Matthew 24
24
Chisheayimiheukamikw che wanaachihtaakanuuhch
Mark 13.1, 2; Luke 21.5, 6
1Iskutak maak Jesus e ati chistuhtet anit chisheayimiheukamikuhch uhchi, chii pechi nituwaapamikuu uchischinuhamuwaakanh e wii wapahtiikut taan kaa ishihtaakanuyich aniyuu chisheayimiheukamikuyuu ekw maak aniyuu kutak waaskaahiikan waaskaa anit kaa ihtakuniyikwaauh. 2Chii iteu maak, “Chimiyunenaawaau taan kaa ishihtaakanuuhkwaau uyuu waaskaahiikan, mikw maak chiwiihtamaatinaawaau, chika utihchipayuu anit misiwe che wanaachihtaakanuuhkwaau. Namui waachi peyakw asinii chika uhchi aakwiihtuupuu kutak asinii taan aniyuu kaa itahaakanuut. Misiwe asiniich kaa ishi aapachihaakanuutwaau kaa ushihtaakanuuhkwaau uyuu waaskahiikan chika niihchiwepinaakanuuch.”
Taan che ishi aayimipayihch
Mark 13.3-13; Luke 21.7-19
3Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”
4Jesus maak chii iteu, “Yaakwaamiikw, ekaa awen chechii wiyeshimitaakw. 5Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, ‘Eukw niya Christ.’ Mihchetu maak aweyuu chika wiyeshimeuch. 6Ekaawii kaye chika uhchi mukushkaateyihtamihiikunaawaau pehtamekwe e matwe nitupayinaanuuhch peshuch anite e ihtaayekw kaye pehtamekwe e tipaatutaakanuuhch e nanitupayinaanuuhch anite waahiyuu. Eukw wesuu niishtam netaweyihtaakuhch chechii ispayihch, mikw maak namui eshkw kata uhchi iskwaapayuu. 7Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiyich. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich. Chika ihtakun e kuihkuhch kaye maak e kauhkataanuuhch. 8Iskutak maak chihchipayihche e ispayihkwaau misiwe uyuu chekwaayuu eukuu picheyik e chihchipayihch nanehkaateyimuwin, mwehch iskweu e chihchi muushihut che aahkusit.”
9“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw. 10Mihchetu maak chika puuniyuuch e taapweyimitwaau kaye chika mamishimituuch kaye chika uhkaatituuch. 11Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich. 12Che ishpish maak wetaach weyuutihch machaatisiiwin, mihchetu awenichii usaachihiiwewinawaau namui chika uhchi taatispapayuuh. 13Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut. 14Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”
An maauch kaa uhkaateyihtaakusit e aayimuumaakanuut
Mark 13.14-23; Luke 21.20-24
15“Iskutak maak waapamekwe an awen maauch kaa uhkaateyihtaakusit e niipuut anite maauch kaa payehkaniyich e maayeyimaat Chishemanituu, yaakwaamukw. Shaash chika peshunaakun che iskwaapayihch aschii. Eukun uyuuh aniyaa uchischiwehiichesuu Daniel kaa aayimuumaat. Chiyawaau kaa ayimihtaayekw uu suuhk wii nisituhtamukw taan e itwemakahch. 16Waapahtamekwe maak uu e ispayihch, anichii iinuuch anit Judea aschiihch kaa ihtaatwaau, ekush pachishtinaahkuch anite e wachuuniyich chechii itishimutwaau. 17Kaye an awen tahkuhch wiichihch kaa ihtaat ekaawii pachishtinaahkw chechii piihchet uwaaskaahiikanim chechii nitawaahtahk chekwaayuu. 18Kaye an awen nihtaauchihchikan aschiihch kaa ihtaat ekaawii pachishtinaahkw chechii chiiwet utakuhp e wii nituwaahtahk. 19Taapwe kata aayimihuch anichii mekwaach kaa kanuweyimaausutwaau kaye anichii kaa nuushaanihaausutwaau aniyuuh e chiishikaayikwaauh. 20Ayimihaakw ekaa e mekwaapipuhch chechii ispayihch uu maak ekaa nihaau anit e ayiwepuuchiishikaach chechii ispayihch uu wii ushimuyekwe. 21Wesh ekut maauch che ishi nanehkaateyimunaanuuhch ekaa wiiskaat uhchi ishpish nanehkaateyimunaanuuhch utah aschiihch kaye maak namui miin nihtaa chika uhchi iteyihtaakun taan nihaau che iteyihtaakuhch uu nanehkaateyimunaanuuhche. 22Chishemanituu maak chii wiyeyihtam che achuunahk aniyuu e chiishikaayikwaauh anit chipaa nanehkaateyimunaanuuyuu. Ekaa uhchi ihtuutamukupane uyuu namui awen chipaa uhchii shaapushkam. Mikw maak e chischisiitutawaat aniyuu kaa wiyaapamaat utiiniim Chishemanituu eukun aniyu che uhchi achuunahk aniyuuh e chiishikaayikwaauh.”
