ᓭᐣᐟ ᓬᐅᐠ 1
1
1ᒋᑫᒫ ᒥᐦᒉᐟ ᐁ ᑭ ᐅᑎᓇᒫᓱᒋᐠ ᑭᑕ ᐅᔭᐢᑖᒋᐠ ᐃᐧᐦᑕᒪᑫᐃᐧᓂᕽ ᐊᓂᐦᐃ ᑫᑲᐧᔭ ᑳ ᒥᑐᓂ ᑎᐱᐸᔨᒋᑳᑌᑭ ᐃᑕ ᐁᔮᔭᕽ, 2ᐊᓂᐦᐃ ᑳ ᑭ ᐃᓯ ᐸᑭᑎᓇᒪᑯᔭᑯᐠ ᐃᐧᔭᐋᐧᐤ, ᓂᐢᑕᒼ ᑳ ᑭ ᐋᐧᐸᐦᑕᐦᑭᐠ ᒥᓇ ᑳ ᑭ ᐸᒥᑖᒋᐠ ᐊᔭᒥᐃᐧᐣ, 3ᓂ ᑭ ᓇᐃᐢᑳᑯᐣ ᓂᐢᑕ ᒥᑐᓂ, ᐁ ᑭ ᓂᓯᑕᐁᐧᔨᑕᒫᐣ ᓂᐢᑕᒼ ᐅᐦᒋ ᑲᐦᑭᔭᐤ ᑫᑲᐧᔭ ᑲᐧᔭᐢᐠ, ᑭᑕ ᒪᓯᓇᐦᐊᒫᑕᐣ ᑭᔭ ᒫᒪᐃᐧ, ᑫᐢᑌᔨᑖᑯᓯᔭᐣ ᑎᐅᐱᓬᐊᐢ; 4ᑭᑕ ᑭᐢᑫᔨᑕᒪᐣ ᐁᓯ ᑫᒋᓈᔦᔨᑖᑲᐧᑭ ᐊᓂᐦᐃ ᑫᑲᐧᔭ ᑳ ᑭ ᑭᐢᑫᔨᑕᒧᐃᑲᐃᐧᔭᐣ.
5 #
1 ᐊᑭᓀ ᐋᒋᒧᐃᐧᓇ 24:10
ᑭ ᐊᔮᐤ ᐁ ᒣᑲᐧ ᐅ ᑭᓯᑳᒥᐟ ᐁᕒᐊᐟ, ᒍᑎᐊ ᑭᐦᒋ ᐅᑭᒫᐤ, ᐯᔭᐠ ᐊᔭᒥᐦᐁᐃᐧᔨᓂᐤ ᓵᑲᕒᐋᔭᐢ, ᐁ ᐃᓯᔨᐦᑳᓱᐟ, ᐁ ᐃᐧᒉᐋᐧᐟ ᐊᐸᐃᒐᐊᐧ, ᐃᐧᐊᐧ ᒫᑲ ᐁ ᑭ ᐅᐦᑕᐢᑲᓀᓯᔨᐟ ᐁᕒᐊᐣ ᐅᑖᓂᓯᔨᐊᐧ, ᐃᓬᐃᓭᐱᐟ ᒫᑲ ᐁ ᑭ ᐃᓯᔨᐦᑳᓱᐟ. 6ᑖᐱᐢᑯᐨ ᒫᑲ ᑭ ᐊᔭᒥᐁᐊᐧᑎᓯᐊᐧᐠ ᐁ ᐃᓯ ᐋᐧᐸᒥᑯᒋᐠ ᑭᓭᒪᓂᑐᐊᐧ, ᑲᐧᔭᐢᐠ ᒥᑐᓂ ᐁ ᐱᒧᑕᑕᑭᐠ ᑲᐦᑭᔭᐤ ᐅ ᓯᑭᒥᐁᐧᐃᐧᓂᔨᐊᐧ ᒥᓇ ᐅᔭᓱᐁᐧᐃᐧᓂᔨᐊᐧ ᑳ ᑎᐯᔨᐦᒋᑫᐟ. 7ᒫᑲ ᓇᒪᐃᐧᔭ ᑭ ᐊᔭᐁᐧᐊᐧᐠ ᐊᐊᐧᓯᓴ, ᐃᐧᔭ ᐃᓬᐃᓭᐱᐟ ᐁᑳ ᐁ ᑭ ᐅᐟ ᐊᐋᐧᓯᒥᓯᐟ, ᐁᓯ ᓂᓯᒋᐠ ᒫᑲ ᑭ ᑭᓭᔭᑎᓯᐊᐧᐠ.
8ᐁᑲᐧ ᒫᑲ ᑭ ᐅᑎᐦᒋᐸᔨᐤ, ᒣᑳᐧᐨ ᐁ ᑎᐱᐸᔨᑖᐟ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ ᐅᐟ ᐃᑖᐢᑕᒧᐃᐧᓂᔨᕽ ᑭᓭᒪᓂᑐᐊᐧ, ᐃᐢᐱ ᐁ ᐃᐢᐸᔨᔨᐠ ᐃᐧᔭ ᑭᑕ ᑐᑕᕽ, 9ᐊᓂᒪ ᑳ ᑭ ᐃᓯ ᐸᑭᑎᓇᒫᐦᐟ ᐃᐢᐱ ᐱᐦᑐᑫᐧᒋ ᐅᐟ ᐊᔭᒥᐦᐁᐃᐧᑲᒥᑯᔨᕽ ᑳ ᑎᐯᔨᐦᒋᑫᐟ, ᑭᑕ ᐃᐧᑭᒪᓯᑫᐟ. 10ᑲᐦᑭᔭᐤ ᒫᑲ ᐁ ᒪᒧᐁᐧᔭᑎᒋᐠ ᐊᔨᓯᔨᓂᐊᐧᐠ ᐁ ᑭ ᐊᔭᒥᐦᐋᒋᐠ ᐊᐧᔭᐃᐧᑎᒪᔨᕽ ᐃᐢᐱ ᐁ ᐃᐧᑭᒪᓯᑫᐟ.
11ᑭ ᓄᑯᐅᑐᑕᐠ ᐅᑭᓯᑯᒪ ᑳ ᑎᐯᔨᐦᒋᑫᐟ ᐁ ᓂᐸᐃᐧᔨᐟ ᑭᐦᒋᓂᐢᑭᕽ ᐃᑌᑫ ᐃᐧᑭᒪᓯᑲᓂ ᐸᑭᑎᓇᓱᐃᐧᓈᐱᐢᐠ. 12ᐃᐢᐱ ᒫᑲ ᓵᑲᕒᐋᔭᐢ ᐃᐧᔮᐸᒫᐟ ᑭ ᒥᑯᐢᑲᑌᔨᑕᒼ, ᒥᓇ ᓭᑭᓯᐃᐧᐣ ᑭ ᐸᑲᒥᐢᑳᐠ. 13ᒫᑲ ᐅᑭᓯᑯᐊᐧ ᑭ ᐃᑎᐠ, ᐁᑳᐃᐧᔭ ᓭᑭᓯ, ᓵᑲᕒᐋᔭᐢ: ᒋᑫᒫ ᑭᐟ ᐊᔭᒥᐦᐋᐃᐧᐣ ᐯᐦᒋᑲᑌᐤ, ᒥᓇ ᑭᐊᐧ ᐃᓬᐃᓭᐱᐟ ᑭᑕ ᐅᑯᓯᓯᐤ, ᒑᐣ ᒫᑲ ᑭ ᑲ ᐃᓯᔨᐦᑳᑖᐤ. 14ᒥᓇ ᒫᑲ ᑭ ᑲ ᐊᔮᐣ ᒥᔪᐊᐧᑕᒧᐃᐧᐣ ᒥᓇ ᒥᐁᐧᔨᑕᒧᐃᐧᐣ; ᒥᐦᒉᐟ ᒫᑲ ᑭᑕ ᒥᔪᐋᐧᑕᒪᐠ ᓂᐦᑖᐃᐧᑭᒋ. 15#ᓇᒼᐸᕒᐢ 6:3ᒋᑫᒫ ᑭᑕ ᑭᐦᒑᔨᐃᐧᐤ ᐁ ᐃᓯ ᑲᓇᐋᐧᐸᒥᑯᐟ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᑭᑕ ᒥᓂᑫᐧᐤ ᓱᒥᓇᐸᔨᐤ ᐊᐦᐳ ᑳ ᒪᐢᑲᐋᐧᐠ ᒥᓂᑫᐧᐃᐧᐣ; ᒥᓇ ᑭᑕ ᓵᑲᐢᑭᓀᐢᑳᐠ ᑳ ᑲᓈᑎᓯᔨᐟ ᐊᐦᒑᐦᑲᐧ, ᐅᑳᐃᐧᔭ ᐁ ᑭᑭᐢᑳᑯᐟ ᐅᐦᒋ. 16ᒥᐦᒉᐟ ᒫᑲ ᐅᐟ ᐊᐋᐧᓯᒥᓯᔨᐊᐧ ᐃᐢᕒᐁᐃᓬ ᑭᑕ ᑫᐧᐢᑭᓀᐤ ᑳ ᑎᐯᔨᐦᒋᑫᔨᐟ ᐅ ᒪᓂᑐᒥᔨᐊᐧ ᐃᓯ. 17#ᒫᓬᐊᑲᐩ 4:5,6ᐁᑯᓯ ᒫᑲ ᑭᑕ ᓂᑳᓄᑕᐁᐧᐤ, ᐅᐟ ᐊᒑᑯᔨᕽ ᒥᓇ ᐅ ᒪᐢᑲᐃᐧᓯᐃᐧᓂᔨᕽ ᐃᓬᐊᐃᒐᐊᐧ ᑭᑕ ᐃᓯ ᑫᐧᐢᑭᑌᐁᓇᐟ, ᐅᑕᐃᐧᒪᐊᐧ ᐅᐟ ᐊᐋᐧᓯᒥᓯᔨᐊᐧ ᒥᓇ ᑳ ᓴᓯᐱᑕᒥᔨᐟ ᑭᑕ ᐱᒧᐦᑌᔨᐟ ᐅᐟ ᐃᔨᓂᓯᐃᐧᓂᔨᕽ ᑳ ᑲᐧᔭᐢᑳᐧᑎᓯᔨᐟ; ᑭᑕ ᑲᐧᔮᒋᑕᒪᐋᐧᐟ ᑳ ᑎᐯᔨᐦᒋᑫᔨᐟ ᐊᔨᓯᔨᓂᐊᐧ ᐁ ᑲᐧᔮᒋᔨᐟ. 18ᓵᑲᕒᐋᔭᐢ ᒫᑲ ᐅᑭᓯᑯᐊᐧ ᑭ ᐃᑌᐤ, ᑖᓂᓯ ᐅᒪ ᑫ ᐃᓯ ᑭᐢᑫᔨᑕᒫᐣ? ᐃᐧᔭ ᐁ ᑭᓭᔨᓂᐃᐧᔮᐣ ᒥᓇ ᓂ ᐃᐧᑭᒫᑲᐣ ᒥᑐᓂ ᐁ ᑭᓭᔮᑎᓯᐟ. 19#ᑖᓂᐁᓬ 8:16; 9:21ᐅᑭᓯᑯ ᒫᑲ ᐁ ᓇᐢᑫᐧᐊᐧᓯᒪᐟ ᑭ ᐃᑌᐤ, ᓂᔭ ᑫᑊᕒᐃᐊᓬ, ᑳ ᓂᐸᐃᐧᔮᐣ ᐅᑎᑕᐢᑕᒥᐃᐧᓂᕽ ᑭᓭᒪᓂᑐ; ᒥᓇ ᒫᑲ ᓂ ᑭ ᐃᓯᑎᓴᐦᐅᑲᐃᐧᐣ ᑭᑕ ᐊᔭᒥᐃᑕᐣ, ᒥᓇ ᑭᑕ ᐋᐧᐸᐦᑕᐦᐃᑖᐣ ᐅᐦᐃ ᑳ ᒥᔦᐧᔨᑖᑲᐧᑭ ᐋᒋᒧᐃᐧᓇ. 20ᒋᐢᐟ ᒫᑲ, ᓇᒪᐃᐧᔭ ᑭ ᑲ ᐅᑭᑐᐃᐧᓂᐣ, ᒥᓇ ᓇᒪᐃᐧᔭ ᑭ ᑲ ᑲᐢᑭᑖᐣ ᑭᑕ ᐱᑭᐢᑫᐧᔭᐣ ᐃᔨᑯᕽ ᐊᓂᒪ ᑭᓯᑳᐤ ᑫ ᑎᐱᐸᔨᑭ ᐅᐦᐃ ᑫᑲᐧᔭ, ᒋᑫᒫ ᐁᑳ ᐁ ᑭ ᑖᐯᐧᑕᒪᐣ ᓂᐟ ᐊᔭᒥᐃᐧᓇ, ᐊᓂᐦᐃ ᑫ ᑎᐱᐸᔨᑭ ᐃᐢᐱ ᐅᑎᐦᒋᐸᔨᑭ.
