ᒉᓂᓯᐢ 49
49
1ᒉᑲᑊ ᒫᑲ ᑭ ᓇᑐᒣᐤ ᐅᑯᓯᓴ ᐅᒥᓯ ᐁ ᑭ ᐃᑌᐧᐟ, ᒫᒪᐃᐧ ᒫᐊᐧᒋᐦᐃᑐᐠ, ᑭᑕ ᐃᐧᐦᑕᒫᑕᑯᐠ ᐊᓂᒪ ᑫ ᐊᔨᐢᐸᔨᐠ ᒣᐧᐢᑕᐢ ᐊᑎ ᑲᑭᓯᑳᑭ. 2ᒫᒪᐃᐧ ᒫᐊᐧᒋᐦᐃᑐᐠ ᒥᓇ ᓇᑐᐦᑕᒧᐠ ᑭᔭᐋᐧᐤ ᒉᑲᑊ ᐅᑯᓯᓴ; ᓇᑐᐦᑖᕽ ᐃᐢᕒᐁᐃᓬ ᑯᑖᐃᐧᐋᐧᐤ.
3ᕒᐅᐱᐣ, ᑭᔭ ᓂ ᓂᐢᑕᒧᓵᐣ, ᓂ ᓱᑳᔭᐃᐧᓯᐃᐧᐣ, ᒥᓇ ᐁ ᒫᒋᐸᔨᐠ ᓂ ᒪᐢᑲᐃᐧᓯᐃᐧᐣ, ᐁᓯ ᑭᐦᒑᔨᐊᐧᕽ ᑭᐢᑌᔨᑖᑯᓯᐃᐧᐣ ᒥᓇ ᐁ ᐃᓯ ᑭᐢᑌᔨᑖᑲᐧᕽ ᑲᐢᑭᐦᐁᐃᐧᓯᐃᐧᐣ. 4ᑳ ᐃᓯ ᐅᒉᑲᒥᐸᔨᐠ ᓂᐱ, ᓇᒪᐃᐧᔭ ᑭ ᑲ ᐸᐢᑭᔮᑳᐣ; ᒋᑫᒫ ᑭ ᑭ ᓈᑕᒫᐧᐣ ᑯᑖᐃᐧ ᐅ ᓂᐯᐃᐧᐣ; ᐁᑯᐢᐱ ᑭ ᑭ ᐃᐧᔨᐱᑖᐣ, ᑭ ᐃᑐᐦᑌᐤ ᓂ ᓂᐯᐃᐧᓂᕽ.
5ᓯᒥᔭᐣ ᒥᓇ ᓬᐃᐸᐩ ᐃᐧᒋᓵᓂᑐᐊᐧᐠ; ᓂᓯᐊᐧᓈᒋᐦᐃᐁᐧᐃᐧ ᐋᐸᒋᐦᒋᑲᓇ ᐊᔮᔨᐊᐧ ᐅᐟ ᐅᐦᑖᐃᐧᓂᐋᐧᕽ. 6ᓂᐟ ᐊᐦᒑᕽ, ᐁᑳᐃᐧᔭ ᐃᑐᐦᑌ ᐅᔭᓱᐁᐧᐃᐧᓂᐊᐧᕽ; ᐅ ᒫᐊᐧᒋᐦᐃᑐᐃᐧᓂᐋᐧᐤ, ᓂ ᑭᐢᑌᔨᑖᑯᓯᐃᐧᐣ, ᐁᑳᐃᐧᔭ ᐃᐧᒉᐋᐧᑲᓂᑕᒼ; ᒋᑫᒫ ᐅ ᑭᓯᐋᐧᓯᐃᐧᓂᐋᐧᕽ ᑭ ᓂᐸᐁᐊᐧᐠ ᐊᔨᓯᔨᓂᐊᐧ, ᒥᓇ ᐅ ᐯᔭᑫᐧᔨᒧᐃᐧᓂᐊᐧᕽ ᑭ ᓂᐦᒋᐁᐧᐸᐊᒪᐧᐠ ᐋᐧᐢᑳᐦᐃᑲᐃᐧᐣ. 7ᑭᑕ ᐃᐧ ᒪᒐᑭᑌᔨᐤ ᐅ ᑭᓯᐋᐧᓯᐃᐧᓂᐋᐧᐤ ᒋᑫᒫ ᑭ ᐋᑯᑌᐊᐧᓂᔨᐤ; ᒥᓇ ᐅ ᑭᓯᐢᑖᑫᐃᐧᓂᐋᐧᐤ ᒋᑫᒫ ᑭ ᑲᑕᑭᑖᓱᒪᑲᓂᔨᐤ; ᓂ ᑲ ᓂᓴᐧᔭᑭᐋᐊᐧᐠ ᒉᑲᐱᕽ, ᒥᓇ ᓂ ᑲ ᓇᓈᓂᐢᒋ ᐸᑭᑎᓈᐊᐧᐠ ᐃᐢᕒᐁᐃᓬᐃᕽ.
