ᓭᐣᐟ ᒫᐟᔪ 13

1ᐁᐊᐧᑯ ᒫᑲ ᐁ ᑭᓯᑳᔨᐠ ᒋᓴᐢ ᑭ ᐊᐧᔭᐃᐧᐤ ᐊᐧᐢᑲᐦᐃᑲᓂᕽ ᐅᐦᒋ, ᐁ ᑭ ᐊᐱᐟ ᒫᑲ ᐊᓂᑕ ᒋᑭ ᓵᑲᐦᐃᑲᓂᕽ. 2#ᓬᐅᐠ 5:1-3ᒥᐦᒉᐟ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭ ᒫᐊᐧᒋᐃᑐᔨᐊᐧ ᐁ ᐯᒋ ᓇᑎᑯᐟ, ᐁᑯᓯ ᒫᑲ ᐁ ᑭ ᐳᓯᐟ ᐅᓯᕽ, ᐁᑯᑕ ᐁ ᐊᐱᐟ; ᑲᐦᑭᔭᐤ ᒫᑲ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭ ᓂᐸᐃᐧᐊᐧᐠ ᒋᑭᐯᐠ. 3ᒥᐦᒉᐟ ᒫᑲ ᑫᑲᐧᔭ ᑭ ᐊᔨᑌᐧᐤ ᐊᐁᐧᒋᑲᓂᕽ, ᐅᒥᓯ ᐁ ᐃᑌᐧᐟ, ᒫᑎᑲ, ᐅᑭᐢᑎᑫᐤ ᓯᐯᐧᑌᐤ ᑭᑕ ᑭᐢᑎᑫᐟ: 4ᐃᐢᐱ ᒫᑲ ᑫᐢᑎᑫᐟ, ᐊᑎᐦᐟ ᑭᐢᑎᑲᒋᑲᓇ ᐸᑭᑎᓇᐧ ᓯᓱᓀ ᒣᐢᑲᓇᕽ, ᐱᔦᓯᓴᐠ ᒫᑲ ᑭ ᐯ ᐃᐢᐱᔭᐊᐧᐠ, ᐁ ᑭ ᐯ ᑭᑕᒋᐠ. 5ᐊᑎᐦᐟ ᒫᑲ ᐸᑭᑎᓇᐧ ᐁ ᐊᓯᓂᐊᐧᐢᑲᒥᑲᐠ, ᐃᑕ ᐁᑳ ᒥᐢᑕᐦᐃ ᐁ ᐊᓯᐢᑭᐊᐧᕽ; ᐁᑯᑕ ᒫᑲ ᑭ ᐅᐦᒋ ᓴᑲᐢᑭᐊᐧ, ᒋᑫᒫ ᓇᒪᐃᐧᔭ ᐅᐦᒋ ᑭᐢᐸᑲᐢᑲᒥᑲᐤ; 6ᐃᐢᐱ ᒫᑲ ᐱᓯᒼ ᑳ ᐊᑎ ᐃᐢᐸᐊᕽ, ᑭ ᐃᐢᑲᐧᑌᐊᐧᐠ; ᒋᑫᒫ ᓇᒪᐃᐧᔭ ᐅᒉᐱᑭᐊᐧᓇᐧ, ᐁᑯᓯ ᒫᑲ ᑭ ᓂᐳᒪᑲᓇᐧ. 7ᐊᑎᐦᐟ ᒫᑲ ᐅᑲᐃᐧᒥᓇᑲᓯᕽ ᑭ ᐸᑭᑎᓇᐧ; ᐊᓂᑭ ᒫᑲ ᐅᑲᐃᐧᒥᓇᑲᓯᔭᐠ ᑭ ᓂᐦᑖᐃᐧᑭᐊᐧᐠ, ᐁᑯᓯ ᒫᑲ ᑭ ᐊᔨᑯᑭᐢᑕᒪᐧᐠ. 8ᒫᑲ ᑯᑕᑲ ᑭ ᐸᑭᑎᓇᐧ ᐁ ᒥᐊᐧᐢᑲᒥᑲᐠ, ᐁᑯᓯ ᒫᑲ ᒥᓂᓯᐊᐧᓇᐧ, ᐊᑎᐦᐟ ᒥᑖᑐᒥᑕᓇᐤ ᑕᐦᑖᐧᐤ ᐊᔨᐊᐧᐠ, ᒥᓇ ᐊᑎᐦᐟ ᓂᑯᑖᐧᓱᒥᑕᓇᐤ, ᐊᑎᐦᐟ ᓂᐢᑐᒥᑕᓇᐤ. 9ᐊᐁᐧᓇ ᐁᐧᑕᐊᐧᑲᐟ ᑭᑕ ᐯᐦᑕᕽ, ᑭᔮᒼ ᑭᑕ ᐯᑕᒼ.

