ᐦᐋᓯᔭ 4
4
1ᓇᑐᐦᑕᒫᐧᕽ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑭᔭᐋᐧᐤ ᐃᐢᕒᐁᐃᓬ ᐅᐟ ᐊᐋᐧᓯᒥᓴ; ᒋᑫᒫ ᑳ ᑎᐯᔨᐦᒋᑫᐟ ᐋᓀᐧᔨᒣᐤ ᐅᑕ ᐊᐢᑭᕽ ᑳ ᐅᐟ ᐃᐦᑖᐃᐧᓂᔨᐟ, ᐃᐧᔭ ᐁᑳ ᐁ ᐃᐦᑕᑲᐧᕽ ᑖᐯᐧᐃᐧᐣ ᐊᐦᐳ ᑭᓭᐋᐧᑎᓯᐃᐧᐣ, ᐁᑳ ᐁ ᑭᐢᑫᔨᒥᐦᐟ ᑭᓭᒪᓂᑐ ᐅᒪ ᐊᐢᑭ. 2ᓇᒪ ᑫᑲᐧᐩ ᐱᑯ ᒪᒋᐃᑌᐧᐃᐧᐣ ᒥᓇ ᑭᔮᐢᑭᐃᐧᐣ, ᒥᓇ ᓂᐸᑖᑫᐃᐧᐣ ᒥᓇ ᑭᒧᑎᐃᐧᐣ, ᒥᓇ ᐱᓯᑳᐧᑎᓯᐃᐧᐣ; ᓇᓂᓯᐊᐧᓈᑎᓂᑫᐊᐧᐠ ᐁᑯᓯ ᒥᐦᑯ ᓵᒥᐢᑲᒼ ᒥᐦᑯ. 3ᐁᐊᐧᑯ ᐅᐦᒋ ᐊᐢᑭ ᑭᑕ ᑲᑳᐧᑕᑲᑌᐧᒧᒪᑲᐣ, ᒥᓇ ᑲᐦᑭᔭᐤ ᐊᐃᐧᔭᐠ ᐁᑯᑕ ᑳ ᐊᔮᐟ ᑭᑕ ᓀᓱᐃᐧᓯᐤ, ᑭᑭ ᐱᓯᐢᑭᐊᐧᐠ ᐱᑲᐧᒑᔨᕽ ᒥᓇ ᐱᔦᓯᐊᐧᐠ ᓇᔦᐊᐧᒋᑭᓯᑯᕽ; ᐁᐦᐁ, ᑭᓄᓭᐊᐧᐠ ᑭᐦᒋᑲᒥᕽ ᒥᓇ ᑭᑕ ᓯᐯᐧᑕᐋᐊᐧᐠ. 4ᐁᑳᐃᐧᔭ ᒫᑲ ᐊᐃᐧᔭᐠ ᐊᔨᓯᔨᓂᐤ ᑭᑕ ᑲᑫᐧ ᓵᑯᒋᐦᐃᐁᐧᐤ, ᐊᐦᐳ ᑭᑕ ᑭᑐᑌᐤ ᑯᑕᑲ; ᒋᑫᒫ ᑭᐟ ᐊᔨᓯᔨᓂᒪᐠ ᑖᐱᐢᑯᐨ ᐊᓂᑭ ᑳ ᑲᑫᐧ ᓵᑯᒋᒫᒋᐠ ᐊᔭᒥᐦᐁᐃᐧᔨᓂᐊᐧ. 5ᑭ ᑲ ᐸᐦᑭᓯᓂᐣ ᒫᑲ ᐁ ᑭᓯᑳᐠ, ᒥᓇ ᐅᑭᐢᑭᐁᐧᐦᐃᑫᐤ ᑭ ᑲ ᓂᓱ ᐸᐦᑭᓯᓂᓈᐋᐧᐤ ᐁ ᑎᐱᐢᑳᐠ; ᐁᑯᓯ ᓂ ᑲ ᓂᓯᐊᐧᓈᒋᐦᐋᐤ ᑭᑳᐃᐧ.
