ᑖᓂᐁᓬ 9
9
1ᓂᐢᑕᒼ ᐁ ᐊᐢᑭᐊᐧᕽ ᐁ ᐊᔮᐟ ᑌᕒᐋᔭᐢ ᐅᑯᓯᓴ ᐁᐦᐋᐢᔪᐃᕒᐊᐢ, ᒥᑕᐠ ᑳ ᐅᐦᒋᐟ, ᑳ ᑭ ᑭᐦᒋ ᐅᑭᒫᑳᑎᐦᐟ ᐊᓂᒪ ᑳᓬᑎᔭᓇᐠ ᐅ ᑎᐯᔨᐦᒋᑫᐃᐧᓂᐋᐧᐤ; 2#ᒉᕒᐃᒫᔭ 25:11; 29:10ᓂᐢᑕᒼ ᐊᐢᑭ ᑳ ᑭᐦᒋ ᐅᑭᒫᐃᐧᐟ ᓂᔭ ᑖᓂᐁᓬ ᓂ ᑭ ᓂᓯᑐᑌᐣ ᒪᓯᓇᐦᐃᑲᓇ ᐅᐦᒋ ᐊᓂᒪ ᑕᐦᑐ ᐊᐢᑭ, ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑳ ᑭ ᐅᑎᐦᑎᑯᐟ ᒉᕒᐃᒫᔭ ᐅᑭᐢᑭᐁᐧᐦᐃᑫᐤ, ᑭᑕ ᑎᐱᐸᔨᐠ ᐃᔨᑯᕽ ᑭᑕ ᑭᐋᐧᑕᐢᑌᐠ ᒉᕒᐅᓴᓬᐊᒼ, ᑌᐸᑯᐦᐳᒥᑕᓇᐤ ᐅᑎ ᑕᐦᑐ ᐊᐢᑭ.
3ᐁᑯᓯ ᒫᑲ ᓂ ᑭ ᑲᓇᐋᐧᐸᒫᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑭᑕ ᓇᑐᓇᒫᐣ ᐁ ᐊᔭᒥᐦᐋᔮᐣ ᒥᓇ ᐁ ᒪᐃᐧᒧᐢᒋᑫᔮᐣ ᑭᑭ ᐁ ᐃᔨᐊᐧᓂᓯᐃᓱᔮᐣ, ᒥᓇ ᐊᓯᓯᐁᐧᑭᐣ, ᒥᓇ ᐱᐦᑯᑌᐤ ᐁ ᑭᑭᐢᑲᒫᐣ. 4ᓂ ᑭ ᐊᔭᒥᐦᐁᐢᑕᐋᐧᐤ ᒫᑲ ᑳ ᑎᐯᔨᐦᒋᑫᐟ ᓂ ᒪᓂᑐᒼ, ᒥᓇ ᓂ ᑭ ᐋᒋᒧᐢᑕᐋᐧᐤ, ᒥᓇ ᓂ ᑭ ᐃᑖᐧᐣ, ᑭᔭ ᑳ ᑎᐯᔨᐦᒋᑫᔭᐣ, ᑳ ᑭᐦᒑᔨᐃᐧᔭᐣ ᒥᓇ ᑳ ᑯᐢᑖᑌᔨᑖᑯᓯᔭᐣ ᑭᓭᒪᓂᑐ, ᑳ ᑲᓇᐁᐧᔨᑕᒪᐊᐧᒋᐠ ᐊᓱᑕᒫᑫᐃᐧᐣ ᒥᓇ ᑭᓭᐋᐧᑎᓯᐃᐧᐣ ᐊᓂᑭ ᑳ ᓵᑭᐦᐃᐢᑭᐠ ᒥᓇ ᑳ ᒥᑎᒣᒋᐠ ᑯᔭᓱᐁᐧᐃᐧᓇ; 5ᓂ ᑭ ᒪᒋᐃᐦᑎᓈᐣ, ᒥᓇ ᓇᐢᐹᐨ ᓂ ᑭ ᐃᓯᒋᑳᓈᐣ, ᒥᓇ ᓂ ᑭ ᒪᒋᑐᑌᓈᐣ, ᒥᓇ ᓂ ᑭ ᒫᔭᑲᒥᑭᓯᓈᐣ, ᐁ ᑭ ᓇᑲᑕᒫᕽ ᑭᐟ ᐊᔮᑳᐧᒥᒥᐁᐧᐃᐧᓇ ᒥᓇ ᑯᔭᓱᐋᐧᓯᐁᐧᐃᐧᓇ; 6ᒥᓇ ᐁᑳ ᐁ ᑭ ᐅᐦᒋ ᓇᑐᐦᑕᐋᐧᔮᐦᑭᐠ ᑭᐟ ᐊᑐᐢᑫᔮᑲᓇᐠ ᐅᑭᐢᑭᐁᐧᐦᐃᑫᐊᐧᐠ ᑭ ᐃᐧᔪᐃᐧᓂᕽ ᑳ ᑭ ᑭᑐᑖᒋᐠ ᓂ ᑭᐦᒋ ᐅᑭᒫᒥᓈᓇ, ᓄᑭᒫᒥᓈᓇ, ᒥᓇ ᓄᑖᐃᐧᓈᓇ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᐊᐢᑭᕽ. 7ᑌᐯᔨᐦᒋᑫᔭᐣ, ᑲᐧᔭᐢᑭᑖᑎᓯᐃᐧᐣ ᑭᔭ ᑯᑕᔮᓂᐣ, ᒫᑲ ᓂᔭᓈᐣ ᐊᐧᐋᐧᓀᔨᑕᒥᐢᑫᐧᔨᐃᐧᐣ, ᑖᐱᐢᑯᐨ ᐊᓄᐦᐨ ᑳ ᑭᓯᑳᐠ; ᒍᑕ ᐊᔨᓯᔨᓂᐊᐧᐠ, ᒥᓇ ᑳ ᐅᐟ ᐃᐦᑖᐃᐧᓂᒋᐠ ᒉᕒᐅᓴᓬᐊᒥᕽ, ᒥᓇ ᑲᐦᑭᔭᐤ ᐃᐢᕒᐁᐃᓬ, ᑭᓯᐋᐧᐠ ᑳ ᐊᔮᒋᐠ ᒥᓇ ᐋᐧᔭᐤ ᑳ ᐊᔮᒋᐠ, ᒥᓯᐁᐧ ᐃᑌ ᐊᐢᑭᕽ ᑳ ᑭ ᐃᓯᑎᓴᐦᐊᐧᒋᐠ, ᐅ ᐊᐧᓂᐃᑎᐃᐧᓂᐋᐧᐤ ᐅᐦᒋ ᑳ ᑭ ᐊᐧᓂᑐᑖᐢᑭᐠ. 