ᓭᐣᐟ ᒫᐟᔪ 27

1ᐃᐢᐱ ᒫᑲ ᐁᑎ ᑫᑭᓭᐹᔮᐠ, ᑲᐦᑭᔭᐤ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᑳ ᓂᑳᓀᔨᑖᑯᓯᒋᐠ ᐊᔨᓯᔨᓂᐊᐧᐠ ᑭ ᒫᐊᐧᒋᐃᑐᐊᐧᐠ ᐁ ᐅᔭᓱᐁᐧᒋᐠ ᑭᑕ ᓂᐸᐦᐋᒋᐠ ᒋᓴᓴ; 2ᐃᐢᐱ ᒫᑲ ᑳ ᒪᒪᒋᑲᐧᐱᑖᒋᐠ, ᑭ ᓯᐯᐧᑕᐦᐁᐊᐧᐠ, ᐁᑯᓯ ᐁ ᑭ ᐸᑭᑎᓇᒪᐋᐧᒋᐠ ᐸᐣᑕᐢ ᐸᐃᓬᐊᐟ ᐅᔭᓱᐁᐧᐃᐧᑭᒫᐊᐧ.

3 # ᐃᓯᐦᒋᑫᐃᐧᓂᐋᐧᐊᐧ 1:18,19 ᐁᑲᐧ ᒫᑲ ᒍᑕᐢ, ᑳ ᑭ ᒥᓯᒫᐟ, ᐃᐢᐱ ᐃᐧᔮᐸᐦᑕᕽ, ᐁ ᑭ ᐅᔭᓱᐋᐧᑎᒥᐦᐟ ᑭ ᒥᐦᒋᔭᐁᐧᓯᐤ ᒥᓇ ᑲᐃᐧ ᐁ ᑭ ᐯ ᒥᔮᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᑳ ᓂᑳᓀᔨᑖᑯᓯᔨᐟ ᐊᓂᐦᐃ ᓂᐢᑐᒥᑕᓇᐤ ᑕᐦᑖᐧᐱᐢᐠ ᓱᓂᔮᐊᐧ, 4ᐆᒥᓯ ᐁ ᐃᑌᐧᐟ, ᓂ ᑭ ᒪᒋ ᐃᓯᐦᒋᑳᐣ, ᐁ ᑭ ᒥᓯᑕᒫᐣ ᑳ ᑲᓈᑕᕽ ᒥᐦᑯ. ᐅᒥᓯ ᒫᑲ ᑭ ᐃᑌᐊᐧᐠ, ᑫᑲᐧᐩ ᓂᔭᓇᐣ ᑫᓇᐋᐧᐸᒥᑯᔮᕽ ᐁᐊᐧᑲᐧᓂᒪ? ᑲᓇᐊᐧᐸᑕ ᑭᔭ ᐁᐊᐧᑯ. 5ᑭ ᐸᑭᒋᐁᐧᐱᓀᐤ ᒫᑲ ᐊᓂᐦᐃ ᓂᐢᑐᒥᑕᓇᐤ ᑕᑕᐧᐱᐢᐠ ᓱᓂᔮᐊᐧ ᐊᓂᑕ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐁᑯᓯ ᐁ ᑭ ᓯᐯᐧᑌᐟ, ᐁ ᑭ ᓇᑕᐃᐧ ᐊᑯᑎᓱᐟ. 6ᐊᓂᑭ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᑭ ᐅᑎᓀᐊᐧᐣ ᐊᓂᐦᐃ ᓱᓂᔮᐊᐧᐱᐢᑲᐧ, ᐅᒥᓯ ᒫᑲ ᐁ ᑭ ᐃᑌᐧᒋᐠ, ᓇᒪᐃᐧᔭ ᒥᐋᐧᓯᐣ ᑭᑕ ᐸᑭᑎᓂᒋᐠ ᐊᓂᑕ ᐸᑭᑎᓈᓱᐃᐧᓂᕽ, ᒋᑫᒫ ᒥᐦᑯ ᑭ ᐅᐦᑕᑖᐋᐧᓂᐊᐧᐣ. 7ᐁᑯᓯ ᒫᑲ ᑭ ᐅᔭᓱᐊᐧᑌᐊᐧᐠ, ᐁ ᑭ ᐊᑕᐁᐧᒋᐠ ᒫᑲ ᐅᑕᐢᑭᐃᐧᔮᑲᓂᐦᑫᐊᐧ ᐅ ᑭᐢᑎᑲᓂᔨᐤ, ᐁᑯᑕ ᑭᑕ ᑭ ᓇᐃᓂᒥᐦᐟ ᒪᓂᑌᐊᐧ. 8ᐁᐊᐧᑯ ᒫᑲ ᐅᐦᒋ ᐊᓂᒪ ᑭᐢᑎᑲᐣ ᑳ ᑭ ᐃᓯᔨᐦᑳᑌᐠ, ᒥᐦᑯᐃᐧ ᑭᐢᑎᑲᐣ, ᐱᔨᐢ ᐊᓄᐦᐨ ᑳ ᑭᓯᑳᐠ. 9#ᓭᑲᕒᐋᔭ 11:12,13ᐁᑯᐢᐱ ᒫᑲ ᑳ ᑎᐱᐸᔨᐠ ᐊᓂᒪ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ ᒉᕒᐃᒫᔭ, ᐅᒥᓯ ᐁ ᐃᑌᐧᐟ, ᐁᑯᓯ ᒫᑲ ᑭ ᐅᑎᓀᐊᐧᐠ ᓂᐢᑐᒥᑕᓇᐤ ᑕᐦᑕᐧᐱᐢᐠ ᓱᓂᔮᐊᐧ, ᐊᓂᒪ ᑳ ᑭ ᐃᑕᑭᒥᐟ ᐊᓇ ᑳ ᑭ ᐊᑕᐊᐧᓂᐃᐧᐠ, ᐊᓂᐦᐃ ᑳ ᑭ ᐃᑕᑭᒫᒋᐠ ᐃᐢᕒᐁᐃᓬ ᐅᐟ ᐊᐊᐧᓯᒥᓴ; 10ᐁᑯᓯ ᒫᑲ ᐁ ᑭ ᒣᑭᒋᐠ ᒥᐢᑯᐨ ᐊᓂᒪ ᐅᑕᓯᐢᑭᐃᐧᔭᑲᓂᐦᑫᐤ ᐅ ᑭᐢᑎᑲᐣ, ᒣᐧᐦᒋ ᑳ ᑎᐯᔨᐦᒋᑫᐟ ᑳ ᑭ ᐃᑕᓱᐊᐧᓯᐟ.

