ᓭᐣᐟ ᒫᐟᔪ 8
8
1ᐃᐢᐱ ᒫᑲ ᑳ ᐯ ᓂᑕᒋᐁᐧᐟ ᐊᐧᒋᕽ ᐅᐦᒋ, ᑭᐦᒋ ᒥᐦᒉᐟ ᑳ ᒫᒪᐁᐧᔭᑎᔨᐟ ᑭ ᐱᒥᑎᓴᐦᐅᐠ. 2ᒋᐢᐟ ᒫᑲ, ᐁᑯᑕ ᑭ ᐯ ᑕᑯᓯᐣ ᐯᔭᐠ ᑳ ᒪᒑᐢᐱᓀᐟ ᐁ ᑭ ᐅᒋᐦᒋᐦᑲᐧᓇᐱᐢᑕᐋᐧᐟ ᒫᑲ, ᐅᒥᓯ ᐁ ᐃᑖᐟ, ᑌᐯᔨᐦᒋᑫᔭᐣ, ᑭᐢᐱᐣ ᐃᑌᔨᑕᒪᓂ, ᑭ ᑲ ᑭ ᐯᑭᐦᐃᐣ. 3ᐁᑯᓯ ᒫᑲ ᒋᓴᐢ ᑭ ᐃᓯᒋᒉᔨᐤ ᐁ ᑭ ᓵᒥᓈᐟ, ᐅᒥᓯ ᐁ ᐃᑌᐧᐟ, ᓂᐟ ᐃᑌᔨᑌᐣ ᐃᓴ; ᑭ ᑲ ᐃᐧ ᐯᑭᓯᐣ ᒫᑲ. ᐁᑯᓯ ᒫᑲ ᓭᒫᐠ ᑳ ᐃᓯ ᐯᑭᑖᐃᐧᐟ ᐅ ᒪᒑᐢᐱᓀᐃᐧᐣ. 4#ᓬᐃᐱᑎᑲᐢ 14:1-32ᒋᓴᐢ ᒫᑲ ᐅᒥᓯ ᐃᑌᐤ, ᐊᔮᑳᐧᒥᓯ ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᐃᐧᐦᑕᒪᐤ; ᒫᑲ ᓯᐯᐧᐦᑌ, ᐋᐧᐸᐦᑎᔨᓱᐢᑕᐤ ᐊᔭᒥᐦᐁᐃᐧᔨᓂᐤ, ᒥᓇ ᐸᑭᑎᓇ ᒣᑭᐃᐧᐣ ᒧᓯᐢ ᑳ ᑭ ᐃᓯ ᑲᑫᐢᑭᒥᐁᐧᐟ, ᑭᑕ ᐅᐦᒋ ᐋᒋᒧᐢᑖᑯᒋᐠ.