10ᑭᐢᑭᓄᐦᐊᒪᐋᐧᑲᓇᐠ ᒫᑲ ᑭ ᐯ ᐃᑐᐦᑌᐊᐧᐠ, ᐅᒥᓯ ᒫᑲ ᐁ ᑭ ᐃᑕᒋᐠ, ᑖᓀᑭ ᐊᐁᐧᒋᑲᓂᕽ ᑳ ᐅᐦᒋ ᐊᔭᒥᐊᒋᐠ? 11ᑭ ᓇᐢᑫᐧᐊᐧᓯᒣᐤ ᒫᑲ ᐅᒥᓯ ᐁ ᑭ ᐃᑖᐟ, ᒋᑫᒫ ᑭᔭᐋᐧᐤ ᑭ ᒥᔨᑲᐃᐧᓈᐋᐧᐤ ᑭᑕ ᑭᐢᑫᔨᑕᒣᐠ ᐁᓯ ᑭᒧᑕᐢᑌᑭ ᑭᐦᒋ ᑭᓯᑯᐃᐧ ᐅᑌᓇᐃᐧᐃᓂᕽ, ᒫᑲ ᐃᐧᔭᐋᐧᐤ ᓇᒪᐃᐧᔭ ᒥᔭᐊᐧᐠ. 12#ᒫᐟᔪ 25:29; ᒫᕒᐠ 4:25; ᓬᐅᐠ 8:18; 19:26ᒋᑫᒫ ᑕᐦᑐ ᐊᐃᐧᔭᐠ ᑳ ᐊᔭᐟ, ᐁᐊᐧᑯ ᑫ ᒥᔨᐦᐟ, ᐁᑯᓯ ᒫᑲ ᐊᐊᐧᓯᒣ ᒥᐢᑕᐦᐃ ᑭᑕ ᐊᔮᐤ: ᒫᑲ ᑕᐦᑐ ᐊᐃᐧᔭᐠ ᐁᑳ ᑳ ᐊᔮᐟ, ᐁᐊᐧᑯ ᑫᒪᐢᑲᒥᐦᐟ, ᐊᐦᐳ ᐊᓂᒪ ᑳ ᐊᔭᐟ. 13ᐁᐊᐧᑯ ᒫᑲ ᑳ ᐅᐦᒋ ᐊᔭᒥᐊᑭᐠ ᐊᐁᐧᒋᑲᓂᕽ: ᒋᑫᒫ ᐁ ᐋᐧᐱᒋᐠ ᓇᒪᐃᐧᔭ ᐊᐧᐱᐊᐧᐠ: ᒥᓇ ᐁ ᐯᐦᑕᐦᑭᐠ, ᓇᒪᐃᐧᔭ ᐯᑕᒪᐧᐠ, ᐊᐦᐳ ᓇᒪᐃᐧᔭ ᓂᓯᑐᐦᑕᒪᐧᐠ. 14#ᐊᐩᓵᔭ 6:9,10ᐃᐧᔭᐋᐧᐤ ᒫᑲ ᑭᑕ ᐅᐦᒋ ᑎᐱᐸᔨᐠ ᐊᓂᒪ ᑳ ᑭ ᐃᓯ ᑭᐢᑭᐁᐧᐦᐃᑫᐟ ᐊᐩᓵᔭ, ᐅᒥᓯ ᑳ ᑭ ᐃᑌᐧᐟ,

ᐯᐦᑕᒧᐃᐧᓂᕽ ᑭ ᑲ ᐅᐦᒋ ᐯᐦᑌᓈᐋᐧᐤ, ᐁᑯᓯ ᒫᑲ ᓇᒪᐃᐧᔭ ᑭ ᑲ ᓂᓯᑐᐦᑌᓈᐋᐧᐤ; ᒥᓇ ᐋᐧᐱᐃᐧᓂᕽ ᑭ ᑲ ᐋᐧᐸᐦᑌᓈᐋᐧᐤ, ᓇᒪ ᒫᑲ ᑭ ᑲ ᑭᐢᑫᔨᑌᓈᐋᐧᐤ:

15ᒋᑫᒫ ᐅᑯ ᐊᔨᓯᔨᓂᐊᐧᐠ ᐅᑌᐦᐃᐋᐧᐊᐧ ᐊᒋ ᐱᑯ ᐊᑎ ᒪᐢᑲᐊᐧᔨᐊᐧ, ᒥᓇ ᐅᐦᑕᐊᐧᑲᐊᐧᐊᐧ ᓴᓯᐱᑕᒧᒪᑲᓂᔨᐊᐧ, ᒥᓇ ᐅᐢᑭᓯᑯᐊᐧᐊᐧ ᑭ ᑭᐸᐦᐊᒪᐧᐠ; ᓈᐣᑕᐤ ᐃᓯ ᑭᑕ ᐊᐧᐸᒋᑲᑫᒋᐠ ᐅᐢᑭᓯᑯᐊᐧᐊᐧ, ᒥᓇ ᑭᑕ ᐯᒋᑲᑫᒋᐠ ᐅᐦᑕᐊᐧᑲᐊᐧᐊᐧ, ᒥᓇ ᑭᑕ ᓂᓯᑐᒋᑲᑫᒋᐠ ᐅᑌᐦᐃᐋᐧᐊᐧ, ᐁᑯᓯ ᒫᑲ ᑭᑕ ᑫᐧᐢᑭᐱᒪᑎᓯᐊᐧᐸᐣ ᒥᓇ ᑭᑕ ᐃᔨᓂᑲᐊᑲᐧᐸᐣ. 16#ᓬᐅᐠ 10:23,24ᒫᑲ ᓴᐁᐧᔨᑕᑲᐧᓇᐧ ᑭᔭᐋᐧᐤ ᑭᐢᑭᓯᑯᐊᐧᐊᐧ, ᒋᑫᒫ ᐊᐧᐱᒪᑲᓇᐧ; ᒥᓇ ᑭᑕᐊᐧᑲᐊᐧᐊᐧ, ᒋᑫᒫ ᐯᑕᒧᒪᑲᓇᐧ. 17ᒋᑫᒫ ᑖᐯᐧ ᐅᒪ ᑭᐟ ᐃᑎᓈᐋᐧᐤ, ᒥᐦᒉᐟ ᐅᑭᐢᑭᐁᐧᐦᐃᑫᐊᐧᐠ ᒥᓇ ᑲᐧᔭᐢᐠ ᑳ ᐃᑖᑎᓯᒋᐠ ᐊᔨᓯᔨᓂᐊᐧᐠ ᑭ ᐸᑯᓭᔨᒧᐊᐧᐠ ᑭᑕ ᐋᐧᐸᐦᑕᐦᑭᐠ ᐊᓂᐦᐃ ᑭᔭᐋᐧᐤ ᑳ ᐋᐧᐸᐦᑕᒣᐠ, ᐁᑳ ᒫᑲ ᐁ ᑭ ᐋᐧᐸᐦᑕᐦᑭᐠ; ᒥᓇ ᑭᑕ ᐯᐦᑕᐦᑭᐠ ᐊᓂᐦᐃ ᑭᔭᐋᐧᐤ ᑳ ᐯᐦᑕᒣᐠ, ᐁᑳ ᒫᑲ ᐁ ᑭ ᐅᐦᒋ ᐯᐦᑕᐦᑭᐠ.

18ᓇᑐᐦᑕᒧᐠ ᐃᓴ ᐁ ᐊᐁᐧᐃᐦᐟ ᐅᐸᑭᑎᓂᑫᐤ. 19ᐃᐢᐱ ᐊᐃᐧᔭᐠ ᐱᔦᑕᑭ ᐅᑌᓇᐃᐧ ᐃᑌᐧᐃᐧᐣ, ᐁᑳ ᒫᑲ ᓀᓯᑐᐦᑕᐦᑭ, ᐁᑲᐧ ᐯ ᐃᑐᐦᑌᐤ ᑳ ᒪᒑᔨᐃᐧᐟ, ᐁ ᒪᐢᑲᑌᐧᐟ ᐊᓂᒪ ᑳ ᑭ ᑭᐢᑎᑲᑕᒧᐦᐟ ᐅ ᑌᐃᔨᕽ. ᐁᐊᐧᑯ ᐊᐊᐧ ᑳ ᑭ ᐸᑭᑎᓂᐦᐟ ᓯᓱᓀ ᒣᐢᑲᓇᕽ. 20ᒫᑲ ᐃᐧᔭ ᑳ ᑭ ᐸᑭᑎᓂᐦᐟ ᐊᓂᑕ ᐊᓯᓂᐊᐧᐢᑲᒥᑲᕽ, ᐁᐊᐧᑯ ᑳ ᐯᐦᑕᕽ ᐃᑌᐧᐃᐧᐣ, ᒥᓇ ᑭᔨᐱ ᒥᔭᐊᐧᑕᒧᐃᐧᓂᕽ ᑳ ᐅᑎᓇᕽ; 21ᒫᑲ ᑫᔮᐱᐨ ᓇᒪᐃᐧᔭ ᑭ ᐅᒉᐱᑭᐃᐧᐤ, ᐊᒋᔭᐤ ᐱᑯ ᐊᔭᑲᐧᒥᓯᐤ; ᒫᑲ ᐃᐢᐱ ᐊᔨᒥᓯᐃᐧᐣ ᐊᐦᐳ ᑲᑲᐧᑕᑭᑖᐃᐧᐣ ᐯᓯᑯᒪᑲᓂᔨᑭ ᐃᑌᐧᐃᐧᐣ ᐅᐦᒋ, ᓭᒫᐠ ᐊᑎ ᓇᔦᐁᐧᔨᑕᒼ. 22ᒫᑲ ᐊᓇ ᑳ ᐸᑭᑎᓂᐦᐟ ᐅᑲᐃᐧᒥᓇᑳᓯᐢᑳᕽ, ᐁᐊᐧᑯ ᑳ ᐯᐦᑕᕽ ᐃᑌᐧᐃᐧᐣ; ᐸᐸᒣᔨᑕᒧᐃᐧᐣ ᒫᑲ ᐅᑕ ᐊᐢᑭᕽ, ᒥᓇ ᐁᓯ ᐊᐧᔦᓯᐃᐁᐧᒪᑲᕽ ᐁᐧᔪᑎᓯᐃᐧᐣ, ᑭᐱᐢᑲᒧᒪᑲᐣ ᐃᑌᐧᐃᐧᐣ, ᐁᑯᓯ ᒫᑲ ᓇᒪᐃᐧᔭ ᒥᓂᓯᐃᐧᐤ. 23ᒫᑲ ᐃᐧᔭ ᑳ ᐸᑭᑎᓂᐦᐟ ᐊᓂᑕ ᐁ ᒥᐊᐧᐢᑲᒥᑲᐠ, ᐁᐊᐧᑯ ᑳ ᐯᐦᑕᕽ ᐃᑌᐧᐃᐧᐣ, ᒥᓇ ᑳ ᓂᓯᑐᐦᑕᕽ; ᒥᓇ ᑳ ᓴᑭᑭᐦᑕᐟ, ᒥᓇ ᑳ ᒥᓂᓯᐃᐧᐟ, ᐊᑎᐦᐟ ᒥᑖᑐᒥᑕᓇᐤ ᐊᔨᐊᐧᐠ, ᒥᓇ ᐊᑎᐦᐟ ᓂᑯᑖᐧᓱᒥᑕᓇᐤ, ᐊᑎᐦᐟ ᓂᐢᑐᒥᑕᓇᐤ.