21ᐊᔨᓯᔨᓂᐊᐧᐠ ᒫᑲ ᑭ ᐯᐁᐊᐧᐠ ᓵᑲᕒᐋᔭᓴ, ᒥᓇ ᑭ ᒫᒪᐢᑳᑕᒪᐧᐠ ᑭᓀᐧᐢ ᐁ ᑭ ᐊᔮᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ. 22ᐃᐢᐱ ᒫᑲ ᑳ ᐯ ᐊᐧᔭᐃᐧᐟ, ᓇᒪᐃᐧᔭ ᑭ ᑲᐢᑭᑖᐤ ᑭᑕ ᑭᑐᑖᐟ; ᒥᓇ ᑭ ᓂᓯᑕᐃᐧᓇᒪᐧᐠ ᐁ ᑭ ᒪᒪᐢᑳᑖᐱᓯᓂᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᐊᔨᑎᓂᑫᐢᑕᐁᐧᐤ ᒫᑲ, ᐁᑳ ᐁ ᑭ ᐱᑭᐢᑫᐧᐟ.
23ᑭ ᐅᑎᐦᒋᐸᔨᐤ ᒫᑲ, ᒪᔭᐤ ᑳ ᑭᓯᑕᐟ ᐊᓂᐦᐃ ᐅ ᐸᒥᐦᐃᐁᐧᐃᐧᑭᓯᑳᒪ, ᐃᐧᑭᕽ ᐁ ᑭ ᐃᓯ ᑭᐁᐧᐟ.
24ᑳ ᐳᓂᐸᔨᑭ ᒫᑲ ᐁᐊᐧᑲᐧᓂ ᑭᓯᑳᐊᐧ, ᐃᐧᐊᐧ ᐃᓬᐃᓭᐱᐟ ᑭ ᑭᑭᐢᑲᐊᐧᐊᐧᓱᔨᐊᐧ ᑭ ᑳᓱ ᒫᑲ ᓂᔮᓇᐣ ᐱᓯᒼ, ᐁ ᐃᑌᐧᐟ, 25ᐁᑯᓯ ᐅᒪ ᑳ ᑎᐯᔨᐦᒋᑫᐟ ᑳ ᑐᑕᐃᐧᐟ ᐊᓂᒪ ᐁ ᑭᓯᑳᔨᐠ ᐃᑕ ᑳ ᑭ ᑲᓇᐋᐧᐸᒥᐟ, ᑭᑕ ᐅᑎᓇᕽ ᓂ ᓀᐯᐃᐧᒥᑯᐃᐧᐣ ᐊᔨᓯᔨᓂᓈᕽ ᐅᐦᒋ.
26ᐃᐢᐱ ᒫᑲ ᐁ ᓂᑯᑖᐧᓱᐱᓯᒧᐊᐧᕽ ᐅᑭᓯᑯ ᑫᑊᕒᐃᐊᓬ ᑭᓭᒪᓂᑐᐊᐧ ᑭ ᐃᓯᑎᓴᐦᐅᐠ ᐅᑌᓈᕽ ᑳᓬᐊᓬᐃᕽ, ᓈᓴᕒᐃᐟ ᐁ ᐃᓯᔨᐦᑳᑌᐠ, 27#ᒫᐟᔪ 1:18ᑭᑕ ᓈᑕᐟ ᐅᐢᑭᓂᑭᐢᑫᐧᐊᐧ ᑳ ᑭ ᐊᓱᑕᒪᐋᐧᐟ ᑭᑕ ᐃᐧᒉᐋᐧᐟ, ᓈᐯᐊᐧ ᒍᓯᑊ ᐁ ᐃᓯᔨᐦᑳᓱᔨᐟ, ᑌᐱᑕ ᐁ ᐅᑕᐢᑲᓀᓯᔨᐟ; ᐅᐢᑭᓂᑭᐢᑫᐧᐤ ᒫᑲ ᒣᕒᐃ ᑭ ᐃᓯᔨᐦᑳᓱ. 28ᐁᑯᓯ ᑭ ᐱᑐᑲᐁᐧᐤ, ᒥᓇ ᑭ ᐃᑌᐤ, ᑭᐟ ᐊᑕᒥᐢᑳᑎᐣ, ᑭᔭ ᒥᐢᑕᐦᐃ ᑳ ᓂᑳᓀᔨᑖᑯᓯᔭᐣ, ᑭ ᒥᔪ ᑲᓇᐊᐧᐸᒥᑯᐃᐧᓯᐣ ᐃᐢᑫᐧᓇᕽ, ᑳ ᑎᐯᔨᐦᒋᑫᐟ ᑭ ᐃᐧᒉᐃᐧᐠ. 29ᒫᑲ ᑭ ᒥᑯᐢᑳᑌᔨᑕᒥᐃᐠ ᐅᐟ ᐃᑌᐧᐃᐧᓂᔨᐤ, ᒥᓇ ᑭ ᒫᒥᑐᓀᔨᑕᒼ ᑫᑯ ᐊᑕᒥᐢᑳᑫᐃᐧᐣ ᐁ ᐃᑌᔨᑕᕽ. 30ᐁᑯᓯ ᐅᑭᓯᑯᐊᐧ ᑭ ᐃᑎᐠ, ᐁᑳᐃᐧᔭ ᓭᑭᓯ, ᒣᕒᐃ: ᒋᑫᒫ ᑭ ᑭ ᒥᐢᑲᒫᐧᐣ ᐅ ᒥᔪᑫᐧᐢᑕᑫᐃᐧᐣ ᑭᓭᒪᓂᑐ. 31#ᒫᐟᔪ 1:21ᒥᓇ ᒋᐢᐟ, ᑭ ᑲ ᑭᑭᐢᑲᐋᐧᐊᐧᓱᐣ, ᐁᑯᓯ ᑭ ᑲ ᓂᐦᑖᐃᐧᑭᐊᐤ ᑫ ᐅᑯᓯᓯᔭᐣ, ᒋᓴᐢ ᒫᑲ ᑭ ᑲ ᐃᓯᔨᐦᑳᑕᐤ. 32#2 ᓵᒼᔪᐃᓬ 7:12,13,16; ᐊᐩᓵᔭ 9:7ᑭᑕ ᑭᐦᒋ ᐃᑌᔨᑖᑯᓯᐤ ᒫᑲ, ᐅᑯᓯᓴ ᒪᒪᐁᐧᔭᐢ ᑳ ᑭᐦᒐᔨᐃᐧᐟ ᑭᑕ ᐃᓯᔨᐦᑳᑖᐤ: ᒥᓇ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭᑕ ᒥᔨᐠ ᐅ ᑭᐦᒋ ᐅᑭᒫᐊᐧᐱᐃᐧᓂᔨᐤ ᑌᐱᑕ ᐅᑖᐃᐧᔭ: 33ᑭᑕ ᑭᐦᒋ ᐅᑭᒪᑲᑕᒼ ᒫᑲ ᐅ ᐋᐧᐢᑳᐦᐃᑲᓂᔨᐤ ᒉᑲᐸ ᑳᑭᑫ; ᒥᓇ ᐅ ᑭᐦᒋ ᐅᑭᒪᐃᐧᐃᐧᐣ ᓇᒪᐃᐧᔭ ᐃᐧᑲᐨ ᑭᑕ ᐳᓂᐸᔨᔨᐤ. 34ᐁᑯᓯ ᒣᕒᐃ ᑭ ᐃᑌᐤ ᐅᑭᓯᑯᐊᐧ, ᑖᓂᓯ ᐅᒪ ᑫ ᑭ ᐃᓯ ᐃᐢᐸᔨᐠ, ᐃᐧᔭ ᐁᑳ ᐁ ᑭᐢᑫᔨᒪᐠ ᓈᐯᐤ? 35ᐁᑯᓯ ᐅᑭᓯᑯᐊᐧ ᑭ ᓇᐢᑫᐧᐊᐧᓯᒥᐠ ᐁ ᐃᑎᑯᐟ, ᑳ ᑲᓈᑎᓯᐟ ᐊᒑᕽ ᑭ ᑲ ᐅᑎᐦᑎᐠ, ᒥᓇ ᐅ ᒪᐢᑲᐃᐧᓯᐃᐧᐣ ᒫᐊᐧᒋ ᑳ ᑭᐦᒑᔨᐃᐧᐟ ᑭ ᑲ ᐊᑲᐊᐧᐢᑌᐢᑳᑯᐣ; ᐁᑯᓯ ᒫᑲ ᐊᓂᒪ ᑳ ᑲᓈᑕᕽ ᑫ ᓂᐦᑖᐃᐧᑭᑖᔭᐣ ᑭᓭᒪᓂᑐ ᐅᑯᓯᓴ ᑭᑕ ᐃᓯᔨᐦᑳᑖᐤ. 36ᐁᑯᓯ ᒋᐢᐟ, ᐃᓬᐃᓭᐱᐟ ᑭ ᐊᐧᑯᒪᑲᐣ, ᐃᐧᐢᑕ ᑭᑭᐢᑲᐋᐧᐊᐧᓱ ᐁ ᑲᔭᑌᔮᑎᓯᐟ; ᐁᑲᐧ ᐅᒪ ᓂᑯᑖᐧᓱᐱᓯᒼ ᐊᓇ ᓇᒪᐃᐧᔭ ᓂᑖᐅᓭᐤ ᑳ ᑭ ᐃᑎᐟ. 37#ᒉᓂᓯᐢ 18:14ᒋᑫᒫ ᓇᒪᐃᐧᔭ ᓈᐣᑕᐤ ᑫᑲᐧᐩ ᑭᓭᒪᓂᑐ ᑳ ᐃᑌᐧᐟ ᐁᑳ ᑭᑕ ᑲᐢᑭᐁᐊᐧᓂᔨᐠ. 38ᐁᑯᓯ ᒣᕒᐃ ᑭ ᐃᑌᐧᐤ, ᒋᐢᐟ ᐅᐟ ᐊᑐᐢᑫᔮᑲᓂᐢᑫᐧᒪ ᑳ ᑎᐯᔨᐦᒋᑫᐟ ᑭᔮᒼ ᓂ ᑲ ᐃᐢᐸᔨᐃᑯᐣ ᐊᓂᒪ ᑳ ᐃᑌᐧᔭᐣ. ᐁᑯᓯ ᐅᑭᓯᑯᐊᐧ ᑭ ᓇᑲᑎᐠ.
