ইঞ্জিল ৫: সাহাবি নামা পরিচিতি
পরিচিতি
পবিত্র আছমানি কিতাবর অউ সাহাবি নামা ছিপারার মাজে আমরা পাইমু, হজরত ইছা আল-মসীর সাহাবি আর উম্মত অকল আল্লাই পাক রুহর বলে পয়লা জেরুজালেম টাউন, বাদে বর্তমান ফিলিস্তিন দেশর এহুদিয়া আর শমরিয়া এলাকা, হেশে এশিয়া আর ইউরোপ মহাদেশর বউত জাগা অইয়া রোমান বাদশাইর রাজধানি রোম টাউন পর্যন্ত আইয়া কিলা আল্লাই খুশ-খবরি তবলিগ করছইন, আর কিলা অউ হকল জাগাত নয়া নয়া ইছায়ী জমাত জন্মিছে।
অউ ছিপারাত আছে, তবলিগ কামর ছফরো বার অইয়া সাহাবি অকলে আর হজরত ইছার উম্মত অকলে কত বেশি জুলুম-মছিবত পাইছইন, নিজর জাতি থাকি, ভিন জাতি থাকি আর নানান নমুনার মুর্তি পুজারির গেছ থাকি অউ দুখ-মছিবত, জেল-জুলুম, চাবুকর মাইর সইয্য করছইন। তা-ও তারা তবলিগ কাম করছইন আর আল্লা পাকে তারারে হামেশা কত বড় বড় সাইয্য করছইন, তারার মাজদি নানান নমুনার কেরামতি জাইর অইছে। এরলাগি মানুষ দলে দলে আইয়া ইমান আনছে।
আমরা অউ ছিপারার ১ রুকু ৮ আয়াতো পাইমু, হজরত ইছায় সাহাবি অকলরে কইরা, “পাক রুহ তুমরার উপরে কাইম অইয়া হারলে তুমরা গাইবি বল পাইবায়, অউ বলে জেরুজালেম, আস্তা এহুদিয়া আর শমরিয়া এলাকা, আর দুনিয়ার হেশ সীমানা পর্যন্ত আমার সাক্ষি অইবায়।”
লেখক পরিচিতি আর সময়
আল্লা পাকর হুকুমে অউ সাহাবি নামা ছিপারা লেখছইন হজরত লুক (রঃ)। পবিত্র ইঞ্জিল শরিফ থাকি জানা যায়, হজরত লুকর পেশা আছিল হেকিমি ডাক্তর। তাইন হজরত ইছার সাহাবি হজরত পাউলুছর খেজমতো রইয়া নানান দেশর নানান জাতির গেছে আল্লার কালাম তবলিগ করতা। হজরত ইছা দুনিয়া থাকি বেহেস্তো তশরিফ নেওয়ার অনুমান ৩০ বছর বাদে অউ ছিপারা কিতাব আকারে লেখা অইছে। অউ সাহাবি নামা ছিপারা অইলো হজরত লুকর লেখা দুই নম্বর ছিপারা, এর আগে তাইন লুক নামর ছিপারাও লেখছলা।
এরমাজে আছে,
(ক) হজরত ইছার বেহেস্তো ফিরত যাওয়া ১:১-১১ আয়াত
(খ) জেরুজালেম ইছায়ী জমাতর জনম ১:১২—৫:৪২
(গ) এহুদিয়া আর শমরিয়া এলাকাত ইছায়ী জমাত ৬—১২ রুকু
(ঘ) হজরত পাউলুছর (রাঃ) পয়লা তবলিগি ছফর ১৩:১—১৫:৩৫ আয়াত
(ঙ) হজরত পাউলুছর দুয়ারা তবলিগি ছফর ১৫:৩৬—১৮:২৮
(চ) হজরত পাউলুছর তিন নম্বর ছফর ১৯:১—২১:১৪
(ছ) বন্দি হালতে হজরত পাউলুছ ২১:১৫—২৮:৩১
Iliyochaguliwa sasa
ইঞ্জিল ৫: সাহাবি নামা পরিচিতি: sylB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Ahle Kitab Society. All rights reserved.
