Chapa ya Youversion
Ikoni ya Utafutaji

ᓭᐣᐟ ᒫᕒᐠ 12

12
1 # ᐊᐩᓵᔭ 5:1,2 ᑭ ᒫᒋ ᐊᐧᐃᐧᑕᒪᐁᐧᐤ ᒫᑲ ᒥᓇ ᐋᐁᐧᒋᑲᓇ. ᐯᔭᐠ ᐊᔨᓯᔨᓂᐤ ᑭ ᑭᐢᑎᑳᑕᒼ ᓱᒥᓈᑎᑯᐃᐧ ᑭᐢᑎᑳᓂᔨᐤ, ᒥᓇ ᐁ ᑭ ᐋᐧᐢᑳᐢᑭᓇᕽ, ᐁᑯᓯ ᐁ ᑭ ᒧᓈᑎᑳᑕᕽ ᐃᑕ ᑭᑕ ᐅᒋᑲᐃᐧᑖᐟ ᓱᒥᓈᐳ, ᒥᓇ ᑭ ᐅᓯᑖᐤ ᐊᓴᐋᐧᐱᐃᐧᑲᒥᐠ, ᑭ ᐸᑭᑎᓇᒪᐁᐧᐤ ᒫᑲ ᑭᐢᑎᑫᐃᐧᔨᓂᐊᐧ, ᐁᑯᓯ ᑯᑕᐠ ᐊᐢᑭᕽ ᐁ ᑭ ᐃᑐᐦᑌᐟ. 2ᐃᐢᐱ ᒫᑲ ᐁᐧᑎᒋᐸᔨᐠ ᑭ ᐃᓯᑎᓴᐦᐊᒪᐁᐧᐤ ᐊᑐᐢᑫᔮᑲᓇ ᐊᓂᐦᐃ ᑭᐢᑎᑫᐃᐧᔨᓂᐊᐧ, ᑭᑕ ᒥᔨᑯᐟ ᐊᓂᐦᐃ ᑭᐢᑎᑫᐃᐧᔨᓂᐊᐧ ᐁ ᐃᓯ ᒥᓂᓯᐊᐧᕽ ᐊᓂᒪ ᓱᒥᓈᑎᑯᐃᐧ ᑭᐢᑎᑳᐣ. 3ᒫᑲ ᐃᐧᔭᐋᐧᐤ ᑭ ᐅᑎᐦᑎᓀᐊᐧᐠ, ᒥᓇ ᐁ ᑭ ᐸᐸᑲᒪᐋᐧᒋᐠ, ᐱᓯᓯᐠ ᒫᑲ ᐁ ᑭ ᓯᐯᐧᑎᓴᐋᐧᒋᐠ. 4ᒥᓇ ᒫᑲ ᑯᑕᑲ ᐊᑐᐢᑫᔮᑲᓇ ᑭ ᐃᓯᑎᓴᐦᐊᒪᐁᐧᐤ; ᐁᐊᐧᑲᐧᓂ ᒫᑲ ᑭ ᒥᓵᐧᑲᓂᑳᑌᐊᐧᐠ ᐅᐢᑎᑲᐧᓂᔨᕽ, ᒥᓇ ᐁ ᓇᓀᐯᐊᐧᑫᔨᑖᑲᐧᓂᔨᐠ ᑭ ᐊᔨᑐᑕᐁᐧᐊᐧᐠ. 5ᒥᓇ ᒫᑲ ᑯᑕᑲ ᑭ ᐃᓯᑎᓴᐁᐧᐤ: ᐁᐊᐧᑲᐧᓂ ᒫᑲ ᑭ ᓂᐸᐁᐊᐧᐠ; ᒥᓇ ᒫᑲ ᒥᐦᒉᐟ ᑯᑕᑲ; ᐋᑎᐦᐟ ᐁ ᐸᐸᑲᒪᐋᐧᒋᐠ; ᒥᓇ ᐋᑎᐦᐟ ᐁ ᓂᐸᐦᐋᒋᐠ. 