ᓭᐣᐟ ᒫᐟᔪ 14
14
1ᐁᑯᐢᐱ ᒫᑲ ᐁᕒᐊᐟ ᐊᓇ ᑌᐟᕒᐋᕒᐠ ᑭ ᐯᑕᒼ ᐁ ᐃᑕᒋᒥᑯᐊᐧᓯᔨᐟ ᒋᓴᓴ; 2ᐅᒥᓯ ᒫᑲ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᐁᐊᐧᑯ ᐊᐊᐧ ᒐᐣ ᐸᑊᑎᐢᐟ: ᑭ ᐊᐱᓯᓯᐣ; ᐁᐊᐧᑯ ᒫᑲ ᒪᒪᑕᐃᐧ ᐊᑐᐢᑫᐃᐧᓇ ᑳ ᐅᐦᒋ ᐊᑐᐢᑲᑕᕽ.
3 #
ᓬᐅᐠ 3:19,20 ᐃᐧᔭ ᐁᕒᐊᐟ ᐁ ᑭ ᐅᑎᑎᓇᐟ ᒑᓇ ᒥᓇ ᐁ ᑭ ᒪᒪᒋᑲᐧᐱᑕᐟ, ᐁᑯᓯ ᒫᑲ ᐁ ᑭ ᑭᐸᐋᐧᐟ ᑭᐸᐦᐅᑐᐃᐧᑲᒥᑯᕽ ᐁᕒᐅᑎᔭᐢ ᐅᐦᒋ, ᐅᒋᐋᐧᒪ ᐱᓬᐃᐸ ᐃᐧᐃᐧᔨᐊᐧ. 4#ᓬᐃᐱᑎᑲᐢ 18:16; 20:21ᒋᑫᒫ ᒐᐣ ᐅᒥᓯ ᑭ ᐃᑌᐤ, ᓇᒪᐃᐧᔭ ᑲᐧᔭᐢᐠ ᐃᑌᔨᑕᑲᐧᐣ ᑭᔭ ᑭᑕ ᐊᔭᐊᐧᐟ. 5ᐃᐢᐱ ᒫᑲ ᐃᐧᔭ ᑭᑕ ᑭ ᓂᐸᐊᐸᐣ, ᑭ ᑯᐢᑌᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᒋᑫᒫ ᐅᑭᐢᑭᐁᐧᐦᐃᑫᑭ ᐃᑕᑭᒣᐊᐧᐠ. 6ᒫᑲ ᐃᐢᐱ ᐁᕒᐊᐟ ᐅ ᑎᐱᐢᑲᒧᐃᐧᑭᓯᑲᒼ ᐁᐧᑎᒋᐸᔨᔨᐠ, ᐅᑖᓂᓴ ᐁᕒᐅᑎᔭᐢ ᑭ ᓂᒥᐃᑐᔨᐊᐧ ᒣᑳᐧᐨ ᐃᑕ ᐁ ᐊᔮᒋᐠ, ᐁᕒᐊᐟ ᒫᑲ ᑭ ᒥᐁᐧᔨᑕᒼ. 7ᐁᐊᐧᑯ ᒫᑲ ᐅᐦᒋ ᑭ ᐊᓱᑕᒪᐁᐧᐤ ᑭᐦᒋ ᐃᑌᐧᐃᐧᓂᕽ ᑭᑕ ᒥᔮᐟ ᐱᑯ ᑫᑲᐧᐩ ᑫ ᓇᑕᐁᐧᔨᑕᒪᑯᐟ. 8ᐃᐧᔭ ᒫᑲ, ᐁ ᑭ ᓂᑲᓂ ᑭᐢᑭᓄᐦᐊᒫᑯᐟ ᐅᑳᐃᐧᔭ, ᐅᒥᓯ ᑭ ᐃᑌᐧᐤ, ᐯᒋ ᒥᔨᐣ ᐅᑕ ᐅᐢᑎᑲᐧᐣ ᒐᐣ ᐸᑊᑎᐢᐟ ᐅᔭᑲᓂᕽ. 9ᑭᐦᒋ ᐅᑭᒫᐤ ᑭ ᒥᒋᔭᐁᐧᓯᐤ: ᐁᔨᐁᐧᕽ ᒫᑲ, ᑭᐦᒋ ᐃᑌᐧᐃᐧᐣ ᐅᐦᒋ, ᒥᓇ ᐊᓂᐦᐃ ᑳ ᐃᐧᑕᐱᒥᑯᐟ ᐁ ᒥᒋᓱᐟ ᑭ ᐃᑕᓱᐁᐧᐤ ᑭᑕ ᒥᔨᒥᐦᐟ. 10ᑭ ᐃᓯᑎᓴᐦᐅᐁᐧᐤ ᒫᑲ, ᐁᑯᓯ ᐁ ᑭ ᑭᐢᑭᑫᐧᑕᐊᐧᐟ ᒑᓇ ᑭᐸᐦᐅᑐᐃᐧᑲᒥᑯᕽ. 11ᐅᐢᑎᑲᐧᐣ ᒫᑲ ᑭ ᐯᑕᐊᐧᐣ ᐅᔭᑲᓂᕽ, ᐁ ᑭ ᒥᔨᐦᐟ ᒫᑲ ᐅᐢᑭᓂᑭᐢᑫᐧᐤ; ᐁᑯᓯ ᑭ ᐯᑕᒪᐁᐧᐤ ᐅᑳᐃᐧᔭ. 12ᐅ ᑭᐢᑭᓄᐦᐊᒪᐋᐧᑲᓇ ᑭ ᐯ ᐃᑐᐦᑌᔨᐊᐧ, ᐁ ᑭ ᐯ ᐅᑎᓇᒪᐧᒋᐠ ᐃᐧᔭᐤ, ᒥᓇ ᐁ ᑭ ᓇᐃᓇᑭᐠ, ᐁᑯᓯ ᑭ ᓯᐯᐧᑌᐊᐧᐠ ᐁ ᑭ ᐃᐧᐦᑕᒪᐊᐧᒋᐠ ᒋᓴᓴ.