11ᒋᓴᐢ ᒫᑲ ᑭ ᐅᑎᐢᑲᐃᐧᑲᐸᐃᐧᐢᑕᐁᐧᐤ ᐅᔭᓱᐁᐧᐃᐧᑭᒪᐊᐧ; ᐊᓇ ᒫᑲ ᐅᔮᓱᐁᐧᐃᐧᑭᒪᐤ ᑭ ᑲᑫᐧᒋᒣᐤ, ᐅᒥᓯ ᐁ ᐃᑖᐟ, ᑭᔭ ᒋ ᐅᐟ ᐅᑭᒫᒥᐋᐧᐊᐧ ᒍᐊᐧᐠ? ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑭᐟ ᐃᑖᐧᐣ. 12ᐃᐢᐱ ᒫᑲ ᐁ ᐊᑖᒥᒥᑯᐟ ᑭᐦᒋ ᐊᔭᒥᐦᐁᐃᐧᔨᓂᐊᐧ ᒥᓇ ᑳ ᓂᑳᓀᔨᑖᑯᓯᔨᐟ, ᓇᒪ ᑫᑲᐧᐩ ᑭ ᐃᓯ ᓇᐢᑫᐧᐊᐧᓯᒣᐤ. 13ᐁᑲᐧ ᒫᑲ ᐸᐃᓬᐊᐟ ᐅᒥᓯ ᑭ ᐃᑌᐤ, ᓇᒪ ᒋ ᑭ ᐯᐦᑕᐋᐧᐊᐧᐠ ᑖᓂᓯ ᒥᐦᒉᐟ ᑫᑲᐧᔭ ᐁ ᐊᔨᑕᒋᒥᐢᑭᐠ? 14ᓇᒪᐋᐧᐨ ᒫᑲ ᓇᐢᑫᐧᐊᐧᓯᒣᐤ ᑲᓇᑫ ᐯᔭᐠ ᐊᔭᒥᐃᐧᐣ; ᐁᐊᐧᑯ ᒫᑲ ᐅᐦᒋ ᓈᐢᐱᐨ ᑭ ᒫᒪᐢᑳᑕᒼ ᐅᔭᓱᐁᐧᐃᐧᑭᒪᐤ. 15ᐁᑯᐢᐱ ᒫᑲ ᑳ ᐃᐧᐦᑯᐦᑐᓈᓂᐃᐧᐠ ᐅᔭᓱᐁᐧᐃᐧᑭᒪᐤ ᑭ ᒫᓇ ᐸᑭᑎᓇᒪᐁᐧᐤ ᐊᔨᓯᔨᓂᐊᐧ ᐯᔭᐠ ᑭᐸᐋᐧᑲᓇ ᐱᑲᐧᓂᐃ ᐁ ᓇᑕᐁᐧᔨᒪᔨᐟ. 16ᑭ ᐊᔭᐁᐧᐊᐧᐠ ᒫᑲ ᐯᔭᐠ ᐁ ᐋᑐᑖᑯᓯᔨᐟ ᑭᐸᐋᐧᑲᓇ, ᐸᕒᐊᐸᐢ ᐁ ᐃᓯᔨᐦᑳᓱᔨᐟ. 17ᐁᐊᐧᑯ ᒫᑲ ᐅᐦᒋ, ᐃᐢᐱ ᑳ ᒪᒧᐃᐧ ᒫᐊᐧᒋᐃᑐᒋᐠ, ᐸᐃᓬᐊᐟ ᐅᒥᓯ ᑭ ᐃᑌᐤ, ᐊᐁᐧᓇ ᑫ ᓇᑕᐁᐧᔨᒫᔦᐠ ᑭᑕ ᐸᑭᑎᓇᒪᑕᑯᐠ? ᐸᕒᐋᐸᐢ ᒋ? ᐊᐦᐳ ᒋᓴᐢ ᐊᓇ ᙭ ᐁᓯᔨᐦᑳᓱᐟ? 18ᒋᑫᒫ ᑭ ᑭᐢᑫᔨᐦᑕᒼ ᐃᓴᐊᐧᓇᑫᔨᒧᐃᐧᐣ ᐱᑯ ᐁ ᑭ ᐅᐦᒋ ᐸᑭᑎᓇᒫᑯᐟ.

