ᐃᓯᑭᐁᓬ 40
40
1ᓂᓯᑕᓇᐤ ᓂᔮᓇᓄᓵᑊ ᑕᐦᑐ ᐊᐢᑭ ᐁ ᐃᐢᐸᔨᐠ ᑳ ᐊᐊᐧᑳᑎᑲᐃᐧᔮᕽ, ᐁ ᒫᒋᐸᔨᐠ ᐁᐊᐧᑯ ᐊᐢᑭ, ᒥᑖᑕᐦᐟ ᐁ ᐃᑕᑭᒥᐦᐟ ᐱᓯᒼ, ᒥᑖᑕᐦᐟ ᓀᐅᓵᑊ ᐊᐢᐱᐣ ᐅᑌᓇᐤ ᑳ ᑭ ᓂᓯᐊᐧᓈᒋᐦᑖᕽ, ᐁᐊᐧᑳᐧᓂᒪ ᐁ ᑭᓯᑳᐠ, ᐅᒋᐦᒋ ᑳ ᑎᐯᔨᐦᒋᑫᐟ ᓂ ᑭ ᑭᑭᐢᑳᑯᐋᐧᐣ, ᐁᑯᓯ ᐅᑕ ᓂ ᑭ ᐯᓯᐠ. 2#ᑭᐢᑫᔨᐦᑖᑯᐦᑫᐃᐧᐣ 21:10ᐅᐟ ᐃᓯᓇᒧᐦᐃᐁᐧᐃᐧᓂᕽ ᑭᓭᒪᓂᑐ ᓂ ᑭ ᐯᓯᐠ ᐃᐢᕒᐁᐃᓬ ᐊᐢᑭᕽ, ᓂ ᑭ ᐸᑭᑎᓂᐠ ᒫᑲ ᒥᐢᑕᐦᐃ ᐁ ᐃᐢᐹᒪᑎᓈᐠ ᐊᐧᒋ, ᐊᓂᒪ ᐃᑕ ᑳ ᐃᓯᓇᒫᐣ ᒫᓇ ᐱᑯ ᐁᓯᓈᑲᐧᕽ ᐅᑌᓇᐤ ᓵᐊᐧᓄᑖᕽ. 3#ᑭᐢᑫᔨᐦᑖᑯᐦᑫᐃᐧᐣ 11:1; 21:15ᓂ ᑭ ᐯ ᐃᑐᑕᐃᐠ ᒫᑲ ᐁᑯᑕ, ᐁᑯᓯ ᐳᑎ, ᐁᑯᑕ ᑭ ᐊᔮᐤ ᓈᐯᐤ, ᐁ ᐃᓯᓈᑯᓯᐟ ᑳ ᐃᓯᓈᑲᐧᕽ ᐅᓵᐋᐧᐱᐢᐠ, ᐱᒪᓇᑳᐧᓂᐢ ᐁ ᑕᐦᑯᓇᕽ ᒥᓇ ᑎᐸᐃᑲᓈᑎᐠ ᐋᓂᐢᑲᐊᐧᐢᐠ; ᑭ ᓂᐸᐃᐧᐤ ᒫᑲ ᑭᐦᒋᐃᐢᑳᐧᑌᒥᕽ. 4ᐊᓇ ᒫᑲ ᓈᐯᐤ ᓂ ᑭ ᐃᑎᐠ, ᐃᔨᓂᐃᐧᑯᓯᓵᐣ, ᐋᐧᐸᐦᑕ ᑭᐢᑭᓯᑯᕽ ᐅᐦᒋ, ᒥᓇ ᓇᑐᐦᑕ ᑭᐦᑕᐊᐧᑲᔭ ᐅᐦᒋ ᒥᓇ ᐃᓯᑌᐦᐁᐢᑕ ᑲᐦᑭᔭᐤ ᑫ ᐋᐧᐸᐦᑕᐦᐃᑖᐣ; ᒋᑫᒫ ᑭᑕ ᐋᐧᐸᐦᑕᐦᐃᑖᐣ ᐁᐊᐧᑯ ᑳ ᐅᐦᒋ ᐯ ᐃᑐᑕᐃᑲᐃᐧᔭᐣ ᐅᑕ; ᐃᐧᐦᑕᒪᐃᐧᐠ ᑲᐦᑭᔭᐤ ᐊᓂᒪ ᑳ ᐋᐧᐸᐦᑕᒪᐣ ᐊᓂᑭ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ.
5 #
1 ᑭᐦᒋ ᐅᑭᒫᐊᐧᐠ 6:1-38; 2 ᐊᑭᓀ ᐋᒋᒧᐃᐧᓇ 3:1-9 ᐳᑎ ᒫᑲ ᒣᓂᑫᐃᐧᐣ ᐁ ᐊᔮᐠ ᐊᐧᔭᐃᐧᑎᒥᕽ ᐋᐧᐢᑳᐦᐃᑲᓂᕽ ᒥᓯᐁᐧ ᐋᐧᐢᑳ, ᐁᑯᓯ ᐊᓇ ᓈᐯᐤ ᐅᒋᐦᒋᕽ ᑎᐸᐃᑲᓂ ᐋᓂᐢᑲᐊᐧᐢᐠ ᓂᑯᑖᐧᓯᐠ ᑯᐱᑕ ᐁ ᐃᐢᑳᐧᐠ, ᐯᔭᐠ ᑯᐱᐟ ᐯᔭᑯᒋᐦᐨ ᐊᔨᐋᐧᐠ ᐁ ᐃᐢᑳᐧᐠ; ᐁᑯᓯ ᑭ ᑎᐸᐊᒼ ᐁ ᐃᐢᐱᒋ ᑭᐢᐸᑳᐠ ᐋᐧᐢᑳᐦᐃᑲᐃᐧᐣ, ᐯᔭᐠ ᐋᓂᐢᑲᐊᐧᐢᐠ; ᒥᓇ ᐃᔨᑯᕽ ᐁ ᐃᐢᐹᐠ ᐯᔭᐠ ᐋᓂᐢᑲᐊᐧᐢᐠ.
6ᐁᑲᐧ ᑭ ᐯ ᓈᑕᒼ ᑭᐦᒋᐃᐢᑳᑌᒼ ᐋᐧᐸᓄᑖᕽ ᐃᑌᐦᑫ, ᐁᑯᓯ ᑭ ᑯᐢᐹᑕᐃᐧᐤ ᐁᑯᑕ; ᒥᓇ ᑭ ᑎᐸᐊᒼ ᑳ ᐁᓈᐠ ᑭᐦᒋᐃᐢᑳᐧᑌᒥᕽ ᐯᔭᐠ ᐋᓂᐢᑲᐊᐧᐢᐠ ᐁ ᐃᐢᐱᑕᔭᑲᐢᑳᐠ; ᐁᑯᓯ ᐊᓂᒪ ᑯᑕᐠ ᑳ ᐁᓈᐠ, ᐯᔭᐠ ᐋᓂᐢᑲᐊᐧᐢᐠ ᐁ ᐃᐢᐱᑕᔭᑲᐢᑳᐠ. 7ᑲᐦᑭᔭᐤ ᒫᑲ ᓯᒫᑲᓂᓯᐃᐧᑲᒥᑲᐧ ᐯᔭᐠ ᐋᓂᐢᑲᐊᐧᐢᐠ ᑭ ᐃᐢᑳᐧᐊᐧ ᒥᓇ ᐯᔭᐠ ᐋᓂᐢᑲᐊᐧᐢᐠ ᑭ ᐃᐢᐱᑕᔭᑲᐢᑳᐊᐧ; ᐁᑯᓯ ᓂᔮᓇᐣ ᑯᐱᑕ ᐃᔨᑯᕽ ᑭ ᑕᐋᐧᐤ ᑕᐢᑕᐃᐧᐨ ᓯᒫᑲᓂᓯᐃᐧᑲᒥᑲᐧ; ᐁᑯᓯ ᐁ ᐁᓈᐠ ᑭᐦᒋᐃᐢᑳᐧᑌᒥᕽ ᐁ ᐊᑎ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ ᐯᔭᐠ ᐋᓂᐢᑲᐊᐧᐢᐠ ᐃᔨᑯᕽ. 8ᑭ ᑎᐸᐊᒼ ᒥᓇ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ, ᐯᔭᐠ ᐋᓂᐢᑳᐊᐧᐢᐠ. 9ᐁᑲᐧ ᑭ ᑎᐸᐊᒼ ᐱᐢᑭᑖᔭᐃᐧᑲᒥᐠ ᑭᐦᒋᐃᐢᑳᐧᑌᒥᕽ ᐊᔨᓈᓀᐤ ᑯᐱᑕ; ᒥᓇ ᒋᒪᒋᑲᓇ ᐁᑯᑕ ᓂᓱ ᑯᐱᑕ; ᐁ ᐱᐢᑭᑖᔭᐃᐧᑲᒥᑯᐊᐧᕽ ᒫᑲ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ ᑭ ᐊᔮᐤ. 10ᐊᓂᐦᐃ ᒫᑲ ᓯᒫᑲᓂᓯᐃᐧᑲᒥᑲᐧ ᑭᐦᒋᐃᐢᑳᐧᑌᒥᕽ ᐋᐧᐸᓄᑖᕽ ᐃᑌᐦᑫ ᑭ ᓂᐢᑎᓇᐧ ᐅᑌ ᐃᑌᐦᑫ, ᒥᓇ ᓂᐢᑐ ᓀᑌ ᐃᑌᐦᑫ; ᐁ ᐃᓯ ᓂᐢᑎᑭ ᑭ ᐯᔭᑲᐧᐣ ᑎᐸᐃᑲᐣ; ᒥᓇ ᒋᒪᒋᑲᓇ ᑭ ᐯᔭᑲᐧᐣ ᑎᐸᐃᑲᐣ ᐅᑌ ᐃᑌᐦᑫ ᒥᓇ ᓀᑌ ᐃᑌᐦᑫ. 11ᑭ ᑎᐸᐊᒼ ᒫᑲ ᐁ ᐃᐢᐱᑕᔭᑲᐢᑳᐠ ᐁ ᔪᑌᓂᑳᑌᐠ ᑭᐦᒋᐃᐢᑳᐧᑌᒼ, ᒥᑖᑕᐦᐟ ᑯᐱᑕ; ᒥᓇ ᐁ ᐃᐢᑳᐧᐠ ᑭᐦᒋᐃᐢᑳᐧᑌᒼ, ᒥᑖᑕᐦᐟ ᓂᐢᑐᓵᑊ ᑯᐱᑕ; 12ᐁᑯᓯ ᑎᐱᐢᑯᐨ ᓯᒫᑲᓂᓯᐃᐧᑲᒥᑲᐧ ᒣᓂᑲᓂᐢ, ᐯᔭᐠ ᑯᐱᐟ ᐅᑌ ᐃᑌᐦᑫ, ᒥᓇ ᒣᓂᑲᓂᐢ, ᐯᔭᐠ ᑯᐱᐟ ᓀᑌ ᐃᑌᐦᑫ; ᐁᑯᓯ ᓯᒫᑲᓂᓯᐃᐧᑲᒥᑲᐧ, ᓂᑯᑖᐧᓯᐠ ᑯᐱᑕ ᐅᑌ ᐃᑌᐦᑫ, ᒥᓇ ᓂᑯᑖᐧᓯᐠ ᑯᐱᑕ ᓀᑌ ᐃᑌᐦᑫ. 13ᑭ ᑎᐸᐊᒼ ᒫᑲ ᑭᐦᒋᐃᐢᑳᐧᑌᒼ ᑕᐦᑯᐨ ᐊᓂᒪ ᐯᔭᐠ ᓯᒫᑲᓂᓯᐃᐧᑲᒥᐠ ᐅᐦᒋ ᑕᐦᑯᐨ ᐃᐢᑯ ᐊᓂᒪ ᑯᑕᐠ, ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᐁ ᐃᐢᐱᑕᔭᑲᐢᑳᐠ; ᐁᐧᐋᐧᐦᒋ ᐃᐢᑳᐧᑌᒪ. 14ᑭ ᐅᓯᐦᑖᐤ ᒥᓇ ᒋᒪᒋᑲᓇ, ᓂᑯᑖᐧᓱᒥᑕᓇᐤ ᑯᐱᑕ; ᐁᑯᓯ ᒫᐊᐧᒋᐦᐃᑐᐃᐧᑲᒥᐠ ᑭ ᐅᑎᐦᒋᐊᔮᐤ ᒋᒪᒋᑲᓂᕽ, ᒥᓯᐁᐧ ᐋᐧᐢᑳ ᑭᐦᒋᐃᐢᑳᐧᑌᒥᕽ. 15ᐁ ᐃᐢᑯ ᐊᔮᐠ ᒫᑲ ᐊᓂᒪ ᑭᐦᒋᐃᐢᑳᐧᑌᒼ ᑳ ᐊᑎ ᐱᐦᑐᑫᕽ ᐱᔨᐢ ᐁ ᐃᐢᑯ ᐊᔮᐠ ᐱᐦᒋ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ. 16ᑭ ᐃᐦᑕᑲᐧᓇᐧ ᒫᑲ ᐁ ᓵᑳᐋᐧᓯᑭ ᐊᐧᓭᓇᒫᐃᐧᓇ ᓯᒫᑲᓂᓯᐃᐧᑲᒥᑯᕽ, ᒥᓇ ᒋᒪᒋᑲᓂᕽ ᐱᐦᒋ ᑭᐦᒋᐃᐢᑳᐧᑌᒥᕽ ᐋᐧᐢᑳ, ᒥᓇ ᑳ ᓂᐱᑌᐢᑭᑌᑭ; ᑭ ᐋᐧᓴᑳᒣᒧᓇᐧ ᒫᑲ ᐋᐧᓭᓇᒫᐃᐧᓇ ᐱᐦᒋ; ᐁᑯᓯ ᒋᒪᒋᑲᓂᕽ ᑭ ᐊᔮᐊᐧᐠ ᐹᒫᑎᑲᐧᐠ.
17ᓂ ᑭ ᐯ ᐃᑐᑕᐃᐠ ᒫᑲ ᐊᐧᔭᐃᐧᑎᒥᕽ ᒫᐊᐧᒋᐦᐃᑐᐃᐧᑲᒥᑯᕽ, ᐳᑎ ᒫᑲ ᑭ ᐊᔮᐊᐧ ᐱᐢᑭᑖᔭᐃᐧᑲᒥᑲᐧ ᒥᓇ ᐁ ᐊᓯᓂᐃᐧ ᐊᓈᐢᑳᓂᑲᑌᐠ ᒫᐊᐧᒋᐦᐃᑐᐃᐧᑲᒥᐠ ᒥᓯᐁᐧ ᐋᐧᐢᑳ; ᓂᐢᑐᒥᑕᓇᐤ ᐱᐢᑭᑖᔭᐃᐧᑲᒥᑯᓴ ᑭ ᐊᔮᐊᐧ ᐊᓯᓂᐃᐧ ᐊᓈᐢᑳᓂᕽ. 18ᐊᓂᒪ ᒫᑲ ᐊᓯᓂᐃᐧ ᐊᓈᐢᑳᐣ ᑭ ᐊᔮᐤ ᑭᐦᒋᐃᐢᑳᐧᑌᒥᕽ, ᐁ ᐊᑎ ᐃᑕᐢᑌᑭ ᑭᐦᒋᐃᐢᑳᐧᑌᒪ, ᐊᓂᒪ ᐅᑎ ᓂᒑᔨᕽ ᐊᓯᓂᐃᐧ ᐊᓈᐢᑳᐣ. 19ᐁᑲᐧ ᑭ ᑎᐸᐊᒼ ᐁᐢᐱᑕᔭᑲᐢᑳᐠ ᐁ ᐃᐢᑯ ᐊᔮᐠ ᐊᓂᒪ ᓂᒑᔨᕽ ᑭᐦᒋᐃᐢᑳᐧᑌᒼ ᐱᔨᐢ ᐁ ᐃᐢᑯ ᐊᔮᐠ ᐊᓂᒪ ᐱᐦᒋ ᒫᐊᐧᒋᐦᐃᑐᐃᐧᑲᒥᐠ ᐊᐧᔭᐃᐧᑎᒫᔨᕽ ᐅᐦᒋ, ᒥᑖᑕᐦᑐᒥᑕᓇᐤ ᑯᐱᑕ, ᐋᐧᐸᓀᑖᕽ ᒥᓇ ᑭᐁᐧᑎᓄᑖᕽ.
20ᐁ ᑭᐦᒋᐃᐢᑳᐧᑌᒥᐊᐧᕽ ᒫᑲ ᐊᓂᒪ ᒫᐊᐧᒋᐦᐃᑐᐃᐧᑲᒥᐠ ᑭᐁᐧᑎᓄᑖᕽ ᐃᑌᐦᑫ, ᑭ ᑎᐸᐊᒼ ᐁ ᐃᐢᑳᐧᐠ ᒥᓇ ᐁ ᐃᐢᐱᑕᔭᑲᐢᑳᐠ ᐁᐊᐧᑯ. 21ᐁᑯᓯ ᓯᒫᑲᓂᓯᐃᐧᑲᒥᑲᐧ ᐁᑯᑕ ᑭ ᓂᐢᑎᓇᐧ ᐅᑌ ᐃᑌᐦᑫ ᒥᓇ ᓂᐢᑐ ᓀᑌ ᐃᑌᐦᑫ; ᒋᒪᒋᑲᓇ ᒫᑲ ᐁᑯᑕ ᒥᓇ ᑳ ᓂᐱᑌᐢᑭᑌᑭ ᑭ ᐃᓯ ᐊᔮᐊᐧ ᑖᐱᐢᑯᐨ ᓂᐢᑕᒼ ᑭᐦᒋᐃᐢᑳᐧᑌᒼ ᑳ ᑎᐸᐃᑳᑌᐠ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 22ᐋᐧᓭᓇᒫᐃᐧᓇ ᒫᑲ, ᒥᓇ ᑳ ᓂᐱᑌᐢᑭᑌᑭ, ᒥᓇ ᐹᒫᑎᑲᐧ ᐁᑯᑕ, ᑭ ᐃᓯ ᑖᑎᐸᐃᑳᑌᐊᐧ ᑖᐱᐢᑯᐨ ᐊᓂᒪ ᑭᐦᒋᐃᐢᑳᐧᑌᒼ ᐋᐧᐸᓄᑖᕽ ᐃᑌᐦᑫ; ᑭ ᑯᐢᐹᑕᐃᐧᐃᐧᓂᐊᐧᐣ ᒫᑲ ᑌᐸᑯᑊ ᑕᑯᐢᑫᐃᐧᓇ; ᐁᑯᓯ ᑳ ᓂᐱᑌᐢᑭᑎᑭ ᐅᐦᑎᐢᑲᐤ ᑭ ᐊᔮᐊᐧ. 23ᐁᑯᓯ ᑭ ᑭᐦᒋᐃᐢᑳᐧᑌᒥᐊᐧᐣ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᑎᐱᐢᑯᐨ ᐊᓂᒪ ᑯᑕᐠ ᑭᐦᒋᐃᐢᑳᐧᑌᒼ, ᑭᐁᐧᑎᓄᑖᕽ ᐃᑌᐦᑫ ᒥᓇ ᐋᐧᐸᓄᑖᕽ; ᑭ ᑎᐸᐊᒼ ᒫᑲ ᑭᐦᒋᐃᐢᑳᐧᑌᒥᕽ ᐅᐦᒋ ᑭᐦᒋᐃᐢᑳᐧᑌᒥᕽ ᐃᐢᑯ ᒥᑖᑕᐦᑐᒥᑕᓇᐤ ᑯᐱᑕ.