8ᒍᑕ, ᑭᔭ ᑫ ᒪᒥᐦᒋᒥᐢᑭᐠ ᑭᒋᐋᐧᒪᐠ; ᑭᒋᐦᒋ ᑭᑕ ᓴᑭᑫᐧᓂᑲᐧᐠ ᑭ ᓄᑎᓈᑲᓇᐠ; ᑯᑖᐃᐧ ᐅᐟ ᐊᐋᐧᓯᒥᓴ ᑭ ᑲ ᐸᑕᐱᐢᑖᑲᐧᐠ. 9#ᓇᒼᐸᕒᐢ 24:9; ᑭᐢᑫᔨᐦᑖᑯᐦᑫᐃᐧᐣ 5:5ᒍᑕ ᒥᐢᑕᐦᑫᓯᓯᐃᐧᐤ; ᓂᐸᑖᑲᓂᕽ ᐅᐦᒋ ᓂᑯᓭ ᑯᐦᑐᑖᐣ; ᑭ ᓇᐊᐧᑭᐤ, ᑭ ᐸᑕᐱᐤ ᑖᐱᐢᑯᐨ ᒥᐢᑕᐦᑫᓯᐤ, ᒥᓇ ᑖᐱᐢᑯᐨ ᓄᓭ ᒥᐢᑕᐦᑫᓯᐤ ᐊᐁᐧᓂᐦᐃ ᑫ ᑭ ᐅᓴᐅᑯᐠ? 10ᑎᐯᔨᒋᑳᑲᐣ ᓇᒪᐃᐧᔭ ᑭᑕ ᓇᑲᑎᐠ ᒍᑕ, ᐊᐦᐳ ᐅᔭᓱᐁᐧᐃᐧᓈᑎᐠ ᐅ ᑕᐢᑕᐃᐧᓯᑕᓂᕽ ᐅᐦᒋ, ᐱᔨᐢ ᓴᐃᓬᐆ ᑭᑕ ᑕᑯᓯᕽ; ᒥᓇ ᐃᐧᔭ ᐅ ᓇᓇᐃᑕᒧᐃᐧᓂᔨᐤ ᐊᔨᓯᔨᓂᐊᐧ ᑭᑕ ᐊᔮᐤ. 11ᐁ ᑕᐦᑯᐱᑖᐟ ᐅ ᒥᐢᑕᑎᒧᓯᓯᒪ ᓱᒥᓈᑎᑯᕽ, ᒥᓇ ᐅ ᓱᓱᒥᐢᑕᑎᒧᒪ ᐅᐟ ᐊᔨᓯᓯᒥᔨᐊᐧ ᓇᐊᐧᓱ ᓱᒥᓈᑎᑯᕽ; ᑭ ᑭᓯᐯᑭᓇᒼ ᐅ ᑭᑭᐢᑳᒋᑲᓇ ᓱᒥᓈᐳᕽ, ᒥᓇ ᐅᐢᑯᑖᑲᐩ ᓱᒥᓂ ᒥᐦᑯᕽ. 12ᑭᑕ ᒥᐦᑳᐧᐱᐢᑳᐠ ᓱᒥᓈᐳ, ᒥᓇ ᑭᑕ ᐋᐧᐱᐢᑳᐱᑌᐢᑳᐠ ᑐᑐᓵᐳ.
