1 KORINTHIAMI 12
12
Aghungu Kimthe Gho
1Athikuzumiqo, itehiye Aghungu no agho tsukeu ghili kuchouno kiu keno niye nongu pelo ithive penishi ani. 2Nongu ampino ithi ani, ike nonguno ayekumthami shiache keloye, khila khila nomu nongu hakutho aye atsa piphekumla alhoaye julho lau nongu sakughuzu sawuvepe che. 3Tighenguno ino nongu pelo hi ithipenishi akeuno timi khumu Alhou Ghungu no sache puzu, “Jisu ye musuiniveake!” ipi khilemu pimo nani eno khunomu Aghungu Kimthe no sachemo aye, “Jisu ye Ampeu ke,” ipi piphetsumo nani.
4Ike, Aghungu gho ajeli kututa ani, ikemu agho tipaqo tsuakeu Ghungu ye lakhike. 5Ala ajeli kututa lono peithatsu kulupu ani, ikemu peithapekeu Mipeu ye lakhike. 6Peitha tsupekepu kuka ajeli kututa ani, ikemu peitha lupenike akuka tsuakeu Lhou ye lakhike. 7Aqokivipu ghenguno milakhikhi lau Aghungu akeu pephepiye lupenikeu tsu cheni. 8Milakhi lauye Aghungu vechewo asuqekighithi pikulupu tsu cheni, kutami lakhiuye Aghungu tipau huno akighithitsa pikulupu tsu cheni. 9Aghungu tipauno kutami lakhiye akupulu tsu cheni, kutami lakhiuye shikipivi gho tsu cheni. 10Aghungu no milakhi pelo akumzapu kumla shilukepu kuka tsu cheni; kutami lakhiuye Alhou tsape pilukepu gho tsu cheni, kutami lakhiuye Aghungu launo ighikeu gho kemo keno michilu kepu kuka tsu cheni. Milakhi lauye amilikithe sutsa jeli lono pilukepu kuka tsu cheni; kutami lauye amilikithe sutsa pekidetsu kulupu tsu cheni. 11Ikemu Aghungu no khuno tsukuzu keno tipano tsu cheni.
Aphimpilo Aphia-u kutomo
12Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike. #Rom 12.4-5 13Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.
14Kughengu aphiau lakhi likhino aphimpi shipe puamoe, ikemu aphiau kutomo pesu shipuanike. 15Tsala apukhuno, “Niye a-u kumoke ghenguno aphimpi gholo kumoe” ipi aye tiye aphimpi aphiau kumoveake kumoe. 16Momu akinino, “Niye anhethi kumoke ghenguno aphimpi gholo kumoe” ipi aye tiye aphimpi aphiau kumoveake kumoe. 17Aphimpi kuchopu anhethi shiveke aye khileno chiluni kya? Aphimpi kuchopu akini shiveke aye khileno tsunguluni kya? 18Alhou no pa pulou lono aphimpilo aphiauqo agholauno kithikiyipe puatsuke. 19Hipaqo kumtsu aphiau lakhi likhi shi aghike aye aphimpi khile aniche kya? 20Aphiau kutomo apinamu aphimpiye lakhike.
21Ikehu, anhethiye a-u vilo ishi pimlae, “Niye no avehupu shiamoe!” Momu akutsuye apukhu vilo, “Niye no avehupu shiamoe,” ipi pimlae. 22Tishike kumo puzu, aphimpilo aphiau khikhi miqemileyi kepi cheni keno tipaqo sumokelo kiumu shimla keu ani, 23eno aphimpilo aphiau khipaqo akhoto kumo kepi ninguno kumsu cheni keno tipaqoye ninguno akikhishi tuchomujo cheni. Ningu phimpilo aphiau khikhino jusakeno tipaqo hejukuto masakeu auvecheni, 24ikemu ningu philo aphiau jukivi khikhi anikeno tipaqoye tishi moepimu kiumu kumoe. Alhou no ningu phimpi sukumqo tsukeu lono tipaulo miqemileyi keu hejukuto masakeu alau shipeniyeke. 25Ike tishianguno aphimpilo kidikumla shipemoniyeke ikemu aphiauqo pelo lakhino lakhi ghenguno aphiphi shi hejukile peniyeke. 26Aphiau gholo lakhino ime aye, kumtsuno tipau gholo imekuqha cheni; aphiau gholo lakhino sheqhekepu shiaye kutau kumtsuno tipau gholo alovikuqha cheni.
27Tishiaye, nongu kumtsu Khristo phimpike, eno milakhikhino tipau phiauqoke. 28Ike Alhou no akukuholo hitoi qhipuatsua: atughushi apostolmi, akiniuno tungkupmi, akuthuuno akukutsumi; tithiuno akumzapu kumlami, tithiuno shikipivi kuka tsupuakemi, kuphukulumi, saphe kulumi, amili jeli lono pikemi. #Efesi 4.11 29Panongu kumtsu apostolmike kumoe, kumtsuno tungkupmi kekumoe momu akukutsumi kekumoe. Kumtsuno akumzapu kumla shichemoe. 30Shikipivi kuka kumtsu tsupuanike kumoe, momu kumtsuno amili jeli lono pikemike kumoe, momu kumtsuno muzamghaleyikeu mili jeli lono pikeu kiqi pikidesulu chenike kumoe. 31Tishiaye, agho kumtsu nguno akhotouqo lau amlo tsulo.
Tinguno alau alaghi akiqheu lakhi ino nongu kichepiyeni.
