NAHUM 3
3
1Ghiqhi, miki chekeu phughiye
puhaveni putsa,
sunhekishe eno xulepuwu kepu kinikulu
kumzapushi ani!
2Jiji hehakeu ghugha inilo!
kuluhono qhoqhoshikeu,
Khurshino qha-qhaqha pokeu,
khurkulu kokoshi poke!
3Khurshi shou kichemino hakutsutsu
azutakihi eno angu phuphuyi kulo!
Timi kumzapu pithikileve,
akithi kumono kishe kishe iku,
akithi kumo kihikhamla,
timino tipaqo shou kupuxa iku!
4Nineve asalhauye ghimeqhi ani.
Jukivi eno zupithiluveni keshi
lino ashiayehqo musuluve che
eno panoqo pesu aqemi kughulhove cheke.
5Aqokitikhi MPEU no pi,
“Ino nongu ghimeqhi nani, Nineve!
Ino nongu phimini xaluveno aphikumsavepe nani,
eno ashiayehqo pelono ithulupe nani,
okukujopu kumtsu ithulupe nani.
6Ino aphi kumqhupushi opeitha nani
eno kuchhube kepu pesu onha nani.
Timino akumsapu shi kutuxoxo pesu oju nani.
7Oithulukemi kumtsu athiu tsughu
ideve nani.
‘Nineve ye ixapinyi pesu ani!
Khuuno li kimiye nikeu ani kya?
Khuuno li mlo vepiqi tsunishi ani kya?’
ipi panonguno pinani.”
8Nineve, noye kiu lono Ijip phughitou Thebes nguno akiviu kya? Li ghi putukha ketoi li susho nike aghoki ake, Nayil ghokino li sushokepushike. 9Lino Sudan ngo Ijip shou ayehpeke eno li kukaye ashekha kuhano acheke; Libiya no li kusa-pau shiacheke. 10Ikeghi Thebes lo akemiqoye hale sawuveke. Alaghila hokichhe kumtsulo panoqo tianuli heqhi pithive tsuke. Pano gholo atoshi saphe chekemiye ayichhe kighino tshusawuve eno pano kughakulumino kuphaluveke.
11Nineve, noghi shomzu izuvulayikeulo ilove nani! Noghi noghumi launo posu wuveniye pukaputsa nani. 12Nowu aliwo qogheqo kumtsu khughuthibolo alothi ni-ile akeshive nani: asubo sukiniaye axathino vejoi abaxalo ikiqi iloke! 13Nowu ghushimiye totimi toike eno noghakhuye noghumi zulo sushokulupu kuhake. No liwo kikha khaduye amino pitileve nani. 14Lekepushi azu shophevelo eno noliwo qogheqo shikumtolo. Itatu mlakepushi anichepo qodalo; eno itatu-bo papashi kutolo! 15Nonguno kiu kiu shiaghi namu nonguye piti pithive momu aghushi lono pithiveni aphike. Tulhaquno axabo pughavetsu keshi nonguye jole puhave nani.
Nonguno tulhaqu toi kughukoke! 16Atsutsulo ayepu akeu nguno alau nonguno nowu alhikishimi kughukoke! Ikemu itehi panonguye tulhaqu no panoqo chishibo sukho pesu yewuve keshi chekhavae. 17Akumko tsalalo aki jibolo tulhaqu loji no ngoakeshi nowu kijemiqoye titoi anike. Ikemu kughono tsukinhe ipeghini keno tulhaqu ye yewuve cheni eno panoqo khilave cheni keno khunomu mthake.
18Asiriya lo akukatou, owu ahng qoye thivae eno owu kijemiqoye alhokupuju ghenguno zuauvae! Owu timiqoye naghutolo hapiye pighivae eno panoqo akilo saideghi tsuni kemi khuumu kuhae. 19Nono izapusu akeu shipivilu kepu kuhae eno oghuzakuye vimlavae. Okutsaleve keu sutsa chilukemi kumtsuno alokivi launo pano ukukhu ani. Nono ashekha kuha pughuqhi chekeu lono khualano polu kesha?
