ꠔꠃꠞꠣꠔ ১: ꠙꠄꠖꠣ ꠘꠣꠝꠣ 16
16
ꠢꠎꠞꠔ ꠁꠍꠝꠣꠁꠟ (ꠀ꠩) ꠅꠞ ꠎꠘꠝ
1ꠛꠤꠛꠤ ꠍꠣꠞꠣꠞ ꠙꠦꠐꠅ ꠀꠛ꠆ꠞꠣꠝꠞ ꠇꠥꠘꠥ ꠢꠥꠞꠥꠔ꠆ꠔꠣ ꠅꠁꠍꠂꠘ ꠘꠣ, ꠅꠁꠟꠦ ꠢꠣꠎꠦꠞꠣ ꠘꠣꠝꠦ ꠍꠣꠞꠣꠞ ꠄꠇ ꠝꠤꠡꠞꠤ ꠛꠣꠘ꠆ꠖꠤ ꠛꠦꠐꠤ ꠀꠍꠟꠣ। 2ꠄꠇꠖꠤꠘ ꠍꠣꠞꠣꠄ ꠀꠛ꠆ꠞꠣꠝꠞꠦ ꠇꠁꠟꠣ, “ꠢꠥꠘꠅ, ꠝꠣꠛꠥꠖꠦ ꠀꠝꠣꠞꠦ ꠘꠤꠀꠅꠟꠣꠖꠤ ꠇꠞꠍꠂꠘ। ꠔꠦ ꠔꠥꠝꠤ ꠀꠝꠣꠞ ꠛꠣꠘ꠆ꠖꠤꠞ ꠇꠣꠍꠣꠔ ꠎꠣꠅ, ꠇꠤꠛꠣ ꠔꠣꠁꠞꠦ ꠖꠤꠀ ꠀꠝꠤ ꠀꠅꠟꠣꠖ ꠙꠣꠁꠟꠤꠔꠣꠝ ꠙꠣꠞꠤ।” ꠅꠃ ꠀꠛ꠆ꠞꠣꠝꠅ ꠍꠣꠞꠣꠞ ꠝꠣꠔꠦ ꠞꠣꠎꠤ ꠅꠁꠟꠣ। 3ꠇꠦꠘꠣꠘ ꠖꠦꠡꠅ ꠀꠛ꠆ꠞꠣꠝ ꠖꠡ ꠛꠞꠍ ꠞꠅꠀꠞ ꠛꠣꠖꠦ ꠍꠣꠞꠣꠄ ꠔꠣꠘ ꠝꠤꠡꠞꠤ ꠛꠣꠘ꠆ꠖꠤ ꠢꠣꠎꠦꠞꠣꠞꠦ ꠘꠤꠎꠞ ꠎꠣꠝꠣꠁ ꠀꠛ꠆ꠞꠣꠝꠞ ꠟꠉꠦ ꠛꠤꠀ ꠖꠤꠟꠣ। 4ꠛꠣꠖꠦ ꠀꠛ꠆ꠞꠣꠝ ꠀꠞ ꠢꠣꠎꠦꠞꠣ ꠄꠇꠈꠣꠘꠅ ꠞꠁꠟꠦ ꠔꠣꠁꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ। ꠢꠣꠎꠦꠞꠣꠄ ꠎꠦꠛꠟꠣ ꠛꠥꠎꠟ ꠔꠣꠁꠞ ꠢꠥꠞꠥꠔ꠆ꠔꠣ ꠅꠁꠔꠣ ꠔꠦꠃ ꠔꠣꠁꠞ ꠝꠣꠟꠤꠇ ꠛꠤꠛꠤꠞ ꠛꠣꠄ ꠛꠠꠣꠁ ꠖꠦꠈꠣꠘꠤꠔ ꠟꠣꠉꠟ। 5ꠅꠃ ꠍꠣꠞꠣꠄ ꠀꠛ꠆ꠞꠣꠝꠞꠦ ꠇꠁꠟꠣ, “ꠀꠝꠣꠞ ꠛꠣꠄ ꠔꠣꠁꠞ ꠛꠦꠀꠖꠛꠤꠞ ꠟꠣꠉꠤ ꠔꠥꠝꠤꠃ ꠖꠣꠄꠁ। ꠀꠝꠣꠞ ꠁ ꠛꠣꠘ꠆ꠖꠤꠞꠦ ꠀꠝꠤꠃ ꠔꠥꠝꠣꠞ ꠛꠤꠍꠘꠣꠔ ꠔꠥꠟꠤꠀ ꠖꠤꠍꠟꠣꠝ, ꠀꠞ ꠅꠈꠘ ꠔꠣꠁꠞ ꠢꠥꠞꠥꠔ꠆ꠔꠣ ꠅꠁꠔꠣ ꠇꠞꠤ ꠀꠝꠣꠞꠦ ꠛꠠꠣꠁ ꠖꠦꠈꠣꠞ। ꠝꠣꠛꠥꠖꠦ ꠔꠥꠝꠣꠞ-ꠀꠝꠣꠞ ꠛꠤꠌꠣꠞ ꠇꠞꠃꠇ꠆ꠇꠣ।” 