5ᐃᐢᐱ ᒫᑲ ᒋᓴᐢ ᑳ ᐱᐦᑐᑫᐟ ᑫᐸᕒᓀᐊᒥᕽ, ᐁᑯᑕ ᑭ ᐯ ᓈᑎᐠ ᓯᒫᑲᓂᓯᐃᐧᑭᒫᐊᐧ, ᐁ ᒪᐃᐧᒧᐢᑖᑯᐟ, 6ᐅᒥᓯ ᒫᑲ ᐁ ᐃᑌᐧᔨᐟ, ᑌᐯᔨᐦᒋᑫᔭᐣ, ᓂᐟ ᐊᑐᐢᑫᔮᑲᐣ ᐱᒥᓯᐣ ᓂᑭᕽ ᐁ ᐋᑯᓯᐟ, ᐁ ᓇᓇᒫᐢᐱᓀᐟ, ᓈᐢᐱᐨ ᐁ ᑲᑳᐧᑕᑭᑖᐟ. 7ᒋᓴᐢ ᒫᑲ ᐅᒥᓯ ᐃᑌᐤ, ᓂ ᑲ ᐯ ᐃᑐᐦᑖᐣ ᐃᓴ ᑭᑕ ᐃᔨᓂᑲᐦᐊᐠ. 8ᓯᒫᑲᓂᓯᐃᐧᑭᒫᐤ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᐃᑖᐟ, ᑌᐯᔨᐦᒋᑫᔭᐣ, ᓇᒪᐃᐧᔭ ᓂᐟ ᐃᐢᐱᑌᔨᑖᑯᓯᐣ ᑭᑕ ᑭ ᐯ ᐱᐦᑐᑫᔭᐣ ᓂ ᐋᐧᐢᑳᐦᐃᑲᓂᕽ; ᒫᑲ ᒧᒋ ᐊᔭᒥ, ᐁᑯᓯ ᒫᑲ ᓂᐟ ᐊᑐᐢᑫᔮᑲᐣ ᑭᑕ ᐃᔨᓂᑲᐦᐋᐤ. 9ᒋᑫᒫ ᓂᔭ ᐊᔨᓯᔨᓂᐤ ᑳ ᑎᐯᔨᒥᑲᐃᐧᔮᐣ, ᐁ ᑎᐯᔨᒪᑭᐠ ᓂᐢᑕ ᓯᒫᑲᓂᓴᐠ; ᐅᒥᓯ ᒫᑲ ᓂᐟ ᐃᑖᐤ ᐊᓇ ᐊᔨᓯᔨᓂᐤ, ᓯᐯᐧᐦᑌ, ᐁᑯᓯ ᒫᑲ ᓯᐯᐧᐦᑌᐤ; ᒥᓇ ᒫᑲ ᑯᑕᐠ, ᐋᐢᑕᒼ, ᐁᑯᓯ ᒫᑲ ᐯ ᐃᑐᐦᑌᐤ; ᒥᓇ ᓂᐟ ᐊᑐᐢᑫᔮᑲᐣ, ᐅᒥᓯ ᑐᑕ, ᐁᑯᓯ ᒫᑲ ᑐᑕᒼ. 10ᐃᐢᐱ ᒫᑲ ᒋᓴᐢ ᐱᔦᐦᑕᕽ ᐅᒪ, ᑭ ᒫᒪᐢᑳᑌᔦᔨᐦᑕᒼ, ᐅᒥᓯ ᐁ ᑭ ᐃᑖᐟ ᐊᓂᐦᐃ ᑳ ᐱᒥᑎᓴᐦᐅᑯᐟ, ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᓂ ᑭ ᒥᐢᑫᐣ ᐁᑯᓯ ᐁ ᐃᓯ ᒥᓵᐠ ᑖᐯᐧᔦᔨᑕᒧᐃᐧᐣ, ᓇᒪ, ᓇᒪᐃᐧᔭ ᐃᐢᕒᐁᐃᓬᐃᕽ. 11#ᓬᐅᐠ 13:29ᒥᓇ ᒫᑲ ᑭᐟ ᐃᑎᓈᐋᐧᐤ, ᒥᐦᒉᐟ ᑭᑕ ᐯ ᐅᐦᑐᐦᑌᐊᐧᐠ ᐋᐧᐸᓄᕽ ᒥᓇ ᓀᑳᐯᐊᓄᕽ, ᐁᑯᓯ ᒫᑲ ᑭᑕ ᐃᐧᒋ ᓇᐦᐊᐱᒫᒋᐠ ᐁᑊᕒᐊᐦᐊᒪ, ᒥᓇ ᐊᐃᓴᑲ, ᒥᓇ ᒉᑲᐸ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ. 