ROMMI 1
1
1Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.
2Atsakiviuye Alhou no tungkupmi vechewo kha-ghino piqhipuache eno Akimthe yesulo yepua. 3Hiye paNu niMpeu Jisu Khristo ghili ke: Timi lhoaye kiqiloye paye David polo kughulomi lakhi, 4ikemu akimthe pa nguagha vechewo akithi lono xuchile puthuveno akuka akeu Alhou Nu kepi pephepiye. Khristo jelono ashiayeh kumtsu akupulu eno aghokulu lono saphe peniye, 5Pa vechewo Alhou no ningu pesu apostolmi shitsuke. 6Tiye Jisu Khristo wu shipeniye Alhou no kuluvekeqo gholo nongu Rom lo akeqo ghi kihikuqha ani.
7Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.
Shikimthi Kighini
8Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.
9Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni. 10Ino Alhou vilo pa pulou lono nongu xuju ighi kulupushi pelo pi khu acheni. 11Kughengu niye nongu lau aghungulo gho kusaje eno shikumto nike niye nongu ithulu nike khekulhoshi ani. 12Ike tiye akupulu lono ningu lakhino lakhi shikumtokile ani.
13Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani. #Aposto 19.21 14Kughengu niye timi kuxu ghola ithivekemi, ayekumthami, akighithimi eno mbomzumi kumtsu lau apih pu ani. 15Ikehu nongu Rom lo xuakeqo vilo ghi atsakiviu pesu pikulha nike niye khekulhoshi ani.
Atsakiviu Kuka
16Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike. 17Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.” #Haba 2.4
Timi Kumtsu Kuquve
18Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae. 19Alhou ghili kiu ithikepu ani keno tiye panoqo zulo mutsumishei ani, kughengu Alhou no tipau panongu piyevae. 20Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae. 21Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu. #Efesi 4.17-18 22Panonguye alokutsumi kepi pukha pulaghi mbomzumi shive cheni. 23Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni. #Zaki 4.16-18 24Tighenguno panonguno kuchhubekeu thime shinikeu mine chekeulo Alhou no panoqo ikhiphepe tsuva, eno lakhino lakhi sasu akukujopu ghushoghili shie. 25Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!
26Hipaqo ghenguno Alhou no panoqo pesu akukujopu ngosukumlalo ikhiphepe tsuvae. Totimi thotsu alhoayeh lono aphimpi peithachekeu hu akumou ghusho ghililo peithauve. 27Tihutoi, kiptimino alhoaye lono totimi sasu ashi-aji kuqhakeu qhive puzu alikhi akusami ghenguno pitipuza ngosumlave. Kiptimino-kiptimi sasu akukujopu ghushoghili shi eno panonguno kuqukeu ghime ithulu kepushi akeuhu pano phimpi lono ithulu cheni. 28Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni. 29Eno panonguye xesuxeni, kusakugha, alakimne eno aghichipokeu jeli no chhitoi ani. Panonguye anhekushu, ghikiqhi, kuqhu kidimokeu, pishikiqhi eno kinhekushuno chhitoi acheni. Panonguye kutami xishi cheni 30eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi, 31mbomzumi, kiu piqhikeno tipau papemo keqo, pukhubemlakeqo eno kimiyekeu kuhakeqoke. 32Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.
Iliyochaguliwa sasa
ROMMI 1: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
ROMMI 1
1
1Jisu Khristo qeu Paul ye Alhou tsakiviu pikulha penike apostolmi shi kuluve keuno yeh ani.
2Atsakiviuye Alhou no tungkupmi vechewo kha-ghino piqhipuache eno Akimthe yesulo yepua. 3Hiye paNu niMpeu Jisu Khristo ghili ke: Timi lhoaye kiqiloye paye David polo kughulomi lakhi, 4ikemu akimthe pa nguagha vechewo akithi lono xuchile puthuveno akuka akeu Alhou Nu kepi pephepiye. Khristo jelono ashiayeh kumtsu akupulu eno aghokulu lono saphe peniye, 5Pa vechewo Alhou no ningu pesu apostolmi shitsuke. 6Tiye Jisu Khristo wu shipeniye Alhou no kuluvekeqo gholo nongu Rom lo akeqo ghi kihikuqha ani.
7Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.
Shikimthi Kighini
8Atughushi nongu ghenguno Jisu Khristo vechewo iLhou shikimthi ani, kughengu ayeghiqha kumtsulo nongu kupulu ghili chilu ani.