6ꠀꠛ꠆ꠞꠣꠝꠦ ꠍꠣꠞꠣꠞꠦ ꠇꠁꠟꠣ, “ꠖꠦꠈꠅ, ꠔꠥꠝꠣꠞ ꠛꠣꠘ꠆ꠖꠤ ꠔ ꠔꠥꠝꠣꠞ ꠀꠔꠅꠃ ꠀꠍꠦ। ꠔꠥꠝꠣꠞ ꠎꠦꠟꠣ ꠜꠣꠟꠣ ꠝꠘꠦ ꠇꠄ ꠅꠟꠣꠃ ꠇꠞꠅ।” ꠅꠃ ꠍꠣꠞꠣꠄ ꠢꠣꠎꠦꠞꠣꠞꠦ ꠅꠃꠟꠣ ꠖꠥꠈ ꠖꠤꠟꠣ, ꠖꠥꠈꠦ ꠔꠣꠁ ꠔꠣꠘ ꠉꠦꠍ ꠕꠣꠇꠤ ꠜꠣꠉꠤꠀ ꠉꠦꠟꠉꠤ।
7ꠙꠕꠅ ꠝꠞꠥꠜꠥꠝꠤꠞ ꠝꠣꠎꠦ ꠄꠇꠐꠣ ꠙꠣꠘꠤꠞ ꠁꠘ꠆ꠖꠣꠞꠣꠞ ꠇꠣꠍꠣꠔ ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠢꠣꠎꠦꠞꠣꠞꠦ ꠙꠣꠁꠟꠣ। ꠁ ꠁꠘ꠆ꠖꠣꠞꠣ ꠀꠍꠤꠟ ꠡꠥꠞ ꠘꠣꠝꠞ ꠎꠣꠉꠣꠔ ꠎꠣꠅꠀꠞ ꠙꠕꠅ। 8ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠅ ꠍꠣꠞꠣꠞ ꠛꠣꠘ꠆ꠖꠤ ꠢꠣꠎꠦꠞꠣ, ꠔꠥꠝꠤ ꠇꠁ ꠕꠣꠇꠤ ꠀꠁꠞꠣꠄ ꠀꠞ ꠇꠁ ꠎꠣꠁꠔꠣꠄ?” ꠢꠣꠎꠦꠞꠣꠄ ꠇꠁꠟ, “ꠀꠝꠤ ꠀꠝꠣꠞ ꠝꠣꠟꠤꠇ ꠛꠤꠛꠤ ꠍꠣꠞꠣꠞ ꠉꠦꠍ ꠕꠣꠇꠤ ꠜꠣꠉꠤꠀ ꠎꠣꠁꠞꠣꠝꠉꠤ।” 9ꠔꠦꠃ ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠔꠥꠝꠣꠞ ꠝꠣꠟꠤꠇ ꠛꠤꠛꠤꠞ ꠉꠦꠍꠦ ꠚꠤꠞꠤꠀ ꠉꠤꠀ ꠇꠟ꠆ꠟꠣ ꠘꠥꠀꠁꠀ ꠢꠤꠞꠛꠣꠞ ꠔꠣꠘ ꠈꠦꠎꠝꠔꠅ ꠟꠣꠉꠅ।” 10ꠔꠣꠁꠘ ꠀꠞꠅ ꠇꠁꠟꠣ, “ꠀꠝꠤ ꠔꠥꠝꠣꠞ ꠅꠀꠞꠤꠡ ꠅꠃꠟꠣ ꠛꠣꠠꠣꠁ ꠖꠤꠝꠥ, ꠔꠣꠞꠣꠞꠦ ꠉꠘꠤꠀ ꠚꠥꠠꠣꠁꠔ ꠘꠣꠄ। 