ᐃᓯᑭᐁᓬ 24
24
1ᒥᓇ ᑫᑳᐟ ᒥᑖᑕᐦᐟ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᐱᓯᒼ, ᒥᑖᑕᐦᐟ ᐁ ᐃᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2#2 ᑭᐦᒋ ᐅᑭᒫᐊᐧᐠ 25:1; ᒉᕒᐃᒫᔭ 52:4ᐃᔨᓂᐃᐧᑯᓯᓵᐣ, ᒪᓯᓇᐦᐊ ᐁᓯᔨᑳᑌᐠ ᐊᓄᐦᐨ ᑳ ᑭᓯᑳᐠ, ᐊᓄᐦᐨ ᐅᑎ ᐅᒪ ᑳ ᑭᓯᑳᐠ; ᐹᐱᓬᐊᐣ ᑭᐦᒋ ᐅᑭᒫᐤ ᑭᓯᐋᐧᐠ ᑭ ᓈᑕᒼ ᒉᕒᐅᓴᓬᐊᒼ ᐊᓄᐦᐨ ᑳ ᑭᓯᑳᐠ. 3ᐃᐧᐦᑕᒪᐃᐧᐠ ᒫᑲ ᐋᐁᐧᒋᑲᐣ ᑳ ᒫᔦᔨᐦᒋᑫᒋᐠ ᐊᔨᓯᔨᓂᐊᐧᐠ, ᒥᓇ ᑭ ᑲ ᐃᑖᐊᐧᐠ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑌᐦᑕᔨᕽ ᐊᐢᑭᕽ, ᑌᐦᑕᔨᕽ, ᐁᑯᓯ ᒥᓇ ᐱᐦᒋᓯᑭᓇᒧᐠ ᓂᐱ; 4ᒫᒪᐃᐧ ᐸᑲᐢᑕᐁᐧᐊᒧᐠ ᐁᑯᑕ ᓇᓈᓂᐢᒋᓵᐋᐧᒋᑲᓇ, ᑲᐦᑭᔭᐤ ᐅᑎ ᐁ ᒥᔮᐧᓯᐠ, ᐅᐹᐧᒼ ᒥᓇ ᐅᓴᑭᐣ; ᒧᐢᑭᓇᑖᐠ ᓇᐊᐧᓱ ᐅᐢᑲᓇ. 5ᐅᑎᓂᑯᐠ ᓇᐊᐧᓱ ᒫᔭᑎᐦᑲᐧᐠ, ᒥᓇ ᐊᓴᐢᑖᐠ ᒥᐦᑕ ᓯᐹ ᒥᑐᓂ ᑭᑕ ᐅᓱ; ᐁᐦᐁ, ᑭᔮᒼ ᐅᐢᑲᓇ ᒥᑐᓂ ᑭᑕ ᐸᑳᑌᐊᐧ ᐁᑯᑕ.
6ᐁᑲᐧ ᒫᑲ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑯᑕᑭᑖᐃᐧᐣ ᑭᑕ ᐊᔮᐤ ᒥᐦᑯᐃᐧ ᐅᑌᓇᐤ, ᐊᐢᑭᕽ ᑳ ᐊᑳᐧᑳᐧᐱᐢᑭᓯᐟ, ᒥᓇ ᐅᐟ ᐊᑳᐧᑳᐧᐱᐢᑭᓯᐃᐧᐣ ᐁᑳ ᑳ ᓇᑲᑎᑯᐟ! ᐊᑳᐧᓇᒧᐠ ᐹᐯᔭᐠ; ᓇᒪᐃᐧᔭ ᐋᐁᐧᐸᔨᒋᑲᐣ ᐋᐸᑕᐣ. 7ᒋᑫᒫ ᐅ ᒥᐦᑯ ᒣᑳᐧᐨ ᐁᑯᑕ ᐊᔮᔨᐤ; ᑭ ᐊᐢᑖᐤ ᒧᐢᑖᐱᐢᑳᕽ; ᓇᒪᐋᐧᐨ ᐊᓯᐢᑭᕽ ᓯᑭᓇᒼ ᑭᑕ ᐊᔮᐊᐧᐦᑭᓇᕽ. 8ᑭᑕ ᑭ ᐅᐦᒋᐸᔨᐠ ᐋᐦᑯᔭᐁᐧᓯᐃᐧᐣ ᑭᑕ ᐯ ᓇᑕᐃᐧ ᐅᑎᓇᒥᕽ ᐋᐯᐦᐅᐃᐧᐣ, ᓂ ᑭ ᐊᐢᑖᐋᐧᐣ ᐅ ᒥᐦᑯ ᒧᐢᑖᐱᐢᑳᕽ, ᐁᑳ ᑭᑕ ᐊᑲᐧᓇᐃᑳᑌᐠ.
9ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑯᑕᑭᑖᐃᐧᐣ ᑭᑕ ᐊᔮᐤ ᒥᐦᑯᐃᐧ ᐅᑌᓇᐤ! ᒥᐢᑕᐦᐃ ᒥᓇ ᓂ ᑲ ᐊᓴᐢᑖᐣ. 10ᐋᐦᑲᒥ ᐳᓇᒧᐠ, ᑭᓴᐢᑯᑕᐊᐧᓯᑫᐠ, ᒥᑐᓂ ᐸᑳᑖᐠ ᐃᐧᔮᐢ, ᒥᓇ ᐱᐦᔦᑳᐧᑲᒥᑖᐠ ᒧᐢᑲᒥ, ᒥᓇ ᑭᔮᒼ ᐅᐢᑲᓇ ᑭᑕ ᑭᓯᑌᐊᐧ. 11ᐁᑲᐧ ᐁ ᐱᓯᓯᑯᓯᐟ ᑌᐦᑕᔨᕽ ᐃᐢᑯᑌᕽ, ᑭᑕ ᑭᓵᐱᐢᑭᓱᐟ, ᐁ ᐅᓵᐋᐧᐱᐢᑯᐊᐧᕽ ᑭᑕ ᑭᓯᑌᐠ, ᐁᑯᓯ ᐁ ᐃᓯ ᐃᐧᓀᔨᑖᑲᐧᕽ ᑭᑕ ᑎᐦᑭᑌᐠ ᐁᑯᑕ, ᑭᑕ ᒣᐢᑎᑲᑌᐠ ᐁ ᐊᑳᐧᑳᐧᐱᐢᑳᐠ. 12ᑭ ᐊᔦᐢᑯᐃᓱ ᐁ ᐊᑐᐢᑫᐟ; ᐁᔨᐁᐧᕽ ᒫᑲ ᐅ ᑭᐦᒋᐊᑳᐧᑳᐧᐱᐢᑭᓯᐃᐧᐣ ᓇᒪᐃᐧᔭ ᑭ ᓇᑲᑎᐠ; ᓇᒪᐃᐧᔭ ᑭᑕ ᐳᓂᐃᐠ ᐅᐟ ᐊᑳᐧᑳᐧᐱᐢᑭᓯᐃᐧᐣ ᐃᐢᑯᑌᐤ ᐅᐦᒋ. 13ᑭ ᐃᐧᓀᔨᑖᑯᓯᐃᐧᓂᕽ ᑭᐢᑫᐧᔮᑎᓯᐃᐧᐣ ᐊᔮᐤ; ᒋᑫᒫ ᐁ ᑭ ᑭᒋᐢᑎᓂᑖᐣ ᐁᑯᓯ ᐁᑳ ᐁ ᑭ ᑭᒋᐢᑎᓂᑯᐃᐧᓯᔭᐣ, ᓇᒪᐃᐧᔭ ᒥᓇ ᑭᑕ ᑭᒋᐢᑎᓂᑳᑌᐤ ᑭ ᐃᐧᓀᔨᑖᑯᓯᐃᐧᐣ, ᐹᑎᒫ ᐱᑯ ᑭ ᑌᐱᔭᐁᐧᑖᔮᓂ ᑳ ᐋᑯᔭᐁᐧᓯᐢᑖᑖᐣ. 14ᓂᔭ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᔮᐣ; ᑭᑕ ᑎᐱᐸᔨᐤ ᐁᑯᓯ ᓂ ᑲ ᐃᐦᑐᑌᐣ; ᓇᒪᐃᐧᔭ ᓂ ᑲ ᐊᓭᐸᔨᐣ, ᓇᒪᐃᐧᔭ ᒥᓇ ᓂ ᑲ ᒪᓈᒋᐃᐋᐧᐣ, ᓇᒪᐃᐧᔭ ᒥᓇ ᓂ ᑲ ᑫᐧᐢᑫᔨᑌᐣ; ᑳ ᐃᑕᐢᑌᑭ ᑭᐟ ᐃᑖᑎᓯᐃᐧᓇ ᒥᓇ ᑳ ᐃᑕᐢᑌᑭ ᑭᐟ ᐃᑐᑕᒧᐃᐧᓇ, ᑭ ᑲ ᐃᓯ ᐅᔭᓱᐋᐧᑎᑲᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