39ᐁᑯᓯ ᒣᕒᐃ ᑭ ᐸᓯᑯ ᐁᑯᐢᐱ ᒥᓇ ᐁ ᑭ ᐃᑐᐦᑌᐟ ᐃᑕ ᐁ ᐊᔭᐸᑎᓇᔨᐠ ᐁ ᑲᑫᐧᔮᐅᐟ ᐅᑌᓈᕽ ᒍᑕᐃᕽ. 40ᒥᓇ ᐁ ᑭ ᐱᐦᑐᑫᐟ ᓵᑲᕒᐋᔭᐢ ᐃᐧᑭᔨᕽ ᐁᑯᓯ ᐃᓬᐃᓭᐱᑕ ᐁ ᑭ ᐊᑕᒥᐢᑲᐋᐧᐟ. 41ᐁᑯᓯ ᑭ ᐃᐦᑭᐣ ᐃᐢᐱ ᐃᓬᐃᓭᐱᐟ ᐁ ᑭ ᐯᐦᑕᕽ ᐅᐟ ᐊᑕᒥᐢᑲᑫᐃᐧᓂᔨᐤ ᒣᕒᐃᐊᐧ ᐊᐊᐧᓯᓴ ᑭ ᐊᐧᐢᑲᐃᐧᔨᐊᐧ ᐃᐧᔭᐃᐧᕽ ᒥᓇ ᐃᓬᐃᓭᐱᐟ ᑭ ᓴᑲᐢᑭᓀᐢᑲᐠ ᑲᓇᒋ ᐊᐦᒑᐦᑲᐧ 42ᓱᑭ ᒫᑲ ᐁ ᑭ ᐱᑭᐢᑫᐧᐟ ᒥᓇ ᐁ ᑭ ᐃᑌᐧᐟ, ᑭ ᓴᐁᐧᔨᑖᑯᓯᐣ ᐃᑕ ᐁ ᐊᔮᒋᐠ ᐃᐢᑫᐧᐊᐧᐠ ᒥᓇ ᓴᐁᐧᔨᑕᑲᐧᐣ ᐊᓂᒪ ᑫ ᓂᐦᑖᐃᐧᑭᑖᔭᐣ. 43ᒥᓇ ᑖᓀᑭ ᐅᒪ ᐁᐧᒋ ᐅᑎᐦᑎᑯᔮᐣ ᐅᑳᐃᐧᔭ ᓂ ᑎᐯᔨᐦᒋᑫᒼ ᑳ ᐅᑎᓯᐟ. 44ᐃᐧᔭ ᓭᒫᐠ ᐃᐢᐱ ᐁ ᐯᑕᑲᐧᐠ ᑭᐟ ᐊᑕᒥᐢᑳᑫᐃᐧᐣ ᓂᑕᐃᐧᑳᕽ ᐊᐊᐧᓯᐢ ᑭ ᐊᐧᐢᑲᐃᐧᐸᔨᐦᐅ ᓂᔭᐃᐧᕽ ᒥᔭᐊᐧᑕᒧᐃᐧᐣ ᐅᐦᒋ. 45ᒥᓇ ᒫᑲ ᓴᐁᐧᔨᑖᑯᓯᐤ ᐊᓇ ᑳ ᑭ ᑖᐯᐧᑕᕽ, ᒋᑫᒫ ᑭᑕ ᑎᐱᐸᔨᐊᐧ ᐊᓂᐦᐃ ᑫᑲᐧᔭ ᑳ ᑭ ᑕᓯᑕᒫᐦᐟ ᑳ ᑎᐯᔨᐦᒋᑫᐟ ᐅᐦᒋ. 46ᐁᑯᓯ ᒣᕒᐃ ᑭ ᐃᑌᐧᐤ,
ᓂᐟ ᐊᒑᕽ ᒪᒥᒋᒣᐤ ᑳ ᑎᐯᔨᐦᒋᑫᔨᐟ,
47ᒥᓇ ᓂᐟ ᐊᒑᕽ ᑭ ᒥᔭᐋᐧᑌᐤ ᑭᓭᒪᓂᑐᐊᐧ ᓄᐱᒪᒋᐃᐁᐧᒪ.
48 #
1 ᓵᒼᔪᐃᓬ 1:11
ᐃᐧᔭ ᐁ ᑭ ᑲᓇᐋᐧᐸᐦᑕᒫᐧᐟ ᐅ ᑕᐸᐦᑌᔨᑖᑯᓯᐃᐧᓂᔨᐤ ᐅᐟ ᐊᑐᐢᑫᔮᑲᓂᐢᑫᐧᒪ: ᐃᐧᔭ ᒫᑎᑲ, ᐊᓄᐦᐨ ᐅᐦᒋ, ᑲᐦᑭᔭᐤ ᑫ ᐊᓂᐢᑫ ᐱᒫᑎᓯᒋᐠ ᒥᔪᐃᑕᑭᒥᑯᐃᐧᓯᐤ ᓂ ᑲ ᐃᑎᑲᐧᐠ.
49ᒋᑫᒫ ᐊᓇ ᑳ ᑭᐦᒑᔨᐃᐧᐟ ᑭᐦᒋ ᑫᑲᐧᔭ ᓂ ᑭ ᑐᑕᒫᐠ ᒥᓇ ᐅᐃᐧᔪᐃᐧᐣ ᑲᓈᑕᓂᔨᐤ.
50ᒥᓇ ᐅ ᑭᓭᐊᐧᑎᓯᐃᐧᐣ ᐊᔮᔨᐊᐧ ᐊᓂᐦᐃ ᑳ ᑯᓯᑫᐧᔨᒥᑯᐟ ᑫ ᐊᑎ ᐊᔮᓂᐢᑫ ᐱᒫᑎᓯᔨᐟ.
51ᑭ ᐋᐧᐸᐦᑕᐦᐃᐁᐧᐤ ᒪᐢᑲᐃᐧᓯᐃᐧᐣ ᐅᐢᐱᑐᐣ ᐅᐦᒋ, ᑭ ᓯᓭᐧᑎᓴᐁᐧᐤ ᑳ ᑭᐢᑌᔨᒧᔨᐟ ᐁ ᐃᓯ ᓈᑲᑕᐁᐧᔨᑕᒥᔨᐟ ᐅ ᑌᐃᔨᕽ.
52 #
ᒍᑊ 5:11; 12:19 ᐅᐟ ᐊᐱᐃᐧᓂᔨᕽ ᐅᐦᒋ ᑭ ᓂᑎᓀᐤ ᑭᐦᒋ ᐅᑭᒫᐊᐧ ᒥᓇ ᑭ ᑭᐢᑌᔨᑖᑯᐁᐤ ᑳ ᑕᐸᐦᑌᔨᑖᑯᓯᔨᐟ.
53ᒥᔪ ᑫᑲᐧᔭ ᐅᐦᒋ ᑭ ᑭᐢᐳᐁᐤ ᑳ ᓄᑌᑲᑌᔨᐟ; ᒫᑲ ᑳ ᐁᐧᔪᑎᓯᔨᐟ ᐱᓯᓯᐠ ᑭ ᓯᐯᐧᑎᓴᐁᐧᐤ.
54ᑭ ᐃᐧᒋᐁᐤ ᐃᐢᕒᐁᐃᓬᐊ ᐅᐟ ᐊᑐᐢᑫᔮᑲᓇ, ᐁ ᑭᐢᑭᓯᑐᑕᕽ ᐊᓂᒪ ᐅ ᑭᓭᐊᐧᑎᓯᐃᐧᐣ.
55 #
ᒉᓂᓯᐢ 17:7
#
1 ᓵᒼᔪᐃᓬ 2:1-10
ᑳ ᑭ ᐃᓯ ᑭᑐᑕᐟ ᑯᑕᐃᐧᓇᐊᐧ ᐁᑊᕒᐁᐊᒪ ᐊᓯᒋ ᐅᐟ ᐊᐋᐧᓯᒥᓯᔨᐊᐧ ᑲᑭᑫ.
56ᐁᑯᓯ ᒣᕒᐃ ᑭ ᐃᐧᒋ ᐊᔭᒣᐤ ᓈᐣᑕᐤ ᓂᐢᑐ ᐱᓯᒼ, ᒥᓇ ᐃᐧᑭᕽ ᑭ ᐃᓯ ᑭᐁᐧᐤ.