23“Ekut maak an mekwaach, chiishpin awen itikuyekwe, ‘Iiitaapikw maa, eukw wesh uu Christ,’ maak itikuyekwe, ‘mwaana Christ,’ ekaawii chika uhchi taapwehtawaawaau. 24Kata ihtaauch awenichii e wiyeshihiiwetwaau e itwetwaau niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau. 25Nituhtuukw maak, wesh shaash niyaakan chiwiihtamaatinaawaau che ispayihkwaau uyuu chekwaayuu.”
26“Ititaakwenich maak awenichii, ‘Kanawaapamaahkw maa Christ, nete pakwaatiskamikaahch ekute e ihtaat,’ ekaawii ituhtewaahkw anite. Maak ititaakwenich ‘Kanawaapamaahkw maa, maaute piihtakamihch e ihtaat,’ ekaawii taapwehtawaahkuch. 27Wesh iskutak Iinuu Ukusisa takushihke misiwe aweyuuh kata waapamikuu. Muyaam e ishpish chiihkaanaakuhch e waashtepayihch anite chiishikuhch, anite waapanuutaahch e uhchi nuukuhch anite maak chiiwetinuutaahch e ishi paasikunaakuhch, ekun che ishinaakuniyich takushihke Iinuu Ukusisa.”
28“Iskutak maak waapahtamekwe e ispayihkwaau uyuu chekwaayuu kaa aayimuutamaatakuch ekw che chischeyihtamekw e peshunaakuhch che iskwaapayihch aschii, mwehch anite e nuukusitwaau mitisuuch e mihchetitwaau chischeyihtaakuniyuu e ihtakuniyich chekwaayuu e nipiimakaniyich anit.”
Miin takushihke Jesus
Mark 13.24-27; Luke 21.25-28
29“Iskutak maak miyaaupayihche taan che ishpish aayimihch aniyuuh maak ati chiishikaakwaawenh, eukuu tiiwehch che ati ispayihch,
Piisim chika tipischipayuu, kaye tipischipiisim namui kata uhchi chihkaashtuweu, kaye achahkushach kata paahpahchishinuuch chiishikuhch uhchi kaye misiwe chekwaan anite chiishikuhch kaa ihtakuhch kata aahchipayuu. 30Ekw maak che nuukuniyich anite chiishikuhch shaash e pechi takushihk Iinuu Ukusisa. Misiwe e itiskaanesitwaau awenichii utah aschiihch kaa ihtaatwaau kata maatuch. Kata waapameuch maak Iinuu Ukusisa e pechi asiyich kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin. 31Iskutak maak pehtaakuhche kaa chishewemakahch puutaachikan ekw che itishahwaat Chishemanituu utenchilamh chechii nituu maamuunaayich aniyuu aweyuuh kaa wiyaapamaat neweyich e uhchiiweyich kaa uhchiyich. Tekash e iskwaayaayich aschiiyuu anite maak ishi tekash e iskwaayaach kihchikiishikuyuu kata uhtineyuu.”
