ꠔꠃꠞꠣꠔ ২: ꠢꠤꠎꠞꠔ 15:23-25

ꠛꠣꠖꠦ ꠔꠣꠞꠣ ꠝꠣꠞꠥꠀ ꠘꠣꠝꠞ ꠄꠇ ꠎꠣꠉꠣꠔ ꠀꠁꠟꠣ, ꠅꠁꠟꠦ ꠢꠤꠘꠞ ꠙꠣꠘꠤꠅ ꠈꠣꠁꠔꠣ ꠙꠣꠞꠟꠣ ꠘꠣ, ꠢꠤꠘꠞ ꠙꠣꠘꠤ ꠈꠥꠛ ꠔꠤꠔ꠆ꠔꠣ। ꠄꠞꠟꠣꠉꠤ ꠅꠃ ꠎꠣꠉꠣꠞ ꠘꠣꠝ ꠟꠣꠉꠟ ꠝꠣꠞꠥꠀ [ꠝꠣꠘꠤ, ꠔꠤꠔ꠆ꠔꠣ]। ꠀꠞ ꠝꠣꠘꠡꠦ ꠝꠥꠍꠣꠞ ꠛꠤꠞꠥꠖ꠆ꠖꠦ ꠇꠣꠘꠣ-ꠇꠣꠘꠤ ꠇꠞꠤ ꠇꠁꠟꠣ, “ꠀꠝꠞꠣ ꠅꠈꠘ ꠙꠣꠘꠤ ꠈꠣꠁꠔꠣꠝ ꠇꠤꠟꠣ?” ꠝꠥꠍꠣꠄ ꠝꠣꠛꠥꠖꠞ ꠉꠦꠍꠦ ꠚꠞꠤꠀꠖ ꠇꠞꠟꠣ, ꠝꠣꠛꠥꠖꠦ ꠔꠣꠘꠞꠦ ꠄꠉꠥ ꠉꠣꠍ ꠖꠦꠈꠣꠁ ꠖꠤꠟꠣ, ꠔꠣꠁꠘ ꠢꠃ ꠉꠣꠍꠞꠦ ꠘꠤꠀ ꠙꠣꠘꠤꠔ ꠚꠣꠟꠣꠁꠟꠣ, ꠀꠞ ꠙꠣꠘꠤ ꠝꠤꠑꠣ ꠅꠁꠉꠦꠟ। ꠝꠣꠛꠥꠖꠦ ꠢꠃ ꠎꠣꠉꠣꠔ ꠛꠘꠤ ꠁꠍꠞꠣꠁꠟꠞ ꠙꠞꠤꠇ꠆ꠇꠣ ꠟꠁꠟꠣ, ꠀꠞ ꠔꠣꠞꠣꠞ ꠟꠣꠉꠤ ꠘꠤꠅꠝ-ꠇꠣꠘꠥꠘ ꠛꠣꠔꠣꠁ ꠖꠤꠟꠣ।