12#ᒫᐟᔪ 22:13; 25:30; ᓬᐅᐠ 13:28ᒫᑲ ᐃᐧᔭ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᐊᓂᒪ ᐅᑌᓇᐃᐧᐃᐧᐣ ᑭᑕ ᐊᐧᔭᐃᐧᐁᐧᐱᓈᐊᐧᐠ ᐊᓂᑌ ᑳᑭᑫ ᐊᐧᓂᑎᐱᐢᑳᕽ ᐃᓯ; ᐁᑯᑌ ᑫ ᑕᓯ ᒪᒫᑐᕽ ᒥᓇ ᑫ ᑲᑭᒋᐢᑳᐱᑌᕽ. 13ᒋᓴᐢ ᒫᑲ ᐅᒥᓯ ᑭ ᐃᑌᐤ ᓯᒫᑲᓂᓯᐃᐧᑭᒪᐊᐧ, ᑭᐁᐧ ᐃᓴ; ᒣᐧᐦᒋ ᒫᑲ ᑳ ᑭ ᐃᓯ ᑖᐯᐧᑕᒪᐣ, ᐁᑯᓯ ᒣᐧᐦᒋ ᑫ ᐃᓯ ᑐᑕᒫᑲᐃᐧᔭᐣ. ᐁᑯᓯ ᐅᐟ ᐊᑐᐢᑫᔮᑲᓇ ᑭ ᐱᒫᑎᓯᔨᐊᐧ ᐁᐊᐧᑯ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ.
14ᐃᐢᐱ ᒫᑲ ᒋᓴᐢ ᑳ ᐱᐦᑐᑫᐟ ᐱᑕᕒᐊ ᐅ ᐋᐧᐢᑳᐦᐃᑲᓂᔨᕽ, ᑭ ᐋᐧᐸᒣᐤ ᐅ ᓯᑯᓯᔨᐊᐧ ᐁ ᐱᒥᓯᓂᔨᐟ, ᐁ ᑭᓯᓱᐋᐧᐢᐱᓀᔨᐟ. 15ᐁᑯᓯ ᒫᑲ ᑭ ᓵᒥᓇᒣᐧᐤ ᐅᒋᒋᔨᐤ, ᐁᑯᓯ ᒫᑲ ᑭᓯᓱᐋᐧᐢᐱᓀᐃᐧᐣ ᑭ ᓇᑲᑎᑯᔨᐊᐧ; ᑭ ᐊᐧᓂᐢᑳᔨᐊᐧ ᒫᑲ, ᒥᓇ ᐁ ᑭ ᐸᒥᐢᑖᑯᐟ.
16ᐃᐢᐱ ᒫᑲ ᐁᑎ ᐅᑖᑯᓯᐠ, ᑭ ᐯᑐᐁᐧᐊᐧᐠ ᒥᐦᒉᐟ ᐊᓂᐦᐃ ᑳ ᐃᐧᔭᐃᐧᐢᑳᑯᔨᐟ ᒪᒋ ᐊᐦᒑᐦᑲᐧ; ᐁᑯᓯ ᒫᑲ ᑭ ᐊᐧᔭᐃᐧᐁᐧᐱᓀᐤ ᐊᐦᒑᐦᑲᐧ ᐅᐟ ᐊᔭᒥᐃᐧᐣ ᐅᐦᒋ, ᒥᓇ ᐁ ᑭ ᐃᔨᓂᑲᐦᐋᐟ ᑲᐦᑭᔭᐤ ᐊᓂᐦᐃ ᑳ ᐋᑯᓯᔨᐟ; 17#ᐊᐩᓵᔭ 53:4ᑭᑕ ᑎᐱᐸᔨᐠ ᒫᑲ ᐊᓂᒪ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ ᐊᐩᓵᔭ, ᐁ ᐃᑌᐧᐟ, ᐃᐧᔭ ᑎᐱᔭᐁᐧ ᑭ ᐅᑎᓇᒼ ᑭᐟ ᐃᑖᐢᐱᓀᐃᐧᓂᓇᐊᐧ, ᒥᓇ ᑭ ᓇᔭᐦᑕᒼ ᑭᐟ ᐋᑯᓯᐃᐧᓂᓇᐊᐧ.