8ᑌᐯᔨᐦᒋᑫᔭᐣ ᓂᔭᓈᐣ ᓄᑕᔮᓂᓈᐣ ᐊᐧᐋᐧᓀᔨᑕᒥᐢᑫᐧᔨᐃᐧᐣ, ᓂ ᑭᐦᒋ ᐅᑭᒫᒥᓈᓇᐠ, ᓂᐟ ᐅᑭᒫᒥᓈᓇᐠ, ᒥᓇ ᓄᑖᐃᐧᓈᓇᐠ, ᒋᑫᒫ ᐁ ᑭ ᐊᐧᓂᑐᑖᑖᕽ. 9ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᐊᔮᐤ ᑭᓭᐋᐧᑎᓯᐃᐧᓇ ᒥᓇ ᐊᓭᓇᒫᑫᐃᐧᓇ ᐁ ᐋᑕ ᑭ ᐊᐧᓂᑐᑕᐋᐧᔮᕽ; 10ᒋᑫᒫ ᓇᒪᐃᐧᔭ ᓂ ᑭ ᐅᐦᒋ ᓇᓇᐃᑕᒫᐧᓈᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ, ᑭᑕ ᒥᑎᒣᔮᐠ ᐅᔭᓱᐁᐧᐃᐧᓇ, ᑳ ᑭ ᐅᐦᑎᐢᑲᐊᐧᐢᑖᐧᑯᔮᕽ ᐅᐟ ᐊᑐᐢᑫᔮᑲᓇ ᐅᑭᐢᑭᐁᐧᐦᐃᑫᐊᐧ ᐅᐦᒋ. 11ᐁᐦᐁ, ᑲᐦᑭᔭᐤ ᐃᐢᕒᐁᐃᓬ ᑭ ᐱᑯᓇᒪᐧᐠ ᑯᔭᓱᐁᐧᐃᐧᐣ, ᐋᐧᐋᐧᐨ ᐅᐦᐱᒣ ᐁ ᐃᑐᐦᑌᒋᐠ, ᐁᑳ ᑭᑕ ᓇᑐᐦᑕᐦᑭᐠ ᑭᐟ ᐃᑌᐧᐃᐧᐣ; ᐁᐊᐧᑯ ᐅᐦᒋ ᒪᒐᑭᒥᑯᐃᐧᐣ ᑳ ᑲᐧᔭᑯᓇᒫᑲᐃᐧᔮᕽ ᒥᓇ ᐊᓂᒪ ᑭᐦᒋᐃᑌᐧᐃᐧᐣ ᑳ ᒪᓯᓇᐃᑳᑌᐠ ᐅᔭᓱᐁᐧᐃᐧᓂᕽ ᒧᓯᐢ ᐅᐟ ᐊᑐᐢᑫᔮᑲᓇ ᑭᓭᒪᓂᑐ; ᒋᑫᒫ ᓂ ᑭ ᐊᐧᓂᑐᑕᐋᐧᓈᐣ. 12ᐁᑯᓯ ᑭ ᐋᔮᑕᐢᑖᐤ ᐅᐟ ᐃᑌᐧᐃᐧᓇ ᑳ ᑭ ᐃᑎᑯᔮᕽ, ᒥᓇ ᑳ ᑭ ᐃᑖᐟ ᓄᔭᓱᐁᐧᐃᐧᔨᓂᒥᓈᓇ ᑳ ᑭ ᐅᔭᓱᐋᐧᑎᑯᔮᐦᑭᐠ, ᑭᐦᒋᒫᔨᐸᔨᐃᐧᐣ ᐁ ᐃᐢᐸᔨᑖᐧᑯᔮᕽ; ᒋᑫᒫ ᒥᓯᐁᐧ ᓯᐹ ᑭᓯᑯᕽ ᓇᒪᐃᐧᔭ ᐅᐦᒋ ᑐᒋᑳᑌᐤ ᑳ ᑭ ᑐᒋᑳᑌᐠ ᒉᕒᐅᓴᓬᐊᒼ. 13ᑳ ᐃᑕᓯᓇᐦᐃᑳᑌᐠ ᒧᓯᐢ ᐅᔭᓱᐁᐧᐃᐧᓂᕽ, ᑲᐦᑭᔭᐤ ᐅᒪ ᒫᔨᐸᔨᐃᐧᐣ ᓄᑎᑎᑯᓈᐣ; ᐁᔨᐁᐧᕽ ᒫᑲ ᓇᒪᐃᐧᔭ ᓂ ᑭ ᑳᑭᓯᒧᑐᑕᐋᐧᓈᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑭᑕ ᐳᓂᑖᔮᕽ ᓂ ᐊᐧᓂᐃᑎᐃᐧᓂᓈᓇ, ᒥᓇ ᑭᑕ ᓂᓯᑕᐃᐧᓇᒫᕽ ᑖᐯᐧᐃᐧᐣ. 14ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᑌᔨᑕᒼ ᐊᓂᒪ ᒫᔨᑫᑲᐧᐩ, ᒥᓇ ᓂ ᑭ ᐃᐢᐸᔨᑖᐧᑯᓈᐣ; ᒋᑫᒫ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑲᐧᔭᐢᑭᑖᑎᓯᐤ ᑲᐦᑭᔭᐤ ᐅᐟ ᐃᓯᐦᒋᑫᐃᐧᓂᕽ ᑳ ᐊᔨᑐᑕᕽ, ᒥᓇ ᓇᒪᐃᐧᔭ ᓂ ᑭ ᐅᐦᒋ ᓇᓇᐃᑕᒫᐧᓈᐣ ᐅᐟ ᐃᑌᐧᐃᐧᐣ. 15ᐁᑲᐧ ᒫᑲ ᑳ ᑎᐯᔨᐦᒋᑫᔭᐣ ᓂ ᑭᓭᒪᓂᑐᒥᓈᐣ, ᑳ ᑭ ᐯ ᐊᐧᔭᐃᐧᑕᐊᒋᐠ ᑭᐟ ᐊᔨᓯᔨᓂᒪᐠ ᐃᒋᑊᐟ ᐊᐢᑭᕽ ᐅᐦᒋ ᐁ ᐃᓯ ᒪᐢᑲᐃᐧᓂᐢᑫᔭᐣ, ᒥᓇ ᑳ ᑭ ᐋᒋᒧᓂᑫᔭᐣ, ᑖᐱᐢᑯᐨ ᐊᓄᐦᐨ ᑳ ᑭᓯᑳᐠ; ᓂ ᑭ ᐊᐧᓂᑐᑌᓈᐣ, ᓂ ᑭ ᒪᒋᑐᑌᓈᐣ.
