ᒉᓂᓯᐢ 44
44
1ᑭ ᐃᑕᓱᐊᐧᑌᐤ ᒫᑲ ᑳ ᑲᓇᐁᐧᔨᑕᒥᔨᐟ ᐃᐧᑭ, ᐅᒥᓯ ᐁ ᑭ ᐃᑖᐟ, ᓵᑲᐢᑭᓇᑖᐤ ᐊᓂᑭ ᓈᐯᐊᐧᐠ ᐅ ᒪᐢᑭᒧᑎᐋᐧᐊᐧ ᒥᒋᐃᐧᐣ ᐃᔨᑯᕽ ᑫ ᑌᐱᐃᐧᑖᒋᐠ, ᒥᓇ ᑲᐦᑭᔭᐤ ᐁ ᐃᐦᑕᓯᒋᐠ ᐊᓯᐊᐧᔨᒼ ᐅ ᓱᓂᔮᒥᐋᐧᐊᐧ ᐅ ᒪᐢᑭᒧᑎᐋᐧᕽ. 2ᒥᓇ ᐊᓯᐊᐧᑖ ᓂ ᒥᓂᑳᐧᑲᐣ, ᓱᓂᔮᐃᐧ ᒥᓂᑳᐧᑲᐣ ᐊᓂᑕ ᐁ ᑕᐦᑯᐱᑌᔨᐠ ᐅ ᒪᐢᑭᒧᐟ ᐅᓯᒥᒫᐤ, ᒥᓇ ᐅ ᐸᐦᑫᐧᓯᑲᓂᑳᓂ ᓱᓂᔮᒪ. ᑭ ᑐᑕᒼ ᒫᑲ ᒍᓯᐸ ᑳ ᑭ ᐃᑌᐧᔨᐟ. 3ᐃᐢᐱ ᐁ ᐊᑎ ᐯᑖᐸᓂᔨᐠ, ᐊᓂᑭ ᓈᐯᐊᐧᐠ ᑭ ᓯᐯᐧᑎᓴᐋᐧᐊᐧᐠ, ᐃᐧᔭᐋᐧᐤ ᒥᓇ ᐅ ᓱᓱᒥᐢᑕᑎᒧᒥᐋᐧᐊᐧ. 4ᐃᐢᐱ ᒫᑲ ᐅᑌᓈᕽ ᑳ ᐊᑎ ᐅᐦᒋ ᓯᐯᐧᑌᒋᐠ, ᒥᓇ ᐁᑳ ᒉᐢᑲᐧ ᐊᐧᔭᐤ ᐁ ᐃᐦᑖᒋᐠ, ᒍᓯᑊ ᑭ ᐃᑌᐤ ᐅᑲᓇᐊᐧᐳᑫᒪ, ᐸᓯᑯ, ᐱᒥᑎᓴᐦᐅᐠ ᐊᓂᑭ ᓈᐯᐊᐧᐠ; ᐃᐢᐱ ᒫᑲ ᐊᑎᒪᑖᐧᐃᐧ ᐅᒥᓯ ᐃᓯᐠ, ᑖᓀᐦᑭ ᒪᒑᔨᐃᐧᐣ ᑳ ᑎᐸᐦᐊᒫᑫᔦᐠ ᐁ ᒥᔪᑐᑖᑲᐃᐧᔦᐠ? 5ᓇᒪ ᒋ ᐁᐊᐧᑫᐧᔨᐤ ᑳ ᐅᐦᒋ ᒥᓂᐦᑫᐧᐟ ᓂᐟ ᐅᑭᒫᒼ, ᒥᓇ ᐃᑕ ᑳ ᐅᐦᒋ ᐸᑲᐧᓇᐃᐧ ᑭᐢᑫᔨᑕᕽ? ᑭ ᑭ ᒪᒋᑐᑌᓈᐋᐧᐤ ᐁᑯᓯ ᑳ ᑐᑕᒣᐠ.
6ᑭ ᐊᑎᒣᐤ ᒫᑲ, ᐁᑯᓯ ᒫᑲ ᒣᐧᐦᒋ ᑭ ᐊᔨᑌᐤ. 7ᐅᒥᓯ ᒫᑲ ᑭ ᐃᑎᐠ, ᑖᓀᐦᑭ ᐅᒥᓯ ᑳ ᐃᑌᐧᐟ ᓂᐟ ᐅᑭᒫᒼ? ᓇᒪᐃᐧᔭ ᑭᑕ ᑭ ᐃᐦᑭᐣ ᑭᐟ ᐊᑐᐢᑫᔮᑲᓇᐠ ᐁᑯᓯ ᑭᑕ ᐃᐦᑐᑕᑭᐠ. 8ᒫᑎᑲ, ᓱᓂᔮᐤ ᑳ ᑭ ᒥᐢᑲᐊᐧᔮᕽ ᓂ ᒪᐢᑭᒧᑎᓈᕽ, ᑳᐃᐧ ᑭ ᑭ ᐯᑕᒫᑎᓈᐣ ᑫᓇᐣ ᐊᐢᑭᕽ ᐅᐦᒋ; ᑖᓂᓯ ᒫᑲ ᑫ ᑭ ᐃᓯ ᑭᒧᑎᔮᕽ ᑭᐟ ᐅᑭᒫᒼ ᐃᐧᑭᕽ ᐅᐦᒋ, ᐋᐧᐱᐢᑭᓱᓂᔮᐤ ᐊᐦᐳ ᐅᓴᐃᐧᓱᓂᔮᐤ? 9ᐊᐃᐧᔭᐠ ᑳ ᑕᓯᒋᐠ ᑭᐟ ᐊᑐᐢᑫᔮᑲᓂᐠ ᑫ ᒥᐢᑲᒪᐋᐧᐊᐧᑌ ᐁ ᐊᔮᐟ, ᑭᔮᒼ ᑭᑕ ᓂᐱᐤ, ᒥᓇ ᓂᔭᓈᐣ ᓄᑭᒫᒼ ᑭᑕ ᐅᐟ ᐊᐊᐧᑳᓂᐤ. 