13ᓭᑊᔪᓬᐊᐣ ᑭᑕ ᐅᐟ ᐃᐦᑖᐃᐧᓂᐤ ᑳ ᑎᐱᓇᐋᐧᑳᒫᐠ ᑭᐦᒋᑲᒥᕽ; ᐁᑯᓯ ᑭᑕ ᐯ ᑎᐱᓇᐋᐧᓯᒧᑐᑖᐠ ᓈᐱᑳᐧᓇ; ᒥᓇ ᓴᐃᑕᓂᕽ ᑭᑕ ᐃᐢᑯ ᐅᐟ ᐃᐦᑖᐃᐧᓂᐤ.
14ᐃᓵᑲᕒ ᑳ ᒪᐢᑲᐃᐧᓯᐟ ᓱᓱᐊᐢᑎᒼ; ᐁ ᓀᐯᒪᐱᐟ ᑕᐢᑕᐃᐧᐨ ᓂᓱ ᓇᔭᒋᑲᓇ. 15ᑭ ᐋᐧᐸᐦᑕᒼ ᒫᑲ ᐁ ᒥᔮᐧᓯᓂᔨᐠ ᐊᔦᐧᐱᐃᐧᐣ, ᒥᓇ ᐊᐢᑭ ᐁ ᒥᔦᐧᔨᑖᑲᐧᓂᔨᐠ; ᐁᑯᓯ ᑭ ᓇᐊᐧᑭᐤ ᑭᑕ ᐳᐢᑐᐊᐧᑕᐃᐦᐟ, ᒥᓇ ᑭ ᐊᑐᐢᑫᐢᑕᒼ ᑎᐸᐦᐃᑫᐃᐧᐣ.
16ᑖᐣ ᑭᑕ ᐅᔭᓱᐋᐧᑌᐤ ᐅᐟ ᐊᔨᓯᔨᓂᒪ, ᑖᐱᐢᑯᐨ ᐯᔭᐠ ᑳ ᐃᑕᐦᑐᑌᐃᐧᓯᐟ ᐃᐢᕒᐁᐃᓬ. 17ᑖᐣ ᑭᑕ ᑭᓀᐱᑯᐃᐧᐤ ᒣᐢᑲᓈᕽ, ᒥᓇ ᓯᓯᑫᐧᐤ ᐱᒧᐦᑌᐢᑲᓈᕽ, ᑳ ᒋᓴᒫᐧᐟ ᒥᐢᑕᑎᒪᐧ ᐅᑖᑫᑳᑎᔨᐊᐧ, ᐁᑯᓯ ᑳ ᑌᐦᑕᐱᔨᐟ ᑭᑕ ᐊᓭ ᐸᐦᑭᓯᓂᔨᐟ. 18ᓂ ᑭ ᐯᐦᑖᐣ ᑭ ᐱᒫᒋᐦᐃᐁᐧᐃᐧᐣ, ᑌᐯᔨᐦᒋᑫᔭᐣ.
19ᑳᐟ ᑭᑕ ᒫᑯᐢᑳᐠ ᐅᓄᑎᓂᑫᐊᐧ; ᒫᑲ ᐅᑖᐦᑭᒥᔨᕽ ᐅᐦᒋ ᑭᑕ ᒫᑯᐢᑲᐁᐧᐤ.
20ᐋᓴᕒᐃᕽ ᐅᐦᒋ ᐅ ᐸᐦᑫᐧᓯᑲᓂᒪ ᑭᑕ ᐃᐧᔨᓄᔨᐊᐧ, ᐁᑯᓯ ᑭᑕ ᐅᐦᑎᓇᒼ ᑭᐦᒋ ᐅᑭᒫᐃᐧ ᒪᒥᔪᐦᒋᑫᐃᐧᓇ.
21ᓈᑊᑕᓬᐊᐩ ᐱᓯᐢᑭᐤ ᑳ ᐋᐸᐅᐦᐟ; ᒣᑭᐤ ᒥᔪ ᐃᑌᐧᐃᐧᓇ.