9Kughengu ino pi akeuye Alhou no thopiu ke, ino inguagha pesu paNu tsakiviu pikulhatsu acheni, ike ino akighini shikelo tamono nongu kumsulu acheni. 10Ino Alhou vilo pa pulou lono nongu xuju ighi kulupushi pelo pi khu acheni. 11Kughengu niye nongu lau aghungulo gho kusaje eno shikumto nike niye nongu ithulu nike khekulhoshi ani. 12Ike tiye akupulu lono ningu lakhino lakhi shikumtokile ani.
13Athikuzumiqo, nongu pelo hi ithi penishi ani; ghuthu kutomo niye nongu putsa ighiniye kughu acheni, ikemu kiunokela pulhapuju ipelo tishimlano achenipeke. Ino Judakumomi mlo pekide tsuke toi nongu gholo ghi tishilu penishi ani. #Aposto 19.21 14Kughengu niye timi kuxu ghola ithivekemi, ayekumthami, akighithimi eno mbomzumi kumtsu lau apih pu ani. 15Ikehu nongu Rom lo xuakeqo vilo ghi atsakiviu pesu pikulha nike niye khekulhoshi ani.
Atsakiviu Kuka
16Kughengu niye atsakiviu pikulha nikeulo kujo moe, hino pulu aghikeqo kumtsu xalunikeu Alhou kukake, atughushi Judami lau eno tithiuno Judakumomi lau ghi ighike. 17Kughengu Alhou no kishi timi pesu pa lau achipiulo qhicheni keno tiye atsakiviu vechewo pephepiye puani: hiye abothu lono ashekha kutolo akupulu likhi vechewonoke. Kuchoyesulo ishi yepuani, “Amikuchomiye akupulu lono xulu nani.” #Haba 2.4
Timi Kumtsu Kuquve
18Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae. 19Alhou ghili kiu ithikepu ani keno tiye panoqo zulo mutsumishei ani, kughengu Alhou no tipau panongu piyevae. 20Alhou no ayeghiqha lhoke lono itehi kutolo pa alhoayeh ithumlano akeu, lhokta kuka eno pa alhoayeh kinikujo mutsumishei ithulu acheni. Alhou no mlape puakeu thime lono timino tipaqo juchholu acheni. Ike panonguye kiu jeku kivimu kuhavae. 21Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu. #Efesi 4.17-18 22Panonguye alokutsumi kepi pukha pulaghi mbomzumi shive cheni. 23Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni. #Zaki 4.16-18 24Tighenguno panonguno kuchhubekeu thime shinikeu mine chekeulo Alhou no panoqo ikhiphepe tsuva, eno lakhino lakhi sasu akukujopu ghushoghili shie. 25Panonguno Alhou ghili kuchou pesu akimiki kililuve. Panonguno Alhou zuqhulo pano kiu lhoqhi puanikeno tipaqo mlla huthue. Pulhapuju Alhou sheqhe akepuke, Amen!
26Hipaqo ghenguno Alhou no panoqo pesu akukujopu ngosukumlalo ikhiphepe tsuvae. Totimi thotsu alhoayeh lono aphimpi peithachekeu hu akumou ghusho ghililo peithauve. 27Tihutoi, kiptimino alhoaye lono totimi sasu ashi-aji kuqhakeu qhive puzu alikhi akusami ghenguno pitipuza ngosumlave. Kiptimino-kiptimi sasu akukujopu ghushoghili shi eno panonguno kuqukeu ghime ithulu kepushi akeuhu pano phimpi lono ithulu cheni. 28Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni. 29Eno panonguye xesuxeni, kusakugha, alakimne eno aghichipokeu jeli no chhitoi ani. Panonguye anhekushu, ghikiqhi, kuqhu kidimokeu, pishikiqhi eno kinhekushuno chhitoi acheni. Panonguye kutami xishi cheni 30eno timi thaighakemi. Panonguye Alhou kimthimi, eno timi phimokemi, aqhekuza akulakimi, kusakugha iqikiphemi, apu aza ghokulukumomi, 31mbomzumi, kiu piqhikeno tipau papemo keqo, pukhubemlakeqo eno kimiyekeu kuhakeqoke. 32Panonguye Alhou yezahlo timi khunono hikithipu shini keno pithive kuzupuepi ithi ikeghi panonguno hipau shikeu likhi kumono kutamino hipaqo shichekeulo ghi panongu mlo kiqishi acheni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.