6ᑫᔮᐱᐨ ᒫᑲ ᐁ ᐊᔮᐋᐧᐟ ᐯᔭᐠ, ᐁ ᓵᑭᐦᐋᐟ ᐅᑯᓯᓴ: ᐃᐢᑳᐧᔮᐨ ᑭ ᐃᑎᓴᐊᒪᐁᐧᐤ ᐁᐊᐧᑲᐧᓂ, ᐁ ᐃᑌᐧᐟ, ᑭᑕ ᑯᓯᑫᐧᔨᒣᐊᐧᐠ ᓂᑯᓯᓴ. 7ᒫᑲ ᐅᑯ ᑭᐢᑎᑫᐃᐧᔨᓂᐊᐧᐠ ᑭ ᐊᔨᑎᑐᐊᐧᐠ, ᐁᐊᐧᑯ ᐊᐊᐧ ᐅᑖᓂᐢᑫᐢᑲᒫᑫᐤ; ᐋᐤ, ᒫᐦᑎ ᓂᐸᐦᐋᑖᐠ, ᐊᓂᒪ ᒫᑲ ᐅ ᑲ ᑭ ᐋᓂᐢᑫ ᐊᔮ ᑭᔮᓇᐤ ᑭ ᑲ ᐊᔮᓈᓇᐤ. 8ᐁᑯᓯ ᒫᑲ ᑭ ᐅᑎᓀᐊᐧᐠ, ᒥᓇ ᐁ ᑭ ᓂᐸᐦᐋᒋᐠ, ᐁ ᑭ ᐊᐧᔭᐃᐧ ᐁᐧᐱᓈᒋᐠ ᒫᑲ ᓱᒥᓈᑎᑯᐃᐧ ᑭᐢᑎᑳᓂᕽ ᐅᐦᒋ. 9ᑫᑲᐧᐩ ᒫᑲ ᑫ ᐃᑐᑕᕽ ᑳ ᑎᐯᔨᑕᕽ ᓱᒥᓈᑎᑯᐃᐧ ᑭᐢᑎᑳᓂᔨᐤ? ᑭᑕ ᐯ ᓇᑕᐃᐧ ᓂᓯᐊᐧᓈᒋᐁᐤ ᐊᓂᐦᐃ ᑭᐢᑎᑫᐃᐧᔨᓂᐊᐧ, ᐁᑯᓯ ᒫᑲ ᑭᑕ ᒥᔮᐟ ᓱᒥᓈᑎᑯᐃᐧ ᑭᐢᑎᑳᓂᔨᐤ ᑯᑕᑲ. 10#ᓂᑲᒧᓇ 118:22,23ᓇᒪ ᒋ ᒥᓇ ᑯᐦ ᐊᔭᒥᑖᓈᐋᐧᐤ ᐊᐦᐳ ᐅᒪ ᒪᓯᓇᐦᐃᑫᐃᐧᐣ;
ᐊᓂᐦᐃ ᐊᓯᓂᔭ ᐅᐋᐧᐢᑳᐃᑲᓂᑫᐊᐧᐠ ᑳ ᑭ ᐋᑕᐁᐧᔨᒫᒋᐠ, ᐁᐊᐧᑯ ᑭᐢᑕᔮᐤ ᐁ ᓀᑕᑳᔨᐠ:
11ᐅᒪ ᑳ ᑎᐯᔨᐦᒋᑫᐟ ᐅᒋᒪᑲᐣ, ᐁᑯᓯ ᑭ ᒫᒪᐢᑳᓵᐱᓯᓂᓈᓇᐤ. 12ᑭ ᓇᓈᑐᓇᒪᐧᐠ ᒫᑲ ᑭᑕ ᐅᑎᑎᓈᒋᐠ; ᒫᑲ ᑭ ᑯᐢᑌᐊᐧᐠ ᐊᔨᓯᔨᓂᐊᐧ; ᒋᑫᒫ ᓂᓯᑕᐃᐧᓇᒪᐧᐠ ᐃᐧᔭᐋᐧᐤ ᐁ ᐃᑎᑯᒋᐠ ᐊᓂᒪ ᐋᐁᐧᒋᑲᐣ: ᑭ ᓇᑲᑌᐊᐧᐠ ᒫᑲ, ᐁ ᑭ ᐊᑎ ᓯᐯᐧᑌᒋᐠ.