Jesus waapiminaahtikw kaa aapachihaat e chiskutamaachet
Mark 13.28-31; Luke 21.29-33
32“Ihtakun chekwaan chechii chiskutamaasuyekw misishuuminaahtikw e kanawaapamekw. Iskutak e ati uschinihtaauchiniyikwaau uwatihkun kaye maak e niipiisiyuut, chichischeyihtenaawaau shaash wiipach che niipihch. 33Uyuuh maak chekwaayuuh kaa aayimuutamaatakuch che ispayihkwaau iskutak ispayihkwaawen ekut che uhchi chischeyihtamekw shaash e peshunaakuniyich Iinuu Ukusisa che takushinit, muyaam shaash ishkwaahtemihch e pechi niipuut e ishinaakusit. 34Kuiskw chiwiihtamaatinaawaau, anichii kaa pimaatisiitwaau anuhchiish namui kata uhchi mehchinipuuch eshkw ekaa tipipayihche misiwe taan chipaa ispayuu. 35Kihchikiishikw neshta aschii kata iskwaapayuu mikw maak nitayimuwin namui wiiskaat kata uhchi iskwaapayuu.”
Che wii ayeskuwiyahkw
Mark 13.32-37; Luke 17.26-30, 34-36
36“Wesh namui awen chischeyihtam aniyuu e chiishikaayich maak aniyuu tipahiikaniyuu che ispayiyikwaau uyuuh chekwaayuuh. Namui mechim enchilich chischeyihtamuch, mechim Ukusisimaau, mikw Uhtaawiimaau chischeyihtam. 37Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa. 38Eshkw ekaa uhchi aschiputech aschii mikw waa ihtitwaau chii ihtuuch anichii iinuuch, chii miichisuuch, chii minihkweuch, kaye chii niipuuch piihiim kaa utihchipayihch che piihchet Noah uchiimaan. 39Namui maak uhchi chischeyihtamuch taan che ispayiyich paatish kaa aschiputeyich aschiiyuu, misiwe maak chii wanaachihuuch. Ekun maak mwehch che ispayihch iskutak pechi nuukusite Iinuu Ukusisa. 40An maak mekwaach, niishu naapeuch chika ihtaauch anite nuuhchimiihch. Peyakw an chika utinaakanuu ekw an kutak che nakataakanuut. 41Chika niishuuch iskweuch e piminuwetwaau, peyakw an chika utinaakanuu ekw an kutak che nakataakanuut. 42Yaakwaamiikw maak wesh namui chichischeyihtenaawaau taaishpish che takushihk Chitipeyihchikemuwaau. 43Wii nisituhtamukw maak uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch. 44Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”
Aapachihaakanich e ashuwaapamaatwaau uchimaamuwaauh
Luke 12.41-48
45“Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich. 46Kata shaweyimaakanuu an aapachihaakan miskuwaakanuute kuiskw e ihtuutahk aniyuu utaapatisuwin iskutak takushiniyichen uchimaam. 47Chihchiwe chititinaawaau, chika miikuu aniyuu uchimaam misiwe chechii naanaakachihtaawaat taan e ishi tipiyeusiyich. 48Mikw maak machi aapachihaakanuu iteyihtahke, eshkw chineush che ishpish takushihk miin nuuchimaam. 49Ekw maak naashch nenehkaachihaate aniyuu wiichaapachihaakanh kaa niikaanishkuwaat e utataamahwaat kaye mikw miichisute maak chiishkwepete, 50iskutak maak uchimaam takushiniyichen anit ekaa mitun peshuweyimaat kaye ekaa mitun chischeyihtahk, 51ekw che waweshihaakanuut mitun chechii waawiisacheyihtahk. Ekw maak che ishi pachishtinaakanuut anite kaa ayimihehkaasuyich e ihtaayich chechii nanehkaateyimut. ekute anite che maatutwaau kaye che mamateyaapiteshihkwaau che ishpish nanehkaateyimutwaau.”