16ᑳ ᑎᐯᔨᐦᒋᑫᔭᐣ ᐁ ᐃᑕᐢᑌᐠ ᑲᐦᑭᔭᐤ ᑭ ᑲᐧᔭᐢᑭᑖᑎᓯᐃᐧᐣ, ᑭᔮᒼ ᑭ ᑭᓯᐋᐧᓯᐃᐧᐣ ᒥᓇ ᑭᐟ ᐋᐦᑯᔭᐁᐧᓯᐃᐧᐣ ᑭ ᐸᑯᓭᔨᒥᑎᐣ, ᑭᑕ ᐃᑲᑌᓂᑳᑌᐤ ᑭᐟ ᐅᑌᓈᕽ ᒉᕒᐅᓴᓬᐊᒼ ᐅᐦᒋ, ᑳ ᑲᓈᑕᕽ ᑭ ᐊᐧᒋᒼ; ᒋᑫᒫ ᓂ ᒪᒋᐃᑎᐃᐧᓂᓈᓇ, ᒥᓇ ᐅ ᐊᐧᓂᐃᑎᐃᐧᓂᐋᐧᐊᐧ ᓄᑖᐃᐧᓈᓇᐠ ᐅᐦᒋ, ᒉᕒᐅᓴᓬᐊᒼ ᒥᓇ ᑭᐟ ᐊᔨᓯᔨᓂᒪᐠ ᒪᒋᐃᑎᑲᐧᐠ ᑲᐦᑭᔭᐤ ᑳ ᐋᐧᐢᑳᐢᑳᑯᔮᐦᑭᐠ. 17ᐁᑲᐧ ᒫᑲ, ᓂ ᑭᓭᒪᓂᑐᒥᓈᐣ, ᓇᑐᐦᑕᒼ ᐅᐟ ᐊᔭᒥᐦᐋᐃᐧᐣ ᑭᐟ ᐊᑐᐢᑫᔮᑲᐣ. ᒥᓇ ᐅ ᒪᐃᐧᒧᐢᒋᑫᐃᐧᓇ, ᒥᓇ ᐋᐧᓯᑫᐧᐢᑕ ᑭ ᑲᓈᒋᑲᒥᐠ ᑳ ᑭᐋᐧᑕᐢᑌᐠ, ᑳ ᑎᐯᔨᐦᒋᑫᐟ ᐅᐦᒋ. 18ᐋᐦ ᓂ ᒪᓂᑐᒼ, ᓇᑐᐦᑕᐃᐧᐣ ᒥᓇ ᐱᓯᒋᑕ; ᐃᑖᐱ ᒥᓇ ᐋᐧᐸᐦᑕ ᓂ ᑭᐋᐧᑎᓯᐃᐧᓂᓈᓇ, ᒥᓇ ᐊᓂᒪ ᐅᑌᓇᐤ ᑭ ᐃᐧᔪᐃᐧᐣ ᑳ ᐊᐢᐱᐃᐧᒋᑳᑌᐠ; ᒋᑫᒫ ᓇᒪᐃᐧᔭ ᑭ ᒪᐃᐧᒧᐢᑖᑎᓈᐣ ᓂ ᑲᐧᔭᐢᑭᑖᑎᓯᐃᐧᓂᓈᓇ ᐅᐦᒋ, ᒫᑲ ᑭ ᑭᐦᒋᑭᓭᐋᐧᑎᓯᐃᐧᓇ. 19ᑳ ᑎᐯᔨᐦᒋᑫᔭᐣ, ᓇᑐᐦᑕ; ᑳ ᑎᐯᔨᐦᒋᑫᔭᐣ, ᐳᓀᔨᑕᒪᐃᐧᓈᐣ; ᑳ ᑎᐯᔨᐦᒋᑫᔭᐣ, ᐱᓯᒋᑕ ᒥᓇ ᐃᐦᑐᑕ; ᐁᑳᐃᐧᔭ ᐯᐦᐅ; ᑭᔭ ᐅᐦᒋ ᓂ ᒪᓂᑐᒼ, ᒋᑫᒫ ᑭᐟ ᐅᑌᓇᐤ ᒥᓇ ᑭᐟ ᐊᔨᓯᔨᓂᒪᐠ ᑭ ᐃᐧᔪᐃᐧᐣ ᑳ ᐊᐢᐱᐃᐧᔨᐦᒋᐠ.
20ᒣᑳᐧᐨ ᒫᑲ ᐁ ᐱᑭᐢᑫᐧᔮᐣ ᒥᓇ ᐁ ᐊᔭᒥᐦᐋᔮᐣ, ᒥᓇ ᐁ ᐋᒋᒧᔮᐣ ᓂ ᒪᒋᐃᑎᐃᐧᐣ ᒥᓇ ᐅ ᒪᒋᐃᑎᐃᐧᓂᐋᐧᐤ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᒥᓇ ᐁ ᒪᐃᐧᒧᐢᑕᐊᐧᐠ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ ᐊᓂᒪ ᑳ ᑲᓈᑕᓂᔨᐠ ᐅ ᐊᐧᒋᒼ ᓂ ᑭᓭᒪᓂᑐᒼ ᐅᐦᒋ; 21#ᓬᐅᐠ 1:19,26ᐁᐦᐁ, ᒣᑳᐧᐨ ᐁ ᐱᑭᐢᑫᐧᔮᐣ ᐁ ᐊᔭᒥᐦᐋᔮᐣ, ᐊᓇ ᓈᐯᐤ ᑫᐸᕒᐃᐁᓬ, ᑳ ᑭ ᐋᐧᐸᒪᐠ ᐃᓯᓇᒧᐃᐧᓂᕽ ᓂᐢᑕᒼ, ᐁ ᑭ ᓯᐯᐧᑎᓴᐅᐦᐟ ᑭᑕ ᑭᓯᐢᑳᔮᐟ, ᓂ ᑭ ᓵᒥᓂᐠ ᓈᐣᑕᐤ ᐃᑕ ᑳ ᐅᑖᑲᐧᓂ ᐸᑭᑎᓈᓱᕽ. 22ᐁᑯᓯ ᓂ ᑭ ᑭᐢᑭᓄᐦᐊᒫᐠ, ᒥᓇ ᓂ ᑭ ᐃᐧᒋᐱᑭᐢᑫᐧᒥᐠ, ᒥᓇ ᑭ ᐃᑌᐧᐤ, ᑭᔭ ᑖᓂᐁᓬ, ᓂ ᐯ ᐃᑐᐦᑖᐣ ᑭᑕ ᓇᑲᒋᑕᒧᐃᑖᐣ ᓂᓯᑐᐦᑕᒧᐃᐧᐣ. 23ᐁ ᒫᒋᒪᐃᐧᒧᐢᒋᑫᔭᐣ ᐅᔭᓱᐁᐧᐃᐧᐣ ᑭ ᓯᐯᐧᐸᔨᐤ, ᐁᑯᓯ ᑭ ᐯ ᓇᑕᐃᐧ ᐃᐧᐦᑕᒫᑎᐣ; ᒋᑫᒫ ᒥᐢᑕᐦᐃ ᑭ ᓵᑭᐦᐃᑲᐃᐧᐣ; ᐁᑯᓯ ᒫᑲ ᒫᒥᑐᓀᔨᑕ ᒥᓇ ᓂᓯᑐᐦᑕ ᐃᓯᓇᒧᐃᐧᐣ.