13ᑭ ᐃᑎᓴᐊᒪᐁᐧᐊᐧᐠ ᒫᑲ ᐋᑎᐦᐟ ᐹᕒᐊᓯᔭ ᒥᓇ ᐁᕒᐅᑎᔭᓇ, ᑭᑕ ᑳᒋᑎᓈᔨᐟ ᐅᐟ ᐊᔭᒥᐃᐧᓂᔨᕽ. 14ᐃᐢᐱ ᒫᑲ ᑌᑯᓯᑭᐠ, ᐅᒥᓯ ᐃᑌᐊᐧᐠ, ᑫᐢᑭᓄᐦᐊᒫᑫᔭᐣ, ᓂ ᑭᐢᑫᔨᑌᓈᐣ ᐁ ᑖᐯᐧᔭᐣ, ᐁᑳ ᒫᑲ ᐊᐃᐧᔭᐠ ᐊᔨᓯᔨᓂᐤ ᐁ ᐸᐹᒣᔨᒪᐟ; ᒋᑫᒫ ᓇᒪᐃᐧᔭ ᑭ ᐸᐱᓯᐢᑫᔨᒫᐊᐧᐠ ᐁᑕᑭᒋᑳᓱᒋᐠ ᐊᔨᓯᔨᓂᐊᐧᐠ, ᒫᑲ ᑖᐯᐧᐃᐧᓂᕽ ᐁ ᑭᐢᑭᓄᐦᐊᒫᑫᔭᐣ ᑭᓭᒪᓂᑐ ᐅᐟ ᐃᓯ ᓇᑕᐁᐧᔨᑖᒧᐃᐧᐣ; ᐃᑕᐢᑌᐤ ᒋ ᑭᑕ ᒥᔨᐦᐟ ᓯᓴᕒ ᑎᐸᐦᐃᑫᐃᐧ ᓱᓂᔮᐊᐧ, ᐊᐦᐳ ᐁᑳ? 15ᓂ ᑲ ᒣᑭᓈᐣ ᒋ ᐊᐦᐳ ᒋ ᓇᒪᐃᐧᔭ? ᒫᑲ ᐃᐧᔭ ᐁ ᑭᐢᑫᔨᑕᒫᐧᐟ ᐅ ᑲᑲᔦᔨᓯᐃᐧᓂᔨᐤ, ᐅᒥᓯ ᑭ ᐃᑌᐤ, ᑖᓀᑭ ᑳ ᑲᑫᐧᒋᐃᔦᐠ? ᐯᑕᒪᐃᐧᐠ ᓱᓂᔮᐢ ᑭᑕ ᐋᐧᐸᒪᐠ. 16ᐁᑯᓯ ᑭ ᐯᓯᐁᐧᐊᐧᐠ. ᐅᒥᓯ ᒫᑲ ᐃᑌᐤ, ᐊᐁᐧᓇ ᐅᒪ ᐅ ᒪᓯᓂᐃᐧᐃᐧᐣ ᒥᓇ ᐅ ᒪᓯᓇᐃᑳᓱᐃᐧᐣ? ᐅᒥᓯ ᒫᑲ ᑭ ᐃᑌᐊᐧᐠ, ᓯᓴᕒ. 17ᒋᓴᐢ ᒫᑲ ᑭ ᐃᑌᐤ, ᒥᔨᕽ ᓯᓴᕒ ᑳ ᐅᐟ ᐊᔮᓂᐟ ᓯᓴᕒ, ᒥᓇ ᑭᓭᒪᓂᑐ ᑳ ᐅᐟ ᐊᔮᓂᐟ ᑭᓭᒪᓂᑐ. ᒥᐢᑕᐦᐃ ᒫᑲ ᒫᒪᐢᑳᑌᐊᐠ.
