1 KORINTHIAMI 6
6
Athikuzumi dolo Kughakutha
1Nongu milakhino athikuzumi lakhi shou atsakughakepu aghiaye, Alhou kukuhomiqo pelo tipau xathatsupe nike zuqhulo paye ighumo kesheno amikucho kumomi kughakuthami zulo pewu cheni kya? 2Alhou wu akukuhomiqono ayeghiqha shou kughakutha shi nani kepi nonguye mtha kesha? Tishiaye nonguye ayeghiqha shou kughathabe nikeu shiani aye, nonguye avehu kitila ghi kughathamlave kesha? 3Ninguno kungumi shou ghi kughathabe nani kepi nonguye mtha kesha? Tishiaye, tiye hipa kuxulo thimeqo nguno shishe alauke kumo kesha? 4Ike hikithipu ipeghi kelo kushiye nonguye akukuhoulo kihisumomithe kemiqo pelo xathatsu penike pewu cheni kya? 5Niye nongu shikukujonike hi piani. Kuchouno athikuzumiqo dolo atsakugha xathave tsulukepu nongu gholo asuqekighithimi milakhimu kuhave kesha? 6Kuchouno athikuzumi lakhino lakhi shou kughaki lono atsakugha eno tihuye Alhou pulumokemi zulono kugha cheni kesha?
7Nongu dolo milakhino lakhi sasu atsa-kugha akeu kiqiye nonguye tomo kuchou shiauvae. Nono achipikumou kepi auvepe keumu shimo kesha? Oghesuqhive pekeu mu pavi mo kesha? 8Ikemu le athikuzumi dolo thotsu nonguye lakhino lakhi shou achipikumou shike eno lakhino lakhi ghesuqhike. 9Amikucho kumomiye Alhou Yehkipe mheghi ighilumo nani kepi nonguye mtha kesha? Nongu likhi nongu shikughuzu akevilo: kipti toti dolo mithemokemi na, Alhou nguno ajulho kutau mllakemi na, kusalhami na, kipti toti michimono xuwuvekemi na, 10kupkami na, aghukha shichekemi na, shokumzumi na, kutami thaighachekemi na, suxakulumi namu hipaqo shichekemiye lakhimu Alhou yehkipe mheghi ighilumo nani. 11Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.
Alhou Jukuvu Shilo
12Ighenguye thwokha shikulupu shi anike; ikemu kumtsu pesu avehupu shiluni chemoe. Ighenguye thwokha shikulupu shi anike, ikemu kiu pelomu ikugha pesu tipau qeu shivepemo nani. #1 Kori 10.23 13“Achuqupuye akive ghengunoke eno akiveye achuqupu ghenguno ke.” Tishike, ikemu Alhou no tikuma kinikujo shipusave tsunani. Aphimpiye kipti toti dolo mithemokeu shipenike ghenguno puani kekumoe, ikemu Ampeu ghenguno ke eno Ampeu ye aphimpi ghengunoke. 14Alhou no akithi lono Ampeu xuputhuke eno pa kuka pesu ningu ghi xuputhu nani. 15Nongu phimpiye Khristo phi-au kepi mtha kesha? Tishiaye, niye Khristo phi a-u pesu kusalhami phi a-u shive peni kesha? Khilemu tishipemlae! 16Timi khuno kusalhami sasu ashi-aji kuqhani keno paye li sasu aphi-ashi lakhi shivea kepi nonguye mtha kesha? Kuchoyesulo mtsuqheyi ishi yevae, “Pamaye aphi-ashi lakhi shi nani.” #Bothu 2.24 17Ikemu timi khuuno Ampeu sasu kimepe ani keno paye Ampeu sasu amlo lakhi shi anike. 18Kipti toti dolo mithemokeu lono tsughuvelo. Timi lakhino axine kutau kiu shini keno tiye pa phimpi nguno khalauke; ikemu khuuno kipti toti dolo mithemokeu shini keno paye pa phimpi shou axine shipuku ani. 19Nongu phimpiye Aghungu Kimthe chineki ke, Alhou no nongu tsukeu, paye nongu lolo akeu kepi nonguye mtha kesha? Nonguye nolikhi nongu wuke kumoe ikemu Alhou wuke. #1 Kori 6.16 20Pano ameno nongu qhuvae. Tishiaye nongu phimpi lono Alhou jukuvupu shitsulo.