10ᐅᒥᓯ ᒫᑲ ᑭ ᐃᑌᐤ, ᑭᔮᒼ ᒫᑲ ᑭᑕ ᐃᐦᑭᐣ ᑳ ᐃᑌᐧᔦᐠ; ᐊᓇ ᑫ ᒥᐢᑭᑳᑌᔨᐠ ᐁ ᐊᔮᐟ ᓂ ᑲ ᐅᐟ ᐊᑐᐢᑫᔮᑲᓂᐣ, ᐁᑯᓯ ᑭᔭᐋᐧᐤ ᓇᒪᐃᐧᔭ ᑭ ᑲ ᐊᑖᒣᔨᒥᑲᐃᐧᓈᐋᐧᐤ. 11ᓭᒫᐠ ᒫᑲ ᑲᐦᑭᔭᐤ ᐁ ᐃᑕᓯᒋᐠ ᑭ ᓈᓂᑎᓇᒪᐧᐠ ᐅ ᒪᐢᑭᒧᑎᐋᐧᐊᐧ ᒧᒋᕽ ᐁ ᐊᐢᑕᒋᐠ, ᒥᓇ ᑲᐦᑭᔭᐤ ᐁ ᐃᐦᑕᓯᒋᐠ ᑭ ᐋᐸᐊᒪᐧᐠ ᐅ ᒪᐢᑭᒧᑎᐋᐧᐊᐧ. 12ᑭ ᓇᓈᑐᓂᑫᐤ ᒫᑲ ᐅᐢᑌᓯᒫᐊᐧ ᐱᔨᐢ ᐅᓯᒥᒫᐊᐧ ᐃᐢᑳᐧᔮᐨ; ᐯᐣᒋᒪᐣ ᒫᑲ ᐅ ᒪᐢᑭᒧᑎᕽ ᑭ ᒥᐢᑲᒫᐧᐣ ᒥᓂᑳᐧᑲᐣ. 13ᑭ ᔮᔨᑭᐱᑕᒪᐧᐠ ᒫᑲ ᐅ ᑭᑭᐢᑳᒋᑲᓂᐋᐧᐊᐧ ᒥᓇ ᐁ ᑭ ᐊᐧᐃᐧᐊᐧᐋᒋᐠ ᐅ ᓱᓱᒥᐢᑕᑎᒧᒥᐋᐧᐊᐧ, ᐁᑯᓯ ᐅᑌᓈᕽ ᐁ ᑭ ᐃᓯ ᑭᐁᐧᒋᐠ.
14ᒍᑕ ᒫᑲ ᒥᓇ ᐅᒋᐋᐧᒪ ᑭ ᐯ ᐃᑐᐦᑌᐊᐧᐠ ᒍᓯᐸ ᐃᐧᑭᔨᕽ; ᒋᑫᒫ ᐁᑯᑕ ᑫᔮᐱᐨ ᑭ ᐊᔮᔨᐊᐧ; ᑭ ᐸᐦᑭᓯᓇᐧᐠ ᒫᑲ ᒧᐢᑕᐢᑲᒥᐠ ᐁ ᐅᑎᐢᑲᐃᐧᐢᑲᐋᐧᒋᐠ. 15ᒍᓯᑊ ᒫᑲ ᐅᒥᓯ ᑭ ᐃᑌᐤ, ᑫᑯ ᐃᓯᐦᒋᑫᐃᐧᐣ ᐅᒪ ᑳ ᑭ ᑐᑕᒣᐠ? ᓇᒪ ᒋ ᑭ ᑭᐢᑫᔨᑌᓈᐋᐧᐤ ᓂᔭ ᑳ ᑐᐃᐧ ᐊᔨᓯᔨᓂᐃᐧᔮᐣ ᐁ ᑲᐢᑭᑖᔮᐣ ᐸᑲᐧᓇᐃᐧ ᑭᐢᑫᔨᑕᒧᐃᐧᐣ? 16ᒍᑕ ᒫᑲ ᑭ ᐃᑌᐧᐤ, ᑫᑲᐧᐩ ᑫ ᐃᑖᔮᕽ ᓄᑭᒫᒥᓈᐣ? ᑖᓂᓯ ᑫ ᐃᑌᐧᔮᕽ? ᐊᐦᐳ ᑖᓂᓯ ᑫ ᑭ ᐃᓯ ᐸᐢᐱᐦᐃᓱᔮᕽ? ᑭᓭᒪᓂᑐ ᑭ ᒥᐢᑲᒼ ᐅ ᒪᒋᑐᑕᒧᐃᐧᓂᔨᐤ ᑭᐟ ᐊᑐᐢᑫᔮᑲᓇ; ᒫᑎᑲ, ᓂ ᑎᐯᔨᒥᑯᓈᐣ ᓄᑭᒫᒥᓈᐣ, ᒫᒪᐤ ᓂᔭᓈᐣ ᒥᓇ ᐃᐧᔭ ᑳ ᒥᐢᑲᒧᐦᐟ ᒥᓂᑳᐧᑲᐣ ᐁ ᐊᔮᐟ. 17ᑭ ᐃᑌᐧᐤ ᒫᑲ, ᓇᒪᐃᐧᔭ ᑭᑕ ᑭ ᐃᐦᑭᐣ ᐁᑯᓯ ᑭᑕ ᑐᑕᒫᐣ, ᒫᑲ ᐊᓇ ᐊᔨᓯᔨᓂᐤ ᐅᒋᐦᒋᕽ ᑳ ᒥᐢᑲᒧᐦᐟ ᒥᓂᑳᐧᑲᓂᔨᐤ, ᓂ ᑲ ᐅᑐᐢᑫᔮᑲᓂᐣ; ᑭᔭᐋᐧᐤ ᒫᑲ ᐯᔭᐦᑕᑫᔨᒧᐃᐧᓂᕽ ᓇᑕᐋᐧᐸᒥᕽ ᑯᑖᐃᐧᐋᐧᐤ.