13ᐃᐢᐱ ᒫᑲ ᒋᓴᐢ ᑳ ᐯᐦᑕᕽ, ᑭ ᓯᐯᐧᑌᐤ ᐅᓯᕽ ᐁ ᑭ ᐳᓯᐟ ᐱᑲᐧᑕᐢᑲᒥᑲᕽ ᐁ ᐃᑐᐦᑌᐟ ᐁ ᐯᔭᑯᐟ, ᐃᐢᐱ ᒫᑲ ᐊᔨᓯᔨᓂᐊᐧᐠ ᑳ ᐯᐦᑕᐦᑭᐠ, ᑭ ᐱᒥᑎᓴᐁᐧᐊᐧᐠ ᐁ ᑭ ᒧᐢᑐᑌᒋᐠ ᐅᑌᓈᕽ ᐅᐦᒋ. 14ᑭ ᐯ ᐃᑐᐦᑌᐤ ᒫᑲ ᐁ ᑭ ᐊᐧᐸᒪᐟ ᑭᐦᒋ ᒥᐦᒉᐟ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁᑯᓯ ᑭ ᑭᑎᒫᑭᓇᐁᐧᐤ, ᒥᓇ ᒫᑲ ᑭ ᐃᔨᓂᑲᐦᐁᐤ ᐅᐟ ᐋᑯᓯᐃᐧᓂᔨᐊᐧ. 15ᐃᐢᐱ ᒫᑲ ᐁᑎ ᐅᑖᑯᓯᐠ, ᐅ ᑭᐢᑭᓄᐦᐊᒪᐋᐧᑲᓇ ᑭ ᐯᒋ ᓇᑎᐠ, ᐅᒥᓯ ᐁ ᐃᑌᐧᔨᐟ, ᐱᑲᐧᑕᐢᑲᒥᑲᐤ ᐃᓴ ᐅᒪ, ᑭᓯᑳᐤ ᒫᑲ ᓴᓴᐩ ᒪᔭᐢᑲᒧᐸᔨᐤ; ᓯᐯᐧᑎᓴᐦᐅᐠ ᐅᑯ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ, ᑭᑕ ᐃᑐᐦᑌᒋᐠ ᐅᑌᓈᕽ, ᑭᑕ ᐊᑕᐁᐧᐢᑕᒪᓱᒋᐠ ᒥᒋᐣ. 16ᒫᑲ ᒋᓴᐢ ᐅᒥᓯ ᑭ ᐃᑌᐤ, ᓇᒪᐃᐧᔭ ᑭᑕ ᓯᐯᐧᑌᐊᐧᐠ; ᒥᔨᑯᐠ ᑭᔭᐋᐧᐤ ᑫ ᒥᒋᒋᐠ. 17ᐅᒥᓯ ᒫᑲ ᐃᑌᐊᐧᐠ, ᐱᑯ ᓂᔮᓇᐣ ᐸᑫᐧᓯᑲᓇᐠ ᐅᑕ ᓂᐟ ᐊᔭᐊᐧᓇᓇᐠ, ᒥᓇ ᓂᓱ ᑭᓄᓭᐊᐧᐠ. 18ᐅᒥᓯ ᒫᑲ ᑭ ᐃᑌᐧᐤ, ᐯᑕᒪᐃᐧᐠ ᐃᓴ. 19ᐁᑯᓯ ᒫᑲ ᑭ ᐃᐧᐦᑕᒪᐁᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭᑕ ᓇᐦᐊᐱᔨᐟ ᒪᐢᑯᓯᐢᑲᕽ; ᐁ ᑭ ᐅᑎᓈᐟ ᒫᑲ ᓂᔮᓇᐣ ᐸᑫᐧᓯᑲᓇ, ᒥᓇ ᓂᓱ ᑭᓄᓭᐊᐧ, ᐁ ᑭ ᐃᑖᐱᐟ ᒫᑲ ᑭᐦᒋ ᑭᓯᑯᕽ, ᑭ ᓇᓇᐢᑯᒧ, ᒥᓇ ᐁ ᑭ ᐱᑯᓈᐟ; ᐁ ᑭ ᒥᔮᐟ ᒫᑲ ᐸᑫᐧᓯᑲᓇ ᐅ ᑭᐢᑭᓄᐦᐊᒪᐋᐧᑲᓇ, ᐊᓂᑭ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 20ᐁᑯᓯ ᒫᑲ ᑲᐦᑭᔭᐤ ᑭ ᒥᒋᓱᐊᐧᐠ, ᒥᓇ ᑭ ᑭᐢᐳᐊᐧᐠ; ᐁᑯᓯ ᒫᑲ ᑭ ᒧᓴᑭᓇᒪᐧᐠ ᐊᓂᐦᐃ ᐃᐢᑲᐧᒋᑲᓇ ᑳ ᑭ ᐃᐢᑲᐧᑕᑭᐠ ᒥᑕᑕᐦᐟ ᓂᓱᓵᑊ ᐃᐧᑯᐱᐊᐧᑕ ᐁ ᓴᑲᐢᑭᓀᔨᑭ. 21ᐊᓂᑭ ᒫᑲ ᑳ ᑭ ᒥᒋᓱᒋᐠ ᓈᓂᑕᐤ ᓂᔮᓇᓇᐧᐤ ᑭᐦᒋ ᒥᑖᑐᒥᑕᓇᐤ ᑭ ᐃᑕᓯᐊᐧᐠ ᓈᐯᐊᐧᐠ, ᐊᓯᒋ ᐃᐢᑫᐧᐊᐧᐠ ᒥᓇ ᐊᐊᐧᓯᓴᐠ.
22ᐁᑯᓯ ᒫᑲ ᒋᓴᐢ ᑭ ᓯᑭᒣᐤ ᐅ ᑭᐢᑭᓄᐦᐊᒪᐋᐧᑲᓇ ᑭᑕ ᐳᓯᔨᐟ ᐅᓯᐠ, ᑭᑕ ᓂᑕᐃᐧ ᐊᐢᑲᒪᑯᐠ ᐊᓂᑌ ᑫᐧᐢᑲᑳᒼ ᒣᑳᐧᐨ ᐁ ᓯᐯᐧᑎᓴᐋᐧᐟ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 23ᐃᐢᐱ ᒫᑲ ᑳ ᓯᐯᐧᑎᓴᐋᐧᐟ ᑳ ᒫᒪᐁᐧᔭᑎᔨ ᐊᔨᓯᔨᓂᐊᐧ, ᑭ ᐯᔭᑯ ᐊᒪᒋᐁᐧᐤ ᐊᐧᒋᔨᐤ ᑭᑕ ᐊᔭᒥᐦᐋᐟ: ᐃᐢᐱ ᒫᑲ ᐁᑎ ᐅᑖᑯᓯᐠ, ᐁᑯᑌ ᑭ ᐊᔮᐤ ᐁ ᐯᔭᑯᐟ. 24ᒫᑲ ᐃᐧᔭ ᐅᓯ ᓴᓴᐩ ᒣᑲᐧ ᓵᑲᐦᐃᑲᓂᕽ ᑭ ᐊᔮᐤ, ᐁᑕᑌᑕᐊᕽ ᐁᐢᐱᒋ ᒪᒪᑲᐊᕽ: ᐃᐧᔭ ᐁ ᑭ ᐅᑎᐢᑲᐊᐧᐠ. 25ᐃᐢᐱ ᒫᑲ ᓀᐋᐧᐤ ᐁ ᐃᐢᐸᔨᐠ ᑎᐸᐃᑲᐣ ᒣᑫᐧᐨ ᐁ ᑎᐱᐢᑳᐠ, ᒋᓴᐢ ᑭ ᓇᑌᐤ, ᐁ ᐱᒧᐦᑌᐟ ᓂᐱᕽ. 26ᐃᐢᐱ ᒫᑲ ᑭᐢᑭᓄᐦᐊᒪᐋᐧᑲᓇᐠ ᐃᐧᔭᐸᒫᒋ ᐁ ᐱᒧᐦᑌᔨᐟ ᓂᐱᕽ, ᑭ ᒥᑯᐢᑲᑌᔨᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᒋᐸᐩ ᐃᓴ ᐁᐊᐧᑯ; ᐁᑯᓯ ᒫᑲ ᑭ ᑌᐯᐧᐊᐧᐠ ᐁ ᐃᐢᐱᒋ ᓭᑭᓯᒋᐠ. 