Iliyochaguliwa sasa
1 KORINTHIAMI 6: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
1 KORINTHIAMI 6
6
Athikuzumi dolo Kughakutha
1Nongu milakhino athikuzumi lakhi shou atsakughakepu aghiaye, Alhou kukuhomiqo pelo tipau xathatsupe nike zuqhulo paye ighumo kesheno amikucho kumomi kughakuthami zulo pewu cheni kya? 2Alhou wu akukuhomiqono ayeghiqha shou kughakutha shi nani kepi nonguye mtha kesha? Tishiaye nonguye ayeghiqha shou kughathabe nikeu shiani aye, nonguye avehu kitila ghi kughathamlave kesha? 3Ninguno kungumi shou ghi kughathabe nani kepi nonguye mtha kesha? Tishiaye, tiye hipa kuxulo thimeqo nguno shishe alauke kumo kesha? 4Ike hikithipu ipeghi kelo kushiye nonguye akukuhoulo kihisumomithe kemiqo pelo xathatsu penike pewu cheni kya? 5Niye nongu shikukujonike hi piani. Kuchouno athikuzumiqo dolo atsakugha xathave tsulukepu nongu gholo asuqekighithimi milakhimu kuhave kesha? 6Kuchouno athikuzumi lakhino lakhi shou kughaki lono atsakugha eno tihuye Alhou pulumokemi zulono kugha cheni kesha?
7Nongu dolo milakhino lakhi sasu atsa-kugha akeu kiqiye nonguye tomo kuchou shiauvae. Nono achipikumou kepi auvepe keumu shimo kesha? Oghesuqhive pekeu mu pavi mo kesha? 8Ikemu le athikuzumi dolo thotsu nonguye lakhino lakhi shou achipikumou shike eno lakhino lakhi ghesuqhike. 9Amikucho kumomiye Alhou Yehkipe mheghi ighilumo nani kepi nonguye mtha kesha? Nongu likhi nongu shikughuzu akevilo: kipti toti dolo mithemokemi na, Alhou nguno ajulho kutau mllakemi na, kusalhami na, kipti toti michimono xuwuvekemi na, 10kupkami na, aghukha shichekemi na, shokumzumi na, kutami thaighachekemi na, suxakulumi namu hipaqo shichekemiye lakhimu Alhou yehkipe mheghi ighilumo nani. 11Nongu khamiye tipaqo shichekemi ke; ikemu Ampeu Jisu Khristo je lono eno ningu Lhou Ghungu no nongu qhukimthevae; nonguye Alhou lau akimthe shipenikeu shivae; nonguye Alhou lau achipikaluke.
Alhou Jukuvu Shilo
12Ighenguye thwokha shikulupu shi anike; ikemu kumtsu pesu avehupu shiluni chemoe. Ighenguye thwokha shikulupu shi anike, ikemu kiu pelomu ikugha pesu tipau qeu shivepemo nani. #1 Kori 10.23 13“Achuqupuye akive ghengunoke eno akiveye achuqupu ghenguno ke.” Tishike, ikemu Alhou no tikuma kinikujo shipusave tsunani. Aphimpiye kipti toti dolo mithemokeu shipenike ghenguno puani kekumoe, ikemu Ampeu ghenguno ke eno Ampeu ye aphimpi ghengunoke. 14Alhou no akithi lono Ampeu xuputhuke eno pa kuka pesu ningu ghi xuputhu nani. 15Nongu phimpiye Khristo phi-au kepi mtha kesha? Tishiaye, niye Khristo phi a-u pesu kusalhami phi a-u shive peni kesha? Khilemu tishipemlae! 16Timi khuno kusalhami sasu ashi-aji kuqhani keno paye li sasu aphi-ashi lakhi shivea kepi nonguye mtha kesha? Kuchoyesulo mtsuqheyi ishi yevae, “Pamaye aphi-ashi lakhi shi nani.” #Bothu 2.24 17Ikemu timi khuuno Ampeu sasu kimepe ani keno paye Ampeu sasu amlo lakhi shi anike. 18Kipti toti dolo mithemokeu lono tsughuvelo. Timi lakhino axine kutau kiu shini keno tiye pa phimpi nguno khalauke; ikemu khuuno kipti toti dolo mithemokeu shini keno paye pa phimpi shou axine shipuku ani. 19Nongu phimpiye Aghungu Kimthe chineki ke, Alhou no nongu tsukeu, paye nongu lolo akeu kepi nonguye mtha kesha? Nonguye nolikhi nongu wuke kumoe ikemu Alhou wuke. #1 Kori 6.16 20Pano ameno nongu qhuvae. Tishiaye nongu phimpi lono Alhou jukuvupu shitsulo.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.