Iliyochaguliwa sasa
Matthew 24: crjrNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Matthew 24
24
Chisheayimiheukamikw che wanaachihtaakanuuhch
Mark 13.1, 2; Luke 21.5, 6
1Iskutak maak Jesus e ati chistuhtet anit chisheayimiheukamikuhch uhchi, chii pechi nituwaapamikuu uchischinuhamuwaakanh e wii wapahtiikut taan kaa ishihtaakanuyich aniyuu chisheayimiheukamikuyuu ekw maak aniyuu kutak waaskaahiikan waaskaa anit kaa ihtakuniyikwaauh. 2Chii iteu maak, “Chimiyunenaawaau taan kaa ishihtaakanuuhkwaau uyuu waaskaahiikan, mikw maak chiwiihtamaatinaawaau, chika utihchipayuu anit misiwe che wanaachihtaakanuuhkwaau. Namui waachi peyakw asinii chika uhchi aakwiihtuupuu kutak asinii taan aniyuu kaa itahaakanuut. Misiwe asiniich kaa ishi aapachihaakanuutwaau kaa ushihtaakanuuhkwaau uyuu waaskahiikan chika niihchiwepinaakanuuch.”
Taan che ishi aayimipayihch
Mark 13.3-13; Luke 21.7-19
3Mekwaach maak Jesus e apit anit e iipetaauhkaayich aniyuu wachiyuu Olives kaa ishinihkaateyich, iskutak ekaa kaa ihtaayich aniyuu iinuu, chii pechi nituwaapamikuu uchischinuhamuwaakanh ekw kaa itikut, “Pechi wiihtamuunaan aahch taaishpish che ispayihkwaau uyuu chekwaayuu. Taanite che uhchi chischeyihtamaahch utihchipayihche miin che takushiniyin. Ekw maak taanite che uhchi chischeyihtamaahch che iskwaapayihch aschii.”
4Jesus maak chii iteu, “Yaakwaamiikw, ekaa awen chechii wiyeshimitaakw. 5Wesh chika mihchetuuch awenichii e takushihkwaau nitishinihkaasuwiniyuu e aapachihtaatwaau e itwetwaau, ‘Eukw niya Christ.’ Mihchetu maak aweyuu chika wiyeshimeuch. 6Ekaawii kaye chika uhchi mukushkaateyihtamihiikunaawaau pehtamekwe e matwe nitupayinaanuuhch peshuch anite e ihtaayekw kaye pehtamekwe e tipaatutaakanuuhch e nanitupayinaanuuhch anite waahiyuu. Eukw wesuu niishtam netaweyihtaakuhch chechii ispayihch, mikw maak namui eshkw kata uhchi iskwaapayuu. 7Peyakunihch kaa itiskaanesitwaau awenichii kata maasihiituuch aniyuuh kutak aweyuuh aahchiiuh kaa itiskaanesiyich. Kaye anichii kaa uchimaautwaau kata nitupayihkahtaweuch aniyuu kutak kaa uchimaawiyich. Chika ihtakun e kuihkuhch kaye maak e kauhkataanuuhch. 8Iskutak maak chihchipayihche e ispayihkwaau misiwe uyuu chekwaayuu eukuu picheyik e chihchipayihch nanehkaateyimuwin, mwehch iskweu e chihchi muushihut che aahkusit.”
