APOSTOLMI 24
24
Judami no Paul Nguku
1Ike atsala pungu thiu achinetou Anania no achineyeh lo muchomi khami eno atsapeu Tertullo ipikeu ishi sasu Kaisaria lo ipiqi. Panonguno ahng Feliks zulo wupuzu Paul shou kiu kughakepu akeno tipautsu. 2Tertullo kukelo pano hitoi shi-ghi Paul ngukuthu:
“Akijeu akiqheu Feliks owu sakiphe kivi vechewono ninguye shishe alokughuno shilu anipeke, eno nighakhumi kivipushi shikithe kepushi akeqo sawo sutsue. 3Ninguye hikithipu aqha kumtsulo eno ado kumtsulo khelho ake, ikehu ninguye hi ghenguno ighono oshikimthi ani. 4Itehi odo kutomo pevetsumoni keghenguno avehu ikhonheikeu lakhi nono kimiyeno initsunimapi ino oqhuiniju ani. 5Ninguno ithulukeuno timi hipauye xukidechekemi lakhi eno ayeghiqhalo Judami kumtsu dolo kidichekemie, Nazariomi muqo gholo sakipheu shichekemi lakhike. 6Pano Achineki thotsu shikuchhubeni aye pukaputsa, ikemu ninguno tsuqu luveke. [Ninguno niyezah kiqi lono pa shou kughathaveni cheke, 7ikemu zahtsuu Lusia no chhosu iloghive eno shishe angukashi ningu launo pa sawuveke. 8Ipuzu zahtsuu Lusia no ahza tsukeuno pa ngukuakeqo pelo ozulo ighi lopike.] Nono timi hipau vilo inijukide kudaju aye, ninguno pa nguku akeu kumtsu olikhi no ampino pa launo ithi nani. 9Judamiqo ghi Tertullo gholo kuqhaghi hi ngukukeu tsa pikeu kumtsu kuchou kepi pi.”
Paul no Feliks zulo Shokha
10-11Kughou ahng no Paul vilo pijulo pi pa kiche keno, Paul no ishi pi: “Nono ampe kushuwa ashiayeh hipau shou kughakuthau shi ache keu ithi puzu, niye alokivishi ishokha keu shi ani. Mutsuqheino pi ani kemo keno nono phulu nanike, hi atsala chighi kinia shi aphike niye Alhou mllaniye Jerusalem lo iqhoe. Achinekilo na, Sinagog lo na, momu aphughilo namu 12ino kutami sasu muto aghi keu momu timiqo xukutho aghikeu Judamiqoye khilemu ithulupe puamo. 13Panonguno ishou ngukube akeu lakhimu ovilo tikepi thebei shi pimla nani. 14Ikemu ino hi shichekeu pini: Panonguno akumouke pichekeu Laghi hu ino pula puzu ningu puasu Lhou mlla cheni, eno Muse no sughikeu yezahlo ngo tungkupmi kakuqolo yepuakeu kumtsu nighi pulu acheni. 15Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani. 16Ike Alhou zulo eno timi zulo ilolo mutsumishei kimchikulupu akeu lono pulhapuju pukaputsa ilikhi iqophe acheni.