24ᑌᐸᑯᐦᐳᒥᑕᓇᐤ ᑕᐦᑐ ᐁ ᐃᐢᐸᔨᐠ ᐃᑕᓱᐋᐧᑖᐊᐧᐠ ᑭᐟ ᐊᔨᓯᔨᓂᒪᐠ ᒥᓇ ᑳ ᑲᓈᑕᕽ ᐅᑌᓇᐤ, ᑭᑕ ᑭᓯᑖᕽ ᐊᐧᓂᑐᑕᒧᐃᐧᐣ, ᒥᓇ ᑭᑕ ᐳᓂᑖᕽ ᒪᒋᑐᑕᒧᐃᐧᐣ, ᒥᓇ ᑭᑕ ᒥᓄᐢᑖᕽ ᒪᒋᐃᑎᐃᐧᐣ, ᒥᓇ ᑭᑕ ᐱᑐᑲᑖᕽ ᑳᑭᑫ ᑲᐧᔭᐢᑭᑖᑎᓯᐃᐧᐣ, ᒥᓇ ᑭᑕ ᑭᐸᐊᒥᕽ ᐃᓯᓇᒧᐃᐧᐣ ᒥᓇ ᑭᐢᑭᐁᐧᐦᐃᑫᐃᐧᐣ, ᒥᓇ ᑭᑕ ᑐᒥᓇᒥᕽ ᒫᒪᐁᐧᔭᐢ ᑳ ᑲᓈᑕᕽ. 25ᑭᐢᑫᔨᑕ ᒫᑲ ᒥᓇ ᓂᓯᑕᐃᐧᓇ, ᐁ ᒫᒋᐸᔨᐠ ᐅᐦᒋ ᐅᔭᓱᐁᐧᐃᐧᐣ ᑳᐃᐧ ᑭᑕ ᐅᔭᐢᑖᕽ ᒥᓇ ᑭᑕ ᐅᓯᐦᒋᑳᑌᐠ ᒉᕒᐅᓴᓬᐊᒼ ᐃᐢᑯ ᐊᓇ ᑫ ᑐᒥᓂᐦᐟ ᑫ ᐅᑭᒫᑲᑕᕽ, ᑌᐸᑯᑊ ᑕᐦᑖᐧᐤ ᐁ ᐃᐢᐸᔨᐠ; ᐁᑯᓯ ᓂᑯᑖᐧᓱᒥᑕᓇᐤ ᓂᐟ ᐊᔨᐋᐧᐠ ᑕᐦᑖᐧᐤ ᐁ ᐃᐢᐸᔨᐠ, ᒥᓇ ᑭᑕ ᐅᓯᐦᒋᑳᑌᐤ, ᐱᒧᐦᑌᐢᑲᓇᐤ ᒥᓇ ᒣᓂᐢᑭᑫᐃᐧᐣ ᐊᓯᒋ, ᒣᑳᐧᐨ ᒫᑲ ᐁ ᒥᑯᐢᑳᑕᑲᒥᑲᕽ. 26ᑭ ᐳᓂᐸᔨᑳᐧᐃᐧ ᒫᑲ ᐊᓂᐦᐃ ᓂᑯᑖᐧᓱᒥᑕᓇᐤ ᓂᓱ ᐊᔨᐋᐧᐠ ᑕᐦᑖᐧᐤ ᐁ ᐃᐢᐸᔨᐠ ᐊᓇ ᑳ ᑭ ᑐᒥᓂᐦᐟ ᑭᑕ ᑭᐢᑭᐁᐧᐸᐋᐧᐤ, ᒥᓇ ᓇᒪᑫᑲᐧᐩ ᑭᑕ ᐊᔮᐤ; ᐅᐟ ᐊᔨᓯᔨᓂᒪ ᒫᑲ ᐊᓇ ᑭᐦᒋ ᐅᑭᒫᐤ ᑫ ᐯ ᐃᑐᐦᑌᐟ ᑭᑕ ᓂᓯᐊᐧᓈᒋᐦᑖᔨᐊᐧ ᐅᑌᓇᐤ ᒥᓇ ᑲᓈᒋᑲᒥᐠ; ᐁᑯᓯ ᐁ ᐳᓂ ᐃᐦᑖᐟ ᑭᑕ ᔨᐢᑭᐯᐤ, ᐁᑯᓯ ᐱᔨᐢ ᑭᓯᐸᓄᕽ ᓇᑐᐸᔨᐃᐧᐣ ᑭᑕ ᐊᔮᐤ; ᑭᓭᔨᐦᒋᑳᑌᐤ ᐃᐧᔭ ᑭᑕ ᑭᐋᐧᑕᐢᑌᐠ. 27#ᑖᓂᐁᓬ 11:31; 12:11; ᒫᐟᔪ 24:15; ᒫᕒᐠ 13:14ᑭᑕ ᐋᔮᒋ ᐃᐧᒋᐦᐃᓯᒋᑫᒣᐤ ᒫᑲ ᒥᐦᒉᐟ ᐯᔭᐠ ᐁ ᐃᐢᐸᔨᐠ ᐃᔨᑯᕽ; ᐁᑯᓯ ᐋᐱᑕᐤ ᐃᔨᑯᕽ ᐊᓂᒪ ᐁ ᐃᐢᐸᔨᐠ ᑭᑕ ᑭᐱᑎᓇᒼ ᒪᒍᐢᑌᐦᐊᒫᑫᐃᐧᐣ ᒥᓇ ᐸᑭᑎᓈᓱᐃᐧᐣ; ᐁᑯᓯ ᑭᑭ ᑳ ᓭᓭᐢᑫᔨᑖᑲᐧᐦᑭ ᑭᑕ ᐹᐸᔨᐤ ᐊᓇ ᑫ ᓂᓯᐊᐧᓈᒋᒋᑫᐟ; ᐱᔨᐢ ᒫᑲ ᐃᑕ ᑫ ᑭᓯᔪᕽ ᐊᓂᒪ ᑳ ᑭᓭᔨᐦᒋᑳᑌᐠ, ᑭᓯᐋᐧᓯᐃᐧᐣ ᑭᑕ ᑲᐧᔭᑯᓇᒪᐋᐧᐤ ᑳ ᓂᓯᐊᐧᓈᒋᒋᑫᐟ.
