APOSTOLMI 11
11
Pitor no Jerusalem Kukuhou lau Pitsu
1Judia qha kumtsulo apostolmi ngo athikuzumi akeqono Judakumomi ghi Alhou tsa ikhiluvae pikeu chilu. 2Kughou Pitor no Jerusalem lo iqhoghi keno,Judakumomi ghi aphighu yiko ghave penikeuno pulochekeqono pa pipusaghi pi. 3“Noye kushiye aphighu yiko ghamokemi Judakumomi lau wuno panoqo gholo chusho kya?” 4Ike Pitor no panoqo vilo abo-akeshi lhepe pi:
5“Niye Jopa lo akighini shiae, eno kungunhetsu lakhi ithulu. Ayephu toike kiukela kije lakhi ashe bidilono kunguuno kughuju piqi cheghikeu ino ithulu, eno tiye iphivilo iqighie. 6Tsaqu-tsaleyi jukelauye apukhu bidi kupu lhoxu, tughashi, itikiche lhoxu eno aghau ishi ino ithulue. 7Tile asutsa lakhi iputsakeu ino chilu, ‘Pitor, ithulo, hi heqhino chulo.’ 8Ikemu ino pi, ‘Tishimla thono, Ampeu! Kitiqevekeu momu mithekumo chuqupu ikichilo sumphie.’ 9Ikemu asutsa huno itaghi kunguuno pi, ‘Alhou no kiu shikimtheveakeno kitiqevaepi noye pikepu kumoe.’ 10Ghuthu kuthu hitoi shi, eno ashekhalo thime kumtsu atsutsulo sunhe chile saikuve. 11Tipa mtsa timi mikuthu, khunoqo ikuwu peniye Kaisaria lono puwu keno ino ngo akeu kilo ighi aghi. 12Ike kiumu kunacho kevino panoqo gholo wulo pi Aghungu no ivilo pie. Jopa lono athikuzumi hipano tsugho ghi igholo Kaisaria lo wu, eno ningu kumtsu Kornelia kilo wuke. 13Pano ningu vilo pikeuno, kungumi lakhino pa kilo puthugho aghikeu ithuluepi eno pa vilo ishi piepi, ‘Jopa lo timi puwuno Pitor ipichekeu Simon hu kuwu pelo, 14eno no ngo abolomi kumtsu kishi xalukepu keno pano atsa ovilo pitsu nani.’ 15Ike ino atsa pithu kethiu Aghungu Kimthe no panoqo shou iqighie, inahuu ningu shou ighikeu hutoike. 16Ampeu no kiu pipuakeno tileno ishi ino kumsuchilelu, ‘Johan no azu pesu baptiz shitsue; ikemu Aghungu Kimthe pesu nongu baptiz shitsu nani.’ #Aposto 1.5 17Ampeu Jisu Khristo pululukeulo ningu tsukeu toi, Alhou no agho aphiphi pesu panoqo tsukeulo ni khukeno ino Alhou hachilekulupu kya!”
18Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”
Antiok lo Akukuhou
19Ike Stifan pithilukeu lono shikighimekeu huthuve kehu kupulumiqoye apanagha Fonika ngo Kupra ngo Antiok kutolo wu khave; eno panonguno asutsakivi hu Judami vilo likhi piwo. #Aposto 8.1-4 20Ikemu panongu gholo khamiye Kuprami eno Kuriniami kehu panoqono Antiok tokelo Ampeu Jisu wu atsa kiviu hu pesu Grikmi vilo ghi asheshu tsu. 21Ampeu kuka panoqo gholo ae; eno timi kutomono pululu puzu Ampeu lau xaide ighiluve. 22Hipau sutsa Jerusalem lo akukuhou tove ikehu panonguno Antiok lo Barnaba puwu. 23Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto. 24Barnaba ye timi kivi, Aghungu Kimthe eno akupuluno chhitoi kemie. Timi aqo kutomo Ampeu lawumi shilupeke. 25Tishino paye Tarsus lo Saul phuniye wuve. 26Pano pa phulu kelo pa sasu Antiok lo ighi. Ampe lakhi kupuju pamano akukuhomi sasu kushokumtsa eno timi aqo kije shikache. Ike ti kutsuluvekemiqo pesu Khristomi ipi Antiok lono kutughiu shie.
27Tipa ghulokilo tungkupmi khami Jerusalem lono Antiok lo ighi. 28Panoqo gholo Agaba ipikeuno puthugho puzu Aghungu kuka vechewo ighinike ghili pikeuno ayeghiqha kumtsu shou puqumiye keu lakhi kije cheniepi. Klaudia no akukau shi ake lono hipau shikupue. #Aposto 21.10 29Kutsuluvekemiqono kuptsathalukeuno panoqo lakhi khino kiu toluke qhemi keno tipau kiqi lono Judia lo athikuzumiqo kuphu puwunikeu shi. 30Panonguno titoi shi, Barnaba ngo Saul pama ulono akukuholo kichimi lau akukuphu tsupuwue.