24ᑯᑕᐠ ᒫᑲ ᒥᓇ ᐊᐁᐧᒋᑲᐣ ᑭ ᐸᑭᑎᓇᒪᐁᐧᐤ, ᐅᒥᓯ ᐁ ᐃᑌᐧᐟ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᐊᔨᓯᔨᓂᐤ ᑳ ᑭᐢᑎᑲᑕᕽ ᐁ ᒥᐋᐧᓯᓂᔨᐠ ᑭᐢᑎᑲᒋᑲᓂᔨᐤ ᐅ ᑭᐢᑎᑲᓂᕽ: 25ᒣᑳᐧᐨ ᒫᑲ ᐊᔨᓯᔨᓂᐊᐧᐠ ᐁ ᓂᐸᒋᐠ, ᐊᓂᐦᐃ ᑳ ᐸᑲᐧᑎᑯᐟ ᑭ ᐯ ᑕᑯᓯᓂᔨᐊᐧ ᐁ ᑭᐢᑎᑲᑕᒥᔨᐟ ᒪᒋ ᑭᐢᑎᑲᒋᑲᐣ ᒣᑳᐧᐨ ᐸᑫᐧᓯᑲᓂᕽ, ᐁᑯᓯ ᐁ ᓯᐯᐧᑌᔨᐟ. 26ᒫᑲ ᐃᐢᐱ ᐸᑫᐧᓯᑲᐣ ᑳ ᐯ ᓴᑲᐢᑭᐟ, ᒥᓇ ᐁᑎ ᒥᓂᓯᐃᐧᐟ, ᐁᑯᓯ ᒥᓇ ᒪᒋ ᑭᐢᑎᑲᒋᑲᐣ ᑭ ᐯ ᐊᓯᒋ ᓄᑯᓯᐤ. 27ᐁᑯᓯ ᒫᑲ ᐅᐟ ᐊᑐᐢᑫᔮᑲᓇ ᑳ ᑎᐯᔨᑕᕽ ᐊᐧᐢᑲᐦᐃᑲᐣ, ᑭ ᐯ ᐃᑐᐦᑌᔨᐊᐧ, ᐅᒥᓯ ᐁ ᑭ ᐃᑎᑯᐟ, ᐅᑭᒫᐤ, ᓇᒪ ᒋ ᑯᐦᒋ ᑭᐢᑎᑲᑌᐣ ᑳ ᒥᐋᐧᓯᐠ ᑭᐢᑎᑲᒋᑲᐣ ᑭ ᑭᐢᑎᑲᓂᕽ, ᑕᓂᑌ ᒫᑲ ᐁᐧᒋᐸᔨᐟ ᒪᒋ ᑭᐢᑎᑲᒋᑲᐣ? 28ᐅᒥᓯ ᒫᑲ ᑭ ᐃᑌᐤ, ᑳ ᐸᑳᐧᓯᐟ ᐅᒪ ᑳ ᑭ ᑐᑕᕽ. ᐊᑐᐢᑫᔮᑲᓇ ᐅᒥᓯ ᑭ ᐃᑎᐠ ᑭᐟ ᐃᑌᔨᑌᐣ ᒋ ᒫᑲ ᑭᑕ ᓇᑕᐃᐧ ᒧᓴᑭᓇᒪᕽ? 29ᒫᑲ ᐅᒥᓯ ᑭ ᐃᑌᐧᐤ, ᓇᒪᐃᐧᔭ; ᒫᐢᑯᐨ ᐁᑐᑫᐧ ᒣᑳᐧᐨ ᐁ ᒧᓴᑭᓈᔦᐠ ᒪᒋ ᑭᐢᑎᑲᒋᑲᐣ, ᑭ ᑲ ᐊᓯᒋ ᒪᓂᐱᑕᐋᐧᐤ ᐸᑫᐧᓯᑲᐣ. 30ᑭᔮᒼ ᐁᑯᓯ ᑖᐱᐢᑯᐨ ᑭᑕ ᓂᐦᑖᐃᐧᑭᓇᐧ ᐃᔨᑯᕽ ᑭᑕ ᒫᐊᐧᒋᒋᑲᓂᐃᐧᐠ: ᐃᐢᐱ ᒫᑲ ᐅᑎᒋᐸᔨᑭ ᑭᑕ ᒫᐊᐧᒋᒋᑫᕽ, ᐅᒥᓯ ᓂ ᑲ ᐃᑕᐊᐧᐠ ᐅᒪᐊᐧᒋᒋᑫᐊᐧᐠ, ᒫᐊᐧᒋᑕᐠ ᓂᐢᑕᒼ ᒪᒋ ᑭᐢᑎᑲᒋᑲᓇ, ᐁᑯᓯ ᒫᑲ ᐊᔭᓴᐱᑕᒧᐠ ᑭᑕ ᐃᐢᑲᐧᓴᒣᐠ: ᒫᑲ ᐃᐧᔭ ᐸᑫᐧᓯᑲᐣ ᒫᐊᐧᒋᐃᐠ ᓂᐟ ᐊᐢᑕᓱᐃᐧᑲᒥᑯᕽ.

