ᒉᓂᓯᐢ 47
47
1ᐁᑲᐧ ᒍᓯᑊ ᑭ ᓇᑕᐃᐧ ᐃᐧᐦᑕᒪᐁᐧᐤ ᐯᕒᐅᐊᐧ, ᐅᒥᓯ ᐁ ᑭ ᐃᑖᐟ, ᓄᑖᐃᐧ ᒥᓇ ᓂᒋᐋᐧᒪᐠ ᐁ ᑭᑭᒋᐠ ᐅ ᒫᔭᑎᐦᑯᒥᐋᐧᐊᐧ ᒥᓇ ᐅᐟ ᐊᐊᐧᑳᓂᐋᐧᐊᐧ ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᒋᐠ, ᑭ ᑕᑯᓯᓇᐧᐠ ᑫᓇᐣ ᐊᐢᑭᕽ ᐅᐦᒋ; ᐁᑲᐧ ᒫᑲ, ᒋᐢᐟ, ᑯᓯᐣ ᐊᐢᑭᕽ ᐊᔮᐊᐧᐠ. 2ᑭ ᐅᑎᓀᐤ ᒫᑲ ᐅᒋᐋᐧᒪ ᐅᐦᒋ ᓂᔮᓇᐣ ᓈᐯᐊᐧ, ᐁ ᐃᑐᐦᑕᐋᐟ ᑭᑕ ᐋᐧᐸᒥᑯᔨᐟ ᐯᕒᐅᐊᐧ. 3ᐯᕒᐅ ᒫᑲ ᐅᒥᓯ ᑭ ᐃᑌᐤ ᐅᒋᐋᐧᒥᔨᐊᐧ, ᑖᓂᓯ ᑳ ᐯ ᐃᑕᑐᐢᑫᔦᐠ? ᐅᒥᓯ ᒫᑲ ᑭ ᐃᑌᐊᐧᐠ ᐯᕒᐅᐊᐧ, ᑭᐟ ᐊᑐᐢᑫᔮᑲᓇᐠ ᐅᑲᓇᐃᐧᒫᔭᑎᐦᑫᐧᐃᐧᐊᐧᐠ, ᓂᔭᓈᐣ ᒥᓇ ᓄᑖᐃᐧᐸᓂᓈᓇᐠ. 4ᒥᓇ ᒫᑲ ᑭ ᐃᑌᐊᐧᐠ ᐯᕒᐅᐊᐧ, ᑭᑕ ᐅᐟ ᐃᐦᑖᐃᐧᓂᔮᕽ ᐊᐢᑭᕽ ᑳ ᐯ ᐅᐦᒋ ᐃᑐᐦᑌᔮᕽ; ᒋᑫᒫ ᑭᐟ ᐊᑐᐢᑫᔮᑲᓇᐠ ᓇᒪᐃᐧᔭ ᐃᐦᑕᑲᐧᓂᔨᐤ ᐃᑕ ᑭᑕ ᑭ ᐊᓴᒫᒋᐠ ᐅᐟ ᐊᐊᐧᑳᓂᐋᐧᐊᐧ, ᐊᔨᐢ ᓄᑌᑲᑖᓂᐊᐧᐣ ᑫᓇᐣ ᐊᐢᑭᕽ ᐁᑲᐧ ᒫᑲ ᑭ ᐸᑯᓭᔨᒥᑎᓈᐣ ᑭᔮᒼ ᑭᐟ ᐊᑐᐢᑫᔮᑲᓇᐠ ᑭᑕ ᐅᐟ ᐊᐢᑭᐊᐧᐠ ᑯᓯᐣ ᐊᐢᑭᕽ. 5ᐯᕒᐅ ᒫᑲ ᑭ ᐊᔭᒥᐦᐁᐤ ᒍᓯᐸ ᐁ ᐃᑌᐧᐟ, ᑯᑖᐃᐧ ᒥᓇ ᑭᒋᐋᐧᒪᐠ ᑯᑎᐦᑎᑲᐧᐠ. 6ᑭ ᐋᐧᐸᐦᑌᐣ ᐃᒋᑊᐟ ᐊᐢᑭ, ᒫᐊᐧᐨ ᐁ ᒥᔮᐧᓯᐠ ᐊᐢᑭ ᐁᑯᑕ ᐸᑭᑎᓇᒪᐃᐧᐠ ᑭᑕ ᐅᐟ ᐃᐦᑖᐃᐧᓂᒋᐠ ᑯᑖᐃᐧ ᒥᓇ ᑭᒋᐋᐧᒪᐠ; ᑭᔮᒼ ᑯᓯᐣ ᐊᐢᑭᕽ ᑭᑕ ᐅᐟ ᐃᐦᑖᐃᐧᓂᐊᐧᐠ; ᑭᐢᐱᐣ ᒫᑲ ᐊᐃᐧᔭᐠ ᓈᐯᐊᐧᐠ ᑳ ᑕᓯᒋᐠ ᑭ ᑭᐢᑫᔨᒫᐊᐧᐠ ᐁ ᑲᑳᔭᐋᐧᑎᓯᒋᐠ ᑎᐯᔨᐦᑕᒧᐃᐠ ᓂᐟ ᐊᐊᐧᑳᓇ. 7ᒍᓯᑊ ᒫᑲ ᑭ ᐱᐦᑐᑲᐦᐁᐤ ᒉᑲᐸ ᐅᑖᐃᐧᔭ, ᐁ ᑭ ᐅᑎᐢᑲᐊᐧᐱᐋᐟ ᒫᑲ ᐯᕒᐅᐊᐧ, ᒉᑲᑊ ᒫᑲ ᑭ ᓴᐁᐧᔨᒣᐤ ᐯᕒᐅᐊᐧ. 8ᐯᕒᐅ ᒫᑲ ᑭ ᐃᑌᐤ ᒉᑲᐸ, ᑖᓀᐢᐱᑎᓯᔭᐣ? 9ᒉᑲᑊ ᒫᑲ ᐅᒥᓯ ᑭ ᐃᑌᐤ ᐯᕒᐅᐊᐧ, ᑭᓯᑳᐊᐧ ᐁ ᑕᐦᑐᐱᐳᓀᐧᔮᐣ ᓂ ᐸᐹᒫᑎᓯᐃᐧᓂᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐱᐳᓇᐧ; ᑭ ᒐᑲᐋᐧᓯᓯᓇᐧ, ᒥᓇ ᑭ ᒪᒑᔨᐊᐧᓇᐧ ᑭᓯᑳᐊᐧ ᑕᐦᑐ ᐱᐳᐣ ᑳ ᑭ ᐱᒫᑎᓯᔮᐣ ᒥᓇ ᓇᒪᐃᐧᔭ ᐅᑎᐦᑕᒧᒪᑲᓇᐧ ᑭᓯᑳᐊᐧ ᑕᐦᑐ ᐱᐳᐣ ᑳ ᑭ ᐱᒫᑎᓯᒋᐠ ᓄᑖᐃᐧᐸᓇᐠ ᐃᐧᐢᑕᐋᐧᐤ ᑭᓯᑳᐊᐧ ᑳ ᑭ ᐸᐹᒫᑎᓯᒋᐠ. 10ᒉᑲᑊ ᒫᑲ ᑭ ᓴᐁᐧᔨᒣᐤ ᐯᕒᐅᐊᐧ, ᐁᑯᓯ ᑭ ᐊᑎ ᓇᑲᑌᐤ.