18ᐁᑲᐧ ᒍᑕ ᑭᓯᐊᐧᐠ ᑭ ᐯ ᓈᑌᐤ ᐅᒥᓯ ᐁ ᑭ ᐃᑖᐟ, ᓄᑭᒫᒼ, ᑭᔮᒼ ᑭᐟ ᐊᑐᐢᑫᔮᑲᐣ ᑭ ᐸᑯᓭᔨᒥᑎᐣ ᑭᑕ ᐱᑭᐢᑫᐧᐤ ᐯᔭᐠ ᐸᐢᑭᑐᐁᐧᐃᐧᐣ ᓄᑭᒫᒼ ᐅᐦᑕᐊᐧᑳᕽ, ᒥᓇ ᑭᔮᒼ ᐁᑳᐃᐧᔭ ᑭ ᑭᓯᐊᐧᓯᐃᐧᐣ ᑭᑕ ᓴᐢᑲᐅᐠ ᑭᐟ ᐊᑐᐢᑫᔮᑲᐣ; ᒋᑫᒫ ᑭ ᐃᐧᒋᐦᐃᐢᐱᑌᔨᑖᑯᓯᒫᐤ ᐯᕒᐅ. 19ᓂᐟ ᐅᑭᒫᒼ ᑭ ᑲᑫᐧᒋᒣᐤ ᐅᐟ ᐊᑐᐢᑫᔮᑲᓇ, ᐁ ᐃᑖᐟ, ᑯᔪᑖᐃᐧᓈᐋᐧᐤ ᒋ, ᐊᐦᐳ ᒋ ᑯᒋᐋᐧᒥᓈᐋᐧᐤ? 20ᓂ ᑭ ᐃᑖᐦᑖᐣ ᒫᑲ ᓄᑭᒫᒼ, ᓄᔪᑖᐃᐧᓈᐣ, ᑭᓭᔨᓂᐃᐧᐤ, ᒥᓇ ᐃᐦᑕᔨᐊᐧ ᐅᐟ ᐃᐢᑳᐧᔪᓵᓇ ᐁ ᑭ ᑭᓭᔨᓂᐃᐧᐟ, ᐁ ᐊᐱᓯᓯᓯᔨᐟ; ᐁᑯᓯ ᐅᒋᐋᐧᒪ ᓂᐱᔨᐊᐧ, ᐃᐧᔭ ᒫᑲ ᐱᑯ ᐊᔭᐃᐧᐠ ᐅᑳᐃᐧᔭ ᐅᐦᒋ, ᐁᑯᓯ ᐅᑖᐃᐧᔭ ᓵᑭᐦᐃᐠ. 21ᑭ ᑭ ᐃᑖᑕᔭᐠ ᒫᑲ ᑭᐟ ᐊᑐᐢᑫᔮᑲᓇᐠ, ᐯᑐᐃᐧᑭᐠ ᑭᑕ ᐊᐧᐸᒪᐠ. 22ᓂ ᑭ ᐃᑖᐦᑖᐣ ᒫᑲ ᓄᑭᒫᒼ, ᐅᐢᑭᓂᑭᓯᐢ ᓇᒪᐃᐧᔭ ᑭᑕ ᑭ ᓇᑲᑌᐤ ᐅᑖᐃᐧᔭ ᒋᑫᒫ ᑭᐢᐱᐣ ᓇᑲᑖᐟ ᐅᑖᐃᐧᔭ; ᐅᑖᐃᐧᔭ ᑭᑕ ᓂᐱᔨᐊᐧ. 23ᑭ ᑭ ᐃᑖᑕᔭᐠ ᒫᑲ ᑭᐟ ᐊᑐᐢᑫᔮᑲᓇᐠ, ᑭᐢᐱᐣ ᐁᑳ ᐯ ᐃᐧᒉᐃᐧᑌᑯ ᐅᓯᒥᒫᐤ ᑭᒋᐋᐧᒥᐋᐧᐤ, ᓇᒪᐃᐧᑳᐨ ᒥᓇ ᑭ ᑲ ᐋᐧᐸᒥᓈᐋᐧᐤ. 24ᑭ ᐃᐢᐸᔨᐤ ᒫᑲ, ᐃᐢᐱ ᑳ ᐅᑎᑖᔭᕽ ᑭᐟ ᐊᑐᐢᑫᔮᑲᐣ ᓄᑖᐃᐧ, ᓂ ᑭ ᐃᐧᐦᑕᒪᐊᐧᓈᐣ ᐅᐟ ᐃᑌᐧᐃᐧᓇ ᓄᑭᒫᒼ. 25ᓄᑖᐃᐧᓈᐣ ᒫᑲ ᑭ ᐃᑌᐧᐤ, ᐃᑐᐦᑌᐠ ᒥᓇ, ᓇᑕᐃᐧ ᐊᑖᐁᐧᐢᑕᒪᐃᐧᓈᐣ ᐊᐱᓯᐢ ᒥᒋᐃᐧᐣ. 26ᓂ ᑭ ᐃᑖᓈᐣ ᒫᑲ, ᓇᒪᐃᐧᔭ ᓂ ᑲ ᑭ ᐃᑐᑖᓈᐣ; ᑭᐢᐱᐣ ᐅᓯᒥᒫᐤ ᓂᒋᐋᐧᒥᓈᐣ ᐃᐧᒉᐃᐧᑯᔮᑭ ᐁᑲᐧ ᓂ ᑲ ᑭ ᐃᑐᑖᓈᐣ; ᒋᑫᒫ ᓇᒪᐃᐧᔭ ᓂ ᑲ ᑭ ᐋᐧᐸᒫᓈᐣ ᐊᓇ ᓈᐯᐤ ᑭᐢᐱᐣ ᐁᑳ ᐅᓯᒥᒫᐤ ᓂᒋᐋᐧᒥᓈᐣ ᐃᐧᒉᐃᐧᑯᔮᑭ. 