17“Ampe kuthu bidi a-a kutau cheche puzu, kutamino kumsagho tsukeu suwo ni timiqo tsu eno akumllagho pesu mlla ishini aye Jerusalem lo wu. 18Ino tishi akelo, Achinekilo ishikimtheve ake lono panonguno iphulu. Tilehi timi aqokitikhi mu kuha momu mutomushukeu mu kuhae. #Aposto 21.17-18 19Ikemu Asia qhalono ighikemi Judami khami tile ae, le panongu ampino hile ozulo aghikepushi ae eno ishou kiuala aghi aye ngukubeju kepushi ake. 20Momu timi hipaqo pelo kughou ino Judami Hoho zulo puthugho keno kiu lhoksa shipimi puaghikeu panonguno nithulu keno piju pelo. 21Panongu gholo puthughokelo ino asheshu pikeuye hilikhi: ‘Ishi tsalalo nongu zulo ishou kughatha akeuye kithimiye akuxupu shi xuputhuve nanie pi pulukeu ghenguno ke.’ ” #Aposto 23.6
22Ikelo, Feliks ye Alaghi vehu tsaqu-tsaleyi ithi akehu panoqo vilo ishi pi, “Kughono zahtsuu Lusia no iqighini keno tileno ino nongu tsakugha xatha tsuni,” ipi puzu atsa initsu akeu hu tukiqhepe qhive. 23Tishieno Feliks no ghushimi 100 shou akijeu vilo Paul kheu kutope qhitsulo pi, eno tishimu Paul lakhamo puzu pano kiu shini keno shilupe eno pawu shompami pelo pano kiu avehupu shi aghini keno sughitsu ishi pelo pive.
Paul no Feliks ngo Drusilla pama sasu Kusho
24Ghulo kini kuthu-a thiu Feliks ngo pa nipu Drusilla pama ighi, liye Judami. Feliks no Paul ku-saghipe eno pano Jisu Khristo lau akupulu akeu pesu pi akelo Feliks ye initsuae. 25Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.” 26Tishi pulaghi, Feliks ye Paul no pisa pesu kulugho shi pa tsunimalaye laju ae. Ikehu ghuthu kutomo Paul kupuwu che eno pa sasu kuptsache. 27Ikemu ampe kini wove kethiu Porkio Festa no Feliks zuqhulo ighive; eno Judamiqo lopu shitsunishi kelauno Feliks no Paul pesu akughushipe qhive.
Iliyochaguliwa sasa
APOSTOLMI 24: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
APOSTOLMI 24
24
Judami no Paul Nguku
1Ike atsala pungu thiu achinetou Anania no achineyeh lo muchomi khami eno atsapeu Tertullo ipikeu ishi sasu Kaisaria lo ipiqi. Panonguno ahng Feliks zulo wupuzu Paul shou kiu kughakepu akeno tipautsu. 2Tertullo kukelo pano hitoi shi-ghi Paul ngukuthu:
“Akijeu akiqheu Feliks owu sakiphe kivi vechewono ninguye shishe alokughuno shilu anipeke, eno nighakhumi kivipushi shikithe kepushi akeqo sawo sutsue. 3Ninguye hikithipu aqha kumtsulo eno ado kumtsulo khelho ake, ikehu ninguye hi ghenguno ighono oshikimthi ani. 4Itehi odo kutomo pevetsumoni keghenguno avehu ikhonheikeu lakhi nono kimiyeno initsunimapi ino oqhuiniju ani. 5Ninguno ithulukeuno timi hipauye xukidechekemi lakhi eno ayeghiqhalo Judami kumtsu dolo kidichekemie, Nazariomi muqo gholo sakipheu shichekemi lakhike. 6Pano Achineki thotsu shikuchhubeni aye pukaputsa, ikemu ninguno tsuqu luveke. [Ninguno niyezah kiqi lono pa shou kughathaveni cheke, 7ikemu zahtsuu Lusia no chhosu iloghive eno shishe angukashi ningu launo pa sawuveke. 8Ipuzu zahtsuu Lusia no ahza tsukeuno pa ngukuakeqo pelo ozulo ighi lopike.] Nono timi hipau vilo inijukide kudaju aye, ninguno pa nguku akeu kumtsu olikhi no ampino pa launo ithi nani. 9Judamiqo ghi Tertullo gholo kuqhaghi hi ngukukeu tsa pikeu kumtsu kuchou kepi pi.”