22ᒍᓯᑊ ᑳ ᒥᓂᓯᐃᐧᐟ ᐸᐢᑫᓂᑕᐃᐧᑭᐃᐧᐣ, ᐁ ᒥᓂᓯᐃᐧᐟ ᐸᐢᑫᓂᑖᐃᐧᑭᐃᐧᐣ ᒋᑭ ᒧᐦᑭᒋᐊᐧᓂᐯᑯᕽ; ᐁ ᐸᐢᑫᑎᑲᐧᓇᑭᓯᐟ ᐸᓯᒋᒣᓂᑫᐃᐧᓂᕽ ᐃᐢᐸᔨᐊᐧ. 23ᐅᐱᒧᑕᑫᐧᐊᐧ ᒥᐢᑕᐦᐃ ᑭ ᑯᑕᑭᐦᐃᐠ, ᒥᓇ ᑭ ᐸᐱᒧᐠ ᒥᓇ ᑭ ᐸᑳᐧᑎᐠ. 24ᒫᑲ ᐅᐟ ᐊᒑᐱᔭ ᑭ ᐊᔮᔨᐊᐧ ᒪᐢᑲᐃᐧᓯᐃᐧᓂᕽ, ᒥᓇ ᐅᐢᐱᑐᓇ ᑭ ᒪᐢᑲᐃᐧᑖᐋᐧᐣ, ᐅᒋᐦᒋᔭ ᐅᐦᒋ ᒫᒪᐁᐧᔭᐢ ᑳ ᑭᐦᒑᔨᐃᐧᔨᐟ ᐅ ᑭᓭᒪᓂᑐᒪ ᒉᑲᑊ; (ᐃᑕ ᐁᐧᐦᒋᐟ ᐅᑲᓇᐃᐧᒫᔭᑎᐦᑫᐧᐤ, ᐅᑭᐢᑖᐱᐢᑯᒪ ᐃᐢᕒᐁᐃᓬ:) 25ᐊᓇ ᐅ ᑭᓭᒪᓂᑐᒪ ᐅᐦᒋ ᑯᑖᐃᐧ ᑫ ᐃᐧᒋᐦᐃᐢᐠ, ᒥᓇ ᒫᒪᐁᐧᔭᐢ ᓯᔪᑳᑎᓯᐟ ᑫ ᓴᐁᐧᔨᒥᐢᐠ, ᑭᓭᐋᐧᑐᑖᑫᐃᐧᓇ ᐃᐢᐱᒥᕽ ᑭᓯᑯᕽ ᐅᐦᒋ, ᑭᓭᐋᐧᑐᑕᑫᐁᐧᓇ ᑎᒥᕽ ᐅᐦᒋ ᐊᑖᒥᕽ ᑳ ᐊᐢᑌᐠ, ᓴᐁᐧᔨᑖᑯᓯᐃᐧᓇ ᓄᐦᑐᐃᐁᐧᐃᐧᓂᕽ ᒥᓇ ᓂᐦᑖᐃᐧᑭᐃᐁᐧᐃᐧᓂᕽ. 26ᐅ ᓴᐁᐧᔨᐦᒋᑫᐃᐧᓇ ᑯᑖᐃᐧ, ᑭ ᐸᐢᑭᔮᑲᐧᐠ ᐅ ᓴᐁᐧᔨᐦᒋᑫᐃᐧᓂᐋᐧᐊᐧ ᐊᓂᑭ ᐁᐧᑕᐢᑳᓀᓯᔮᐣ, ᑳ ᐃᐢᑯ ᐃᑕᑎᓈᑭ ᑳᑭᑫ ᐊᐧᒋᔭ ᐃᔨᑯᕽ; ᑭᑕ ᐊᔮᔨᐊᐧ ᐅᐢᑎᑳᐧᓂᕽ ᒍᓯᑊ, ᒥᓇ ᐅᓴᑳᑎᐱᕽ ᐊᓇ ᑳ ᑭ ᐸᐢᑫᐃᐧᐋᐟ ᐅᒋᐋᐧᒪ.
27ᐯᐣᒋᒪᐣ ᐁᐊᐧᑯ ᒪᐃᑲᐣ ᑳ ᑳᓴᑫᐟ; ᑭᔦᑭᓭᐹᔮᔨᑭ ᑭᑕ ᑭᑖᐤ ᑳ ᑭ ᐃᑖᐢᐱᓇᓱᐟ, ᑌᐱᐢᑳᔨᑭ ᒫᑲ ᑭᑕ ᒫᑎᓇᐁᐧᐤ ᒪᓂᐊᐧᑌᐃᐧᐣ.