19ᐃᐢᐱ ᒫᑲ ᑳ ᓇᐦᐊᐱᐟ ᐅᔭᓱᐁᐧᐊᐧᐱᐃᐧᓂᕽ, ᐃᐧᐊᐧ ᑭ ᐯ ᐃᓯᑎᓴᐊᒫᐠ, ᐅᒥᓯ ᐁ ᐃᑎᑯᐟ, ᐁᑳᐃᐧᔭ ᓈᓂᑕᐤ ᑐᑕᐤ ᐊᓇ ᑳ ᑲᐧᔭᐢᑳᐧᑎᓯᐟ ᐊᔨᓯᔨᓂᐤ; ᒋᑫᒫ ᓂ ᑭ ᑲᑲᐧᑕᑭᐃᑯᐣ ᒥᐦᒉᐟ ᑫᑲᐧᔭ ᐊᓄᐦᐨ ᑳ ᑭᓯᑳᐠ ᐃᐧᔭ ᐁ ᐸᐊᐧᑕᐠ. 20ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᑳ ᓂᑳᓀᔨᑖᑯᓯᒋᐠ ᑭ ᑲᑫᐢᑭᒣᐊᐧᐠ ᐊᓂᐦᐃ ᐊᔨᓯᔨᓂᐊᐧ ᑭᑕ ᓇᑐᑕᒪᔨᐟ ᐸᕒᐋᐸᓴ, ᐁᑯᓯ ᐃᐧᔭ ᑭᑕ ᓂᓯᐊᐧᓈᒋᐃᒥᐦᐟ ᒋᓴᓴ. 21ᐅᔭᓱᐁᐧᐃᐧᑭᒪᐤ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑕᐟ, ᑖᓈᓇ ᐅᑯ ᑳ ᐃᓯ ᓂᓯᒋᐠ ᓀᑕᐁᐧᔨᒫᔦᐠ ᑭᑕ ᐸᑭᑎᓇᒫᑕᑯᐠ? ᐅᒥᓯ ᒫᑲ ᑭ ᐃᑌᐊᐧᐠ, ᐸᕒᐋᐸᐢ. 22ᐸᐃᓬᐊᐟ ᒫᑲ ᐅᒥᓯ ᐃᑌᐤ, ᑖᓂᓯ ᒫᑲ ᐃᐧᔭ ᑫ ᑐᑕᐊᐧᐠ ᒋᓴᐢ, ᙭ ᑳ ᐃᓯᔨᐦᑳᓱᐟ? ᑲᐦᑭᔭᐤ ᒫᑲ ᐅᒥᓯ ᐃᑌᐊᐧᐠ, ᑭᔮᒼ ᑭᑕ ᒋᐢᑕᐢᑲᐧᑕᐤ. 23ᐅᔭᓱᐁᐧᐃᐧᑭᒫᐤ ᐅᒥᓯ ᑭ ᐃᑌᐤ, ᑖᓀᑭ, ᑫᑲᐧᐩ ᑳ ᒪᒋ ᑐᑕᕽ? ᒫᑲ ᐋᐦᒋ ᐱᑯ ᓱᐦᑭ ᐊᐊᐧᓯᒣ ᑭ ᑌᐯᐧᐊᐧᐠ, ᐅᒥᓯ ᐁ ᐃᑌᐧᒋᐠ, ᑭᔮᒼ ᑭᑕ ᒋᐢᑕᐢᑲᐧᑕᐤ.

24 # ᑎᔪᑕᕒᐊᓇᒥ 21:6-9 ᐃᐢᐱ ᒫᑲ ᐸᐃᓬᐊᐟ ᐃᐧᔮᐸᐦᑕᕽ ᐁᑳ ᑫᑲᐧᐩ ᑭᑕ ᑭ ᓵᑯᐦᑖᐟ, ᒫᑲ ᐊᔨᐊᐧᐠ ᐁ ᐊᔮᓯᐦᑫᐧᐃᐧᐦᐟ, ᑭ ᐅᑎᓇᒼ ᓂᐱ, ᐁᑯᓯ ᐁ ᑭ ᑳᓯᒋᐦᒉᐟ ᐁ ᑲᓇᐋᐧᐸᒥᑯᐟ ᐊᔨᓯᔨᓂᐊᐧ, ᐅᒥᓯ ᐁ ᐃᑌᐧᐟ, ᓂᔭ ᓇᒪᐃᐧᔭ ᓂᐟ ᐊᑖᒣᔨᑖᑯᓯᐣ ᐅ ᒥᐦᑯ ᐊᐊᐧ ᑳ ᑲᐧᔭᐢᑳᐧᑎᓯᐟ ᐊᔨᓯᔨᓂᐤ; ᑲᓇᐊᐧᐸᐦᑕᒧᐠ ᑭᔭᐋᐧᐤ. 25ᐁᑯᓯ ᒫᑲ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᓇᐢᑫᐧᐊᐧᓯᒣᐊᐧᐠ, ᐅᒥᓯ ᐁ ᑭ ᐃᑌᐧᒋᐠ, ᐅ ᒥᐦᑯ ᑭᔮᒼ ᓂᔭᓈᐣ ᓂ ᑲ ᐸᑕᑯᐢᑲᑯᓇᐣ, ᒥᓇ ᓂᐟ ᐊᐋᐧᓯᒥᓯᓇᓇᐠ.