Iliyochaguliwa sasa
ᑖᓂᐁᓬ 9: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
ᑖᓂᐁᓬ 9
9
1ᓂᐢᑕᒼ ᐁ ᐊᐢᑭᐊᐧᕽ ᐁ ᐊᔮᐟ ᑌᕒᐋᔭᐢ ᐅᑯᓯᓴ ᐁᐦᐋᐢᔪᐃᕒᐊᐢ, ᒥᑕᐠ ᑳ ᐅᐦᒋᐟ, ᑳ ᑭ ᑭᐦᒋ ᐅᑭᒫᑳᑎᐦᐟ ᐊᓂᒪ ᑳᓬᑎᔭᓇᐠ ᐅ ᑎᐯᔨᐦᒋᑫᐃᐧᓂᐋᐧᐤ; 2#ᒉᕒᐃᒫᔭ 25:11; 29:10ᓂᐢᑕᒼ ᐊᐢᑭ ᑳ ᑭᐦᒋ ᐅᑭᒫᐃᐧᐟ ᓂᔭ ᑖᓂᐁᓬ ᓂ ᑭ ᓂᓯᑐᑌᐣ ᒪᓯᓇᐦᐃᑲᓇ ᐅᐦᒋ ᐊᓂᒪ ᑕᐦᑐ ᐊᐢᑭ, ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑳ ᑭ ᐅᑎᐦᑎᑯᐟ ᒉᕒᐃᒫᔭ ᐅᑭᐢᑭᐁᐧᐦᐃᑫᐤ, ᑭᑕ ᑎᐱᐸᔨᐠ ᐃᔨᑯᕽ ᑭᑕ ᑭᐋᐧᑕᐢᑌᐠ ᒉᕒᐅᓴᓬᐊᒼ, ᑌᐸᑯᐦᐳᒥᑕᓇᐤ ᐅᑎ ᑕᐦᑐ ᐊᐢᑭ.
3ᐁᑯᓯ ᒫᑲ ᓂ ᑭ ᑲᓇᐋᐧᐸᒫᐤ ᑳ ᑎᐯᔨᐦᒋᑫᐟ ᑭᓭᒪᓂᑐ, ᑭᑕ ᓇᑐᓇᒫᐣ ᐁ ᐊᔭᒥᐦᐋᔮᐣ ᒥᓇ ᐁ ᒪᐃᐧᒧᐢᒋᑫᔮᐣ ᑭᑭ ᐁ ᐃᔨᐊᐧᓂᓯᐃᓱᔮᐣ, ᒥᓇ ᐊᓯᓯᐁᐧᑭᐣ, ᒥᓇ ᐱᐦᑯᑌᐤ ᐁ ᑭᑭᐢᑲᒫᐣ. 4ᓂ ᑭ ᐊᔭᒥᐦᐁᐢᑕᐋᐧᐤ ᒫᑲ ᑳ ᑎᐯᔨᐦᒋᑫᐟ ᓂ ᒪᓂᑐᒼ, ᒥᓇ ᓂ ᑭ ᐋᒋᒧᐢᑕᐋᐧᐤ, ᒥᓇ ᓂ ᑭ ᐃᑖᐧᐣ, ᑭᔭ ᑳ ᑎᐯᔨᐦᒋᑫᔭᐣ, ᑳ ᑭᐦᒑᔨᐃᐧᔭᐣ ᒥᓇ ᑳ ᑯᐢᑖᑌᔨᑖᑯᓯᔭᐣ ᑭᓭᒪᓂᑐ, ᑳ ᑲᓇᐁᐧᔨᑕᒪᐊᐧᒋᐠ ᐊᓱᑕᒫᑫᐃᐧᐣ ᒥᓇ ᑭᓭᐋᐧᑎᓯᐃᐧᐣ ᐊᓂᑭ ᑳ ᓵᑭᐦᐃᐢᑭᐠ ᒥᓇ ᑳ ᒥᑎᒣᒋᐠ ᑯᔭᓱᐁᐧᐃᐧᓇ; 5ᓂ ᑭ ᒪᒋᐃᐦᑎᓈᐣ, ᒥᓇ ᓇᐢᐹᐨ ᓂ ᑭ ᐃᓯᒋᑳᓈᐣ, ᒥᓇ ᓂ ᑭ ᒪᒋᑐᑌᓈᐣ, ᒥᓇ ᓂ ᑭ ᒫᔭᑲᒥᑭᓯᓈᐣ, ᐁ ᑭ ᓇᑲᑕᒫᕽ ᑭᐟ ᐊᔮᑳᐧᒥᒥᐁᐧᐃᐧᓇ ᒥᓇ ᑯᔭᓱᐋᐧᓯᐁᐧᐃᐧᓇ; 6ᒥᓇ ᐁᑳ ᐁ ᑭ ᐅᐦᒋ ᓇᑐᐦᑕᐋᐧᔮᐦᑭᐠ ᑭᐟ ᐊᑐᐢᑫᔮᑲᓇᐠ ᐅᑭᐢᑭᐁᐧᐦᐃᑫᐊᐧᐠ ᑭ ᐃᐧᔪᐃᐧᓂᕽ ᑳ ᑭ ᑭᑐᑖᒋᐠ ᓂ ᑭᐦᒋ ᐅᑭᒫᒥᓈᓇ, ᓄᑭᒫᒥᓈᓇ, ᒥᓇ ᓄᑖᐃᐧᓈᓇ, ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᐊᐢᑭᕽ. 7ᑌᐯᔨᐦᒋᑫᔭᐣ, ᑲᐧᔭᐢᑭᑖᑎᓯᐃᐧᐣ ᑭᔭ ᑯᑕᔮᓂᐣ, ᒫᑲ ᓂᔭᓈᐣ ᐊᐧᐋᐧᓀᔨᑕᒥᐢᑫᐧᔨᐃᐧᐣ, ᑖᐱᐢᑯᐨ ᐊᓄᐦᐨ ᑳ ᑭᓯᑳᐠ; ᒍᑕ ᐊᔨᓯᔨᓂᐊᐧᐠ, ᒥᓇ ᑳ ᐅᐟ ᐃᐦᑖᐃᐧᓂᒋᐠ ᒉᕒᐅᓴᓬᐊᒥᕽ, ᒥᓇ ᑲᐦᑭᔭᐤ ᐃᐢᕒᐁᐃᓬ, ᑭᓯᐋᐧᐠ ᑳ ᐊᔮᒋᐠ ᒥᓇ ᐋᐧᔭᐤ ᑳ ᐊᔮᒋᐠ, ᒥᓯᐁᐧ ᐃᑌ ᐊᐢᑭᕽ ᑳ ᑭ ᐃᓯᑎᓴᐦᐊᐧᒋᐠ, ᐅ ᐊᐧᓂᐃᑎᐃᐧᓂᐋᐧᐤ ᐅᐦᒋ ᑳ ᑭ ᐊᐧᓂᑐᑖᐢᑭᐠ. 