27ᑭᐟ ᐊᑐᐢᑫᔮᑲᐣ ᒫᑲ ᓄᑖᐃᐧᓈᐣ ᓂ ᑭ ᐃᑎᑯᓈᐣ, ᑭ ᑭᐢᑫᔨᑌᓈᐋᐧᐤ ᓂᐊᐧ ᐁ ᑭ ᓂᐦᑖᐃᐧᑭᑕᒪᐃᐧᐟ ᓂᓱ ᓂᑯᓯᓴ; 28ᐯᔭᐠ ᒫᑲ ᓂ ᑭ ᓇᑲᑎᐠ ᐁᑯᓯ ᓂ ᑭ ᐃᑖᐧᐣ, ᑫᐦᒋᓈ ᑭ ᐱᓯᐱᑖᐤ; ᓇᒪᐃᐧᑳᐨ ᒫᑲ ᓄᐦ ᐋᐧᐸᒫᐤ ᐊᐢᐱᐣ ᐁᑯᐢᐱ. 29ᑭᐢᐱᐣ ᒫᑲ ᒥᓇ ᐊᐊᐧ ᒪᐢᑲᒥᔦᑯ, ᒥᓇ ᓈᐣᑕᐤ ᐃᐦᑎᒋ, ᒥᐦᒋᔭᐁᐧᓯᐃᐧᓂᕽ ᑭ ᑲ ᐃᑐᑕᑖᓈᐋᐧᐤ ᓂ ᐋᐧᐹᔨᐢᑳᐧᓇ ᔨᑳᐧᐦᐊᐢᑳᓂᕽ. 30ᐁᑲᐧ ᒫᑲ ᐃᐢᐱ ᐅᑌᑖᔮᑭ ᑭᐟ ᐊᑐᐢᑫᔮᑲᐣ ᓄᑖᐃᐧ, ᐁᑳ ᐃᐧᒉᐃᐧᒋ ᐅᐢᑭᓂᑭᐢ; ᐁ ᓄᑲᐧᕽ ᐅ ᐱᒫᑎᓯᐃᐧᐣ ᐁ ᐊᓯᑕᐱᑌᔨᐠ ᐅ ᐱᒫᑎᓯᐃᐧᓂᔨᕽ ᐅᐢᑭᓂᑭᓴ; 31ᑭᑕ ᐃᐦᑭᐣ ᐃᐢᐱ ᐋᐧᐸᐦᑕᑭ ᐁᑳ ᐁ ᐃᐧᒉᐋᐧᔮᕽ ᐅᐢᑭᓂᑭᐢ, ᑭᑕ ᓂᐱᐤ; ᑭᐟ ᐊᑐᐢᑫᔮᑲᓇᐠ ᒫᑲ ᒥᐦᒋᔭᐁᐧᓯᐃᐧᓂᕽ ᑭᑕ ᐃᑐᑕᑖᐊᐧᐠ ᔨᑲᐧᐦᐊᐢᑳᓂᐠ ᐅ ᐋᐧᐹᔨᐢᑳᐧᓂᔨᐊᐧ ᑭᐟ ᐊᑐᐢᑫᔮᑲᓇ ᓄᑖᐃᐧᓈᐣ. 32ᒋᑫᒫ ᓂᔭ ᑭᐟ ᐊᑐᐢᑫᔮᑲᐣ ᓂ ᑲᓇᐋᐧᐸᒥᑯᐣ ᑳᐃᐧ ᐅᐢᑭᓂᑭᐢ ᑭᑕ ᐸᑭᑎᓈᒪᐊᐧᐠ ᓄᑖᐃᐧ, ᐁ ᑭ ᐃᑌᐧᔮᐣ, ᑭᐢᐱᐣ ᐁᑳ ᐯᓯᐊᐧᑭ ᑭᔮᒼ ᓂᔭ ᑳᑭᑫ ᓂ ᑲ ᐊᑖᒣᔨᒥᐠ ᓄᑖᐃᐧ. 33ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᑭᔮᒼ ᑭᐟ ᐊᑐᐢᑫᔮᑲᐣ ᑭᑕ ᐊᐱᐤ ᑭᑕ ᒥᐢᑯᑎᐢᑲᒪᐋᐧᐟ ᐅᐢᑭᓂᑭᓴ, ᓂᔭ ᑭᑕ ᐅᐟ ᐊᐊᐧᑳᓂᐟ ᓂᐟ ᐅᑭᒫᒼ; ᑭᔮᒼ ᒫᑲ ᐅᐢᑭᓂᑭᐢ ᑭᑕ ᐃᐧᒉᐁᐧᐤ ᐅᒋᐋᐧᒪ. 34ᒋᑫᒫ ᑖᓂᓯ ᑫ ᑭ ᐃᓯ ᓇᑕᐋᐧᐸᒪᐠ ᓄᑖᐃᐧ, ᐁᑳ ᐅᐢᑭᓂᑭᐢ ᐃᐧᒉᐃᐧᒋ? ᑳᑲᔦ ᐃᐧᔭ ᓂ ᑲ ᐋᐧᐸᐦᑌᐣ ᐋᔨᒥᓯᐃᐧᐣ ᑫ ᐸᑲᒥᐢᑳᑯᐟ ᓄᑖᐃᐧ.