27ᒫᑲ ᓭᒫᐠ ᒋᓴᐢ ᑭ ᐊᔭᒥᐁᐤ, ᐅᒥᓯ ᐁ ᐃᑖᐟ, ᒥᐁᐧᔨᑕᒧᐠ ᓂᔭ ᐅᒪ; ᐁᑳᐃᐧᔭ ᑯᐢᑕᒋᐠ. 28ᐱᑕᕒ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᐃᑖᐟ, ᑌᐯᔨᐦᒋᑫᔭᐣ, ᑭᐢᐱᐣ ᑭᔭ, ᓇᑐᒥᐣ ᑭᑕ ᓇᑎᑕᐣ ᓂᐱᕽ. 29ᐅᒥᓯ ᒫᑲ ᑭ ᐃᑌᐧᐤ, ᐊᐢᑕᒼ ᒫᑲ. ᐃᐢᐱ ᒫᑲ ᐱᑕᕒ ᐅᓯᕽ ᑳ ᐯ ᐅᐦᒋ ᓂᓴᑕᐃᐧᐟ, ᑭ ᐱᒧᐦᑌᐤ ᓂᐱᕽ, ᑭᑕ ᓈᑖᐟ ᒋᓴᓴ. 30ᐃᐢᐱ ᒫᑲ ᐃᐧᔭᐸᑕᕽ ᐁ ᒪᒪᑲᐊᓂᔨᐠ, ᑭ ᓭᑭᓯᐤ; ᐁᑯᓯ ᒫᑲ ᐁ ᐃᐧᑯᓴᐯᐸᔨᐟ, ᑭ ᑌᐯᐧᐤ ᐁ ᐃᑌᐧᐟ, ᑌᐯᔨᐦᒋᑫᔭᐣ, ᐱᒪᒋᐃᐣ. 31ᐁᑯᓯ ᒫᑲ ᓭᒫᐠ ᒋᓴᐢ ᑭ ᓱᐃᐧᓂᐢᑫᐢᑕᐁᐧᐤ, ᐁᑯᓯ ᐁ ᑭ ᐅᒋᐱᑖᐟ, ᐅᒥᓯ ᒫᑲ ᐁ ᑭ ᐃᑖᐟ, ᐅ ᑭᔭ ᑳ ᐊᐱᓵᓯᐠ ᑭ ᑖᐯᐧᔦᔨᑕᒧᐃᐧᐣ, ᑖᓀᑭ ᑳ ᐅᐦᒋ ᐊᓯᐁᐧᔨᑕᒪᐣ? 32ᐃᐢᐱ ᒫᑲ ᑳ ᐳᓯᒋᐠ ᐅᓯᕽ, ᑭ ᑭᐱᒋᔪᐁᐧᐤ. 33ᐊᓂᑭ ᒫᑲ ᐅᓯᕽ ᑳ ᐳᓯᒋᐠ ᑭ ᐯᒋ ᓈᑌᐊᐧᐠ ᐁ ᐊᔭᒥᐦᐁᐢᑕᐋᐧᒋᐠ, ᐅᒥᓯ ᐁ ᐃᑌᐧᒋᐠ, ᑖᐯᐧ ᑭᔭ ᑭᓭᒪᓂᑐᐃᐧᑯᓯᓵᐣ.
34ᐃᐢᐱ ᒫᑲ ᑳ ᐊᓱᐊᐧᐊᑭᐠ ᑭ ᐯ ᐃᑐᐦᑌᐊᐧᐠ ᐊᓂᑌ ᑫᓀᓭᕒᐁᐟ ᐊᐢᑭ. 35ᐃᐢᐱ ᒫᑲ ᐊᔨᓯᔨᓂᐊᐧᐠ ᐁᑯᑌ ᑳ ᐊᔮᒋᐠ ᑳ ᓂᓯᑕᐁᐧᔨᒪᒋᐠ ᑭ ᐃᓯᑎᓴᐦᐅᐁᐧᐊᐧᐠ ᒥᓯᐁᐧ ᐁᑯᑕ ᐊᓂᒪ ᐊᐢᑭᕽ, ᐁ ᑭ ᐯᓯᐊᐧᒋᐠ ᒫᑲ ᑲᐦᑭᔭᐤ ᑳ ᐋᑯᓯᔨᐟ; 36ᐁ ᑭ ᐸᑯᓭᔨᒫᒋᐠ ᒫᑲ ᐱᑯ ᑭᑕ ᓵᒥᓇᒫᐧᒋᐠ ᐅᐢᑯᑕᑲᔨᐤ; ᑕᐦᑐ ᒫᑲ ᑳ ᑭ ᓴᒥᓈᒋᐠ ᒥᑐᓂ ᑭ ᒥᔪ ᐊᔭᐊᐧᐠ.