24ᓂ ᑭ ᐃᑐᑕᐃᐠ ᒫᑲ ᓵᐊᐧᓄᑖᕽ ᐃᑌᐦᑫ, ᐁᑯᓯ ᐳᑎ ᑭᐦᒋᐃᐢᑳᐧᑌᒼ ᓵᐊᐧᓄᑖᕽ; ᑭ ᑎᐸᐊᒼ ᒫᑲ ᒋᒪᒋᑲᓇ ᒥᓇ ᑳ ᓂᐱᑌᐢᑭᑌᑭ ᑖᐱᐢᑯᐨ ᐅᐦᐃ ᑎᐸᐃᑲᓇ. 25ᑭ ᐋᐧᓭᓇᒫᐃᐧᓂᐊᐧᓇᐧ ᒫᑲ ᑳ ᓂᐱᑌᐢᑭᑌᑭ ᐋᐧᐢᑳ, ᑖᐱᐢᑯᐨ ᐊᓂᐦᐃ ᐋᐧᓭᓇᒫᐃᐧᓇ; ᑭ ᐃᐢᑳᐧᐤ ᓂᔮᓇᓄᒥᑕᓇᐤ ᑯᐱᑕ, ᒥᓇ ᑭ ᐃᐢᐱᑕᔭᑲᐢᑳᐤ ᓂᓯᑕᓇᐤ ᓂᔮᓇᓄᓵᑊ ᑯᐱᑕ. 26ᑌᐸᑯᑊ ᒫᑲ ᑕᑯᐢᑫᐃᐧᓇ ᑭ ᐃᓯ ᑯᐢᐹᑕᐃᐧᐃᐧᓂᐊᐧᐣ, ᒥᓇ ᑳ ᓂᐱᑌᐢᑭᑌᑭ ᐅᐦᑎᐢᑲᐤ ᑭ ᐊᔮᐊᐧ; ᒥᓇ ᑭ ᐊᔮᐊᐧᐠ ᐹᒫᑎᑲᐧᐠ, ᐯᔭᐠ ᐅᑌ ᐃᑌᐦᑫ ᒥᓇ ᑯᑕᐠ ᓀᑌ ᐃᑌᐦᑫ, ᐁ ᒋᒪᒋᑲᓂᐊᐧᕽ ᐁᐊᐧᑯ. 27ᑭ ᑭᐦᒋᐃᐢᑳᐧᑌᒥᐊᐧᐣ ᒫᑲ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᓵᐊᐧᓄᑖᕽ ᐃᑌᐦᑫ; ᐁᑯᓯ ᑭ ᑎᐸᐊᒼ ᑭᐦᒋᐃᐢᑳᐧᑌᒥᕽ ᐅᐦᒋ ᑭᐦᒋᐃᐢᑳᐧᑌᒥᕽ ᐃᐢᑯ ᒥᑖᑕᐦᑐᒥᑕᓇᐤ ᑯᐱᑕ.
28ᐁᑲᐧ ᓂ ᑭ ᐯ ᐃᑐᑕᐃᐠ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ ᓵᐊᐧᓄᑖᕽ ᑭᐦᒋᐃᐢᑳᐧᑌᒥᕽ; ᒥᓇ ᑭ ᑎᐸᐊᒼ ᓵᐊᐧᓄᑖᕽ ᑭᐦᒋᐃᐢᑳᐧᑌᒼ ᐅᒪ ᑳ ᐃᓯ ᑎᐸᐃᑳᑌᑭ; 29ᒥᓇ ᓯᒫᑲᓂᓯᐃᐧᑲᒥᑲᐧ, ᒥᓇ ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ, ᐅᐦᐃ ᑳ ᐃᓯ ᑎᐸᐃᑳᑌᑭ; ᑭ ᐋᐧᓭᓇᒫᐃᐧᓂᐊᐧᐣ ᒫᑲ ᒥᓇ ᑳ ᓂᐱᑌᐢᑭᑌᑭ ᐋᐧᐢᑳ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 30ᑳ ᓂᐱᑌᐢᑭᑌᑭ ᒫᑲ ᐋᐧᐢᑳ ᑭ ᐊᔮᐊᐧ, ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᐃᐢᑯ ᒥᓇ ᓂᔮᓇᐣ ᑯᐱᑕ ᐱᒥᐨ. 31ᐊᓂᐦᐃ ᒫᑲ ᑳ ᓂᐱᑌᐢᑭᑌᑭ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐃᑌᐦᑫ ᑭ ᐊᔮᐊᐧ; ᒥᓇ ᐹᒫᑎᑲᐧᐠ ᑭ ᐊᔮᐊᐧᐠ ᒋᒪᒋᑲᓂᕽ; ᐁ ᑯᐢᐹᑕᐃᐧᐃᐧᓂᐊᐧᕽ ᒫᑲ ᐊᔨᓈᓀᐤ ᑕᑯᐢᑫᐃᐧᓇ.
32ᓂ ᑭ ᐯ ᐃᑐᑕᐃᐠ ᒫᑲ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᐋᐧᐸᓄᑖᕽ ᐃᑌᐦᑫ; ᐁᑯᓯ ᑭ ᑎᐸᐊᒼ ᑭᐦᒋᐃᐢᑲᐧᑌᒼ ᑖᐱᐢᑯᐨ ᐅᐦᐃ ᑎᐸᐃᑲᓇ; 33ᒥᓇ ᓯᒫᑲᓂᓯᐃᐧᑲᒥᑲᐧ, ᒥᓇ ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ ᐁᑯᑕ, ᑖᐱᐢᑯᐨ ᐅᐦᐃ ᑎᐸᐃᑲᓇ; ᑭ ᐋᐧᓭᓇᒫᐃᐧᓂᐊᐧᓇᐧ ᒫᑲ ᒥᓇ ᑳ ᓂᐱᑌᐢᑭᑌᑭ ᐋᐧᐢᑳ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 34ᑳ ᓂᐱᑌᐢᑭᑌᑭ ᒫᑲ ᐊᐧᔭᐃᐧᑎᒫᔨᕽ ᐃᑌᐦᑫ ᒫᐊᐧᒋᐦᐃᑐᐃᐧᑲᒥᑯᕽ ᑭ ᐊᔮᐊᐧ; ᒥᓇ ᐹᒫᑎᑲᐧᐠ ᒋᒪᒋᑲᓂᕽ ᑭ ᐊᔮᐊᐧ, ᐅᑌ ᐃᑌᐦᑫ ᒥᓇ ᓀᑌ ᐃᑌᐦᑫ, ᐁᑯᓯ ᐁ ᐃᐢᑳᐧᑕᐃᐧᐃᐧᓂᐊᐧᕽ ᐊᔨᓈᓀᐤ ᑕᐦᑯᐢᑫᐃᐧᐣ.
35ᓂ ᑭ ᐯᓯᐠ ᒫᑲ ᑭᐁᐧᑎᓄᑖᕽ ᐃᑌᐦᑫ ᑭᐦᒋᐃᐢᑳᐧᑌᒼ; ᐁᑯᓯ ᑭ ᑎᐸᐊᒼ ᑖᐱᐢᑯᐨ ᐅᐦᐃ ᑎᐸᐃᑲᓇ; 36ᓯᒫᑲᓂᓯᐃᐧᑲᒥᑲᐧ, ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ ᐁᑯᑕ; ᒥᓇ ᐁ ᐋᐧᓭᓇᒫᐃᐧᓂᐊᐧᕽ ᒥᓯᐁᐧ ᐋᐧᐢᑳ; ᑭ ᐃᐢᑳᐧᐤ ᓂᔮᓇᓄᒥᑕᓇᐤ ᑯᐱᑕ, ᒥᓇ ᑭ ᐃᐢᐱᑕᔭᑲᐢᑳᐤ ᓂᓯᑕᓇᐤ ᓂᔮᓇᓄᓵᑊ ᑯᐱᑕ. 37ᐁ ᒋᒪᒋᑲᓂᐊᐧᕽ ᒫᑲ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐃᑌᐦᑫ ᑭ ᐊᔮᐊᐧ; ᒥᓇ ᐸᒫᑎᑲᐧᐠ ᒋᒪᒋᑲᓂᕽ ᑭ ᐊᔮᐊᐧᐠ, ᐅᑌ ᐃᑌᐦᑫ, ᒥᓇ ᓀᑌ ᐃᑌᐦᑫ; ᐁᑯᓯ ᐁ ᐃᐢᑲᐧᑕᐃᐧᐃᐧᓂᐊᐧᕽ ᐊᔨᓈᓀᐤ ᑕᑯᐢᑫᐃᐧᓇ.
38ᐱᐢᑭᒋᑲᒥᐠ ᒫᑲ ᐁ ᐃᐢᑳᐧᑌᒥᐊᐧᕽ ᑭ ᐊᔮᐤ ᒋᑭ ᒋᒪᒋᑲᓂᕽ ᑭᐦᒋᐃᐢᑳᐧᑌᒥᕽ; ᐁᑯᑕ ᑭ ᑭᒋᐢᑖᐹᐊᐧᑖᐊᐧᐠ ᒪᒍᐢᑌᐦᐊᒫᑫᐃᐧᐣ.