26ᐁᑲᐧ ᒫᑲ ᑭ ᐸᑭᑎᓇᒪᐁᐧᐤ ᐸᕒᐊᐸᐢᐊ ᐃᐢᐱ ᒫᑲ ᑳ ᐸᐸᓴᐢᑌᐋᐧᐟ ᒋᓴᓴ, ᑭ ᐸᑭᑎᓀᐤ ᑭᑕ ᒋᐢᑕᐢᑲᐧᑎᒥᐦᐟ. 27ᐊᓂᐦᐃ ᒫᑲ ᐅ ᓯᒫᑲᓂᓯᒪ ᐊᓇ ᐅᔭᓱᐁᐧᐃᐧᑭᒫᐤ ᑭ ᐃᑐᐦᑕᐦᐁᐊᐧᐠ ᒋᓴᓴ ᐊᓂᑕ ᑭᐦᒋ ᐅᑭᒫᐃᐧᑲᒥᑯᕽ ᐁ ᑭ ᒫᒪᐃᐧ ᓇᑐᒫᒋᐠ ᒫᑲ ᑲᐦᑭᔭᐤ ᓯᒫᑲᓂᓴ. 28ᐁᑯᓯ ᒫᑲ ᑭ ᑫᑕᓵᑫᓀᐊᐧᐠ, ᐁ ᑭ ᐳᐢᑕᓵᑲᐋᒋᐠ ᒫᑲ ᒥᐦᑫᐧᑭᓀᐧᓵᑳᔨᐤ.

29ᐃᐢᐱ ᒫᑲ ᐅᑲᐃᐧᒥᓇᑲᓯᔭ ᑳ ᐅᐦᒋ ᐊᐱᑲᑕᐦᑭᐠ ᐅᑭᒫᐊᐧᐢᑐᑎᓂᔨᐤ ᑭ ᐳᐢᑕᐢᑐᑎᓇᐁᐊᐧᐠ ᐅᐢᑎᑲᐧᓂᔨᕽ, ᒥᓇ ᐋᓂᐢᑲᐊᐧᐢᐠ ᐅ ᑭᐦᒋᓂᐢᑭᔨᕽ; ᐁᑯᓯ ᒫᑲ ᑭ ᐅᒋᐦᒋᑲᐧᓇᐱᐢᑕᐁᐧᐊᐧᐠ, ᒥᓇ ᐁ ᑭ ᒣᑕᐋᐧᑲᑖᒋᐠ ᐅᒥᓯ ᐁ ᐃᑌᐧᒋᐠ, ᐁᓬ, ᐅᐟ ᐅᑭᒪᒥᐊᐧᐊᐧ ᒍᐊᐧᐠ! 30ᑭ ᓴᓯᑲᐧᑌᐊᐧᐠ ᒫᑲ, ᒥᓇ ᐁ ᑭ ᐅᑎᓇᒫᐧᒋᐠ ᐊᓂᐢᑲᐊᐧᐢᐠ, ᐁ ᐸᑲᒪᐋᐧᒋᐠ ᐅᐢᑎᑲᐧᓂᔨᕽ. 31ᐃᐢᐱ ᒫᑲ ᑳ ᐳᓂ ᒣᑕᐋᐧᑳᑖᒋᐠ, ᑭ ᑫᑕᓴᑫᓀᐊᐧᐠ, ᐁ ᑭ ᐳᐢᑕᓴᑲᐊᒋᐠ ᒥᓇ ᐅᐢᑯᑖᑳᔨᐤ, ᐁᑯᓯ ᐁ ᑭ ᓯᐯᐧᑕᐦᐋᒋᐠ ᑭᑕ ᒋᐢᑕᐢᑲᐧᑖᒋᐠ.

32ᐁ ᐊᑎ ᐊᐧᔭᐃᐧᒋᐠ ᒫᑲ, ᑭ ᒣᑲᐧᐢᑲᐁᐧᐊᐧᐠ ᓴᐃᕒᐃᓂᐃᐧ ᐃᔨᓂᐊᐧ, ᓴᐃᒪᐣ ᐁ ᐃᓯᔨᐦᑲᓱᔨᐟ; ᐁᐅᑯᓂ ᑳ ᓯᑭᒫᒋᐠ ᑭᑕ ᐱᒥᐃᐧᑕᔨᐟ ᐅ ᐱᒥᑕᐢᑲᐧᐃᑲᓂᔨᐤ. 33ᐃᐢᐱ ᒫᑲ ᑳ ᑕᑯᓯᐦᑭᐠ ᐊᓂᑌ ᑲᓬᑯᑕ ᑳ ᐃᓯᔨᐦᑳᑌᐠ, ᐁᑲᐧᓂᒪ ᐁ ᐃᑕᐧᓂᐃᐧᐠ, ᐅᐢᑎᑲᐧᓂᑲᐣ.