15ᒥᓇ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 16ᐃᔨᓂᐃᐧᑯᓯᓵᐣ, ᒫᑎᑲ, ᑭ ᒪᐢᑲᒥᑎᐣ ᐊᓇ ᑳ ᒧᐢᑕᐃᐧᓇᐊᐧᐟ ᐁ ᐃᐢᐸᔨᐃᑯᔭᐣ; ᒫᑲ ᓇᒪᐃᐧᔭ ᑭ ᑲ ᓇᓀᑳᑌᐧᐃᐧᑌᐣ ᐊᐦᐳ ᒫᑐᐣ, ᒥᓇ ᓇᒪᐃᐧᔭ ᑭ ᑲ ᐅᐦᒋᑲᐋᐧᐱᐣ. 17ᒥᐦᒋᔭᐁᐧᒧ, ᒫᑲ ᐁᑳᐃᐧᔭ ᑭᓯᐁᐧ; ᓇᒪᐃᐧᔭ ᑭ ᑲ ᒪᐃᐧᑳᑖᐤ ᐁ ᐳᓂᐱᒫᑎᓯᐟ, ᐁᐧᐁᐧᑭᐢᑎᑳᐧᓀᐱᓱ, ᒥᓇ ᐳᐢᑕᐢᑭᓯᓀ ᑭᓯᑎᕽ, ᒥᓇ ᐁᑳᐃᐧᔭ ᐋᑯᑐᓀᐱᓱ, ᒥᓇ ᓇᒪᐃᐧᔭ ᑭ ᑲ ᒧᐃᐧᒫᐊᐧ ᐊᔨᓯᔨᓂᐊᐧᐠ ᐅ ᐸᐦᑫᐧᓯᑲᓂᒥᐋᐧᐊᐧ. 18ᐁᑯᓯ ᓂ ᑭ ᐊᔭᒥᐦᐋᐊᐧᐠ ᐊᔨᓯᔨᓂᐊᐧᐠ ᐁ ᑫᑭᓭᐹᔮᐠ; ᐁ ᐅᑖᑯᓯᐠ ᒫᑲ ᓂᐊᐧ ᑭ ᐳᓂᐱᒫᑎᓯᐤ; ᓂ ᑭ ᑐᑌᐣ ᒫᑲ ᐁ ᑫᑭᓭᐹᔮᐠ ᑳ ᑭ ᐃᑕᓱᐋᐧᑎᑲᐃᐧᔮᐣ.
19ᐊᔨᓯᔨᓂᐊᐧᐠ ᒫᑲ ᓂ ᑭ ᐃᑎᑲᐧᐠ, ᓇᒪ ᒋ ᑭ ᑲ ᐃᐧᐦᑕᒪᐃᐧᓈᐣ ᐁᓯ ᑲᓇᐋᐧᐸᒥᑯᔮᕽ ᐅᐦᐃ ᑳ ᑐᑕᒪᐣ? 20ᐁᑲᐧ ᓂ ᑭ ᐃᑖᐊᐧᐠ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 21ᑭᑐᓯᐠ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᓂ ᑲ ᐱᐁᐧᔨᑖᑯᑖᐣ ᓂ ᑲᓈᒋᑲᒥᐠ, ᑳ ᐅᐦᒋ ᑭᐢᑌᔨᒥᓱᒪᑲᕽ ᑭ ᒪᐢᑲᐃᐧᓯᐃᐧᓂᐋᐧᐤ, ᑳ ᒧᐢᑕᐃᐧᓇᒣᐠ ᑭᐢᑭᓯᑯᐋᐧᕽ, ᒥᓇ ᐊᓂᒪ ᑳ ᓴᐃᐧᑌᐦᐁᑐᑕᒣᐠ; ᒥᓇ ᑭᑯᓯᓯᐋᐧᐊᐧᐠ ᒥᓇ ᑭᑖᓂᓯᐋᐧᐊᐧᐠ ᑳ ᑭ ᓇᑲᑖᔦᑯᐠ ᑭᑕ ᑳᐊᐧᐅᑲᐧᐠ ᓯᒫᑲᓂᑯᒫᐣ. 22ᑭ ᑲ ᐃᐦᑐᑌᓈᐋᐧᐤ ᒫᑲ ᑖᐱᐢᑯᐨ ᑳ ᑭ ᑐᑕᒫᐣ; ᓇᒪᐃᐧᔭ ᑭ ᑲ ᐋᑯᑐᓀᐦᐅᓱᓈᐋᐧᐤ, ᒥᓇ ᓇᒪᐃᐧᔭ ᑭ ᑲ ᒧᐃᐧᒫᐋᐧᐊᐧ ᐅ ᐸᑫᐧᓯᑲᓂᒥᐋᐧᐊᐧ ᐊᔨᓯᔨᓂᐊᐧᐠ. 