11ᒍᓯᑊ ᒫᑲ ᑭ ᐅᔭᐱᐁᐤ ᐅᑖᐃᐧᔭ ᒥᓇ ᐅᒋᐋᐧᒪ, ᒥᓇ ᑭ ᒥᔦᐤ ᑎᐯᔨᒋᑲᐣ ᐃᒋᑊᐟ ᐊᐢᑭᕽ, ᒫᐊᐧᐨ ᐁ ᒥᔮᐧᓯᓂᔨᐠ ᐊᐢᑭ, ᐊᓂᑕ ᕒᐋᒥᓯᐢ ᐊᐢᑭᕽ, ᒣᐧᐦᒋ ᐯᕒᐅ ᑳ ᑭ ᐃᓯ ᓯᑭᒥᑯᐟ. 12ᒍᓯᑊ ᒫᑲ ᑭ ᐊᓴᒣᐤ ᐅᑖᐃᐧᔭ ᒥᓇ ᐅᒋᐋᐧᒪ, ᒥᓇ ᑲᐦᑭᔭᐤ ᐅᑖᐃᐧᔭ ᐅ ᐋᐧᐢᑳᐦᐃᑲᓂᔨᕽ, ᐸᐦᑫᐧᓯᑲᓇ ᐅᐦᒋ ᑳ ᐊᔨᑕᐦᑐᑌᐃᐧᓯᔨᐟ.
13ᓇᒪᐋᐧᐨ ᒫᑲ ᑭ ᐃᐦᑖᐤ ᐸᐦᑫᐧᓯᑲᐣ ᒥᓯᐁᐧ ᐁᑯᑕ ᐊᐢᑭᕽ; ᒋᑫᒫ ᓄᑌᑲᑌᐃᐧᐣ ᒥᐢᑕᐦᐃ ᑭ ᐋᔨᒪᐣ, ᐁᑯᓯ ᒫᑲ ᐃᒋᑊᐟ ᐊᐢᑭ ᒥᓇ ᑫᓇᐣ ᐊᐢᑭ ᑭ ᓄᑌᑲᑖᓂᐊᐧᐣ. 14ᒍᓯᑊ ᒫᑲ ᑭ ᒫᐊᐧᒋᐦᐁᐤ ᑲᐦᑭᔭᐤ ᓱᓂᔮᐊᐧ ᑳ ᑭ ᒥᐢᑲᐊᐧᐟ ᐃᒋᑊᐟ ᐊᐢᑭᕽ, ᒥᓇ ᑫᓇᐣ ᐊᐢᑭᕽ, ᐸᐦᑫᐧᓯᑲᓂᑳᓇ ᐁ ᐊᑖᐁᐧᒋᐠ; ᒍᓯᑊ ᒫᑲ ᑭ ᐱᐦᑐᑲᐦᐁᐤ ᓱᓂᔮᐊᐧ ᐯᕒᐅᐊᐧ ᐃᐧᑭᔨᕽ. 15ᐃᐢᐱ ᒫᑲ ᓱᓂᔮᐤ ᐁ ᓄᐦᑌᐸᔨᐟ ᐃᒋᑊᐟ ᐊᐢᑭᕽ, ᒥᓇ ᑫᓇᐣ ᐊᐢᑭᕽ, ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ ᒍᓯᐸ, ᐅᒥᓯ ᐁ ᑭ ᐃᑖᒋᐠ, ᒥᔨᓈᐣ ᐸᐦᑫᐧᓯᑲᐣ; ᑖᓀᐦᑭ ᑫ ᓂᐱᔮᕽ ᐁ ᑲᓇᐋᐧᐸᒥᔮᕽ? ᒋᑫᒫ ᓱᓂᔮᐤ ᓄᐦᑌᐸᔨᐤ. 16ᒍᓯᑊ ᒫᑲ ᑭ ᐃᑌᐤ, ᐸᑭᑎᓂᑯᐠ ᑭᐟ ᐊᐊᐧᑳᓂᐋᐧᐊᐧᐠ; ᑭ ᑲ ᒥᔨᑎᓈᐋᐧᐤ ᒫᑲ ᑭᐟ ᐊᐊᐧᑳᓂᐋᐧᐊᐧᐠ ᐅᐦᒋ, ᑭᐢᐱᐣ ᓱᓂᔮᐤ ᓄᐦᑌᐸᔨᐤ. 17ᑭ ᐯᑕᒪᐁᐧᐊᐧᐠ ᒫᑲ ᐅᐟ ᐊᐊᐧᑳᓂᐋᐧᐊᐧ ᒍᓯᐸ; ᐁᑯᓯ ᒍᓯᑊ ᑭ ᒥᔦᐤ ᐸᐦᑫᐧᓯᑲᓇ ᐁ ᒥᐢᑯᑐᓇᒪᐋᐧᐟ ᐅ ᒥᐢᑕᑎᒧᒥᔨᐊᐧ, ᐅ ᒫᔭᑎᐦᑯᒥᔨᐊᐧ, ᒥᓇ ᐅ ᒧᐢᑐᓱᒥᔨᐊᐧ, ᒥᓇ ᐅ ᓱᓱᒥᐢᑕᑎᒧᒥᔨᐊᐧ; ᑭ ᐊᓴᒣᐤ ᒫᑲ ᐸᐦᑫᐧᓯᑲᓇ ᑲᐦᑭᔭᐤ ᐅᐟ ᐊᐊᐧᑳᓂᔨᐊᐧ ᐅᐦᒋ, ᐁᐊᐧᑳᐧᓂᒪ ᐁ ᐊᐢᑭᐊᐧᕽ. 