11ꠢꠥꠘꠅ, ꠔꠥꠝꠣꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠍꠦ। ꠔꠥꠝꠣꠞ ꠄꠇ ꠙꠥꠀ ꠅꠁꠛ, ꠔꠣꠞ ꠘꠣꠝ ꠞꠣꠈꠤꠅ ꠁꠍꠝꠣꠁꠟ [ꠝꠣꠘꠤ, ꠀꠟ꠆ꠟꠣꠄ ꠢꠥꠘꠂꠘ], ꠇꠣꠞꠘ ꠝꠣꠛꠥꠖꠦ ꠔꠥꠝꠣꠞ ꠖꠥꠈ ꠢꠥꠘꠍꠂꠘ। 12ꠀꠞ ꠛꠠ ꠅꠁꠟꠦ ꠢꠦ ꠟꠣꠉꠣꠝ ꠍꠣꠠꠣ ꠊꠥꠠꠣꠞ ꠟꠣꠈꠣꠘ ꠅꠁꠛ। ꠢꠦ ꠢꠇ꠆ꠇꠟꠞ ꠛꠣꠄ ꠀꠔ ꠔꠥꠟꠛ, ꠀꠞ ꠢꠇ꠆ꠇꠟꠦ ꠔꠣꠞ ꠛꠣꠄ ꠀꠔ ꠔꠥꠟꠛꠣ। ꠜꠣꠁꠀꠁꠘ꠆ꠔꠞ ꠟꠉꠦ ꠢꠣꠝꠦꠡꠣ ꠔꠣꠞ ꠟꠣꠉ ꠕꠣꠇꠛ।” 13ꠀꠞ ꠢꠣꠎꠦꠞꠣꠞ ꠟꠉꠦ ꠝꠣꠛꠥꠖꠦ ꠝꠣꠔꠤꠟꠣ ꠇꠞꠤ, ꠔꠣꠁ ꠔꠣꠘ ꠘꠣꠝ ꠖꠤꠟ “ꠔꠥꠝꠤ ꠖꠦꠈꠣ ꠖꠦꠘꠦꠀꠟꠣ ꠀꠟ꠆ꠟꠣ”; ꠔꠣꠁ ꠇꠁꠟ, “ꠎꠦꠁꠘ ꠀꠝꠣꠞꠦ ꠖꠦꠈꠂꠘ, ꠀꠝꠤ ꠅꠘꠅꠃ ꠔꠣꠘꠞꠦ ꠖꠦꠈꠟꠣꠝ ꠘꠣꠄ ꠘꠤ?” 14ꠄꠞꠟꠣꠉꠤ ꠇꠣꠖꠦꠡ ꠀꠞ ꠛꠦꠞꠦꠖꠞ ꠝꠣꠎꠞ ꠢꠤ ꠇꠥꠀꠞ ꠘꠣꠝ ꠅꠁꠟ, ꠛꠦꠞ-ꠟꠢꠄ-ꠞꠥꠁ [ꠝꠣꠘꠤ, ꠎꠦꠁꠘ ꠎꠤꠘ꠆ꠖꠣ ꠀꠞ ꠀꠝꠣꠞꠦ ꠖꠦꠈꠞꠣ, ꠔꠣꠘ ꠇꠥꠀ]।
15ꠛꠣꠖꠦ ꠡꠝꠄ ꠀꠁꠟꠦ ꠢꠣꠎꠦꠞꠣꠞ ꠊꠞꠅ ꠄꠇ ꠙꠥꠀ ꠅꠁꠟ, ꠀꠛ꠆ꠞꠣꠝꠦ ꠅꠃ ꠙꠥꠀꠞ ꠘꠣꠝ ꠞꠣꠈꠟꠣ ꠁꠍꠝꠣꠁꠟ। 16ꠀꠛ꠆ꠞꠣꠝꠞ ꠛꠄꠅꠡ ꠎꠦꠛꠟꠣ ꠍꠤꠀꠡꠤ ꠛꠍꠞ ꠅꠁꠉꠦꠍꠦ, ꠅꠃ ꠡꠝꠄ ꠢꠣꠎꠦꠞꠣꠞ ꠊꠞꠅ ꠁꠍꠝꠣꠁꠟꠞ ꠎꠘꠝ ꠅꠁꠟ।
Iliyochaguliwa sasa
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 16: sylN
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Ahle Kitab Society. All rights reserved.
