ᐃᓯᑭᐁᓬ 29
29
1 #
ᐊᐩᓵᔭ 19:1-25; ᒉᕒᐃᒫᔭ 46:2-26 ᒥᑖᑕᐦᐟ ᒫᑲ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᐱᓯᒼ, ᒥᑖᑕᐦᐟ ᓂᓱᓵᑊ ᐁ ᐃᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2ᐃᔨᓂᐃᐧᑯᓯᓵᐣ, ᐃᑎᐢᑫᐧᔨᐢᑕᐤ ᐯᕒᐅ, ᐃᒋᑊᐟ ᑭᐦᒋ ᐅᑭᒫᐤ ᒥᓇ ᑭᐢᑭᐁᐧᐦᐃᑫᐢᑕᐤ, ᒥᓇ ᒥᓯᐁᐧ ᐃᒋᑊᐟ; 3ᐱᑭᐢᑫᐧ, ᒥᓇ ᐃᑌᐧ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᑭ ᓇᔦᑖᐁᐧᔨᒥᑎᐣ, ᐯᕒᐅ ᐃᒋᑊᐟ ᑭᐦᒋ ᐅᑭᒫᐤ, ᑭᐦᒋᑕᕒᐋᑲᐣ ᑳ ᐱᒥᓯᕽ ᒣᑳᐧᐨ ᐅ ᓯᐱᒥᕽ, ᑳ ᑭ ᐃᑌᐧᐟ, ᓂ ᓯᐱᒼ ᓂ ᑎᐯᔨᑌᐣ, ᒥᓇ ᓂ ᑭ ᐅᓯᐦᑕᒫᓱᐣ. 4ᓂ ᑲ ᐊᐢᑖᐣ ᒫᑲ ᐅᒋᑳᐧᒋᑲᓇ ᑭᑐᓂᕽ, ᐁᑯᓯ ᑭᓄᓭᐊᐧᐠ ᑭ ᓯᐱᒥᕽ ᓂ ᑲ ᑭᑲᒧᐋᐊᐧᐠ ᑲᐦᔭᑳᕽ; ᐁᑯᓯ ᑭ ᑲ ᐊᑳᐧᓯᐱᑎᑎᐣ ᒣᑳᐧᐨ ᑭ ᓯᐱᒥᕽ ᐅᐦᒋ, ᑭᑭ ᑲᐦᑭᔭᐤ ᑭᓄᓭᐊᐧᐠ ᑳ ᐊᔮᒋᐠ ᑭ ᓯᐱᒥᕽ ᑳ ᑭᑲᒧᒋᐠ ᑲᐦᔭᑳᕽ. 5ᑭ ᑲ ᓇᑲᑎᑎᐣ ᒫᑲ ᐁ ᐁᐧᐱᓂᑲᐃᐧᔭᐣ ᐱᑲᐧᑕᐢᑭᕽ, ᑭᔭ ᒥᓇ ᑲᐦᑭᔭᐤ ᑭᓄᓭᐊᐧᐠ ᑭ ᓯᐱᒥᕽ ᐅᐦᒋ; ᑭ ᑲ ᐸᐦᑭᓯᓂᐣ ᐁ ᑕᐋᐧᐠ ᐱᑲᐧᒑᔨᕽ; ᓇᒪᐃᐧᔭ ᑭ ᑲ ᒫᐊᐧᓴᑯᓂᑲᐃᐧᐣ, ᐊᐦᐳ ᒫᐊᐧᒋᐦᐃᑲᐃᐧᐣ; ᑭ ᑭ ᐸᑭᑎᓂᑎᐣ ᑭᑕ ᒧᐃᐧᐢᑭᐠ ᐱᓯᐢᑭᐊᐧᐠ ᐊᐢᑭᕽ ᒥᓇ ᐱᔦᓯᐊᐧᐠ ᓇᔦᐊᐧᒋᑭᓯᑯᕽ. 6#ᐊᐩᓵᔭ 36:6ᑲᐦᑭᔭᐤ ᒫᑲ ᐃᒋᑊᑎᕽ ᑳ ᐅᐟ ᐃᐦᑖᐃᐧᓂᒋᐠ ᑭᑕ ᑭᐢᑫᔨᑕᒪᐧᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ, ᒋᑫᒫ ᐋᓂᐢᑲᐊᐧᐢᐠ ᐁ ᐅ ᓴᐢᑲᐅᓈᑎᑯᕽ ᑭ ᑭ ᐃᑐᑕᐋᐧᐊᐧᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ. 