39ᐁ ᐱᐢᑭᑖᔭᐃᐧᑲᒥᑯᐊᐧᕽ ᒫᑲ ᑭᐦᒋᐃᐢᑳᐧᑌᒼ ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ ᐅᑎ ᐃᑌᐦᑫ, ᒥᓇ ᓂᓱ ᒥᒋᓱᐃᐧᓈᑎᑲᐧ ᓀᑌ ᐃᑌᐦᑫ, ᑭᑕ ᓂᐸᑖᒋᐠ ᐁᑯᑕ ᒪᒍᐢᑌᐦᐊᒫᑫᐃᐧᐣ ᒥᓇ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᒥᓇ ᐊᐧᓂᑐᑕᒧᐃᐧᓂ ᐸᑭᑎᓈᓱᐃᐧᐣ. 40ᐁᑯᓯ ᓇᐸᑌ ᐊᐧᔭᐃᐧᑎᒫᔨᕽ, ᐊᐃᐧᔭᐠ ᐁ ᐊᑎ ᐃᑐᐦᑌᐟ ᐁ ᐊᑎ ᐱᐦᑐᑫᕽ ᑭᐦᒋᐃᐢᑳᐧᑌᒥᕽ ᑭᐁᐧᑎᓄᑖᕽ ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ; ᐁᑯᓯ ᑫᐧᐢᑭ ᑳ ᐃᐧᒋᐦᐃᐁᐧᒪᑲᕽ ᐱᐢᑭᑖᔭᐃᐧᑲᒥᑯᕽ ᑭᐦᒋᐃᐢᑳᐧᑌᒥᕽ, ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ. 41ᓀᐤ ᒥᒋᓱᐃᐧᓈᑎᑲᐧ ᑭ ᐊᔮᐊᐧ ᐅᑌ ᐃᑌᐦᑫ, ᒥᓇ ᓀᐤ ᒥᒋᓱᐃᐧᓈᑎᑲᐧ ᓀᑌ ᐃᑌᐦᑫ, ᒋᑭ ᑭᐦᒋᐃᐢᑳᐧᑌᒥᕽ; ᐊᔨᓈᓀᐤ ᒥᒋᓱᐃᐧᓈᑎᑲᐧ ᐃᑕ ᑳ ᓂᐸᐦᐋᒋᐠ ᐸᑭᑎᓈᓱᐃᐧᓇ.
42ᑭ ᓀᐃᐧᓇᐧ ᒫᑲ ᒥᒋᓱᐃᐧᓈᑎᑲᐧ ᒪᒍᐢᑌᐦᐊᒫᑫᐃᐧᓇ ᐅᐦᒋ, ᐁ ᐅᔨᑲᐅᐦᐟ ᐊᓯᓂ, ᐯᔭᐠ ᑯᐱᐟ ᒥᓇ ᐋᐱᑕᐤ ᐁ ᐃᐢᑳᐧᑭ, ᒥᓇ ᐯᔭᐠ ᑯᐱᐟ ᒥᓇ ᐋᐱᑕᐤ ᐁ ᐃᐢᐱᑕᔭᑲᐢᑳᑭ, ᒥᓇ ᐯᔭᐠ ᑯᐱᐟ ᐃᔨᑯᕽ ᐁ ᐃᐢᐹᑭ; ᐃᑕ ᒫᓇ ᐁ ᐊᐢᑖᒋᐠ ᐋᐸᒋᐦᒋᑲᓇ ᑳ ᐋᐸᒋᐦᑖᒋᐠ ᐁ ᓂᐸᐦᐋᒋᐠ ᒪᒍᐢᑌᐦᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ. 43ᐅᒋᑳᐧᒋᑲᓈᐱᐢᑯᓴ ᒫᑲ ᐁᐢᐱᑕᔭᑲᐢᑭᒋᒉᕽ ᐁ ᐃᐢᑳᐧᑭ, ᑭ ᐊᑯᑕᑲᐦᐃᑳᑌᐊᐧ ᐱᐦᒋ ᐋᐧᓴᑳᒼ; ᐁᑯᓯ ᒥᒋᓱᐃᐧᓈᑎᑯᕽ ᑭ ᐊᔮᐤ ᐃᐧᔮᐢ ᑳ ᐸᑭᑎᓈᓱᕽ.
44ᐊᐧᔭᐃᐧᑎᒫᔨᕽ ᒫᑲ ᐊᓂᒪ ᑭᐦᒋᐃᐢᑳᐧᑌᒼ ᐱᐦᒑᔨᕽ ᑳ ᐊᔮᐠ ᑭ ᐊᔮᔨᐊᐧ ᐅ ᐱᐢᑭᒋᑲᒥᑯᐋᐧᐊᐧ ᑳ ᓂᑲᒧᒋᐠ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ, ᑳ ᐊᔮᐠ ᐅᐦᐱᒣ ᑭᐁᐧᑎᓄᕽ ᐃᑌᐦᑫ ᑭᐦᒋᐃᐢᑳᐧᑌᒼ; ᐁᑯᓯ ᓵᐊᐧᓄᑖᕽ ᐃᑌᐦᑫ ᑭ ᐃᓯ ᐅᐦᑎᐢᑲᐋᐧᐤ; ᐊᓂᒪ ᐯᔭᐠ ᐅᐦᐱᒣ ᐋᐧᐸᓄᑖᕽ ᑭᐦᒋᐃᐢᑳᐧᑌᒼ ᑳ ᐊᔮᐠ ᑭᐁᐧᑎᓄᑖᕽ ᐁ ᐃᓯ ᐅᐦᑎᐢᑲᐋᐧᐠ. 45ᓂ ᑭ ᐃᑎᐠ ᒫᑲ, ᐅᒪ ᐱᐢᑭᒋᑲᒥᐠ, ᓵᐊᐧᓄᑖᕽ ᑳ ᐃᓯ ᐅᑎᐢᑲᐋᐧᐠ, ᐁᐊᐧᑫᐧᔨᐤ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐊᔮᒋᐠ, ᑳ ᑲᓇᐁᐧᔨᑕᐦᑭᐠ ᑭᑕ ᐸᒥᑖᒋᐠ ᐋᐧᐢᑳᐦᐃᑲᐣ. 46ᐊᓂᒪ ᒫᑲ ᐱᐢᑭᒋᑲᒥᐠ ᑭᐁᐧᑎᓄᕽ ᑳ ᐃᓯ ᐅᑎᐢᑲᐋᐧᐠ ᐁᐊᐧᑳᐧᓂᒪ ᑭᑕ ᐋᐸᒋᐦᑖᒋᐠ ᐊᔭᒥᐦᐁᐃᐧᔨᓂᐊᐧᐠ, ᑳ ᑲᓇᐁᐧᔨᑕᐦᑭᐠ ᑭᑕ ᐸᒥᑖᒋᐠ ᐸᑭᑎᓈᓱᐃᐧᓈᐱᐢᐠ; ᐁᐊᐧᑯᓂ ᐅᐦᐃ ᐅᑯᓯᓴ ᓭᑖᐠ, ᐅᑯᓯᓴ ᓬᐃᐸᐩ ᐁ ᐅᐦᒋᒋᐠ ᑭᓯᐋᐧᐠ ᑳ ᐯ ᓈᑖᒋᐠ ᑳ ᑎᐯᔨᐦᒋᑫᔨᐟ ᑭᑕ ᐊᑐᐢᑲᐋᐧᒋᐠ. 47ᑭ ᑎᐸᐊᒼ ᒫᑲ ᒫᐊᐧᒋᐦᐃᑐᐃᐧᑲᒥᐠ, ᒥᑖᑕᐦᑐᒥᑕᓇᐤ ᑯᐱᑕ ᐁ ᐃᐢᑳᐧᐠ, ᒥᓇ ᒥᑖᑕᐦᑐᒥᑕᓇᐤ ᑯᐱᑕ ᐁ ᐃᐢᐱᑕᔭᑲᐢᑳᐠ, ᐁ ᑲᐦᑲᑫᔮᐠ; ᐁᑯᓯ ᐸᑭᑎᓈᓱᐃᐧᓈᐱᐢᐠ ᑎᐱᐢᑯᐨ ᐋᐧᐢᑳᐦᐃᑲᓂᕽ ᑭ ᐊᔮᐤ.
48ᓂ ᑭ ᐯ ᐃᑐᑕᐃᐠ ᒫᑲ ᐁ ᐱᐢᑭᑖᔭᐃᐧᑲᒥᑯᐊᐧᕽ ᐋᐧᐢᑳᐦᐃᑲᐣ, ᒥᓇ ᑭ ᑎᐸᐊᒼ ᒋᒪᒋᑲᓇ ᐱᐢᑭᑖᔭᐃᐧᑲᒥᑯᕽ, ᓂᔮᓇᐣ ᑯᐱᑕ ᐅᑌ ᐃᑌᐦᑫ, ᒥᓇ ᓂᔮᓇᐣ ᑯᐱᑕ ᓀᑌ ᐃᑌᐦᑫ. 49ᐁ ᐃᐢᑲᐧᐠ ᐱᐢᑭᑖᔭᐃᐧᑲᒥᐠ ᓂᓯᑕᓇᐤ ᑯᐱᑕ, ᒥᓇ ᐁ ᐃᐢᐱᑕᔭᑲᐢᑳᐠ ᒥᑖᑕᐦᐟ ᐯᔭᑯᓵᑊ ᑯᐱᑕ, ᐊᓂᐦᐃ ᐅᑎ ᑕᑯᐢᑫᐃᐧᓇ ᑳ ᐅᐦᒋ ᐃᐢᑳᐧᑕᐃᐧᑐᑕᑭᐠ; ᑭ ᐃᐦᑕᑲᐧᓇᐧ ᒫᑲ ᐱᐢᑭᐦᒋ ᒋᒪᒋᑲᓇ ᒋᑭ ᒋᒪᒋᑲᓂᕽ, ᐯᔭᐠ ᐅᑌ ᐃᑌᐦᑫ, ᒥᓇ ᑯᑕᐠ ᓀᑌ ᐃᑌᐦᑫ.
