Math 19
19
Yecu Awɛ̈ɛ̈t ë Biäk de Pɔ̈k
(Mak 10:1-12)
1Na wën, aacï Yecu wëlkë thöl, ke jël ë Galili, le piny de Juda nu ë Jordan nɔm lɔŋtui. 2Ku aa kuany cök ë kuut dït ke kɔc, go ke tɔ dem ëtɛ̈ɛ̈n.
3Na wën, ke Parithai ke ke bɔ̈ të nu yen aya, bïk bɛ̈n them, gokï thiëëc an, “Cï päl raan luɔi bï en pɔ̈k kekë tiiŋde në baŋ de këriëëc ëbɛ̈n? 4#Cäk 1:27; 5:2. Go bɛ̈ɛ̈r, yöök keek an, “Kɛ̈nkï kueen ë awerekic, an, Aciëŋ ë cak kɔc ɣɔn thɛɛr, aa cak moc ku tik, 5#Cäk 2:24. ago lueel an, ‘Yen abï raan wun pɔ̈l ku pɛ̈l man, ago jɔ mat kekë tiiŋde, agokï aa guöp tök keek kaarou?’ 6Yen ka, acïkï be aa rou, ayek guöp tök. Ku ënɔɔnë, kë cïï Nhialic matic, ë cïï raan tekic.”
7 #
Nyöŋ 24:1-4; Math 5:31. Gokï thiëëc an, “Eeŋö ee Mothe ye lueel an, bï raan tik gäm awerek de pɔ̈k, jɔn pɔ̈k ke ye?” 8Go ke yɔ̈ɔ̈k an, “Në baŋ de riɛl aa we piɔ̈ɔ̈th riɛl, yen aa pɛ̈lë Mothe week an, bäk pɔ̈k në diëërkun, ku ɣɔn ciɛk ë käŋ, aa cïï tɔ̈u aya. 9#Math 5:32; 1 Kor 7:10,11. Ku wek yɔ̈ɔ̈k an, “Raan ëbɛ̈n raan bï pɔ̈k kekë tiiŋde, tiiŋ kën lɔ kekë mony däŋ, ago tiiŋ däŋ thiaak, ka cï lɔ kekë tiiŋ lei, ku raan thiak tiiŋ wën cïï monyde pɔ̈l, ka cï lɔ kekë tiiŋ lei.”
10Go kɔckɛn ë piööcë yen yɔ̈ɔ̈k an, “Na ye yen ee täu tɔ̈uwë raan kekë tiiŋde ka, ka acïï piɛth luɔi bï raan thiëëk.”
11Go ke yɔ̈ɔ̈k an, “Jamë acï duëërë muk ë kɔc kedhie, ee kɔc cï ë Nhialic yiɛ̈n en kapäc, keek aduëër e muk. 12Rooc kɔ̈k anukï, kɔc cï dhiëëth ke ke ye rooc ë märken yäc, ku nu rooc kɔ̈k, kɔc cï roc ë kɔc, ku nu rooc, kɔc cï röt roc në biäk de ciɛɛŋ de paannhial. Raan duëër jamë lëu ë muk, ke muk.”
Yecu Athiei Mïththiaakäŋ
(Mak 10:13-16; Luk 18:15-17)
13Na wën, ke mïththiaakäŋ ke ke bïïyë tëde yen an, bï ecin thany ë kegup, ku lɛ̈ŋ: go kɔcpiööcë ke jɔ̈ɔ̈ny. 14Go Yecu lueel an, “Pälkï mïththiaakäŋ, duökï ke pën bɛ̈n të nuö yɛn, ciɛɛŋ de paannhial ee këde kɔc cït keek.”
15Go ecin thany ë kegup, ku jɔ jäl ëtɛ̈ɛ̈n.
Raan Kueth
(Mak 10:17-31; Luk 18:18-30)
16Na wën, ke raan tök bɔ̈ tëde yen, bï ku thiëëc an, “Bɛ̈ny piɛth bɛ̈ny ee wëët, bä këpiɛth ŋö looi, bän dɛ pïïr athɛɛr?”
17Go yɔ̈ɔ̈k an, “Eeŋö tɔ yïn e piɛth? Acïn raan piɛth nu, ee tök tei, yen Nhialic. Ku na kɔɔr nɔn bï yïn lɔ të nu pïïr, ke yï döt cök ke lööŋ.”
18 #
Bɛ̈n 20:13; Nyöŋ 5:17;
Bɛ̈n 20:14; Nyöŋ 5:18;
Bɛ̈n 20:15; Nyöŋ 5:19;
Bɛ̈n 20:16; Nyöŋ 5:20. Go thiëëc an, “Ee cökou?”
Go Yecu lueel an, “Du raan näk abï thou, Du lɔ wekë tiiŋ lei, Du kuël, Du raan ciɛk thok ë lueth, 19#Bɛ̈n 20:12; Nyöŋ 5:16; Leb 19:18. Ye wuur riëëu kekë moor ku nhiaar raan rɛ̈ɛ̈r kekë yïn, cït man nhiɛɛr yïn rɔt.”
20Go dhuŋë lueel an, “Kake kedhie aa ya ke muk ɣɔn aa yɛn meth aɣët cï ënɔɔnë, eeŋö ŋoot ke dak tëde yɛn?”
21Go Yecu yɔ̈ɔ̈k an, “Na kɔɔr nɔn bï yïn piɔ̈u dikëdik, ke yï lɔ, ɣaacë wëuku, ku miɔc kɔc kuanynyïïn, ku yïn bï dɛ wëu cï kueet paannhial, ku bä kuany a cök.”
22Na wën, aacï ee dhuŋë jamë piŋ, ke jël, ke cï piɔ̈u diu, në luɔi ee yen raan juëc ë kake.
23Go Yecu kɔckɛn ë piööcë yɔ̈ɔ̈k an, “Wek yɔ̈ɔ̈k ë yic an, “Abï yic riɛl yen luɔi bï raan de kajuëc lɔ në Ciɛɛŋ de paannhial yic. 24Ku wek bɛ yɔ̈ɔ̈k an, “Tëëk tëëkë thɔ̈rɔ̈l ë liiprɔ nyin, yen apiɔl në lɔ de raan de kajuëc ë Ciɛɛŋ de Nhialic yic.”
25Na wën, aacï kɔckɛn ë piööcë e piŋ, ke ke gäi aläl, luelkï an, “Eeŋa duëërë ja kony wëi?”
26Go Yecu ke woi, ku yöök keek an, “Kënë ee kë dhal kɔc: ku Nhialic ee käŋ lëu kedhie.”
27Go Petero bɛ̈ɛ̈r, yöök an, “Tïŋ, wok kï, wok cï käŋ nyääŋ piny kedhie, ku kuanykï yïcök, ku buk jɔ dɛ ŋö?”
28 #
Math 25:31;
Luk 22:30. Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou. 29Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak. 30#Math 20:16; Luk 13:30. Ku kɔc juëc nu tueŋ abïk wɛɛn ciëën, ku wɛɛn kɔc nu ciëën tueŋ.
Iliyochaguliwa sasa
Math 19: dip-JPB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
The Bible in Jieeng de Padang © The Bible Society in South Sudan, 2011.