Iliyochaguliwa sasa
ᒉᓂᓯᐢ 44: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᒉᓂᓯᐢ 44
44
1ᑭ ᐃᑕᓱᐊᐧᑌᐤ ᒫᑲ ᑳ ᑲᓇᐁᐧᔨᑕᒥᔨᐟ ᐃᐧᑭ, ᐅᒥᓯ ᐁ ᑭ ᐃᑖᐟ, ᓵᑲᐢᑭᓇᑖᐤ ᐊᓂᑭ ᓈᐯᐊᐧᐠ ᐅ ᒪᐢᑭᒧᑎᐋᐧᐊᐧ ᒥᒋᐃᐧᐣ ᐃᔨᑯᕽ ᑫ ᑌᐱᐃᐧᑖᒋᐠ, ᒥᓇ ᑲᐦᑭᔭᐤ ᐁ ᐃᐦᑕᓯᒋᐠ ᐊᓯᐊᐧᔨᒼ ᐅ ᓱᓂᔮᒥᐋᐧᐊᐧ ᐅ ᒪᐢᑭᒧᑎᐋᐧᕽ. 2ᒥᓇ ᐊᓯᐊᐧᑖ ᓂ ᒥᓂᑳᐧᑲᐣ, ᓱᓂᔮᐃᐧ ᒥᓂᑳᐧᑲᐣ ᐊᓂᑕ ᐁ ᑕᐦᑯᐱᑌᔨᐠ ᐅ ᒪᐢᑭᒧᐟ ᐅᓯᒥᒫᐤ, ᒥᓇ ᐅ ᐸᐦᑫᐧᓯᑲᓂᑳᓂ ᓱᓂᔮᒪ. ᑭ ᑐᑕᒼ ᒫᑲ ᒍᓯᐸ ᑳ ᑭ ᐃᑌᐧᔨᐟ. 3ᐃᐢᐱ ᐁ ᐊᑎ ᐯᑖᐸᓂᔨᐠ, ᐊᓂᑭ ᓈᐯᐊᐧᐠ ᑭ ᓯᐯᐧᑎᓴᐋᐧᐊᐧᐠ, ᐃᐧᔭᐋᐧᐤ ᒥᓇ ᐅ ᓱᓱᒥᐢᑕᑎᒧᒥᐋᐧᐊᐧ. 4ᐃᐢᐱ ᒫᑲ ᐅᑌᓈᕽ ᑳ ᐊᑎ ᐅᐦᒋ ᓯᐯᐧᑌᒋᐠ, ᒥᓇ ᐁᑳ ᒉᐢᑲᐧ ᐊᐧᔭᐤ ᐁ ᐃᐦᑖᒋᐠ, ᒍᓯᑊ ᑭ ᐃᑌᐤ ᐅᑲᓇᐊᐧᐳᑫᒪ, ᐸᓯᑯ, ᐱᒥᑎᓴᐦᐅᐠ ᐊᓂᑭ ᓈᐯᐊᐧᐠ; ᐃᐢᐱ ᒫᑲ ᐊᑎᒪᑖᐧᐃᐧ ᐅᒥᓯ ᐃᓯᐠ, ᑖᓀᐦᑭ ᒪᒑᔨᐃᐧᐣ ᑳ ᑎᐸᐦᐊᒫᑫᔦᐠ ᐁ ᒥᔪᑐᑖᑲᐃᐧᔦᐠ? 5ᓇᒪ ᒋ ᐁᐊᐧᑫᐧᔨᐤ ᑳ ᐅᐦᒋ ᒥᓂᐦᑫᐧᐟ ᓂᐟ ᐅᑭᒫᒼ, ᒥᓇ ᐃᑕ ᑳ ᐅᐦᒋ ᐸᑲᐧᓇᐃᐧ ᑭᐢᑫᔨᑕᕽ? ᑭ ᑭ ᒪᒋᑐᑌᓈᐋᐧᐤ ᐁᑯᓯ ᑳ ᑐᑕᒣᐠ.
6ᑭ ᐊᑎᒣᐤ ᒫᑲ, ᐁᑯᓯ ᒫᑲ ᒣᐧᐦᒋ ᑭ ᐊᔨᑌᐤ. 7ᐅᒥᓯ ᒫᑲ ᑭ ᐃᑎᐠ, ᑖᓀᐦᑭ ᐅᒥᓯ ᑳ ᐃᑌᐧᐟ ᓂᐟ ᐅᑭᒫᒼ? ᓇᒪᐃᐧᔭ ᑭᑕ ᑭ ᐃᐦᑭᐣ ᑭᐟ ᐊᑐᐢᑫᔮᑲᓇᐠ ᐁᑯᓯ ᑭᑕ ᐃᐦᑐᑕᑭᐠ. 8ᒫᑎᑲ, ᓱᓂᔮᐤ ᑳ ᑭ ᒥᐢᑲᐊᐧᔮᕽ ᓂ ᒪᐢᑭᒧᑎᓈᕽ, ᑳᐃᐧ ᑭ ᑭ ᐯᑕᒫᑎᓈᐣ ᑫᓇᐣ ᐊᐢᑭᕽ ᐅᐦᒋ; ᑖᓂᓯ ᒫᑲ ᑫ ᑭ ᐃᓯ ᑭᒧᑎᔮᕽ ᑭᐟ ᐅᑭᒫᒼ ᐃᐧᑭᕽ ᐅᐦᒋ, ᐋᐧᐱᐢᑭᓱᓂᔮᐤ ᐊᐦᐳ ᐅᓴᐃᐧᓱᓂᔮᐤ? 