ᓭᐸᓈᔭ 3
3
1ᑯᑕᑭᑖᐃᐧᐣ ᑭᑕ ᐊᔮᐤ ᑳ ᒫᔭᑲᒥᑭᓯᐟ ᒥᓇ ᑳ ᐃᐧᓀᔨᑖᑯᐅᐟ, ᑳ ᑭᑎᒪᐦᐃᐁᐧᐠ ᐅᑌᓇᐤ! 2ᓇᒪᐃᐧᔭ ᑭ ᓇᓇᐃᑕᒼ ᐃᑌᐧᐃᐧᐣ; ᓇᒪᐃᐧᔭ ᑭ ᐅᑎᓇᒼ ᑲᑫᐢᑭᒥᑯᐃᐧᐣ; ᓇᒪᐃᐧᔭ ᑭ ᒪᒥᓯᑐᑕᐁᐧᐤ ᑳ ᑎᐯᔨᐦᒋᑫᔨᐟ; ᓇᒪᐃᐧᔭ ᑭᓯᐊᐧᐠ ᑭ ᓈᑌᐤ ᐅ ᑭᓭᒪᓂᑐᒪ. 3ᑳ ᐅᑭᒫᑲᑖᑯᐟ ᑖᐱᐢᑯᐨ ᐁ ᐱᑎᑲᐧᑖᒧᒋᐠ ᒥᐢᑕᐦᑫᓯᐊᐧᐠ; ᐅᔭᓱᐁᐧᐃᐧᑭᒫᒪ ᐅᑖᑯᓂ ᒪᐃᑲᓂᐃᐧᐊᐧᐠ; ᓇᒪᐃᐧᔭ ᑫᑲᐧᐩ ᐃᐢᑯᐢᑕᒪᐧᐠ ᐁ ᐊᑎ ᐋᐧᐸᓂᔨᐠ ᐃᐢᑯ. 4ᐅᑭᐢᑭᐁᐧᐦᐃᑫᒪ ᔮᑫᔨᑖᑯᓯᔨᐊᐧ ᒥᓇ ᑲᔦᓯᐃᐁᐧᐢᑲᐠ; ᐅᐟ ᐊᔮᒥᐁᐃᐧᔨᓂᒪ ᑭ ᐃᐧᓀᔨᑖᑯᑖᔨᐊ ᑳ ᑲᓈᑕᓂᔨᐠ, ᓇᒪᐃᐧᔭ ᑭ ᒪᓈᒋᐦᑖᐊᐧᐠ ᐅᔭᓱᐁᐧᐃᐧᐣ.
5ᑳ ᑎᐯᔨᐦᒋᑫᐟ ᒣᑳᐧᔭᐢ ᑳ ᐊᔮᐟ ᑲᐧᔭᐢᑭᑖᑎᓯᐤ; ᓇᒪᐃᐧᔭ ᑭᑕ ᐃᐦᑐᑕᒼ ᒪᒋᐃᑎᐃᐧᐣ; ᑕᐦᑐ ᑫᑭᓭᐹᔮᐤ ᐋᐧᐸᐦᑕᐦᐃᐁᐧᐤ ᐅᔭᓱᐋᐧᓯᐁᐧᐃᐧᓇ, ᓇᒪᐃᐧᔭ ᓄᐦᑌᐸᔨᐤ; ᒫᑲ ᐁᑳ ᑲᐧᔭᐢᐠ ᑳ ᐃᑖᑎᓯᐟ ᓇᒪᐃᐧᔭ ᑭᐢᑫᔨᑕᒼ ᓇᓀᐯᐃᐧᓯᐃᐧᐣ. 6ᓂ ᑭ ᑭᐢᑭᐁᐧᐸᐋᐧᐊᐧᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ, ᑭᐋᐧᑕᐢᑌᔨᐊᐧ ᐅᐟ ᐊᓱᐃᐧᑲᒥᑯᐋᐧᐊᐧ; ᓂ ᑭ ᓂᓯᐊᐧᓈᒋᐦᑖᐋᐧᐣ ᐅ ᐱᒧᐦᑌᐢᑲᓈᐋᐧᐊᐧ, ᐁᑳ ᐊᐃᐧᔭᐠ ᐁᑯᑕ ᑭᑕ ᐱᒧᐦᑌᐟ; ᐅᑌᓇᐃᐧᐋᐧᐊᐧ ᓂᓯᐊᐧᓈᑕᓂᔨᐊᐧ, ᐁᑯᓯ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐁᑯᑕ ᐃᐦᑖᐤ, ᓇᒪᐃᐧᔭ ᐊᐃᐧᔭᐠ ᐅᐟ ᐃᐦᑖᐃᐧᓂᐤ. 