57ᐁᑲᐧ ᐃᓬᐃᓭᐱᐟ ᐅ ᑭᓯᑲᒼ ᑭ ᐅᑎᐦᒋᐸᔨᔨᐤ ᑭᑕ ᐋᐧᐸᒫᐊᐧᓱᐟ ᐁᑯᓯ ᑭ ᓂᐦᑖᐃᐧᑭᐦᐁᐤ ᐅᑯᓯᓴ. 58ᐁᑯᓯ ᐅᑐᑌᒪ ᒥᓇ ᐅ ᐊᐧᑯᒪᑲᓇ ᑭ ᐯᑕᒥᔨᐊᐧ, ᑖᓂᓯ ᑳ ᑎᐯᔨᐦᒋᑫᐟ ᐁ ᑭ ᐃᓯ ᐋᐧᐸᐦᑕᐋᐟ ᑭᐦᒋ ᑭᓭᐊᐧᑎᓯᐃᐧᐣ; ᑭ ᐃᐧᒋ ᒥᔪᐊᐧᑕᒧᒣᐊᐧᐠ ᒫᑲ. 59#ᓬᐃᐱᑎᑲᐢ 12:3ᑭ ᐊᔨᑭᕽ ᒫᑲ ᐃᐢᐱ ᐁ ᐊᔨᓇᓀᐅᑭᓯᑲᐠ, ᑭ ᐯ ᐃᑐᐦᑌᐊᐧᐠ ᑭᑕ ᑭᐢᑭᓇᐊᐧᒋᓴᐊᐧᑕᒋᐠ ᐊᐋᐧᓯᓴ; ᐁᑯᓯ ᓴᑳᕒᐋᔭᐢ ᑭ ᐃᐧ ᐃᓯᔨᐦᑳᑌᐊᐧᐠ ᑳ ᐃᓯᔨᐦᑳᓱᔨᐟ ᐅᑖᐃᐧᔭ. 60ᐁᑯᓯ ᒫᑲ ᐅᑳᐃᐧᔭ ᑭ ᓇᐢᑫᐧᐊᐧᓯᐃᑲᐧᐠ ᐁ ᐃᑌᐧᔨᐟ, ᓇᒪᐃᐧᔭ; ᒫᑲ ᒑᐣ ᑭᑕ ᐃᓯᔨᐦᑳᓱ. 61ᐁᑯᓯ ᑭ ᐃᑌᐊᐧᐠ, ᓇᒪᐃᐧᔭ ᐊᐃᐧᔭᐠ ᑭ ᐊᐧᑯᒪᑲᓇᐠ ᐁᑯᓯ ᐃᓯᔨᐦᑳᓱ. 62ᑭ ᐊᔨᑎᓇᒪᐁᐧᐊᐧᐠ ᒫᑲ ᐅᑕᐃᐧᔨᐊᐧ, ᑖᓂᓯ ᑫ ᓇᑕᐁᐧᔨᒪᑫᐧ ᑭᑕ ᐃᓯᔨᐦᑳᓱᔨᐟ. 63ᐁᑯᓯ ᑭ ᓇᑐᑕᒼ ᒪᓯᓇᐦᐃᑫᐃᐧᓈᑎᐟ ᒥᓇ ᑭ ᒪᓯᓇᐦᐃᑫᐤ ᐁ ᐃᑌᐧᐟ ᒑᐣ ᐃᓯᔨᐦᑳᓱᐤ. ᐁᑯᓯ ᑳᑭᔭᐤ ᑭ ᒪᒪᐢᑳᑕᒪᐧᐠ. 64ᐁᑯᓯ ᐅᑐᐣ ᓭᒫᐠ ᑭ ᐸᐢᑭᑌᓂᑳᑌᔨᐤ, ᒥᓇ ᐅᑌᔭᓂ ᑭ ᐋᐸᐃᑳᑌᔨᐤ, ᐁᑯᓯ ᒫᑲ ᑭ ᐱᑭᐢᑫᐧᐤ, ᒥᓇ ᐁ ᑭ ᒪᒥᒋᒫᐟ ᑭᓭᒪᓂᑐᐊᐧ. 65ᓭᑭᓯᐃᐧᐣ ᒫᑲ ᑭ ᐅᑎᐦᑎᑲᐧᐠ ᑲᐦᑭᔭᐤ ᐊᐧᓴᑲᒼ ᐁᑯᑕ ᑳ ᑭ ᐊᔮᒋᐠ: ᒥᓇ ᑲᐦᑭᔭᐤ ᐅᐦᐃ ᐱᑭᐢᑫᐧᐃᐧᓇ ᑭ ᐯᑕᑲᐧᓇᐧ ᒥᓯᐁᐧ ᐊᓂᑕ ᐊᔭᐸᑎᓈᐃᐧ ᐊᐢᑭᕽ ᒍᑕᐃᕽ. 66ᑲᐦᑭᔭᐤ ᒫᑲ ᑳ ᑭ ᐯᐦᑕᐦᑭᐠ ᑭ ᓇᐊᐢᑖᐊᐧᐠ ᐅᑌᐃᐊᐧᕽ, ᐁ ᐃᑌᐧᒋᐠ, ᑖᓂᓯ ᐅᒪ ᑫ ᑐᐃᐧᑲᓂᐃᐧᐟ ᐊᐊᐧ ᐊᐋᐧᓯᐢ? ᐅᒋᐦᒋᔨᐤ ᒫᑲ ᑳ ᑎᐯᔨᐦᒋᑫᔨᐟ ᑭ ᐃᐧᒉᐃᐧᐠ.
67ᐁᑯᓯ ᐅᑕᐃᐧᔭ ᓴᑳᕒᐋᔭᓴ ᑭ ᓴᑲᐢᑭᓀᐢᑳᑯᔨᐊᐧ ᑲᓇᒋ ᐊᐦᒑᐦᑲᐧ ᐁᑯᓯ ᒫᑲ ᐁ ᑭ ᑭᐢᑭᐁᐧᐦᐃᑫᐟ, ᐁ ᐃᑌᐧᐟ,
68ᑭᑕ ᒥᔪ ᑭᐢᐊᐧᑕᐤ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᒋᑫᒫ ᑭ ᑭᐅᑲᐁᐧᐤ ᒥᓇ ᑭ ᑎᐸᐦᐃᑫᐢᑕᒪᐁᐧᐤ ᐅᐟ ᐊᔨᓯᔨᓂᒪ,
69ᒥᓇ ᑭ ᑭ ᐸᓯᑯᓄᒫᑯᓇᐤ ᐱᒪᒋᐃᑯᐃᐧᓯᐃᐧᐣ ᐅ ᐊᐧᐢᑲᐃᑳᓂᔨᕽ ᐅᐟ ᐊᑐᐢᑫᔮᑲᓇ ᑌᐱᑕ.
70ᑳ ᑭ ᐃᓯ ᐱᑭᐢᑫᐧᐟ ᐅ ᑲᓇᒋ ᑭᐢᑭᐁᐧᐦᐃᑫᒪ ᐅᑐᓂᔨᕽ ᐅᐦᒋ ᑳ ᑭ ᐯ ᐊᔨᑭᓂᔨᐠ ᐊᐢᐱᐣ ᑳ ᐯ ᐊᐢᑭᐊᐧᕽ,
71ᑭ ᓄᑎᓇᑳᓂᓇᐊᐧᐠ ᐅᐦᒋ ᑭᑕ ᐱᒪᒋᐃᑲᐃᐧᔭᕽ, ᒥᓇ ᐅᒋᐦᒋᐋᐧᕽ ᐊᓂᑭ ᑲᐦᑭᔭᐤ ᑳ ᐸᑲᐧᑎᑯᔭᑯᐠ;
72ᑭᑕ ᑎᐱᐸᔨᑕᒪᐋᐧᐟ ᑭᑎᒫᑭᓈᑫᐃᐧᐣ ᑯᑖᐃᐧᓇᐊᐧ ᒥᓇ ᑭᑕ ᑭᐢᑭᓯᑐᑕᕽ ᐅ ᑳᓇᒋ ᑭᐢᑭᑐᐃᐧᐣ;
73ᐊᓂᒪ ᑭᐦᒋ ᐃᑌᐧᐃᐧᐣ ᑳ ᑭ ᑭᐦᒋ ᐃᑖᐟ ᐁᑊᕒᐁᐋᒪ ᑯᑕᐃᐧᓇᐊᐧ,
74ᑭᑕ ᐃᓯ ᐸᑭᑎᓇᒫᑯᔭᕽ ᐁ ᑭ ᐱᒫᒋᐃᑯᔭᕽ ᑭ ᓄᑎᓈᑲᓂᓇᐊᐧᐠ ᐅᐦᒋ ᑭᑕ ᐊᑐᐢᑲᐊᐧᔭᐠ ᐁᑳ ᑭᑕ ᐊᐢᑖᓯᔭᕽ,
75ᑲᓈᑎᓯᐃᐧᓂᕽ ᒥᓇ ᑲᐧᔭᐢᑳᐧᑎᓯᐃᐧᓂᕽ ᐁᑕᐢᑕᒥᐟ ᑲᐦᑭᔭᐤ ᑭ ᑭᓯᑲᒥᓇᕽ.
76 #
ᒫᓬᐊᑲᐩ 3:1
ᐁᐦᐊ ᑭᔭ ᒫᑲ, ᐊᐋᐧᓯᐢ. ᑭ ᑲ ᐃᓯᔨᐦᑳᑎᑲᐃᐧᐣ ᐅᑭᐢᑭᐁᐧᐦᐃᑫᒪ ᒫᐊᐧᒋ ᑳ ᑭᐦᒑᔨᐃᐧᐟ: ᒋᑫᒫ ᑭ ᑲ ᓂᑳᓄᑕᐋᐧᐤ ᑳ ᑎᐯᔨᐦᒋᑫᐟ, ᑭᑕ ᑲᐧᔮᒋᑕᒪᐊᐧᐟ ᐅ ᒣᐢᑲᓈᒪ:
77ᐅᐟ ᐊᔨᓯᔨᓂᒪ ᐱᒫᑎᓯᐃᐧᐣ ᑭᑕ ᑭᐢᑫᔨᑕᒧᐋᐟ ᐁᐳᓀᔨᑕᒫᒥᐟ ᐅ ᒪᒋᐃᑎᐃᐧᓂᔨᐊᐧ.
78ᒋᑫᒫ ᐁ ᐃᓯ ᑭᑎᒪᑫᔨᒥᐁᐧᒪᑲᓂᔨᐠ, ᐅ ᑭᓭᐋᐧᑎᓯᐃᐧᐣ ᑭ ᑭᓭᒪᓂᑐᒥᓇᐤ, ᑫ ᐅᑎᐦᑎᑯᔭᕽ, ᐁ ᑭᓯᑳᓈᑲᐧᕽ ᐃᐢᐱᒥᕽ ᐅᐦᒋ,
79 #
ᐊᐩᓵᔭ 9:2
ᑭᑕ ᒥᔮᐟ ᐋᐧᐢᑌᐤ ᐊᓂᐦᐃ ᑳ ᐊᐱᔨᐟ ᑲᐢᑭᑎᐱᐢᑲᕽ ᒥᓇ ᐃᑕ ᑳ ᐊᑲᐊᐧᐢᑌᐢᑳᑫᒪᑲᕽ ᓂᐳᐃᐧᐣ; ᑭᑕ ᑭᐢᑭᓄᑕᑖᐟ ᑭᓯᑎᓇᐊᐧ ᐯᔭᑕᑫᔨᒧᐃᐧᓂᕽ ᐃᓯ.
80ᐁᑯᓯ ᐊᓇ ᐊᐋᐧᓯᐢ ᑭ ᐅᐱᑭᐤ ᒥᓇ ᑭ ᐊᑎ ᒪᐢᑲᐃᐧᓯᐤ ᐅᐟ ᐊᒑᐦᑯᕽ, ᒥᓇ ᑭ ᐊᔮᐤ ᐱᑲᐧᑕᐢᑭᕽ ᐹᑎᒫ ᐊᓂᒪ ᑭᓯᑳᐤ ᐁ ᓄᑯᐦᐃᓱᐢᑕᐋᐧᐟ ᐃᐢᕒᐁᐃᓬᐊ.