18ᐃᐢᐱ ᒫᑲ ᒋᓴᐢ ᐃᐧᔮᐸᒫᐟ ᐁ ᑭᐦᒋ ᒥᐦᒉᑎᔨᐟ ᒥᓯᐁᐧ ᐁ ᐊᐧᐢᑳᐢᑳᑯᐟ, ᑭ ᐃᑕᓱᐁᐧᐤ ᑫᐧᐢᑭᑌ ᐃᑌᑫᑳᒼ ᑭᑕ ᐃᑐᑌᐃᐧᐟ. 19ᐯᔭᐠ ᒫᑲ ᒪᓯᓇᐦᐃᑫᐃᐧᔨᓂᐤ ᑭ ᐯ ᑕᑯᓯᐣ, ᐅᒥᓯ ᒫᑲ ᐁ ᑭ ᐃᑖᐟ, ᑫᐢᑭᓄᐦᐊᒫᑫᔭᐣ, ᑭ ᑲ ᐱᒥᑎᓴᐦᐅᑎᐣ ᐱᑯ ᐃᑌ ᑫ ᐸᐹ ᐊᔨᑐᑌᔭᐣ. 20ᒋᓴᐢ ᒫᑲ ᐅᒥᓯ ᐃᑌᐤ, ᒪᐦᑫᓯᓴᐠ ᐅ ᐊᐧᑎᐊᐧᐠ, ᒥᓇ ᐱᔦᓯᓴᐠ ᑳ ᐸᐹᒥᔮᒋᐠ ᐅ ᐊᐧᒋᐢᑐᓂᐊᐧᐠ; ᒫᑲ ᐃᐧᔭ ᐃᔨᓂᐃᐧᑯᓯᓵᐣ ᓇᒪᐃᐧᔭ ᐊᔮᐤ ᐃᑌ ᑭᑕ ᐱᒥᑎᑖᐟ ᐅᐢᑎᑳᐧᐣ. 21ᒥᓇ ᒫᑲ ᑯᑕᑲ ᐊᓂᐦᐃ ᐅ ᑭᐢᑭᓄᐦᐊᒪᐋᐧᑲᓇ ᐅᒥᓯ ᑭ ᐃᑎᐠ, ᑌᐯᔨᐦᒋᑫᔭᐣ, ᑭᔮᒼ ᓂᔭ ᐱᑕᒫ ᐃᑌᔨᒥᐣ ᑭᑕ ᐃᑐᐦᑌᔮᐣ ᑭᑕ ᓇᑕᐃᐧ ᓇᐦᐃᓇᐠ ᓄᑖᐃᐧ. 22ᒫᑲ ᒋᓴᐢ ᐅᒥᓯ ᑭ ᐃᑌᐤ, ᐱᒥᑎᓴᐦᐅᐣ ᐃᓴ; ᑭᔮᒼ ᐊᓂᑭ ᓀᐱᒋᐠ ᑭᑕ ᓇᐦᐃᓀᐊᐧᐠ ᐊᓂᐦᐃ ᐅ ᓂᐳᒥᐋᐧᐊᐧ.