ꠔꠃꠞꠣꠔ ১: ꠙꠄꠖꠣ ꠘꠣꠝꠣ 16
16
ꠢꠎꠞꠔ ꠁꠍꠝꠣꠁꠟ (ꠀ꠩) ꠅꠞ ꠎꠘꠝ
1ꠛꠤꠛꠤ ꠍꠣꠞꠣꠞ ꠙꠦꠐꠅ ꠀꠛ꠆ꠞꠣꠝꠞ ꠇꠥꠘꠥ ꠢꠥꠞꠥꠔ꠆ꠔꠣ ꠅꠁꠍꠂꠘ ꠘꠣ, ꠅꠁꠟꠦ ꠢꠣꠎꠦꠞꠣ ꠘꠣꠝꠦ ꠍꠣꠞꠣꠞ ꠄꠇ ꠝꠤꠡꠞꠤ ꠛꠣꠘ꠆ꠖꠤ ꠛꠦꠐꠤ ꠀꠍꠟꠣ। 2ꠄꠇꠖꠤꠘ ꠍꠣꠞꠣꠄ ꠀꠛ꠆ꠞꠣꠝꠞꠦ ꠇꠁꠟꠣ, “ꠢꠥꠘꠅ, ꠝꠣꠛꠥꠖꠦ ꠀꠝꠣꠞꠦ ꠘꠤꠀꠅꠟꠣꠖꠤ ꠇꠞꠍꠂꠘ। ꠔꠦ ꠔꠥꠝꠤ ꠀꠝꠣꠞ ꠛꠣꠘ꠆ꠖꠤꠞ ꠇꠣꠍꠣꠔ ꠎꠣꠅ, ꠇꠤꠛꠣ ꠔꠣꠁꠞꠦ ꠖꠤꠀ ꠀꠝꠤ ꠀꠅꠟꠣꠖ ꠙꠣꠁꠟꠤꠔꠣꠝ ꠙꠣꠞꠤ।” ꠅꠃ ꠀꠛ꠆ꠞꠣꠝꠅ ꠍꠣꠞꠣꠞ ꠝꠣꠔꠦ ꠞꠣꠎꠤ ꠅꠁꠟꠣ। 3ꠇꠦꠘꠣꠘ ꠖꠦꠡꠅ ꠀꠛ꠆ꠞꠣꠝ ꠖꠡ ꠛꠞꠍ ꠞꠅꠀꠞ ꠛꠣꠖꠦ ꠍꠣꠞꠣꠄ ꠔꠣꠘ ꠝꠤꠡꠞꠤ ꠛꠣꠘ꠆ꠖꠤ ꠢꠣꠎꠦꠞꠣꠞꠦ ꠘꠤꠎꠞ ꠎꠣꠝꠣꠁ ꠀꠛ꠆ꠞꠣꠝꠞ ꠟꠉꠦ ꠛꠤꠀ ꠖꠤꠟꠣ। 4ꠛꠣꠖꠦ ꠀꠛ꠆ꠞꠣꠝ ꠀꠞ ꠢꠣꠎꠦꠞꠣ ꠄꠇꠈꠣꠘꠅ ꠞꠁꠟꠦ ꠔꠣꠁꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠁꠟ। ꠢꠣꠎꠦꠞꠣꠄ ꠎꠦꠛꠟꠣ ꠛꠥꠎꠟ ꠔꠣꠁꠞ ꠢꠥꠞꠥꠔ꠆ꠔꠣ ꠅꠁꠔꠣ ꠔꠦꠃ ꠔꠣꠁꠞ ꠝꠣꠟꠤꠇ ꠛꠤꠛꠤꠞ ꠛꠣꠄ ꠛꠠꠣꠁ ꠖꠦꠈꠣꠘꠤꠔ ꠟꠣꠉꠟ। 5ꠅꠃ ꠍꠣꠞꠣꠄ ꠀꠛ꠆ꠞꠣꠝꠞꠦ ꠇꠁꠟꠣ, “ꠀꠝꠣꠞ ꠛꠣꠄ ꠔꠣꠁꠞ ꠛꠦꠀꠖꠛꠤꠞ ꠟꠣꠉꠤ ꠔꠥꠝꠤꠃ ꠖꠣꠄꠁ। ꠀꠝꠣꠞ ꠁ ꠛꠣꠘ꠆ꠖꠤꠞꠦ ꠀꠝꠤꠃ ꠔꠥꠝꠣꠞ ꠛꠤꠍꠘꠣꠔ ꠔꠥꠟꠤꠀ ꠖꠤꠍꠟꠣꠝ, ꠀꠞ ꠅꠈꠘ ꠔꠣꠁꠞ ꠢꠥꠞꠥꠔ꠆ꠔꠣ ꠅꠁꠔꠣ ꠇꠞꠤ ꠀꠝꠣꠞꠦ ꠛꠠꠣꠁ ꠖꠦꠈꠣꠞ। ꠝꠣꠛꠥꠖꠦ ꠔꠥꠝꠣꠞ-ꠀꠝꠣꠞ ꠛꠤꠌꠣꠞ ꠇꠞꠃꠇ꠆ꠇꠣ।” 