18ᐃᐢᐱ ᒫᑲ ᐁ ᐳᓂᐸᔨᐠ ᐁᐊᐧᑯ ᐁ ᐊᐢᑭᐊᐧᕽ, ᑭ ᐯ ᓈᑌᐊᐧᐠ ᑯᑕᐠ ᐁ ᐊᑎ ᐊᐢᑭᐊᐧᕽ, ᐅᒥᓯ ᐁ ᑭ ᐃᑖᒋᐠ, ᓇᒪᐃᐧᔭ ᓂ ᑲ ᑳᑕᒪᐊᐧᓈᐣ ᓄᑭᒫᒥᓈᐣ, ᐁ ᒣᐦᒋᐸᔨᐟ ᓂ ᓱᓂᔮᒥᓈᐣ; ᓄᑭᒫᒥᓈᐣ ᒥᓇ ᐊᔮᐁᐧᐤ ᓂᐟ ᐊᐊᐧᑳᓂᓈᓇ, ᓇᒪ ᑫᑲᐧᐩ ᐃᐢᑯᓂᑳᑌᐤ ᐁ ᐋᐧᐸᐦᑕᕽ ᓄᑭᒫᒥᓈᐣ ᐱᑯ ᓂᔭᐃᐧᓈᓇ ᒥᓇ ᓂᐟ ᐊᐢᑭᓈᐣ. 19ᑫᑲᐧᐩ ᒫᑲ ᐅᐦᒋ ᑫ ᓂᐱᔮᕽ ᐁ ᑲᓇᐋᐧᐸᒥᔮᕽ ᓂᔭᓈᐣ ᒥᓇ ᓂᐟ ᐊᐢᑭᓈᐣ? ᐊᑖᒥᓈᐣ ᑭᔮᒼ ᓂᐟ ᐊᐢᑭᓈᐣ ᐸᐦᑫᐧᓯᑲᐣ ᐅᐦᒋ, ᓂᔭᓈᐣ ᒫᑲ ᒥᓇ ᓂᐟ ᐊᐢᑭᓈᓇ ᐯᕒᐅ ᑭᑕ ᐅᐟ ᐊᑐᐢᑫᔮᑲᓂᐤ, ᒥᓇ ᑭ ᑲ ᒥᔨᓈᐣ ᑭᐢᑎᑳᒋᑲᐣ ᑭᑕ ᐱᒫᑎᓯᔭᕽ, ᐁᑳ ᒫᑲ ᑭᑕ ᓂᐱᔮᕽ, ᐁᑳ ᑭᑕ ᑭᐋᐧᑕᕽ ᐊᐢᑭ.
20ᒍᓯᑊ ᒫᑲ ᑭ ᐊᑖᐁᐧᐢᑕᒪᐁᐧᐤ ᐯᕒᐅᐊᐧ ᒥᓯᐁᐧ ᐃᒋᑊᐟ ᐊᐢᑭ; ᒋᑫᒫ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ ᑭ ᐊᑖᐋᐧᑫᐊᐧᐠ ᐅ ᑭᐢᑎᑳᓂᐋᐧᐊᐧ, ᒋᑫᒫ ᑭ ᓵᑯᑕᑲᑌᐊᐧᐠ; ᐁᑯᓯ ᒫᑲ ᐊᐢᑭ ᐯᕒᐅ ᑭ ᐊᔮᐤ. 21ᐊᔨᓯᔨᓂᐊᐧ ᒫᑲ ᐃᐧᔭ ᑭ ᐊᐦᑕᔦᐤ ᐅᑌᓈᕽ ᐃᓯ ᐯᔭᑲᐧᔭᐠ ᑲᑫᓯᐸᓄᕽ ᐃᒋᑊᑎᕽ ᐅᐦᒋ ᐱᔨᐢ ᑫᐧᐢᑭ ᑭᓯᐸᓄᕽ ᐃᓯ. 22ᐱᑯ ᐅᐟ ᐊᐢᑭᐋᐧᐤ ᐊᔭᒥᐦᐁᐃᐧᔨᓂᐊᐧᐠ ᓇᒪᐃᐧᔭ ᑭ ᐊᑖᐁᐧᐤ ᒋᑫᒫ ᐁ ᑭ ᐅᐦᑖᐸᓂᐃᑯᒋᐠ ᐯᕒᐅᐊᐧ; ᒥᓇ ᐁ ᑭ ᒥᒋᒋᐠ ᐯᕒᐅᐊᐧ ᑳ ᑭ ᒥᔨᑯᒋᐠ, ᐁᐊᐧᑯ ᐅᐦᒋ ᓇᒪᐃᐧᔭ ᑭ ᐊᑖᐋᐧᑫᐊᐧᐠ ᐅᐟ ᐊᐢᑭᐋᐧᐤ. 23ᒍᓯᑊ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᒫᑎᑲ, ᑭ ᑭ ᐊᑖᒥᑎᓈᐋᐧᐤ ᐊᓄᐦᐨ ᑳ ᑭᓯᑳᐠ ᑭᔭᐋᐧᐤ ᒥᓇ ᑭᐟ ᐊᐢᑭᐋᐧᐤ ᐯᕒᐅ ᐅᐦᒋ, ᒋᐢᐟ, ᐅᒪ ᐃᑕ ᑭᐢᑎᑳᒋᑲᐣ ᑭᑕ ᐊᔮᔦᐠ, ᑭ ᑲ ᑭᐢᑎᑳᑌᓈᐋᐧᐤ ᒫᑲ ᐊᐢᑭ. 24ᑭᑕ ᐃᐢᐸᔨᐤ ᒫᑲ ᐃᐢᐱ ᐅᐦᐱᑭᒋᑫᒪᑲᐦᑭ, ᐯᔭᐠ ᓂᔮᓇᐣ ᐅᐦᒋ ᑭ ᑲ ᒥᔮᐋᐧᐤ ᐯᕒᐅ, ᐁᑯᓯ ᓀᐤ ᓂᔮᓇᐣ ᐅᐦᒋ ᑭ ᑲ ᐊᔮᓈᐋᐧᐤ ᑭᔭᐋᐧᐤ, ᑭᑕ ᑭᐢᑎᑫᔦᐠ, ᑭᑕ ᒥᒋᔦᐠ. ᑭᔭᐋᐧᐤ ᒥᓇ ᑳ ᐊᔨᑕᐦᑐᑫᔦᐠ, ᒥᓇ ᑭᑕ ᒥᒋᒋᐠ ᑭᐟ ᐊᐋᐧᓯᒥᓯᐋᐧᐊᐧᐠ. 