1 KORINTHIAMI 9
9
Apostolmi Kumlapu-saje
1Niye kiu shinikeno tipau shichekemi kekumo kesha? Niye apostolmi lakhike kumo kesha? Niye niMpeu Jisu ithuluke kumo kesha? Nonguye ino Ampeu ghenguno mlakeu lono ipeghilukemi kekumo kesha? 2Kutamino apostolmi kepi ni ikhilumo namu nongu lau likhimu niye apostolmi ke. Nonguno Ampeu lau xukimepe akeu huno niye apostolmi lakhi kepi mtsuqheyi shitsu ani.
3Timi kutamino ipeju kelo ino hitoi ishokha cheni: 4Ninguye achuqupu akushopu ithulukeu achipi kumo kesha? 5Apostolmi kutami ngo Ampeu thikuzumi eno Pitor ishino shichekeu toi ninguye anipu sasu izuwuni keu akuzupu kumo kesha? 6Ikeo Barnaba ikujo likhino akumla shipuzu xumasa kya? 7Timi khuno pa likhi pa chuqu kusho peitha puzu ghushimi shicheni kya? Timi khuno pa tsayilu chi puzu tipaulo ipekighi xathi chumove cheni kya? Momu timi khuno pawu bheriqo kheu shipuzu tipaqo launo akichhizu lumove cheni kya?
8Niye timino picheghikeu kiqi likhi lono pianike kumo puzu Ayezahlo ghi tishi pipuani kekumo kesha? 9Muse no tsukeu yezahlo ishi yepuani: “Kughou amshitsuno athi qophe ani keno noye amishi kichi khavetsu kevilo.” Alhou ye amshitsu ghenguno kumsujutsu ani kesha? #Zaki 25.4; 1 Timo 5.18 10Pano hipau pikeuye ningu ghenguno pipuani kekumo kesha? Hiye ningu ghenguno yepuatsu ake. Timi khuno hokide ani keno eno khuno athi qophe ani keno panonguye pututa saje lunike ghenguno lajuqhiyi akumla mla kepue. 11Ninguno anguaghapu piti nongu lau xusue. ikelo ninguno nongu launo aphi-ashi tuchokepu nhemgha lukeu tiye ihulo kesha? #Rom 15.27 12Kutamino hikithipu nongu launo kusaje kepu akuzupu shi aghi aye ninguye tinguno alaushi akuzupu shianike kumo kesha? Ikeghi ninguye ti akuzupu hu peithaju mphiake. Tishinike zuqhu, ninguye thwokha kutuu luvetsu acheni, tishianguno Khristo lokivipu tsa laghilo ninguye kiumu lakukhapu qhitsumoniyeke.
13Nongu ghi ithi aghinanike khunono achinekilo chini chenikeno achineki lono panoqo chuqupu ithulu cheni, eno khunono akumllagho pesu akiptia lono mlla cheni keno panonguye akumllagho lono asaje lucheni. #Zaki 18.1 14Tihutoi Ampeu no ahza tsukeu ghi khunoqono lokivipu tsa asheshu cheni keno panonguye lokivipu tsa sheshu vechewo xulupe masake. #Mt 10.10; Lk 10.7
15Ikemu ni amipiye hi akuzupuqo kiumu peithaju mphike momu ino itehi hi yeakeuye isala tipau pukhaniye shianike kumoe. Tishinike zuqhu niye thivekeu pavike. Timi khuu pelomu ino akijivilo akeu tsa pesu abokumsa tsa shivetsu pemo nani! 16Kughengu ino lokivipu tsa asheshuke ghenguno ikijivilopu kiumu akuzupu kuhae, kughengu tishi penike ahza itsu puanike. Ino lokivipu tsa pesu asheshumo aye ighenguno tiye kiutoi akuighupukela! 17Ino igho ipulou lono ikumlla mla aye, tile ijume itsupenike khe anicheke, ikemu ipulou kumono shimasakeu lono mla aghi aye tiye Alhou no ivilo mlalo pikeu kumlapu sajeke. 18Tishiaye ijumeye kiu kya? Hike: ame lumono lokivipu tsa pesu asheshulukeu ke; tiye lokivipu tsa pesu asheshu keu kumlalo ino ajume ithulukuzupu shiakeu lumokeu huke.
