Саалтыр 96
96
1 Айыы Тойон – Ыраахтааҕы! Үөрдүн-көттүн сир үрдэ;
аата-ахса биллибэт арыылар өрөгөйдөрө үрдээтин!
2Халыҥ былыт, им балай хараҥа Кинини тулалыыр;
Кини бүрүстүөлүн тирэҕэ – көнө дьүүл, кырдьыктаах быһыы.
3Кини иннигэр уот күлүбүрүү айанныыр,
тула өстөөхтөрүн түрүтэ салыыр.
4Кини чаҕылҕана аан дойдуну сандаардар;
сир, ону көрөн, титирэстээн ылар.
5Хайалар буоска курдук ууллаллар Айыы Тойон иннигэр,
сир бүттүүнүн Айыы Тойонун иннигэр.
6Халлааннар Кини кырдьыктаах быһыытын биллэрэллэр;
бары норуоттар Кини кэрэмэн килбиэнин көрөллөр.
7Саакка киирдилэр мас таҥараларга сүгүрүйээччилэр,
туһата суох эмэгэттэринэн киэн туттааччылар;
таҥаралар бука бары Кини иннигэр нөрүйэллэр.
8 Сион, ону истэн, үөрэр-көтөр,
Иуда куораттара өрөгөйдүүллэр –
Эн көнө дьүүлгүттэн, Айыы Таҥара!
9 Айыы Тойон, Эн бүтүн сир үрдүнэн тураҕын;
Эн бары таҥаралартан үрдүккүн.
10 Айыы Тойону таптааччылар, куһаҕаны абааһы көрүҥ;
Кини сибэтиэй дьонун олоҕун араҥаччылыыр,
кинилэри хара дьайдаахтар илиилэриттэн быыһыыр.
11Кырдьыгы тутуһааччыга сырдык сыдьаайар,
көнө сүрэхтээхтэргэ үөрүү үөскүүр.
12 Айыы Тойонтон үөрүҥ, кырдьыктаахтар,
махтаныҥ Кини сибэтиэй аатыгар!
Iliyochaguliwa sasa
Саалтыр 96: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022