Iliyochaguliwa sasa
ᓭᐣᐟ ᓬᐅᐠ 1: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᓭᐣᐟ ᓬᐅᐠ 1
1
1ᒋᑫᒫ ᒥᐦᒉᐟ ᐁ ᑭ ᐅᑎᓇᒫᓱᒋᐠ ᑭᑕ ᐅᔭᐢᑖᒋᐠ ᐃᐧᐦᑕᒪᑫᐃᐧᓂᕽ ᐊᓂᐦᐃ ᑫᑲᐧᔭ ᑳ ᒥᑐᓂ ᑎᐱᐸᔨᒋᑳᑌᑭ ᐃᑕ ᐁᔮᔭᕽ, 2ᐊᓂᐦᐃ ᑳ ᑭ ᐃᓯ ᐸᑭᑎᓇᒪᑯᔭᑯᐠ ᐃᐧᔭᐋᐧᐤ, ᓂᐢᑕᒼ ᑳ ᑭ ᐋᐧᐸᐦᑕᐦᑭᐠ ᒥᓇ ᑳ ᑭ ᐸᒥᑖᒋᐠ ᐊᔭᒥᐃᐧᐣ, 3ᓂ ᑭ ᓇᐃᐢᑳᑯᐣ ᓂᐢᑕ ᒥᑐᓂ, ᐁ ᑭ ᓂᓯᑕᐁᐧᔨᑕᒫᐣ ᓂᐢᑕᒼ ᐅᐦᒋ ᑲᐦᑭᔭᐤ ᑫᑲᐧᔭ ᑲᐧᔭᐢᐠ, ᑭᑕ ᒪᓯᓇᐦᐊᒫᑕᐣ ᑭᔭ ᒫᒪᐃᐧ, ᑫᐢᑌᔨᑖᑯᓯᔭᐣ ᑎᐅᐱᓬᐊᐢ; 4ᑭᑕ ᑭᐢᑫᔨᑕᒪᐣ ᐁᓯ ᑫᒋᓈᔦᔨᑖᑲᐧᑭ ᐊᓂᐦᐃ ᑫᑲᐧᔭ ᑳ ᑭ ᑭᐢᑫᔨᑕᒧᐃᑲᐃᐧᔭᐣ.
5 #
1 ᐊᑭᓀ ᐋᒋᒧᐃᐧᓇ 24:10
ᑭ ᐊᔮᐤ ᐁ ᒣᑲᐧ ᐅ ᑭᓯᑳᒥᐟ ᐁᕒᐊᐟ, ᒍᑎᐊ ᑭᐦᒋ ᐅᑭᒫᐤ, ᐯᔭᐠ ᐊᔭᒥᐦᐁᐃᐧᔨᓂᐤ ᓵᑲᕒᐋᔭᐢ, ᐁ ᐃᓯᔨᐦᑳᓱᐟ, ᐁ ᐃᐧᒉᐋᐧᐟ ᐊᐸᐃᒐᐊᐧ, ᐃᐧᐊᐧ ᒫᑲ ᐁ ᑭ ᐅᐦᑕᐢᑲᓀᓯᔨᐟ ᐁᕒᐊᐣ ᐅᑖᓂᓯᔨᐊᐧ, ᐃᓬᐃᓭᐱᐟ ᒫᑲ ᐁ ᑭ ᐃᓯᔨᐦᑳᓱᐟ. 6ᑖᐱᐢᑯᐨ ᒫᑲ ᑭ ᐊᔭᒥᐁᐊᐧᑎᓯᐊᐧᐠ ᐁ ᐃᓯ ᐋᐧᐸᒥᑯᒋᐠ ᑭᓭᒪᓂᑐᐊᐧ, ᑲᐧᔭᐢᐠ ᒥᑐᓂ ᐁ ᐱᒧᑕᑕᑭᐠ ᑲᐦᑭᔭᐤ ᐅ ᓯᑭᒥᐁᐧᐃᐧᓂᔨᐊᐧ ᒥᓇ ᐅᔭᓱᐁᐧᐃᐧᓂᔨᐊᐧ ᑳ ᑎᐯᔨᐦᒋᑫᐟ. 7ᒫᑲ ᓇᒪᐃᐧᔭ ᑭ ᐊᔭᐁᐧᐊᐧᐠ ᐊᐊᐧᓯᓴ, ᐃᐧᔭ ᐃᓬᐃᓭᐱᐟ ᐁᑳ ᐁ ᑭ ᐅᐟ ᐊᐋᐧᓯᒥᓯᐟ, ᐁᓯ ᓂᓯᒋᐠ ᒫᑲ ᑭ ᑭᓭᔭᑎᓯᐊᐧᐠ.
8ᐁᑲᐧ ᒫᑲ ᑭ ᐅᑎᐦᒋᐸᔨᐤ, ᒣᑳᐧᐨ ᐁ ᑎᐱᐸᔨᑖᐟ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᐣ ᐅᐟ ᐃᑖᐢᑕᒧᐃᐧᓂᔨᕽ ᑭᓭᒪᓂᑐᐊᐧ, ᐃᐢᐱ ᐁ ᐃᐢᐸᔨᔨᐠ ᐃᐧᔭ ᑭᑕ ᑐᑕᕽ, 9ᐊᓂᒪ ᑳ ᑭ ᐃᓯ ᐸᑭᑎᓇᒫᐦᐟ ᐃᐢᐱ ᐱᐦᑐᑫᐧᒋ ᐅᐟ ᐊᔭᒥᐦᐁᐃᐧᑲᒥᑯᔨᕽ ᑳ ᑎᐯᔨᐦᒋᑫᐟ, ᑭᑕ ᐃᐧᑭᒪᓯᑫᐟ. 10ᑲᐦᑭᔭᐤ ᒫᑲ ᐁ ᒪᒧᐁᐧᔭᑎᒋᐠ ᐊᔨᓯᔨᓂᐊᐧᐠ ᐁ ᑭ ᐊᔭᒥᐦᐋᒋᐠ ᐊᐧᔭᐃᐧᑎᒪᔨᕽ ᐃᐢᐱ ᐁ ᐃᐧᑭᒪᓯᑫᐟ.
11ᑭ ᓄᑯᐅᑐᑕᐠ ᐅᑭᓯᑯᒪ ᑳ ᑎᐯᔨᐦᒋᑫᐟ ᐁ ᓂᐸᐃᐧᔨᐟ ᑭᐦᒋᓂᐢᑭᕽ ᐃᑌᑫ ᐃᐧᑭᒪᓯᑲᓂ ᐸᑭᑎᓇᓱᐃᐧᓈᐱᐢᐠ. 12ᐃᐢᐱ ᒫᑲ ᓵᑲᕒᐋᔭᐢ ᐃᐧᔮᐸᒫᐟ ᑭ ᒥᑯᐢᑲᑌᔨᑕᒼ, ᒥᓇ ᓭᑭᓯᐃᐧᐣ ᑭ ᐸᑲᒥᐢᑳᐠ. 13ᒫᑲ ᐅᑭᓯᑯᐊᐧ ᑭ ᐃᑎᐠ, ᐁᑳᐃᐧᔭ ᓭᑭᓯ, ᓵᑲᕒᐋᔭᐢ: ᒋᑫᒫ ᑭᐟ ᐊᔭᒥᐦᐋᐃᐧᐣ ᐯᐦᒋᑲᑌᐤ, ᒥᓇ ᑭᐊᐧ ᐃᓬᐃᓭᐱᐟ ᑭᑕ ᐅᑯᓯᓯᐤ, ᒑᐣ ᒫᑲ ᑭ ᑲ ᐃᓯᔨᐦᑳᑖᐤ. 14ᒥᓇ ᒫᑲ ᑭ ᑲ ᐊᔮᐣ ᒥᔪᐊᐧᑕᒧᐃᐧᐣ ᒥᓇ ᒥᐁᐧᔨᑕᒧᐃᐧᐣ; ᒥᐦᒉᐟ ᒫᑲ ᑭᑕ ᒥᔪᐋᐧᑕᒪᐠ ᓂᐦᑖᐃᐧᑭᒋ. 15#ᓇᒼᐸᕒᐢ 6:3ᒋᑫᒫ ᑭᑕ ᑭᐦᒑᔨᐃᐧᐤ ᐁ ᐃᓯ ᑲᓇᐋᐧᐸᒥᑯᐟ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᑭᑕ ᒥᓂᑫᐧᐤ ᓱᒥᓇᐸᔨᐤ ᐊᐦᐳ ᑳ ᒪᐢᑲᐋᐧᐠ ᒥᓂᑫᐧᐃᐧᐣ; ᒥᓇ ᑭᑕ ᓵᑲᐢᑭᓀᐢᑳᐠ ᑳ ᑲᓈᑎᓯᔨᐟ ᐊᐦᒑᐦᑲᐧ, ᐅᑳᐃᐧᔭ ᐁ ᑭᑭᐢᑳᑯᐟ ᐅᐦᒋ. 16ᒥᐦᒉᐟ ᒫᑲ ᐅᐟ ᐊᐋᐧᓯᒥᓯᔨᐊᐧ ᐃᐢᕒᐁᐃᓬ ᑭᑕ ᑫᐧᐢᑭᓀᐤ ᑳ ᑎᐯᔨᐦᒋᑫᔨᐟ ᐅ ᒪᓂᑐᒥᔨᐊᐧ ᐃᓯ. 17#ᒫᓬᐊᑲᐩ 4:5,6ᐁᑯᓯ ᒫᑲ ᑭᑕ ᓂᑳᓄᑕᐁᐧᐤ, ᐅᐟ ᐊᒑᑯᔨᕽ ᒥᓇ ᐅ ᒪᐢᑲᐃᐧᓯᐃᐧᓂᔨᕽ ᐃᓬᐊᐃᒐᐊᐧ ᑭᑕ ᐃᓯ ᑫᐧᐢᑭᑌᐁᓇᐟ, ᐅᑕᐃᐧᒪᐊᐧ ᐅᐟ ᐊᐋᐧᓯᒥᓯᔨᐊᐧ ᒥᓇ ᑳ ᓴᓯᐱᑕᒥᔨᐟ ᑭᑕ ᐱᒧᐦᑌᔨᐟ ᐅᐟ ᐃᔨᓂᓯᐃᐧᓂᔨᕽ ᑳ ᑲᐧᔭᐢᑳᐧᑎᓯᔨᐟ; ᑭᑕ ᑲᐧᔮᒋᑕᒪᐋᐧᐟ ᑳ ᑎᐯᔨᐦᒋᑫᔨᐟ ᐊᔨᓯᔨᓂᐊᐧ ᐁ ᑲᐧᔮᒋᔨᐟ. 18ᓵᑲᕒᐋᔭᐢ ᒫᑲ ᐅᑭᓯᑯᐊᐧ ᑭ ᐃᑌᐤ, ᑖᓂᓯ ᐅᒪ ᑫ ᐃᓯ ᑭᐢᑫᔨᑕᒫᐣ? ᐃᐧᔭ ᐁ ᑭᓭᔨᓂᐃᐧᔮᐣ ᒥᓇ ᓂ ᐃᐧᑭᒫᑲᐣ ᒥᑐᓂ ᐁ ᑭᓭᔮᑎᓯᐟ. 19#ᑖᓂᐁᓬ 8:16; 9:21ᐅᑭᓯᑯ ᒫᑲ ᐁ ᓇᐢᑫᐧᐊᐧᓯᒪᐟ ᑭ ᐃᑌᐤ, ᓂᔭ ᑫᑊᕒᐃᐊᓬ, ᑳ ᓂᐸᐃᐧᔮᐣ ᐅᑎᑕᐢᑕᒥᐃᐧᓂᕽ ᑭᓭᒪᓂᑐ; ᒥᓇ ᒫᑲ ᓂ ᑭ ᐃᓯᑎᓴᐦᐅᑲᐃᐧᐣ ᑭᑕ ᐊᔭᒥᐃᑕᐣ, ᒥᓇ ᑭᑕ ᐋᐧᐸᐦᑕᐦᐃᑖᐣ ᐅᐦᐃ ᑳ ᒥᔦᐧᔨᑖᑲᐧᑭ ᐋᒋᒧᐃᐧᓇ. 20ᒋᐢᐟ ᒫᑲ, ᓇᒪᐃᐧᔭ ᑭ ᑲ ᐅᑭᑐᐃᐧᓂᐣ, ᒥᓇ ᓇᒪᐃᐧᔭ ᑭ ᑲ ᑲᐢᑭᑖᐣ ᑭᑕ ᐱᑭᐢᑫᐧᔭᐣ ᐃᔨᑯᕽ ᐊᓂᒪ ᑭᓯᑳᐤ ᑫ ᑎᐱᐸᔨᑭ ᐅᐦᐃ ᑫᑲᐧᔭ, ᒋᑫᒫ ᐁᑳ ᐁ ᑭ ᑖᐯᐧᑕᒪᐣ ᓂᐟ ᐊᔭᒥᐃᐧᓇ, ᐊᓂᐦᐃ ᑫ ᑎᐱᐸᔨᑭ ᐃᐢᐱ ᐅᑎᐦᒋᐸᔨᑭ.
