ᐦᐋᓯᔭ 2
2
1ᐃᐧᐦᑕᒫᑯᐠ ᑭᒋᐋᐧᒥᐋᐧᐊᐧᐠ ᐋᒪᐩ; ᒥᓇ ᑭᑕᐁᐧᒫᐋᐧᐊᐧᐠ ᕒᐅᐦᐋᒪ.
2ᑭᑐᑎᐠ ᑭᑳᐃᐧᐋᐧᐤ, ᑭᑐᑎᕽ; ᒋᑫᒫ ᓇᒪᔦᐤ ᓂᐊᐧ, ᒥᓇ ᓇᒪᔦᐤ ᓂᔭ ᐅ ᓈᐯᒪ; ᑭᔮᒼ ᒫᑲ ᑭᑕ ᐳᓂᐦᑖᐤ ᐅ ᐱᓯᑳᐧᑎᓯᐃᐧᓇ ᐅᑳᐧᑲᓂᕽ ᐅᐦᒋ, ᒥᓇ ᐅ ᒫᒪᐃᐧᐦᐃᑐᐃᐧᓇ ᐅᑐᑐᓯᒥᕽ ᐅᐦᒋ; 3ᐁᑳ ᑭᑕ ᒧᓭᐢᑲᑌᐱᑕᐠ, ᒥᓇ ᑭᑕ ᐃᓯᓈᑯᐊᐠ ᑳ ᑭ ᐃᓯᓈᑯᐊᐠ ᐃᐢᐱ ᐁ ᓂᐦᑖᐃᐧᑭᐟ; ᑖᐱᐢᑯᐨ ᐱᑲᐧᑕᐢᑭ ᑭᑕ ᐃᑕᔭᐠ, ᒥᓇ ᑭᑕ ᐃᑕᔭᐠ ᑖᐱᐢᑯᐨ ᐹᐢᑌᐃᐧ ᐊᐢᑭ, ᒥᓇ ᑭᑕ ᓂᐸᐊᐠ ᓄᑌᔮᐹᑫᐧᐃᐧᐣ ᐅᐦᒋ; 4ᐁᐦᐁ, ᐅᐟ ᐊᐋᐧᓯᒥᓴ ᓇᒪᐃᐧᔭ ᓂ ᑲ ᑭᑎᒫᑭᓈᒫᐊᐧ; ᒋᑫᒫ ᐱᓯᑳᐧᑎᓯᐃᐧᐣ ᑳ ᐅᐦᒋ ᓄᑯᓯᒋᐠ. 5ᒋᑫᒫ ᐅᑳᐃᐧᐋᐧᐊᐧ ᑭ ᓄᒋᐦᑖᔨᐊᐧ ᐱᓯᑳᐧᑎᓯᐃᐧᐣ; ᐊᓂᐦᐃ ᑳ ᑭ ᓂᐦᑖᐃᐧᑭᐃᑯᒋᐠ ᑭ ᓇᓀᐯᐃᐧ ᐊᔨᑎᔨᐊᐧ; ᒋᑫᒫ ᑭ ᐃᑌᐧᐤ, ᓂ ᑲ ᐱᒥᑎᓴᐋᐧᐊᐧᐠ ᓂ ᓵᑭᐦᐋᑲᓇᐠ, ᑳ ᐅᐦᑎᓇᒪᐃᐧᒋᐠ ᓂ ᐸᐦᑫᐧᓯᑲᓂᒪ ᒥᓇ ᓂ ᓂᐱᒼ, ᓂ ᒫᔭᑎᐦᑯᐱᐋᐧᒪ ᒥᓇ ᓂ ᐋᐧᐱᐢᑫᑭᓄᑳᐣ, ᓂ ᐱᒥᒼ ᒥᓇ ᓂ ᒥᓂᐦᑫᐧᐃᐧᐣ.