25ᑭ ᐃᑌᐧᐊᐧᐠ ᒫᑲ, ᑭ ᑭ ᐱᒫᒋᐦᑖᐣ ᓂ ᐱᒫᑎᓯᐃᐧᓂᓈᐣ; ᑭᔮᒼ ᓂ ᑲ ᐃᐧ ᒥᔪ ᑲᓇᐋᐧᐸᒥᑯᓈᐣ ᓄᑭᒫᒥᓈᐣ, ᓂ ᑲ ᐅᐟ ᐊᑐᐢᑫᔮᑲᓂᒥᑯᓈᐣ ᒫᑲ ᐯᕒᐅ. 26ᒍᓯᑊ ᒫᑲ ᑭ ᐃᑕᓱᐋᐧᑕᒼ ᐊᐢᑭ ᐃᒋᑊᑎᕽ ᐱᔨᐢ ᐊᓄᐦᐨ ᑳ ᑭᓯᑳᐠ, ᐯᕒᐅ ᐯᔭᐠ ᓂᔮᓇᐣ ᐅᐦᒋ ᑭᑕ ᐊᔮᐟ; ᐱᑯ ᐊᔭᒥᐦᐁᐃᐧᔨᓂᐊᐧᐠ ᐅᐟ ᐊᐢᑭᐋᐧᐤ ᓇᒪᐃᐧᔭ ᐯᕒᐅ ᑭ ᐊᔮᐤ.
27ᐃᐢᕒᐁᐃᓬ ᒫᑲ ᑭ ᐅᐟ ᐃᐦᑖᐃᐧᓂᐤ ᐃᒋᑊᑎᕽ ᑯᓯᐣ ᐊᐢᑭᕽ; ᐁᑯᑕ ᒫᑲ ᑭ ᐅ ᑎᐯᔨᒋᑲᓂᐊᐧᐠ, ᐁ ᑭ ᓂᐦᑖᐃᐧᑭᐃᑐᒋᐠ ᒥᓇ ᓈᐢᐱᐨ ᐁ ᑭ ᑭᔨᐱ ᒥᐦᒉᑌᒋᐠ. 28ᒉᑲᑊ ᒫᑲ ᒥᑖᑕᐦᐟ ᑌᐸᑯᐳᓴᑊ ᑕᐦᑐ ᐱᐳᓇᐧ ᑭ ᐱᒫᑎᓯᐤ ᐃᒋᑊᐟ ᐊᐢᑭᕽ; ᐁᑯᓯ ᒫᑲ ᐅ ᑭᓯᑳᒪ ᒉᑲᑊ, ᑕᐦᑐ ᐊᐢᑭ ᑳ ᑭ ᐱᒫᑎᓯᐟ, ᒥᑖᐦᑐᒥᑕᓇᐤ ᓀᒥᑕᓇᐤ ᑌᐸᑯᑊ ᐊᔨᐊᐧᐠ ᑕᐦᑐ ᐊᐢᑭ. 29#ᒉᓂᓯᐢ 49:29-32; 50:6ᑭ ᐊᑎ ᐯᓱᓈᑲᐧᐣ ᒫᑲ ᐃᑕ ᐃᐢᕒᐁᐃᓬ ᑭᑕ ᐳᓂ ᐱᒫᑎᓯᐟ; ᐁᑯᓯ ᑭ ᓇᑐᒣᐤ ᐅᑯᓯᓴ ᒍᓯᐸ ᒥᓇ ᑭ ᐃᑌᐤ, ᑭᐢᐱᐣ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐧᐸᒥᔭᐣ, ᐊᐢᑖ ᑭ ᐸᑯᓭᔨᒥᑎᐣ ᑭᒋᐦᒋ ᓯᐹ ᓂᐹᐧᒣᒥᕽ, ᒥᓇ ᑖᐯᐧ ᒪᒥᔪᑐᑕᐃᐧᐣ; ᐁᑳᐃᐧᔭ ᐃᒋᑊᑎᕽ ᓇᐦᐃᓂᐣ, ᑭ ᐸᑯᓭᔨᒥᑎᐣ. 30ᒫᑲ ᓂ ᑲ ᐃᐧᒋᐱᒥᓯᓄᒫᐊᐧᐠ ᓄᑖᐃᐧᐸᓇᐠ, ᒥᓇ ᐃᒋᑊᑎᕽ ᑭ ᑲ ᐅᐦᒋ ᓯᐯᐧᑕᐃᐣ, ᐁᑯᓯ ᑭᑕ ᓇᐃᓂᔭᐣ ᐅ ᓇᐃᓂᑯᐃᐧᓂᐊᐧᕽ. ᑭ ᐃᑌᐤ ᒫᑲ, ᓂ ᑲ ᑐᑌᐣ ᑳ ᐃᑌᐧᔭᐣ. 31ᑭ ᐃᑌᐤ ᒫᑲ, ᑭᐦᒋ ᐃᓯᐣ, ᑭ ᑭᐦᒋᐃᑌᐤ ᒫᑲ. ᐃᐢᕒᐁᐃᓬ ᒫᑲ ᑭ ᓈᒥᐢᑫᐧᔨᐤ ᓂᐯᐃᐧᓂᕽ ᐁᑎᐢᑫᐧᓯᕽ.