6ᓂᐟ ᐊᔨᓯᔨᓂᒪᐠ ᓂᓯᐊᐧᓈᑎᓯᐊᐧᐠ ᐁ ᑭᐧᑕᒫᒋᐠ ᑭᐢᑫᔨᑕᒧᐃᐧᐣ; ᒋᑫᒫ ᐁ ᑭ ᐋᑕᐁᐧᔨᑕᒪᐣ ᑭᐢᑫᔨᑕᒧᐃᐧᐣ, ᓂᐢᑕ ᑭ ᑲ ᐋᑕᐁᐧᔨᒥᑎᐣ, ᐁᑳ ᑭᔭ ᑭᑕ ᐅᐟ ᐊᔭᒥᐦᐁᐃᐧᔨᓂᒥᔮᐣ; ᐃᐧᔭ ᐁ ᑭ ᐊᐧᓂᑭᐢᑭᓯᑐᑕᒪᐧᐟ ᐅᔭᓱᐁᐧᐃᐧᐣ ᑭ ᑭᓭᒪᓂᑐᒼ, ᓂᐢᑕ ᓂ ᑲ ᐊᐧᓂᑭᐢᑭᓯᐣ ᑭᐟ ᐊᐋᐧᓯᒥᓴᐠ. 7ᐁ ᐊᑎ ᐃᓯ ᒥᐦᒉᑎᒋᐠ ᓂᐟ ᐊᑎ ᐃᓯ ᒪᒋᑐᑖᑲᐧᐠ; ᓂ ᑲ ᑫᐧᐢᑭᓇᒫᐧᐣ ᐅ ᑭᐢᑌᔨᑖᑯᓯᐃᐧᓂᐋᐧᐤ ᑭᑕ ᓇᓀᐯᐃᐧᓯᒋᐠ. 8ᐅᐦᑕᒋᑫᐊᐧᐠ ᐅ ᒪᒋᑐᑕᒧᐃᐧᓂᔨᐤ ᓂᐟ ᐊᔨᓯᔨᓂᒪ, ᒥᓇ ᐅ ᒪᒋᐃᑎᐃᐧᓂᔨᐤ ᐃᓯᑌᐦᐁᐢᑕᒪᐧᐠ. 9ᑭᑕ ᐃᐢᐸᔨᐤ ᒫᑲ ᑖᐱᐢᑯᐨ ᐊᔨᓯᔨᓂᐊᐧᐠ, ᐁᑯᓯ ᒥᓇ ᐊᔭᒥᐦᐁᐃᐧᔨᓂᐤ; ᓂ ᑲ ᑲᑫᐢᑭᒧᐋᐊᐧᐠ ᒫᑲ ᐅᐟ ᐃᓯᐦᒋᑫᐃᐧᓂᐋᐧᐊᐧ ᐅᐦᒋ, ᒥᓇ ᓂ ᑲ ᑎᐸᐦᐊᒪᐋᐧᐊᐧᐠ ᐅᐟ ᐃᑐᑕᒧᐃᐧᓂᐋᐧᐊᐧ. 10ᐁᑯᓯ ᑭᑕ ᒥᒋᓱᐊᐧᐠ ᒫᑲ ᓇᒪᐃᐧᔭ ᐁᑯᔨᑯᕽ ᑭᑕ ᐊᔮᐊᐧᐠ; ᑭᑕ ᐱᓯᑳᐧᑎᓯᐊᐧᐠ ᒫᑲ ᓇᒪᐃᐧᔭ ᐊᐊᐧᓯᒣ ᑭᑕ ᐊᑎ ᒥᐦᒉᑎᐊᐧᐠ; ᒋᑫᒫ ᑭ ᐳᓂᑖᐊᐧᐠ ᑭᑕ ᐊᔮᑳᐧᒥᓯᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ. 11ᐱᓯᑳᐧᑎᓯᐃᐧᐣ ᒥᓇ ᓱᒥᓈᐳ ᒥᓇ ᐅᐢᑭ ᓱᒥᓈᐳ ᒪᐢᑲᑌᐧᒪᑲᓇᐧ ᓂᓯᑐᐦᑕᒧᐃᐧᐣ.
12ᓂᐟ ᐊᔨᓯᔨᓂᒪᐠ ᑲᑫᐧᒋᒣᐊᐧᐠ ᐅ ᒥᐢᑎᑯᒥᐋᐧᐊᐧ, ᒥᓇ ᐅ ᓴᐢᑲᐅᓈᑎᑯᐋᐧᐤ ᐋᒋᒧᐢᑖᑲᐧᐠ; ᒋᑫᒫ ᐱᓯᑳᐧᑎᓯᐃᐧ ᒥᑐᓀᔨᒋᑲᐣ ᑭ ᐊᐧᓂᒥᑎᒣᑕᐃᑲᐧᐠ, ᒥᓇ ᑭ ᐸᐹᒥ ᐱᓯᑳᐧᑎᓯᐊᐧᐠ ᐁ ᓇᑲᑖᒋᐠ ᐅ ᑭᓭᒪᓂᑐᒥᐋᐧᐊᐧ. 