Iliyochaguliwa sasa
ᓭᐣᐟ ᒫᐟᔪ 14: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᒫᐟᔪ 14
14
1ᐁᑯᐢᐱ ᒫᑲ ᐁᕒᐊᐟ ᐊᓇ ᑌᐟᕒᐋᕒᐠ ᑭ ᐯᑕᒼ ᐁ ᐃᑕᒋᒥᑯᐊᐧᓯᔨᐟ ᒋᓴᓴ; 2ᐅᒥᓯ ᒫᑲ ᑭ ᐃᑌᐤ ᐅᐟ ᐊᑐᐢᑫᔮᑲᓇ, ᐁᐊᐧᑯ ᐊᐊᐧ ᒐᐣ ᐸᑊᑎᐢᐟ: ᑭ ᐊᐱᓯᓯᐣ; ᐁᐊᐧᑯ ᒫᑲ ᒪᒪᑕᐃᐧ ᐊᑐᐢᑫᐃᐧᓇ ᑳ ᐅᐦᒋ ᐊᑐᐢᑲᑕᕽ.
3 #
ᓬᐅᐠ 3:19,20 ᐃᐧᔭ ᐁᕒᐊᐟ ᐁ ᑭ ᐅᑎᑎᓇᐟ ᒑᓇ ᒥᓇ ᐁ ᑭ ᒪᒪᒋᑲᐧᐱᑕᐟ, ᐁᑯᓯ ᒫᑲ ᐁ ᑭ ᑭᐸᐋᐧᐟ ᑭᐸᐦᐅᑐᐃᐧᑲᒥᑯᕽ ᐁᕒᐅᑎᔭᐢ ᐅᐦᒋ, ᐅᒋᐋᐧᒪ ᐱᓬᐃᐸ ᐃᐧᐃᐧᔨᐊᐧ. 4#ᓬᐃᐱᑎᑲᐢ 18:16; 20:21ᒋᑫᒫ ᒐᐣ ᐅᒥᓯ ᑭ ᐃᑌᐤ, ᓇᒪᐃᐧᔭ ᑲᐧᔭᐢᐠ ᐃᑌᔨᑕᑲᐧᐣ ᑭᔭ ᑭᑕ ᐊᔭᐊᐧᐟ. 5ᐃᐢᐱ ᒫᑲ ᐃᐧᔭ ᑭᑕ ᑭ ᓂᐸᐊᐸᐣ, ᑭ ᑯᐢᑌᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᒋᑫᒫ ᐅᑭᐢᑭᐁᐧᐦᐃᑫᑭ ᐃᑕᑭᒣᐊᐧᐠ. 6ᒫᑲ ᐃᐢᐱ ᐁᕒᐊᐟ ᐅ ᑎᐱᐢᑲᒧᐃᐧᑭᓯᑲᒼ ᐁᐧᑎᒋᐸᔨᔨᐠ, ᐅᑖᓂᓴ ᐁᕒᐅᑎᔭᐢ ᑭ ᓂᒥᐃᑐᔨᐊᐧ ᒣᑳᐧᐨ ᐃᑕ ᐁ ᐊᔮᒋᐠ, ᐁᕒᐊᐟ ᒫᑲ ᑭ ᒥᐁᐧᔨᑕᒼ. 7ᐁᐊᐧᑯ ᒫᑲ ᐅᐦᒋ ᑭ ᐊᓱᑕᒪᐁᐧᐤ ᑭᐦᒋ ᐃᑌᐧᐃᐧᓂᕽ ᑭᑕ ᒥᔮᐟ ᐱᑯ ᑫᑲᐧᐩ ᑫ ᓇᑕᐁᐧᔨᑕᒪᑯᐟ. 8ᐃᐧᔭ ᒫᑲ, ᐁ ᑭ ᓂᑲᓂ ᑭᐢᑭᓄᐦᐊᒫᑯᐟ ᐅᑳᐃᐧᔭ, ᐅᒥᓯ ᑭ ᐃᑌᐧᐤ, ᐯᒋ ᒥᔨᐣ ᐅᑕ ᐅᐢᑎᑲᐧᐣ ᒐᐣ ᐸᑊᑎᐢᐟ ᐅᔭᑲᓂᕽ. 9ᑭᐦᒋ ᐅᑭᒫᐤ ᑭ ᒥᒋᔭᐁᐧᓯᐤ: ᐁᔨᐁᐧᕽ ᒫᑲ, ᑭᐦᒋ ᐃᑌᐧᐃᐧᐣ ᐅᐦᒋ, ᒥᓇ ᐊᓂᐦᐃ ᑳ ᐃᐧᑕᐱᒥᑯᐟ ᐁ ᒥᒋᓱᐟ ᑭ ᐃᑕᓱᐁᐧᐤ ᑭᑕ ᒥᔨᒥᐦᐟ. 10ᑭ ᐃᓯᑎᓴᐦᐅᐁᐧᐤ ᒫᑲ, ᐁᑯᓯ ᐁ ᑭ ᑭᐢᑭᑫᐧᑕᐊᐧᐟ ᒑᓇ ᑭᐸᐦᐅᑐᐃᐧᑲᒥᑯᕽ. 11ᐅᐢᑎᑲᐧᐣ ᒫᑲ ᑭ ᐯᑕᐊᐧᐣ ᐅᔭᑲᓂᕽ, ᐁ ᑭ ᒥᔨᐦᐟ ᒫᑲ ᐅᐢᑭᓂᑭᐢᑫᐧᐤ; ᐁᑯᓯ ᑭ ᐯᑕᒪᐁᐧᐤ ᐅᑳᐃᐧᔭ. 12ᐅ ᑭᐢᑭᓄᐦᐊᒪᐋᐧᑲᓇ ᑭ ᐯ ᐃᑐᐦᑌᔨᐊᐧ, ᐁ ᑭ ᐯ ᐅᑎᓇᒪᐧᒋᐠ ᐃᐧᔭᐤ, ᒥᓇ ᐁ ᑭ ᓇᐃᓇᑭᐠ, ᐁᑯᓯ ᑭ ᓯᐯᐧᑌᐊᐧᐠ ᐁ ᑭ ᐃᐧᐦᑕᒪᐊᐧᒋᐠ ᒋᓴᓴ.