31ᑯᑕᐠ ᒫᑲ ᒥᓇ ᐊᐁᐧᒋᑲᐣ ᑭ ᐸᑭᑎᓇᒪᐁᐧᐤ, ᐅᒥᓯ ᐁ ᐃᑌᐧᐟ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᐊᐢᐸᒋᑲᓂ ᑭᐢᑎᑲᒋᑲᐣ, ᐊᔨᓯᔨᓂᐤ ᑳ ᐅᑎᓇᕽ, ᐁᑯᓯ ᐁ ᑭᐢᑎᑲᑕᕽ ᐅ ᑭᐢᑎᑲᓂᕽ: 32ᐁᐊᐧᑯ ᑖᐯᐧ ᒪᐊᐧᐨ ᐁ ᐊᐱᓵᓯᐠ ᑳ ᐃᑕᑎᐦᑭ ᑭᐢᑎᑲᒋᑲᓇ; ᒫᑲ ᐃᐢᐱ ᑭᔨᓯᓂᑕᐃᐧᑭᑭ, ᒫᐊᐧᒋ ᒥᓴᐤ ᑳ ᐃᑕᑎᐦᑭ ᑳ ᓴᑲᐢᑭᑭ, ᒥᓇ ᒥᐢᑎᑯᐃᐤ, ᐁᑯᓯ ᒫᑲ ᐱᔦᓯᓴᐠ ᑳ ᐸᐸᒥᔭᒋᐠ ᐯ ᐃᐢᐱᔭᐊᐧᐠ ᐁᑯᑕ ᐁ ᐊᔮᒋᐠ ᐊᐧᑎᑲᐧᓂᕽ.

33ᒥᓇ ᒫᑲ ᑯᑕᐠ ᐊᐁᐧᒋᑲᐣ ᑭ ᐊᔨᑌᐤ; ᐊᓂᒪ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᐅᐱᐦᒋᒋᑲᐣ, ᐃᐢᑫᐧᐤ ᑳ ᐅᑎᓇᕽ, ᐁᑯᓯ ᓂᐢᑐ ᑲᐧᐸᐃᑲᐣ ᐃᔨᑯᕽ ᐸᑫᐧᓯᑲᓇ ᐁ ᐊᔭᐟ, ᐹᑎᒫ ᐃᔨᑯᕽ ᑲᐦᑭᔭᐤ ᐁ ᐅᐦᐱᓱᐟ.

34ᑲᐦᑭᔭᐤ ᐅᐦᐃ ᐊᐁᐧᒋᑲᓇ ᒋ ᐊᔨᑌᐤ ᒋᓴᐢ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ; ᒫᑲ ᐁᑳ ᐊᐁᐧᒋᑲᐣ ᐅᐦᒋ ᓇᒪᐃᐧᔭ ᑭ ᐊᔭᒥᐁᐤ; 35#ᓂᑲᒧᓇ 78:2ᑭᑕ ᑎᐱᐸᔨᐠ ᐊᓂᒪ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ, ᐅᒥᓯ ᐁ ᐃᑌᐧᐟ, ᓂ ᑲ ᐸᐢᑭᑌᓀᐣ ᓂᑐᐣ ᐊᐁᐧᒋᑲᓂᕽ; ᒥᓇ ᓂ ᑲ ᐃᐧᐦᑌᐣ ᐊᓂᐦᐃ ᑭᒧᐨ ᑳ ᑭ ᐯ ᑲᓇᐁᐧᔨᒋᑲᑌᑭ ᐊᐢᐱᐣ ᑳ ᐯ ᐃᐦᑕᑲᐧᕽ ᐊᐢᑭ.

36ᐁᑯᓯ ᒫᑲ ᒋᓴᐢ ᑭ ᓯᐯᐧᑎᓴᐁᐧᐤ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁ ᑭ ᐱᐦᑐᑫᐟ ᒫᑲ ᐊᐧᐢᑲᐦᐃᑲᓂᕽ; ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᑭ ᐯ ᓈᑎᐠ, ᐅᒥᓯ ᐁ ᐃᑎᑯᐟ, ᐃᐧᐦᑕᒪᐃᐧᓈᐣ ᒥᑐᓂ ᐊᓂᒪ ᐊᐁᐧᒋᑲᐣ ᐁ ᐊᐁᐧᒋᑲᑌᑭ ᒪᒋ ᑭᐢᑎᑲᒋᑲᓇ ᑭᐢᑎᑳᓂᕽ. 37ᑭ ᓇᐢᑫᐧᐊᐧᓯᒣᐤ ᒫᑲ ᐅᒥᓯ ᐁ ᑭ ᐃᑖᐟ, ᐊᓇ ᑳ ᑭᐢᑎᑲᑕᐠ ᒥᔪ ᑭᐢᑎᑲᒋᑲᐣ ᐁᐊᐧᑯ ᐃᔨᓂᐃᐧᑯᓯᓵᐣ: 38ᑭᐢᑎᑲᐣ ᐁᐊᐧᑯ ᐊᐢᑭ; ᒥᔪ ᑭᐢᑎᑲᒋᑲᐣ ᐁᐅᑯᓂᐠ ᑳ ᐅᐟ ᐊᐋᐧᓯᒥᓯᒥᑯᒋᐠ ᐅᑌᓇᐃᐧᐃᐧᐣ; ᒫᑲ ᒪᒋ ᑭᐢᑎᑳᒋᑲᓇ ᐁᐅᑯᓂᐠ ᐊᓂᑭ ᑳ ᐅᐟ ᐊᐋᐧᓯᒥᓯᒥᑯᒋᐠ ᒪᒐᔭ; 39ᐅᐸᑲᐧᓯᐁᐧᐤ ᑳ ᑭᐢᑎᑲᑕᕽ ᐁᐊᐧᑯ ᒪᒋ ᐊᐦᒐᕽ: ᒫᐊᐧᒋᒋᑫᐃᐧᐣ ᐁᐊᐧᑯ ᑭᑕ ᐳᓂ ᐊᐢᑭᐊᐧᕽ; ᐅ ᒫᐊᐧᒋᒋᑫᐊᐧᐠ ᐁᐅᑯᓂᐠ ᐅᑭᓯᑯᐊᐧᐠ. 40ᑖᐱᐢᑯᐨ ᒪᒋ ᑭᐢᑎᑲᒋᑲᐧᓇ ᐁ ᐃᓯ ᒫᐊᐧᒋᑕᕽ ᒥᓇ ᐁ ᐃᐢᑲᐧᓯᑲᑌᑭ ᐃᐢᑯᑌᕽ; ᐁᑯᓯ ᒣᐧᐦᒋ ᑫ ᐃᑭᕽ ᐳᓂ ᐊᐢᑭᐊᐧᑭ. 41ᐃᔨᓂᐃᐧᑯᓯᓵᐣ ᑭᑕ ᐯ ᐃᓯᑎᓴᐁᐧᐤ ᐅᑭᓯᑯᒪ ᑭᑕ ᒧᓴᑭᓇᒥᔨᐟ ᑲᐦᑭᔭᐤ ᐊᓂᒪ ᑳ ᓇᔦᑕᐃᐧᓇᑲᐧᓂᔨᐠ ᐅᐟ ᐅᑌᓇᐃᐧᐃᐧᓂᕽ ᐅᐦᒋ, ᒥᓇ ᑲᐦᑭᔭᐤ ᐊᓂᐦᐃ ᑳ ᒪᒋ ᑐᑕᒥᔨᐟ; 42ᐁᑯᓯ ᒫᑲ ᑭᑕ ᐃᓯ ᐁᐧᐱᓀᐤ ᑳ ᑲᐧᑯᑌᔨᐠ ᐃᐢᑯᑌᐤ: ᐁᑯᑕ ᑭᑕ ᒪᒪᑐᒋᐠ ᒥᓇ ᑭᑕ ᑲᑭᒋᐢᑲᐱᑌᒋᐠ. 43ᐁᑯᓯ ᒫᑲ ᐊᓂᑭ ᑲᐧᔭᐢᐠ ᑳ ᐃᓯᐁᐧᐱᓯᒋᐠ ᑭᑕ ᐊᐧᓯᓱᐊᐧᐠ ᑖᐱᐢᑯᐨ ᐱᓯᒼ ᐅᐟ ᐅᑌᓇᐃᐧᐃᐧᓂᔨᕽ ᐅᑕᐃᐧᐊᐧᐊᐧ. ᐊᐁᐧᓇ ᐁᐧᑕᐊᐧᑲᐟ ᑭᑕ ᐯᐦᑕᕽ, ᑭᔮᒼ ᑭᑕ ᐯᑕᒼ.