18 # ᐃᓯᐦᒋᑫᐃᐧᓂᐋᐧᐊᐧ 23:8 ᑭ ᐯ ᓈᑎᐠ ᒫᑲ ᓵᐟᔪᓯᔭ, ᐊᓂᑭ ᓇᒪᐃᐧᔭ ᐃᐦᑕᑲᐧᐣ ᐋᐱᓯᓯᓄᐃᐧᐣ ᑳ ᐃᑌᐧᒋᐠ; ᑭ ᑲᑫᐧᒋᒥᐠ ᒫᑲ, ᐁ ᐃᑌᐧᔨᐟ, 19#ᑎᔪᑕᕒᐊᓇᒥ 25:5ᑫᐢᑭᓄᐦᐊᒫᑫᔭᐣ, ᒧᓯᐢ ᓂ ᑭ ᐃᑕᓯᓇᐊᒫᑯᓈᐣ, ᑭᐢᐱᐣ ᐊᔨᓯᔨᓂᐤ ᐅᒋᐋᐧᒪ ᓂᐱᔨᒋ, ᓇᑲᑖᔨᒋ ᒫᑲ ᐃᐧᐃᐧᔨᐊᐧ, ᒫᑲ ᐁᑳ ᐊᐋᐧᓯᓴ ᐊᓯᒋ ᓇᑲᑖᔨᒋ, ᑭᑕ ᐅᑎᓈᐟ ᐅᒋᐋᐧᒪ ᐃᐧᐃᐧᔨᐊᐧ, ᐁᑯᓯ ᑭᑕ ᓂᐦᑖᐃᐧᑭᑕᒪᐋᐧᐟ ᐊᐋᐧᓯᓴ ᐅᒋᐋᐧᒪ. 20ᑌᐸᑯᑊ ᑭ ᐃᑕᓯᐊᐧᐠ ᐁ ᐅᒋᐋᐧᒥᑐᒋᐠ: ᐊᓇ ᓂᐢᑕᒼ ᒫᑲ ᑭ ᐃᐧᐃᐧᐤ, ᐁᑯᓯ ᐁ ᓂᐱᐟ ᓇᒪᐃᐧᔭ ᓇᑲᑌᐤ ᐊᐋᐧᓯᓴ; 21ᐊᓇ ᒫᑲ ᐁ ᐊᐢᑯᐋᐧᐟ ᑭ ᐅᑎᓀᐤ, ᐁᑯᓯ ᑭ ᓂᐱᐤ, ᐁᑳ ᐊᐊᐧᓯᓴ ᐁ ᓇᑲᑖᐟ; ᐁᑲᐧ ᒥᓇ ᑫᔮᐱᐨ ᐊᓂᐦᐃ ᐁ ᐊᐢᑳᐧᑯᐟ. 22ᑌᐸᑯᑊ ᒫᑲ ᐁ ᐃᐦᑕᓯᒋᐠ ᓇᒪᐃᐧᔭ ᐊᐋᐧᓯᓴ ᓇᑲᑌᐊᐧᐠ. ᐃᐢᑳᐧᔭᓂᕽ ᐃᐢᑫᐧᐤ ᐃᐧᐢᑕ ᑭ ᓂᐱᐤ. 23ᐁᑯᓯ ᒫᑲ ᐃᐢᐱ ᐋᐱᓯᓯᓂᑭ ᐊᐁᐧᓇ ᐁᐊᐧᑲᐧᓂ ᑫ ᐃᐧᐃᐧᐟ? ᒋᑫᒫ ᑌᐸᑯᑊ ᑭ ᐊᔮᐁᐧᐊᐧᐠ ᐁ ᐃᐧᐃᐧᒋᐠ? 