19Kughengu niye khuu qeumu kumo kemu, ino ilikhi ikughape kumtsu qeu shive, tishianguno Khristo lau timi kutomo saghilu niyeke. 20Judami gholo mla akelo niye Judami toi xue tishianguno Khristo lau panoqo saghilu niyeke; niye Muse yezah qholo achemo kemu tipau qholo kuami gholo mla akelo niye tipau yezah qholo kuami toi xucheni, tishianguno Khristo lau panoqo saghilu niyeke. 21Muse yezah kuhakemi Judakumomi gholo niye panongu lakhi toi xucheni, tishianguno Khristo lau panoqo saghiluni kehu. Tishiepimu niye Khristo yezah bocholo anike ghenguno Alhou wu ayezah pemokeu shimoe. 22Akupululo tomo chhimokemi gholo niye panoqo lakhi paphi shicheni, tishianguno tomo chhimokemi Khristo lau saghilu niyeke. Niye kishialashi puzu khami likhimu xakulupu shilunimalaye timi kumtsu gholo thwokha kumtsu shi cheni.
23Niye lokivipu tsa ghenguno hipaqo kumtsu shi cheni,tishianguno tipau wu kukumgha gholo nighi kusajeni kehuke. 24Nonguno ithi anike, kohakive pokelo akupomi kumtsu kuxu cheni ikemu panoqo gholo milakhino asaxu ithulu cheni. Tishiaye, asaxu ithulu kepushi polo. 25Pepushumo nikeu kutsukuqho ithulu nike thotsu kuxukelo ilokemi lakhi khino thwokhalo alikhi ampi kusuqhiluve cheni aye ninguno tishi shiakeuye shipusamlakeu saxu ithulu niyeke. 26Ike niye akimji kuha puzu azukututu pochemoe, niye abokumsa chishi jupuhakemi toi kichishi chemoe. 27Ino kutami vilo asheshu acheni puzu ni ampiye kuxu nikeu lono kideqhivenosa kehu niye iphimpi chishikushughi acheni eno mghachhoyi tipau ghasupe qhicheni.
Iliyochaguliwa sasa
1 KORINTHIAMI 9: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
1 KORINTHIAMI 9
9
Apostolmi Kumlapu-saje
1Niye kiu shinikeno tipau shichekemi kekumo kesha? Niye apostolmi lakhike kumo kesha? Niye niMpeu Jisu ithuluke kumo kesha? Nonguye ino Ampeu ghenguno mlakeu lono ipeghilukemi kekumo kesha? 2Kutamino apostolmi kepi ni ikhilumo namu nongu lau likhimu niye apostolmi ke. Nonguno Ampeu lau xukimepe akeu huno niye apostolmi lakhi kepi mtsuqheyi shitsu ani.
3Timi kutamino ipeju kelo ino hitoi ishokha cheni: 4Ninguye achuqupu akushopu ithulukeu achipi kumo kesha? 5Apostolmi kutami ngo Ampeu thikuzumi eno Pitor ishino shichekeu toi ninguye anipu sasu izuwuni keu akuzupu kumo kesha? 6Ikeo Barnaba ikujo likhino akumla shipuzu xumasa kya? 7Timi khuno pa likhi pa chuqu kusho peitha puzu ghushimi shicheni kya? Timi khuno pa tsayilu chi puzu tipaulo ipekighi xathi chumove cheni kya? Momu timi khuno pawu bheriqo kheu shipuzu tipaqo launo akichhizu lumove cheni kya?
8Niye timino picheghikeu kiqi likhi lono pianike kumo puzu Ayezahlo ghi tishi pipuani kekumo kesha? 9Muse no tsukeu yezahlo ishi yepuani: “Kughou amshitsuno athi qophe ani keno noye amishi kichi khavetsu kevilo.” Alhou ye amshitsu ghenguno kumsujutsu ani kesha? #Zaki 25.4; 1 Timo 5.18 10Pano hipau pikeuye ningu ghenguno pipuani kekumo kesha? Hiye ningu ghenguno yepuatsu ake. Timi khuno hokide ani keno eno khuno athi qophe ani keno panonguye pututa saje lunike ghenguno lajuqhiyi akumla mla kepue. 11Ninguno anguaghapu piti nongu lau xusue. ikelo ninguno nongu launo aphi-ashi tuchokepu nhemgha lukeu tiye ihulo kesha? #Rom 15.27 12Kutamino hikithipu nongu launo kusaje kepu akuzupu shi aghi aye ninguye tinguno alaushi akuzupu shianike kumo kesha? Ikeghi ninguye ti akuzupu hu peithaju mphiake. Tishinike zuqhu, ninguye thwokha kutuu luvetsu acheni, tishianguno Khristo lokivipu tsa laghilo ninguye kiumu lakukhapu qhitsumoniyeke.