28ᑲᐦᑭᔭᐤ ᐁᐊᐧᑯᓂ ᐅᐦᐃ ᒥᑖᑕᐦᐟ ᓂᓱᓵᑊ ᑳ ᑕᐦᑐᑌᐃᐧᓯᐟ ᐃᐢᕒᐁᐃᓬ; ᒥᓇ ᐁᐊᐧᑫᐧᔨᐤ ᐅᒪ ᑳ ᑭ ᐃᑎᑯᒋᐠ ᐅᑖᐃᐧᐋᐧᐊᐧ, ᒥᓇ ᑳ ᑭ ᐃᓯ ᓴᐁᐧᔨᒥᑯᒋᐠ; ᑲᐦᑭᔭᐤ ᐅ ᓴᐁᐧᔨᑖᑯᓯᐃᐧᓂᐋᐧᐤ ᑭ ᐃᓯ ᓴᐁᐧᔨᒥᑲᐧᐠ. 29ᑭ ᐊᔮᑳᐧᒥᒣᐤ ᒫᑲ ᐅᒥᓯ ᐁ ᑭ ᐃᑖᐟ, ᓂ ᑲ ᑕᑯᑕᐃᑲᐃᐧᐣ ᓂᒋᔨᓂᐊᐧᐠ; ᐊᓯᒋ ᓇᐃᓂᐠ ᓄᑖᐃᐧᐸᓇᐠ ᐊᓂᑕ ᐋᐧᑎᕽ ᑳ ᐊᔮᔨᐠ ᐅ ᑭᐢᑎᑳᓂᕽ ᐁᑊᕒᐊᐣ ᐊᓇ ᐦᐃᑕᐃᐟ. 30#ᒉᓂᓯᐢ 23:3-20ᐊᓂᑕ ᐋᐧᑎᑳᓂᕽ ᑳ ᐊᔮᐠ ᒫᐠᐱᓬᐊ ᑭᐢᑎᑳᓂᕽ, ᑎᐱᐢᑯᐨ ᒫᒼᕒᐃ ᑳ ᐊᔮᐠ, ᑫᓇᐣ ᐊᐢᑭᕽ, ᐁᑊᕒᐁᐋᒼ ᑳ ᑭ ᐊᑖᒫᐟ ᐅ ᑭᐢᑎᑳᓂᔨᐤ ᐁᑊᕒᐊᐣ ᐊᓇ ᐦᐃᑕᐃᐟ, ᑭᑕ ᒪᓂ ᓇᐦᐃᓂᐁᐧᕽ ᐁᑯᑕ. 31#ᒉᓂᓯᐢ 25:9,10; ᒉᓂᓯᐢ 35:29ᐁᑯᑕ ᑳ ᓇᐦᐃᓈᑭᐠ ᐁᑊᕒᐁᐋᒪ ᒥᓇ ᓭᕒᐊᐦᐊᐧ ᐃᐧᐃᐧᔨᐊᐧ, ᐁᑯᑕ ᑳ ᓇᐦᐃᓈᒋᐠ ᐋᐃᓴᑲ ᒥᓇ ᕒᐃᐯᑲᐊᐧ ᐃᐧᐃᐧᔨᐊᐧ, ᐁᑯᑕ ᒫᑲ ᒥᓇ ᑳ ᓇᐦᐃᓇᐠ ᓬᐃᐋ. 32ᐦᐁᐟ ᐅᐟ ᐊᐋᐧᓯᒥᓴ ᑭ ᐊᑖᒫᐊᐧᐠ ᑭᐢᑎᑳᓂᔨᐤ ᒥᓇ ᐋᐧᑎᑲᓂᔨᐤ. 33#ᐃᓯᐦᒋᑫᐃᐧᓂᐋᐧᐊᐧ 7:15ᐃᐢᐱ ᒫᑲ ᒉᑲᑊ ᑳ ᐳᓂ ᑲᑫᐢᑭᒫᐟ ᐅᑯᓯᓴ, ᑭ ᓴᓵᐊᐧᑐ ᓂᐯᐃᐧᓂᕽ, ᐁᑯᓯ ᑭ ᐸᑭᑕᒑᐦᑫᐧᐤ ᒥᓇ ᑭ ᑕᑯᑕᐋᐤ ᐃᐧᒋᔨᓂᐊᐧ.
Iliyochaguliwa sasa
ᒉᓂᓯᐢ 49: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.