ᓭᑲᕒᐋᔭ 4
4
1ᐊᓇ ᒫᑲ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ ᒥᓇ ᑭ ᐯ ᐃᑐᐦᑌᐤ, ᐁᑯᓯ ᓂ ᑭ ᑯᐢᑯᓂᐠ ᑖᐱᐢᑯᐨ ᐊᔨᓯᔨᓂᐤ ᑳ ᑯᐢᑯᓂᐦᐟ ᐁ ᑭ ᓂᐹᐟ. 2ᓂ ᑭ ᐃᑎᐠ ᒫᑲ, ᑫᑲᐧᐩ ᐃᐧᔮᐸᐦᑕᒪᐣ? ᐁᑯᓯ ᓂ ᑭ ᐃᑖᐧᐣ, ᓂ ᑭ ᐋᐧᐸᐦᑌᐣ, ᐁᑯᓯ ᐳᑎ, ᐋᐧᓴᐢᑯᑌᓂᑲᓈᑎᐠ ᒥᓯᐁᐧ ᐁ ᐅᓵᐃᐧᓱᓂᔮᐊᐧᕽ, ᐁ ᐳᓯᐢᑳᐠ ᑕᐦᑯᐨ, ᒥᓇ ᑌᐸᑯᑊ ᐋᐧᓴᐢᑯᑌᓂᑲᓇ ᐁᑯᑕ; ᑖᑌᐸᑯᑊ ᐅᑯᑕᐢᑲᐧᔭ, ᐁ ᐃᑕᑎᑭ ᐅᐦᐃ ᐋᐧᓴᐢᑯᑌᓂᑲᓇ, ᑕᐦᑯᐨ ᑳ ᐊᔮᑭ; 3#ᑭᐢᑫᔨᐦᑖᑯᐦᑫᐃᐧᐣ 11:4ᐁᑯᓯ ᓂᓱ ᐱᒥᐋᐧᑎᑲᐧᐠ ᒋᑭ, ᐯᔭᐠ ᑭᐦᒋᓂᐢᑭᕽ ᐃᑌᐦᑫ ᐊᓂᒪ ᑳ ᐳᓯᐢᑳᐠ, ᒥᓇ ᑯᑕᐠ ᓇᒪᑎᓂᕽ ᐃᑌᐦᑫ ᐁᐊᐧᑯ.
4ᓂ ᑭ ᓇᐢᑫᐧᐊᐧᓯᒫᐤ ᒥᓇ ᓂ ᑭ ᑭᑐᑖᐤ ᐊᓇ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ, ᐁ ᐃᑕᐠ, ᑫᑲᐧᔭ ᐅᐦᐃ ᓄᑭᒫᒼ? 5ᐁᑲᐧ ᐊᓇ ᐅᑭᓯᑯ ᑳ ᐃᐧᒋᐱᑭᐢᑫᐧᒥᐟ ᓂ ᑭ ᓇᐢᑫᐧᐊᐧᓯᒥᐠ ᒥᓇ ᓂ ᑭ ᐃᑎᐠ, ᓇᒪ ᒋ ᑭ ᑭᐢᑫᔨᑌᐣ ᑫᑲᐧᔭ ᐅᐦᐃ? ᓂ ᑭ ᐃᑖᐧᐣ ᒫᑲ, ᓇᒪᐃᐧᔭ, ᓄᑭᒫᒼ. 6ᐁᑲᐧ ᓂ ᑭ ᓇᐢᑫᐧᐊᐧᓯᒥᐠ ᒥᓇ ᓂ ᑭ ᑭᑐᑎᐠ, ᐁ ᐃᑌᐧᐟ, ᐁᐊᐧᑫᐧᔨᐤ ᐅᒪ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᑳ ᐃᑖᐟ ᓭᕒᐊᐸᐯᓬᐊ, ᐁ ᐃᑌᐧᐟ, ᓇᒪᐃᐧᔭ ᓱᑳᔭᐃᐧᓯᐃᐧᐣ ᐅᐦᒋ, ᐊᐦᐳ ᒪᐢᑲᐃᐧᓯᐃᐧᐣ ᐅᐦᒋ, ᒫᑲ ᓂᐟ ᐊᐦᒑᕽ ᐅᐦᒋ, ᐃᑌᐧᐤ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ. 7ᐊᐁᐧᓇ ᑭᔭ, ᑭᐦᒋᐊᐧᒋ? ᐅᐦᑎᐢᑲᐤ ᓭᕒᐊᐸᐯᓬ ᑕᐦᑕᑲᐧᒑᐤ ᑭ ᑲ ᐃᓯ ᐊᔮᐣ; ᐁᑯᓯ ᑭᑕ ᐯ ᐊᐧᔭᐃᐧᑕᐁᐤ ᐊᓂᐦᐃ ᑭᐦᒋᐊᓯᓂᔭ ᐁ ᓵᑯᐋᐧᑖᒋᐠ ᓂᓱᑲᒫᑯᐃᐧᐣ, ᓂᓱᑲᒫᑯᐃᐧᐣ, ᑭᑕ ᐊᔮᐤ.