Iliyochaguliwa sasa
APOSTOLMI 11: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
APOSTOLMI 11
11
Pitor no Jerusalem Kukuhou lau Pitsu
1Judia qha kumtsulo apostolmi ngo athikuzumi akeqono Judakumomi ghi Alhou tsa ikhiluvae pikeu chilu. 2Kughou Pitor no Jerusalem lo iqhoghi keno,Judakumomi ghi aphighu yiko ghave penikeuno pulochekeqono pa pipusaghi pi. 3“Noye kushiye aphighu yiko ghamokemi Judakumomi lau wuno panoqo gholo chusho kya?” 4Ike Pitor no panoqo vilo abo-akeshi lhepe pi:
5“Niye Jopa lo akighini shiae, eno kungunhetsu lakhi ithulu. Ayephu toike kiukela kije lakhi ashe bidilono kunguuno kughuju piqi cheghikeu ino ithulu, eno tiye iphivilo iqighie. 6Tsaqu-tsaleyi jukelauye apukhu bidi kupu lhoxu, tughashi, itikiche lhoxu eno aghau ishi ino ithulue. 7Tile asutsa lakhi iputsakeu ino chilu, ‘Pitor, ithulo, hi heqhino chulo.’ 8Ikemu ino pi, ‘Tishimla thono, Ampeu! Kitiqevekeu momu mithekumo chuqupu ikichilo sumphie.’ 9Ikemu asutsa huno itaghi kunguuno pi, ‘Alhou no kiu shikimtheveakeno kitiqevaepi noye pikepu kumoe.’ 10Ghuthu kuthu hitoi shi, eno ashekhalo thime kumtsu atsutsulo sunhe chile saikuve. 11Tipa mtsa timi mikuthu, khunoqo ikuwu peniye Kaisaria lono puwu keno ino ngo akeu kilo ighi aghi. 12Ike kiumu kunacho kevino panoqo gholo wulo pi Aghungu no ivilo pie. Jopa lono athikuzumi hipano tsugho ghi igholo Kaisaria lo wu, eno ningu kumtsu Kornelia kilo wuke. 13Pano ningu vilo pikeuno, kungumi lakhino pa kilo puthugho aghikeu ithuluepi eno pa vilo ishi piepi, ‘Jopa lo timi puwuno Pitor ipichekeu Simon hu kuwu pelo, 14eno no ngo abolomi kumtsu kishi xalukepu keno pano atsa ovilo pitsu nani.’ 15Ike ino atsa pithu kethiu Aghungu Kimthe no panoqo shou iqighie, inahuu ningu shou ighikeu hutoike. 16Ampeu no kiu pipuakeno tileno ishi ino kumsuchilelu, ‘Johan no azu pesu baptiz shitsue; ikemu Aghungu Kimthe pesu nongu baptiz shitsu nani.’ #Aposto 1.5 17Ampeu Jisu Khristo pululukeulo ningu tsukeu toi, Alhou no agho aphiphi pesu panoqo tsukeulo ni khukeno ino Alhou hachilekulupu kya!”
18Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”
Antiok lo Akukuhou
19Ike Stifan pithilukeu lono shikighimekeu huthuve kehu kupulumiqoye apanagha Fonika ngo Kupra ngo Antiok kutolo wu khave; eno panonguno asutsakivi hu Judami vilo likhi piwo. #Aposto 8.1-4 20Ikemu panongu gholo khamiye Kuprami eno Kuriniami kehu panoqono Antiok tokelo Ampeu Jisu wu atsa kiviu hu pesu Grikmi vilo ghi asheshu tsu. 21Ampeu kuka panoqo gholo ae; eno timi kutomono pululu puzu Ampeu lau xaide ighiluve. 22Hipau sutsa Jerusalem lo akukuhou tove ikehu panonguno Antiok lo Barnaba puwu. 23Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto. 24Barnaba ye timi kivi, Aghungu Kimthe eno akupuluno chhitoi kemie. Timi aqo kutomo Ampeu lawumi shilupeke. 25Tishino paye Tarsus lo Saul phuniye wuve. 26Pano pa phulu kelo pa sasu Antiok lo ighi. Ampe lakhi kupuju pamano akukuhomi sasu kushokumtsa eno timi aqo kije shikache. Ike ti kutsuluvekemiqo pesu Khristomi ipi Antiok lono kutughiu shie.
27Tipa ghulokilo tungkupmi khami Jerusalem lono Antiok lo ighi. 28Panoqo gholo Agaba ipikeuno puthugho puzu Aghungu kuka vechewo ighinike ghili pikeuno ayeghiqha kumtsu shou puqumiye keu lakhi kije cheniepi. Klaudia no akukau shi ake lono hipau shikupue. #Aposto 21.10 29Kutsuluvekemiqono kuptsathalukeuno panoqo lakhi khino kiu toluke qhemi keno tipau kiqi lono Judia lo athikuzumiqo kuphu puwunikeu shi. 30Panonguno titoi shi, Barnaba ngo Saul pama ulono akukuholo kichimi lau akukuphu tsupuwue.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.