ইঞ্জিল ৫: সাহাবি নামা পরিচিতি
পরিচিতি
পবিত্র আছমানি কিতাবর অউ সাহাবি নামা ছিপারার মাজে আমরা পাইমু, হজরত ইছা আল-মসীর সাহাবি আর উম্মত অকল আল্লাই পাক রুহর বলে পয়লা জেরুজালেম টাউন, বাদে বর্তমান ফিলিস্তিন দেশর এহুদিয়া আর শমরিয়া এলাকা, হেশে এশিয়া আর ইউরোপ মহাদেশর বউত জাগা অইয়া রোমান বাদশাইর রাজধানি রোম টাউন পর্যন্ত আইয়া কিলা আল্লাই খুশ-খবরি তবলিগ করছইন, আর কিলা অউ হকল জাগাত নয়া নয়া ইছায়ী জমাত জন্মিছে।
অউ ছিপারাত আছে, তবলিগ কামর ছফরো বার অইয়া সাহাবি অকলে আর হজরত ইছার উম্মত অকলে কত বেশি জুলুম-মছিবত পাইছইন, নিজর জাতি থাকি, ভিন জাতি থাকি আর নানান নমুনার মুর্তি পুজারির গেছ থাকি অউ দুখ-মছিবত, জেল-জুলুম, চাবুকর মাইর সইয্য করছইন। তা-ও তারা তবলিগ কাম করছইন আর আল্লা পাকে তারারে হামেশা কত বড় বড় সাইয্য করছইন, তারার মাজদি নানান নমুনার কেরামতি জাইর অইছে। এরলাগি মানুষ দলে দলে আইয়া ইমান আনছে।
আমরা অউ ছিপারার ১ রুকু ৮ আয়াতো পাইমু, হজরত ইছায় সাহাবি অকলরে কইরা, “পাক রুহ তুমরার উপরে কাইম অইয়া হারলে তুমরা গাইবি বল পাইবায়, অউ বলে জেরুজালেম, আস্তা এহুদিয়া আর শমরিয়া এলাকা, আর দুনিয়ার হেশ সীমানা পর্যন্ত আমার সাক্ষি অইবায়।”
লেখক পরিচিতি আর সময়
আল্লা পাকর হুকুমে অউ সাহাবি নামা ছিপারা লেখছইন হজরত লুক (রঃ)। পবিত্র ইঞ্জিল শরিফ থাকি জানা যায়, হজরত লুকর পেশা আছিল হেকিমি ডাক্তর। তাইন হজরত ইছার সাহাবি হজরত পাউলুছর খেজমতো রইয়া নানান দেশর নানান জাতির গেছে আল্লার কালাম তবলিগ করতা। হজরত ইছা দুনিয়া থাকি বেহেস্তো তশরিফ নেওয়ার অনুমান ৩০ বছর বাদে অউ ছিপারা কিতাব আকারে লেখা অইছে। অউ সাহাবি নামা ছিপারা অইলো হজরত লুকর লেখা দুই নম্বর ছিপারা, এর আগে তাইন লুক নামর ছিপারাও লেখছলা।
এরমাজে আছে,
(ক) হজরত ইছার বেহেস্তো ফিরত যাওয়া ১:১-১১ আয়াত
(খ) জেরুজালেম ইছায়ী জমাতর জনম ১:১২—৫:৪২
(গ) এহুদিয়া আর শমরিয়া এলাকাত ইছায়ী জমাত ৬—১২ রুকু
(ঘ) হজরত পাউলুছর (রাঃ) পয়লা তবলিগি ছফর ১৩:১—১৫:৩৫ আয়াত
(ঙ) হজরত পাউলুছর দুয়ারা তবলিগি ছফর ১৫:৩৬—১৮:২৮
(চ) হজরত পাউলুছর তিন নম্বর ছফর ১৯:১—২১:১৪
(ছ) বন্দি হালতে হজরত পাউলুছ ২১:১৫—২৮:৩১
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Ahle Kitab Society. All rights reserved.