9ᐊᐃᐧᔭᐠ ᑳ ᑕᓯᒋᐠ ᑭᐟ ᐊᑐᐢᑫᔮᑲᓂᐠ ᑫ ᒥᐢᑲᒪᐋᐧᐊᐧᑌ ᐁ ᐊᔮᐟ, ᑭᔮᒼ ᑭᑕ ᓂᐱᐤ, ᒥᓇ ᓂᔭᓈᐣ ᓄᑭᒫᒼ ᑭᑕ ᐅᐟ ᐊᐊᐧᑳᓂᐤ. 10ᐅᒥᓯ ᒫᑲ ᑭ ᐃᑌᐤ, ᑭᔮᒼ ᒫᑲ ᑭᑕ ᐃᐦᑭᐣ ᑳ ᐃᑌᐧᔦᐠ; ᐊᓇ ᑫ ᒥᐢᑭᑳᑌᔨᐠ ᐁ ᐊᔮᐟ ᓂ ᑲ ᐅᐟ ᐊᑐᐢᑫᔮᑲᓂᐣ, ᐁᑯᓯ ᑭᔭᐋᐧᐤ ᓇᒪᐃᐧᔭ ᑭ ᑲ ᐊᑖᒣᔨᒥᑲᐃᐧᓈᐋᐧᐤ. 11ᓭᒫᐠ ᒫᑲ ᑲᐦᑭᔭᐤ ᐁ ᐃᑕᓯᒋᐠ ᑭ ᓈᓂᑎᓇᒪᐧᐠ ᐅ ᒪᐢᑭᒧᑎᐋᐧᐊᐧ ᒧᒋᕽ ᐁ ᐊᐢᑕᒋᐠ, ᒥᓇ ᑲᐦᑭᔭᐤ ᐁ ᐃᐦᑕᓯᒋᐠ ᑭ ᐋᐸᐊᒪᐧᐠ ᐅ ᒪᐢᑭᒧᑎᐋᐧᐊᐧ. 12ᑭ ᓇᓈᑐᓂᑫᐤ ᒫᑲ ᐅᐢᑌᓯᒫᐊᐧ ᐱᔨᐢ ᐅᓯᒥᒫᐊᐧ ᐃᐢᑳᐧᔮᐨ; ᐯᐣᒋᒪᐣ ᒫᑲ ᐅ ᒪᐢᑭᒧᑎᕽ ᑭ ᒥᐢᑲᒫᐧᐣ ᒥᓂᑳᐧᑲᐣ. 13ᑭ ᔮᔨᑭᐱᑕᒪᐧᐠ ᒫᑲ ᐅ ᑭᑭᐢᑳᒋᑲᓂᐋᐧᐊᐧ ᒥᓇ ᐁ ᑭ ᐊᐧᐃᐧᐊᐧᐋᒋᐠ ᐅ ᓱᓱᒥᐢᑕᑎᒧᒥᐋᐧᐊᐧ, ᐁᑯᓯ ᐅᑌᓈᕽ ᐁ ᑭ ᐃᓯ ᑭᐁᐧᒋᐠ.
14ᒍᑕ ᒫᑲ ᒥᓇ ᐅᒋᐋᐧᒪ ᑭ ᐯ ᐃᑐᐦᑌᐊᐧᐠ ᒍᓯᐸ ᐃᐧᑭᔨᕽ; ᒋᑫᒫ ᐁᑯᑕ ᑫᔮᐱᐨ ᑭ ᐊᔮᔨᐊᐧ; ᑭ ᐸᐦᑭᓯᓇᐧᐠ ᒫᑲ ᒧᐢᑕᐢᑲᒥᐠ ᐁ ᐅᑎᐢᑲᐃᐧᐢᑲᐋᐧᒋᐠ. 15ᒍᓯᑊ ᒫᑲ ᐅᒥᓯ ᑭ ᐃᑌᐤ, ᑫᑯ ᐃᓯᐦᒋᑫᐃᐧᐣ ᐅᒪ ᑳ ᑭ ᑐᑕᒣᐠ? ᓇᒪ ᒋ ᑭ ᑭᐢᑫᔨᑌᓈᐋᐧᐤ ᓂᔭ ᑳ ᑐᐃᐧ ᐊᔨᓯᔨᓂᐃᐧᔮᐣ ᐁ ᑲᐢᑭᑖᔮᐣ ᐸᑲᐧᓇᐃᐧ ᑭᐢᑫᔨᑕᒧᐃᐧᐣ? 16ᒍᑕ ᒫᑲ ᑭ ᐃᑌᐧᐤ, ᑫᑲᐧᐩ ᑫ ᐃᑖᔮᕽ ᓄᑭᒫᒥᓈᐣ? ᑖᓂᓯ ᑫ ᐃᑌᐧᔮᕽ? ᐊᐦᐳ ᑖᓂᓯ ᑫ ᑭ ᐃᓯ ᐸᐢᐱᐦᐃᓱᔮᕽ? ᑭᓭᒪᓂᑐ ᑭ ᒥᐢᑲᒼ ᐅ ᒪᒋᑐᑕᒧᐃᐧᓂᔨᐤ ᑭᐟ ᐊᑐᐢᑫᔮᑲᓇ; ᒫᑎᑲ, ᓂ ᑎᐯᔨᒥᑯᓈᐣ ᓄᑭᒫᒥᓈᐣ, ᒫᒪᐤ ᓂᔭᓈᐣ ᒥᓇ ᐃᐧᔭ ᑳ ᒥᐢᑲᒧᐦᐟ ᒥᓂᑳᐧᑲᐣ ᐁ ᐊᔮᐟ. 17ᑭ ᐃᑌᐧᐤ ᒫᑲ, ᓇᒪᐃᐧᔭ ᑭᑕ ᑭ ᐃᐦᑭᐣ ᐁᑯᓯ ᑭᑕ ᑐᑕᒫᐣ, ᒫᑲ ᐊᓇ ᐊᔨᓯᔨᓂᐤ ᐅᒋᐦᒋᕽ ᑳ ᒥᐢᑲᒧᐦᐟ ᒥᓂᑳᐧᑲᓂᔨᐤ, ᓂ ᑲ ᐅᑐᐢᑫᔮᑲᓂᐣ; ᑭᔭᐋᐧᐤ ᒫᑲ ᐯᔭᐦᑕᑫᔨᒧᐃᐧᓂᕽ ᓇᑕᐋᐧᐸᒥᕽ ᑯᑖᐃᐧᐋᐧᐤ.