8ᑌᐯᔨᐦᒋᑫᔭᐣ ᓂᔭᓈᐣ ᓄᑕᔮᓂᓈᐣ ᐊᐧᐋᐧᓀᔨᑕᒥᐢᑫᐧᔨᐃᐧᐣ, ᓂ ᑭᐦᒋ ᐅᑭᒫᒥᓈᓇᐠ, ᓂᐟ ᐅᑭᒫᒥᓈᓇᐠ, ᒥᓇ ᓄᑖᐃᐧᓈᓇᐠ, ᒋᑫᒫ ᐁ ᑭ ᐊᐧᓂᑐᑖᑖᕽ. 9ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᐊᔮᐤ ᑭᓭᐋᐧᑎᓯᐃᐧᓇ ᒥᓇ ᐊᓭᓇᒫᑫᐃᐧᓇ ᐁ ᐋᑕ ᑭ ᐊᐧᓂᑐᑕᐋᐧᔮᕽ; 10ᒋᑫᒫ ᓇᒪᐃᐧᔭ ᓂ ᑭ ᐅᐦᒋ ᓇᓇᐃᑕᒫᐧᓈᐣ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ, ᑭᑕ ᒥᑎᒣᔮᐠ ᐅᔭᓱᐁᐧᐃᐧᓇ, ᑳ ᑭ ᐅᐦᑎᐢᑲᐊᐧᐢᑖᐧᑯᔮᕽ ᐅᐟ ᐊᑐᐢᑫᔮᑲᓇ ᐅᑭᐢᑭᐁᐧᐦᐃᑫᐊᐧ ᐅᐦᒋ. 11ᐁᐦᐁ, ᑲᐦᑭᔭᐤ ᐃᐢᕒᐁᐃᓬ ᑭ ᐱᑯᓇᒪᐧᐠ ᑯᔭᓱᐁᐧᐃᐧᐣ, ᐋᐧᐋᐧᐨ ᐅᐦᐱᒣ ᐁ ᐃᑐᐦᑌᒋᐠ, ᐁᑳ ᑭᑕ ᓇᑐᐦᑕᐦᑭᐠ ᑭᐟ ᐃᑌᐧᐃᐧᐣ; ᐁᐊᐧᑯ ᐅᐦᒋ ᒪᒐᑭᒥᑯᐃᐧᐣ ᑳ ᑲᐧᔭᑯᓇᒫᑲᐃᐧᔮᕽ ᒥᓇ ᐊᓂᒪ ᑭᐦᒋᐃᑌᐧᐃᐧᐣ ᑳ ᒪᓯᓇᐃᑳᑌᐠ ᐅᔭᓱᐁᐧᐃᐧᓂᕽ ᒧᓯᐢ ᐅᐟ ᐊᑐᐢᑫᔮᑲᓇ ᑭᓭᒪᓂᑐ; ᒋᑫᒫ ᓂ ᑭ ᐊᐧᓂᑐᑕᐋᐧᓈᐣ. 12ᐁᑯᓯ ᑭ ᐋᔮᑕᐢᑖᐤ ᐅᐟ ᐃᑌᐧᐃᐧᓇ ᑳ ᑭ ᐃᑎᑯᔮᕽ, ᒥᓇ ᑳ ᑭ ᐃᑖᐟ ᓄᔭᓱᐁᐧᐃᐧᔨᓂᒥᓈᓇ ᑳ ᑭ ᐅᔭᓱᐋᐧᑎᑯᔮᐦᑭᐠ, ᑭᐦᒋᒫᔨᐸᔨᐃᐧᐣ ᐁ ᐃᐢᐸᔨᑖᐧᑯᔮᕽ; ᒋᑫᒫ ᒥᓯᐁᐧ ᓯᐹ ᑭᓯᑯᕽ ᓇᒪᐃᐧᔭ ᐅᐦᒋ ᑐᒋᑳᑌᐤ ᑳ ᑭ ᑐᒋᑳᑌᐠ ᒉᕒᐅᓴᓬᐊᒼ. 13ᑳ ᐃᑕᓯᓇᐦᐃᑳᑌᐠ ᒧᓯᐢ ᐅᔭᓱᐁᐧᐃᐧᓂᕽ, ᑲᐦᑭᔭᐤ ᐅᒪ ᒫᔨᐸᔨᐃᐧᐣ ᓄᑎᑎᑯᓈᐣ; ᐁᔨᐁᐧᕽ ᒫᑲ ᓇᒪᐃᐧᔭ ᓂ ᑭ ᑳᑭᓯᒧᑐᑕᐋᐧᓈᐣ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑭᑕ ᐳᓂᑖᔮᕽ ᓂ ᐊᐧᓂᐃᑎᐃᐧᓂᓈᓇ, ᒥᓇ ᑭᑕ ᓂᓯᑕᐃᐧᓇᒫᕽ ᑖᐯᐧᐃᐧᐣ. 14ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᑌᔨᑕᒼ ᐊᓂᒪ ᒫᔨᑫᑲᐧᐩ, ᒥᓇ ᓂ ᑭ ᐃᐢᐸᔨᑖᐧᑯᓈᐣ; ᒋᑫᒫ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒥᓈᐣ ᑲᐧᔭᐢᑭᑖᑎᓯᐤ ᑲᐦᑭᔭᐤ ᐅᐟ ᐃᓯᐦᒋᑫᐃᐧᓂᕽ ᑳ ᐊᔨᑐᑕᕽ, ᒥᓇ ᓇᒪᐃᐧᔭ ᓂ ᑭ ᐅᐦᒋ ᓇᓇᐃᑕᒫᐧᓈᐣ ᐅᐟ ᐃᑌᐧᐃᐧᐣ. 15ᐁᑲᐧ ᒫᑲ ᑳ ᑎᐯᔨᐦᒋᑫᔭᐣ ᓂ ᑭᓭᒪᓂᑐᒥᓈᐣ, ᑳ ᑭ ᐯ ᐊᐧᔭᐃᐧᑕᐊᒋᐠ ᑭᐟ ᐊᔨᓯᔨᓂᒪᐠ ᐃᒋᑊᐟ ᐊᐢᑭᕽ ᐅᐦᒋ ᐁ ᐃᓯ ᒪᐢᑲᐃᐧᓂᐢᑫᔭᐣ, ᒥᓇ ᑳ ᑭ ᐋᒋᒧᓂᑫᔭᐣ, ᑖᐱᐢᑯᐨ ᐊᓄᐦᐨ ᑳ ᑭᓯᑳᐠ; ᓂ ᑭ ᐊᐧᓂᑐᑌᓈᐣ, ᓂ ᑭ ᒪᒋᑐᑌᓈᐣ.