Iliyochaguliwa sasa
ᐃᓯᑭᐁᓬ 40: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 40
40
1ᓂᓯᑕᓇᐤ ᓂᔮᓇᓄᓵᑊ ᑕᐦᑐ ᐊᐢᑭ ᐁ ᐃᐢᐸᔨᐠ ᑳ ᐊᐊᐧᑳᑎᑲᐃᐧᔮᕽ, ᐁ ᒫᒋᐸᔨᐠ ᐁᐊᐧᑯ ᐊᐢᑭ, ᒥᑖᑕᐦᐟ ᐁ ᐃᑕᑭᒥᐦᐟ ᐱᓯᒼ, ᒥᑖᑕᐦᐟ ᓀᐅᓵᑊ ᐊᐢᐱᐣ ᐅᑌᓇᐤ ᑳ ᑭ ᓂᓯᐊᐧᓈᒋᐦᑖᕽ, ᐁᐊᐧᑳᐧᓂᒪ ᐁ ᑭᓯᑳᐠ, ᐅᒋᐦᒋ ᑳ ᑎᐯᔨᐦᒋᑫᐟ ᓂ ᑭ ᑭᑭᐢᑳᑯᐋᐧᐣ, ᐁᑯᓯ ᐅᑕ ᓂ ᑭ ᐯᓯᐠ. 2#ᑭᐢᑫᔨᐦᑖᑯᐦᑫᐃᐧᐣ 21:10ᐅᐟ ᐃᓯᓇᒧᐦᐃᐁᐧᐃᐧᓂᕽ ᑭᓭᒪᓂᑐ ᓂ ᑭ ᐯᓯᐠ ᐃᐢᕒᐁᐃᓬ ᐊᐢᑭᕽ, ᓂ ᑭ ᐸᑭᑎᓂᐠ ᒫᑲ ᒥᐢᑕᐦᐃ ᐁ ᐃᐢᐹᒪᑎᓈᐠ ᐊᐧᒋ, ᐊᓂᒪ ᐃᑕ ᑳ ᐃᓯᓇᒫᐣ ᒫᓇ ᐱᑯ ᐁᓯᓈᑲᐧᕽ ᐅᑌᓇᐤ ᓵᐊᐧᓄᑖᕽ. 3#ᑭᐢᑫᔨᐦᑖᑯᐦᑫᐃᐧᐣ 11:1; 21:15ᓂ ᑭ ᐯ ᐃᑐᑕᐃᐠ ᒫᑲ ᐁᑯᑕ, ᐁᑯᓯ ᐳᑎ, ᐁᑯᑕ ᑭ ᐊᔮᐤ ᓈᐯᐤ, ᐁ ᐃᓯᓈᑯᓯᐟ ᑳ ᐃᓯᓈᑲᐧᕽ ᐅᓵᐋᐧᐱᐢᐠ, ᐱᒪᓇᑳᐧᓂᐢ ᐁ ᑕᐦᑯᓇᕽ ᒥᓇ ᑎᐸᐃᑲᓈᑎᐠ ᐋᓂᐢᑲᐊᐧᐢᐠ; ᑭ ᓂᐸᐃᐧᐤ ᒫᑲ ᑭᐦᒋᐃᐢᑳᐧᑌᒥᕽ. 4ᐊᓇ ᒫᑲ ᓈᐯᐤ ᓂ ᑭ ᐃᑎᐠ, ᐃᔨᓂᐃᐧᑯᓯᓵᐣ, ᐋᐧᐸᐦᑕ ᑭᐢᑭᓯᑯᕽ ᐅᐦᒋ, ᒥᓇ ᓇᑐᐦᑕ ᑭᐦᑕᐊᐧᑲᔭ ᐅᐦᒋ ᒥᓇ ᐃᓯᑌᐦᐁᐢᑕ ᑲᐦᑭᔭᐤ ᑫ ᐋᐧᐸᐦᑕᐦᐃᑖᐣ; ᒋᑫᒫ ᑭᑕ ᐋᐧᐸᐦᑕᐦᐃᑖᐣ ᐁᐊᐧᑯ ᑳ ᐅᐦᒋ ᐯ ᐃᑐᑕᐃᑲᐃᐧᔭᐣ ᐅᑕ; ᐃᐧᐦᑕᒪᐃᐧᐠ ᑲᐦᑭᔭᐤ ᐊᓂᒪ ᑳ ᐋᐧᐸᐦᑕᒪᐣ ᐊᓂᑭ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ.
5 #
1 ᑭᐦᒋ ᐅᑭᒫᐊᐧᐠ 6:1-38; 2 ᐊᑭᓀ ᐋᒋᒧᐃᐧᓇ 3:1-9 ᐳᑎ ᒫᑲ ᒣᓂᑫᐃᐧᐣ ᐁ ᐊᔮᐠ ᐊᐧᔭᐃᐧᑎᒥᕽ ᐋᐧᐢᑳᐦᐃᑲᓂᕽ ᒥᓯᐁᐧ ᐋᐧᐢᑳ, ᐁᑯᓯ ᐊᓇ ᓈᐯᐤ ᐅᒋᐦᒋᕽ ᑎᐸᐃᑲᓂ ᐋᓂᐢᑲᐊᐧᐢᐠ ᓂᑯᑖᐧᓯᐠ ᑯᐱᑕ ᐁ ᐃᐢᑳᐧᐠ, ᐯᔭᐠ ᑯᐱᐟ ᐯᔭᑯᒋᐦᐨ ᐊᔨᐋᐧᐠ ᐁ ᐃᐢᑳᐧᐠ; ᐁᑯᓯ ᑭ ᑎᐸᐊᒼ ᐁ ᐃᐢᐱᒋ ᑭᐢᐸᑳᐠ ᐋᐧᐢᑳᐦᐃᑲᐃᐧᐣ, ᐯᔭᐠ ᐋᓂᐢᑲᐊᐧᐢᐠ; ᒥᓇ ᐃᔨᑯᕽ ᐁ ᐃᐢᐹᐠ ᐯᔭᐠ ᐋᓂᐢᑲᐊᐧᐢᐠ.
6ᐁᑲᐧ ᑭ ᐯ ᓈᑕᒼ ᑭᐦᒋᐃᐢᑳᑌᒼ ᐋᐧᐸᓄᑖᕽ ᐃᑌᐦᑫ, ᐁᑯᓯ ᑭ ᑯᐢᐹᑕᐃᐧᐤ ᐁᑯᑕ; ᒥᓇ ᑭ ᑎᐸᐊᒼ ᑳ ᐁᓈᐠ ᑭᐦᒋᐃᐢᑳᐧᑌᒥᕽ ᐯᔭᐠ ᐋᓂᐢᑲᐊᐧᐢᐠ ᐁ ᐃᐢᐱᑕᔭᑲᐢᑳᐠ; ᐁᑯᓯ ᐊᓂᒪ ᑯᑕᐠ ᑳ ᐁᓈᐠ, ᐯᔭᐠ ᐋᓂᐢᑲᐊᐧᐢᐠ ᐁ ᐃᐢᐱᑕᔭᑲᐢᑳᐠ. 7ᑲᐦᑭᔭᐤ ᒫᑲ ᓯᒫᑲᓂᓯᐃᐧᑲᒥᑲᐧ ᐯᔭᐠ ᐋᓂᐢᑲᐊᐧᐢᐠ ᑭ ᐃᐢᑳᐧᐊᐧ ᒥᓇ ᐯᔭᐠ ᐋᓂᐢᑲᐊᐧᐢᐠ ᑭ ᐃᐢᐱᑕᔭᑲᐢᑳᐊᐧ; ᐁᑯᓯ ᓂᔮᓇᐣ ᑯᐱᑕ ᐃᔨᑯᕽ ᑭ ᑕᐋᐧᐤ ᑕᐢᑕᐃᐧᐨ ᓯᒫᑲᓂᓯᐃᐧᑲᒥᑲᐧ; ᐁᑯᓯ ᐁ ᐁᓈᐠ ᑭᐦᒋᐃᐢᑳᐧᑌᒥᕽ ᐁ ᐊᑎ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ ᐯᔭᐠ ᐋᓂᐢᑲᐊᐧᐢᐠ ᐃᔨᑯᕽ. 8ᑭ ᑎᐸᐊᒼ ᒥᓇ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ, ᐯᔭᐠ ᐋᓂᐢᑳᐊᐧᐢᐠ. 