13Nongu ghi ithi aghinanike khunono achinekilo chini chenikeno achineki lono panoqo chuqupu ithulu cheni, eno khunono akumllagho pesu akiptia lono mlla cheni keno panonguye akumllagho lono asaje lucheni. #Zaki 18.1 14Tihutoi Ampeu no ahza tsukeu ghi khunoqono lokivipu tsa asheshu cheni keno panonguye lokivipu tsa sheshu vechewo xulupe masake. #Mt 10.10; Lk 10.7
15Ikemu ni amipiye hi akuzupuqo kiumu peithaju mphike momu ino itehi hi yeakeuye isala tipau pukhaniye shianike kumoe. Tishinike zuqhu niye thivekeu pavike. Timi khuu pelomu ino akijivilo akeu tsa pesu abokumsa tsa shivetsu pemo nani! 16Kughengu ino lokivipu tsa asheshuke ghenguno ikijivilopu kiumu akuzupu kuhae, kughengu tishi penike ahza itsu puanike. Ino lokivipu tsa pesu asheshumo aye ighenguno tiye kiutoi akuighupukela! 17Ino igho ipulou lono ikumlla mla aye, tile ijume itsupenike khe anicheke, ikemu ipulou kumono shimasakeu lono mla aghi aye tiye Alhou no ivilo mlalo pikeu kumlapu sajeke. 18Tishiaye ijumeye kiu kya? Hike: ame lumono lokivipu tsa pesu asheshulukeu ke; tiye lokivipu tsa pesu asheshu keu kumlalo ino ajume ithulukuzupu shiakeu lumokeu huke.
19Kughengu niye khuu qeumu kumo kemu, ino ilikhi ikughape kumtsu qeu shive, tishianguno Khristo lau timi kutomo saghilu niyeke. 20Judami gholo mla akelo niye Judami toi xue tishianguno Khristo lau panoqo saghilu niyeke; niye Muse yezah qholo achemo kemu tipau qholo kuami gholo mla akelo niye tipau yezah qholo kuami toi xucheni, tishianguno Khristo lau panoqo saghilu niyeke. 21Muse yezah kuhakemi Judakumomi gholo niye panongu lakhi toi xucheni, tishianguno Khristo lau panoqo saghiluni kehu. Tishiepimu niye Khristo yezah bocholo anike ghenguno Alhou wu ayezah pemokeu shimoe. 22Akupululo tomo chhimokemi gholo niye panoqo lakhi paphi shicheni, tishianguno tomo chhimokemi Khristo lau saghilu niyeke. Niye kishialashi puzu khami likhimu xakulupu shilunimalaye timi kumtsu gholo thwokha kumtsu shi cheni.
23Niye lokivipu tsa ghenguno hipaqo kumtsu shi cheni,tishianguno tipau wu kukumgha gholo nighi kusajeni kehuke. 24Nonguno ithi anike, kohakive pokelo akupomi kumtsu kuxu cheni ikemu panoqo gholo milakhino asaxu ithulu cheni. Tishiaye, asaxu ithulu kepushi polo. 25Pepushumo nikeu kutsukuqho ithulu nike thotsu kuxukelo ilokemi lakhi khino thwokhalo alikhi ampi kusuqhiluve cheni aye ninguno tishi shiakeuye shipusamlakeu saxu ithulu niyeke. 26Ike niye akimji kuha puzu azukututu pochemoe, niye abokumsa chishi jupuhakemi toi kichishi chemoe. 27Ino kutami vilo asheshu acheni puzu ni ampiye kuxu nikeu lono kideqhivenosa kehu niye iphimpi chishikushughi acheni eno mghachhoyi tipau ghasupe qhicheni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.