6ᐁᐊᐧᑯ ᐅᐦᒋ, ᒫᑎᑲ, ᓂ ᑲ ᓴᑳᑲᑌᐣ ᑭ ᒣᐢᑲᓇᐤ ᒥᓯᑳᐃᐧᒥᓇᑲᓯᔭ ᐅᐦᒋ, ᒥᓇ ᓂ ᑲ ᒣᓂᑭᑲᑕᐋᐧᐤ, ᐁᑳ ᑭᑕ ᑭ ᒥᐢᑲᕽ ᐅ ᒣᐢᑲᓇᐊᐧ. 7ᑭᑕ ᐱᒥᑎᓴᐁᐧᐤ ᒫᑲ ᐅ ᓵᑭᐦᐋᑲᓇ ᒫᑲ ᓇᒪᐃᐧᔭ ᑭᑕ ᐊᑎᒣᐤ; ᐁᑲᐧ ᑭᑕ ᐃᑌᐧᐤ, ᑳᐃᐧ ᓂ ᑲ ᓈᑖᐤ ᓂᐢᑕᒼ ᓂ ᓈᐯᒼ; ᒋᑫᒫ ᓇᐊᐧᐨ ᐁᑯᐢᐱ ᓂ ᑭ ᒥᔪᐊᔮᐣ ᐃᔨᑯᕽ ᐃᐧᔭ ᐊᓄᐦᐨ.
8ᒋᑫᒫ ᓇᒪᐃᐧᔭ ᑭᐢᑫᔨᑕᒼ ᓂᔭ ᐁ ᑭ ᒥᔭᐠ ᐸᐦᑫᐧᓯᑲᓂᑳᓇ, ᒥᓇ ᓱᒥᓈᐳ, ᒥᓇ ᐱᒥ, ᒥᓇ ᐁ ᑭ ᔭᑭᑐᐊᐧᐠ ᐋᐧᐱᐢᑭᓱᓂᔮᐊᐧ ᒥᓇ ᐅᓵᐃᐧᓱᓂᔮᐊᐧ, ᑳ ᐋᐸᒋᐋᒋᐠ ᐁ ᐅᓯᐦᐋᒋᐠ ᐯᐊᓬᐊ. 9ᐁᑯᓯ ᒫᑲ ᑳᐃᐧ ᓂ ᑲ ᐅᑎᓈᐤ ᓂ ᐸᐦᑫᐧᓯᑲᓂᑳᐣ ᐃᐢᐱ ᓂᐦᑖᐃᐧᑭᒋ, ᒥᓇ ᓂ ᑲ ᐅᑎᓀᐣ ᓂ ᒫᔭᑎᐦᑯᐱᐊᐧᔭ ᒥᓇ ᓂ ᐋᐧᐱᐢᑫᑭᓄᑳᐣ ᐊᓂᒪ ᑭᑕ ᑭ ᐅᐦᒋ ᐊᑲᐧᓇᐦᐊᕽ ᐅ ᒧᓭᐢᑲᑌᐃᐧᐣ. 10ᐁᑲᐧ ᒫᑲ ᒧᓯᐢ ᓂ ᑲ ᓄᑯᑖᐋᐧᐣ ᐅ ᐱᓯᑳᐧᑎᓯᐃᐧᐣ ᐁ ᐋᐧᐸᐦᑕᒥᔨᐟ ᑲᐦᑭᔭᐤ ᐅ ᓵᑭᐦᐋᑲᓇ, ᓇᒪᐃᐧᔭ ᒫᑲ ᐊᐃᐧᔭ ᑭᑕ ᑭ ᐸᐢᐱᐦᐃᐠ ᓂᒋᐦᒋᕽ ᐅᐦᒋ. 11ᑲᐦᑭᔭᐤ ᒫᑲ ᐅ ᒥᔭᐋᐧᑎᑯᑖᐃᐧᐣ ᓂ ᑲ ᑭᐱᑎᓇᒫᐧᐣ, ᐅ ᐃᐧᐦᑯᐦᑐᐃᐧᓇ, ᐅᐢᑭ ᐱᓯᒧᒪ, ᒥᓇ ᐅᐟ ᐊᔦᐧᐱᐃᐧᑭᓯᑳᒪ, ᒥᓇ ᑲᐦᑭᔭᐤ ᑳ ᐊᔮᑳᐧᒣᔨᑖᑲᐧᓂᔨᑭ ᐅ ᒫᐊᐧᒋᐦᐃᑐᐃᐧᓇ. 12ᐁᑯᓯ ᒥᓇ ᐅ ᓱᒥᓈᑎᑯᒪ ᒥᓇ ᐅ ᒥᓂᓵᑎᑯᒪ ᓂ ᑲ ᓂᓯᐊᐧᓈᒋᐃᒫᐊᐧ, ᐊᓂᐦᐃ ᑳ ᑭ ᐃᑖᐟ, ᐁᐊᐧᑯᓂ ᐅᐦᐃ ᐁ ᑎᐸᐦᐊᒪᐃᐧᒋᐠ ᓂ ᓵᑭᐦᐋᑲᓇᐠ; ᐁᑯᓯ ᐱᑲᐧᑖᐢᑫᐧᔮᐤ ᓂ ᑲ ᐃᓯᐦᐋᐊᐧᐠ, ᐱᑲᐧᒋᐱᓯᐢᑭᐊᐧᐠ ᒫᑲ ᑭᑕ ᒧᐁᐧᐊᐧᐠ. 