24ᒋᓴᐢ ᐃᑌᐤ, ᓇᒪ ᒋ ᐁᐊᐧᑯᒪ ᑯᐦ ᐊᐧᓂᓯᓂᔦᐠ, ᐁᑳ ᐁ ᑭᐢᑫᔨᑕᒣᐠ ᑭᐦᒋ ᒪᓯᓇᐦᐃᑫᐃᐧᓇ, ᐊᐦᐳ ᑭᓭᒪᓂᑐ ᐅ ᑲᐢᑭᐦᐁᐃᐧᓯᐃᐧᐣ? 25ᒋᑫᒫ ᐃᐢᐱ ᓂᐳᐃᐧᓂᕽ ᐅᐦᒋ ᐊᐧᓂᐢᑳᑖᐧᐃᐧ, ᓇᒪᐃᐧᔭ ᐃᐧᑭᑐᐊᐧᐠ, ᓇᒪᐃᐧᔭ ᒥᓇ ᐃᐧᑭᑐᐃᐁᐧᐊᐧᐠ; ᒫᑲ ᐃᓯ ᐊᔮᐊᐧᐠ ᑖᐱᐢᑯᐨ ᐅᑭᓯᑯᐊᐧᐠ ᑭᐦᒋ ᑭᓯᑯᕽ. 26#ᐁᐠᓴᑕᐢ 3:6ᒫᑲ ᐅᒪ ᐅᓂᐱᐊᐧᐠ ᐅᐦᒋ, ᐁ ᐊᐧᓂᐢᑳᓂᒋᐠ; ᓇᒪ ᒋ ᑭ ᑭ ᐊᔭᒥᑖᓈᐋᐧᐤ ᒧᓯᐢ ᐅ ᒪᓯᓇᐦᐃᑲᓂᕽ, ᐃᑕ ᑳ ᐋᑐᑕᒥᕽ ᐱᐢᑯᑯᐹᐤ, ᑭᓭᒪᓂᑐᐊᐧ ᑳ ᑭ ᐃᓯ ᑭᑐᑌᑯᐟ, ᐁ ᐃᑌᐧᔨᐟ, ᓂᔭ ᐅ ᑭᓭᒪᓂᑐᒪ ᐁᑊᕒᐁᐋᒼ, ᒥᓇ ᐅ ᑭᓭᒪᓂᑐᒪ ᐊᐃᓴᐠ, ᒥᓇ ᐅ ᑭᓭᒪᓂᑐᒪ ᒉᑲᑊ? 27ᓇᒪᔦᐤ ᐅ ᑭᓭᒪᓂᑐᒥᐋᐧᐊᐧ ᐅᓂᐱᐊᐧᐠ ᒫᑲ ᐅᐱᒫᑎᓯᐊᐧᐠ; ᒥᐢᑕᐦᐃ ᒫᑲ ᑭ ᐊᐧᓂᓯᓂᓈᐋᐧᐤ.
