MATHI 18
18
Khuno Kumtsu nguno Akijeu
(Mk 9.33-37; Lk 9.46-48)
1Tipa tuqhudolo akhopemi qono Jisu lau ighi puzu ishi iniju, “Kungugha yehkipe qholoye khuno akijeu kya?” #Lk 22.24 2Jisu no itimi lakhi kusawo panoqo mtalo qhino 3pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani. #Mk 10.15; Lk 18.17 4Timi khuno pa likhi pa pesu aqhokigheu shipuzu itimi hipau toi shiluve nikeno. Kungugha yehkipelo timi tipauno kumtsu nguno akijeuke. 5Timi khunono ije lono itimi hitoi kemi ikhiluni keno ni ikhilu anike.”
Axine Shivepeniye Pejukeu
(Mk 9.42-48; Lk 17.1-2)
6“Timi khuuno hi ipulu akemi kititiqo lakhi pelomu ilauno kupuxakuluve nikeno, pa ghenguye athi kutsughu tuqu aku-olo tshuqhipu puzu azughi kutho lono putsuqhive pekeu pavie. 7Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!
8“O-u momu opukhuno opelo axinelo ghukesawupe aghi aye, ti michevelo eno pevelo. Oghenguno apukhu momu a-u xapusu alhomilo vesuvepeni kepuye apukhu lakhi momu a-u lakhi kuhano akuxupulo ilokeu pavie. #Mt 5.30 9Onhethino opelo axinelo ghukesawupe aghi aye, tilejo pesu pevelo. Oghenguno anhethi kini kujo xapusu amino aghimetsukeu a-lo vesuve peni kepuye anhethi lakhi likhi pusu akuxupulo ilokeu pavie. #5.29
Bheri puhavekeu
(Lk 15.3-7)
10“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike. 11[Kughengu ni Timi Nuye puhavekeqo xalu nike ighie.] “ #Lk 19.10
12Nonguye kiu kumsupu ani kya? Timi lakhino bheri 100 ani kelo tipaqo gholo lakhi kauve aghi aye, paye lhotoku toku hu atolo achu kumza puaghi puzu lakhi kauvekeu hu phuwumoni kesha? 13Pano ti phulu aye, kuchouno ino nongu vilo pini, paye bheri lhotoku toku puhamono akeqo nguno alau hi bheri lakhi shou alokivi shikeu ananie. 14Tihutoi kungughalo akeu nongu paPuh ye hipaqo kititi gholo lakhimu puhave penishimoe.
Athikuzumi Axine Shiaghiaye
15“Othikuzuuno oshou axine shiaye, wupuzu pa vilo pa kipimi pilo. Ike tiye okujo dolono lomo shi kuptsaluvelo. Pano otsa initsu aye, noye othikuzuu zuluvae. #Lk 17.3 16Ikemu pano otsa initsumo aye, ogholo timi lakhia kinia, sawulo, tishi anguno mikini momu mikuthuno thopi shino ashepe shikeu vechewo atsakughapu kumtsu xatha kepue. #Zaki 19.15 17Pano tipaqo tsa initsumo aye akukuhou vilo hi pilo. Pano akukuhou ghi phimove aye, paye ayehkumthami momu asuqha kuqhami lakhi toi pa peithalo.”
Tsughakeu eno Kuqhokeu
18“Kuchouno ino nongu vilo pini, nonguno ayeghilo kiu tsughani keno kungughalo ghi tsugha nani eno nonguno ayeghilo kiu kuqhoni keno kungughalo ghi kuqhove nani. #Mt 16.19; Jn 20.23 19Tinguno alau ino nongu vilo hi pini, kugho kughomu ayeghilo nonguno avehu kiuala ghenguno inikhu akeulo nongu gholo mikini nomu kumtsa kuqhalu aye, nonguye iPuh kungughalo akeu launo ti ithulu nani. 20Kughengu ije lono khilehi mikini momu mikuthu kumqoni keno niye tilehi panoqo gholo anie.”
Kutami Kipimi Pevetsumlakeu
21Tile Pitor no Jisu lau ighi puzu ishi iniju, “Ampeu, ithikuzumi lakhiye ishou ghuthu khije axine shilu nani, eno niye ghuthu khije pa kipimi pevetsu kepu kya? Ghuthu tsuni keo?” 22Jisu no pa vilo ishi khochile, “Niye ovilo ghuthu tsuni kutolo ipi moe, ikemu, lhotsuni no ghuthu tsuni kutolo pike thono.” #Lk 17.3-4
23Tighenguno Kungugha yehkipeye kukami lakhino pa qemiqono hekutsukiyi keu kihikulayiju keu hutoike. 24Kughou pano kihikulayithu keno, aqeu lakhiye ghuka 10,000 shou papi puake timi tipauno akusau lau saghi. 25Timi tipauno papi lomla kehu, pano api puakeu mipeuno pa vilo ishi ahza tsu, Api love kepushi no ngo onipu, onuli eno nono aghikeu kumtsu jevelo. 26Ikelo aqeu huno pa mipeu zulo qhoqhunhepe puzu pa qhuiniju ghi ishi pi, “Ampeu, nighi olo khave nanike, kimiyeno kutu-utsu aghilo!” 27Ampeu no tipau aqeu hu kimiyeqhiyive puzu papi qhi khavetsuno pa phepuwuve.