23ᒥᓇ ᑭ ᑲ ᐁᐧᐁᐧᑭᐢᑎᑳᐧᓀᐱᓱᓈᐋᐧᐤ, ᒥᓇ ᑭ ᑲ ᑭᑲᐢᑭᓯᓈᓈᐋᐧᐤ; ᓇᒪᐃᐧᔭ ᑭ ᑲ ᓇᓀᑳᑌᐧᐃᐧᑌᓈᐋᐧᐤ ᐊᐦᐳ ᒫᑐᓈᐋᐧᐤ; ᒫᑲ ᑭ ᑲ ᑳᒫᐧᑎᓯᓈᐋᐧᐤ ᑭ ᒪᒋᐃᑎᐃᐧᓂᐋᐧᕽ ᒥᓇ ᑭ ᑲ ᐱᑫᐧᔨᑕᒥᐃᑐᓈᐋᐧᐤ. 24ᐁᑯᓯ ᐅᒪ ᐃᓯᑭᐁᓬ ᑫ ᐃᓯ ᑭᐢᑭᓇᐋᐧᑌᔨᒫᔦᐠ; ᑲᐦᑭᔭᐤ ᐊᓂᒪ ᑳ ᑭ ᑐᑕᕽ ᑭᔭᐋᐧᐤ ᑭ ᑲ ᑐᑌᓈᐋᐧᐤ; ᐃᐢᐱ ᒫᑲ ᐅᒪ ᐅᑎᐦᒋᐸᔨᑭ, ᐁᑲᐧ ᑫ ᑭᐢᑫᔨᑕᒣᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭᓭᒪᓂᑐ.
25ᑭᔭ ᒫᑲ ᐃᔨᓂᐃᐧᑯᓯᓵᐣ, ᓇᒪ ᒋ ᑭᑕ ᐃᐦᑭᐣ ᐊᓂᒪ ᑭᓯᑳᑭ ᐃᐢᐱ ᒪᐢᑲᒪᑲᐧᐃᐧ ᐅ ᒪᐢᑲᐃᐧᓯᐃᐧᓂᐋᐧᐤ, ᑳ ᒥᔭᐋᐧᑕᒧᐃᑯᒋᐠ ᐅ ᑭᐢᑌᔨᑖᑯᓯᐃᐧᓂᐋᐧᐤ, ᑳ ᒧᐢᑕᐃᐧᓇᐦᑭᐠ, ᒥᓇ ᐊᓂᒪ ᑳ ᐃᓯᑌᐦᐁᐢᑕᑭᐠ, ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ, 26ᐊᓇ ᑳ ᐸᐢᐱᐟ ᐁᑯᐢᐱ ᑭᓯᑳᑭ ᑭ ᑲ ᐯ ᓈᑎᐠ, ᑭᑕ ᐯᐦᑕᒧᐃᐢᐠ ᑭᑕᐊᐧᑳᕽ? 27ᐁᑯᐢᐱ ᑭᓯᑳᑭ ᑭᑕ ᐹᐢᑭᑌᓇᒪᐋᐧᐤ ᑭᑐᐣ ᐊᓇ ᑳ ᐸᐢᐱᐟ, ᐁᑯᓯ ᑭ ᑲ ᐱᑭᐢᑳᐧᐣ, ᒥᓇ ᑭ ᑲ ᓂᐦᑖᐋᐧᐣ; ᐁᑯᓯ ᑭᔭ ᑭ ᑲ ᑭᐢᑭᓇᐊᐧᑌᔨᒥᑲᐧᐠ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
Iliyochaguliwa sasa
ᐃᓯᑭᐁᓬ 24: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᐃᓯᑭᐁᓬ 24
24