9ᐁᑲᐧ ᑭ ᑎᐸᐊᒼ ᐱᐢᑭᑖᔭᐃᐧᑲᒥᐠ ᑭᐦᒋᐃᐢᑳᐧᑌᒥᕽ ᐊᔨᓈᓀᐤ ᑯᐱᑕ; ᒥᓇ ᒋᒪᒋᑲᓇ ᐁᑯᑕ ᓂᓱ ᑯᐱᑕ; ᐁ ᐱᐢᑭᑖᔭᐃᐧᑲᒥᑯᐊᐧᕽ ᒫᑲ ᑭᐦᒋᐃᐢᑳᐧᑌᒼ ᐋᐧᐢᑳᐦᐃᑲᓂᕽ ᐃᑌᐦᑫ ᑭ ᐊᔮᐤ. 10ᐊᓂᐦᐃ ᒫᑲ ᓯᒫᑲᓂᓯᐃᐧᑲᒥᑲᐧ ᑭᐦᒋᐃᐢᑳᐧᑌᒥᕽ ᐋᐧᐸᓄᑖᕽ ᐃᑌᐦᑫ ᑭ ᓂᐢᑎᓇᐧ ᐅᑌ ᐃᑌᐦᑫ, ᒥᓇ ᓂᐢᑐ ᓀᑌ ᐃᑌᐦᑫ; ᐁ ᐃᓯ ᓂᐢᑎᑭ ᑭ ᐯᔭᑲᐧᐣ ᑎᐸᐃᑲᐣ; ᒥᓇ ᒋᒪᒋᑲᓇ ᑭ ᐯᔭᑲᐧᐣ ᑎᐸᐃᑲᐣ ᐅᑌ ᐃᑌᐦᑫ ᒥᓇ ᓀᑌ ᐃᑌᐦᑫ. 11ᑭ ᑎᐸᐊᒼ ᒫᑲ ᐁ ᐃᐢᐱᑕᔭᑲᐢᑳᐠ ᐁ ᔪᑌᓂᑳᑌᐠ ᑭᐦᒋᐃᐢᑳᐧᑌᒼ, ᒥᑖᑕᐦᐟ ᑯᐱᑕ; ᒥᓇ ᐁ ᐃᐢᑳᐧᐠ ᑭᐦᒋᐃᐢᑳᐧᑌᒼ, ᒥᑖᑕᐦᐟ ᓂᐢᑐᓵᑊ ᑯᐱᑕ; 12ᐁᑯᓯ ᑎᐱᐢᑯᐨ ᓯᒫᑲᓂᓯᐃᐧᑲᒥᑲᐧ ᒣᓂᑲᓂᐢ, ᐯᔭᐠ ᑯᐱᐟ ᐅᑌ ᐃᑌᐦᑫ, ᒥᓇ ᒣᓂᑲᓂᐢ, ᐯᔭᐠ ᑯᐱᐟ ᓀᑌ ᐃᑌᐦᑫ; ᐁᑯᓯ ᓯᒫᑲᓂᓯᐃᐧᑲᒥᑲᐧ, ᓂᑯᑖᐧᓯᐠ ᑯᐱᑕ ᐅᑌ ᐃᑌᐦᑫ, ᒥᓇ ᓂᑯᑖᐧᓯᐠ ᑯᐱᑕ ᓀᑌ ᐃᑌᐦᑫ. 13ᑭ ᑎᐸᐊᒼ ᒫᑲ ᑭᐦᒋᐃᐢᑳᐧᑌᒼ ᑕᐦᑯᐨ ᐊᓂᒪ ᐯᔭᐠ ᓯᒫᑲᓂᓯᐃᐧᑲᒥᐠ ᐅᐦᒋ ᑕᐦᑯᐨ ᐃᐢᑯ ᐊᓂᒪ ᑯᑕᐠ, ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᐁ ᐃᐢᐱᑕᔭᑲᐢᑳᐠ; ᐁᐧᐋᐧᐦᒋ ᐃᐢᑳᐧᑌᒪ. 14ᑭ ᐅᓯᐦᑖᐤ ᒥᓇ ᒋᒪᒋᑲᓇ, ᓂᑯᑖᐧᓱᒥᑕᓇᐤ ᑯᐱᑕ; ᐁᑯᓯ ᒫᐊᐧᒋᐦᐃᑐᐃᐧᑲᒥᐠ ᑭ ᐅᑎᐦᒋᐊᔮᐤ ᒋᒪᒋᑲᓂᕽ, ᒥᓯᐁᐧ ᐋᐧᐢᑳ ᑭᐦᒋᐃᐢᑳᐧᑌᒥᕽ. 15ᐁ ᐃᐢᑯ ᐊᔮᐠ ᒫᑲ ᐊᓂᒪ ᑭᐦᒋᐃᐢᑳᐧᑌᒼ ᑳ ᐊᑎ ᐱᐦᑐᑫᕽ ᐱᔨᐢ ᐁ ᐃᐢᑯ ᐊᔮᐠ ᐱᐦᒋ ᐁ ᐱᐢᑭᑖᔭᐃᐧᑲᒥᑯᐊᐧᕽ ᑭᐦᒋᐃᐢᑳᐧᑌᒼ ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ. 16ᑭ ᐃᐦᑕᑲᐧᓇᐧ ᒫᑲ ᐁ ᓵᑳᐋᐧᓯᑭ ᐊᐧᓭᓇᒫᐃᐧᓇ ᓯᒫᑲᓂᓯᐃᐧᑲᒥᑯᕽ, ᒥᓇ ᒋᒪᒋᑲᓂᕽ ᐱᐦᒋ ᑭᐦᒋᐃᐢᑳᐧᑌᒥᕽ ᐋᐧᐢᑳ, ᒥᓇ ᑳ ᓂᐱᑌᐢᑭᑌᑭ; ᑭ ᐋᐧᓴᑳᒣᒧᓇᐧ ᒫᑲ ᐋᐧᓭᓇᒫᐃᐧᓇ ᐱᐦᒋ; ᐁᑯᓯ ᒋᒪᒋᑲᓂᕽ ᑭ ᐊᔮᐊᐧᐠ ᐹᒫᑎᑲᐧᐠ.
17ᓂ ᑭ ᐯ ᐃᑐᑕᐃᐠ ᒫᑲ ᐊᐧᔭᐃᐧᑎᒥᕽ ᒫᐊᐧᒋᐦᐃᑐᐃᐧᑲᒥᑯᕽ, ᐳᑎ ᒫᑲ ᑭ ᐊᔮᐊᐧ ᐱᐢᑭᑖᔭᐃᐧᑲᒥᑲᐧ ᒥᓇ ᐁ ᐊᓯᓂᐃᐧ ᐊᓈᐢᑳᓂᑲᑌᐠ ᒫᐊᐧᒋᐦᐃᑐᐃᐧᑲᒥᐠ ᒥᓯᐁᐧ ᐋᐧᐢᑳ; ᓂᐢᑐᒥᑕᓇᐤ ᐱᐢᑭᑖᔭᐃᐧᑲᒥᑯᓴ ᑭ ᐊᔮᐊᐧ ᐊᓯᓂᐃᐧ ᐊᓈᐢᑳᓂᕽ. 18ᐊᓂᒪ ᒫᑲ ᐊᓯᓂᐃᐧ ᐊᓈᐢᑳᐣ ᑭ ᐊᔮᐤ ᑭᐦᒋᐃᐢᑳᐧᑌᒥᕽ, ᐁ ᐊᑎ ᐃᑕᐢᑌᑭ ᑭᐦᒋᐃᐢᑳᐧᑌᒪ, ᐊᓂᒪ ᐅᑎ ᓂᒑᔨᕽ ᐊᓯᓂᐃᐧ ᐊᓈᐢᑳᐣ. 19ᐁᑲᐧ ᑭ ᑎᐸᐊᒼ ᐁᐢᐱᑕᔭᑲᐢᑳᐠ ᐁ ᐃᐢᑯ ᐊᔮᐠ ᐊᓂᒪ ᓂᒑᔨᕽ ᑭᐦᒋᐃᐢᑳᐧᑌᒼ ᐱᔨᐢ ᐁ ᐃᐢᑯ ᐊᔮᐠ ᐊᓂᒪ ᐱᐦᒋ ᒫᐊᐧᒋᐦᐃᑐᐃᐧᑲᒥᐠ ᐊᐧᔭᐃᐧᑎᒫᔨᕽ ᐅᐦᒋ, ᒥᑖᑕᐦᑐᒥᑕᓇᐤ ᑯᐱᑕ, ᐋᐧᐸᓀᑖᕽ ᒥᓇ ᑭᐁᐧᑎᓄᑖᕽ.
20ᐁ ᑭᐦᒋᐃᐢᑳᐧᑌᒥᐊᐧᕽ ᒫᑲ ᐊᓂᒪ ᒫᐊᐧᒋᐦᐃᑐᐃᐧᑲᒥᐠ ᑭᐁᐧᑎᓄᑖᕽ ᐃᑌᐦᑫ, ᑭ ᑎᐸᐊᒼ ᐁ ᐃᐢᑳᐧᐠ ᒥᓇ ᐁ ᐃᐢᐱᑕᔭᑲᐢᑳᐠ ᐁᐊᐧᑯ. 21ᐁᑯᓯ ᓯᒫᑲᓂᓯᐃᐧᑲᒥᑲᐧ ᐁᑯᑕ ᑭ ᓂᐢᑎᓇᐧ ᐅᑌ ᐃᑌᐦᑫ ᒥᓇ ᓂᐢᑐ ᓀᑌ ᐃᑌᐦᑫ; ᒋᒪᒋᑲᓇ ᒫᑲ ᐁᑯᑕ ᒥᓇ ᑳ ᓂᐱᑌᐢᑭᑌᑭ ᑭ ᐃᓯ ᐊᔮᐊᐧ ᑖᐱᐢᑯᐨ ᓂᐢᑕᒼ ᑭᐦᒋᐃᐢᑳᐧᑌᒼ ᑳ ᑎᐸᐃᑳᑌᐠ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 22ᐋᐧᓭᓇᒫᐃᐧᓇ ᒫᑲ, ᒥᓇ ᑳ ᓂᐱᑌᐢᑭᑌᑭ, ᒥᓇ ᐹᒫᑎᑲᐧ ᐁᑯᑕ, ᑭ ᐃᓯ ᑖᑎᐸᐃᑳᑌᐊᐧ ᑖᐱᐢᑯᐨ ᐊᓂᒪ ᑭᐦᒋᐃᐢᑳᐧᑌᒼ ᐋᐧᐸᓄᑖᕽ ᐃᑌᐦᑫ; ᑭ ᑯᐢᐹᑕᐃᐧᐃᐧᓂᐊᐧᐣ ᒫᑲ ᑌᐸᑯᑊ ᑕᑯᐢᑫᐃᐧᓇ; ᐁᑯᓯ ᑳ ᓂᐱᑌᐢᑭᑎᑭ ᐅᐦᑎᐢᑲᐤ ᑭ ᐊᔮᐊᐧ. 23ᐁᑯᓯ ᑭ ᑭᐦᒋᐃᐢᑳᐧᑌᒥᐊᐧᐣ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᑎᐱᐢᑯᐨ ᐊᓂᒪ ᑯᑕᐠ ᑭᐦᒋᐃᐢᑳᐧᑌᒼ, ᑭᐁᐧᑎᓄᑖᕽ ᐃᑌᐦᑫ ᒥᓇ ᐋᐧᐸᓄᑖᕽ; ᑭ ᑎᐸᐊᒼ ᒫᑲ ᑭᐦᒋᐃᐢᑳᐧᑌᒥᕽ ᐅᐦᒋ ᑭᐦᒋᐃᐢᑳᐧᑌᒥᕽ ᐃᐢᑯ ᒥᑖᑕᐦᑐᒥᑕᓇᐤ ᑯᐱᑕ.