Iliyochaguliwa sasa
NAHUM 3: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
NAHUM 3
3
1Ghiqhi, miki chekeu phughiye
puhaveni putsa,
sunhekishe eno xulepuwu kepu kinikulu
kumzapushi ani!
2Jiji hehakeu ghugha inilo!
kuluhono qhoqhoshikeu,
Khurshino qha-qhaqha pokeu,
khurkulu kokoshi poke!
3Khurshi shou kichemino hakutsutsu
azutakihi eno angu phuphuyi kulo!
Timi kumzapu pithikileve,
akithi kumono kishe kishe iku,
akithi kumo kihikhamla,
timino tipaqo shou kupuxa iku!
4Nineve asalhauye ghimeqhi ani.
Jukivi eno zupithiluveni keshi
lino ashiayehqo musuluve che
eno panoqo pesu aqemi kughulhove cheke.
5Aqokitikhi MPEU no pi,
“Ino nongu ghimeqhi nani, Nineve!
Ino nongu phimini xaluveno aphikumsavepe nani,
eno ashiayehqo pelono ithulupe nani,
okukujopu kumtsu ithulupe nani.
6Ino aphi kumqhupushi opeitha nani
eno kuchhube kepu pesu onha nani.
Timino akumsapu shi kutuxoxo pesu oju nani.
7Oithulukemi kumtsu athiu tsughu
ideve nani.
‘Nineve ye ixapinyi pesu ani!
Khuuno li kimiye nikeu ani kya?
Khuuno li mlo vepiqi tsunishi ani kya?’
ipi panonguno pinani.”
8Nineve, noye kiu lono Ijip phughitou Thebes nguno akiviu kya? Li ghi putukha ketoi li susho nike aghoki ake, Nayil ghokino li sushokepushike. 9Lino Sudan ngo Ijip shou ayehpeke eno li kukaye ashekha kuhano acheke; Libiya no li kusa-pau shiacheke. 10Ikeghi Thebes lo akemiqoye hale sawuveke. Alaghila hokichhe kumtsulo panoqo tianuli heqhi pithive tsuke. Pano gholo atoshi saphe chekemiye ayichhe kighino tshusawuve eno pano kughakulumino kuphaluveke.
11Nineve, noghi shomzu izuvulayikeulo ilove nani! Noghi noghumi launo posu wuveniye pukaputsa nani. 12Nowu aliwo qogheqo kumtsu khughuthibolo alothi ni-ile akeshive nani: asubo sukiniaye axathino vejoi abaxalo ikiqi iloke! 13Nowu ghushimiye totimi toike eno noghakhuye noghumi zulo sushokulupu kuhake. No liwo kikha khaduye amino pitileve nani. 14Lekepushi azu shophevelo eno noliwo qogheqo shikumtolo. Itatu mlakepushi anichepo qodalo; eno itatu-bo papashi kutolo! 15Nonguno kiu kiu shiaghi namu nonguye piti pithive momu aghushi lono pithiveni aphike. Tulhaquno axabo pughavetsu keshi nonguye jole puhave nani.
Nonguno tulhaqu toi kughukoke! 16Atsutsulo ayepu akeu nguno alau nonguno nowu alhikishimi kughukoke! Ikemu itehi panonguye tulhaqu no panoqo chishibo sukho pesu yewuve keshi chekhavae. 17Akumko tsalalo aki jibolo tulhaqu loji no ngoakeshi nowu kijemiqoye titoi anike. Ikemu kughono tsukinhe ipeghini keno tulhaqu ye yewuve cheni eno panoqo khilave cheni keno khunomu mthake.
18Asiriya lo akukatou, owu ahng qoye thivae eno owu kijemiqoye alhokupuju ghenguno zuauvae! Owu timiqoye naghutolo hapiye pighivae eno panoqo akilo saideghi tsuni kemi khuumu kuhae. 19Nono izapusu akeu shipivilu kepu kuhae eno oghuzakuye vimlavae. Okutsaleve keu sutsa chilukemi kumtsuno alokivi launo pano ukukhu ani. Nono ashekha kuha pughuqhi chekeu lono khualano polu kesha?
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.