1ᒥᓇ ᑫᑳᐟ ᒥᑖᑕᐦᐟ ᐁ ᑕᐦᑐ ᐊᐢᑭᐊᐧᕽ, ᒥᑖᑕᐦᐟ ᐱᓯᒼ, ᒥᑖᑕᐦᐟ ᐁ ᐃᑕᑭᒥᐦᐟ ᐱᓯᒼ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 2#2 ᑭᐦᒋ ᐅᑭᒫᐊᐧᐠ 25:1; ᒉᕒᐃᒫᔭ 52:4ᐃᔨᓂᐃᐧᑯᓯᓵᐣ, ᒪᓯᓇᐦᐊ ᐁᓯᔨᑳᑌᐠ ᐊᓄᐦᐨ ᑳ ᑭᓯᑳᐠ, ᐊᓄᐦᐨ ᐅᑎ ᐅᒪ ᑳ ᑭᓯᑳᐠ; ᐹᐱᓬᐊᐣ ᑭᐦᒋ ᐅᑭᒫᐤ ᑭᓯᐋᐧᐠ ᑭ ᓈᑕᒼ ᒉᕒᐅᓴᓬᐊᒼ ᐊᓄᐦᐨ ᑳ ᑭᓯᑳᐠ. 3ᐃᐧᐦᑕᒪᐃᐧᐠ ᒫᑲ ᐋᐁᐧᒋᑲᐣ ᑳ ᒫᔦᔨᐦᒋᑫᒋᐠ ᐊᔨᓯᔨᓂᐊᐧᐠ, ᒥᓇ ᑭ ᑲ ᐃᑖᐊᐧᐠ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑌᐦᑕᔨᕽ ᐊᐢᑭᕽ, ᑌᐦᑕᔨᕽ, ᐁᑯᓯ ᒥᓇ ᐱᐦᒋᓯᑭᓇᒧᐠ ᓂᐱ; 4ᒫᒪᐃᐧ ᐸᑲᐢᑕᐁᐧᐊᒧᐠ ᐁᑯᑕ ᓇᓈᓂᐢᒋᓵᐋᐧᒋᑲᓇ, ᑲᐦᑭᔭᐤ ᐅᑎ ᐁ ᒥᔮᐧᓯᐠ, ᐅᐹᐧᒼ ᒥᓇ ᐅᓴᑭᐣ; ᒧᐢᑭᓇᑖᐠ ᓇᐊᐧᓱ ᐅᐢᑲᓇ. 5ᐅᑎᓂᑯᐠ ᓇᐊᐧᓱ ᒫᔭᑎᐦᑲᐧᐠ, ᒥᓇ ᐊᓴᐢᑖᐠ ᒥᐦᑕ ᓯᐹ ᒥᑐᓂ ᑭᑕ ᐅᓱ; ᐁᐦᐁ, ᑭᔮᒼ ᐅᐢᑲᓇ ᒥᑐᓂ ᑭᑕ ᐸᑳᑌᐊᐧ ᐁᑯᑕ.
6ᐁᑲᐧ ᒫᑲ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑯᑕᑭᑖᐃᐧᐣ ᑭᑕ ᐊᔮᐤ ᒥᐦᑯᐃᐧ ᐅᑌᓇᐤ, ᐊᐢᑭᕽ ᑳ ᐊᑳᐧᑳᐧᐱᐢᑭᓯᐟ, ᒥᓇ ᐅᐟ ᐊᑳᐧᑳᐧᐱᐢᑭᓯᐃᐧᐣ ᐁᑳ ᑳ ᓇᑲᑎᑯᐟ! ᐊᑳᐧᓇᒧᐠ ᐹᐯᔭᐠ; ᓇᒪᐃᐧᔭ ᐋᐁᐧᐸᔨᒋᑲᐣ ᐋᐸᑕᐣ. 7ᒋᑫᒫ ᐅ ᒥᐦᑯ ᒣᑳᐧᐨ ᐁᑯᑕ ᐊᔮᔨᐤ; ᑭ ᐊᐢᑖᐤ ᒧᐢᑖᐱᐢᑳᕽ; ᓇᒪᐋᐧᐨ ᐊᓯᐢᑭᕽ ᓯᑭᓇᒼ ᑭᑕ ᐊᔮᐊᐧᐦᑭᓇᕽ. 8ᑭᑕ ᑭ ᐅᐦᒋᐸᔨᐠ ᐋᐦᑯᔭᐁᐧᓯᐃᐧᐣ ᑭᑕ ᐯ ᓇᑕᐃᐧ ᐅᑎᓇᒥᕽ ᐋᐯᐦᐅᐃᐧᐣ, ᓂ ᑭ ᐊᐢᑖᐋᐧᐣ ᐅ ᒥᐦᑯ ᒧᐢᑖᐱᐢᑳᕽ, ᐁᑳ ᑭᑕ ᐊᑲᐧᓇᐃᑳᑌᐠ.