21ᐊᔨᓯᔨᓂᐊᐧᐠ ᒫᑲ ᑭ ᐯᐁᐊᐧᐠ ᓵᑲᕒᐋᔭᓴ, ᒥᓇ ᑭ ᒫᒪᐢᑳᑕᒪᐧᐠ ᑭᓀᐧᐢ ᐁ ᑭ ᐊᔮᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ. 22ᐃᐢᐱ ᒫᑲ ᑳ ᐯ ᐊᐧᔭᐃᐧᐟ, ᓇᒪᐃᐧᔭ ᑭ ᑲᐢᑭᑖᐤ ᑭᑕ ᑭᑐᑖᐟ; ᒥᓇ ᑭ ᓂᓯᑕᐃᐧᓇᒪᐧᐠ ᐁ ᑭ ᒪᒪᐢᑳᑖᐱᓯᓂᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᐊᔨᑎᓂᑫᐢᑕᐁᐧᐤ ᒫᑲ, ᐁᑳ ᐁ ᑭ ᐱᑭᐢᑫᐧᐟ.
23ᑭ ᐅᑎᐦᒋᐸᔨᐤ ᒫᑲ, ᒪᔭᐤ ᑳ ᑭᓯᑕᐟ ᐊᓂᐦᐃ ᐅ ᐸᒥᐦᐃᐁᐧᐃᐧᑭᓯᑳᒪ, ᐃᐧᑭᕽ ᐁ ᑭ ᐃᓯ ᑭᐁᐧᐟ.
24ᑳ ᐳᓂᐸᔨᑭ ᒫᑲ ᐁᐊᐧᑲᐧᓂ ᑭᓯᑳᐊᐧ, ᐃᐧᐊᐧ ᐃᓬᐃᓭᐱᐟ ᑭ ᑭᑭᐢᑲᐊᐧᐊᐧᓱᔨᐊᐧ ᑭ ᑳᓱ ᒫᑲ ᓂᔮᓇᐣ ᐱᓯᒼ, ᐁ ᐃᑌᐧᐟ, 25ᐁᑯᓯ ᐅᒪ ᑳ ᑎᐯᔨᐦᒋᑫᐟ ᑳ ᑐᑕᐃᐧᐟ ᐊᓂᒪ ᐁ ᑭᓯᑳᔨᐠ ᐃᑕ ᑳ ᑭ ᑲᓇᐋᐧᐸᒥᐟ, ᑭᑕ ᐅᑎᓇᕽ ᓂ ᓀᐯᐃᐧᒥᑯᐃᐧᐣ ᐊᔨᓯᔨᓂᓈᕽ ᐅᐦᒋ.
26ᐃᐢᐱ ᒫᑲ ᐁ ᓂᑯᑖᐧᓱᐱᓯᒧᐊᐧᕽ ᐅᑭᓯᑯ ᑫᑊᕒᐃᐊᓬ ᑭᓭᒪᓂᑐᐊᐧ ᑭ ᐃᓯᑎᓴᐦᐅᐠ ᐅᑌᓈᕽ ᑳᓬᐊᓬᐃᕽ, ᓈᓴᕒᐃᐟ ᐁ ᐃᓯᔨᐦᑳᑌᐠ, 27#ᒫᐟᔪ 1:18ᑭᑕ ᓈᑕᐟ ᐅᐢᑭᓂᑭᐢᑫᐧᐊᐧ ᑳ ᑭ ᐊᓱᑕᒪᐋᐧᐟ ᑭᑕ ᐃᐧᒉᐋᐧᐟ, ᓈᐯᐊᐧ ᒍᓯᑊ ᐁ ᐃᓯᔨᐦᑳᓱᔨᐟ, ᑌᐱᑕ ᐁ ᐅᑕᐢᑲᓀᓯᔨᐟ; ᐅᐢᑭᓂᑭᐢᑫᐧᐤ ᒫᑲ ᒣᕒᐃ ᑭ ᐃᓯᔨᐦᑳᓱ. 28ᐁᑯᓯ ᑭ ᐱᑐᑲᐁᐧᐤ, ᒥᓇ ᑭ ᐃᑌᐤ, ᑭᐟ ᐊᑕᒥᐢᑳᑎᐣ, ᑭᔭ ᒥᐢᑕᐦᐃ ᑳ ᓂᑳᓀᔨᑖᑯᓯᔭᐣ, ᑭ ᒥᔪ ᑲᓇᐊᐧᐸᒥᑯᐃᐧᓯᐣ ᐃᐢᑫᐧᓇᕽ, ᑳ ᑎᐯᔨᐦᒋᑫᐟ ᑭ ᐃᐧᒉᐃᐧᐠ. 29ᒫᑲ ᑭ ᒥᑯᐢᑳᑌᔨᑕᒥᐃᐠ ᐅᐟ ᐃᑌᐧᐃᐧᓂᔨᐤ, ᒥᓇ ᑭ ᒫᒥᑐᓀᔨᑕᒼ ᑫᑯ ᐊᑕᒥᐢᑳᑫᐃᐧᐣ ᐁ ᐃᑌᔨᑕᕽ. 30ᐁᑯᓯ ᐅᑭᓯᑯᐊᐧ ᑭ ᐃᑎᐠ, ᐁᑳᐃᐧᔭ ᓭᑭᓯ, ᒣᕒᐃ: ᒋᑫᒫ ᑭ ᑭ ᒥᐢᑲᒫᐧᐣ ᐅ ᒥᔪᑫᐧᐢᑕᑫᐃᐧᐣ ᑭᓭᒪᓂᑐ. 31#ᒫᐟᔪ 1:21ᒥᓇ ᒋᐢᐟ, ᑭ ᑲ ᑭᑭᐢᑲᐋᐧᐊᐧᓱᐣ, ᐁᑯᓯ ᑭ ᑲ ᓂᐦᑖᐃᐧᑭᐊᐤ ᑫ ᐅᑯᓯᓯᔭᐣ, ᒋᓴᐢ ᒫᑲ ᑭ ᑲ ᐃᓯᔨᐦᑳᑕᐤ. 32#2 ᓵᒼᔪᐃᓬ 7:12,13,16; ᐊᐩᓵᔭ 9:7ᑭᑕ ᑭᐦᒋ ᐃᑌᔨᑖᑯᓯᐤ ᒫᑲ, ᐅᑯᓯᓴ ᒪᒪᐁᐧᔭᐢ ᑳ ᑭᐦᒐᔨᐃᐧᐟ ᑭᑕ ᐃᓯᔨᐦᑳᑖᐤ: ᒥᓇ ᑳ ᑎᐯᔨᐦᒋᑫᐟ ᑭᓭᒪᓂᑐ ᑭᑕ ᒥᔨᐠ ᐅ ᑭᐦᒋ ᐅᑭᒫᐊᐧᐱᐃᐧᓂᔨᐤ ᑌᐱᑕ ᐅᑖᐃᐧᔭ: 33ᑭᑕ ᑭᐦᒋ ᐅᑭᒪᑲᑕᒼ ᒫᑲ ᐅ ᐋᐧᐢᑳᐦᐃᑲᓂᔨᐤ ᒉᑲᐸ ᑳᑭᑫ; ᒥᓇ ᐅ ᑭᐦᒋ ᐅᑭᒪᐃᐧᐃᐧᐣ ᓇᒪᐃᐧᔭ ᐃᐧᑲᐨ ᑭᑕ ᐳᓂᐸᔨᔨᐤ. 34ᐁᑯᓯ ᒣᕒᐃ ᑭ ᐃᑌᐤ ᐅᑭᓯᑯᐊᐧ, ᑖᓂᓯ ᐅᒪ ᑫ ᑭ ᐃᓯ ᐃᐢᐸᔨᐠ, ᐃᐧᔭ ᐁᑳ ᐁ ᑭᐢᑫᔨᒪᐠ ᓈᐯᐤ? 35ᐁᑯᓯ ᐅᑭᓯᑯᐊᐧ ᑭ ᓇᐢᑫᐧᐊᐧᓯᒥᐠ ᐁ ᐃᑎᑯᐟ, ᑳ ᑲᓈᑎᓯᐟ ᐊᒑᕽ ᑭ ᑲ ᐅᑎᐦᑎᐠ, ᒥᓇ ᐅ ᒪᐢᑲᐃᐧᓯᐃᐧᐣ ᒫᐊᐧᒋ ᑳ ᑭᐦᒑᔨᐃᐧᐟ ᑭ ᑲ ᐊᑲᐊᐧᐢᑌᐢᑳᑯᐣ; ᐁᑯᓯ ᒫᑲ ᐊᓂᒪ ᑳ ᑲᓈᑕᕽ ᑫ ᓂᐦᑖᐃᐧᑭᑖᔭᐣ ᑭᓭᒪᓂᑐ ᐅᑯᓯᓴ ᑭᑕ ᐃᓯᔨᐦᑳᑖᐤ. 36ᐁᑯᓯ ᒋᐢᐟ, ᐃᓬᐃᓭᐱᐟ ᑭ ᐊᐧᑯᒪᑲᐣ, ᐃᐧᐢᑕ ᑭᑭᐢᑲᐋᐧᐊᐧᓱ ᐁ ᑲᔭᑌᔮᑎᓯᐟ; ᐁᑲᐧ ᐅᒪ ᓂᑯᑖᐧᓱᐱᓯᒼ ᐊᓇ ᓇᒪᐃᐧᔭ ᓂᑖᐅᓭᐤ ᑳ ᑭ ᐃᑎᐟ. 37#ᒉᓂᓯᐢ 18:14ᒋᑫᒫ ᓇᒪᐃᐧᔭ ᓈᐣᑕᐤ ᑫᑲᐧᐩ ᑭᓭᒪᓂᑐ ᑳ ᐃᑌᐧᐟ ᐁᑳ ᑭᑕ ᑲᐢᑭᐁᐊᐧᓂᔨᐠ. 38ᐁᑯᓯ ᒣᕒᐃ ᑭ ᐃᑌᐧᐤ, ᒋᐢᐟ ᐅᐟ ᐊᑐᐢᑫᔮᑲᓂᐢᑫᐧᒪ ᑳ ᑎᐯᔨᐦᒋᑫᐟ ᑭᔮᒼ ᓂ ᑲ ᐃᐢᐸᔨᐃᑯᐣ ᐊᓂᒪ ᑳ ᐃᑌᐧᔭᐣ. ᐁᑯᓯ ᐅᑭᓯᑯᐊᐧ ᑭ ᓇᑲᑎᐠ.