16ᑳ ᑎᐯᔨᐦᒋᑫᔭᐣ ᐁ ᐃᑕᐢᑌᐠ ᑲᐦᑭᔭᐤ ᑭ ᑲᐧᔭᐢᑭᑖᑎᓯᐃᐧᐣ, ᑭᔮᒼ ᑭ ᑭᓯᐋᐧᓯᐃᐧᐣ ᒥᓇ ᑭᐟ ᐋᐦᑯᔭᐁᐧᓯᐃᐧᐣ ᑭ ᐸᑯᓭᔨᒥᑎᐣ, ᑭᑕ ᐃᑲᑌᓂᑳᑌᐤ ᑭᐟ ᐅᑌᓈᕽ ᒉᕒᐅᓴᓬᐊᒼ ᐅᐦᒋ, ᑳ ᑲᓈᑕᕽ ᑭ ᐊᐧᒋᒼ; ᒋᑫᒫ ᓂ ᒪᒋᐃᑎᐃᐧᓂᓈᓇ, ᒥᓇ ᐅ ᐊᐧᓂᐃᑎᐃᐧᓂᐋᐧᐊᐧ ᓄᑖᐃᐧᓈᓇᐠ ᐅᐦᒋ, ᒉᕒᐅᓴᓬᐊᒼ ᒥᓇ ᑭᐟ ᐊᔨᓯᔨᓂᒪᐠ ᒪᒋᐃᑎᑲᐧᐠ ᑲᐦᑭᔭᐤ ᑳ ᐋᐧᐢᑳᐢᑳᑯᔮᐦᑭᐠ. 17ᐁᑲᐧ ᒫᑲ, ᓂ ᑭᓭᒪᓂᑐᒥᓈᐣ, ᓇᑐᐦᑕᒼ ᐅᐟ ᐊᔭᒥᐦᐋᐃᐧᐣ ᑭᐟ ᐊᑐᐢᑫᔮᑲᐣ. ᒥᓇ ᐅ ᒪᐃᐧᒧᐢᒋᑫᐃᐧᓇ, ᒥᓇ ᐋᐧᓯᑫᐧᐢᑕ ᑭ ᑲᓈᒋᑲᒥᐠ ᑳ ᑭᐋᐧᑕᐢᑌᐠ, ᑳ ᑎᐯᔨᐦᒋᑫᐟ ᐅᐦᒋ. 18ᐋᐦ ᓂ ᒪᓂᑐᒼ, ᓇᑐᐦᑕᐃᐧᐣ ᒥᓇ ᐱᓯᒋᑕ; ᐃᑖᐱ ᒥᓇ ᐋᐧᐸᐦᑕ ᓂ ᑭᐋᐧᑎᓯᐃᐧᓂᓈᓇ, ᒥᓇ ᐊᓂᒪ ᐅᑌᓇᐤ ᑭ ᐃᐧᔪᐃᐧᐣ ᑳ ᐊᐢᐱᐃᐧᒋᑳᑌᐠ; ᒋᑫᒫ ᓇᒪᐃᐧᔭ ᑭ ᒪᐃᐧᒧᐢᑖᑎᓈᐣ ᓂ ᑲᐧᔭᐢᑭᑖᑎᓯᐃᐧᓂᓈᓇ ᐅᐦᒋ, ᒫᑲ ᑭ ᑭᐦᒋᑭᓭᐋᐧᑎᓯᐃᐧᓇ. 19ᑳ ᑎᐯᔨᐦᒋᑫᔭᐣ, ᓇᑐᐦᑕ; ᑳ ᑎᐯᔨᐦᒋᑫᔭᐣ, ᐳᓀᔨᑕᒪᐃᐧᓈᐣ; ᑳ ᑎᐯᔨᐦᒋᑫᔭᐣ, ᐱᓯᒋᑕ ᒥᓇ ᐃᐦᑐᑕ; ᐁᑳᐃᐧᔭ ᐯᐦᐅ; ᑭᔭ ᐅᐦᒋ ᓂ ᒪᓂᑐᒼ, ᒋᑫᒫ ᑭᐟ ᐅᑌᓇᐤ ᒥᓇ ᑭᐟ ᐊᔨᓯᔨᓂᒪᐠ ᑭ ᐃᐧᔪᐃᐧᐣ ᑳ ᐊᐢᐱᐃᐧᔨᐦᒋᐠ.
20ᒣᑳᐧᐨ ᒫᑲ ᐁ ᐱᑭᐢᑫᐧᔮᐣ ᒥᓇ ᐁ ᐊᔭᒥᐦᐋᔮᐣ, ᒥᓇ ᐁ ᐋᒋᒧᔮᐣ ᓂ ᒪᒋᐃᑎᐃᐧᐣ ᒥᓇ ᐅ ᒪᒋᐃᑎᐃᐧᓂᐋᐧᐤ ᓂᐟ ᐊᔨᓯᔨᓂᒪᐠ ᐃᐢᕒᐁᐃᓬ, ᒥᓇ ᐁ ᒪᐃᐧᒧᐢᑕᐊᐧᐠ ᑳ ᑎᐯᔨᐦᒋᑫᐟ ᓂ ᑭᓭᒪᓂᑐᒼ ᐊᓂᒪ ᑳ ᑲᓈᑕᓂᔨᐠ ᐅ ᐊᐧᒋᒼ ᓂ ᑭᓭᒪᓂᑐᒼ ᐅᐦᒋ; 21#ᓬᐅᐠ 1:19,26ᐁᐦᐁ, ᒣᑳᐧᐨ ᐁ ᐱᑭᐢᑫᐧᔮᐣ ᐁ ᐊᔭᒥᐦᐋᔮᐣ, ᐊᓇ ᓈᐯᐤ ᑫᐸᕒᐃᐁᓬ, ᑳ ᑭ ᐋᐧᐸᒪᐠ ᐃᓯᓇᒧᐃᐧᓂᕽ ᓂᐢᑕᒼ, ᐁ ᑭ ᓯᐯᐧᑎᓴᐅᐦᐟ ᑭᑕ ᑭᓯᐢᑳᔮᐟ, ᓂ ᑭ ᓵᒥᓂᐠ ᓈᐣᑕᐤ ᐃᑕ ᑳ ᐅᑖᑲᐧᓂ ᐸᑭᑎᓈᓱᕽ. 22ᐁᑯᓯ ᓂ ᑭ ᑭᐢᑭᓄᐦᐊᒫᐠ, ᒥᓇ ᓂ ᑭ ᐃᐧᒋᐱᑭᐢᑫᐧᒥᐠ, ᒥᓇ ᑭ ᐃᑌᐧᐤ, ᑭᔭ ᑖᓂᐁᓬ, ᓂ ᐯ ᐃᑐᐦᑖᐣ ᑭᑕ ᓇᑲᒋᑕᒧᐃᑖᐣ ᓂᓯᑐᐦᑕᒧᐃᐧᐣ. 23ᐁ ᒫᒋᒪᐃᐧᒧᐢᒋᑫᔭᐣ ᐅᔭᓱᐁᐧᐃᐧᐣ ᑭ ᓯᐯᐧᐸᔨᐤ, ᐁᑯᓯ ᑭ ᐯ ᓇᑕᐃᐧ ᐃᐧᐦᑕᒫᑎᐣ; ᒋᑫᒫ ᒥᐢᑕᐦᐃ ᑭ ᓵᑭᐦᐃᑲᐃᐧᐣ; ᐁᑯᓯ ᒫᑲ ᒫᒥᑐᓀᔨᑕ ᒥᓇ ᓂᓯᑐᐦᑕ ᐃᓯᓇᒧᐃᐧᐣ.