9ᐁᐊᐧᑯ ᐅᐦᒋ ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᑯᑕᑭᑖᐃᐧᐣ ᑭᑕ ᐊᔮᐤ ᒥᐦᑯᐃᐧ ᐅᑌᓇᐤ! ᒥᐢᑕᐦᐃ ᒥᓇ ᓂ ᑲ ᐊᓴᐢᑖᐣ. 10ᐋᐦᑲᒥ ᐳᓇᒧᐠ, ᑭᓴᐢᑯᑕᐊᐧᓯᑫᐠ, ᒥᑐᓂ ᐸᑳᑖᐠ ᐃᐧᔮᐢ, ᒥᓇ ᐱᐦᔦᑳᐧᑲᒥᑖᐠ ᒧᐢᑲᒥ, ᒥᓇ ᑭᔮᒼ ᐅᐢᑲᓇ ᑭᑕ ᑭᓯᑌᐊᐧ. 11ᐁᑲᐧ ᐁ ᐱᓯᓯᑯᓯᐟ ᑌᐦᑕᔨᕽ ᐃᐢᑯᑌᕽ, ᑭᑕ ᑭᓵᐱᐢᑭᓱᐟ, ᐁ ᐅᓵᐋᐧᐱᐢᑯᐊᐧᕽ ᑭᑕ ᑭᓯᑌᐠ, ᐁᑯᓯ ᐁ ᐃᓯ ᐃᐧᓀᔨᑖᑲᐧᕽ ᑭᑕ ᑎᐦᑭᑌᐠ ᐁᑯᑕ, ᑭᑕ ᒣᐢᑎᑲᑌᐠ ᐁ ᐊᑳᐧᑳᐧᐱᐢᑳᐠ. 12ᑭ ᐊᔦᐢᑯᐃᓱ ᐁ ᐊᑐᐢᑫᐟ; ᐁᔨᐁᐧᕽ ᒫᑲ ᐅ ᑭᐦᒋᐊᑳᐧᑳᐧᐱᐢᑭᓯᐃᐧᐣ ᓇᒪᐃᐧᔭ ᑭ ᓇᑲᑎᐠ; ᓇᒪᐃᐧᔭ ᑭᑕ ᐳᓂᐃᐠ ᐅᐟ ᐊᑳᐧᑳᐧᐱᐢᑭᓯᐃᐧᐣ ᐃᐢᑯᑌᐤ ᐅᐦᒋ. 13ᑭ ᐃᐧᓀᔨᑖᑯᓯᐃᐧᓂᕽ ᑭᐢᑫᐧᔮᑎᓯᐃᐧᐣ ᐊᔮᐤ; ᒋᑫᒫ ᐁ ᑭ ᑭᒋᐢᑎᓂᑖᐣ ᐁᑯᓯ ᐁᑳ ᐁ ᑭ ᑭᒋᐢᑎᓂᑯᐃᐧᓯᔭᐣ, ᓇᒪᐃᐧᔭ ᒥᓇ ᑭᑕ ᑭᒋᐢᑎᓂᑳᑌᐤ ᑭ ᐃᐧᓀᔨᑖᑯᓯᐃᐧᐣ, ᐹᑎᒫ ᐱᑯ ᑭ ᑌᐱᔭᐁᐧᑖᔮᓂ ᑳ ᐋᑯᔭᐁᐧᓯᐢᑖᑖᐣ. 14ᓂᔭ ᑳ ᑎᐯᔨᐦᒋᑫᐟ ᑳ ᑭ ᐃᑌᐧᔮᐣ; ᑭᑕ ᑎᐱᐸᔨᐤ ᐁᑯᓯ ᓂ ᑲ ᐃᐦᑐᑌᐣ; ᓇᒪᐃᐧᔭ ᓂ ᑲ ᐊᓭᐸᔨᐣ, ᓇᒪᐃᐧᔭ ᒥᓇ ᓂ ᑲ ᒪᓈᒋᐃᐋᐧᐣ, ᓇᒪᐃᐧᔭ ᒥᓇ ᓂ ᑲ ᑫᐧᐢᑫᔨᑌᐣ; ᑳ ᐃᑕᐢᑌᑭ ᑭᐟ ᐃᑖᑎᓯᐃᐧᓇ ᒥᓇ ᑳ ᐃᑕᐢᑌᑭ ᑭᐟ ᐃᑐᑕᒧᐃᐧᓇ, ᑭ ᑲ ᐃᓯ ᐅᔭᓱᐋᐧᑎᑲᐧᐠ, ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ.
