ᐃᓯᑭᐁᓬ 39
39
1ᑭᔭ ᒫᑲ ᐃᔨᓂᐃᐧᑯᓯᓵᐣ, ᑭᐢᑭᐁᐧᐦᐃᑫᐢᑕᐤ ᑳᐠ, ᒥᓇ ᐃᑌᐧ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᓇᔦᑖᐁᐧᔨᒥᑎᐣ ᑭᔭ ᑳᐠ, ᑳ ᓂᑳᓀᔨᑖᑯᓯᔭᐣ ᐅ ᑭᐦᒋ ᐅᑭᒫᒪ ᒥᓭᐠ ᒥᓇ ᑐᐹᓬ; 2ᑭ ᑲ ᑫᐧᐢᑭᐱᑎᑎᐣ ᒫᑲ ᒥᓇ ᑭ ᑲ ᐊᑎ ᐃᑐᑕᐦᐃᑎᐣ, ᐁᑯᓯ ᑭ ᑲ ᐯᓯᑎᐣ ᐁ ᑭᓯᐱ ᐊᔮᐠ ᑭᐁᐧᑎᓄᕽ ᐅᐦᒋ; ᑭ ᑲ ᐃᑐᑕᐦᐃᑎᐣ ᒫᑲ ᐃᐢᕒᐁᐃᓬ ᐊᐧᒋᕽ; 3ᐁᑯᓯ ᑭ ᑲ ᑭᑎᐢᑭᐁᐧᐸᐊᒫᑎᐣ ᑭᐟ ᐊᒑᐱ ᑭ ᓇᒪᑎᓂᕽ ᐅᐦᒋ, ᒥᓇ ᑭ ᑲ ᐃᑐᑖᑎᐣ ᑲᑐᓴ ᑭᑕ ᑭᑎᐢᑭᓇᒪᐣ ᑭ ᑭᐦᒋᓂᐢᑭᕽ ᐅᐦᒋ. 4ᑭ ᑲ ᐸᐦᑭᓯᓂᐣ ᐃᐢᕒᐁᐃᓬ ᐊᐧᒋᕽ, ᑭᔭ ᒥᓇ ᑲᐦᑭᔭᐤ ᑳ ᒫᒪᐁᐧᔭᑎᔭᐣ, ᒥᓇ ᐊᔨᓯᔨᓂᐊᐧᐠ ᑳ ᐃᐧᒉᐃᐧᐢᑭᐠ; ᓂ ᑲ ᐸᑭᑎᓇᒪᐋᐧᐊᐧᐠ ᑭᔭᐤ ᑳ ᑳᓴᑫᒋᐠ ᐱᔦᓯᐊᐧᐠ ᑲᐦᑭᔭᐤ ᓇᓈᑐᕽ ᑐᐊᐧ, ᒥᓇ ᐱᓯᐢᑭᐊᐧᐠ ᐱᑲᐧᒑᔨᕽ ᑭᑕ ᑭᑖᒋᐠ. 5ᑭ ᑲ ᐸᐦᑭᓯᓂᐣ ᐁ ᑕᐋᐧᐠ ᐊᐧᔭᐃᐧᑎᒫᔨᕽ; ᒋᑫᒫ ᓂᔭ ᑳ ᑭ ᐃᑌᐧᔮᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 6ᓂ ᑲ ᐃᓯᑎᓴᐁᐣ ᒫᑲ ᐃᐢᑯᑌᐤ ᐊᓂᑕ ᒣᑳᐠ, ᒥᓇ ᐊᓂᑭ ᒥᓂᐢᑎᑯᕽ ᑳ ᐊᔮᒋᐠ ᐁᑳ ᑫᑲᐧᐩ ᐁ ᐊᐢᑖᐃᑯᒋᐠ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ. 7ᐁᑯᓯ ᑳ ᑲᓈᑕᕽ ᓂ ᐃᐧᔪᐃᐧᐣ ᓂ ᑲ ᑭᐢᑫᔨᑖᑯᑖᐣ ᒣᑳᐧᐨ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ; ᓇᒪᐃᐧᔭ ᒫᑲ ᓂ ᑲ ᐃᔨᓇᒪᐋᐧᐊᐧᐠ ᒥᓇ ᑳ ᑲᓈᑕᕽ ᓂ ᐃᐧᔪᐃᐧᐣ ᑭᑕ ᐱᐁᐧᔨᑖᑯᑖᒋᐠ; ᐁᑯᓯ ᑳ ᐹᐱᑐᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ, ᑳ ᑲᓈᑎᓯᐟ ᐃᐢᕒᐁᐃᓬᐃᕽ.