9“Ekw maak che maakunikuyekw kaye chika nanehkaachihiikunaawaau. Waawaach chika nipahiikunaawaau. Misiwe e itiskaanesitwaau awenichii chika uhkaatikuwaauch e nuushuushkuyekw. 10Mihchetu maak chika puuniyuuch e taapweyimitwaau kaye chika mamishimituuch kaye chika uhkaatituuch. 11Mihchetu machi uchischiwehiichesuuch chika takushinuuch che wiyeshihaatwaau aweyuuh, mihchetu maak aweyuu chika ihtuutaweuch chechii puuniyich e taapwehtamiyich. 12Che ishpish maak wetaach weyuutihch machaatisiiwin, mihchetu awenichii usaachihiiwewinawaau namui chika uhchi taatispapayuuh. 13Mikw maak an awen che yaaichikaapuukwe che ishpish pimaatisiikwe eukuu che pimaachihaakanuut. 14Uu maak miywaachimuwin Chishemanituu uchisheuchimaawin kaa tipaatuteyich chika kacheskwaanuu utah misiwe aschiihch misiwe awen chechii pehtahk, ekw maak yaakw che iskwaapayihch.”
An maauch kaa uhkaateyihtaakusit e aayimuumaakanuut
Mark 13.14-23; Luke 21.20-24
15“Iskutak maak waapamekwe an awen maauch kaa uhkaateyihtaakusit e niipuut anite maauch kaa payehkaniyich e maayeyimaat Chishemanituu, yaakwaamukw. Shaash chika peshunaakun che iskwaapayihch aschii. Eukun uyuuh aniyaa uchischiwehiichesuu Daniel kaa aayimuumaat. Chiyawaau kaa ayimihtaayekw uu suuhk wii nisituhtamukw taan e itwemakahch. 16Waapahtamekwe maak uu e ispayihch, anichii iinuuch anit Judea aschiihch kaa ihtaatwaau, ekush pachishtinaahkuch anite e wachuuniyich chechii itishimutwaau. 17Kaye an awen tahkuhch wiichihch kaa ihtaat ekaawii pachishtinaahkw chechii piihchet uwaaskaahiikanim chechii nitawaahtahk chekwaayuu. 18Kaye an awen nihtaauchihchikan aschiihch kaa ihtaat ekaawii pachishtinaahkw chechii chiiwet utakuhp e wii nituwaahtahk. 19Taapwe kata aayimihuch anichii mekwaach kaa kanuweyimaausutwaau kaye anichii kaa nuushaanihaausutwaau aniyuuh e chiishikaayikwaauh. 20Ayimihaakw ekaa e mekwaapipuhch chechii ispayihch uu maak ekaa nihaau anit e ayiwepuuchiishikaach chechii ispayihch uu wii ushimuyekwe. 21Wesh ekut maauch che ishi nanehkaateyimunaanuuhch ekaa wiiskaat uhchi ishpish nanehkaateyimunaanuuhch utah aschiihch kaye maak namui miin nihtaa chika uhchi iteyihtaakun taan nihaau che iteyihtaakuhch uu nanehkaateyimunaanuuhche. 22Chishemanituu maak chii wiyeyihtam che achuunahk aniyuu e chiishikaayikwaauh anit chipaa nanehkaateyimunaanuuyuu. Ekaa uhchi ihtuutamukupane uyuu namui awen chipaa uhchii shaapushkam. Mikw maak e chischisiitutawaat aniyuu kaa wiyaapamaat utiiniim Chishemanituu eukun aniyu che uhchi achuunahk aniyuuh e chiishikaayikwaauh.”
23“Ekut maak an mekwaach, chiishpin awen itikuyekwe, ‘Iiitaapikw maa, eukw wesh uu Christ,’ maak itikuyekwe, ‘mwaana Christ,’ ekaawii chika uhchi taapwehtawaawaau. 24Kata ihtaauch awenichii e wiyeshihiiwetwaau e itwetwaau niya Christ. Kata ihtaauch kaye machi uchischiwehiichesuuch. Eukunich maak uchii nanaahkuu maamishkaach waapahtiiwewinh che waapahtiiwetwaau kaye kata ihtuutamuch e maamishkaateyihtaakuniyikwaauh chekwaayuuh. Ekut maak che uhchi wiyeshihaatwaau aweyuu nitamukw chechii ishi taapwehtamiyich. Aniyuuh maak Chishemanituu kaa wiyaapamaayich aweyuuh eukunh aniyuuh che wii wiyeshihaatwaau. 25Nituhtuukw maak, wesh shaash niyaakan chiwiihtamaatinaawaau che ispayihkwaau uyuu chekwaayuu.”