39ᐁᑯᓯ ᒣᕒᐃ ᑭ ᐸᓯᑯ ᐁᑯᐢᐱ ᒥᓇ ᐁ ᑭ ᐃᑐᐦᑌᐟ ᐃᑕ ᐁ ᐊᔭᐸᑎᓇᔨᐠ ᐁ ᑲᑫᐧᔮᐅᐟ ᐅᑌᓈᕽ ᒍᑕᐃᕽ. 40ᒥᓇ ᐁ ᑭ ᐱᐦᑐᑫᐟ ᓵᑲᕒᐋᔭᐢ ᐃᐧᑭᔨᕽ ᐁᑯᓯ ᐃᓬᐃᓭᐱᑕ ᐁ ᑭ ᐊᑕᒥᐢᑲᐋᐧᐟ. 41ᐁᑯᓯ ᑭ ᐃᐦᑭᐣ ᐃᐢᐱ ᐃᓬᐃᓭᐱᐟ ᐁ ᑭ ᐯᐦᑕᕽ ᐅᐟ ᐊᑕᒥᐢᑲᑫᐃᐧᓂᔨᐤ ᒣᕒᐃᐊᐧ ᐊᐊᐧᓯᓴ ᑭ ᐊᐧᐢᑲᐃᐧᔨᐊᐧ ᐃᐧᔭᐃᐧᕽ ᒥᓇ ᐃᓬᐃᓭᐱᐟ ᑭ ᓴᑲᐢᑭᓀᐢᑲᐠ ᑲᓇᒋ ᐊᐦᒑᐦᑲᐧ 42ᓱᑭ ᒫᑲ ᐁ ᑭ ᐱᑭᐢᑫᐧᐟ ᒥᓇ ᐁ ᑭ ᐃᑌᐧᐟ, ᑭ ᓴᐁᐧᔨᑖᑯᓯᐣ ᐃᑕ ᐁ ᐊᔮᒋᐠ ᐃᐢᑫᐧᐊᐧᐠ ᒥᓇ ᓴᐁᐧᔨᑕᑲᐧᐣ ᐊᓂᒪ ᑫ ᓂᐦᑖᐃᐧᑭᑖᔭᐣ. 43ᒥᓇ ᑖᓀᑭ ᐅᒪ ᐁᐧᒋ ᐅᑎᐦᑎᑯᔮᐣ ᐅᑳᐃᐧᔭ ᓂ ᑎᐯᔨᐦᒋᑫᒼ ᑳ ᐅᑎᓯᐟ. 44ᐃᐧᔭ ᓭᒫᐠ ᐃᐢᐱ ᐁ ᐯᑕᑲᐧᐠ ᑭᐟ ᐊᑕᒥᐢᑳᑫᐃᐧᐣ ᓂᑕᐃᐧᑳᕽ ᐊᐊᐧᓯᐢ ᑭ ᐊᐧᐢᑲᐃᐧᐸᔨᐦᐅ ᓂᔭᐃᐧᕽ ᒥᔭᐊᐧᑕᒧᐃᐧᐣ ᐅᐦᒋ. 45ᒥᓇ ᒫᑲ ᓴᐁᐧᔨᑖᑯᓯᐤ ᐊᓇ ᑳ ᑭ ᑖᐯᐧᑕᕽ, ᒋᑫᒫ ᑭᑕ ᑎᐱᐸᔨᐊᐧ ᐊᓂᐦᐃ ᑫᑲᐧᔭ ᑳ ᑭ ᑕᓯᑕᒫᐦᐟ ᑳ ᑎᐯᔨᐦᒋᑫᐟ ᐅᐦᒋ. 46ᐁᑯᓯ ᒣᕒᐃ ᑭ ᐃᑌᐧᐤ,
ᓂᐟ ᐊᒑᕽ ᒪᒥᒋᒣᐤ ᑳ ᑎᐯᔨᐦᒋᑫᔨᐟ,
47ᒥᓇ ᓂᐟ ᐊᒑᕽ ᑭ ᒥᔭᐋᐧᑌᐤ ᑭᓭᒪᓂᑐᐊᐧ ᓄᐱᒪᒋᐃᐁᐧᒪ.
48 #
1 ᓵᒼᔪᐃᓬ 1:11
ᐃᐧᔭ ᐁ ᑭ ᑲᓇᐋᐧᐸᐦᑕᒫᐧᐟ ᐅ ᑕᐸᐦᑌᔨᑖᑯᓯᐃᐧᓂᔨᐤ ᐅᐟ ᐊᑐᐢᑫᔮᑲᓂᐢᑫᐧᒪ: ᐃᐧᔭ ᒫᑎᑲ, ᐊᓄᐦᐨ ᐅᐦᒋ, ᑲᐦᑭᔭᐤ ᑫ ᐊᓂᐢᑫ ᐱᒫᑎᓯᒋᐠ ᒥᔪᐃᑕᑭᒥᑯᐃᐧᓯᐤ ᓂ ᑲ ᐃᑎᑲᐧᐠ.
49ᒋᑫᒫ ᐊᓇ ᑳ ᑭᐦᒑᔨᐃᐧᐟ ᑭᐦᒋ ᑫᑲᐧᔭ ᓂ ᑭ ᑐᑕᒫᐠ ᒥᓇ ᐅᐃᐧᔪᐃᐧᐣ ᑲᓈᑕᓂᔨᐤ.
50ᒥᓇ ᐅ ᑭᓭᐊᐧᑎᓯᐃᐧᐣ ᐊᔮᔨᐊᐧ ᐊᓂᐦᐃ ᑳ ᑯᓯᑫᐧᔨᒥᑯᐟ ᑫ ᐊᑎ ᐊᔮᓂᐢᑫ ᐱᒫᑎᓯᔨᐟ.
51ᑭ ᐋᐧᐸᐦᑕᐦᐃᐁᐧᐤ ᒪᐢᑲᐃᐧᓯᐃᐧᐣ ᐅᐢᐱᑐᐣ ᐅᐦᒋ, ᑭ ᓯᓭᐧᑎᓴᐁᐧᐤ ᑳ ᑭᐢᑌᔨᒧᔨᐟ ᐁ ᐃᓯ ᓈᑲᑕᐁᐧᔨᑕᒥᔨᐟ ᐅ ᑌᐃᔨᕽ.
52 #
ᒍᑊ 5:11; 12:19 ᐅᐟ ᐊᐱᐃᐧᓂᔨᕽ ᐅᐦᒋ ᑭ ᓂᑎᓀᐤ ᑭᐦᒋ ᐅᑭᒫᐊᐧ ᒥᓇ ᑭ ᑭᐢᑌᔨᑖᑯᐁᐤ ᑳ ᑕᐸᐦᑌᔨᑖᑯᓯᔨᐟ.
53ᒥᔪ ᑫᑲᐧᔭ ᐅᐦᒋ ᑭ ᑭᐢᐳᐁᐤ ᑳ ᓄᑌᑲᑌᔨᐟ; ᒫᑲ ᑳ ᐁᐧᔪᑎᓯᔨᐟ ᐱᓯᓯᐠ ᑭ ᓯᐯᐧᑎᓴᐁᐧᐤ.
54ᑭ ᐃᐧᒋᐁᐤ ᐃᐢᕒᐁᐃᓬᐊ ᐅᐟ ᐊᑐᐢᑫᔮᑲᓇ, ᐁ ᑭᐢᑭᓯᑐᑕᕽ ᐊᓂᒪ ᐅ ᑭᓭᐊᐧᑎᓯᐃᐧᐣ.
55 #
ᒉᓂᓯᐢ 17:7
#
1 ᓵᒼᔪᐃᓬ 2:1-10
ᑳ ᑭ ᐃᓯ ᑭᑐᑕᐟ ᑯᑕᐃᐧᓇᐊᐧ ᐁᑊᕒᐁᐊᒪ ᐊᓯᒋ ᐅᐟ ᐊᐋᐧᓯᒥᓯᔨᐊᐧ ᑲᑭᑫ.
56ᐁᑯᓯ ᒣᕒᐃ ᑭ ᐃᐧᒋ ᐊᔭᒣᐤ ᓈᐣᑕᐤ ᓂᐢᑐ ᐱᓯᒼ, ᒥᓇ ᐃᐧᑭᕽ ᑭ ᐃᓯ ᑭᐁᐧᐤ.