8ᒫᑎᑲ, ᐹᐸᔨᐤ, ᒥᓇ ᑭᑕ ᐃᑐᒋᑳᑌᐤ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁᐊᐧᑯ ᐅᒪ ᑭᓯᑳᐤ ᑳ ᑭ ᐋᔨᒧᑕᒫᐣ. 9ᐊᓂᑭ ᒫᑲ ᑳ ᐊᔮᒋᐠ ᐃᐢᕒᐁᐃᓬ ᐅᑌᓈᕽ ᑭᑕ ᓯᐯᐧᑌᐊᐧᐠ ᐁᑯᓯ ᑭᑕ ᐳᓇᒪᐧᐠ ᐊᓱᐃᐧᓇ ᒥᓇ ᑭᑕ ᒣᐢᑎᑲᓴᒪᐧᐠ, ᒫᒪᐃᐧ ᐸᐸᐊᑳᐧᓇ ᒥᓇ ᐸᐸᐊᑳᐧᓂᓴ, ᐊᒑᐱᔭᐠ ᒥᓇ ᐊᑐᓯᓴ, ᒥᓇ ᐸᑲᒫᑲᓈᑎᑲᐧ, ᒥᓇ ᑕᑲᐦᒋᑲᓇ, ᐁᑯᓯ ᑭᑕ ᐳᓇᒪᐧᐠ ᐁᐊᐧᑯᓂ ᑌᐸᑯᑊ ᐊᐢᑭ; 10ᐁᑯᓯ ᓇᒪᐃᐧᔭ ᑭᑕ ᐅᑎᓇᒪᐧᐠ ᒥᐦᑕ ᐱᑲᐧᒑᔨᕽ, ᐊᐦᐳ ᓇᒪᐃᐧᔭ ᑭᑕ ᑭᐢᑲᑕᐊᒪᐧᐠ ᓴᑳᕽ; ᒋᑫᒫ ᐊᓂᐦᐃ ᐊᓱᐃᐧᓇ ᑭᑕ ᐳᓇᒪᐧᐠ; ᑭᑕ ᒪᓂᐊᐧᑖᑌᐊᐧᐠ ᒫᑲ ᐊᓂᐦᐃ ᑳ ᑭ ᒪᓂᐊᐧᑖᑎᑯᒋᐠ, ᒥᓇ ᑭᑕ ᒪᐢᑲᒣᐊᐧᐠ ᐊᓂᐦᐃ ᑳ ᑭ ᒪᐢᑲᒥᑯᒋᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
11ᑭᑕ ᐊᔨᐢᐸᔨᐤ ᒫᑲ ᐁᐊᐧᑳᐧᓂᒪ ᑭᓯᑳᑭ, ᓂ ᑲ ᒥᔮᐤ ᑳᐠ ᐃᑕ ᑭᑕ ᓇᐃᓂᐦᐟ ᐃᐢᕒᐁᐃᓬᐃᕽ, ᐅ ᐋᐧᔭᑎᓈᒥᐋᐧᐤ ᐊᓂᑭ ᑳ ᓵᐳᑌᒋᐠ ᐋᐧᐸᓄᑖᕽ ᐃᑌᐦᑫ ᓵᑲᐦᐃᑲᐣ; ᑭᑕ ᑭᐱᐢᑳᑲᐧᐠ ᒫᑲ ᐊᓂᑭ ᑳ ᓵᐳᐱᒧᑌᒋᐠ; ᐁᑯᑕ ᒫᑲ ᑭᑕ ᓇᐦᐃᓀᐊᐧᐠ ᐊᓂᐦᐃ ᑳᐠ, ᒥᓇ ᑲᐦᑭᔭᐤ ᑳ ᐃᓯ ᐅᓵᒣᔭᑎᐟ; ᑭᑕ ᐃᓯᔨᐦᑳᑕᒪᐧᐠ ᒫᑲ ᐅ ᐋᐧᔭᑎᓈᒼ ᐦᐁᒪᐣᑳᐠ. 12ᑌᐸᑯᑊ ᑕᐦᑐ ᐱᓯᒼ ᑭᑕ ᐃᐦᑕᓯᔪᐊᐧᐠ ᐃᐢᕒᐁᐃᓬ ᐅ ᐋᐧᐢᑳᐦᐃᑲᐣ ᐁ ᓇᐃᓈᒋᐠ, ᑭᑕ ᐯᑭᑖᒋᐠ ᐊᐢᑭ. 13ᐁᐦᐁ, ᑲᐦᑭᔭᐤ ᐊᔨᓯᔨᓂᐊᐧᐠ ᐁᑯᑕ ᐊᐢᑭᕽ ᑭᑕ ᓇᐦᐃᓀᐊᐧᐠ; ᐁᑯᓯ ᑭᑕ ᐅᐦᒋ ᐋᑐᑖᑯᓯᐊᐧᐠ, ᐊᓂᒪ ᑭᓯᑳᑭ ᑫ ᑭᐢᑌᔨᑖᑯᐃᑲᐃᐧᔮᐣ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ. 