7ᐁᐧᑎᐦᑎᓂᐢᑳᐧᐃᐧ ᑭ ᑭ ᐱᑯᐸᔨᐣ, ᐁᑯᓯ ᑭ ᒋᓭᐊᐧᑭᐸᔨᐊᐧᐠ ᒥᓯᐁᐧ ᐅᑎᐦᑎᒪᓂᐋᐧᕽ; ᑭᐢᐱᐣ ᐁ ᐋᓱᓯᒧᑐᑖᐢᑭᐠ ᑭ ᑭ ᑲᐢᑲᒋᐸᔨᐣ, ᒥᓇ ᑭ ᓈᒥᐸᔨᐊᐧᐠ ᒥᓯᐁᐧ ᐊᑖᒥᕽ.
8ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᐃᓴᐁᐧᐢᐠ ᑭ ᑲ ᐃᐢᐸᔨᑖᐧᑎᐣ, ᒥᓇ ᓂ ᑲ ᑭᐢᑭᐁᐧᐸᐋᐧᐤ ᑭᔭ ᐅᐦᒋ ᐊᔨᓯᔨᓂᐤ ᒥᓇ ᐱᓯᐢᑭᐤ. 9ᐁᑯᓯ ᐃᒋᑊᐟ ᐊᐢᑭ ᑭᑕ ᑭᐋᐧᑌᔨᑖᑲᐧᐣ ᒥᓇ ᑭᑕ ᐱᑲᐧᑕᐢᑌᐤ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ; ᐊᓂᒪ ᐅᐦᒋ ᐁ ᑭ ᐃᑌᐧᐟ, ᓯᐱ ᓂ ᑎᐯᔨᑌᐣ ᒥᓇ ᓂᔭ ᓂ ᑭ ᐅᓯᐦᑖᐣ. 10ᐁᐊᐧᑯ ᐅᐦᒋ ᒫᑎᑲ, ᑭ ᓇᔦᑖᐁᐧᔨᒥᑎᐣ, ᒥᓇ ᓂ ᓇᔦᑖᐁᐧᔨᑌᐣ ᑭ ᓯᐱᒪ, ᐁᑯᓯ ᐃᒋᑊᐟ ᐊᐢᑭ ᒥᑐᓂ ᓂ ᑲ ᐱᑲᐧᑕᐢᑖᐣ, ᒥᓇ ᓂ ᑲ ᑭᐋᐧᑌᔨᑖᑯᑖᐣ ᐊᓱᐃᐧᑲᒥᐠ ᓯᐁᓂ ᐅᐦᒋ ᐱᔨᐢ ᐁ ᑭᓯᐱᐊᔮᐠ ᐃᐦᑎᔮᐱᔭ. 11ᓇᒪ ᐊᐃᐧᔭᐠ ᐊᔨᓯᔨᓂᐤ ᐁᑯᑕ ᑭᑕ ᐱᒧᐦᑌᐤ, ᐊᐦᐳ ᐱᓯᐢᑭᐤ ᓇᒪᐃᐧᔭ ᐁᑯᑕ ᑭᑕ ᐱᒧᐦᑌᐤ, ᓇᒪᐃᐧᔭ ᒥᓇ ᐊᐃᐧᔭᐠ ᑭᑕ ᐅᐟ ᐃᐦᑖᐃᐧᓂᐤ ᓀᒥᑕᓇᐤ ᑕᐦᑐ ᐊᐢᑭ. 12ᐁᑯᓯ ᐃᒋᑊᐟ ᐊᐢᑭ ᓂ ᑲ ᑭᐋᐧᑌᔨᑖᑯᑖᐣ ᒣᑳᐧᐨ ᐊᐢᑭᔭ ᑳ ᑭᐋᐧᑌᔨᑖᑲᐧᐦᑭ, ᒥᓇ ᐅᑌᓇᐊᐧ ᒣᑳᐧᐨ ᐊᓂᐦᐃ ᐅᑌᓇᐊᐧ ᑳ ᐱᑲᐧᑕᐢᑌᑭ ᑭᑕ ᑭᐋᐧᐢᑌᐊᐧ ᓀᒥᑕᓇᐤ ᐊᐢᑭ; ᓂ ᑲ ᓯᓭᐧᑎᓴᐋᐧᐊᐧᐠ ᒫᑲ ᐃᒋᑊᐟ ᐊᔨᓯᔨᓂᐊᐧᐠ ᒣᑳᐧᐨ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ, ᒥᓇ ᓂ ᑲ ᐱᐁᐧᑎᓴᐋᐧᐊᐧᐠ ᐹᐱᑐᐢ ᐊᐢᑭᕽ.