28ᐯᔭᐠ ᒫᑲ ᐊᓂᑭ ᒪᓯᓇᐦᐃᑫᐃᐧᔨᓂᐊᐧᐠ ᑭ ᐯ ᐃᑐᐦᑌᐤ, ᐁᑯᓯ ᐯᑕᐁᐧᐤ ᐁ ᑲᑫᐧᒋᑐᔨᐟ, ᐁ ᑭᐢᑫᔨᑕᕽ ᒫᑲ ᑲᐧᔭᐢᐠ ᐁ ᑭ ᓇᐢᑫᐧᐊᐧᓯᒫᔨᐟ, ᑭ ᑲᑫᐧᒋᒣᐤ, ᑖᓈᓂᒪ ᐁ ᓂᐢᑕᒼ ᐊᐢᑌᐠ ᐅᔭᓱᐁᐧᐃᐧᐣ? 29#ᑎᔪᑕᕒᐊᓇᒥ 6:4,5ᒋᓴᐢ ᓇᐢᑫᐧᐊᐧᓯᒣᐤ, ᐊᓂᒪ ᓂᐢᑕᒼ ᐁᐊᐧᑯ, ᓇᑐᐦᑕ, ᐋ ᐃᐢᕒᐁᐃᓬ; ᑳ ᑎᐱᔨᒋᑫᐟ ᑭ ᑭᓭᒪᓂᑐᒥᓇᐤ, ᑳ ᑎᐯᔨᐦᒋᑫᐟ ᐯᔭᑯ: 30ᐁᑯᓯ ᑭ ᑲ ᓵᑭᐦᐋᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᒥᓯᐁᐧ ᑭ ᑌᐃᕽ, ᒥᓇ ᒥᓯᐁᐧ ᑭᐟ ᐊᐦᒑᐦᑯᕽ, ᒥᓇ ᒥᓯᐁᐧ ᑭ ᒥᑐᓀᔨᒋᑲᓂᕽ, ᒥᓇ ᒥᓯᐁᐧ ᐁ ᐃᐢᐱᓯᔭᐣ. 31#ᓬᐃᐱᑎᑲᐢ 19:18ᐊᓂᒪ ᐁ ᐊᐢᑯᑕᐊᐧᐢᑌᐠ ᐁᐊᐧᑯ ᐅᒪ, ᑭ ᑲ ᓵᑭᐦᐋᐤ ᑭᒋ ᐊᔨᓯᔨᓂᐤ ᑖᐱᐢᑯᐨ ᑳ ᐃᓯ ᓵᑭᐦᐃᓱᔭᐣ. ᓇᒪᐃᐧᔭ ᐃᐦᑕᑲᐧᐣ ᑯᑕᐠ ᐅᔭᓱᐁᐧᐃᐧᐣ ᐊᐊᐧᓯᒣ ᐁ ᑭᐢᑕᑭᑌᐠ ᐃᔨᑯᕽ ᐅᐦᐃ 32#ᑎᔪᑕᕒᐊᓇᒥ 4:35ᐁᑯᓯ ᒫᑲ ᒪᓯᓇᐦᐃᑫᐃᐧᔨᓂᐤ ᐅᒥᓯ ᑭ ᐃᑌᐤ, ᑖᐯᐧ, ᑫᐢᑭᓄᐦᐊᒫᑫᔭᐣ, ᑲᐧᔭᐢᐠ ᑭᐟ ᐃᑖᐧᐣ ᐁ ᐯᔭᑯᐟ; ᒥᓇ ᓇᒪᐃᐧᔭ ᑯᑕᐠ ᐊᔮᐤ ᐱᑯ ᐁᐊᐧᑯ: 33#ᐦᐋᓯᔭ 6:6ᐁᑯᓯ ᑭᑕ ᓵᑭᐦᐃᐦᐟ ᒥᓯᐁᐧ ᒥᑌᐃᕽ, ᒥᓇ ᒥᓯᐁᐧ ᓂᓯᑐᐦᑕᒧᐃᐧᓂᕽ, ᒥᓇ ᒥᓯᐁᐧ ᐁ ᐃᐢᐱᓯᕽ, ᒥᓇ ᑭᑕ ᓵᑭᐦᐋᐟ ᐃᐧᒋ ᐊᔨᓯᔨᓂᐊᐧ ᑖᐱᐢᑯᐨ ᑳ ᐃᓯ ᓵᑭᐦᐃᓱᐟ, ᐊᐊᐧᓯᒣ ᐃᑌᔨᑖᑲᐧᐣ ᐃᔨᑯᕽ ᑲᐦᑭᔭᐤ ᐁ ᒥᓯᐁᐧᔮᑭ ᒪᒍᐢᑌᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ. 34#ᓬᐅᐠ 10:25-28ᐃᐢᐱ ᒫᑲ ᒋᓴᐢ ᐃᐧᔮᐸᐦᑕᕽ ᐁ ᑭ ᐃᔨᓂᓯᐃᐧ ᓇᐢᑫᐧᐊᐧᓯᐃᐁᐧᔨᐟ, ᑭ ᐃᑌᐤ, ᓇᒪᐃᐧᔭ ᑭ ᔮᐋᐧᐸᑕᒫᐧᐣ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ. ᓇᒪᐃᐧᔭ ᒫᑲ ᐊᐃᐧᔭ ᐊᔨᓯᔨᓂᐊᐧ ᐁᑯᐢᐱ ᐅᐦᒋ ᓈᐣᑕᐤ ᑭ ᐃᓯ ᑲᑫᐧᒋᒥᐠ.