14ᑭᑕ ᐱᐢᑭᑕᑭᒣᐊᐧᐠ ᒫᑲ ᐊᔨᓯᔨᓂᐊᐧ ᑕᐦᑭ ᑭᑕ ᐊᑐᐢᑫᔨᐟ, ᑭᑕ ᓵᐳᐱᒧᑖᑐᑕᒥᔨᐟ ᐊᐢᑭ ᑭᑕ ᓇᐦᐃᓈᔨᐟ ᐊᓂᐦᐃ ᑳ ᐃᐢᑯᓂᒥᐦᐟ ᐊᐧᐢᑭᑕᐢᑲᒥᐠ, ᑭᑕ ᐯᑭᑖᒋᐠ; ᑌᐸᑯᑊ ᑕᐦᑐ ᐱᓯᒼ ᑭ ᐳᓂᐸᔨᑭ ᑭᑕ ᓇᑐᓂᑫᐊᐧᐠ. 15ᐊᓂᑭ ᒫᑲ ᑳ ᓵᐳᐱᒧᑖᑐᑕᑭᐠ ᐊᐢᑭ ᑭᑕ ᓵᐳᑌᐊᐧᐠ; ᑭᐢᐱᐣ ᒫᑲ ᐊᐃᐧᔭᐠ ᐋᐧᐸᐦᑕᑭ ᐊᔨᓯᔨᓂᐃᐧᑲᐣ, ᑭᑕ ᑭᐢᑭᓇᐋᐧᒋᐦᑖᐤ ᐁᑯᑕ, ᐃᐢᑯ ᐅᓇᐃᓂᐁᐧᐊᐧᐠ ᑭᑕ ᓇᐃᓇᑭᐠ ᐊᓂᑕ ᐦᐁᒪᐣᑳᐠ ᐋᐧᔭᑎᓈᕽ. 16ᐦᐋᒧᓇ ᑭᑕ ᐃᓯᔨᐦᑳᑌᐤ ᒥᓇ ᐅᑌᓇᐤ. ᐁᑯᓯ ᐅᒪ ᑫ ᐃᓯ ᐯᐦᑭᑖᒋᐠ ᐊᐢᑭ.
17 #
ᑭᐢᑫᔨᐦᑖᑯᐦᑫᐃᐧᐣ 19:17,18 ᑭᔭ ᒫᑲ ᐃᔨᓂᐃᐧᑯᓯᓵᐣ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑭᑐᓯᐠ ᑳ ᐸᐸᒥᔮᒋᐠ ᑲᐦᑭᔭᐤ ᓇᓈᑐᕽ ᑐᐊᐧ, ᒥᓇ ᑲᐦᑭᔭᐤ ᐱᓯᐢᑭᐤ ᐱᑲᐧᒑᔨᕽ, ᒫᐊᐧᒋᐦᐃᑐᐠ ᐯ ᐃᑐᐦᑌᐠ ᒫᑲ; ᒫᐊᐧᓴᑯᐢᑕᒧᐠ ᒥᓯᐁᐧ ᐋᔨᑕᐤ ᐅᐦᒋ ᓂ ᐸᑭᑎᓈᓱᐃᐧᐣ ᑳ ᐸᑭᑎᓈᓱᔮᐣ ᑭᔭᐋᐧᐤ ᐅᐦᒋ, ᑭᐦᒋ ᐸᑭᑎᓈᓱᐃᐧᐣ ᐅᑎ ᐃᐢᕒᐁᐃᓬ ᐅ ᐊᐧᒋᒥᕽ, ᑭᑕ ᒥᒋᔦᐠ ᐃᐧᔮᐢ ᒥᓇ ᑭᑕ ᒥᓂᐦᑫᐧᔦᐠ ᒥᐦᑯ. 18ᑭ ᑲ ᒥᒋᐋᐧᓈᐋᐧᐤ ᐅ ᐃᐧᔮᓯᐋᐧᐤ ᑳ ᑭᐦᒑᔨᐃᐧᒋᐠ, ᒥᓇ ᑭ ᑲ ᒥᓂᑳᐧᓈᐋᐧᐤ ᐅ ᒥᐦᑯᐋᐧᐤ ᑳ ᐅᑭᒫᑲᑕᑭᐠ ᐊᐢᑭ, ᔮᐯᒫᔭᑎᑲᐧᐠ, ᒫᔭᑎᐦᑯᓯᓴᐠ, ᒥᓇ ᐋᐧᐸᑎᑲᐧ, ᔮᐯᒧᐢᑐᓴᐧᐠ, ᑲᐦᑭᔭᐤ ᐯᓵᐣ ᑖᒋᐳᐋᑲᓇᐠ. 