13ᓂ ᑲ ᓇᑕᐋᐧᐯᓈᐋᐧᐤ ᒫᑲ ᐊᓂᐦᐃ ᐯᐊᓬᐃᒼ ᑭᓯᑳᐊᐧ, ᐊᓂᐦᐃ ᑳ ᑭ ᐃᐧᑭᒫᓴᒪᐋᐧᐟ; ᐃᐢᐱ ᑳ ᑭ ᐊᐧᐁᐧᓯᐅᐋᐧᑫᐟ ᐅ ᑖᐱᑌᐱᓱᓇ ᒥᓇ ᐅ ᐊᐧᐁᐧᓯᐅᓈᐱᐢᑯᒪ, ᒥᓇ ᑳ ᑭ ᐱᒥᑎᓴᐋᐧᐟ ᐅ ᓵᑭᐦᐋᑲᓇ, ᒥᓇ ᑳ ᑭ ᐊᐧᓂᑭᐢᑭᓯᑐᑕᐃᐧᐟ ᓂᔭ, ᐃᑌᐧᐤ ᑳ ᑎᐯᔨᐦᒋᑫᐟ.
14ᐁᑯᓯ ᒫᑲ, ᒫᑎᑲ, ᓂ ᑲ ᐅᒋᐋᐤ, ᒥᓇ ᓂ ᑲ ᐃᑐᑕᐋᐤ ᐱᑲᐧᑕᐢᑭᕽ, ᒥᓇ ᓂ ᑲ ᑳᑭᒋᐋᐤ. 15#ᒑᐢᔪᐊ 7:24-26ᓂ ᑲ ᒥᔮᐤ ᒫᑲ ᐅ ᓱᒥᓂᑭᐢᑎᑳᓇ ᐁᑯᑕ ᐅᐦᒋ, ᒥᓇ ᐁᑯᕒ ᐋᐧᔭᑎᓈᐤ ᑭᑕ ᐅᐦᒋ ᐸᐢᐱᐊᐧᑫᔨᒧᐟ; ᑭᑕ ᓇᐢᑫᐧᐊᐧᓯᐃᐁᐧᐤ ᒫᑲ ᐁᑯᑕ ᑖᐱᐢᑯᐨ ᐃᐢᐱ ᐁ ᐅᐢᑳᑎᓯᐟ, ᒥᓇ ᑖᐱᐢᑯᐨ ᐃᐢᐱ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᑐᑌᐟ. 16ᑭᑕ ᐃᐢᐸᔨᐤ ᒫᑲ ᐁᐊᐧᑯ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ, ᐃᓴᐩ ᑭ ᑲ ᐃᓯᔨᐦᑳᓯᐣ; ᓇᒪᐃᐧᔭ ᒫᑲ ᐯᐊᓬᐊᐩ ᑭ ᑲ ᐃᓯᔨᐦᑳᓯᐣ. 17ᒋᑫᒫ ᐅ ᐃᐧᔪᐃᐧᓇ ᐯᐊᓬᐃᒼ ᓂ ᑲ ᐅᑎᓇᒫᐧᐣ ᐅᑐᓂᕽ ᐅᐦᒋ, ᓇᒪᐃᐧᔭ ᒫᑲ ᐃᐧᑳᐨ ᒥᓇ ᑭᑕ ᐃᐧᔨᐦᒋᐠ. 18ᐁᐊᐧᑳᐧᓂᒪ ᒫᑲ ᑭᓯᑳᑭ ᓂ ᑲ ᒥᔨᒫᐊᐧ ᐊᓱᑕᒫᑫᐃᐧᐣ ᐃᐧᔭᐋᐧᐤ ᐅᐦᒋ ᐱᑲᐧᒋ ᐱᓯᐢᑭᐊᐧ ᒥᓇ ᐱᔦᓯᐊᐧ ᓇᔦᐊᐧᒋᑭᓯᑯᕽ, ᒥᓇ ᑳ ᐸᐹᒥᑖᒋᒧᔨᐟ ᒧᒋᕽ; ᐁᑯᓯ ᓂ ᑲ ᐱᑯᓈᐤ ᐊᐦᒑᐱ ᒥᓇ ᓂ ᑲ ᑭᐱᑎᓀᐣ ᐃᓴᐁᐧᐢᐠ ᒥᓇ ᓄᑎᓂᑐᐃᐧᐣ ᐁᑯᑕ ᐊᐢᑭᕽ, ᒥᓇ ᓂ ᑲ ᒥᔮᐊᐧᐠ ᑭᑕ ᓇᐃᓯᑭᐠ ᐁᑳ ᐁ ᐊᐢᑖᓯᒋᐠ.