34 # ᓂᑲᒧᓇ 69:21 ᑭ ᒥᔦᐊᐧᐠ ᓯᐃᐧᑳᐳᔨᐤ ᑭᑕ ᒥᓂᑫᐧᔨᐟ ᐁ ᐊᓯᑎᓂᑳᑌᔨᐠ ᑳ ᐃᐧᓴᑲᕽ; ᐃᐢᐱ ᒫᑲ ᑳ ᑯᒋᐢᑕᕽ, ᓇᒪᐃᐧᔭ ᑭ ᐃᐧ ᒥᓂᑫᐧᐤ. 35#ᓂᑲᒧᓇ 22:18ᐁᑯᓯ ᒫᑲ ᑭ ᒋᐢᑕᐢᑲᐧᑌᐊᐧᐠ, ᒥᓇ ᐁ ᑭ ᒪᑎᓇᒫᑐᒋᐠ ᐅᐟ ᐊᔪᐃᐧᓂᓯᔨᐊᐧ; ᐁ ᐊᐢᑖᐧᑐᒋᐠ, ᑭᑕ ᑎᐱᐸᔨᐠ ᐊᓂᒪ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ, ᒪᑎᓇᒪᑐᐊᐧᐠ ᓂᓱ ᐊᔪᐃᐧᓂᓴ, ᒥᓇ ᓂᐟ ᐊᑲᐧᐅᐃᐧᐣ ᑭ ᐊᐢᑕᐧᑐᐊᐧᐠ. 36ᐁᑯᓯ ᐁ ᑭ ᓇᐦᐊᐱᒋᐠ, ᑭ ᑲᓇᐋᐧᐸᒣᐊᐧᐠ; 37ᐁ ᑭ ᐊᐢᑕᐋᐧᒋᐠ ᒫᑲ ᐁᑯᑕ ᐃᐢᐱᒥᕽ ᐅᐢᑎᑲᐧᓂᔨᕽ, ᐅ ᒥᓯᒥᑯᐃᐧ ᒪᓯᓇᐅᑰᐃᐧᐣ, ᐁᐊᐧᑯ ᐊᐊᐧ ᒋᓴᐢ ᐅᐟ ᐅᑭᒪᒥᐋᐧᐊᐧ ᒍᐊᐧᐠ. 38ᐁᑯᑕ ᒫᑲ ᐁᑯᐢᐱ ᓂᓱ ᑭᒧᑎᐢᑲᐠ ᐊᓯᒋ ᑭ ᒋᐢᑕᐢᑲᐧᑕᐊᐧᐠ; ᐯᔭᐠ ᐅ ᑭᐦᒋᓂᐢᑭᔨᕽ, ᒥᓇ ᑯᑕᐠ ᐅ ᓇᒪᑎᓂᔨᕽ.

39 # ᓂᑲᒧᓇ 22:7; 109:25 ᐊᓂᑭ ᒫᑲ ᐁᑯᑕ ᑳ ᐱᒥ ᒪᒥᔭᐢᑲᐋᐧᒋᐠ ᑭ ᑭᑳᒣᐊᐧᐠ ᐁ ᐁᐧᐁᐧᐱᐢᑫᐧᔨᒋᐠ, 40#ᒫᐟᔪ 26:61; ᒑᐣ 2:19ᐅᒥᓯ ᒫᑲ ᐁ ᐃᑌᐧᒋᐠ, ᑭᔭ ᑳ ᓂᓯᐊᐧᓈᒋᐦᑖᔭᐣ ᑭᐦᒋ ᐊᔭᒥᐦᐁᐃᐧᑲᒥᐠ, ᐁᑯᓯ ᑳ ᒋᒪᑖᔭᐣ ᓂᐢᑐ ᑭᓯᑳᑭ, ᐱᒫᒋᐦᐃᓱ. ᑭᐢᐱᐣ ᑭᔭ ᑭᓭᒪᓂᑐᐃᐧᑯᓯᓵᐣ, ᐯᒋ ᓂᓴᑕᐃᐧ ᐱᒥᑕᐢᑲᐧᐃᑲᓂᕽ ᐅᐦᒋ. 41ᐃᐧᐢᑕᐋᐧᐤ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᐁ ᒣᑕᐋᐧᑲᑖᒋᐠ, ᐊᓯᒋ ᒪᓯᓇᐦᐃᑫᐃᐧᔨᓂᐊᐧᐠ ᒥᓇ ᑳ ᓂᑳᓀᔨᑖᑯᓯᒋᐠ ᐅᒥᓯ ᑭ ᐃᑌᐧᐊᐧᐠ, 42ᑯᑕᑲ ᑭ ᐱᒪᒋᐁᐤ; ᐃᐧᔭ ᓇᒪᐃᐧᔭ ᑭ ᐱᒫᒋᐦᐃᓱ. ᑭᐢᐱᐣ ᐁᐊᐧᑯ ᐃᐢᕒᐁᐃᓬ ᑭᐦᒋ ᐅᑭᒫᐤ ᑭᔮᒼ ᐁᑲᐧ ᐱᒥᑕᐢᑲᐧᐃᑲᓂᕽ ᑭᑕ ᐯ ᐅᐦᒋ ᓂᑕᑯᓯᐤ, ᐁᑯᓯ ᒫᑲ ᑭ ᑲ ᑖᐯᐧᑕᐋᐧᓇᐤ. 43#ᓂᑲᒧᓇ 22:8ᒪᒥᓯᑐᑕᐁᐧᐤ ᑭᓭᒪᓂᑐᐊᐧ; ᑭᔮᒼ ᐁᑲᐧ ᑭᑕ ᐱᒪᒋᐃᐠ, ᑭᐢᐱᐣ ᐊᐧ ᐊᔭᐃᐧᑯᑫᐧ; ᒋᑫᒫ ᑭ ᐃᑌᐧᐤ, ᓂᔭ ᑭᓭᒪᓂᑐᐃᐧᑯᓯᓵᐣ. 44ᐃᐧᐢᑕᐋᐧᐤ ᑭᒧᑎᐢᑲᐠ, ᑳ ᐃᐧᒋ ᒋᐢᑕᐢᑲᐧᓱᒫᒋᐠ, ᐁᑯᓯ ᑭ ᐊᔨᑌᐊᐧᐠ.