23ᐃᐢᐱ ᒫᑲ ᑳ ᐳᓯᐟ ᐅᓯᕽ, ᐅ ᑭᐢᑭᓄᐦᐊᒪᐋᐧᑲᓇ ᑭ ᐱᒥᑎᓴᐦᐅᐠ. 24ᒋᐢᐟ ᒫᑲ, ᐁᑯᑕ ᑭ ᐸᑭᒋᒪᑲᐣ ᐁ ᒥᐢᑕᐦᐃ ᔪᑎᕽ ᓵᑲᐦᐃᑲᓂᕽ, ᐁ ᑭ ᐹᐳᓯᐸᔨᐠ ᓂᐱ ᐅᓯᕽ ᐁ ᑭ ᐃᐢᐱᒋ ᒪᒪᑳᐊᕽ; ᒫᑲ ᐃᐧᔭ ᑭ ᓂᐹᐤ. 25ᐁᑯᓯ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᑭ ᐯ ᓈᑎᐠ, ᐁ ᑭ ᑯᐢᑯᓂᑯᐟ ᒫᑲ, ᐅᒥᓯ ᐁ ᐃᑎᑯᐟ, ᑌᐯᔨᐦᒋᑫᔭᐣ, ᐱᒫᒋᐦᐃᓈᐣ; ᓂ ᓂᓯᐊᐧᓈᑎᓯᓈᐣ. 26ᐅᒥᓯ ᒫᑲ ᐃᑌᐤ, ᑖᓀᑭ ᐅᒪ ᑳ ᐅᐦᒋ ᑯᐢᑖᒋᔦᐠ, ᐅ ᑭᔭᐋᐧᐤ ᑳ ᐊᐱᓵᓯᐠ ᑭ ᑖᐯᐧᔦᔨᑕᒧᐃᐧᓂᐋᐧᐤ? ᐁᑯᓯ ᒫᑲ ᑭ ᐊᐧᓂᐢᑳᐤ, ᐁ ᑭ ᑭᑐᑕᕽ ᔪᑎᐣ ᒥᓇ ᓵᑲᐦᐃᑲᐣ; ᐁᑯᓯ ᒫᑲ ᑭ ᑭᐦᒋ ᐊᔮᐧᐢᑎᐣ. 27ᒫᑲ ᐊᓂᑭ ᐊᔨᓯᔨᓂᐊᐧᐠ ᑭ ᒫᒪᐢᑳᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᑫᑯᑳᓂ ᐊᔨᓯᔨᓂᐤ ᐃᐧᔭ ᐊᐊᐧ, ᐊᐳᒋᑲ ᐊᐧᐋᐧᐨ ᔪᑎᓇᐧ ᒥᓇ ᓵᑲᐦᐃᑲᐣ ᑳ ᓇᓇᐦᐃᐦᑖᑯᐟ!
28ᐃᐢᐱ ᒫᑲ ᑳ ᑕᑯᓯᕽ ᐊᓂᑌ ᑫᐧᐢᑲᑳᒼ, ᐅᐟ ᐊᐢᑭᐊᐧᕽ ᐊᓂᑭ ᑲᕒᑲᓯᓇᐠ, ᐁᑯᑌ ᑭ ᓇᑭᐢᑳᐠ ᓂᓱ ᐁ ᐃᐧᔭᐃᐧᐢᑳᑯᔨᐟ ᒪᒋ ᐊᐦᒑᐦᑲᐧ, ᒋᐸᔨᑲᒥᑯᕽ ᐁ ᐯ ᐅᐦᑐᐦᑌᒋᐠ, ᓈᐢᐱᐨ ᐁ ᑯᐢᑖᑎᑯᓯᒋᐠ, ᐁᑯᓯ ᒫᑲ ᐁᑳ ᐊᐃᐧᔭ ᐊᔨᓯᔨᓂᐤ ᐁᑯᑕ ᑭᑕ ᑭ ᐱᒧᐦᑌᐟ. 