Iliyochaguliwa sasa
1 KORINTHIAMI 12: SUMIBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
1 KORINTHIAMI 12
12
Aghungu Kimthe Gho
1Athikuzumiqo, itehiye Aghungu no agho tsukeu ghili kuchouno kiu keno niye nongu pelo ithive penishi ani. 2Nongu ampino ithi ani, ike nonguno ayekumthami shiache keloye, khila khila nomu nongu hakutho aye atsa piphekumla alhoaye julho lau nongu sakughuzu sawuvepe che. 3Tighenguno ino nongu pelo hi ithipenishi akeuno timi khumu Alhou Ghungu no sache puzu, “Jisu ye musuiniveake!” ipi khilemu pimo nani eno khunomu Aghungu Kimthe no sachemo aye, “Jisu ye Ampeu ke,” ipi piphetsumo nani.
4Ike, Aghungu gho ajeli kututa ani, ikemu agho tipaqo tsuakeu Ghungu ye lakhike. 5Ala ajeli kututa lono peithatsu kulupu ani, ikemu peithapekeu Mipeu ye lakhike. 6Peitha tsupekepu kuka ajeli kututa ani, ikemu peitha lupenike akuka tsuakeu Lhou ye lakhike. 7Aqokivipu ghenguno milakhikhi lau Aghungu akeu pephepiye lupenikeu tsu cheni. 8Milakhi lauye Aghungu vechewo asuqekighithi pikulupu tsu cheni, kutami lakhiuye Aghungu tipau huno akighithitsa pikulupu tsu cheni. 9Aghungu tipauno kutami lakhiye akupulu tsu cheni, kutami lakhiuye shikipivi gho tsu cheni. 10Aghungu no milakhi pelo akumzapu kumla shilukepu kuka tsu cheni; kutami lakhiuye Alhou tsape pilukepu gho tsu cheni, kutami lakhiuye Aghungu launo ighikeu gho kemo keno michilu kepu kuka tsu cheni. Milakhi lauye amilikithe sutsa jeli lono pilukepu kuka tsu cheni; kutami lauye amilikithe sutsa pekidetsu kulupu tsu cheni. 11Ikemu Aghungu no khuno tsukuzu keno tipano tsu cheni.
Aphimpilo Aphia-u kutomo
12Kughengu aphimpiye lakhi puzu aphiau kutomoke, eno aphiau jeli kutomo shianamu aphimpiye lakhike, ike Khristo gholoye tihutoike. #Rom 12.4-5 13Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.
14Kughengu aphiau lakhi likhino aphimpi shipe puamoe, ikemu aphiau kutomo pesu shipuanike. 15Tsala apukhuno, “Niye a-u kumoke ghenguno aphimpi gholo kumoe” ipi aye tiye aphimpi aphiau kumoveake kumoe. 16Momu akinino, “Niye anhethi kumoke ghenguno aphimpi gholo kumoe” ipi aye tiye aphimpi aphiau kumoveake kumoe. 17Aphimpi kuchopu anhethi shiveke aye khileno chiluni kya? Aphimpi kuchopu akini shiveke aye khileno tsunguluni kya? 18Alhou no pa pulou lono aphimpilo aphiauqo agholauno kithikiyipe puatsuke. 19Hipaqo kumtsu aphiau lakhi likhi shi aghike aye aphimpi khile aniche kya? 20Aphiau kutomo apinamu aphimpiye lakhike.
21Ikehu, anhethiye a-u vilo ishi pimlae, “Niye no avehupu shiamoe!” Momu akutsuye apukhu vilo, “Niye no avehupu shiamoe,” ipi pimlae. 22Tishike kumo puzu, aphimpilo aphiau khikhi miqemileyi kepi cheni keno tipaqo sumokelo kiumu shimla keu ani, 23eno aphimpilo aphiau khipaqo akhoto kumo kepi ninguno kumsu cheni keno tipaqoye ninguno akikhishi tuchomujo cheni. Ningu phimpilo aphiau khikhino jusakeno tipaqo hejukuto masakeu auvecheni, 24ikemu ningu philo aphiau jukivi khikhi anikeno tipaqoye tishi moepimu kiumu kumoe. Alhou no ningu phimpi sukumqo tsukeu lono tipaulo miqemileyi keu hejukuto masakeu alau shipeniyeke. 25Ike tishianguno aphimpilo kidikumla shipemoniyeke ikemu aphiauqo pelo lakhino lakhi ghenguno aphiphi shi hejukile peniyeke. 26Aphiau gholo lakhino ime aye, kumtsuno tipau gholo imekuqha cheni; aphiau gholo lakhino sheqhekepu shiaye kutau kumtsuno tipau gholo alovikuqha cheni.
27Tishiaye, nongu kumtsu Khristo phimpike, eno milakhikhino tipau phiauqoke. 28Ike Alhou no akukuholo hitoi qhipuatsua: atughushi apostolmi, akiniuno tungkupmi, akuthuuno akukutsumi; tithiuno akumzapu kumlami, tithiuno shikipivi kuka tsupuakemi, kuphukulumi, saphe kulumi, amili jeli lono pikemi. #Efesi 4.11 29Panongu kumtsu apostolmike kumoe, kumtsuno tungkupmi kekumoe momu akukutsumi kekumoe. Kumtsuno akumzapu kumla shichemoe. 30Shikipivi kuka kumtsu tsupuanike kumoe, momu kumtsuno amili jeli lono pikemike kumoe, momu kumtsuno muzamghaleyikeu mili jeli lono pikeu kiqi pikidesulu chenike kumoe. 31Tishiaye, agho kumtsu nguno akhotouqo lau amlo tsulo.
Tinguno alau alaghi akiqheu lakhi ino nongu kichepiyeni.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.