28“Ikemu aqeu tipauye wuve puzu pa kusami aqemi lakhino ghuka 500 a pa tsukepushi akeu sasu kusholukelo tipau ku-o lono tsuquqhi puzu ishipi, ‘Nono tsukepushi akeu tsuvelo.’ 29Pa kusami aqeu huno itsaqino pa qhuiniju pi, ‘Ino olochileve nanike ilau kutu-utsu aghilo!’ 30Ikemu pano tishimla piveno wupuzu pa kusami aqeu hu api lovemoke kutolo akughukilo khathave. 31Hipaqo kiu shivekeno pa kusami aqemiqono ithulu puzu panonguye shishe amlo shimoveno panonguno panoqo mipeu lau wupuzu kumtsu kishivekela pive. 32Tileno pa mipeu no aqeu hu ku-saghipe eno pa vilo ishipi, ‘Noye kusakughami aqeu kena! Nono iqhuiniju auveke ghenguno nono ipi- agha puakeu kumtsu qhi khavetsuke. 33Ino okimiyeqhiyi kehu toi, noghi okusami aqemi shou kimiyeqhiyi keu akepuke.’ 34Pa mipeu ye axuideve puzu aqeu huno pa pi kumtsu lokhamoke kutolo pa pesu akughukilo aghime tsupenike puwuve.” 35Jisu no kishekhave ghi ishipi, “Nongu mlo lono nongu thikuzumi kipimi pevetsumo aye, iPuh kungughalo akeu ghi nongu lakhikhi shou hitoi peitha nani.”
Iliyochaguliwa sasa
MATHI 18: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
MATHI 18
18
Khuno Kumtsu nguno Akijeu
(Mk 9.33-37; Lk 9.46-48)
1Tipa tuqhudolo akhopemi qono Jisu lau ighi puzu ishi iniju, “Kungugha yehkipe qholoye khuno akijeu kya?” #Lk 22.24 2Jisu no itimi lakhi kusawo panoqo mtalo qhino 3pano ishi pi: “Kuchouno ino nongu vilo pini, nonguno akuxu kililu puzu itimi hutoi shilumoke thaqhuloye nonguye Kungugha yehkipe qholo ilomla nani. #Mk 10.15; Lk 18.17 4Timi khuno pa likhi pa pesu aqhokigheu shipuzu itimi hipau toi shiluve nikeno. Kungugha yehkipelo timi tipauno kumtsu nguno akijeuke. 5Timi khunono ije lono itimi hitoi kemi ikhiluni keno ni ikhilu anike.”
Axine Shivepeniye Pejukeu
(Mk 9.42-48; Lk 17.1-2)
6“Timi khuuno hi ipulu akemi kititiqo lakhi pelomu ilauno kupuxakuluve nikeno, pa ghenguye athi kutsughu tuqu aku-olo tshuqhipu puzu azughi kutho lono putsuqhive pekeu pavie. 7Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!
8“O-u momu opukhuno opelo axinelo ghukesawupe aghi aye, ti michevelo eno pevelo. Oghenguno apukhu momu a-u xapusu alhomilo vesuvepeni kepuye apukhu lakhi momu a-u lakhi kuhano akuxupulo ilokeu pavie. #Mt 5.30 9Onhethino opelo axinelo ghukesawupe aghi aye, tilejo pesu pevelo. Oghenguno anhethi kini kujo xapusu amino aghimetsukeu a-lo vesuve peni kepuye anhethi lakhi likhi pusu akuxupulo ilokeu pavie. #5.29
Bheri puhavekeu
(Lk 15.3-7)
10“Nonguye muthamini hipaqo kititi gholo lakhimu jukunatha kepu kumoe, kughengu ino nongu vilo pini, kungughalo panongu wu kungumiye iPuh kungughalo akeu zulo pulhapuju achenike. 11[Kughengu ni Timi Nuye puhavekeqo xalu nike ighie.] “ #Lk 19.10
12Nonguye kiu kumsupu ani kya? Timi lakhino bheri 100 ani kelo tipaqo gholo lakhi kauve aghi aye, paye lhotoku toku hu atolo achu kumza puaghi puzu lakhi kauvekeu hu phuwumoni kesha? 13Pano ti phulu aye, kuchouno ino nongu vilo pini, paye bheri lhotoku toku puhamono akeqo nguno alau hi bheri lakhi shou alokivi shikeu ananie. 14Tihutoi kungughalo akeu nongu paPuh ye hipaqo kititi gholo lakhimu puhave penishimoe.