13ᐃᐢᐱ ᒫᑲ ᒋᓴᐢ ᑳ ᐯᐦᑕᕽ, ᑭ ᓯᐯᐧᑌᐤ ᐅᓯᕽ ᐁ ᑭ ᐳᓯᐟ ᐱᑲᐧᑕᐢᑲᒥᑲᕽ ᐁ ᐃᑐᐦᑌᐟ ᐁ ᐯᔭᑯᐟ, ᐃᐢᐱ ᒫᑲ ᐊᔨᓯᔨᓂᐊᐧᐠ ᑳ ᐯᐦᑕᐦᑭᐠ, ᑭ ᐱᒥᑎᓴᐁᐧᐊᐧᐠ ᐁ ᑭ ᒧᐢᑐᑌᒋᐠ ᐅᑌᓈᕽ ᐅᐦᒋ. 14ᑭ ᐯ ᐃᑐᐦᑌᐤ ᒫᑲ ᐁ ᑭ ᐊᐧᐸᒪᐟ ᑭᐦᒋ ᒥᐦᒉᐟ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁᑯᓯ ᑭ ᑭᑎᒫᑭᓇᐁᐧᐤ, ᒥᓇ ᒫᑲ ᑭ ᐃᔨᓂᑲᐦᐁᐤ ᐅᐟ ᐋᑯᓯᐃᐧᓂᔨᐊᐧ. 15ᐃᐢᐱ ᒫᑲ ᐁᑎ ᐅᑖᑯᓯᐠ, ᐅ ᑭᐢᑭᓄᐦᐊᒪᐋᐧᑲᓇ ᑭ ᐯᒋ ᓇᑎᐠ, ᐅᒥᓯ ᐁ ᐃᑌᐧᔨᐟ, ᐱᑲᐧᑕᐢᑲᒥᑲᐤ ᐃᓴ ᐅᒪ, ᑭᓯᑳᐤ ᒫᑲ ᓴᓴᐩ ᒪᔭᐢᑲᒧᐸᔨᐤ; ᓯᐯᐧᑎᓴᐦᐅᐠ ᐅᑯ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ, ᑭᑕ ᐃᑐᐦᑌᒋᐠ ᐅᑌᓈᕽ, ᑭᑕ ᐊᑕᐁᐧᐢᑕᒪᓱᒋᐠ ᒥᒋᐣ. 16ᒫᑲ ᒋᓴᐢ ᐅᒥᓯ ᑭ ᐃᑌᐤ, ᓇᒪᐃᐧᔭ ᑭᑕ ᓯᐯᐧᑌᐊᐧᐠ; ᒥᔨᑯᐠ ᑭᔭᐋᐧᐤ ᑫ ᒥᒋᒋᐠ. 17ᐅᒥᓯ ᒫᑲ ᐃᑌᐊᐧᐠ, ᐱᑯ ᓂᔮᓇᐣ ᐸᑫᐧᓯᑲᓇᐠ ᐅᑕ ᓂᐟ ᐊᔭᐊᐧᓇᓇᐠ, ᒥᓇ ᓂᓱ ᑭᓄᓭᐊᐧᐠ. 18ᐅᒥᓯ ᒫᑲ ᑭ ᐃᑌᐧᐤ, ᐯᑕᒪᐃᐧᐠ ᐃᓴ. 19ᐁᑯᓯ ᒫᑲ ᑭ ᐃᐧᐦᑕᒪᐁᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭᑕ ᓇᐦᐊᐱᔨᐟ ᒪᐢᑯᓯᐢᑲᕽ; ᐁ ᑭ ᐅᑎᓈᐟ ᒫᑲ ᓂᔮᓇᐣ ᐸᑫᐧᓯᑲᓇ, ᒥᓇ ᓂᓱ ᑭᓄᓭᐊᐧ, ᐁ ᑭ ᐃᑖᐱᐟ ᒫᑲ ᑭᐦᒋ ᑭᓯᑯᕽ, ᑭ ᓇᓇᐢᑯᒧ, ᒥᓇ ᐁ ᑭ ᐱᑯᓈᐟ; ᐁ ᑭ ᒥᔮᐟ ᒫᑲ ᐸᑫᐧᓯᑲᓇ ᐅ ᑭᐢᑭᓄᐦᐊᒪᐋᐧᑲᓇ, ᐊᓂᑭ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 20ᐁᑯᓯ ᒫᑲ ᑲᐦᑭᔭᐤ ᑭ ᒥᒋᓱᐊᐧᐠ, ᒥᓇ ᑭ ᑭᐢᐳᐊᐧᐠ; ᐁᑯᓯ ᒫᑲ ᑭ ᒧᓴᑭᓇᒪᐧᐠ ᐊᓂᐦᐃ ᐃᐢᑲᐧᒋᑲᓇ ᑳ ᑭ ᐃᐢᑲᐧᑕᑭᐠ ᒥᑕᑕᐦᐟ ᓂᓱᓵᑊ ᐃᐧᑯᐱᐊᐧᑕ ᐁ ᓴᑲᐢᑭᓀᔨᑭ. 21ᐊᓂᑭ ᒫᑲ ᑳ ᑭ ᒥᒋᓱᒋᐠ ᓈᓂᑕᐤ ᓂᔮᓇᓇᐧᐤ ᑭᐦᒋ ᒥᑖᑐᒥᑕᓇᐤ ᑭ ᐃᑕᓯᐊᐧᐠ ᓈᐯᐊᐧᐠ, ᐊᓯᒋ ᐃᐢᑫᐧᐊᐧᐠ ᒥᓇ ᐊᐊᐧᓯᓴᐠ.
22ᐁᑯᓯ ᒫᑲ ᒋᓴᐢ ᑭ ᓯᑭᒣᐤ ᐅ ᑭᐢᑭᓄᐦᐊᒪᐋᐧᑲᓇ ᑭᑕ ᐳᓯᔨᐟ ᐅᓯᐠ, ᑭᑕ ᓂᑕᐃᐧ ᐊᐢᑲᒪᑯᐠ ᐊᓂᑌ ᑫᐧᐢᑲᑳᒼ ᒣᑳᐧᐨ ᐁ ᓯᐯᐧᑎᓴᐋᐧᐟ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ. 23ᐃᐢᐱ ᒫᑲ ᑳ ᓯᐯᐧᑎᓴᐋᐧᐟ ᑳ ᒫᒪᐁᐧᔭᑎᔨ ᐊᔨᓯᔨᓂᐊᐧ, ᑭ ᐯᔭᑯ ᐊᒪᒋᐁᐧᐤ ᐊᐧᒋᔨᐤ ᑭᑕ ᐊᔭᒥᐦᐋᐟ: ᐃᐢᐱ ᒫᑲ ᐁᑎ ᐅᑖᑯᓯᐠ, ᐁᑯᑌ ᑭ ᐊᔮᐤ ᐁ ᐯᔭᑯᐟ. 24ᒫᑲ ᐃᐧᔭ ᐅᓯ ᓴᓴᐩ ᒣᑲᐧ ᓵᑲᐦᐃᑲᓂᕽ ᑭ ᐊᔮᐤ, ᐁᑕᑌᑕᐊᕽ ᐁᐢᐱᒋ ᒪᒪᑲᐊᕽ: ᐃᐧᔭ ᐁ ᑭ ᐅᑎᐢᑲᐊᐧᐠ. 25ᐃᐢᐱ ᒫᑲ ᓀᐋᐧᐤ ᐁ ᐃᐢᐸᔨᐠ ᑎᐸᐃᑲᐣ ᒣᑫᐧᐨ ᐁ ᑎᐱᐢᑳᐠ, ᒋᓴᐢ ᑭ ᓇᑌᐤ, ᐁ ᐱᒧᐦᑌᐟ ᓂᐱᕽ. 26ᐃᐢᐱ ᒫᑲ ᑭᐢᑭᓄᐦᐊᒪᐋᐧᑲᓇᐠ ᐃᐧᔭᐸᒫᒋ ᐁ ᐱᒧᐦᑌᔨᐟ ᓂᐱᕽ, ᑭ ᒥᑯᐢᑲᑌᔨᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᒋᐸᐩ ᐃᓴ ᐁᐊᐧᑯ; ᐁᑯᓯ ᒫᑲ ᑭ ᑌᐯᐧᐊᐧᐠ ᐁ ᐃᐢᐱᒋ ᓭᑭᓯᒋᐠ. 