8ᐁᑯᓯ ᒥᓇ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 9ᐃᐧᔭ ᓭᕒᐊᐸᐯᓬ ᑭ ᐅᔭᐢᑖᐤ ᐁᓇᐢᑲᒥᑭᒋᑲᓇ ᐅᒪ ᐋᐧᐢᑳᐦᐃᑲᐣ; ᐃᐧᔭ ᒥᓇ ᐅᒋᐦᒋᔭ ᐅᐦᒋ ᑭᑕ ᑭᓯᑖᐤ; ᐁᑯᓯ ᑭ ᑲ ᑭᐢᑫᔨᑌᐣ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᐁ ᑭ ᐃᓯᑎᓴᐦᐅᐟ ᑭᑕ ᓈᑎᑕᑯᐠ. 10#ᐁᐢᕒᐊ 5:2#ᑭᐢᑫᔨᐦᑖᑯᐦᑫᐃᐧᐣ 5:6ᒋᑫᒫ ᐊᐁᐧᓇ ᑳ ᑭ ᒫᔦᔨᑕᕽ ᐊᓂᒪ ᑭᓯᑳᐤ ᑳ ᐊᐱᐢᑌᔨᑖᑲᐧᐦᑭ ᑫᑲᐧᔭ? ᒫᓇ ᒫᑲ ᑭᑕ ᒪᒪᐦᑖᑯᓯᐊᐧᐠ ᒥᓇ ᑭᑕ ᐋᐧᐸᐦᑕᒫᐧᐠ ᑎᐹᐯᑭᓂᑲᐣ ᐁ ᒥᒋᒥᓇᕽ ᓭᕒᐊᐸᐯᓬ, ᐊᓂᑭ ᐅᑎ ᑌᐸᑯᑊ, ᐁᐊᐧᑯᓂ ᐅᐢᑭᓯᑲᐧ ᑳ ᑎᐯᔨᐦᒋᑫᐟ; ᑳᑫᐧᑯᐢᐠ ᐸᐹᒥᐸᔨᐊᐧ ᒥᓯᐁᐧᐢᑲᒥᐠ.
11 #
ᑭᐢᑫᔨᐦᑖᑯᐦᑫᐃᐧᐣ 11:4
ᐁᑲᐧ ᓂ ᑭ ᓇᐢᑫᐧᐊᐧᓯᒫᐤ ᒥᓇ ᓂ ᑭ ᐃᑖᐤ, ᑖᓂᓯ ᐅᑯ ᓂᓱ ᐱᒥᐋᐧᑎᑲᐧᐠ ᑭᐦᒋᓂᐢᑭᕽ ᐃᑌᐦᑫ ᐊᓂᒪ ᐋᐧᓴᐢᑯᑌᓂᑲᓈᑎᐠ ᒥᓇ ᓇᒪᑎᓂᕽ ᐃᑌᐦᑫ ᐁᐊᐧᑯ? 12ᐁᑲᐧ ᒥᓇ ᓂ ᑭ ᓇᐢᑫᐧᐊᐧᓯᒫᐤ ᒥᓇ ᓂ ᑭ ᐃᑖᐤ ᑭᐦᑖᐧᒼ, ᑫᑲᐧᔭ ᒫᑲ ᐅᐦᐃ ᓂᓱ ᐱᒥᐋᐧᑎᑯ ᐸᐢᑫᑎᑲᐧᓇ ᑳ ᐊᔮᑭ ᒋᑭ ᐊᓂᐦᐃ ᓂᓱ ᐅᓵᐃᐧᓱᓂᔮᐤ ᐅᑐᓂᑳᒋᑲᓇ, ᐃᑕ ᑳ ᐊᑎ ᓵᐳᒋᐊᐧᓂᑖᒋᐠ ᐊᓂᒪ ᐅᓵᐃᐧᓱᓂᔮᐃᐧ ᐱᒥ? 13ᓂ ᑭ ᓇᐢᑫᐧᐊᐧᓯᒥᐠ ᒫᑲ ᐁᑯᓯ ᑭ ᐃᑌᐧᐤ, ᓇᒪ ᒋ ᑭ ᑭᐢᑫᔨᑌᐣ ᑫᑲᐧᔭ ᐅᐦᐃ? ᓂ ᑭ ᐃᑖᐧᐣ ᒫᑲ, ᓇᒪᐃᐧᔭ, ᓄᑭᒫᒼ. 14ᐁᑲᐧ ᑭ ᐃᑌᐧᐤ, ᐁᐊᐧᑯᓂᐠ ᐅᑯ ᓂᓱ ᑐᒥᓈᑲᓇᐠ, ᑳ ᐃᐧᒋᑳᐸᐃᐧᐢᑕᐋᐧᒋ ᑳ ᑎᐯᔨᐦᑕᒥᔨᐟ ᒥᓯᐁᐧ ᐊᐢᑭ.
Iliyochaguliwa sasa
ᓭᑲᕒᐋᔭ 4: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.