ᓭᑲᕒᐋᔭ 7
7
1ᑭ ᐊᔨᐢᐸᔨᐤ ᒫᑲ ᓀᐤ ᐊᐢᑭ ᐊᑎ ᐁ ᐊᔮᐟ ᑭᐦᒋ ᐅᑭᒫᐤ ᑌᕒᐋᔭᐢ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᐅᑎᐦᑎᐠ ᓭᑲᕒᐋᔭ ᓀᐤ ᐁ ᐃᑕᑭᒥᐦᐟ ᐊᓇ ᑫᑳᐟ ᒥᑖᑕᐦᐟ ᐱᓯᒼ, ᐊᓇ ᐅᑎ ᑭᐢᓬᐁᑊ. 2ᐊᓂᑭ ᒫᑲ ᐯᐦᑎᓬ ᐅᐦᒋ ᑭ ᐃᓯᑎᓴᐁᐧᐊᐧᐠ ᓴᕒᐁᓴᕒ ᒥᓇ ᕒᐃᑫᒼ-ᒥᓬᐁᐠ, ᐅᐢᑭᓂᑭᒥᐋᐧᐊᐧ, ᑭᑕ ᑳᑭᓯᒧᑐᑕᐋᐧᒋᐠ ᑳ ᑎᐯᔨᐦᒋᑫᔨᐟ, 3ᒥᓇ ᑭᑕ ᑭᑐᑖᒋᐠ ᐊᓂᐦᐃ ᑳ ᐊᔭᒥᐦᐁᐃᐧᔨᓂᑲᑕᒥᔨᐟ ᐅ ᐋᐧᐢᑳᐦᐃᑲᐣ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᒥᓇ ᐅᑭᐢᑭᐁᐧᐦᐃᑫᐊᐧ, ᐁ ᐃᑌᐧᒋᐠ, ᐃᑕᐢᑌᐤ ᒋ ᑭᑕ ᒫᑐᔮᐣ ᐅᑎᐦᒋᐸᔨᑭ ᓂᔮᓇᐣ ᐱᓯᒼ, ᐁ ᐸᐦᑳᓂᐃᓱᔮᐣ, ᑖᐱᐢᑯᐨ ᑳ ᑭ ᑐᑕᒫᐣ ᐁᑲᐧ ᒥᐦᒉᐟ ᐊᐢᑭᐃᐧᓇ?
4ᐁᑲᐧ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᓂ ᑭ ᐅᑎᐦᑎᑯᐋᐧᐣ, ᐁ ᐃᑌᐧᐟ, 5ᐊᔭᒥᐃᐠ ᑲᐦᑭᔭᐤ ᐊᔨᓯᔨᓂᐊᐧᐠ ᐊᐢᑭᕽ, ᒥᓇ ᐊᔭᒥᐦᐁᐃᐧᔨᓂᐊᐧᐠ, ᐁ ᐃᑌᐧᔭᐣ, ᐃᐢᐱ ᒫᓇ ᑳ ᐃᔨᐊᐧᓂᓯᐦᐃᓱᔦᐠ ᒥᓇ ᑳ ᒫᑐᔦᐠ ᑌᐸᑯᑊ ᐱᓯᒼ ᐁ ᐊᑭᒥᐦᐟ, ᐅᒪ ᐁᑲᐧ ᑌᐸᑯᐦᐳᒥᑕᓇᐤ ᑕᐦᑐ ᐊᐢᑭ, ᓂᔭ ᒋ ᐅᐦᒋ ᑳ ᑭ ᐃᔨᐊᐧᓂᓯᐦᐃᓱᔦᐠ, ᓂᔭ ᐅᑎ? 6ᐁᑯᓯ ᒥᓇ ᒥᔨᒋᓱᔦᑯ ᒥᓇ ᒣᓂᑫᐧᔦᑯ, ᓇᒪ ᒋ ᑭᔭᐋᐧᐤ ᐅᐦᒋ ᑳ ᒥᒋᓱᔦᐠ, ᒥᓇ ᑭᔭᐋᐧᐤ ᐅᐦᒋ ᑳ ᒥᓂᐦᑫᐧᔦᐠ? 7ᓇᒪ ᒋ ᐃᑕᐢᑌᐤ ᑭᑕ ᐯᐦᑕᒣᐠ ᐊᓂᐦᐃ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᑳ ᑭ ᑲᑫᐢᑭᒥᑯᔦᐠ ᐊᓂᐦᐃ ᑲᔭᐦᑌ ᐅᑭᐢᑭᐁᐧᐦᐃᑫᐊᐧ ᐅᐦᒋ, ᒣᑳᐧᐨ ᒉᕒᐅᓴᓬᐊᒼ ᐁ ᐊᐱᐢᒋᑳᑌᐠ ᒥᓇ ᐁ ᓇᓇᐦᐃᐸᔨᐠ, ᒥᓇ ᐅᑌᓇᐊᐧ ᐋᐧᐢᑳ ᐁᑯᑕ, ᒥᓇ ᓵᐊᐧᓄᑖᕽ ᒥᓇ ᑕᐸᑖᔭᐋᐧᕽ ᐁ ᐊᐱᐢᒋᑳᑌᑭ?
8ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᒫᑲ ᑭ ᐅᑎᐦᑎᐠ ᓭᑲᕒᐋᔭ, ᐁ ᐃᑎᑯᐟ, 9ᐅᒥᓯ ᑭ ᐃᓯ ᐱᑭᐢᑫᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ, ᐁ ᐃᑌᐧᐟ. ᑲᐧᔭᐢᐠ ᐅᔭᓱᐊᐧᓯᐁᐧᐃᐧᐣ ᐃᐦᑐᑕᒧᐠ, ᒥᓇ ᑲᐦᑭᔭᐤ ᐊᔨᓯᔨᓂᐤ ᑭᑕ ᑭᓭᐋᐧ ᑐᑕᐁᐧᐤ ᒥᓇ ᑭᑕ ᑭᑎᒫᑭᓇᐁᐧᐤ ᐅᒋᐋᐧᒪ; 10ᒥᓇ ᐁᑳᐃᐧᔭ ᑭᑎᒪᐦᐃᕽ ᓯᑳᐃᐧᐢᑫᐧᐤ, ᐊᐦᐳ ᐁᑳ ᑯᔪᑖᐃᐧᐟ, ᒫᓂᑌᐤ, ᐊᐦᐳ ᐅᑭᑎᒫᑭᓯᐤ; ᒥᓇ ᐁᑳᐃᐧᔭ ᐊᐃᐧᔭᐠ ᑭᔭᐋᐧᐤ ᑭ ᑲ ᐃᐧ ᒪᒋᐃᑌᔨᒫᐋᐧᐤ ᑭᒋᐋᐧᒥᐋᐧᐤ ᑭᑌᐦᐃᐋᐧᕽ.
11ᒫᑲ ᑭ ᐋᑕᐁᐧᔨᑕᒪᐧᐠ ᑭᑕ ᓇᑐᐦᑕᐦᑭᐠ, ᐊᓭᑎᐦᑎᒪᓀᔨᐊᐧᐠ, ᒥᓇ ᑭ ᑭᐱᓇᒪᐧᐠ ᐅᐦᑕᐊᐧᑳᐋᐧᐊᐧ, ᐁᑳ ᑭᑕ ᐯᐦᑕᑭᐠ. 12ᐁᐦᐁ, ᒫᐊᐧᐨ ᐁ ᒪᐢᑲᐃᐧᓯᐟ ᐊᓯᓂ ᑭ ᐃᓯᑖᐊᐧᐠ ᐅᑎᐦᐃᐋᐧᐊᐧ, ᐁᑳ ᑭᑕ ᐯᐦᑕᑭᐠ ᐅᔭᓱᐁᐧᐃᐧᐣ, ᒥᓇ ᐃᑌᐧᐃᐧᓇ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᑳ ᑭ ᐃᓯᑎᓴᐦᐊᕽ ᐅᐟ ᐊᐦᒑᐦᑲᐧ ᐅᐦᒋ ᐁ ᐸᒥᓇᒧᐋᐟ ᑲᔭᐦᑌ ᐅᑭᐢᑭᐁᐧᐦᐃᑫᐊᐧ; ᐁᐊᐧᑯ ᐅᐦᒋ ᒥᐢᑕᐦᐃ ᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᑭ ᐅᐦᒋᐸᔨᐤ. 13ᐁᑯᓯ ᑭ ᐊᔨᐢᐸᔨᐤ, ᑳ ᑭ ᐋᑕ ᑌᐯᐧᐟ, ᐁᑳ ᒫᑲ ᐁ ᐃᐧ ᓇᑐᐦᑕᐦᑭᐠ; ᐁᑯᓯ ᐃᐧᔭᐋᐧᐤ ᒥᓇ ᑭᑕ ᑌᐯᐧᐊᐧᐠ, ᓇᒪᐃᐧᔭ ᒫᑲ ᓂ ᑲ ᓇᑐᐦᑌᐣ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ; 14ᒫᑲ ᐁ ᐱᓯᒍᓯᐊᐧᕽ ᐅᐦᒋ ᓂ ᑲ ᓯᓭᐧᑎᓴᐋᐧᐊᐧᐠ ᒥᓯᐁᐧ ᓇᓈᑐᑯᐢᑳᓀᓯᓈᕽ ᐊᓂᐦᐃ ᐁᑳ ᑳ ᑭ ᑭᐢᑫᔨᒫᒋᐠ. ᐁᑯᓯ ᐃᓯ ᐊᐢᑭ ᑭ ᓯᑲᐃᐧᐢᑲᑕᒪᐧᐠ, ᐁᑳ ᐊᐃᐧᔭᐠ ᐊᔨᓯᔨᓂᐤ ᐁ ᓵᐳᐢᑲᕽ ᐊᐦᐳ ᐁ ᐯ ᑭᐁᐧᐟ; ᒋᑫᒫ ᑳ ᒥᔦᐧᔨᑖᑲᐧᓂᔨᐠ ᐊᐢᑭ ᑭ ᓯᑲᐃᐧᐢᑲᑕᒪᐧᐠ.
Iliyochaguliwa sasa
ᓭᑲᕒᐋᔭ 7: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.