13ᐃᐦᑕᓯ ᒪᒍᐢᑌᐦᐊᒫᑫᐊᐧᐠ ᑕᐦᑯᑖᒪᑎᐣ ᐊᐧᒋᕽ, ᒥᓇ ᐃᐧᑭᒫᓯᑫᐊᐧᐠ ᒑᑲᑎᓈᕽ, ᓯᐹ ᒪᐢᑲᐋᐧᑎᑲᐧ ᒥᓇ ᒥᑐᓴ ᒥᓇ ᑌᕒᐃᐱᐣᑕ, ᐃᐧᔭ ᐁᑯᑕ ᐁ ᒥᔪ ᐋᑲᐋᐧᐢᑌᔮᐠ; ᐁᐊᐧᑯ ᐅᐦᒋ ᑭᑖᓂᓯᐋᐧᐊᐧᐠ ᐱᓯᑳᐧᑎᓯᐊᐧᐠ ᒥᓇ ᑯᐢᑭᐢᑫᐧᐋᐧᓂᐋᐧᐊᐧᐠ ᐃᐦᑐᑕᒪᐧᐠ ᐱᓯᑳᐧᑎᓯᐃᐧᐣ. 14ᓇᒪᐃᐧᔭ ᓂ ᑲ ᑲᑫᐢᑭᒧᐋᐊᐧᐠ ᑭᑖᓂᓯᐋᐧᐊᐧᐠ ᐁ ᐱᓯᑳᐧᑎᓯᒋᐠ, ᐊᐦᐳ ᑯᐢᑭᐢᑫᐧᐋᐧᓂᐋᐧᐊᐧᐠ ᐃᐦᑐᑕᑳᐧᐃᐧ ᐱᓯᑳᐧᑎᓯᐃᐧᐣ; ᒋᑫᒫ ᐃᐧᔭᐋᐧᐤ ᑫᐦᒋᐋᐧᐠ ᐅᐦᐱᒣ ᐃᐧᒉᐁᐧᐊᐧᐠ ᐱᓯᑳᐧᑎᐢᑫᐧᐊᐧ, ᒥᓇ ᐃᐧᒉᐁᐧᐊᐧᐠ ᐱᓯᑳᐧᑎᐢᑫᐧᐊᐧ ᐁ ᒪᒍᐢᑌᐦᐊᒫᑫᒋᐠ; ᐊᔨᓯᔨᓂᐊᐧᐠ ᒫᑲ ᐁᑳ ᑳ ᓂᓯᑐᐦᑕᑭᐠ ᑭᑕ ᑲᐃᐧᐁᐧᐱᓈᐊᐧᐠ.
15ᐋᑕ ᑭᔭ ᐃᐢᕒᐁᐃᓬ ᐱᓯᑳᐧᑕᑲᒥᑭᓯᔭᓂ, ᐁᔨᐁᐧᕽ ᐁᑳᐃᐧᔭ ᒍᑕ ᑭᑕ ᓇᔦᐦᑖᐃᐧᑐᑕᒼ; ᒥᓇ ᐁᑳᐃᐧᔭ ᑭᔭᐋᐧᐤ ᐯ ᐃᑐᐦᑌᐠ ᑭᓬᑳᓬᐃᕽ, ᐊᐦᐳ ᐁᑳᐃᐧᔭ ᑭᔭᐋᐧᐤ ᐃᑐᐦᑌᐠ ᐯᐟᐁᐱᓂᕽ ᒥᓇ ᐁᑳᐃᐧᔭ ᐃᓯ ᑭᐦᒋᐃᑌᐧᐠ, ᐁ ᐃᓯ ᐱᒫᑎᓯᐟ ᑳ ᑎᐯᔨᐦᒋᑫᐟ. 16ᒋᑫᒫ ᐃᐢᕒᐁᐃᓬ ᑭ ᓴᓯᐱᑕᒧᐃᐧ ᐃᓯᐦᒋᑫᐤ, ᑖᐱᐢᑯᐨ ᐅᓂᒑᓂᓯᐢ ᐁ ᓴᓯᐱᑕᕽ; ᐁᑲᐧ ᒫᑲ ᑳ ᑎᐯᔨᐦᒋᑫᐟ ᑭᑕ ᐊᓴᒣᐤ ᑖᐱᐢᑯᐨ ᒫᔭᑎᐦᑯᓯᐢ ᑌᓂᓴᐋᐧᕽ. 17ᐃᐸᕒᐁᐃᒼ ᐃᐧᒉᐁᐧᐤ ᒪᓂᑐᑳᓇ; ᑭᔮᒼ ᐁᑳᐃᐧᔭ ᐱᓯᐢᑫᔨᒥᕽ. 18ᐅ ᒥᓂᐦᑫᐧᐃᐧᓂᐋᐧᐤ ᐊᑎ ᓯᐃᐧᑳᔨᐤ; ᑕᐦᑭ ᐃᑐᑕᒪᐧᐠ ᐱᓯᑳᐧᑎᓯᐃᐧᐣ; ᐅᔭᓱᐁᐧᐃᐧᔨᓂᒪ ᒥᐢᑕᐦᐃ ᓵᑭᐦᑖᔨᐊᐧ ᓇᓀᐯᐃᐧᓯᐃᐧᐣ. 19ᔪᑎᐣ ᑭ ᐁᐧᐁᐧᑭᓂᐠ ᐅᑕᑕᑲᐧᓂᕽ; ᐁᑯᓯ ᑭᑕ ᓇᓀᐯᐃᐧᓯᐊᐧᐠ ᐅ ᒪᒍᐢᑌᐦᐊᒫᑫᐃᐧᓂᐋᐧᐊᐧ ᐅᐦᒋ.
Iliyochaguliwa sasa
ᐦᐋᓯᔭ 4: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.