27ᒫᑲ ᓭᒫᐠ ᒋᓴᐢ ᑭ ᐊᔭᒥᐁᐤ, ᐅᒥᓯ ᐁ ᐃᑖᐟ, ᒥᐁᐧᔨᑕᒧᐠ ᓂᔭ ᐅᒪ; ᐁᑳᐃᐧᔭ ᑯᐢᑕᒋᐠ. 28ᐱᑕᕒ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᐃᑖᐟ, ᑌᐯᔨᐦᒋᑫᔭᐣ, ᑭᐢᐱᐣ ᑭᔭ, ᓇᑐᒥᐣ ᑭᑕ ᓇᑎᑕᐣ ᓂᐱᕽ. 29ᐅᒥᓯ ᒫᑲ ᑭ ᐃᑌᐧᐤ, ᐊᐢᑕᒼ ᒫᑲ. ᐃᐢᐱ ᒫᑲ ᐱᑕᕒ ᐅᓯᕽ ᑳ ᐯ ᐅᐦᒋ ᓂᓴᑕᐃᐧᐟ, ᑭ ᐱᒧᐦᑌᐤ ᓂᐱᕽ, ᑭᑕ ᓈᑖᐟ ᒋᓴᓴ. 30ᐃᐢᐱ ᒫᑲ ᐃᐧᔭᐸᑕᕽ ᐁ ᒪᒪᑲᐊᓂᔨᐠ, ᑭ ᓭᑭᓯᐤ; ᐁᑯᓯ ᒫᑲ ᐁ ᐃᐧᑯᓴᐯᐸᔨᐟ, ᑭ ᑌᐯᐧᐤ ᐁ ᐃᑌᐧᐟ, ᑌᐯᔨᐦᒋᑫᔭᐣ, ᐱᒪᒋᐃᐣ. 31ᐁᑯᓯ ᒫᑲ ᓭᒫᐠ ᒋᓴᐢ ᑭ ᓱᐃᐧᓂᐢᑫᐢᑕᐁᐧᐤ, ᐁᑯᓯ ᐁ ᑭ ᐅᒋᐱᑖᐟ, ᐅᒥᓯ ᒫᑲ ᐁ ᑭ ᐃᑖᐟ, ᐅ ᑭᔭ ᑳ ᐊᐱᓵᓯᐠ ᑭ ᑖᐯᐧᔦᔨᑕᒧᐃᐧᐣ, ᑖᓀᑭ ᑳ ᐅᐦᒋ ᐊᓯᐁᐧᔨᑕᒪᐣ? 32ᐃᐢᐱ ᒫᑲ ᑳ ᐳᓯᒋᐠ ᐅᓯᕽ, ᑭ ᑭᐱᒋᔪᐁᐧᐤ. 33ᐊᓂᑭ ᒫᑲ ᐅᓯᕽ ᑳ ᐳᓯᒋᐠ ᑭ ᐯᒋ ᓈᑌᐊᐧᐠ ᐁ ᐊᔭᒥᐦᐁᐢᑕᐋᐧᒋᐠ, ᐅᒥᓯ ᐁ ᐃᑌᐧᒋᐠ, ᑖᐯᐧ ᑭᔭ ᑭᓭᒪᓂᑐᐃᐧᑯᓯᓵᐣ.
34ᐃᐢᐱ ᒫᑲ ᑳ ᐊᓱᐊᐧᐊᑭᐠ ᑭ ᐯ ᐃᑐᐦᑌᐊᐧᐠ ᐊᓂᑌ ᑫᓀᓭᕒᐁᐟ ᐊᐢᑭ. 35ᐃᐢᐱ ᒫᑲ ᐊᔨᓯᔨᓂᐊᐧᐠ ᐁᑯᑌ ᑳ ᐊᔮᒋᐠ ᑳ ᓂᓯᑕᐁᐧᔨᒪᒋᐠ ᑭ ᐃᓯᑎᓴᐦᐅᐁᐧᐊᐧᐠ ᒥᓯᐁᐧ ᐁᑯᑕ ᐊᓂᒪ ᐊᐢᑭᕽ, ᐁ ᑭ ᐯᓯᐊᐧᒋᐠ ᒫᑲ ᑲᐦᑭᔭᐤ ᑳ ᐋᑯᓯᔨᐟ; 36ᐁ ᑭ ᐸᑯᓭᔨᒫᒋᐠ ᒫᑲ ᐱᑯ ᑭᑕ ᓵᒥᓇᒫᐧᒋᐠ ᐅᐢᑯᑕᑲᔨᐤ; ᑕᐦᑐ ᒫᑲ ᑳ ᑭ ᓴᒥᓈᒋᐠ ᒥᑐᓂ ᑭ ᒥᔪ ᐊᔭᐊᐧᐠ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.