57ᐁᑲᐧ ᐃᓬᐃᓭᐱᐟ ᐅ ᑭᓯᑲᒼ ᑭ ᐅᑎᐦᒋᐸᔨᔨᐤ ᑭᑕ ᐋᐧᐸᒫᐊᐧᓱᐟ ᐁᑯᓯ ᑭ ᓂᐦᑖᐃᐧᑭᐦᐁᐤ ᐅᑯᓯᓴ. 58ᐁᑯᓯ ᐅᑐᑌᒪ ᒥᓇ ᐅ ᐊᐧᑯᒪᑲᓇ ᑭ ᐯᑕᒥᔨᐊᐧ, ᑖᓂᓯ ᑳ ᑎᐯᔨᐦᒋᑫᐟ ᐁ ᑭ ᐃᓯ ᐋᐧᐸᐦᑕᐋᐟ ᑭᐦᒋ ᑭᓭᐊᐧᑎᓯᐃᐧᐣ; ᑭ ᐃᐧᒋ ᒥᔪᐊᐧᑕᒧᒣᐊᐧᐠ ᒫᑲ. 59#ᓬᐃᐱᑎᑲᐢ 12:3ᑭ ᐊᔨᑭᕽ ᒫᑲ ᐃᐢᐱ ᐁ ᐊᔨᓇᓀᐅᑭᓯᑲᐠ, ᑭ ᐯ ᐃᑐᐦᑌᐊᐧᐠ ᑭᑕ ᑭᐢᑭᓇᐊᐧᒋᓴᐊᐧᑕᒋᐠ ᐊᐋᐧᓯᓴ; ᐁᑯᓯ ᓴᑳᕒᐋᔭᐢ ᑭ ᐃᐧ ᐃᓯᔨᐦᑳᑌᐊᐧᐠ ᑳ ᐃᓯᔨᐦᑳᓱᔨᐟ ᐅᑖᐃᐧᔭ. 60ᐁᑯᓯ ᒫᑲ ᐅᑳᐃᐧᔭ ᑭ ᓇᐢᑫᐧᐊᐧᓯᐃᑲᐧᐠ ᐁ ᐃᑌᐧᔨᐟ, ᓇᒪᐃᐧᔭ; ᒫᑲ ᒑᐣ ᑭᑕ ᐃᓯᔨᐦᑳᓱ. 61ᐁᑯᓯ ᑭ ᐃᑌᐊᐧᐠ, ᓇᒪᐃᐧᔭ ᐊᐃᐧᔭᐠ ᑭ ᐊᐧᑯᒪᑲᓇᐠ ᐁᑯᓯ ᐃᓯᔨᐦᑳᓱ. 62ᑭ ᐊᔨᑎᓇᒪᐁᐧᐊᐧᐠ ᒫᑲ ᐅᑕᐃᐧᔨᐊᐧ, ᑖᓂᓯ ᑫ ᓇᑕᐁᐧᔨᒪᑫᐧ ᑭᑕ ᐃᓯᔨᐦᑳᓱᔨᐟ. 63ᐁᑯᓯ ᑭ ᓇᑐᑕᒼ ᒪᓯᓇᐦᐃᑫᐃᐧᓈᑎᐟ ᒥᓇ ᑭ ᒪᓯᓇᐦᐃᑫᐤ ᐁ ᐃᑌᐧᐟ ᒑᐣ ᐃᓯᔨᐦᑳᓱᐤ. ᐁᑯᓯ ᑳᑭᔭᐤ ᑭ ᒪᒪᐢᑳᑕᒪᐧᐠ. 64ᐁᑯᓯ ᐅᑐᐣ ᓭᒫᐠ ᑭ ᐸᐢᑭᑌᓂᑳᑌᔨᐤ, ᒥᓇ ᐅᑌᔭᓂ ᑭ ᐋᐸᐃᑳᑌᔨᐤ, ᐁᑯᓯ ᒫᑲ ᑭ ᐱᑭᐢᑫᐧᐤ, ᒥᓇ ᐁ ᑭ ᒪᒥᒋᒫᐟ ᑭᓭᒪᓂᑐᐊᐧ. 65ᓭᑭᓯᐃᐧᐣ ᒫᑲ ᑭ ᐅᑎᐦᑎᑲᐧᐠ ᑲᐦᑭᔭᐤ ᐊᐧᓴᑲᒼ ᐁᑯᑕ ᑳ ᑭ ᐊᔮᒋᐠ: ᒥᓇ ᑲᐦᑭᔭᐤ ᐅᐦᐃ ᐱᑭᐢᑫᐧᐃᐧᓇ ᑭ ᐯᑕᑲᐧᓇᐧ ᒥᓯᐁᐧ ᐊᓂᑕ ᐊᔭᐸᑎᓈᐃᐧ ᐊᐢᑭᕽ ᒍᑕᐃᕽ. 66ᑲᐦᑭᔭᐤ ᒫᑲ ᑳ ᑭ ᐯᐦᑕᐦᑭᐠ ᑭ ᓇᐊᐢᑖᐊᐧᐠ ᐅᑌᐃᐊᐧᕽ, ᐁ ᐃᑌᐧᒋᐠ, ᑖᓂᓯ ᐅᒪ ᑫ ᑐᐃᐧᑲᓂᐃᐧᐟ ᐊᐊᐧ ᐊᐋᐧᓯᐢ? ᐅᒋᐦᒋᔨᐤ ᒫᑲ ᑳ ᑎᐯᔨᐦᒋᑫᔨᐟ ᑭ ᐃᐧᒉᐃᐧᐠ.
67ᐁᑯᓯ ᐅᑕᐃᐧᔭ ᓴᑳᕒᐋᔭᓴ ᑭ ᓴᑲᐢᑭᓀᐢᑳᑯᔨᐊᐧ ᑲᓇᒋ ᐊᐦᒑᐦᑲᐧ ᐁᑯᓯ ᒫᑲ ᐁ ᑭ ᑭᐢᑭᐁᐧᐦᐃᑫᐟ, ᐁ ᐃᑌᐧᐟ,
68ᑭᑕ ᒥᔪ ᑭᐢᐊᐧᑕᐤ ᑳ ᑎᐯᔨᐦᒋᑫᐟ, ᐅ ᑭᓭᒪᓂᑐᒪ ᐃᐢᕒᐁᐃᓬ, ᒋᑫᒫ ᑭ ᑭᐅᑲᐁᐧᐤ ᒥᓇ ᑭ ᑎᐸᐦᐃᑫᐢᑕᒪᐁᐧᐤ ᐅᐟ ᐊᔨᓯᔨᓂᒪ,
69ᒥᓇ ᑭ ᑭ ᐸᓯᑯᓄᒫᑯᓇᐤ ᐱᒪᒋᐃᑯᐃᐧᓯᐃᐧᐣ ᐅ ᐊᐧᐢᑲᐃᑳᓂᔨᕽ ᐅᐟ ᐊᑐᐢᑫᔮᑲᓇ ᑌᐱᑕ.
70ᑳ ᑭ ᐃᓯ ᐱᑭᐢᑫᐧᐟ ᐅ ᑲᓇᒋ ᑭᐢᑭᐁᐧᐦᐃᑫᒪ ᐅᑐᓂᔨᕽ ᐅᐦᒋ ᑳ ᑭ ᐯ ᐊᔨᑭᓂᔨᐠ ᐊᐢᐱᐣ ᑳ ᐯ ᐊᐢᑭᐊᐧᕽ,
71ᑭ ᓄᑎᓇᑳᓂᓇᐊᐧᐠ ᐅᐦᒋ ᑭᑕ ᐱᒪᒋᐃᑲᐃᐧᔭᕽ, ᒥᓇ ᐅᒋᐦᒋᐋᐧᕽ ᐊᓂᑭ ᑲᐦᑭᔭᐤ ᑳ ᐸᑲᐧᑎᑯᔭᑯᐠ;
72ᑭᑕ ᑎᐱᐸᔨᑕᒪᐋᐧᐟ ᑭᑎᒫᑭᓈᑫᐃᐧᐣ ᑯᑖᐃᐧᓇᐊᐧ ᒥᓇ ᑭᑕ ᑭᐢᑭᓯᑐᑕᕽ ᐅ ᑳᓇᒋ ᑭᐢᑭᑐᐃᐧᐣ;
73ᐊᓂᒪ ᑭᐦᒋ ᐃᑌᐧᐃᐧᐣ ᑳ ᑭ ᑭᐦᒋ ᐃᑖᐟ ᐁᑊᕒᐁᐋᒪ ᑯᑕᐃᐧᓇᐊᐧ,
74ᑭᑕ ᐃᓯ ᐸᑭᑎᓇᒫᑯᔭᕽ ᐁ ᑭ ᐱᒫᒋᐃᑯᔭᕽ ᑭ ᓄᑎᓈᑲᓂᓇᐊᐧᐠ ᐅᐦᒋ ᑭᑕ ᐊᑐᐢᑲᐊᐧᔭᐠ ᐁᑳ ᑭᑕ ᐊᐢᑖᓯᔭᕽ,
75ᑲᓈᑎᓯᐃᐧᓂᕽ ᒥᓇ ᑲᐧᔭᐢᑳᐧᑎᓯᐃᐧᓂᕽ ᐁᑕᐢᑕᒥᐟ ᑲᐦᑭᔭᐤ ᑭ ᑭᓯᑲᒥᓇᕽ.
76 #
ᒫᓬᐊᑲᐩ 3:1
ᐁᐦᐊ ᑭᔭ ᒫᑲ, ᐊᐋᐧᓯᐢ. ᑭ ᑲ ᐃᓯᔨᐦᑳᑎᑲᐃᐧᐣ ᐅᑭᐢᑭᐁᐧᐦᐃᑫᒪ ᒫᐊᐧᒋ ᑳ ᑭᐦᒑᔨᐃᐧᐟ: ᒋᑫᒫ ᑭ ᑲ ᓂᑳᓄᑕᐋᐧᐤ ᑳ ᑎᐯᔨᐦᒋᑫᐟ, ᑭᑕ ᑲᐧᔮᒋᑕᒪᐊᐧᐟ ᐅ ᒣᐢᑲᓈᒪ:
77ᐅᐟ ᐊᔨᓯᔨᓂᒪ ᐱᒫᑎᓯᐃᐧᐣ ᑭᑕ ᑭᐢᑫᔨᑕᒧᐋᐟ ᐁᐳᓀᔨᑕᒫᒥᐟ ᐅ ᒪᒋᐃᑎᐃᐧᓂᔨᐊᐧ.
78ᒋᑫᒫ ᐁ ᐃᓯ ᑭᑎᒪᑫᔨᒥᐁᐧᒪᑲᓂᔨᐠ, ᐅ ᑭᓭᐋᐧᑎᓯᐃᐧᐣ ᑭ ᑭᓭᒪᓂᑐᒥᓇᐤ, ᑫ ᐅᑎᐦᑎᑯᔭᕽ, ᐁ ᑭᓯᑳᓈᑲᐧᕽ ᐃᐢᐱᒥᕽ ᐅᐦᒋ,
79 #
ᐊᐩᓵᔭ 9:2
ᑭᑕ ᒥᔮᐟ ᐋᐧᐢᑌᐤ ᐊᓂᐦᐃ ᑳ ᐊᐱᔨᐟ ᑲᐢᑭᑎᐱᐢᑲᕽ ᒥᓇ ᐃᑕ ᑳ ᐊᑲᐊᐧᐢᑌᐢᑳᑫᒪᑲᕽ ᓂᐳᐃᐧᐣ; ᑭᑕ ᑭᐢᑭᓄᑕᑖᐟ ᑭᓯᑎᓇᐊᐧ ᐯᔭᑕᑫᔨᒧᐃᐧᓂᕽ ᐃᓯ.
80ᐁᑯᓯ ᐊᓇ ᐊᐋᐧᓯᐢ ᑭ ᐅᐱᑭᐤ ᒥᓇ ᑭ ᐊᑎ ᒪᐢᑲᐃᐧᓯᐤ ᐅᐟ ᐊᒑᐦᑯᕽ, ᒥᓇ ᑭ ᐊᔮᐤ ᐱᑲᐧᑕᐢᑭᕽ ᐹᑎᒫ ᐊᓂᒪ ᑭᓯᑳᐤ ᐁ ᓄᑯᐦᐃᓱᐢᑕᐋᐧᐟ ᐃᐢᕒᐁᐃᓬᐊ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.