Саалтыр 109
109
1Давид псалома.
Айыы Тойон мин Тойоммор#109:1 Еврейдии тиэкискэ икки тус-туспа тыл туттуллубут: «Яхве» (Айыы Тойон) уонна «адони» (Тойонум). эппитэ:
«Өстөөхтөргүн, үктэл оҥостон олорор гына,
Эйиэхэ самнаран биэриэхпэр диэри,
Мин уҥа өттүбэр олор».
2 Айыы Тойон улуу былааһы эйиэхэ биэриэҕэ
Сион тас да өттүгэр.
Баһылык буол өстөөхтөрүҥ ортолоругар.
3Эн күүскүн көрдөрөр күҥҥэр
норуотуҥ бэлэм буолла
сибэтиэй килбиэн күөнүгэр.
Сарсыарда иһиттэн сиик түһэрин курдук
Эн төрөөбүтүҥ.
4 Айыы Тойон андаҕайан эппитэ,
Кини ону кэмсиниэ суоҕа:
«Эн Мелхиседек чыынынан
үйэлэр тухары Таҥара үлэһитэҕин».
5Айыы Тойон Эн уҥа өттүгэр сылдьар;
Кини уордайар күнүгэр ыраахтааҕылары самнарыа.
6Норуоттары дьүүлгэ туруоран,
кыргыс толоонун өлүгүнэн толоруо,
киэҥ сир баһылыктарын сууһарыа.
7Кини, айаннаан иһэн, үрүйэ уутуттан иһиэҕэ,
онон төбөтүн өрө көтөҕүөҕэ.
Iliyochaguliwa sasa
Саалтыр 109: СБК
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Институт перевода Библии, 2008-2022