19ᑭ ᑲ ᒥᒋᓈᐋᐧᐤ ᒫᑲ ᐃᐧᔨᐣ ᐱᔨᐢ ᑭᑕ ᑭᐢᐳᔦᐠ, ᒥᓇ ᑭ ᑲ ᒥᓂᑳᐧᓈᐋᐧᐤ ᒥᐦᑯ ᐱᔨᐢ ᑭᑕ ᑭᐢᑫᐧᐯᔦᐠ, ᐊᓂᒪ ᐅᐦᒋ ᓂ ᐸᑭᑎᓈᓱᐃᐧᐣ ᑳ ᑭ ᐸᑭᑎᓈᓱᔮᐣ ᑭᔭᐋᐧᐤ ᐅᐦᒋ. 20ᐁᑯᓯ ᐅᒪ ᑫ ᐃᓯ ᑭᐢᐳᔦᐠ ᓂ ᒥᒋᓱᐃᐧᓈᑎᑯᕽ ᒥᐢᑕᑎᒪᐧᐠ ᐅᐦᒋ ᒥᓇ ᑎᑎᐱᑖᐹᓈᐢᑲᐧᐠ, ᑳ ᓱᑳᔭᐃᐧᓯᒋᐠ ᐊᔨᓯᔨᓂᐊᐧᐠ, ᒥᓇ ᑲᐦᑭᔭᐤ ᓇᑐᐸᔨᐃᐧᔨᓂᐊᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
21ᓂ ᑲ ᐅᔭᐢᑖᐣ ᒫᑲ ᓂ ᑭᐢᑌᔨᑖᑯᓯᐃᐧᐣ ᓇᓈᑐᑯᐢᑳᓀᓯᓈᕽ, ᐁᑯᓯ ᑳ ᓇᓈᑐᑯᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᐋᐧᐸᐦᑕᒪᐧᐠ ᓄᔭᓱᐋᐧᓯᐁᐧᐃᐧᐣ ᑳ ᑭ ᑐᑕᒫᐣ, ᒥᓇ ᓂᒋᐦᒋ ᑳ ᑭ ᐸᑭᑎᓇᒪᐊᐧᑭᐠ. 22ᐁᑯᓯ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ, ᐁᐊᐧᑳᐧᓂᒪ ᐁ ᑭᓯᑳᐠ ᐅᐦᒋ ᒥᓇ ᐊᑎ ᓂᑳᐣ.
23ᑳ ᓇᓈᑐᑯᐢᑳᓀᓯᒋᐠ ᐊᔨᓯᔨᓂᐊᐧᐠ ᒫᑲ ᑭᑕ ᑭᐢᑫᔨᑕᒪᐧᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ ᐁ ᑭ ᐃᑐᐦᑌᒋᐠ ᐊᐊᐧᑳᑎᑯᐃᐧᓂᕽ ᐅ ᒪᒋᐃᑎᐃᐧᓂᐋᐧᐤ ᐅᐦᒋ; ᒋᑫᒫ ᐁ ᑭ ᐊᐧᓂᑐᑕᐃᐧᒋᐠ, ᐁᑯᓯ ᓂ ᑭ ᐋᑯᑫᐧᔨᐢᑕᐋᐧᐊᐧᐠ; ᐁᑯᓯ ᒫᑲ ᓂ ᑭ ᐸᑭᑎᓈᐊᐧᐠ ᐅᒋᐦᒋᔨᕽ ᑳ ᐃᐧ ᓂᓯᐊᐧᓈᒋᐦᐃᑯᒋᐠ, ᑲᐦᑭᔭᐤ ᒫᑲ ᑭ ᐸᐦᑭᓯᓇᐧᐠ ᓯᒫᑲᓂᑯᒫᐣ ᐅᐦᒋ. 24ᑳ ᑭ ᐃᓯ ᐃᐧᓀᔨᑖᑯᓯᒋᐠ ᒥᓇ ᑳ ᐃᑕᐢᑌᔨᑭ ᐅ ᒪᒋᑐᑕᒧᐃᐧᓂᐋᐧᐊᐧ ᓂ ᑭ ᑐᑕᐋᐧᐊᐧᐠ; ᐁᑯᓯ ᓂ ᑭ ᐋᑯᑫᐧᔨᐢᑕᐋᐧᐊᐧᐠ.
25ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐁᑲᐧ ᑳᐃᐧ ᑫ ᐯᑖᐊᐧᐠ ᐅᐟ ᐊᐊᐧᑳᑎᑯᐃᐧᐣ ᒉᑲᑊ, ᒥᓇ ᓂ ᑲ ᑭᑎᒫᑭᓇᐋᐧᐊᐧᐠ ᑲᐦᑭᔭᐤ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ; ᒥᓇ ᓂ ᑲ ᐅᐦᑌᔨᑕᒪᐋᐧᑌᐣ ᑳ ᑲᓈᑕᕽ ᓂ ᐃᐧᔪᐃᐧᐣ. 26ᑭᑕ ᓇᔭᑕᒪᐧᐠ ᒫᑲ ᐅ ᓇᓀᐯᐃᐧᓯᐃᐧᓂᐋᐧᐤ, ᒥᓇ ᑲᐦᑭᔭᐤ ᐅ ᐊᐧᓂᑐᑕᒧᐃᐧᓂᐋᐧᐊᐧ ᑳ ᑭ ᐃᓯ ᐊᐧᓂᑐᑕᐃᐧᒋᐠ, ᐃᐢᐱ ᐯᔭᑕᑭ ᐊᔮᑖᐧᐃᐧ ᐅᐟ ᐊᐢᑭᐋᐧᕽ, ᒥᓇ ᐁᑳ ᐊᐃᐧᔭ ᓭᑭᐃᑯᑖᐧᐃᐧ; 27ᐃᐢᐱ ᑳᐃᐧ ᑭ ᐯᓯᐊᐧᑳᐧᐃᐧ ᐊᔨᓯᔨᓂᓈᕽ ᐅᐦᒋ, ᒥᓇ ᑭ ᒫᐊᐧᒋᐦᐊᑳᐧᐃᐧ ᐅ ᓄᑎᓈᑲᓂᐋᐧᐊᐧ ᐅᐟ ᐊᐢᑭᔨᕽ ᐅᐦᒋ, ᒥᓇ ᐃᐧᔭᐋᐧᐤ ᐅᐦᒋ ᑲᓈᑌᔨᒥᑲᐃᐧᔮᓂ ᐁ ᐃᓯ ᐋᐧᐸᐦᑕᐦᑭᐠ ᒥᐦᒉᐟ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ. 28ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒥᐋᐧᐊᐧ, ᑳ ᑭ ᐃᑕᑭᒪᑭᐠ ᑭᑕ ᐃᑐᐦᑌᒋᐠ ᐊᐊᐧᑳᑎᑯᐃᐧᓂᕽ ᓇᓈᑐᑯᐢᑳᓀᓯᓈᕽ, ᒥᓇ ᑳ ᑭ ᒫᐊᐧᒋᐦᐊᑭᐠ ᐃᐧᔭᐋᐧᐤ ᐅᐟ ᐊᐢᑭᐋᐧᕽ; ᓇᒪᐃᐧᑳᐨ ᒫᑲ ᓂ ᑲ ᓇᑲᑖᐊᐧᐠ ᒥᓇ ᓈᐣᑕᐤ ᐁᐊᐧᑯᓂᐠ ᐁᑯᑕ; 29ᓇᒪᐃᐧᔭ ᒥᓇ ᐃᐧᑳᐨ ᓂ ᑲ ᐋᑯᑫᐧᔨᐢᑕᐋᐧᐊᐧᐠ; ᒋᑫᒫ ᓂ ᑭ ᓯᑭᓇᒪᐋᐧᐊᐧᐠ ᓂᐟ ᐊᐦᒑᐦᑲᐧ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
Iliyochaguliwa sasa
ᐃᓯᑭᐁᓬ 39: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.