7ᓂ ᑭ ᐃᑖᐧᐣ, ᑫᒋᓈ ᑭ ᑲ ᑯᓯᑫᐧᔨᒥᐣ, ᑭ ᑲ ᐅᑎᓀᐣ ᑲᑫᐢᑭᒥᑯᐃᐧᐣ; ᐁᑯᓯ ᐅᐟ ᐃᐦᑖᐃᐧᐣ ᐁᑳ ᑭᑕ ᓂᓯᐊᐧᓈᑕᓂᔨᐠ, ᐁ ᐃᑕᐢᑌᐠ ᑲᐦᑭᔭᐤ ᑳ ᑭ ᐅᔭᑭᑕᒪᐊᐧᐠ; ᒫᑲ ᐃᐧᐸᐨ ᑫᑭᓭᐸ ᑭ ᐊᐧᓂᐢᑳᐊᐧᐠ ᒥᓇ ᑭ ᓂᓯᐊᐧᓈᑕᑲᒥᑭᓯᐊᐧᐠ.
8ᐁᐊᐧᑯ ᐅᐦᒋ ᒫᑲ ᑭᔭᐋᐧᐤ ᑫ ᐯᐦᐃᔦᐠ, ᐃᑌᐧᐤ ᑳ ᑎᐯᔨᐦᒋᑫᐟ, ᐱᔨᐢ ᐊᓂᒪ ᐁ ᑭᓯᑳᐠ ᑫ ᐸᓯᑯᐢᑕᒫᐣ ᓂᐸᑖᑫᐃᐧᐣ; ᒋᑫᒫ ᓂ ᑭ ᑭᓭᔨᑌᐣ ᑭᑕ ᒫᐊᐧᓴᑯᓇᐦᑭᐠ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ, ᑭᑕ ᒫᒪᐃᐧᒫᐊᐧᒋᐦᑖᔮᐣ ᑭᐦᒋ ᐅᑭᒫᐃᐧᐃᐧᓇ, ᑭᑕ ᓯᑭᓇᒪᐊᐧᑭᐠ ᓂ ᑭᓯᐋᐧᓯᐃᐧᐣ ᓂᐟ ᐋᐦᑯᔭᐁᐧᓯᐃᐧᐣ ᐅᑎ; ᒋᑫᒫ ᒥᓯᐁᐧ ᐊᐢᑭ ᑭᑕ ᓴᐢᑭᑌᐤ ᐁ ᑳᐧᑯᑌᐠ ᓄᑌᔨᑕᒧᐃᐧᐣ.
9ᐁᑯᐢᐱ ᒫᑲ ᑫ ᒥᔭᑭᐠ ᐊᔨᓯᔨᓂᐊᐧᐠ ᐯᐦᑭ ᑭᓭᐧᐃᐧᐣ ᑲᐦᑭᔭᐤ ᑭᑕ ᑭ ᑳᑭᓯᒧᑐᑕᐦᑭᐠ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᑭᑕ ᐊᑐᐢᑲᐋᐧᒋᐠ ᒫᒪᐃᐧ. 10ᐊᐊᐧᓯᑌ ᓀᑌ ᐃᐦᑎᔮᐱᔭ ᓯᐱᕽ ᑫ ᑳᑭᓯᒧᑐᑕᐃᐧᒋᐠ, ᐅᑖᓂᓴ ᐅᑎ ᓂ ᐱᐁᐧᔮᒧᑳᓇᐠ ᓂ ᑲ ᐯᑕᒫᑲᐧᐠ ᐸᑭᑎᓈᓱᐃᐧᐣ. 