45ᐃᐢᐱ ᒫᑲ ᓂᑯᑕᐧᓯᐠ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ ᑭ ᐊᐧᓂᑎᐱᐢᑲᐤ ᒥᓯᐁᐧ ᐊᐢᑭᕽ ᐱᔨᐢ ᐁ ᐅᑎᐦᒋᐸᔨᐠ ᑫᑲᐟ ᒥᑕᑕᐦᐟ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ. 46#ᓂᑲᒧᓇ 22:1ᓈᓂᑕᐤ ᒫᑲ ᑫᑲᐟ ᒥᑖᑕᐦᐟ ᐁ ᐃᐢᐸᔨᐠ ᑎᐸᐃᐱᓯᒫᐧᐣ, ᒋᓴᐢ ᑭ ᒥᐢᑕᐦᐃ ᑌᐯᐧᐤ, ᐅᒥᓯ ᐁ ᐃᑌᐧᐟ, ᐃᓬᐊᐩ, ᐃᓬᐊᐩ, ᓬᐋᒪ ᓭᐹᐠᑕᓇᐩ? ᐁᑲᐧᓂᒪ ᐁ ᐃᑕᐧᓂᐠ, ᓂ ᑭᓭᒪᓂᑐᒼ, ᓂ ᑭᓭᒪᓂᑐᒼ, ᑖᓀᑭ ᑳ ᑭ ᓇᑲᓯᔭᐣ? 47ᐊᑎᐦᐟ ᒫᑲ ᐊᓂᑭ ᐁᑯᑕ ᑳ ᓂᐸᐃᐧᒋᐠ ᐃᐢᐱ ᐱᔦᐦᑕᐦᑭᐠ ᐁᐊᐧᑯ, ᐅᒥᓯ ᑭ ᐃᑌᐧᐊᐧᐠ, ᐊᐊᐧ ᐊᔨᓯᔨᓂᐤ ᓇᑐᒣᐤ ᐃᓬᐊᔭᓴ. 48#ᓂᑲᒧᓇ 69:21ᐯᔭᐠ ᒫᑲ ᓭᒫᐠ ᑭ ᐃᐢᐸᑖᐤ, ᐁ ᑭ ᐅᑎᓇᐟ ᒫᑲ ᐹᑯᑫᐧᐅᓇ, ᐁ ᑭ ᓴᑲᐢᑭᓇᐋᐟ ᒫᑲ ᓯᐃᐧᑳᐧᐳᔨᐤ, ᒥᓇ ᐁ ᑭ ᐊᐢᑖᐟ ᐊᓂᐢᑲᐊᐧᐢᑯᓯᕽ, ᐁᑯᓯ ᐁ ᑭ ᒥᔭᐟ ᑭᑕ ᒥᓂᑫᐧᔨᐟ. 49ᒫᑲ ᐃᐧᔭ ᑯᑕᑲᐠ ᑭ ᐃᑌᐧᐊᐧᐠ, ᐁᑳ ᑐᑖᕽ, ᑭᔮᒼ ᐊᐧᐸᑖᑖᐠ ᒫᐦᑎ ᐃᓬᐊᔭᐢ ᑫ ᐯ ᐃᑐᑌᑫᐧ ᑭᑕ ᐱᒪᒋᐋᐟ.