35ᒋᓴᐢ ᒫᑲ ᑭ ᓇᐢᑫᐧᐊᐧᓯᒧ ᒥᓇ ᐅᒥᓯ ᑭ ᐃᑌᐧᐤ ᐁ ᑭᐢᑭᓄᐦᐊᒫᑫᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᑖᓂᓯ ᐁᓯ ᐃᑌᐧᒋᐠ ᒪᓯᓇᐦᐃᑫᐃᐧᔨᓂᐊᐧᐠ ᙭ ᐁᐊᐧᑯ ᑌᐱᐟ ᐅᑯᓯᓴ? 36#ᓂᑲᒧᓇ 110:1ᑌᐱᐟ ᐃᐧᔭ ᑫᐦᒋᐋᐧᐠ ᑭ ᐃᑌᐧᐃᐠ ᑳ ᑲᓈᑎᓯᔨᐟ ᐊᐦᒑᐦᑲᐧ,
ᑳ ᑎᐯᔨᐦᒋᑫᐟ ᑭ ᐃᑌᐤ ᓄ ᑎᐯᔨᐦᒋᑫᒪ, ᐊᐱ ᐅᑕ ᓂ ᑭᐦᒋᓂᐢᑭᕽ, ᐃᔨᑯᕽ ᑭ ᐃᓯᐊᑲᐧᐁᐧ ᑭ ᓄᑎᓈᑲᓇᐠ ᑭᑕ ᐅᐟ ᐊᐢᐱᓯᑌᓯᒧᓂᔭᐣ. 37ᑌᐱᐟ ᒫᑲ ᓄ ᑎᐯᔨᐦᒋᑫᒼ ᐃᓯᔨᐦᑳᑌᐤ; ᑖᓂᑌ ᒫᑲ ᐁᐧᒋ ᐅᑯᓯᓯᐟ? ᒥᑐᓂ ᒫᑲ ᑭ ᒥᔦᐧᔨᑕᒥᔨᐊᐧ ᐁ ᐯᑖᑯᐟ, ᐊᐧᓂᔭᐤ ᐊᔨᓯᔨᓂᐊᐧ.
38ᐅᒥᓯ ᒫᑲ ᑭ ᐃᑌᐧᐤ ᐁ ᑭᐢᑭᓄᐦᐊᒫᑫᐟ, ᐊᓭᐧᔨᒥᑯᐠ ᒪᓯᓇᐦᐃᑫᐃᐧᔨᓂᐊᐧᐠ, ᑳ ᒥᔦᐧᔨᑕᐦᑭᐠ ᑭᑕ ᐸᐸᒧᑌᒋᐠ ᐁ ᑭᓈᐧᐯᑲᓵᑫᒋᐠ, ᒥᓇ ᑭᑕ ᐊᔭᑕᒥᐢᑳᒋᐠ ᐊᑕᐦᑐᐃᐧᓂᕽ, 39ᒥᓇ ᑭᐦᒋ ᐊᐱᐃᐧᓇ ᐊᔭᒥᐦᐁᐃᐧᑲᒥᑯᕽ, ᒥᓇ ᐃᑕ ᐁ ᑭᐢᑕᑭᑌᐠ ᐃᐧᐦᑯᐦᑐᐃᐧᓂᕽ: 40ᐊᓂᑭ ᑳ ᑭᑖᐋᐧᒋᐠ ᓯᑳᐊᐧ ᐅ ᐋᐧᐢᑳᐦᐃᑲᓂᔨᐊᐧ, ᒥᓇ ᐱᑯ ᐊᔨᑖᐧᓱᐃᐧᓂᕽ ᑭᓀᐧᐢ ᑳ ᐊᔭᒥᐦᐋᒋᐠ; ᐁᐊᐧᑲᐧᓂᐠ ᐅᑯ ᑫ ᐊᔮᒋᐠ ᐊᐊᐧᓯᒣ ᑭᐦᒋ ᓇᓂᐳᒥᑯᐃᐧᐣ.