26“Ititaakwenich maak awenichii, ‘Kanawaapamaahkw maa Christ, nete pakwaatiskamikaahch ekute e ihtaat,’ ekaawii ituhtewaahkw anite. Maak ititaakwenich ‘Kanawaapamaahkw maa, maaute piihtakamihch e ihtaat,’ ekaawii taapwehtawaahkuch. 27Wesh iskutak Iinuu Ukusisa takushihke misiwe aweyuuh kata waapamikuu. Muyaam e ishpish chiihkaanaakuhch e waashtepayihch anite chiishikuhch, anite waapanuutaahch e uhchi nuukuhch anite maak chiiwetinuutaahch e ishi paasikunaakuhch, ekun che ishinaakuniyich takushihke Iinuu Ukusisa.”
28“Iskutak maak waapahtamekwe e ispayihkwaau uyuu chekwaayuu kaa aayimuutamaatakuch ekw che chischeyihtamekw e peshunaakuhch che iskwaapayihch aschii, mwehch anite e nuukusitwaau mitisuuch e mihchetitwaau chischeyihtaakuniyuu e ihtakuniyich chekwaayuu e nipiimakaniyich anit.”
Miin takushihke Jesus
Mark 13.24-27; Luke 21.25-28
29“Iskutak maak miyaaupayihche taan che ishpish aayimihch aniyuuh maak ati chiishikaakwaawenh, eukuu tiiwehch che ati ispayihch,
Piisim chika tipischipayuu, kaye tipischipiisim namui kata uhchi chihkaashtuweu, kaye achahkushach kata paahpahchishinuuch chiishikuhch uhchi kaye misiwe chekwaan anite chiishikuhch kaa ihtakuhch kata aahchipayuu. 30Ekw maak che nuukuniyich anite chiishikuhch shaash e pechi takushihk Iinuu Ukusisa. Misiwe e itiskaanesitwaau awenichii utah aschiihch kaa ihtaatwaau kata maatuch. Kata waapameuch maak Iinuu Ukusisa e pechi asiyich kaskawanishkuhch, tekash e nuukuniyich usuuhkaatisiiwin kaye uchisteyihtaakusuwin. 31Iskutak maak pehtaakuhche kaa chishewemakahch puutaachikan ekw che itishahwaat Chishemanituu utenchilamh chechii nituu maamuunaayich aniyuu aweyuuh kaa wiyaapamaat neweyich e uhchiiweyich kaa uhchiyich. Tekash e iskwaayaayich aschiiyuu anite maak ishi tekash e iskwaayaach kihchikiishikuyuu kata uhtineyuu.”
Jesus waapiminaahtikw kaa aapachihaat e chiskutamaachet
Mark 13.28-31; Luke 21.29-33
32“Ihtakun chekwaan chechii chiskutamaasuyekw misishuuminaahtikw e kanawaapamekw. Iskutak e ati uschinihtaauchiniyikwaau uwatihkun kaye maak e niipiisiyuut, chichischeyihtenaawaau shaash wiipach che niipihch. 33Uyuuh maak chekwaayuuh kaa aayimuutamaatakuch che ispayihkwaau iskutak ispayihkwaawen ekut che uhchi chischeyihtamekw shaash e peshunaakuniyich Iinuu Ukusisa che takushinit, muyaam shaash ishkwaahtemihch e pechi niipuut e ishinaakusit. 34Kuiskw chiwiihtamaatinaawaau, anichii kaa pimaatisiitwaau anuhchiish namui kata uhchi mehchinipuuch eshkw ekaa tipipayihche misiwe taan chipaa ispayuu. 35Kihchikiishikw neshta aschii kata iskwaapayuu mikw maak nitayimuwin namui wiiskaat kata uhchi iskwaapayuu.”