Iliyochaguliwa sasa
ᒉᓂᓯᐢ 47: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 47
47
1ᐁᑲᐧ ᒍᓯᑊ ᑭ ᓇᑕᐃᐧ ᐃᐧᐦᑕᒪᐁᐧᐤ ᐯᕒᐅᐊᐧ, ᐅᒥᓯ ᐁ ᑭ ᐃᑖᐟ, ᓄᑖᐃᐧ ᒥᓇ ᓂᒋᐋᐧᒪᐠ ᐁ ᑭᑭᒋᐠ ᐅ ᒫᔭᑎᐦᑯᒥᐋᐧᐊᐧ ᒥᓇ ᐅᐟ ᐊᐊᐧᑳᓂᐋᐧᐊᐧ ᒥᓇ ᑲᐦᑭᔭᐤ ᑫᑲᐧᐩ ᑳ ᐊᔮᒋᐠ, ᑭ ᑕᑯᓯᓇᐧᐠ ᑫᓇᐣ ᐊᐢᑭᕽ ᐅᐦᒋ; ᐁᑲᐧ ᒫᑲ, ᒋᐢᐟ, ᑯᓯᐣ ᐊᐢᑭᕽ ᐊᔮᐊᐧᐠ. 2ᑭ ᐅᑎᓀᐤ ᒫᑲ ᐅᒋᐋᐧᒪ ᐅᐦᒋ ᓂᔮᓇᐣ ᓈᐯᐊᐧ, ᐁ ᐃᑐᐦᑕᐋᐟ ᑭᑕ ᐋᐧᐸᒥᑯᔨᐟ ᐯᕒᐅᐊᐧ. 3ᐯᕒᐅ ᒫᑲ ᐅᒥᓯ ᑭ ᐃᑌᐤ ᐅᒋᐋᐧᒥᔨᐊᐧ, ᑖᓂᓯ ᑳ ᐯ ᐃᑕᑐᐢᑫᔦᐠ? ᐅᒥᓯ ᒫᑲ ᑭ ᐃᑌᐊᐧᐠ ᐯᕒᐅᐊᐧ, ᑭᐟ ᐊᑐᐢᑫᔮᑲᓇᐠ ᐅᑲᓇᐃᐧᒫᔭᑎᐦᑫᐧᐃᐧᐊᐧᐠ, ᓂᔭᓈᐣ ᒥᓇ ᓄᑖᐃᐧᐸᓂᓈᓇᐠ. 4ᒥᓇ ᒫᑲ ᑭ ᐃᑌᐊᐧᐠ ᐯᕒᐅᐊᐧ, ᑭᑕ ᐅᐟ ᐃᐦᑖᐃᐧᓂᔮᕽ ᐊᐢᑭᕽ ᑳ ᐯ ᐅᐦᒋ ᐃᑐᐦᑌᔮᕽ; ᒋᑫᒫ ᑭᐟ ᐊᑐᐢᑫᔮᑲᓇᐠ ᓇᒪᐃᐧᔭ ᐃᐦᑕᑲᐧᓂᔨᐤ ᐃᑕ ᑭᑕ ᑭ ᐊᓴᒫᒋᐠ ᐅᐟ ᐊᐊᐧᑳᓂᐋᐧᐊᐧ, ᐊᔨᐢ ᓄᑌᑲᑖᓂᐊᐧᐣ ᑫᓇᐣ ᐊᐢᑭᕽ ᐁᑲᐧ ᒫᑲ ᑭ ᐸᑯᓭᔨᒥᑎᓈᐣ ᑭᔮᒼ ᑭᐟ ᐊᑐᐢᑫᔮᑲᓇᐠ ᑭᑕ ᐅᐟ ᐊᐢᑭᐊᐧᐠ ᑯᓯᐣ ᐊᐢᑭᕽ. 5ᐯᕒᐅ ᒫᑲ ᑭ ᐊᔭᒥᐦᐁᐤ ᒍᓯᐸ ᐁ ᐃᑌᐧᐟ, ᑯᑖᐃᐧ ᒥᓇ ᑭᒋᐋᐧᒪᐠ ᑯᑎᐦᑎᑲᐧᐠ. 6ᑭ ᐋᐧᐸᐦᑌᐣ ᐃᒋᑊᐟ ᐊᐢᑭ, ᒫᐊᐧᐨ ᐁ ᒥᔮᐧᓯᐠ ᐊᐢᑭ ᐁᑯᑕ ᐸᑭᑎᓇᒪᐃᐧᐠ ᑭᑕ ᐅᐟ ᐃᐦᑖᐃᐧᓂᒋᐠ ᑯᑖᐃᐧ ᒥᓇ ᑭᒋᐋᐧᒪᐠ; ᑭᔮᒼ ᑯᓯᐣ ᐊᐢᑭᕽ ᑭᑕ ᐅᐟ ᐃᐦᑖᐃᐧᓂᐊᐧᐠ; ᑭᐢᐱᐣ ᒫᑲ ᐊᐃᐧᔭᐠ ᓈᐯᐊᐧᐠ ᑳ ᑕᓯᒋᐠ ᑭ ᑭᐢᑫᔨᒫᐊᐧᐠ ᐁ ᑲᑳᔭᐋᐧᑎᓯᒋᐠ ᑎᐯᔨᐦᑕᒧᐃᐠ ᓂᐟ ᐊᐊᐧᑳᓇ. 7ᒍᓯᑊ ᒫᑲ ᑭ ᐱᐦᑐᑲᐦᐁᐤ ᒉᑲᐸ ᐅᑖᐃᐧᔭ, ᐁ ᑭ ᐅᑎᐢᑲᐊᐧᐱᐋᐟ ᒫᑲ ᐯᕒᐅᐊᐧ, ᒉᑲᑊ ᒫᑲ ᑭ ᓴᐁᐧᔨᒣᐤ ᐯᕒᐅᐊᐧ. 8ᐯᕒᐅ ᒫᑲ ᑭ ᐃᑌᐤ ᒉᑲᐸ, ᑖᓀᐢᐱᑎᓯᔭᐣ? 9ᒉᑲᑊ ᒫᑲ ᐅᒥᓯ ᑭ ᐃᑌᐤ ᐯᕒᐅᐊᐧ, ᑭᓯᑳᐊᐧ ᐁ ᑕᐦᑐᐱᐳᓀᐧᔮᐣ ᓂ ᐸᐹᒫᑎᓯᐃᐧᓂᕽ ᒥᑖᐦᑐᒥᑕᓇᐤ ᓂᐢᑐᒥᑕᓇᐤ ᐱᐳᓇᐧ; ᑭ ᒐᑲᐋᐧᓯᓯᓇᐧ, ᒥᓇ ᑭ ᒪᒑᔨᐊᐧᓇᐧ ᑭᓯᑳᐊᐧ ᑕᐦᑐ ᐱᐳᐣ ᑳ ᑭ ᐱᒫᑎᓯᔮᐣ ᒥᓇ ᓇᒪᐃᐧᔭ ᐅᑎᐦᑕᒧᒪᑲᓇᐧ ᑭᓯᑳᐊᐧ ᑕᐦᑐ ᐱᐳᐣ ᑳ ᑭ ᐱᒫᑎᓯᒋᐠ ᓄᑖᐃᐧᐸᓇᐠ ᐃᐧᐢᑕᐋᐧᐤ ᑭᓯᑳᐊᐧ ᑳ ᑭ ᐸᐹᒫᑎᓯᒋᐠ. 10ᒉᑲᑊ ᒫᑲ ᑭ ᓴᐁᐧᔨᒣᐤ ᐯᕒᐅᐊᐧ, ᐁᑯᓯ ᑭ ᐊᑎ ᓇᑲᑌᐤ.