41ᑭ ᐊᐱᐤ ᒫᑲ ᑎᐱᐢᑯᐨ ᐸᑭᑎᓈᓱᐃᐧᐊᐧᑎᕽ, ᒥᓇ ᑲᓇᐋᐧᐸᒣᐤ ᐊᔨᓯᔨᓂᐊᐧ ᐁ ᐃᓯ ᐱᒋᐁᐧᐱᓈᔨᐟ ᓱᓂᔮᐊᐧ ᐸᑭᑎᓈᓱᐃᐧᐊᐧᑎᕽ: ᒥᐦᒉᐟ ᒫᑲ ᑳ ᐁᐧᔪᑎᓯᒋᐠ ᒥᐢᑕᐦᐃ ᐱᒋᐁᐧᐱᓀᐊᐧᐠ. 42ᐁᑯᑕ ᒫᑲ ᐯ ᐃᑐᐦᑌᐤ ᐯᔭᐠ ᑭᑎᒫᑭ ᓯᑳᐤ ᐃᐢᑫᐧᐤ, ᑭ ᐱᒋᐁᐧᐱᓀᐤ ᒫᑲ ᓂᓱ ᐊᐱᐢᒋ ᐱᐋᐧᐱᐢᑯᓴ, ᐯᔭᐠ ᐅᓵᐋᐧᐱᐢᑯᐢ ᐁ ᐃᑕᑭᒋᑳᓱᒋᐠ. 43ᑭ ᓇᑐᒣᐤ ᒫᑲ ᐅ ᑭᐢᑭᓄᐦᐊᒪᐋᐧᑲᓇ, ᐁᑯᓯ ᑭ ᐃᑌᐤ, ᑖᐯᐧ ᑭᐟ ᐃᑎᓈᐋᐧᐤ, ᐊᐊᐧ ᑭᑎᒫᑭ ᓯᑳᐤ ᐃᐢᑫᐧᐤ ᐊᐊᐧᓯᒣ ᒥᐢᑕᐦᐃ ᑭ ᐱᒋᐁᐧᐱᓇᒼ ᐃᔨᑯᕽ ᑲᐦᑭᔭᐤ ᐊᓂᑭ ᑳ ᑭ ᐱᒋᐁᐧᐱᓂᑫᒋᐠ ᐸᑭᑎᓈᓱᐃᐧᐊᐧᑎᕽ: 44ᒋᑫᒫ ᐃᐧᔭᐋᐧᐤ ᑭ ᐱᒋᐁᐧᐱᓇᒪᐧᐠ ᐁ ᐋᔨᐋᐧᑭᐸᔨᐃᑯᒋᐠ; ᒫᑲ ᐃᐧᔭ ᐅ ᑭᐧᑕᒫᐃᐧᓂᕽ ᑭ ᐱᒋᐁᐧᐱᓇᒼ ᑲᐦᑭᔭᐤ ᐁ ᐊᔮᐟ, ᑲᐦᑭᔭᐤ ᐃᓴ ᐱᑯ ᐁ ᐅᐦᒋ ᐱᒫᑎᓯᐟ.

Iliyochaguliwa sasa

ᓭᐣᐟ ᒫᕒᐠ 12: KKMs

Kuonyesha

Shirikisha

Nakili

None

Je, ungependa vivutio vyako vihifadhiwe kwenye vifaa vyako vyote? Jisajili au ingia