Che wii ayeskuwiyahkw
Mark 13.32-37; Luke 17.26-30, 34-36
36“Wesh namui awen chischeyihtam aniyuu e chiishikaayich maak aniyuu tipahiikaniyuu che ispayiyikwaau uyuuh chekwaayuuh. Namui mechim enchilich chischeyihtamuch, mechim Ukusisimaau, mikw Uhtaawiimaau chischeyihtam. 37Mwehch maak taan kaa iteyihtaakuniyich anit mekwaach kaa pimaatisiit aniyaa Noah, ekun che iteyihtaakuhch miin takushihke Iinuu Ukusisa. 38Eshkw ekaa uhchi aschiputech aschii mikw waa ihtitwaau chii ihtuuch anichii iinuuch, chii miichisuuch, chii minihkweuch, kaye chii niipuuch piihiim kaa utihchipayihch che piihchet Noah uchiimaan. 39Namui maak uhchi chischeyihtamuch taan che ispayiyich paatish kaa aschiputeyich aschiiyuu, misiwe maak chii wanaachihuuch. Ekun maak mwehch che ispayihch iskutak pechi nuukusite Iinuu Ukusisa. 40An maak mekwaach, niishu naapeuch chika ihtaauch anite nuuhchimiihch. Peyakw an chika utinaakanuu ekw an kutak che nakataakanuut. 41Chika niishuuch iskweuch e piminuwetwaau, peyakw an chika utinaakanuu ekw an kutak che nakataakanuut. 42Yaakwaamiikw maak wesh namui chichischeyihtenaawaau taaishpish che takushihk Chitipeyihchikemuwaau. 43Wii nisituhtamukw maak uu. Muyaam awen wiichihch e ihtaat chischeyimaat maak chimutiska che pechi takushiniyich, chipaa ayeskuwiishtuweu. Aatuchiwii chipaa uhchi pachishtineu mikw chechii ishi kachemutiyich anit uwaaskaahiikanimihch. 44Eukw maak uu uhchi kaye chiyawaau muush chipaa ayeskuwiinaawaau. Wesh Iinuu Ukusisa kata takushin taanit anit ekaa mitun peshuweyimekwe chechii takushinit.”
Aapachihaakanich e ashuwaapamaatwaau uchimaamuwaauh
Luke 12.41-48
45“Aapachihaakan kuiskw kaa ihtuutahk utaapatisuwin kaye kaa iipwaahkaat eukuu che wiyaapamikut uchimaam wiya chechii uchimaahkahtuwaat misiwe aniyuu kutak aapachihaakan kaye chechii naanaakachihtaawaat nihaau chechii ishi ashamaakanuyich iskutak utihchipayihche che ashamaakanuyich. 46Kata shaweyimaakanuu an aapachihaakan miskuwaakanuute kuiskw e ihtuutahk aniyuu utaapatisuwin iskutak takushiniyichen uchimaam. 47Chihchiwe chititinaawaau, chika miikuu aniyuu uchimaam misiwe chechii naanaakachihtaawaat taan e ishi tipiyeusiyich. 48Mikw maak machi aapachihaakanuu iteyihtahke, eshkw chineush che ishpish takushihk miin nuuchimaam. 49Ekw maak naashch nenehkaachihaate aniyuu wiichaapachihaakanh kaa niikaanishkuwaat e utataamahwaat kaye mikw miichisute maak chiishkwepete, 50iskutak maak uchimaam takushiniyichen anit ekaa mitun peshuweyimaat kaye ekaa mitun chischeyihtahk, 51ekw che waweshihaakanuut mitun chechii waawiisacheyihtahk. Ekw maak che ishi pachishtinaakanuut anite kaa ayimihehkaasuyich e ihtaayich chechii nanehkaateyimut. ekute anite che maatutwaau kaye che mamateyaapiteshihkwaau che ishpish nanehkaateyimutwaau.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.