19ᑭ ᑲ ᑭᐢᑭᐢᑫᐧᐊᐧᒥᑎᐣ ᒫᑲ ᑳᑭᑫ; ᐁᐦᐁ. ᑭ ᑲ ᑭᐢᑭᐢᑫᐧᐊᐧᒥᑎᐣ ᑲᐧᔭᐢᑭᑖᑎᓯᐃᐧᓂᕽ, ᒥᓇ ᐅᔭᓱᐋᐧᓯᐁᐧᐃᐧᓂᕽ, ᒥᓇ ᓵᑭᐦᐃᐁᐧᐃᐧᓂᕽ, ᒥᓇ ᑭᓭᐋᐧᑎᓯᐃᐧᓂᕽ. 20ᑭ ᑲ ᑭᐢᑭᐢᑫᐧᐊᐧᒥᑎᐣ ᒫᑲ ᐊᔮᑳᐧᒥᓯᐃᐧᓂᕽ; ᐁᑯᓯ ᑭ ᑲ ᑭᐢᑫᔨᒫᐤ ᑳ ᑎᐯᔨᐦᒋᑫᐟ. 21ᑭᑕ ᐃᐦᑭᐣ ᒫᑲ ᐁᐊᐧᑳᐧᓂᒪ ᑭᓯᑳᑭ, ᓂ ᑲ ᓇᐢᑫᐧᐊᐧᓯᑖᐣ, ᐃᑌᐧᐤ ᑳ ᑎᐯᔨᐦᒋᑫᐟ, ᓂ ᑲ ᓇᐢᑫᐧᐊᐧᓯᑖᐣ ᑭᓯᑲᐧ, ᐁᑯᓯ ᑭᑕ ᓇᐢᑫᐧᐊᐧᓯᑖᒪᑲᓇᐧ ᐊᐢᑭ; 22ᒥᓇ ᐊᐢᑭ ᑭᑕ ᓇᐢᑫᐧᐊᐧᓯᑖᒪᑲᐣ ᐸᐦᑫᐧᓯᑲᓂᑳᐣ, ᒥᓇ ᓱᒥᓈᐳ, ᒥᓇ ᐱᒥ; ᐁᑯᓯ ᐁᐊᐧᑯᓂ ᑭᑕ ᓇᐢᑫᐧᐊᐧᓯᑖᒪᑲᓇᐧ ᒉᓴᕒᐃᓬ. 23#ᕒᐅᒪᓇ 9:25; 1 ᐱᑕᕒ 2:10ᓂ ᑲ ᑭᐢᑎᑳᑕᒫᓱᐣ ᒫᑲ ᐊᐢᑭᕽ; ᒥᓇ ᓂ ᑲ ᑭᑎᒫᑭᓇᐋᐧᐤ ᐊᓇ ᐁᑳ ᑳ ᑭ ᐅᐦᒋ ᑭᑎᒫᑭᓈᐦᐟ; ᓂ ᑲ ᐃᑖᐊᐧᐠ ᒫᑲ ᐊᓂᑭ ᐁᑳ ᑳ ᑭ ᐅᐟ ᐊᔨᓯᔨᓂᒥᔮᐣ, ᑭᔭᐋᐧᐤ ᓂᐟ ᐊᔨᓯᔨᓂᒪᐠ; ᐁᑯᓯ ᑭᑕ ᐃᑌᐧᐊᐧᐠ, ᑭᔭ ᓂ ᑭᓭᒪᓂᑐᒥᓈᐣ.
Iliyochaguliwa sasa
ᐦᐋᓯᔭ 2: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.