15ᒥᓇ ᒫᑲ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 16ᐃᔨᓂᐃᐧᑯᓯᓵᐣ, ᒫᑎᑲ, ᑭ ᒪᐢᑲᒥᑎᐣ ᐊᓇ ᑳ ᒧᐢᑕᐃᐧᓇᐊᐧᐟ ᐁ ᐃᐢᐸᔨᐃᑯᔭᐣ; ᒫᑲ ᓇᒪᐃᐧᔭ ᑭ ᑲ ᓇᓀᑳᑌᐧᐃᐧᑌᐣ ᐊᐦᐳ ᒫᑐᐣ, ᒥᓇ ᓇᒪᐃᐧᔭ ᑭ ᑲ ᐅᐦᒋᑲᐋᐧᐱᐣ. 17ᒥᐦᒋᔭᐁᐧᒧ, ᒫᑲ ᐁᑳᐃᐧᔭ ᑭᓯᐁᐧ; ᓇᒪᐃᐧᔭ ᑭ ᑲ ᒪᐃᐧᑳᑖᐤ ᐁ ᐳᓂᐱᒫᑎᓯᐟ, ᐁᐧᐁᐧᑭᐢᑎᑳᐧᓀᐱᓱ, ᒥᓇ ᐳᐢᑕᐢᑭᓯᓀ ᑭᓯᑎᕽ, ᒥᓇ ᐁᑳᐃᐧᔭ ᐋᑯᑐᓀᐱᓱ, ᒥᓇ ᓇᒪᐃᐧᔭ ᑭ ᑲ ᒧᐃᐧᒫᐊᐧ ᐊᔨᓯᔨᓂᐊᐧᐠ ᐅ ᐸᐦᑫᐧᓯᑲᓂᒥᐋᐧᐊᐧ. 18ᐁᑯᓯ ᓂ ᑭ ᐊᔭᒥᐦᐋᐊᐧᐠ ᐊᔨᓯᔨᓂᐊᐧᐠ ᐁ ᑫᑭᓭᐹᔮᐠ; ᐁ ᐅᑖᑯᓯᐠ ᒫᑲ ᓂᐊᐧ ᑭ ᐳᓂᐱᒫᑎᓯᐤ; ᓂ ᑭ ᑐᑌᐣ ᒫᑲ ᐁ ᑫᑭᓭᐹᔮᐠ ᑳ ᑭ ᐃᑕᓱᐋᐧᑎᑲᐃᐧᔮᐣ.
19ᐊᔨᓯᔨᓂᐊᐧᐠ ᒫᑲ ᓂ ᑭ ᐃᑎᑲᐧᐠ, ᓇᒪ ᒋ ᑭ ᑲ ᐃᐧᐦᑕᒪᐃᐧᓈᐣ ᐁᓯ ᑲᓇᐋᐧᐸᒥᑯᔮᕽ ᐅᐦᐃ ᑳ ᑐᑕᒪᐣ? 20ᐁᑲᐧ ᓂ ᑭ ᐃᑖᐊᐧᐠ, ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭ ᐅᑎᐦᑎᑯᐣ, ᐁ ᐃᑌᐧᐟ, 21ᑭᑐᓯᐠ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ; ᒫᑎᑲ, ᓂ ᑲ ᐱᐁᐧᔨᑖᑯᑖᐣ ᓂ ᑲᓈᒋᑲᒥᐠ, ᑳ ᐅᐦᒋ ᑭᐢᑌᔨᒥᓱᒪᑲᕽ ᑭ ᒪᐢᑲᐃᐧᓯᐃᐧᓂᐋᐧᐤ, ᑳ ᒧᐢᑕᐃᐧᓇᒣᐠ ᑭᐢᑭᓯᑯᐋᐧᕽ, ᒥᓇ ᐊᓂᒪ ᑳ ᓴᐃᐧᑌᐦᐁᑐᑕᒣᐠ; ᒥᓇ ᑭᑯᓯᓯᐋᐧᐊᐧᐠ ᒥᓇ ᑭᑖᓂᓯᐋᐧᐊᐧᐠ ᑳ ᑭ ᓇᑲᑖᔦᑯᐠ ᑭᑕ ᑳᐊᐧᐅᑲᐧᐠ ᓯᒫᑲᓂᑯᒫᐣ. 