Athikuzumi Axine Shiaghiaye
15“Othikuzuuno oshou axine shiaye, wupuzu pa vilo pa kipimi pilo. Ike tiye okujo dolono lomo shi kuptsaluvelo. Pano otsa initsu aye, noye othikuzuu zuluvae. #Lk 17.3 16Ikemu pano otsa initsumo aye, ogholo timi lakhia kinia, sawulo, tishi anguno mikini momu mikuthuno thopi shino ashepe shikeu vechewo atsakughapu kumtsu xatha kepue. #Zaki 19.15 17Pano tipaqo tsa initsumo aye akukuhou vilo hi pilo. Pano akukuhou ghi phimove aye, paye ayehkumthami momu asuqha kuqhami lakhi toi pa peithalo.”
Tsughakeu eno Kuqhokeu
18“Kuchouno ino nongu vilo pini, nonguno ayeghilo kiu tsughani keno kungughalo ghi tsugha nani eno nonguno ayeghilo kiu kuqhoni keno kungughalo ghi kuqhove nani. #Mt 16.19; Jn 20.23 19Tinguno alau ino nongu vilo hi pini, kugho kughomu ayeghilo nonguno avehu kiuala ghenguno inikhu akeulo nongu gholo mikini nomu kumtsa kuqhalu aye, nonguye iPuh kungughalo akeu launo ti ithulu nani. 20Kughengu ije lono khilehi mikini momu mikuthu kumqoni keno niye tilehi panoqo gholo anie.”
Kutami Kipimi Pevetsumlakeu
21Tile Pitor no Jisu lau ighi puzu ishi iniju, “Ampeu, ithikuzumi lakhiye ishou ghuthu khije axine shilu nani, eno niye ghuthu khije pa kipimi pevetsu kepu kya? Ghuthu tsuni keo?” 22Jisu no pa vilo ishi khochile, “Niye ovilo ghuthu tsuni kutolo ipi moe, ikemu, lhotsuni no ghuthu tsuni kutolo pike thono.” #Lk 17.3-4
23Tighenguno Kungugha yehkipeye kukami lakhino pa qemiqono hekutsukiyi keu kihikulayiju keu hutoike. 24Kughou pano kihikulayithu keno, aqeu lakhiye ghuka 10,000 shou papi puake timi tipauno akusau lau saghi. 25Timi tipauno papi lomla kehu, pano api puakeu mipeuno pa vilo ishi ahza tsu, Api love kepushi no ngo onipu, onuli eno nono aghikeu kumtsu jevelo. 26Ikelo aqeu huno pa mipeu zulo qhoqhunhepe puzu pa qhuiniju ghi ishi pi, “Ampeu, nighi olo khave nanike, kimiyeno kutu-utsu aghilo!” 27Ampeu no tipau aqeu hu kimiyeqhiyive puzu papi qhi khavetsuno pa phepuwuve.
28“Ikemu aqeu tipauye wuve puzu pa kusami aqemi lakhino ghuka 500 a pa tsukepushi akeu sasu kusholukelo tipau ku-o lono tsuquqhi puzu ishipi, ‘Nono tsukepushi akeu tsuvelo.’ 29Pa kusami aqeu huno itsaqino pa qhuiniju pi, ‘Ino olochileve nanike ilau kutu-utsu aghilo!’ 30Ikemu pano tishimla piveno wupuzu pa kusami aqeu hu api lovemoke kutolo akughukilo khathave. 31Hipaqo kiu shivekeno pa kusami aqemiqono ithulu puzu panonguye shishe amlo shimoveno panonguno panoqo mipeu lau wupuzu kumtsu kishivekela pive. 32Tileno pa mipeu no aqeu hu ku-saghipe eno pa vilo ishipi, ‘Noye kusakughami aqeu kena! Nono iqhuiniju auveke ghenguno nono ipi- agha puakeu kumtsu qhi khavetsuke. 33Ino okimiyeqhiyi kehu toi, noghi okusami aqemi shou kimiyeqhiyi keu akepuke.’ 34Pa mipeu ye axuideve puzu aqeu huno pa pi kumtsu lokhamoke kutolo pa pesu akughukilo aghime tsupenike puwuve.” 35Jisu no kishekhave ghi ishipi, “Nongu mlo lono nongu thikuzumi kipimi pevetsumo aye, iPuh kungughalo akeu ghi nongu lakhikhi shou hitoi peitha nani.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.