11ᒍᓯᑊ ᒫᑲ ᑭ ᐅᔭᐱᐁᐤ ᐅᑖᐃᐧᔭ ᒥᓇ ᐅᒋᐋᐧᒪ, ᒥᓇ ᑭ ᒥᔦᐤ ᑎᐯᔨᒋᑲᐣ ᐃᒋᑊᐟ ᐊᐢᑭᕽ, ᒫᐊᐧᐨ ᐁ ᒥᔮᐧᓯᓂᔨᐠ ᐊᐢᑭ, ᐊᓂᑕ ᕒᐋᒥᓯᐢ ᐊᐢᑭᕽ, ᒣᐧᐦᒋ ᐯᕒᐅ ᑳ ᑭ ᐃᓯ ᓯᑭᒥᑯᐟ. 12ᒍᓯᑊ ᒫᑲ ᑭ ᐊᓴᒣᐤ ᐅᑖᐃᐧᔭ ᒥᓇ ᐅᒋᐋᐧᒪ, ᒥᓇ ᑲᐦᑭᔭᐤ ᐅᑖᐃᐧᔭ ᐅ ᐋᐧᐢᑳᐦᐃᑲᓂᔨᕽ, ᐸᐦᑫᐧᓯᑲᓇ ᐅᐦᒋ ᑳ ᐊᔨᑕᐦᑐᑌᐃᐧᓯᔨᐟ.
13ᓇᒪᐋᐧᐨ ᒫᑲ ᑭ ᐃᐦᑖᐤ ᐸᐦᑫᐧᓯᑲᐣ ᒥᓯᐁᐧ ᐁᑯᑕ ᐊᐢᑭᕽ; ᒋᑫᒫ ᓄᑌᑲᑌᐃᐧᐣ ᒥᐢᑕᐦᐃ ᑭ ᐋᔨᒪᐣ, ᐁᑯᓯ ᒫᑲ ᐃᒋᑊᐟ ᐊᐢᑭ ᒥᓇ ᑫᓇᐣ ᐊᐢᑭ ᑭ ᓄᑌᑲᑖᓂᐊᐧᐣ. 14ᒍᓯᑊ ᒫᑲ ᑭ ᒫᐊᐧᒋᐦᐁᐤ ᑲᐦᑭᔭᐤ ᓱᓂᔮᐊᐧ ᑳ ᑭ ᒥᐢᑲᐊᐧᐟ ᐃᒋᑊᐟ ᐊᐢᑭᕽ, ᒥᓇ ᑫᓇᐣ ᐊᐢᑭᕽ, ᐸᐦᑫᐧᓯᑲᓂᑳᓇ ᐁ ᐊᑖᐁᐧᒋᐠ; ᒍᓯᑊ ᒫᑲ ᑭ ᐱᐦᑐᑲᐦᐁᐤ ᓱᓂᔮᐊᐧ ᐯᕒᐅᐊᐧ ᐃᐧᑭᔨᕽ. 15ᐃᐢᐱ ᒫᑲ ᓱᓂᔮᐤ ᐁ ᓄᐦᑌᐸᔨᐟ ᐃᒋᑊᐟ ᐊᐢᑭᕽ, ᒥᓇ ᑫᓇᐣ ᐊᐢᑭᕽ, ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ ᑭ ᐯ ᓈᑌᐊᐧᐠ ᒍᓯᐸ, ᐅᒥᓯ ᐁ ᑭ ᐃᑖᒋᐠ, ᒥᔨᓈᐣ ᐸᐦᑫᐧᓯᑲᐣ; ᑖᓀᐦᑭ ᑫ ᓂᐱᔮᕽ ᐁ ᑲᓇᐋᐧᐸᒥᔮᕽ? ᒋᑫᒫ ᓱᓂᔮᐤ ᓄᐦᑌᐸᔨᐤ. 16ᒍᓯᑊ ᒫᑲ ᑭ ᐃᑌᐤ, ᐸᑭᑎᓂᑯᐠ ᑭᐟ ᐊᐊᐧᑳᓂᐋᐧᐊᐧᐠ; ᑭ ᑲ ᒥᔨᑎᓈᐋᐧᐤ ᒫᑲ ᑭᐟ ᐊᐊᐧᑳᓂᐋᐧᐊᐧᐠ ᐅᐦᒋ, ᑭᐢᐱᐣ ᓱᓂᔮᐤ ᓄᐦᑌᐸᔨᐤ. 17ᑭ ᐯᑕᒪᐁᐧᐊᐧᐠ ᒫᑲ ᐅᐟ ᐊᐊᐧᑳᓂᐋᐧᐊᐧ ᒍᓯᐸ; ᐁᑯᓯ ᒍᓯᑊ ᑭ ᒥᔦᐤ ᐸᐦᑫᐧᓯᑲᓇ ᐁ ᒥᐢᑯᑐᓇᒪᐋᐧᐟ ᐅ ᒥᐢᑕᑎᒧᒥᔨᐊᐧ, ᐅ ᒫᔭᑎᐦᑯᒥᔨᐊᐧ, ᒥᓇ ᐅ ᒧᐢᑐᓱᒥᔨᐊᐧ, ᒥᓇ ᐅ ᓱᓱᒥᐢᑕᑎᒧᒥᔨᐊᐧ; ᑭ ᐊᓴᒣᐤ ᒫᑲ ᐸᐦᑫᐧᓯᑲᓇ ᑲᐦᑭᔭᐤ ᐅᐟ ᐊᐊᐧᑳᓂᔨᐊᐧ ᐅᐦᒋ, ᐁᐊᐧᑳᐧᓂᒪ ᐁ ᐊᐢᑭᐊᐧᕽ. 