24ᓂ ᑭ ᐃᑐᑕᐃᐠ ᒫᑲ ᓵᐊᐧᓄᑖᕽ ᐃᑌᐦᑫ, ᐁᑯᓯ ᐳᑎ ᑭᐦᒋᐃᐢᑳᐧᑌᒼ ᓵᐊᐧᓄᑖᕽ; ᑭ ᑎᐸᐊᒼ ᒫᑲ ᒋᒪᒋᑲᓇ ᒥᓇ ᑳ ᓂᐱᑌᐢᑭᑌᑭ ᑖᐱᐢᑯᐨ ᐅᐦᐃ ᑎᐸᐃᑲᓇ. 25ᑭ ᐋᐧᓭᓇᒫᐃᐧᓂᐊᐧᓇᐧ ᒫᑲ ᑳ ᓂᐱᑌᐢᑭᑌᑭ ᐋᐧᐢᑳ, ᑖᐱᐢᑯᐨ ᐊᓂᐦᐃ ᐋᐧᓭᓇᒫᐃᐧᓇ; ᑭ ᐃᐢᑳᐧᐤ ᓂᔮᓇᓄᒥᑕᓇᐤ ᑯᐱᑕ, ᒥᓇ ᑭ ᐃᐢᐱᑕᔭᑲᐢᑳᐤ ᓂᓯᑕᓇᐤ ᓂᔮᓇᓄᓵᑊ ᑯᐱᑕ. 26ᑌᐸᑯᑊ ᒫᑲ ᑕᑯᐢᑫᐃᐧᓇ ᑭ ᐃᓯ ᑯᐢᐹᑕᐃᐧᐃᐧᓂᐊᐧᐣ, ᒥᓇ ᑳ ᓂᐱᑌᐢᑭᑌᑭ ᐅᐦᑎᐢᑲᐤ ᑭ ᐊᔮᐊᐧ; ᒥᓇ ᑭ ᐊᔮᐊᐧᐠ ᐹᒫᑎᑲᐧᐠ, ᐯᔭᐠ ᐅᑌ ᐃᑌᐦᑫ ᒥᓇ ᑯᑕᐠ ᓀᑌ ᐃᑌᐦᑫ, ᐁ ᒋᒪᒋᑲᓂᐊᐧᕽ ᐁᐊᐧᑯ. 27ᑭ ᑭᐦᒋᐃᐢᑳᐧᑌᒥᐊᐧᐣ ᒫᑲ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᓵᐊᐧᓄᑖᕽ ᐃᑌᐦᑫ; ᐁᑯᓯ ᑭ ᑎᐸᐊᒼ ᑭᐦᒋᐃᐢᑳᐧᑌᒥᕽ ᐅᐦᒋ ᑭᐦᒋᐃᐢᑳᐧᑌᒥᕽ ᐃᐢᑯ ᒥᑖᑕᐦᑐᒥᑕᓇᐤ ᑯᐱᑕ.
28ᐁᑲᐧ ᓂ ᑭ ᐯ ᐃᑐᑕᐃᐠ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᑯᕽ ᓵᐊᐧᓄᑖᕽ ᑭᐦᒋᐃᐢᑳᐧᑌᒥᕽ; ᒥᓇ ᑭ ᑎᐸᐊᒼ ᓵᐊᐧᓄᑖᕽ ᑭᐦᒋᐃᐢᑳᐧᑌᒼ ᐅᒪ ᑳ ᐃᓯ ᑎᐸᐃᑳᑌᑭ; 29ᒥᓇ ᓯᒫᑲᓂᓯᐃᐧᑲᒥᑲᐧ, ᒥᓇ ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ, ᐅᐦᐃ ᑳ ᐃᓯ ᑎᐸᐃᑳᑌᑭ; ᑭ ᐋᐧᓭᓇᒫᐃᐧᓂᐊᐧᐣ ᒫᑲ ᒥᓇ ᑳ ᓂᐱᑌᐢᑭᑌᑭ ᐋᐧᐢᑳ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 30ᑳ ᓂᐱᑌᐢᑭᑌᑭ ᒫᑲ ᐋᐧᐢᑳ ᑭ ᐊᔮᐊᐧ, ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᐃᐢᑯ ᒥᓇ ᓂᔮᓇᐣ ᑯᐱᑕ ᐱᒥᐨ. 31ᐊᓂᐦᐃ ᒫᑲ ᑳ ᓂᐱᑌᐢᑭᑌᑭ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐃᑌᐦᑫ ᑭ ᐊᔮᐊᐧ; ᒥᓇ ᐹᒫᑎᑲᐧᐠ ᑭ ᐊᔮᐊᐧᐠ ᒋᒪᒋᑲᓂᕽ; ᐁ ᑯᐢᐹᑕᐃᐧᐃᐧᓂᐊᐧᕽ ᒫᑲ ᐊᔨᓈᓀᐤ ᑕᑯᐢᑫᐃᐧᓇ.
32ᓂ ᑭ ᐯ ᐃᑐᑕᐃᐠ ᒫᑲ ᐊᓂᒪ ᐱᐦᒑᔨᕽ ᒫᐊᐧᒋᐦᐃᑐᐃᐧᑲᒥᐠ ᐋᐧᐸᓄᑖᕽ ᐃᑌᐦᑫ; ᐁᑯᓯ ᑭ ᑎᐸᐊᒼ ᑭᐦᒋᐃᐢᑲᐧᑌᒼ ᑖᐱᐢᑯᐨ ᐅᐦᐃ ᑎᐸᐃᑲᓇ; 33ᒥᓇ ᓯᒫᑲᓂᓯᐃᐧᑲᒥᑲᐧ, ᒥᓇ ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ ᐁᑯᑕ, ᑖᐱᐢᑯᐨ ᐅᐦᐃ ᑎᐸᐃᑲᓇ; ᑭ ᐋᐧᓭᓇᒫᐃᐧᓂᐊᐧᓇᐧ ᒫᑲ ᒥᓇ ᑳ ᓂᐱᑌᐢᑭᑌᑭ ᐋᐧᐢᑳ; ᓂᔮᓇᓄᒥᑕᓇᐤ ᑯᐱᑕ ᑭ ᐃᐢᑳᐧᐤ, ᒥᓇ ᓂᓯᑕᓇᐤ ᓂᔮᓇᓄᓵᑊ ᑯᐱᑕ ᑭ ᐃᐢᐱᑕᔭᑲᐢᑳᐤ. 34ᑳ ᓂᐱᑌᐢᑭᑌᑭ ᒫᑲ ᐊᐧᔭᐃᐧᑎᒫᔨᕽ ᐃᑌᐦᑫ ᒫᐊᐧᒋᐦᐃᑐᐃᐧᑲᒥᑯᕽ ᑭ ᐊᔮᐊᐧ; ᒥᓇ ᐹᒫᑎᑲᐧᐠ ᒋᒪᒋᑲᓂᕽ ᑭ ᐊᔮᐊᐧ, ᐅᑌ ᐃᑌᐦᑫ ᒥᓇ ᓀᑌ ᐃᑌᐦᑫ, ᐁᑯᓯ ᐁ ᐃᐢᑳᐧᑕᐃᐧᐃᐧᓂᐊᐧᕽ ᐊᔨᓈᓀᐤ ᑕᐦᑯᐢᑫᐃᐧᐣ.
35ᓂ ᑭ ᐯᓯᐠ ᒫᑲ ᑭᐁᐧᑎᓄᑖᕽ ᐃᑌᐦᑫ ᑭᐦᒋᐃᐢᑳᐧᑌᒼ; ᐁᑯᓯ ᑭ ᑎᐸᐊᒼ ᑖᐱᐢᑯᐨ ᐅᐦᐃ ᑎᐸᐃᑲᓇ; 36ᓯᒫᑲᓂᓯᐃᐧᑲᒥᑲᐧ, ᒋᒪᒋᑲᓇ, ᒥᓇ ᑳ ᓂᐱᑌᐢᑭᑌᑭ ᐁᑯᑕ; ᒥᓇ ᐁ ᐋᐧᓭᓇᒫᐃᐧᓂᐊᐧᕽ ᒥᓯᐁᐧ ᐋᐧᐢᑳ; ᑭ ᐃᐢᑳᐧᐤ ᓂᔮᓇᓄᒥᑕᓇᐤ ᑯᐱᑕ, ᒥᓇ ᑭ ᐃᐢᐱᑕᔭᑲᐢᑳᐤ ᓂᓯᑕᓇᐤ ᓂᔮᓇᓄᓵᑊ ᑯᐱᑕ. 37ᐁ ᒋᒪᒋᑲᓂᐊᐧᕽ ᒫᑲ ᐊᐧᔭᐃᐧᑎᒫᔨᕽ ᒫᐊᐧᒋᐦᐃᑐᐃᐧᑲᒥᐠ ᐃᑌᐦᑫ ᑭ ᐊᔮᐊᐧ; ᒥᓇ ᐸᒫᑎᑲᐧᐠ ᒋᒪᒋᑲᓂᕽ ᑭ ᐊᔮᐊᐧᐠ, ᐅᑌ ᐃᑌᐦᑫ, ᒥᓇ ᓀᑌ ᐃᑌᐦᑫ; ᐁᑯᓯ ᐁ ᐃᐢᑲᐧᑕᐃᐧᐃᐧᓂᐊᐧᕽ ᐊᔨᓈᓀᐤ ᑕᑯᐢᑫᐃᐧᓇ.
38ᐱᐢᑭᒋᑲᒥᐠ ᒫᑲ ᐁ ᐃᐢᑳᐧᑌᒥᐊᐧᕽ ᑭ ᐊᔮᐤ ᒋᑭ ᒋᒪᒋᑲᓂᕽ ᑭᐦᒋᐃᐢᑳᐧᑌᒥᕽ; ᐁᑯᑕ ᑭ ᑭᒋᐢᑖᐹᐊᐧᑖᐊᐧᐠ ᒪᒍᐢᑌᐦᐊᒫᑫᐃᐧᐣ.