6ꠀꠛ꠆ꠞꠣꠝꠦ ꠍꠣꠞꠣꠞꠦ ꠇꠁꠟꠣ, “ꠖꠦꠈꠅ, ꠔꠥꠝꠣꠞ ꠛꠣꠘ꠆ꠖꠤ ꠔ ꠔꠥꠝꠣꠞ ꠀꠔꠅꠃ ꠀꠍꠦ। ꠔꠥꠝꠣꠞ ꠎꠦꠟꠣ ꠜꠣꠟꠣ ꠝꠘꠦ ꠇꠄ ꠅꠟꠣꠃ ꠇꠞꠅ।” ꠅꠃ ꠍꠣꠞꠣꠄ ꠢꠣꠎꠦꠞꠣꠞꠦ ꠅꠃꠟꠣ ꠖꠥꠈ ꠖꠤꠟꠣ, ꠖꠥꠈꠦ ꠔꠣꠁ ꠔꠣꠘ ꠉꠦꠍ ꠕꠣꠇꠤ ꠜꠣꠉꠤꠀ ꠉꠦꠟꠉꠤ।
7ꠙꠕꠅ ꠝꠞꠥꠜꠥꠝꠤꠞ ꠝꠣꠎꠦ ꠄꠇꠐꠣ ꠙꠣꠘꠤꠞ ꠁꠘ꠆ꠖꠣꠞꠣꠞ ꠇꠣꠍꠣꠔ ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠢꠣꠎꠦꠞꠣꠞꠦ ꠙꠣꠁꠟꠣ। ꠁ ꠁꠘ꠆ꠖꠣꠞꠣ ꠀꠍꠤꠟ ꠡꠥꠞ ꠘꠣꠝꠞ ꠎꠣꠉꠣꠔ ꠎꠣꠅꠀꠞ ꠙꠕꠅ। 8ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠅ ꠍꠣꠞꠣꠞ ꠛꠣꠘ꠆ꠖꠤ ꠢꠣꠎꠦꠞꠣ, ꠔꠥꠝꠤ ꠇꠁ ꠕꠣꠇꠤ ꠀꠁꠞꠣꠄ ꠀꠞ ꠇꠁ ꠎꠣꠁꠔꠣꠄ?” ꠢꠣꠎꠦꠞꠣꠄ ꠇꠁꠟ, “ꠀꠝꠤ ꠀꠝꠣꠞ ꠝꠣꠟꠤꠇ ꠛꠤꠛꠤ ꠍꠣꠞꠣꠞ ꠉꠦꠍ ꠕꠣꠇꠤ ꠜꠣꠉꠤꠀ ꠎꠣꠁꠞꠣꠝꠉꠤ।” 9ꠔꠦꠃ ꠝꠣꠛꠥꠖꠞ ꠚꠤꠞꠤꠡ꠆ꠔꠣꠄ ꠇꠁꠟꠣ, “ꠔꠥꠝꠣꠞ ꠝꠣꠟꠤꠇ ꠛꠤꠛꠤꠞ ꠉꠦꠍꠦ ꠚꠤꠞꠤꠀ ꠉꠤꠀ ꠇꠟ꠆ꠟꠣ ꠘꠥꠀꠁꠀ ꠢꠤꠞꠛꠣꠞ ꠔꠣꠘ ꠈꠦꠎꠝꠔꠅ ꠟꠣꠉꠅ।” 10ꠔꠣꠁꠘ ꠀꠞꠅ ꠇꠁꠟꠣ, “ꠀꠝꠤ ꠔꠥꠝꠣꠞ ꠅꠀꠞꠤꠡ ꠅꠃꠟꠣ ꠛꠣꠠꠣꠁ ꠖꠤꠝꠥ, ꠔꠣꠞꠣꠞꠦ ꠉꠘꠤꠀ ꠚꠥꠠꠣꠁꠔ ꠘꠣꠄ। 