18ᐃᐢᐱ ᒫᑲ ᐁ ᐳᓂᐸᔨᐠ ᐁᐊᐧᑯ ᐁ ᐊᐢᑭᐊᐧᕽ, ᑭ ᐯ ᓈᑌᐊᐧᐠ ᑯᑕᐠ ᐁ ᐊᑎ ᐊᐢᑭᐊᐧᕽ, ᐅᒥᓯ ᐁ ᑭ ᐃᑖᒋᐠ, ᓇᒪᐃᐧᔭ ᓂ ᑲ ᑳᑕᒪᐊᐧᓈᐣ ᓄᑭᒫᒥᓈᐣ, ᐁ ᒣᐦᒋᐸᔨᐟ ᓂ ᓱᓂᔮᒥᓈᐣ; ᓄᑭᒫᒥᓈᐣ ᒥᓇ ᐊᔮᐁᐧᐤ ᓂᐟ ᐊᐊᐧᑳᓂᓈᓇ, ᓇᒪ ᑫᑲᐧᐩ ᐃᐢᑯᓂᑳᑌᐤ ᐁ ᐋᐧᐸᐦᑕᕽ ᓄᑭᒫᒥᓈᐣ ᐱᑯ ᓂᔭᐃᐧᓈᓇ ᒥᓇ ᓂᐟ ᐊᐢᑭᓈᐣ. 19ᑫᑲᐧᐩ ᒫᑲ ᐅᐦᒋ ᑫ ᓂᐱᔮᕽ ᐁ ᑲᓇᐋᐧᐸᒥᔮᕽ ᓂᔭᓈᐣ ᒥᓇ ᓂᐟ ᐊᐢᑭᓈᐣ? ᐊᑖᒥᓈᐣ ᑭᔮᒼ ᓂᐟ ᐊᐢᑭᓈᐣ ᐸᐦᑫᐧᓯᑲᐣ ᐅᐦᒋ, ᓂᔭᓈᐣ ᒫᑲ ᒥᓇ ᓂᐟ ᐊᐢᑭᓈᓇ ᐯᕒᐅ ᑭᑕ ᐅᐟ ᐊᑐᐢᑫᔮᑲᓂᐤ, ᒥᓇ ᑭ ᑲ ᒥᔨᓈᐣ ᑭᐢᑎᑳᒋᑲᐣ ᑭᑕ ᐱᒫᑎᓯᔭᕽ, ᐁᑳ ᒫᑲ ᑭᑕ ᓂᐱᔮᕽ, ᐁᑳ ᑭᑕ ᑭᐋᐧᑕᕽ ᐊᐢᑭ.
20ᒍᓯᑊ ᒫᑲ ᑭ ᐊᑖᐁᐧᐢᑕᒪᐁᐧᐤ ᐯᕒᐅᐊᐧ ᒥᓯᐁᐧ ᐃᒋᑊᐟ ᐊᐢᑭ; ᒋᑫᒫ ᑲᐦᑭᔭᐤ ᐃᒋᑊᐟ ᐊᔨᓯᔨᓂᐊᐧᐠ ᑭ ᐊᑖᐋᐧᑫᐊᐧᐠ ᐅ ᑭᐢᑎᑳᓂᐋᐧᐊᐧ, ᒋᑫᒫ ᑭ ᓵᑯᑕᑲᑌᐊᐧᐠ; ᐁᑯᓯ ᒫᑲ ᐊᐢᑭ ᐯᕒᐅ ᑭ ᐊᔮᐤ. 21ᐊᔨᓯᔨᓂᐊᐧ ᒫᑲ ᐃᐧᔭ ᑭ ᐊᐦᑕᔦᐤ ᐅᑌᓈᕽ ᐃᓯ ᐯᔭᑲᐧᔭᐠ ᑲᑫᓯᐸᓄᕽ ᐃᒋᑊᑎᕽ ᐅᐦᒋ ᐱᔨᐢ ᑫᐧᐢᑭ ᑭᓯᐸᓄᕽ ᐃᓯ. 22ᐱᑯ ᐅᐟ ᐊᐢᑭᐋᐧᐤ ᐊᔭᒥᐦᐁᐃᐧᔨᓂᐊᐧᐠ ᓇᒪᐃᐧᔭ ᑭ ᐊᑖᐁᐧᐤ ᒋᑫᒫ ᐁ ᑭ ᐅᐦᑖᐸᓂᐃᑯᒋᐠ ᐯᕒᐅᐊᐧ; ᒥᓇ ᐁ ᑭ ᒥᒋᒋᐠ ᐯᕒᐅᐊᐧ ᑳ ᑭ ᒥᔨᑯᒋᐠ, ᐁᐊᐧᑯ ᐅᐦᒋ ᓇᒪᐃᐧᔭ ᑭ ᐊᑖᐋᐧᑫᐊᐧᐠ ᐅᐟ ᐊᐢᑭᐋᐧᐤ. 23ᒍᓯᑊ ᒫᑲ ᑭ ᐃᑌᐤ ᐊᔨᓯᔨᓂᐊᐧ, ᒫᑎᑲ, ᑭ ᑭ ᐊᑖᒥᑎᓈᐋᐧᐤ ᐊᓄᐦᐨ ᑳ ᑭᓯᑳᐠ ᑭᔭᐋᐧᐤ ᒥᓇ ᑭᐟ ᐊᐢᑭᐋᐧᐤ ᐯᕒᐅ ᐅᐦᒋ, ᒋᐢᐟ, ᐅᒪ ᐃᑕ ᑭᐢᑎᑳᒋᑲᐣ ᑭᑕ ᐊᔮᔦᐠ, ᑭ ᑲ ᑭᐢᑎᑳᑌᓈᐋᐧᐤ ᒫᑲ ᐊᐢᑭ. 24ᑭᑕ ᐃᐢᐸᔨᐤ ᒫᑲ ᐃᐢᐱ ᐅᐦᐱᑭᒋᑫᒪᑲᐦᑭ, ᐯᔭᐠ ᓂᔮᓇᐣ ᐅᐦᒋ ᑭ ᑲ ᒥᔮᐋᐧᐤ ᐯᕒᐅ, ᐁᑯᓯ ᓀᐤ ᓂᔮᓇᐣ ᐅᐦᒋ ᑭ ᑲ ᐊᔮᓈᐋᐧᐤ ᑭᔭᐋᐧᐤ, ᑭᑕ ᑭᐢᑎᑫᔦᐠ, ᑭᑕ ᒥᒋᔦᐠ. ᑭᔭᐋᐧᐤ ᒥᓇ ᑳ ᐊᔨᑕᐦᑐᑫᔦᐠ, ᒥᓇ ᑭᑕ ᒥᒋᒋᐠ ᑭᐟ ᐊᐋᐧᓯᒥᓯᐋᐧᐊᐧᐠ. 