18ᐁᑲᐧ ᒍᑕ ᑭᓯᐊᐧᐠ ᑭ ᐯ ᓈᑌᐤ ᐅᒥᓯ ᐁ ᑭ ᐃᑖᐟ, ᓄᑭᒫᒼ, ᑭᔮᒼ ᑭᐟ ᐊᑐᐢᑫᔮᑲᐣ ᑭ ᐸᑯᓭᔨᒥᑎᐣ ᑭᑕ ᐱᑭᐢᑫᐧᐤ ᐯᔭᐠ ᐸᐢᑭᑐᐁᐧᐃᐧᐣ ᓄᑭᒫᒼ ᐅᐦᑕᐊᐧᑳᕽ, ᒥᓇ ᑭᔮᒼ ᐁᑳᐃᐧᔭ ᑭ ᑭᓯᐊᐧᓯᐃᐧᐣ ᑭᑕ ᓴᐢᑲᐅᐠ ᑭᐟ ᐊᑐᐢᑫᔮᑲᐣ; ᒋᑫᒫ ᑭ ᐃᐧᒋᐦᐃᐢᐱᑌᔨᑖᑯᓯᒫᐤ ᐯᕒᐅ. 19ᓂᐟ ᐅᑭᒫᒼ ᑭ ᑲᑫᐧᒋᒣᐤ ᐅᐟ ᐊᑐᐢᑫᔮᑲᓇ, ᐁ ᐃᑖᐟ, ᑯᔪᑖᐃᐧᓈᐋᐧᐤ ᒋ, ᐊᐦᐳ ᒋ ᑯᒋᐋᐧᒥᓈᐋᐧᐤ? 20ᓂ ᑭ ᐃᑖᐦᑖᐣ ᒫᑲ ᓄᑭᒫᒼ, ᓄᔪᑖᐃᐧᓈᐣ, ᑭᓭᔨᓂᐃᐧᐤ, ᒥᓇ ᐃᐦᑕᔨᐊᐧ ᐅᐟ ᐃᐢᑳᐧᔪᓵᓇ ᐁ ᑭ ᑭᓭᔨᓂᐃᐧᐟ, ᐁ ᐊᐱᓯᓯᓯᔨᐟ; ᐁᑯᓯ ᐅᒋᐋᐧᒪ ᓂᐱᔨᐊᐧ, ᐃᐧᔭ ᒫᑲ ᐱᑯ ᐊᔭᐃᐧᐠ ᐅᑳᐃᐧᔭ ᐅᐦᒋ, ᐁᑯᓯ ᐅᑖᐃᐧᔭ ᓵᑭᐦᐃᐠ. 21ᑭ ᑭ ᐃᑖᑕᔭᐠ ᒫᑲ ᑭᐟ ᐊᑐᐢᑫᔮᑲᓇᐠ, ᐯᑐᐃᐧᑭᐠ ᑭᑕ ᐊᐧᐸᒪᐠ. 22ᓂ ᑭ ᐃᑖᐦᑖᐣ ᒫᑲ ᓄᑭᒫᒼ, ᐅᐢᑭᓂᑭᓯᐢ ᓇᒪᐃᐧᔭ ᑭᑕ ᑭ ᓇᑲᑌᐤ ᐅᑖᐃᐧᔭ ᒋᑫᒫ ᑭᐢᐱᐣ ᓇᑲᑖᐟ ᐅᑖᐃᐧᔭ; ᐅᑖᐃᐧᔭ ᑭᑕ ᓂᐱᔨᐊᐧ. 23ᑭ ᑭ ᐃᑖᑕᔭᐠ ᒫᑲ ᑭᐟ ᐊᑐᐢᑫᔮᑲᓇᐠ, ᑭᐢᐱᐣ ᐁᑳ ᐯ ᐃᐧᒉᐃᐧᑌᑯ ᐅᓯᒥᒫᐤ ᑭᒋᐋᐧᒥᐋᐧᐤ, ᓇᒪᐃᐧᑳᐨ ᒥᓇ ᑭ ᑲ ᐋᐧᐸᒥᓈᐋᐧᐤ. 24ᑭ ᐃᐢᐸᔨᐤ ᒫᑲ, ᐃᐢᐱ ᑳ ᐅᑎᑖᔭᕽ ᑭᐟ ᐊᑐᐢᑫᔮᑲᐣ ᓄᑖᐃᐧ, ᓂ ᑭ ᐃᐧᐦᑕᒪᐊᐧᓈᐣ ᐅᐟ ᐃᑌᐧᐃᐧᓇ ᓄᑭᒫᒼ. 25ᓄᑖᐃᐧᓈᐣ ᒫᑲ ᑭ ᐃᑌᐧᐤ, ᐃᑐᐦᑌᐠ ᒥᓇ, ᓇᑕᐃᐧ ᐊᑖᐁᐧᐢᑕᒪᐃᐧᓈᐣ ᐊᐱᓯᐢ ᒥᒋᐃᐧᐣ. 26ᓂ ᑭ ᐃᑖᓈᐣ ᒫᑲ, ᓇᒪᐃᐧᔭ ᓂ ᑲ ᑭ ᐃᑐᑖᓈᐣ; ᑭᐢᐱᐣ ᐅᓯᒥᒫᐤ ᓂᒋᐋᐧᒥᓈᐣ ᐃᐧᒉᐃᐧᑯᔮᑭ ᐁᑲᐧ ᓂ ᑲ ᑭ ᐃᑐᑖᓈᐣ; ᒋᑫᒫ ᓇᒪᐃᐧᔭ ᓂ ᑲ ᑭ ᐋᐧᐸᒫᓈᐣ ᐊᓇ ᓈᐯᐤ ᑭᐢᐱᐣ ᐁᑳ ᐅᓯᒥᒫᐤ ᓂᒋᐋᐧᒥᓈᐣ ᐃᐧᒉᐃᐧᑯᔮᑭ. 