29ᒋᐢᐟ ᒫᑲ, ᑭ ᒥᐢᑕᐦᐃ ᑌᐯᐧᐊᐧᐠ ᐅᒥᓯ ᐁ ᐃᑌᐧᒋᐠ, ᑫᑲᐧᐩ ᑫ ᑭ ᑐᑖᑖᕽ, ᑭᔭ ᑭᓭᒪᓂᑐᐃᐧᑯᓯᓵᐣ? ᑭ ᐯ ᐃᑐᐦᑖᐣ ᒋ ᐅᐦᒋᑕᐤ ᑭᑕ ᑲᑳᐧᑕᑭᐦᐃᔭᕽ ᐁ ᒪᐧᔦ ᐅᑎᐦᒋᐸᔨᐠ? 30ᐋᐧᔭᐤ ᒫᑲ ᐁᑯᑕ ᐅᐦᒋ ᑳ ᐊᔮᒋᐠ, ᑭ ᐊᔮᐤ ᐃᑕ ᐁ ᐃᑕᓯ ᒪᒥᒋᓱᒋᐠ ᑯᑯᓴᐠ. 31ᐁᑯᓯ ᒫᑲ ᒪᒋ ᐊᐦᒑᐦᑲᐧᐠ ᑭ ᓇᑐᑕᒪᐁᐧᐊᐧᐠ, ᐅᒥᓯ ᐁ ᐃᑖᒋᐠ, ᑭᐢᐱᐣ ᐊᐧᔭᐃᐧᐁᐧᐱᓂᔮᐦᑭ, ᑭᔮᒼ ᐃᓯᑎᓴᐦᐅᓈᐣ ᑭᑕ ᑭᑭᐢᑲᐋᐧᔮᐦᑭᐠ ᑯᑯᓴᐠ. 32ᐅᒥᓯ ᒫᑲ ᑭ ᐃᑌᐤ, ᓂᐋᐠ. ᐁᑯᓯ ᒫᑲ ᑳ ᐯ ᐊᐧᔭᐃᐧᒋᐠ ᑭ ᐱᒋᔭᐁᐧᐢᑲᐁᐧᐊᐧᐠ ᑯᑯᓴ; ᒋᐢᐟ ᒫᑲ, ᑲᐦᑭᔭᐤ ᐊᓂᑭ ᑯᑯᓴᐠ ᑭ ᐃᐢᐸᑖᐊᐧᐠ ᐁ ᑭᐢᑲᑎᓈᔨᐠ ᓵᑲᐦᐃᑲᓂᕽ, ᐁᑯᓯ ᒫᑲ ᐁ ᑭ ᓂᓯᐊᐧᓈᑎᓯᒋᐠ ᓂᐱᕽ. 33ᐊᓂᑭ ᒫᑲ ᑳ ᑲᓇᐁᐧᔨᒫᒋᐠ ᑭ ᑕᐸᓯᐊᐧᐠ, ᐁ ᑭ ᐃᑐᐦᑌᒋᐠ ᒫᑲ ᐊᓂᑌ ᐅᑌᓈᕽ, ᐁᑯᓯ ᐁ ᑭ ᐃᐧᐦᑕᐦᑭᐠ ᑲᐦᑭᔭᐤ ᑫᑲᐧᐩ, ᒥᓇ ᑫᑲᐧᐩ ᑳ ᐊᔨᑐᑖᒥᐟ ᐊᓂᐦᐃ ᑳ ᐃᐧᔭᐃᐧᐢᑳᑯᔨᐟ ᒪᒋ ᐊᐦᒑᐦᑲᐧ. 34ᒋᐢᐟ ᒫᑲ, ᑲᐦᑭᔭᐤ ᐁ ᐃᐦᑕᓯᒋᐠ ᐅᑌᓈᕽ ᑭ ᐊᐧᔭᐃᐧᐊᐧᐠ ᑭᑕ ᓂᑕᐃᐧ ᓇᑭᐢᑲᐋᐧᒋᐠ ᒋᓴᓴ; ᐃᐢᐱ ᒫᑲ ᐃᐧᔮᐸᒫᒋᐠ, ᑭ ᓇᑐᑕᒪᐁᐧᐊᐧᐠ ᑭᑕ ᓯᐯᐧᑌᔨᐟ ᐅᐟ ᐊᐢᑭᐊᐧᕽ ᐅᐦᒋ.
Iliyochaguliwa sasa
ᓭᐣᐟ ᒫᐟᔪ 8: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