25ᑭ ᐃᑌᐧᐊᐧᐠ ᒫᑲ, ᑭ ᑭ ᐱᒫᒋᐦᑖᐣ ᓂ ᐱᒫᑎᓯᐃᐧᓂᓈᐣ; ᑭᔮᒼ ᓂ ᑲ ᐃᐧ ᒥᔪ ᑲᓇᐋᐧᐸᒥᑯᓈᐣ ᓄᑭᒫᒥᓈᐣ, ᓂ ᑲ ᐅᐟ ᐊᑐᐢᑫᔮᑲᓂᒥᑯᓈᐣ ᒫᑲ ᐯᕒᐅ. 26ᒍᓯᑊ ᒫᑲ ᑭ ᐃᑕᓱᐋᐧᑕᒼ ᐊᐢᑭ ᐃᒋᑊᑎᕽ ᐱᔨᐢ ᐊᓄᐦᐨ ᑳ ᑭᓯᑳᐠ, ᐯᕒᐅ ᐯᔭᐠ ᓂᔮᓇᐣ ᐅᐦᒋ ᑭᑕ ᐊᔮᐟ; ᐱᑯ ᐊᔭᒥᐦᐁᐃᐧᔨᓂᐊᐧᐠ ᐅᐟ ᐊᐢᑭᐋᐧᐤ ᓇᒪᐃᐧᔭ ᐯᕒᐅ ᑭ ᐊᔮᐤ.
27ᐃᐢᕒᐁᐃᓬ ᒫᑲ ᑭ ᐅᐟ ᐃᐦᑖᐃᐧᓂᐤ ᐃᒋᑊᑎᕽ ᑯᓯᐣ ᐊᐢᑭᕽ; ᐁᑯᑕ ᒫᑲ ᑭ ᐅ ᑎᐯᔨᒋᑲᓂᐊᐧᐠ, ᐁ ᑭ ᓂᐦᑖᐃᐧᑭᐃᑐᒋᐠ ᒥᓇ ᓈᐢᐱᐨ ᐁ ᑭ ᑭᔨᐱ ᒥᐦᒉᑌᒋᐠ. 28ᒉᑲᑊ ᒫᑲ ᒥᑖᑕᐦᐟ ᑌᐸᑯᐳᓴᑊ ᑕᐦᑐ ᐱᐳᓇᐧ ᑭ ᐱᒫᑎᓯᐤ ᐃᒋᑊᐟ ᐊᐢᑭᕽ; ᐁᑯᓯ ᒫᑲ ᐅ ᑭᓯᑳᒪ ᒉᑲᑊ, ᑕᐦᑐ ᐊᐢᑭ ᑳ ᑭ ᐱᒫᑎᓯᐟ, ᒥᑖᐦᑐᒥᑕᓇᐤ ᓀᒥᑕᓇᐤ ᑌᐸᑯᑊ ᐊᔨᐊᐧᐠ ᑕᐦᑐ ᐊᐢᑭ. 29#ᒉᓂᓯᐢ 49:29-32; 50:6ᑭ ᐊᑎ ᐯᓱᓈᑲᐧᐣ ᒫᑲ ᐃᑕ ᐃᐢᕒᐁᐃᓬ ᑭᑕ ᐳᓂ ᐱᒫᑎᓯᐟ; ᐁᑯᓯ ᑭ ᓇᑐᒣᐤ ᐅᑯᓯᓴ ᒍᓯᐸ ᒥᓇ ᑭ ᐃᑌᐤ, ᑭᐢᐱᐣ ᑳ ᒥᐢᑲᒧᐋᐧᓀ ᑭᑕ ᒥᔪ ᑲᓇᐋᐧᐸᒥᔭᐣ, ᐊᐢᑖ ᑭ ᐸᑯᓭᔨᒥᑎᐣ ᑭᒋᐦᒋ ᓯᐹ ᓂᐹᐧᒣᒥᕽ, ᒥᓇ ᑖᐯᐧ ᒪᒥᔪᑐᑕᐃᐧᐣ; ᐁᑳᐃᐧᔭ ᐃᒋᑊᑎᕽ ᓇᐦᐃᓂᐣ, ᑭ ᐸᑯᓭᔨᒥᑎᐣ. 30ᒫᑲ ᓂ ᑲ ᐃᐧᒋᐱᒥᓯᓄᒫᐊᐧᐠ ᓄᑖᐃᐧᐸᓇᐠ, ᒥᓇ ᐃᒋᑊᑎᕽ ᑭ ᑲ ᐅᐦᒋ ᓯᐯᐧᑕᐃᐣ, ᐁᑯᓯ ᑭᑕ ᓇᐃᓂᔭᐣ ᐅ ᓇᐃᓂᑯᐃᐧᓂᐊᐧᕽ. ᑭ ᐃᑌᐤ ᒫᑲ, ᓂ ᑲ ᑐᑌᐣ ᑳ ᐃᑌᐧᔭᐣ. 31ᑭ ᐃᑌᐤ ᒫᑲ, ᑭᐦᒋ ᐃᓯᐣ, ᑭ ᑭᐦᒋᐃᑌᐤ ᒫᑲ. ᐃᐢᕒᐁᐃᓬ ᒫᑲ ᑭ ᓈᒥᐢᑫᐧᔨᐤ ᓂᐯᐃᐧᓂᕽ ᐁᑎᐢᑫᐧᓯᕽ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.