22ᑭ ᑲ ᐃᐦᑐᑌᓈᐋᐧᐤ ᒫᑲ ᑖᐱᐢᑯᐨ ᑳ ᑭ ᑐᑕᒫᐣ; ᓇᒪᐃᐧᔭ ᑭ ᑲ ᐋᑯᑐᓀᐦᐅᓱᓈᐋᐧᐤ, ᒥᓇ ᓇᒪᐃᐧᔭ ᑭ ᑲ ᒧᐃᐧᒫᐋᐧᐊᐧ ᐅ ᐸᑫᐧᓯᑲᓂᒥᐋᐧᐊᐧ ᐊᔨᓯᔨᓂᐊᐧᐠ. 23ᒥᓇ ᑭ ᑲ ᐁᐧᐁᐧᑭᐢᑎᑳᐧᓀᐱᓱᓈᐋᐧᐤ, ᒥᓇ ᑭ ᑲ ᑭᑲᐢᑭᓯᓈᓈᐋᐧᐤ; ᓇᒪᐃᐧᔭ ᑭ ᑲ ᓇᓀᑳᑌᐧᐃᐧᑌᓈᐋᐧᐤ ᐊᐦᐳ ᒫᑐᓈᐋᐧᐤ; ᒫᑲ ᑭ ᑲ ᑳᒫᐧᑎᓯᓈᐋᐧᐤ ᑭ ᒪᒋᐃᑎᐃᐧᓂᐋᐧᕽ ᒥᓇ ᑭ ᑲ ᐱᑫᐧᔨᑕᒥᐃᑐᓈᐋᐧᐤ. 24ᐁᑯᓯ ᐅᒪ ᐃᓯᑭᐁᓬ ᑫ ᐃᓯ ᑭᐢᑭᓇᐋᐧᑌᔨᒫᔦᐠ; ᑲᐦᑭᔭᐤ ᐊᓂᒪ ᑳ ᑭ ᑐᑕᕽ ᑭᔭᐋᐧᐤ ᑭ ᑲ ᑐᑌᓈᐋᐧᐤ; ᐃᐢᐱ ᒫᑲ ᐅᒪ ᐅᑎᐦᒋᐸᔨᑭ, ᐁᑲᐧ ᑫ ᑭᐢᑫᔨᑕᒣᐠ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ ᑭᓭᒪᓂᑐ.
25ᑭᔭ ᒫᑲ ᐃᔨᓂᐃᐧᑯᓯᓵᐣ, ᓇᒪ ᒋ ᑭᑕ ᐃᐦᑭᐣ ᐊᓂᒪ ᑭᓯᑳᑭ ᐃᐢᐱ ᒪᐢᑲᒪᑲᐧᐃᐧ ᐅ ᒪᐢᑲᐃᐧᓯᐃᐧᓂᐋᐧᐤ, ᑳ ᒥᔭᐋᐧᑕᒧᐃᑯᒋᐠ ᐅ ᑭᐢᑌᔨᑖᑯᓯᐃᐧᓂᐋᐧᐤ, ᑳ ᒧᐢᑕᐃᐧᓇᐦᑭᐠ, ᒥᓇ ᐊᓂᒪ ᑳ ᐃᓯᑌᐦᐁᐢᑕᑭᐠ, ᐅᑯᓯᓯᐋᐧᐊᐧ ᒥᓇ ᐅᑖᓂᓯᐋᐧᐊᐧ, 26ᐊᓇ ᑳ ᐸᐢᐱᐟ ᐁᑯᐢᐱ ᑭᓯᑳᑭ ᑭ ᑲ ᐯ ᓈᑎᐠ, ᑭᑕ ᐯᐦᑕᒧᐃᐢᐠ ᑭᑕᐊᐧᑳᕽ? 27ᐁᑯᐢᐱ ᑭᓯᑳᑭ ᑭᑕ ᐹᐢᑭᑌᓇᒪᐋᐧᐤ ᑭᑐᐣ ᐊᓇ ᑳ ᐸᐢᐱᐟ, ᐁᑯᓯ ᑭ ᑲ ᐱᑭᐢᑳᐧᐣ, ᒥᓇ ᑭ ᑲ ᓂᐦᑖᐋᐧᐣ; ᐁᑯᓯ ᑭᔭ ᑭ ᑲ ᑭᐢᑭᓇᐊᐧᑌᔨᒥᑲᐧᐠ; ᑭᑕ ᑭᐢᑫᔨᑕᒪᐧᐠ ᒫᑲ ᓂᔭ ᐁᐊᐧᑯ ᑳ ᑎᐯᔨᐦᒋᑫᐟ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.