Paul no Feliks zulo Shokha
10-11Kughou ahng no Paul vilo pijulo pi pa kiche keno, Paul no ishi pi: “Nono ampe kushuwa ashiayeh hipau shou kughakuthau shi ache keu ithi puzu, niye alokivishi ishokha keu shi ani. Mutsuqheino pi ani kemo keno nono phulu nanike, hi atsala chighi kinia shi aphike niye Alhou mllaniye Jerusalem lo iqhoe. Achinekilo na, Sinagog lo na, momu aphughilo namu 12ino kutami sasu muto aghi keu momu timiqo xukutho aghikeu Judamiqoye khilemu ithulupe puamo. 13Panonguno ishou ngukube akeu lakhimu ovilo tikepi thebei shi pimla nani. 14Ikemu ino hi shichekeu pini: Panonguno akumouke pichekeu Laghi hu ino pula puzu ningu puasu Lhou mlla cheni, eno Muse no sughikeu yezahlo ngo tungkupmi kakuqolo yepuakeu kumtsu nighi pulu acheni. 15Ino Alhou eno timi zulo kivikusa michikulu acheni, ike tiye timi kivikusami kinikujo akithi lono xuputhuve nani. 16Ike Alhou zulo eno timi zulo ilolo mutsumishei kimchikulupu akeu lono pulhapuju pukaputsa ilikhi iqophe acheni.
17“Ampe kuthu bidi a-a kutau cheche puzu, kutamino kumsagho tsukeu suwo ni timiqo tsu eno akumllagho pesu mlla ishini aye Jerusalem lo wu. 18Ino tishi akelo, Achinekilo ishikimtheve ake lono panonguno iphulu. Tilehi timi aqokitikhi mu kuha momu mutomushukeu mu kuhae. #Aposto 21.17-18 19Ikemu Asia qhalono ighikemi Judami khami tile ae, le panongu ampino hile ozulo aghikepushi ae eno ishou kiuala aghi aye ngukubeju kepushi ake. 20Momu timi hipaqo pelo kughou ino Judami Hoho zulo puthugho keno kiu lhoksa shipimi puaghikeu panonguno nithulu keno piju pelo. 21Panongu gholo puthughokelo ino asheshu pikeuye hilikhi: ‘Ishi tsalalo nongu zulo ishou kughatha akeuye kithimiye akuxupu shi xuputhuve nanie pi pulukeu ghenguno ke.’ ” #Aposto 23.6
22Ikelo, Feliks ye Alaghi vehu tsaqu-tsaleyi ithi akehu panoqo vilo ishi pi, “Kughono zahtsuu Lusia no iqighini keno tileno ino nongu tsakugha xatha tsuni,” ipi puzu atsa initsu akeu hu tukiqhepe qhive. 23Tishieno Feliks no ghushimi 100 shou akijeu vilo Paul kheu kutope qhitsulo pi, eno tishimu Paul lakhamo puzu pano kiu shini keno shilupe eno pawu shompami pelo pano kiu avehupu shi aghini keno sughitsu ishi pelo pive.
Paul no Feliks ngo Drusilla pama sasu Kusho
24Ghulo kini kuthu-a thiu Feliks ngo pa nipu Drusilla pama ighi, liye Judami. Feliks no Paul ku-saghipe eno pano Jisu Khristo lau akupulu akeu pesu pi akelo Feliks ye initsuae. 25Kughou Paul no amikucho, kikhikighi, eno kughakutha tsala ighinikeu vehu apasu shi lhewo keno Feliks ye thughuyive eno Paul vilo pi, “Itehiye palokutove aghilo, kughono adokivi ithuluni keno ino okupuwuni.” 26Tishi pulaghi, Feliks ye Paul no pisa pesu kulugho shi pa tsunimalaye laju ae. Ikehu ghuthu kutomo Paul kupuwu che eno pa sasu kuptsache. 27Ikemu ampe kini wove kethiu Porkio Festa no Feliks zuqhulo ighive; eno Judamiqo lopu shitsunishi kelauno Feliks no Paul pesu akughushipe qhive.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.