50ᒋᓴᐢ, ᒫᑲ ᒥᓇ ᐃᐢᐱ ᑳ ᒥᐢᑕᐦᐃ ᑌᐯᐧᐟ, ᑭ ᐸᑭᑎᓀᐤ ᐅᐟ ᐊᐦᒑᐦᑲᐧ. 51#ᐁᐠᓴᑕᐢ 26:31-33ᒋᐢᐟ ᒫᑲ, ᐋᑯᐁᑲᐃᑲᐣ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᑖᑐᐸᔨᐤ ᐁ ᓂᓱᑖᐸᔨᐠ ᐃᐢᐱᒥᕽ ᐅᐦᒋ ᐱᔨᐢ ᑕᐸᓯᐢ; ᒥᓇ ᒫᑲ ᐊᐢᑭ ᑭ ᑭᐦᑲᐧᐣ, ᒥᓇ ᐁ ᑲᑭᐢᑕᐱᐢᑳᐠ ᑭ ᑕᑕᐢᑭᐸᔨᐤ; 52ᔨᑲᐧᐦᐊᐢᑳᓇ ᒫᑲ ᑭ ᐸᐸᐢᑭᑌᐸᔨᐊᐧ; ᒥᐦᒉᐟ ᒫᑲ ᐊᓂᑭ ᐅᑲᓈᑎᓯᐊᐧᐠ ᐃᐧᔭᐃᐧᐋᐧᐊᐧ ᑳ ᓂᐹᒋᐠ, ᑭ ᐊᐧᓂᐢᑳᐊᐧᐠ, 53ᐁ ᑭ ᐯ ᐅᐦᒋ ᐊᐧᔭᐃᐧᒋᐠ ᒫᑲ ᔨᑲᐧᐦᐊᐢᑳᓂᕽ ᐃᐢᐱ ᐁ ᑭ ᐊᐧᓂᐢᑳᔨᐟ ᒥᓇ ᐁ ᑭ ᐃᑐᐦᑌᒋᐠ ᑲᓇᒋ ᐅᑌᓈᕽ, ᒥᐦᒉᐟ ᒫᑲ ᐁ ᑭ ᓄᑯᐦᐃᓱᐢᑕᐊᐧᒋᐠ.

54ᐃᐢᐱ ᒫᑲ ᑭᐦᒋ ᓯᒫᑲᓂᓯᐃᐧᑭᒫᐤ, ᒥᓇ ᐊᓂᐦᐃ ᑳ ᐃᐧᒉᑯᐟ, ᐁ ᑲᓇᐋᐧᐸᒫᒋᐠ ᒋᓴᓴ, ᐃᐧᔭᐸᑕᐦᑭᐠ ᐁ ᓇᓇᒪᐢᑲᒥᑭᐸᔨᐠ, ᒥᓇ ᐊᓂᒪ ᑳ ᑭ ᐊᔨᐦᑭᓂᔨᐠ, ᓈᐢᐱᐨ ᑭ ᓭᑭᓯᐊᐧᐠ, ᐅᒥᓯ ᐁ ᐃᑌᐧᒋᐠ, ᑖᐯᐧ ᐃᓴ ᐊᐊᐧ ᑭ ᑭᓭᒪᓂᑐᐃᐧ ᑯᓯᓴᓂᐃᐧᐤ. 55#ᓬᐅᐠ 8:2,3ᒥᐦᒉᐟ ᒫᑲ ᐃᐢᑫᐧᐊᐧᐠ ᐁᑯᑕ ᑭ ᐊᔭᐊᐧᐠ, ᐋᐧᐦᔭᐤ ᐁ ᐅᓴᐱᒋᐠ, ᐊᓂᑭ ᑲᓬᐊᓬᐃᕽ ᑳ ᐅᐦᒋ ᐱᒥᑎᓴᐦᐋᐧᒋᐠ ᒋᓴᓴ, ᐁ ᐸᐸᒥᐦᐋᒋᐠ; 56ᐅᑯ ᒫᑲ ᑭ ᐃᐧᒋᐃᐁᐧᐊᐧᐠ ᐁᑯᑕ ᒣᕒᐃ ᒪᐠᑎᓬᐃᐣ, ᒥᓇ ᒣᕒᐃ ᐅᑳᐃᐧᔭ ᒉᒥᐢ, ᒥᓇ ᒍᓯᐢ, ᒥᓇ ᐅ ᑲᐃᐧᐊᐧᐊᐧ ᐊᓂᑭ ᓭᐱᑎ ᐅᐟ ᐊᐊᐧᓯᒥᓴ.

57ᐃᐢᐱ ᒫᑲ ᐁᑎ ᐅᑖᑯᓯᐠ, ᐁᑯᑕ ᑭ ᑕᑯᓯᐣ ᐁᐧᔪᑎᓯᐃᐧᔨᓂᐤ ᐊᕒᐊᒣᑎᐊ ᑳ ᐅᐦᒋᐟ, ᒍᓯᑊ ᐁ ᐃᓯᔨᐦᑲᓱᐟ, ᐃᐧᐢᑕ ᑳ ᑭ ᐅᑭᐢᑭᓄᐦᐊᒪᐋᐧᑲᓂᒥᑯᐟ ᒋᓴᓴ; 58ᐊᐊᐧ ᑭ ᓇᑌᐤ ᐸᐃᓬᐊᑕ, ᐁ ᑭ ᓇᑐᑕᒪᐋᐧᐟ ᒫᑲ ᒋᓴᓴ ᐃᐧᔭᐃᐧᔨᐤ. ᐸᐃᓬᐊᐟ ᒫᑲ ᑭ ᐃᑌᐧᐤ ᑭᑕ ᐸᑭᑎᓇᒪᒥᐟ ᒥᔭᐃᐧᔨᐤ. 59ᐃᐢᐱ ᒫᑲ ᒍᓯᑊ ᑳ ᐅᑎᓇᕽ ᒥᔭᐃᐧᔨᐤ, ᑭ ᐁᐧᐁᐧᑭᓇᒼ ᐁ ᑲᓈᑕᓂᔨᐠ ᐊᐧᐱᐢᑭ ᐸᐸᑭᐊᐧᔭᓀᑭᓄᕽ. 60ᐁ ᑭ ᐊᐢᑖᐟ ᒫᑲ ᐊᓂᑕ ᑎᐱᔭᐁᐧ ᐅ ᐅᐢᑭ ᔨᑲᐧᐦᐊᐢᑳᓂᕽ ᐊᓂᒪ ᐊᓯᓂᕽ ᑳ ᑭ ᒧᓇᐦᐊᕽ; ᐁ ᑭ ᐃᓯ ᑎᐦᑎᐱᓇᐟ ᒫᑲ ᒥᐢᑕᓯᓂᔭ ᐊᓂᑕ ᐁ ᐃᐢᑲᐧᑌᒥᐊᐧᕽ ᔨᑲᐧᐦᐊᐢᑳᓂᕽ, ᐁ ᑭ ᐊᑎ ᓯᐯᐧᑌᐟ ᒫᑲ. 61ᐁᑯᑕ ᒫᑲ ᑭ ᐊᔮᐤ ᒣᕒᐃ ᒪᐠᑌᓬᐃᐣ, ᒥᓇ ᑯᑕᐠ ᒣᕒᐃ, ᐁ ᐅᐦᑕᐱᐢᑕᐦᑭᐠ ᔨᑲᐧᐦᐊᐢᑳᓂᔨᐤ.