27ᑭᐟ ᐊᑐᐢᑫᔮᑲᐣ ᒫᑲ ᓄᑖᐃᐧᓈᐣ ᓂ ᑭ ᐃᑎᑯᓈᐣ, ᑭ ᑭᐢᑫᔨᑌᓈᐋᐧᐤ ᓂᐊᐧ ᐁ ᑭ ᓂᐦᑖᐃᐧᑭᑕᒪᐃᐧᐟ ᓂᓱ ᓂᑯᓯᓴ; 28ᐯᔭᐠ ᒫᑲ ᓂ ᑭ ᓇᑲᑎᐠ ᐁᑯᓯ ᓂ ᑭ ᐃᑖᐧᐣ, ᑫᐦᒋᓈ ᑭ ᐱᓯᐱᑖᐤ; ᓇᒪᐃᐧᑳᐨ ᒫᑲ ᓄᐦ ᐋᐧᐸᒫᐤ ᐊᐢᐱᐣ ᐁᑯᐢᐱ. 29ᑭᐢᐱᐣ ᒫᑲ ᒥᓇ ᐊᐊᐧ ᒪᐢᑲᒥᔦᑯ, ᒥᓇ ᓈᐣᑕᐤ ᐃᐦᑎᒋ, ᒥᐦᒋᔭᐁᐧᓯᐃᐧᓂᕽ ᑭ ᑲ ᐃᑐᑕᑖᓈᐋᐧᐤ ᓂ ᐋᐧᐹᔨᐢᑳᐧᓇ ᔨᑳᐧᐦᐊᐢᑳᓂᕽ. 30ᐁᑲᐧ ᒫᑲ ᐃᐢᐱ ᐅᑌᑖᔮᑭ ᑭᐟ ᐊᑐᐢᑫᔮᑲᐣ ᓄᑖᐃᐧ, ᐁᑳ ᐃᐧᒉᐃᐧᒋ ᐅᐢᑭᓂᑭᐢ; ᐁ ᓄᑲᐧᕽ ᐅ ᐱᒫᑎᓯᐃᐧᐣ ᐁ ᐊᓯᑕᐱᑌᔨᐠ ᐅ ᐱᒫᑎᓯᐃᐧᓂᔨᕽ ᐅᐢᑭᓂᑭᓴ; 31ᑭᑕ ᐃᐦᑭᐣ ᐃᐢᐱ ᐋᐧᐸᐦᑕᑭ ᐁᑳ ᐁ ᐃᐧᒉᐋᐧᔮᕽ ᐅᐢᑭᓂᑭᐢ, ᑭᑕ ᓂᐱᐤ; ᑭᐟ ᐊᑐᐢᑫᔮᑲᓇᐠ ᒫᑲ ᒥᐦᒋᔭᐁᐧᓯᐃᐧᓂᕽ ᑭᑕ ᐃᑐᑕᑖᐊᐧᐠ ᔨᑲᐧᐦᐊᐢᑳᓂᐠ ᐅ ᐋᐧᐹᔨᐢᑳᐧᓂᔨᐊᐧ ᑭᐟ ᐊᑐᐢᑫᔮᑲᓇ ᓄᑖᐃᐧᓈᐣ. 32ᒋᑫᒫ ᓂᔭ ᑭᐟ ᐊᑐᐢᑫᔮᑲᐣ ᓂ ᑲᓇᐋᐧᐸᒥᑯᐣ ᑳᐃᐧ ᐅᐢᑭᓂᑭᐢ ᑭᑕ ᐸᑭᑎᓈᒪᐊᐧᐠ ᓄᑖᐃᐧ, ᐁ ᑭ ᐃᑌᐧᔮᐣ, ᑭᐢᐱᐣ ᐁᑳ ᐯᓯᐊᐧᑭ ᑭᔮᒼ ᓂᔭ ᑳᑭᑫ ᓂ ᑲ ᐊᑖᒣᔨᒥᐠ ᓄᑖᐃᐧ. 33ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᑭᔮᒼ ᑭᐟ ᐊᑐᐢᑫᔮᑲᐣ ᑭᑕ ᐊᐱᐤ ᑭᑕ ᒥᐢᑯᑎᐢᑲᒪᐋᐧᐟ ᐅᐢᑭᓂᑭᓴ, ᓂᔭ ᑭᑕ ᐅᐟ ᐊᐊᐧᑳᓂᐟ ᓂᐟ ᐅᑭᒫᒼ; ᑭᔮᒼ ᒫᑲ ᐅᐢᑭᓂᑭᐢ ᑭᑕ ᐃᐧᒉᐁᐧᐤ ᐅᒋᐋᐧᒪ. 34ᒋᑫᒫ ᑖᓂᓯ ᑫ ᑭ ᐃᓯ ᓇᑕᐋᐧᐸᒪᐠ ᓄᑖᐃᐧ, ᐁᑳ ᐅᐢᑭᓂᑭᐢ ᐃᐧᒉᐃᐧᒋ? ᑳᑲᔦ ᐃᐧᔭ ᓂ ᑲ ᐋᐧᐸᐦᑌᐣ ᐋᔨᒥᓯᐃᐧᐣ ᑫ ᐸᑲᒥᐢᑳᑯᐟ ᓄᑖᐃᐧ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.