13ᒋᑫᒫ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᐳᓂᐸᔨᑳᐧᐃᐧ ᓀᒥᑕᓇᐤ ᐊᐢᑭᐃᐧᓇ ᐃᒋᑊᐟ ᐊᔨᓯᔨᓂᐊᐧᐠ ᓂ ᑲ ᒫᐊᐧᒋᐦᐋᐊᐧᐠ ᓂ ᑲ ᒫᐊᐧᒋᐦᐋᐊᐧᐠ ᐊᔨᓯᔨᓂᓈᕽ ᐅᐦᒋ ᐃᑌ ᑳ ᑭ ᓯᓭᐧᑎᓴᐅᐦᒋᐠ; 14ᑳᐃᐧ ᒫᑲ ᓂ ᑲ ᐯᓯᐋᐧᐊᐧᐠ ᑳ ᑭ ᐊᐊᐧᑳᑎᐦᒋᐠ ᐃᐢᕒᐁᐃᓬ, ᒥᓇ ᓂ ᑲ ᑭᐁᐧᑕᐋᐊᐧᐠ ᐯᐦᑕᕒᐋᐢ ᐊᐢᑭᕽ, ᐃᑕ ᑳ ᑭ ᓂᐦᑖᐃᐧᑭᒋᐠ ᐊᐢᑭᕽ; ᐁᑯᑕ ᒫᑲ ᑭᑕ ᒪᒉᔨᑖᑲᐧᓂᔨᐤ ᐅᐟ ᐅᑌᓇᐃᐧᐃᐧᓂᐋᐧᐤ. 15ᒫᐊᐧᐨ ᐁᐊᐧᑯ ᑭᑕ ᒪᒉᔨᑖᑲᐧᐣ ᐅᑌᓇᐃᐧᐃᐧᓇ ᑳ ᑕᑎᑭ; ᓇᒪᐃᐧᔭ ᒥᓇ ᐊᔨᐋᐧᐠ ᑭᑕ ᐃᐢᐯᔨᒥᓱᒪᑲᐣ ᐃᔨᑯᕽ ᑯᑕᑲᐠ ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ; ᓂ ᑲ ᐊᒋᐃᐧᓈᐊᐧᐠ ᒫᑲ ᐁᑳ ᒥᓇ ᑭᑕ ᑎᐯᔨᒫᒋᐠ ᑯᑕᑲ ᐊᔨᓯᔨᓂᐊᐧ. 16ᓇᒪᐃᐧᔭ ᒫᑲ ᐃᐧᑳᐨ ᒥᓇ ᐁᐊᐧᑯᓂ ᑭᑕ ᐅᐟ ᐊᐢᐯᔨᒧᐃᐧᓂᐊᐧᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᐁ ᑭᐢᑭᓱᐸᔨᒋᐠ ᒪᒋᐃᑎᐃᐧᐣ ᓂᔮᓈᑲᑕᐋᐧᐸᒫᑖᐧᐃᐧ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭᓭᒪᓂᑐ.
17ᑭ ᐅᑎᐦᒋᐸᔨᐤ ᒫᑲ ᓂᓯᑕᓇᐤ ᑌᐸᑯᐳᓵᑊ ᐁ ᑕᐦᑐ ᐊᐢᑭᐃᐧᓂᐊᐧᕽ, ᓂᐢᑕᒼ ᐱᓯᒼ, ᓂᐢᑕᒼ ᐁ ᐃᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 18ᐃᔨᓂᐃᐧᑯᓯᓵᐣ, ᓀᑊᔪᑳᐟᕒᐁᓴᕒ ᐹᐱᓬᐊᐣ ᑭᐦᒋ ᐅᑭᒫᐤ ᒥᐢᑕᐦᐃ ᑭ ᐊᑐᐢᑲᐁᐤ ᐅᓄᑎᓂᑫᒪ ᑖᔭᕒ ᐁ ᓄᑎᓇᕽ; ᑲᐦᑭᔭᐤ ᑭ ᐸᐢᑳᐧᑎᐯᐊᐧᐠ ᒥᓇ ᑲᐦᑭᔭᐤ ᑭ ᐹᐸᑯᑎᐦᑎᒪᓀᐊᐧᐠ; ᐁᔨᐁᐧᕽ ᒫᑲ ᓇᒪᐃᐧᔭ ᑭ ᑎᐸᐦᐊᒪᐋᐧᐤ ᐃᐧᔭ ᐊᐦᐳ ᐅᓄᑎᓂᑫᒪ ᑖᔭᕒ ᐅᐦᒋ, ᐊᓂᒪ ᐊᑐᐢᑫᐃᐧᐣ ᑳ ᑭ ᐃᓯ ᐊᑐᐢᑳᑕᕽ; 19ᐁᐊᐧᑯ ᐅᐦᒋ ᐅᒥᓯ ᐃᑌᐧᐠ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ ᓂ ᑲ ᒥᔮᐤ ᓀᑊᔪᑳᐟᕒᐁᓴᕒ ᐹᐱᓬᐊᐣ ᑭᐦᒋ ᐅᑭᒫᐤ ᐃᒋᑊᐟ ᐊᐢᑭ; ᑭᑕ ᓯᐯᐧᑕᐁᐤ ᒫᑲ ᑳ ᐅᓵᒣᔭᑎᔨᐟ ᒥᓇ ᑭᑕ ᒪᓂᐊᐧᑖᑐᑕᒼ, ᒥᓇ ᑭᑕ ᒪᓈᐦᐅᑐᑕᒼ; ᐁᑯᓯ ᐁᑯᑕ ᐅᐦᒋ ᑭᑕ ᑎᐸᐦᐊᒫᒫᐊᐧ ᐅᓄᑎᓂᑫᒪ. 20ᓂ ᑭ ᒥᔮᐤ ᐃᒋᑊᐟ ᐊᐢᑭ ᑭᑕ ᐅ ᑎᐸᐦᐊᒫᑯᐃᐧᓂᐟ ᑳ ᑭ ᐅᐦᒋ ᐊᑐᐢᑫᐟ, ᒋᑫᒫ ᓂᔭ ᑳ ᑭ ᐊᑐᐢᑲᐃᐧᒋᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
21ᐁᐊᐧᑳᐧᓂᒪ ᑭᓯᑳᑭ ᓂ ᑲ ᒥᔮᐤ ᑭᑕ ᓵᑭᐦᐃᐧᑌᐟ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᐁᑯᓯ ᑭ ᑲ ᒥᔨᑎᐣ ᑭᑕ ᐹᐢᑭᑌᓇᒪᐣ ᑭᑐᐣ ᒣᑳᐧᐨ ᐁᐊᐧᑯᓂᐠ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
Iliyochaguliwa sasa
ᐃᓯᑭᐁᓬ 29: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.