët, ke wo bï dɛ aŋäth ŋäthku në guömdekäŋ ayï muŋdepiɔ̈u kak ë bïïyë kacïgɔ̈ɔ̈r. 5Ku ënɔɔnë, Nhialic de guömdekäŋ kekë muŋdepiɔ̈u, ee week tɔ luel jam tök wapäc jam röŋ ke Kërtho, 6ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.
Wëlpiɛth tëde Juöör
7Yen aa wek röt dɔm wapäc, acït nɔn cï Kërtho wook dɔm ayadäŋ, ke Nhialic bï leec. 8Aluɛɛl alë an, Kërtho acï aa raan ë aŋueel luööi në baŋ de yic de Nhialic, ke bï ka cï kɔn lɛ̈k kuarkuɔ tɔ ye yith, 9#2 Tham 22:50; Diɛt 18:49. ku luɔi bï Juöör Nhialic aa lɛc nɔm ayadäŋ në baŋ de kok cï en piɔ̈u kok ke keek, acït man cï gɔ̈ɔ̈r e an,
“Yen abä yɛn këdu gam ë Juöör yiic,
Ku piaany rinku.”
10 #
Nyöŋ 32:43. Ku be lueel an,
“Yak piɔ̈ɔ̈th miɛt, wek Juöör, në kɔcke ëtök!”
11 #
Diɛt 117:1. Ku be lueel an,
“Yak Bɛ̈nydït piɔɔny, wek Juöör wedhie,
Ku yak lɛc nɔm, wek kɔc wedhie!”
12 #
Yith 11:10 (LXX). Ku be Yithaya luel an,
“Abï dɛ meei de Jethe,
Ku bï dɛ raan bï rɔt jɔ le Juöör cieŋ,
Yen abï Juöör aa ŋɔ̈ɔ̈th.”
13Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.
Kë tɔ Paulo Gär ke cï Ŋeeny
14Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët. 15Ku we cä gäär cök kɔ̈k ke ya ril nyin arëët, ë täŋ täk ɛn wenïïm në kë cäk kɔn ŋic, në baŋ de dhuëëŋ cï Nhialic gäm ɛn. 16Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer. 17Yen a cath ɛn wokë kë duɛ̈ɛ̈r ɛn rɔt leec ë Kërtho Yecu yic në ka ke luɔi de Nhialic. 18Yɛn cïï jam däŋ duɛ̈ɛ̈r lueel, ee jam de kë cï Kërtho looi në yɛn etök, në jam ayï luɔi, bï en Juöör tɔ piŋ wël, 19ku në göök ril ayï kake gäi cï looi, në riɛl ë Wëidït ɣer ke Nhialic, ku yɛn a tök, aa gal ë Jeruthalem ku bɛ̈i nu ë yekëc, ale guööt piny de Yilirikum, yɛn ë wëlpiɛth ke Kërtho thöl ë guiëër. 20Yeka, aa nu ë yapiɔ̈u luɔi bän wëlpiɛth aa guiir, të kënë rin ke Kërtho kɔn lueel, ku yɛn aa cïn piɔ̈u luɔi bän yïk ë këërkëër ë raan däŋ nɔm. 21#Yith 52:15 (LXX). Ku acït man cï e gɔ̈ɔ̈r an,
“Kɔc kënë lɛ̈k ë këde, kek abï tïŋ,
Ku kɔc kën kɔn piŋ, kek abï jam yökic.”
Kïït de Paulo në Biäk bï Yen lɔ Roma
22 #
Rom 1:13. Yɛn aaye cool ë pëënë ya bɛ̈n bä yɛn bɛ̈n tëde week. 23Ku ënɔɔnë luɔi cïn en tëdiën be nu ë bɛ̈ikë yiic, ku luɔi aa yɛn piɔ̈u dɛ lɔ la yɛn tëde week ee run juëckë, 24ke yɛn bï jɔ lɔ tëde week, miäk të keny ɛn Tarcic, (yɛn de piɔ̈u luɔi bän we tïŋ miäk të tɛ̈ɛ̈k ɛn, aguɔkï ya ruac kueer lɔ tɛ̈ɛ̈n, të cän piɔ̈u kɔn a yum ëmääth ë abärɔdun). 25#1 Kor 16:1-4. Ku yɛn lɔ Jeruthalem ënɔɔnë, la kɔc ɣerpiɔ̈ɔ̈th lɔ luööi. 26Kɔc ke Makedonia kekë Akaya acïk käŋ juɛ̈ɛ̈r kɔc në miɛt ë kekpiɔ̈ɔ̈th kɔc ɣerpiɔ̈ɔ̈th kuanynyïïn nu ë Jeruthalem. 27#1 Kor 9:11. Acïk ke juaar në miɛt ë kekpiɔ̈ɔ̈th, ku anu ë keyiëth luɔi bï kek ke miɔɔc. Ku Juöör, të cï kek aa kɔc röm në keek ëtök në kakɛn ë Wëi, aye guɔ nu ë keyiëth ayadäŋ luɔi bï kek ke kony në ka ke piny. 28Na miäk, acä luɔiyë thöl, ku cä ka cï ke luöi ke dhiël keek, ke we bä baar të la yɛn Tarcic. 29Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.
30Ku ënɔɔnë, wek läŋ, wek mïthëkɔckuɔ, në biäk de Bɛ̈nydan Yecu Kërtho, ku nhiëër ë Wëidït an, bäk a kony në lɔ̈ŋ aa wek Nhialic lɔ̈ŋ arëët në biäkdï, cït man ë kɔc wiët, 31ke ya bï luök ë kɔc reec gäm cin, kɔc nu Judaya, ku läŋkï aya, në këde luɔi bä looi ë Jeruthalem, nɔn bï en miɛt tëde kɔc ɣerpiɔ̈ɔ̈th. 32Ku nɔn bän bɛ̈n tëde week në piɔ̈nmit, të cï Nhialic e lueel, agoku aa lɔ̈ŋ ëtök wokë week. 33Nhialic de mät, ë tɔ̈u ke week wedhie. Amiin.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Jieeng de Padang © The Bible Society in South Sudan, 2011.