39ᐁ ᐱᐢᑭᑖᔭᐃᐧᑲᒥᑯᐊᐧᕽ ᒫᑲ ᑭᐦᒋᐃᐢᑳᐧᑌᒼ ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ ᐅᑎ ᐃᑌᐦᑫ, ᒥᓇ ᓂᓱ ᒥᒋᓱᐃᐧᓈᑎᑲᐧ ᓀᑌ ᐃᑌᐦᑫ, ᑭᑕ ᓂᐸᑖᒋᐠ ᐁᑯᑕ ᒪᒍᐢᑌᐦᐊᒫᑫᐃᐧᐣ ᒥᓇ ᒪᒋᑐᑕᒧᐃᐧᓂ ᐸᑭᑎᓈᓱᐃᐧᐣ ᒥᓇ ᐊᐧᓂᑐᑕᒧᐃᐧᓂ ᐸᑭᑎᓈᓱᐃᐧᐣ. 40ᐁᑯᓯ ᓇᐸᑌ ᐊᐧᔭᐃᐧᑎᒫᔨᕽ, ᐊᐃᐧᔭᐠ ᐁ ᐊᑎ ᐃᑐᐦᑌᐟ ᐁ ᐊᑎ ᐱᐦᑐᑫᕽ ᑭᐦᒋᐃᐢᑳᐧᑌᒥᕽ ᑭᐁᐧᑎᓄᑖᕽ ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ; ᐁᑯᓯ ᑫᐧᐢᑭ ᑳ ᐃᐧᒋᐦᐃᐁᐧᒪᑲᕽ ᐱᐢᑭᑖᔭᐃᐧᑲᒥᑯᕽ ᑭᐦᒋᐃᐢᑳᐧᑌᒥᕽ, ᑭ ᐊᔮᐊᐧ ᓂᓱ ᒥᒋᓱᐃᐧᓈᑎᑲᐧ. 41ᓀᐤ ᒥᒋᓱᐃᐧᓈᑎᑲᐧ ᑭ ᐊᔮᐊᐧ ᐅᑌ ᐃᑌᐦᑫ, ᒥᓇ ᓀᐤ ᒥᒋᓱᐃᐧᓈᑎᑲᐧ ᓀᑌ ᐃᑌᐦᑫ, ᒋᑭ ᑭᐦᒋᐃᐢᑳᐧᑌᒥᕽ; ᐊᔨᓈᓀᐤ ᒥᒋᓱᐃᐧᓈᑎᑲᐧ ᐃᑕ ᑳ ᓂᐸᐦᐋᒋᐠ ᐸᑭᑎᓈᓱᐃᐧᓇ.
42ᑭ ᓀᐃᐧᓇᐧ ᒫᑲ ᒥᒋᓱᐃᐧᓈᑎᑲᐧ ᒪᒍᐢᑌᐦᐊᒫᑫᐃᐧᓇ ᐅᐦᒋ, ᐁ ᐅᔨᑲᐅᐦᐟ ᐊᓯᓂ, ᐯᔭᐠ ᑯᐱᐟ ᒥᓇ ᐋᐱᑕᐤ ᐁ ᐃᐢᑳᐧᑭ, ᒥᓇ ᐯᔭᐠ ᑯᐱᐟ ᒥᓇ ᐋᐱᑕᐤ ᐁ ᐃᐢᐱᑕᔭᑲᐢᑳᑭ, ᒥᓇ ᐯᔭᐠ ᑯᐱᐟ ᐃᔨᑯᕽ ᐁ ᐃᐢᐹᑭ; ᐃᑕ ᒫᓇ ᐁ ᐊᐢᑖᒋᐠ ᐋᐸᒋᐦᒋᑲᓇ ᑳ ᐋᐸᒋᐦᑖᒋᐠ ᐁ ᓂᐸᐦᐋᒋᐠ ᒪᒍᐢᑌᐦᐊᒫᑫᐃᐧᓇ ᒥᓇ ᐸᑭᑎᓈᓱᐃᐧᓇ. 43ᐅᒋᑳᐧᒋᑲᓈᐱᐢᑯᓴ ᒫᑲ ᐁᐢᐱᑕᔭᑲᐢᑭᒋᒉᕽ ᐁ ᐃᐢᑳᐧᑭ, ᑭ ᐊᑯᑕᑲᐦᐃᑳᑌᐊᐧ ᐱᐦᒋ ᐋᐧᓴᑳᒼ; ᐁᑯᓯ ᒥᒋᓱᐃᐧᓈᑎᑯᕽ ᑭ ᐊᔮᐤ ᐃᐧᔮᐢ ᑳ ᐸᑭᑎᓈᓱᕽ.
44ᐊᐧᔭᐃᐧᑎᒫᔨᕽ ᒫᑲ ᐊᓂᒪ ᑭᐦᒋᐃᐢᑳᐧᑌᒼ ᐱᐦᒑᔨᕽ ᑳ ᐊᔮᐠ ᑭ ᐊᔮᔨᐊᐧ ᐅ ᐱᐢᑭᒋᑲᒥᑯᐋᐧᐊᐧ ᑳ ᓂᑲᒧᒋᐠ ᐱᒑᔨᕽ ᒫᐊᐧᒋᐦᐃᑐᐃᐧᑲᒥᐠ, ᑳ ᐊᔮᐠ ᐅᐦᐱᒣ ᑭᐁᐧᑎᓄᕽ ᐃᑌᐦᑫ ᑭᐦᒋᐃᐢᑳᐧᑌᒼ; ᐁᑯᓯ ᓵᐊᐧᓄᑖᕽ ᐃᑌᐦᑫ ᑭ ᐃᓯ ᐅᐦᑎᐢᑲᐋᐧᐤ; ᐊᓂᒪ ᐯᔭᐠ ᐅᐦᐱᒣ ᐋᐧᐸᓄᑖᕽ ᑭᐦᒋᐃᐢᑳᐧᑌᒼ ᑳ ᐊᔮᐠ ᑭᐁᐧᑎᓄᑖᕽ ᐁ ᐃᓯ ᐅᐦᑎᐢᑲᐋᐧᐠ. 45ᓂ ᑭ ᐃᑎᐠ ᒫᑲ, ᐅᒪ ᐱᐢᑭᒋᑲᒥᐠ, ᓵᐊᐧᓄᑖᕽ ᑳ ᐃᓯ ᐅᑎᐢᑲᐋᐧᐠ, ᐁᐊᐧᑫᐧᔨᐤ ᐊᔭᒥᐦᐁᐃᐧᔨᓂᐊᐧᐠ ᑭᑕ ᐊᔮᒋᐠ, ᑳ ᑲᓇᐁᐧᔨᑕᐦᑭᐠ ᑭᑕ ᐸᒥᑖᒋᐠ ᐋᐧᐢᑳᐦᐃᑲᐣ. 46ᐊᓂᒪ ᒫᑲ ᐱᐢᑭᒋᑲᒥᐠ ᑭᐁᐧᑎᓄᕽ ᑳ ᐃᓯ ᐅᑎᐢᑲᐋᐧᐠ ᐁᐊᐧᑳᐧᓂᒪ ᑭᑕ ᐋᐸᒋᐦᑖᒋᐠ ᐊᔭᒥᐦᐁᐃᐧᔨᓂᐊᐧᐠ, ᑳ ᑲᓇᐁᐧᔨᑕᐦᑭᐠ ᑭᑕ ᐸᒥᑖᒋᐠ ᐸᑭᑎᓈᓱᐃᐧᓈᐱᐢᐠ; ᐁᐊᐧᑯᓂ ᐅᐦᐃ ᐅᑯᓯᓴ ᓭᑖᐠ, ᐅᑯᓯᓴ ᓬᐃᐸᐩ ᐁ ᐅᐦᒋᒋᐠ ᑭᓯᐋᐧᐠ ᑳ ᐯ ᓈᑖᒋᐠ ᑳ ᑎᐯᔨᐦᒋᑫᔨᐟ ᑭᑕ ᐊᑐᐢᑲᐋᐧᒋᐠ. 47ᑭ ᑎᐸᐊᒼ ᒫᑲ ᒫᐊᐧᒋᐦᐃᑐᐃᐧᑲᒥᐠ, ᒥᑖᑕᐦᑐᒥᑕᓇᐤ ᑯᐱᑕ ᐁ ᐃᐢᑳᐧᐠ, ᒥᓇ ᒥᑖᑕᐦᑐᒥᑕᓇᐤ ᑯᐱᑕ ᐁ ᐃᐢᐱᑕᔭᑲᐢᑳᐠ, ᐁ ᑲᐦᑲᑫᔮᐠ; ᐁᑯᓯ ᐸᑭᑎᓈᓱᐃᐧᓈᐱᐢᐠ ᑎᐱᐢᑯᐨ ᐋᐧᐢᑳᐦᐃᑲᓂᕽ ᑭ ᐊᔮᐤ.
48ᓂ ᑭ ᐯ ᐃᑐᑕᐃᐠ ᒫᑲ ᐁ ᐱᐢᑭᑖᔭᐃᐧᑲᒥᑯᐊᐧᕽ ᐋᐧᐢᑳᐦᐃᑲᐣ, ᒥᓇ ᑭ ᑎᐸᐊᒼ ᒋᒪᒋᑲᓇ ᐱᐢᑭᑖᔭᐃᐧᑲᒥᑯᕽ, ᓂᔮᓇᐣ ᑯᐱᑕ ᐅᑌ ᐃᑌᐦᑫ, ᒥᓇ ᓂᔮᓇᐣ ᑯᐱᑕ ᓀᑌ ᐃᑌᐦᑫ. 49ᐁ ᐃᐢᑲᐧᐠ ᐱᐢᑭᑖᔭᐃᐧᑲᒥᐠ ᓂᓯᑕᓇᐤ ᑯᐱᑕ, ᒥᓇ ᐁ ᐃᐢᐱᑕᔭᑲᐢᑳᐠ ᒥᑖᑕᐦᐟ ᐯᔭᑯᓵᑊ ᑯᐱᑕ, ᐊᓂᐦᐃ ᐅᑎ ᑕᑯᐢᑫᐃᐧᓇ ᑳ ᐅᐦᒋ ᐃᐢᑳᐧᑕᐃᐧᑐᑕᑭᐠ; ᑭ ᐃᐦᑕᑲᐧᓇᐧ ᒫᑲ ᐱᐢᑭᐦᒋ ᒋᒪᒋᑲᓇ ᒋᑭ ᒋᒪᒋᑲᓂᕽ, ᐯᔭᐠ ᐅᑌ ᐃᑌᐦᑫ, ᒥᓇ ᑯᑕᐠ ᓀᑌ ᐃᑌᐦᑫ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.