44ᒥᓇ ᒫᑲ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑖᐱᐢᑯᐨ ᓱᓂᔮᐤ ᐁ ᑭ ᑳᑎᐟ ᑭᐢᑎᑲᓂᕽ; ᐊᓂᒪ ᐃᐢᐱ ᐊᔨᓯᔨᓂᐤ ᑳ ᒥᐢᑲᐋᐧᐟ, ᑲᑌᐤ, ᐁᑯᓯ ᒫᑲ ᐁᐢᐱᒋ ᒥᐁᐧᔨᑕᕽ ᓯᐯᐧᑌᐤ ᐁ ᐊᑕᐊᐧᑫᐟ ᑲᐦᑭᔭᐤ ᑳ ᐊᔮᐟ, ᒥᓇ ᐁ ᐊᑕᐁᐧᐟ ᐁᐊᐧᑯ ᑭᐢᑎᑲᐣ.

45ᒥᓇ ᒫᑲ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑕᑲᐧᐣ ᑕᐱᐢᑯᐨ ᐅᑕᑕᐁᐧᐃᐧᔨᓂᐤ, ᑳ ᓇᓈᑐᓇᐋᐧᐟ ᐁ ᒥᔪᓯᔨᐟ ᐁᓴ; 46ᐁ ᒥᐢᑲᐊᐧᐟ ᒫᑲ ᐯᔭᐠ ᐁᓴ ᒥᐢᑕᐦᐃ ᐁ ᐃᑕᑭᒋᑳᓱᔨᐟ, ᑭ ᓇᑕᐃᐧ ᐊᑕᐊᐧᑫᐤ ᑲᐦᑭᔭᐤ ᑳ ᐊᔮᐟ, ᒥᓇ ᐁ ᑭ ᐊᑕᐁᐧᐟ.

47ᒥᓇ ᒫᑲ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑖᑲᐧᐣ ᑖᐱᐢᑯᐨ ᐊᔭᐱ, ᑳ ᑭ ᐸᑲᐢᑕᐁᐧᐅᐦᐟ ᑭᐦᒋᑲᒥᕽ, ᑲᐦᑭᔭᐤ ᓇᓇᑐᕽ ᑳ ᐃᓯ ᐃᑐᐋᐧᐠ. 48ᐁᐊᐧᑯ, ᐃᐢᐱ ᐁ ᒧᐢᑭᓀᐟ, ᑭ ᓇᑕᑲᒣᐱᑌᐊᐧᐠ, ᐁᑯᓯ ᐁ ᑭ ᓇᐦᐊᐱᒋᐠ, ᐁ ᑭ ᒧᓴᑭᓈᒋᐠ ᒫᑲ ᐁ ᒥᔪᓯᔨᐟ ᐊᓯᐊᐧᒋᑲᓂᕽ, ᒫᑲ ᐁ ᒪᔭᑎᓯᔨᐟ ᑭ ᐁᐧᐱᓀᐊᐧᐠ. 49ᐁᑯᓯ ᒫᑲ ᒣᐧᐦᒋ ᑫ ᐃᑭᕽ ᐳᓂ ᐊᐢᑭᐊᐧᑭ; ᐅᑭᓯᑯᐊᐧᐠ ᑭᑕ ᐯ ᐃᑐᐦᑌᐊᐧᐠ ᑭᑕ ᐹᑳᓇᔮᒋᐠ ᐅᒪᒐᑎᓴ, ᐊᓂᑕ ᐅᐦᒋ ᑳ ᐊᔭᔨᐟ ᐅᒥᐊᐧᑎᓴ; 50ᐁᑯᓯ ᒫᑲ ᑭᑕ ᐃᓯ ᐁᐧᐱᓀᐊᐧᐠ ᐃᐢᑯᑌᐃᐧᑲᒥᑯᕽ; ᐁᑯᑕ ᑫ ᑕᓯ ᒪᒪᑐᒋᐠ ᒥᓇ ᑫ ᑲᑭᒋᐢᑲᐱᑌᒋᐠ.

51ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑭ ᑭ ᓂᓯᑐᐦᑌᓈᐋᐧᐤ ᒋ ᑲᐦᑭᔭᐤ ᐅᐦᐃ ᑫᑲᐧᔭ? ᐅᒥᓯ ᒫᑲ ᐃᑌᐊᐧᐠ, ᐁᐦᐁ ᑌᐯᔨᐦᒋᑫᔭᐣ. 52ᐁᑯᓯ ᒫᑲ ᐅᒥᓯ ᑭ ᐃᑌᐤ, ᐁᐊᐧᑯ ᐅᐦᒋ ᑳ ᐃᑕᓯᐟ ᐅᒪᓯᓇᐃᑫᐃᐧᔨᓂᐤ ᑳ ᐃᓯ ᑭᐢᑭᓄᐦᐊᒫᐟ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ, ᐃᑌᔨᑕᑯᓯᐤ ᑖᐱᐢᑯᐨ ᐊᔨᓯᔨᓂᐤ ᑳ ᑎᐯᔨᑕᕽ ᐊᐧᐢᑲᐦᐃᑲᐣ ᐊᓂᑕ ᐅ ᐁᐧᔪᑎᓯᐃᐧᓂᕽ ᑳ ᐯ ᐅᐦᒋ ᐊᐧᔭᐃᐧᑕᑕᐟ ᐁᐧᐢᑲᔨᐊᐧᐦᑭ ᒥᓇ ᑫᔭᓴᔨᐊᐧᐦᑭ.

53ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᒋᓴᐢ ᑳ ᑭᓯᑕᐟ ᐅᐦᐃ ᐊᐁᐧᒋᑲᓇ, ᑭ ᐊᑎ ᓯᐯᐧᑌᐤ. 54ᐃᐢᐱ ᒫᑲ ᑳ ᑕᑯᓯᕽ ᑎᐱᔭᐁᐧ ᐅᐟ ᐊᐢᑭᕽ, ᑭ ᑭᐢᑭᓄᐦᐊᒫᐁᐧᐤ ᐅᐟ ᐊᔭᒥᐦᐁᐃᐧᑲᒥᑯᔨᕽ, ᐁᐊᐧᑯ ᐅᐦᒋ ᓇᐢᐱᐨ ᑭ ᒫᒪᐢᑳᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᑕᓂᑌ ᐁᐧᑎᓇᕽ ᐊᐊᐧ ᐊᔨᓯᔨᓂᐤ ᐅᒪ ᐃᔨᓂᓯᐃᐧᐣ? ᒥᓇ ᐅᐦᐃ ᑭᐦᒋ ᐊᑐᐢᑫᐃᐧᓇ? 55ᓇᒪ ᒋ ᐁᐊᐧᑯ ᐊᐊᐧ ᐅᑯᓯᓴ ᒥᐢᑎᑯ ᓈᐯᐤ? ᓇᒪ ᒋ ᐅᑳᐃᐧᔭ ᒣᕒᐃ ᐃᓯᔨᐦᑳᓱᔨᐊᐧ? ᒥᓇ ᐅᒋᐋᐧᒪ ᒉᒥᐢ, ᒥᓇ ᒍᓯᐢ, ᒥᓇ ᓴᐃᒪᐣ, ᒥᓇ ᒍᑕᐢ? 56ᒥᓇ ᐅᑕᐁᐧᒪᐊᐧ, ᓇᒪᒋ ᑲᐦᑭᔭᐤ ᑭ ᐃᐧᒉᐃᐧᑯᓇᐊᐧ? ᑕᓂᑌ ᒫᑲ ᐁᐧᑎᓇᕽ ᐊᐊᐧ ᐊᔨᓯᔨᓂᐤ ᑲᐦᑭᔭᐤ ᐅᐦᐃ ᑫᑲᐧᔭ? 57#ᒑᐣ 4:44ᐁᑯᓯ ᒫᑲ ᑭ ᓇᔦᑕᐁᐧᔨᒣᐊᐧᐠ ᒫᑲ ᒋᓴᐢ ᐅᒥᓯ ᐃᑌᐤ, ᐅᑭᐢᑭᐁᐧᐦᐃᑫᐤ ᓇᒪᐃᐧᔭ ᐁᑳ ᑭᑕ ᑭᐢᑌᔨᑖᑯᓯᐟ, ᐱᑯ ᓇᒪᐃᐧᔭ ᐅᐟ ᐊᐢᑭᕽ, ᒥᓇ ᐃᐧᑭᕽ. 58ᓇᒪᐃᐧᔭ ᒫᑲ ᒥᐦᒉᐟ ᑭᐦᒋ ᐊᑐᐢᑫᐃᐧᓇ ᐁᑯᑕ ᑭ ᑐᑕᒼ, ᒋᑫᒫ ᐁᑳ ᐁ ᑖᐯᐧᑕᒥᔨᐟ.

Iliyochaguliwa sasa

ᓭᐣᐟ ᒫᐟᔪ 13: KKMs

Kuonyesha

Shirikisha

Nakili