11ꠢꠥꠘꠅ, ꠔꠥꠝꠣꠞ ꠙꠦꠐꠅ ꠢꠥꠞꠥꠔ꠆ꠔꠣ ꠀꠍꠦ। ꠔꠥꠝꠣꠞ ꠄꠇ ꠙꠥꠀ ꠅꠁꠛ, ꠔꠣꠞ ꠘꠣꠝ ꠞꠣꠈꠤꠅ ꠁꠍꠝꠣꠁꠟ [ꠝꠣꠘꠤ, ꠀꠟ꠆ꠟꠣꠄ ꠢꠥꠘꠂꠘ], ꠇꠣꠞꠘ ꠝꠣꠛꠥꠖꠦ ꠔꠥꠝꠣꠞ ꠖꠥꠈ ꠢꠥꠘꠍꠂꠘ। 12ꠀꠞ ꠛꠠ ꠅꠁꠟꠦ ꠢꠦ ꠟꠣꠉꠣꠝ ꠍꠣꠠꠣ ꠊꠥꠠꠣꠞ ꠟꠣꠈꠣꠘ ꠅꠁꠛ। ꠢꠦ ꠢꠇ꠆ꠇꠟꠞ ꠛꠣꠄ ꠀꠔ ꠔꠥꠟꠛ, ꠀꠞ ꠢꠇ꠆ꠇꠟꠦ ꠔꠣꠞ ꠛꠣꠄ ꠀꠔ ꠔꠥꠟꠛꠣ। ꠜꠣꠁꠀꠁꠘ꠆ꠔꠞ ꠟꠉꠦ ꠢꠣꠝꠦꠡꠣ ꠔꠣꠞ ꠟꠣꠉ ꠕꠣꠇꠛ।” 13ꠀꠞ ꠢꠣꠎꠦꠞꠣꠞ ꠟꠉꠦ ꠝꠣꠛꠥꠖꠦ ꠝꠣꠔꠤꠟꠣ ꠇꠞꠤ, ꠔꠣꠁ ꠔꠣꠘ ꠘꠣꠝ ꠖꠤꠟ “ꠔꠥꠝꠤ ꠖꠦꠈꠣ ꠖꠦꠘꠦꠀꠟꠣ ꠀꠟ꠆ꠟꠣ”; ꠔꠣꠁ ꠇꠁꠟ, “ꠎꠦꠁꠘ ꠀꠝꠣꠞꠦ ꠖꠦꠈꠂꠘ, ꠀꠝꠤ ꠅꠘꠅꠃ ꠔꠣꠘꠞꠦ ꠖꠦꠈꠟꠣꠝ ꠘꠣꠄ ꠘꠤ?” 14ꠄꠞꠟꠣꠉꠤ ꠇꠣꠖꠦꠡ ꠀꠞ ꠛꠦꠞꠦꠖꠞ ꠝꠣꠎꠞ ꠢꠤ ꠇꠥꠀꠞ ꠘꠣꠝ ꠅꠁꠟ, ꠛꠦꠞ-ꠟꠢꠄ-ꠞꠥꠁ [ꠝꠣꠘꠤ, ꠎꠦꠁꠘ ꠎꠤꠘ꠆ꠖꠣ ꠀꠞ ꠀꠝꠣꠞꠦ ꠖꠦꠈꠞꠣ, ꠔꠣꠘ ꠇꠥꠀ]।
15ꠛꠣꠖꠦ ꠡꠝꠄ ꠀꠁꠟꠦ ꠢꠣꠎꠦꠞꠣꠞ ꠊꠞꠅ ꠄꠇ ꠙꠥꠀ ꠅꠁꠟ, ꠀꠛ꠆ꠞꠣꠝꠦ ꠅꠃ ꠙꠥꠀꠞ ꠘꠣꠝ ꠞꠣꠈꠟꠣ ꠁꠍꠝꠣꠁꠟ। 16ꠀꠛ꠆ꠞꠣꠝꠞ ꠛꠄꠅꠡ ꠎꠦꠛꠟꠣ ꠍꠤꠀꠡꠤ ꠛꠍꠞ ꠅꠁꠉꠦꠍꠦ, ꠅꠃ ꠡꠝꠄ ꠢꠣꠎꠦꠞꠣꠞ ꠊꠞꠅ ꠁꠍꠝꠣꠁꠟꠞ ꠎꠘꠝ ꠅꠁꠟ।
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Ahle Kitab Society. All rights reserved.