11ᐁᐊᐧᑳᐧᓂᒪ ᑭᓯᑳᑭ ᓇᒪᐃᐧᔭ ᑭ ᑲ ᓇᓀᐯᐃᐧᓯᐣ ᑲᐦᑭᔭᐤ ᑭᐟ ᐃᓯᐦᒋᑫᐃᐧᓇ ᐅᐦᒋ, ᑳ ᑭ ᐃᓯ ᐊᐧᓂᑐᑕᐃᐧᔭᐣ; ᒫᓇ ᒫᑲ ᐁᑯᐢᐱ ᓂ ᑲ ᐃᑲᑌᓈᐊᐧᐠ ᑳ ᐊᔮᔭᐣ ᐅᐦᒋ ᐊᓂᑭ ᑳ ᑭᐢᑌᔨᒧᐃᐧ ᑲᑭᐦᒋᒧᒋᐠ, ᐁᑯᓯ ᓇᒪᐃᐧᔭ ᐃᐧᑳᐨ ᒥᓇ ᑭ ᑲ ᑭᐢᑌᔨᒥᓱᐣ ᓂ ᑲᓈᒋ ᐊᐧᒋᒥᕽ. 12ᒫᑲ ᑭ ᑲ ᐃᐢᑯᓇᒫᑎᐣ ᒣᑲᐧᔭᐢ ᑳ ᐊᔮᔭᐣ ᐁ ᑯᑕᑭᑖᒋᐠ ᒥᓇ ᐁ ᑭᑎᒫᑭᓯᒋᐠ ᐊᔨᓯᔨᓂᐊᐧᐠ, ᐁᑯᓯ ᑭᑕ ᒪᒥᓯᑐᑕᒣᐧᐊᐧᐠ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ. 13#ᑭᐢᑫᔨᐦᑖᑯᐦᑫᐃᐧᐣ 14:5ᑳ ᐃᐢᑯᓂᐦᒋᐠ ᐃᐢᕒᐁᐃᓬ ᓇᒪᐃᐧᔭ ᑭᑕ ᐃᑐᑕᒪᐧᐠ ᒪᒋᐃᑎᐃᐧᐣ, ᒥᓇ ᓇᒪᐃᐧᔭ ᑭᑕ ᑭᔮᐢᑭᐊᐧᐠ; ᐊᐦᐳ ᓇᒪᐃᐧᔭ ᑲᔦᓯ ᒥᑌᔭᓂ ᑭᑕ ᒥᐢᑲᒫᐧᐣ ᐅᑐᓂᐋᐧᕽ; ᒋᑫᒫ ᑭᑕ ᒥᒋᓱᐊᐧᐠ ᒥᓇ ᑭᑕ ᓇᐃᓯᓇᐧᐠ, ᓇᒪᐃᐧᔭ ᒫᑲ ᐊᐃᐧᔭ ᑭᑕ ᐊᔭᐢᑖᐃᑲᐧᐠ.
14ᓂᑲᒧ, ᑭᔭ ᓵᔭᐣ ᐅᑖᓂᓴ; ᓵᐦᑯᐁᐧ, ᑭᔭ ᐃᐢᕒᐁᐃᓬ; ᒪᒪᐦᑖᑯᓯ ᒥᓇ ᒥᔭᐋᐧᑕ ᒥᓯᐁᐧ ᒥᑌᐦᐃᕽ, ᑭᔭ ᒉᕒᐅᓴᓬᐊᒼ ᐅᑖᓂᓴ. 15ᑳ ᑎᐯᔨᐦᒋᑫᐟ ᑭ ᐃᑲᑌᓇᒼ ᑯᔭᓱᐊᐧᑎᑯᐃᐧᓇ, ᑭ ᐊᐧᔭᐃᐧᐁᐧᐱᓀᐤ ᑭ ᐃᐧᒋᓄᑎᓂᑐᒫᑲᓇ; ᐃᐢᕒᐁᐃᓬ ᐅ ᑭᐦᒋ ᐅᑭᒫᒪ, ᑳ ᑎᐯᔨᐦᒋᑫᐟ ᐅᑎ, ᒣᑳᐧᔭᐢ ᑭ ᐃᐧᒉᐃᐧᐠ; ᓇᒪᐃᐧᔭ ᒥᓇ ᐃᐧᑳᐨ ᒫᔨᑫᑲᐧᐩ ᑭ ᑲ ᑯᐢᑌᐣ. 16ᐁᐊᐧᑳᐧᓂᒪ ᑭᓯᑳᑭ ᑭᑕ ᐃᑖᐤ ᒉᕒᐅᓴᓬᐊᒼ, ᐁᑳᐃᐧᔭ ᓭᑭᓯ; ᑭᔭ ᓵᔭᐣ, ᐁᑳᐃᐧᔭ ᓀᓱᐃᐧᒋᐦᒉ. 17ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒣᑳᐧᔭᐢ ᑭ ᐃᐧᒉᐃᐧᐠ, ᐁᐊᐧᑯ ᑳ ᓱᑳᔭᐃᐧᓯᐟ ᑫ ᐱᒫᒋᐦᐃᐁᐧᐟ; ᑭᑕ ᒥᔭᐋᐧᑕᒼ ᑭᔭ ᐅᐦᒋ ᐁ ᒥᔭᐋᐧᑕᕽ, ᑭᑕ ᑯᐢᑳᐧᐋᐧᒋ ᐊᔮᐤ ᐅ ᓵᑭᐦᐃᐁᐧᐃᐧᓂᕽ, ᑭᑕ ᓂᑲᒧ ᐁ ᒥᔭᐋᐧᑕᕽ ᑭᔭ ᐅᐦᒋ. 18ᓂ ᑲ ᒫᐊᐧᒋᐦᐋᐊᐧᐠ ᐊᓂᑭ ᑳ ᒥᑖᑕᐦᑭᐠ ᑳ ᐊᔮᑳᐧᒣᔨᑖᑲᐧᕽ ᒫᐊᐧᒋᐦᐃᑐᐃᐧᐣ, ᑭᔭ ᑳ ᑭ ᐅᐦᒋᒋᐠ; ᑳ ᑭ ᑯᓯᑯᐢᑳᑯᒋᐠ ᐅ ᓇᔭᑕᐃᑯᐃᐧᓂᔨᐤ. 19ᒫᑎᑲ ᐁᑯᐢᐱ ᓂ ᑲ ᐱᓯᐢᑫᔨᒫᐊᐧᐠ ᑲᐦᑭᔭᐤ ᐊᓂᑭ ᑳ ᑯᑕᑭᐦᐃᐢᑭᐠ; ᒥᓇ ᓂ ᑲ ᐱᒫᒋᐦᐋᐤ ᐊᓇ ᑳ ᒫᐢᑭᐸᔨᐟ, ᒥᓇ ᓂ ᑲ ᒫᐊᐧᒋᐦᐋᐤ ᐊᓇ ᑳ ᑭ ᒥᐁᐧᑎᓴᐅᐦᐟ; ᐁᑯᓯ ᐁᐊᐧᑯᓂᐠ ᓂ ᑳ ᐃᑐᑕᐋᐧᐊᐧᐠ ᑭᑕ ᐅᐦᒋ ᒪᒥᐦᒋᒧᕽ ᒥᓇ ᑭᑕ ᐃᐧᒋᑳᓱᒋᐠ, ᐅ ᓇᓀᐯᐊᐧᑫᔨᑖᑯᓯᐃᐧᓂᐋᐧᐤ ᑳ ᑭ ᐊᔮᔨᐠ ᒥᓯᐁᐧᐢᑲᒥᐠ. 20ᐁᑯᐢᐱ ᐊᓂᒪ ᑭ ᑲ ᐱᐦᑐᑲᐦᐃᑎᐣ, ᒥᓇ ᐁᑯᐢᐱ ᑭ ᑲ ᒫᐊᐧᒋᐦᐃᑎᐣ; ᒋᑫᒫ ᑭ ᑲ ᐃᐦᑐᑖᑎᐣ ᑭᑕ ᒪᒥᐦᒋᒥᑲᐃᐧᔭᐣ ᒥᓇ ᑭᑕ ᐃᐧᒋᑳᓱᔭᐣ ᒣᑲᐧᔭᐢ ᑲᐦᑭᔭᐤ ᐊᔨᓯᔨᓂᓈᕽ ᐊᐢᑭᕽ ᐃᐢᐱ ᑳᐃᐧ ᐯ ᑭᐁᐧᑕᐃᑕᑳᐧᐃᐧ ᑳ ᑭ ᐊᐊᐧᑳᑎᑲᐃᐧᔦᐠ ᐁ ᐋᐧᐸᐦᑕᒣᐠ, ᐃᑌᐧᐤ ᑳ ᑎᐯᔨᐦᒋᑫᐟ.
Iliyochaguliwa sasa
ᓭᐸᓈᔭ 3: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.