24ᑌᐸᑯᐦᐳᒥᑕᓇᐤ ᑕᐦᑐ ᐁ ᐃᐢᐸᔨᐠ ᐃᑕᓱᐋᐧᑖᐊᐧᐠ ᑭᐟ ᐊᔨᓯᔨᓂᒪᐠ ᒥᓇ ᑳ ᑲᓈᑕᕽ ᐅᑌᓇᐤ, ᑭᑕ ᑭᓯᑖᕽ ᐊᐧᓂᑐᑕᒧᐃᐧᐣ, ᒥᓇ ᑭᑕ ᐳᓂᑖᕽ ᒪᒋᑐᑕᒧᐃᐧᐣ, ᒥᓇ ᑭᑕ ᒥᓄᐢᑖᕽ ᒪᒋᐃᑎᐃᐧᐣ, ᒥᓇ ᑭᑕ ᐱᑐᑲᑖᕽ ᑳᑭᑫ ᑲᐧᔭᐢᑭᑖᑎᓯᐃᐧᐣ, ᒥᓇ ᑭᑕ ᑭᐸᐊᒥᕽ ᐃᓯᓇᒧᐃᐧᐣ ᒥᓇ ᑭᐢᑭᐁᐧᐦᐃᑫᐃᐧᐣ, ᒥᓇ ᑭᑕ ᑐᒥᓇᒥᕽ ᒫᒪᐁᐧᔭᐢ ᑳ ᑲᓈᑕᕽ. 25ᑭᐢᑫᔨᑕ ᒫᑲ ᒥᓇ ᓂᓯᑕᐃᐧᓇ, ᐁ ᒫᒋᐸᔨᐠ ᐅᐦᒋ ᐅᔭᓱᐁᐧᐃᐧᐣ ᑳᐃᐧ ᑭᑕ ᐅᔭᐢᑖᕽ ᒥᓇ ᑭᑕ ᐅᓯᐦᒋᑳᑌᐠ ᒉᕒᐅᓴᓬᐊᒼ ᐃᐢᑯ ᐊᓇ ᑫ ᑐᒥᓂᐦᐟ ᑫ ᐅᑭᒫᑲᑕᕽ, ᑌᐸᑯᑊ ᑕᐦᑖᐧᐤ ᐁ ᐃᐢᐸᔨᐠ; ᐁᑯᓯ ᓂᑯᑖᐧᓱᒥᑕᓇᐤ ᓂᐟ ᐊᔨᐋᐧᐠ ᑕᐦᑖᐧᐤ ᐁ ᐃᐢᐸᔨᐠ, ᒥᓇ ᑭᑕ ᐅᓯᐦᒋᑳᑌᐤ, ᐱᒧᐦᑌᐢᑲᓇᐤ ᒥᓇ ᒣᓂᐢᑭᑫᐃᐧᐣ ᐊᓯᒋ, ᒣᑳᐧᐨ ᒫᑲ ᐁ ᒥᑯᐢᑳᑕᑲᒥᑲᕽ. 26ᑭ ᐳᓂᐸᔨᑳᐧᐃᐧ ᒫᑲ ᐊᓂᐦᐃ ᓂᑯᑖᐧᓱᒥᑕᓇᐤ ᓂᓱ ᐊᔨᐋᐧᐠ ᑕᐦᑖᐧᐤ ᐁ ᐃᐢᐸᔨᐠ ᐊᓇ ᑳ ᑭ ᑐᒥᓂᐦᐟ ᑭᑕ ᑭᐢᑭᐁᐧᐸᐋᐧᐤ, ᒥᓇ ᓇᒪᑫᑲᐧᐩ ᑭᑕ ᐊᔮᐤ; ᐅᐟ ᐊᔨᓯᔨᓂᒪ ᒫᑲ ᐊᓇ ᑭᐦᒋ ᐅᑭᒫᐤ ᑫ ᐯ ᐃᑐᐦᑌᐟ ᑭᑕ ᓂᓯᐊᐧᓈᒋᐦᑖᔨᐊᐧ ᐅᑌᓇᐤ ᒥᓇ ᑲᓈᒋᑲᒥᐠ; ᐁᑯᓯ ᐁ ᐳᓂ ᐃᐦᑖᐟ ᑭᑕ ᔨᐢᑭᐯᐤ, ᐁᑯᓯ ᐱᔨᐢ ᑭᓯᐸᓄᕽ ᓇᑐᐸᔨᐃᐧᐣ ᑭᑕ ᐊᔮᐤ; ᑭᓭᔨᐦᒋᑳᑌᐤ ᐃᐧᔭ ᑭᑕ ᑭᐋᐧᑕᐢᑌᐠ. 27#ᑖᓂᐁᓬ 11:31; 12:11; ᒫᐟᔪ 24:15; ᒫᕒᐠ 13:14ᑭᑕ ᐋᔮᒋ ᐃᐧᒋᐦᐃᓯᒋᑫᒣᐤ ᒫᑲ ᒥᐦᒉᐟ ᐯᔭᐠ ᐁ ᐃᐢᐸᔨᐠ ᐃᔨᑯᕽ; ᐁᑯᓯ ᐋᐱᑕᐤ ᐃᔨᑯᕽ ᐊᓂᒪ ᐁ ᐃᐢᐸᔨᐠ ᑭᑕ ᑭᐱᑎᓇᒼ ᒪᒍᐢᑌᐦᐊᒫᑫᐃᐧᐣ ᒥᓇ ᐸᑭᑎᓈᓱᐃᐧᐣ; ᐁᑯᓯ ᑭᑭ ᑳ ᓭᓭᐢᑫᔨᑖᑲᐧᐦᑭ ᑭᑕ ᐹᐸᔨᐤ ᐊᓇ ᑫ ᓂᓯᐊᐧᓈᒋᒋᑫᐟ; ᐱᔨᐢ ᒫᑲ ᐃᑕ ᑫ ᑭᓯᔪᕽ ᐊᓂᒪ ᑳ ᑭᓭᔨᐦᒋᑳᑌᐠ, ᑭᓯᐋᐧᓯᐃᐧᐣ ᑭᑕ ᑲᐧᔭᑯᓇᒪᐋᐧᐤ ᑳ ᓂᓯᐊᐧᓈᒋᒋᑫᐟ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.