62ᑯᑕᐠ ᒫᑲ ᐁ ᑭᓯᑳᐠ ᐊᓂᒪ ᐁ ᐋᐧᐸᕽ ᑳ ᐊᐧᐁᐧᔨᐃᐧᑭᓯᑲᐠ, ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐸᕒᐊᓯᔭᐠ ᑭ ᐯ ᒫᒪᐃᐧ ᓈᑌᐊᐧᐠ ᐸᐃᓬᐊᑕ, 63#ᒫᐟᔪ 16:21; 17:23; 20:19; ᒫᕒᐠ 8:31; 9:31; 10:33,34; ᓬᐅᐠ 9:22; 18:31-33ᐅᒥᓯ ᐁ ᐃᑌᐧᒋᐠ, ᐅᑭᒫᐤ, ᓂ ᑲᓄᑭᐢᑭᓯᓈᐣ ᐊᓇ ᐅᐊᐧᔦᓯᐦᐃᐁᐧᐤ ᑳ ᑭ ᐃᑌᐧᐟ, ᐁ ᒣᑲᐧ ᐱᒫᑎᓯᐟ; ᑭ ᓂᐢᑐ ᑭᓯᑳᑭ ᒥᓇ ᓂ ᑲ ᐊᐧᓂᐢᑳᐣ 64ᐃᑕᓱᐁᐧ ᒫᑲ, ᐊᓂᒪ ᔨᑲᐧᐦᐊᐢᑳᐣ ᒥᑐᓂ ᑭᑕ ᑲᓇᐁᐧᔨᒋᑲᑌᐠ ᐱᔨᐢ ᑭᑕ ᓂᐢᑐ ᑭᓯᑳᐠ, ᐁᑳ ᐅ ᑭᐢᑭᓄᐦᐊᒪᐋᐧᑲᓇ ᑭᑕ ᐯ ᓂᐸ ᐃᑐᐦᑌᔨᐟ ᑭᑕ ᑭᒧᑎᔨᐟ ᐃᐧᔭᐤ ᐅᒥᓯ ᒫᑲ ᑭᑕ ᐃᑖᒋᐠ ᐊᔨᓯᔨᓂᐊᐧ, ᐊᐱᓯᓯᐣ; ᐁᑯᓯ ᒫᑲ ᐊᓂᒪ ᐃᐢᑳᐧᔭᐨ ᐊᐧᓂᑐᑕᒧᐃᐧᐣ ᓇᐊᐧᐨ ᑭᑕ ᒫᔨᐸᔨᐤ ᐃᐢᐱᐨ ᓂᐢᑕᒼ. 65ᐸᐃᓬᐊᐟ ᒫᑲ ᐅᒥᓯ ᑭ ᐃᑌᐤ, ᑭᐟ ᐊᔭᐊᐧᐊᐧᐊᐧᐠ ᐅᑲᓇᐁᐧᔨᒋᑫᐊᐧᐠ; ᓯᐯᐧᐦᑌᐠ, ᒥᑐᓂ ᑲᓇᐁᐧᔨᐦᑕᒧᐠ ᐃᔨᑯᕽ ᐁ ᐃᓯ ᑲᐢᑭᐦᑕᔦᐠ. 66ᐁᑯᓯ ᒫᑲ ᑭ ᓯᐯᐧᑌᐊᐧᐠ, ᒥᓇ ᒥᑐᓂ ᐁ ᑭ ᑲᓇᐁᐧᔨᐦᑕᐦᑭᐠ ᔨᑲᐧᐦᐊᐢᑳᐣ, ᐁ ᑭ ᐊᑯᐢᑭᐊᐧᓴᐧᒋᐠ ᐊᓯᓂᔭ, ᐁ ᐃᐧᒉᑯᒋᐠ ᐅᑲᓇᐁᐧᔨᒋᑫᐊᐧ.

Iliyochaguliwa sasa

ᓭᐣᐟ ᒫᐟᔪ 27: KKMs

Kuonyesha

Shirikisha

Nakili