Саалтыр 111
111
1Аллилуия.
Ким Айыы Тойонтон сүгүрүйэ толлор,
Кини кэриэстэрин күүскэ таптыыр, ол дьоллоох.
2Кини удьуора сиргэ күүстээх буолуоҕа,
көнө дьон сыдьаана алгыска тиксиэҕэ.
3Кини дьиэтэ-уота барҕара байыаҕа,
кырдьыктаах быһыыта үйэлэргэ барыаҕа.
4Кырдьыксыт киһиэхэ хараҥаҕа да сырдык тыгар,
кини үтүө санаалаах, амарах, кырдьыгынан сылдьар.
5Үтүө киһи бэринньэҥ илиилээх, иэс-күүс бэрсэр;
бары дьыалатын-куолутун көнөтүк оҥорор.
6Кырдьыксыт хаһан да тулхадыйыа суоҕа,
үйэлэр тухары умнуллуо суоҕа.
7Куһаҕан сурахтан кини дьулайыа суоҕа:
Айыы Тойоҥҥо эрэмньилээх буолан, сүрэҕэ бөҕөх.
8Кини санаата бигэ, онон дьиксиниэ суоҕа;
тиһэҕэр өстөөхтөрүн өрөгөйдүү көрүөҕэ.
9Кини дьэллэмник үллэрэр, дьадаҥыга бэрсэр;
кини кырдьыктаах быһыыта үйэлэргэ барыаҕа,
дириҥ ытыктабылга кини сылдьыаҕа.
10Нэгэй киһи, ону көрөн, таала кырыыланар;
кини тииһин хабырынар уонна суола суох сүтэр;
хара санаалаахтар баҕа санаалара туолуо суоҕа.
Iliyochaguliwa sasa
Саалтыр 111: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022