BVÜKESHHU 30
30
Hankedemvu Mecang pi Kekinyipen
(Bvü 37.25-28)
1“Akakia chan pi hankedemvu mecang pi kekinyipen kesü saya. 2Tsüna ketikesie meceqe kesie sentimeter 45, kemeza sentimeter 45 salo. Ccügwen mejü wi ma ghacüthu zhüghu pi kesütan saya. 3Suna kemetha pi ma ccügwen mejü, ma ghacüthu, nu ma shoni tsüdila mejuya, nu suna pi ma katen la vüya. 4Suna pi ma kepie qei keni saya nu pi ma cakhu wi ma katen ghapeli chiya nu ma kepiechan pi chi nu pie thsüle sayalo. 5Akakia chan pi kepiechan sa nu suna pi tsüthu mejuya. 6Kekinyipen hapi Cenkethenjüh Khitson tuwi keshonthsü na ameiwa wi chi. Apen ciwi hi nthu metu ben. 7Ghanen kaghapenla Aaron na ahula tsü noncca kegho wi ma ahankedemvu pi ciwi mecang chiben. 8Ma shitawa wi ahula tsü kecanki wi la tsü makesü saben. Hankedemvu mecang pi kekinyi ha matsü ghaketen tsüdi wi la nhandhila saben. 9Kekinyipen ha miwi khen keten asahang nyelela asu pi kekinyi, nu kisengtssü pi keshusha kechi kekinyi mangla nsala. 10Amapi kesü wi Aaron na asahang pi kesami hhansha kesa jjüwa tsüpi kekinyipen ghacüthu miwi chi nu ha sakemetha keccüna saaben. Ghaketen matsü tsüdi wi amapi kaghapen hawa ha saaben. Kekinyipen hawa ha metha, nu satemetha pi hi Apvüwa wi chidha.”
Apvüwa Ketenpen Nithsüjjen Ghena Khajana
11Apvüwa na Mosa kiza, 12“No khathansha wi Israel nyithu nyanzhüghu khe anyi kesüsü ma kahang men pi hi cüben, isanu nyanzhüghu keben jüwi ketizenkesa na ma miwi ngho thsüle kesalina. 13#Bvü 38.25,26; Mat 17.24. Anyi ma nyanzhüghuya kesathu tsüdila tsü tsüwi apisa men kenie wina nkhuchithu yishü. Anyi tsüdila hapi ma kekinyi sala pi hi ncüthu yishü. 14Anyi ma nyanzhüghuya kesathu ma kahang mapi ngwe nu tsüna ameiwa tsüdila apisa haju tsüpi hi cüben. 15Mathu kahang ghena apisa khukechi wi kebenwa ji nyelela ketha-uwa zeng isa nben. 16Israel nyithu wi apisa ha saghuya nu pi hi ketenpen Nithsüjjen ghena nonccalo. Khajana hawa ha mathu kahang ghena nu hi mathu khwetenle meshen yaden.”
Lezza Pi Kwenkemetsikhukesa
17Apvüwa na Mosa kiza, 18#Bvü 38.8. “Lezza pi kwenkemetsikhu nu ma kedonpen kesü saya. Tsüpi Nithsüjjen nu kekinyipen manyi jüwi chi nu atssü pi ciwi chiya. 19Aaron nu ma tsathu na atssü tsüpi mathu kwen metsi nu mathu ccü bhu ben, 20tsüna mathu na Nithsüjjen wi du nyelela kekinyipen wi wa atsse pi npi kekinyi tuwi. Isalethu mathu pathia nben. 21Mathu nshüle kesalina mathu kwen metsi nu mathu ccü bhu nsathu yishü. Ayen hawa ha mathu nu mathu shicüthu na anuphanla nieben.”
Kenyenji Deli
22 #
Bvü 37.29. Apvüwa na Mosa kiza, 23“Cüdemvu mehai ntsa — mirr tssü kilogram tugho, Sinnamon hankedemvu kilogram kecheng, kane hankedemvu kilogram kecheng, 24kassia kilogram tugho khuya (tsüdila tsü tsüwi apisa men kenie wina). Oliv deli liter mejü pi tsü wwaya, 25nu tsü saghupi hankedemvu ti kenyenji deli kemetha saya. 26Tsüpi hi ketenpen Nithsüjjen wi Cenkethenjüh kenyen wi senlo, 27miz nu ciwi tsanqai tsüdi, ahula kedonpen nu ciwi kebenthu, hankedemvu mecang pi kekinyipen, 28mecang pi kekinyipen nu ciwi keben tsanqai tsüdi, nu kwenkemetsikhu pi ma kedonpen saghula. 29Hatinu hathu ha satemetha chilo, nu tsüthu tsüdila methatha saben, nu anyile atsanqai lela tsü kekidhenwa ma kemetha kekhang ghena ketizen saben. 30Tsaseng wi adeli pi Aaron nu ma tsathu nyen pi mathu yala hi kekuli wi keqhaikedithu sa thsülo. 31Israel nyithu wi khilo, ‘Ghaketen matsü tsüdi wila hi kekuli ghena kenyenji deli kemethawa ha senben. 32Tsüpi anyi jümu ghameme miwi chi nben, nu nthu na katsüha kesaghu wila ha yen makesü sa yishü. Tsüna metha, tsalina nthu tsüpi methale nsathu yishü. 33Anyi thowa na katsüha wi lela hati saghu nyelela keqhaikedi nkenye miwi ha sen la khe ma pi inyile nsadha.’ ”
Hankedemvu
34Apvüwa na Mosa kiza, “Cüdemvu hathu ha meceqe khuyalo — stakte, onikha, galbanum, nu hankedemvu tsentsa. 35Tsüthu saghupi hankedemvu saya, amcü pi tsü saghu pi matsen nu metha ben thsü. 36Tsü pahan pi awheng donya, nu sen wa hi ketenpen Nithsüjjen non wi Cenkethenjüh Khitson tuwi tsü keghü chilo. Hankedemvu hawa ha methatha sadhale salo. 37Nthu kesen ghena hankedemvu katsüha kesaghu wi hati nsa lalo. Hapi ituwi pala kemetha kesü sala satemetha chidhale salo. 38Keujüla anyi kesüle kesü lela kesenji hankedemvu ghena kesaghu wi hati sa lethu ma pi inyile nsadha.”
Iliyochaguliwa sasa
BVÜKESHHU 30: RENGNBSI
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
BVÜKESHHU 30
30
Hankedemvu Mecang pi Kekinyipen
(Bvü 37.25-28)
1“Akakia chan pi hankedemvu mecang pi kekinyipen kesü saya. 2Tsüna ketikesie meceqe kesie sentimeter 45, kemeza sentimeter 45 salo. Ccügwen mejü wi ma ghacüthu zhüghu pi kesütan saya. 3Suna kemetha pi ma ccügwen mejü, ma ghacüthu, nu ma shoni tsüdila mejuya, nu suna pi ma katen la vüya. 4Suna pi ma kepie qei keni saya nu pi ma cakhu wi ma katen ghapeli chiya nu ma kepiechan pi chi nu pie thsüle sayalo. 5Akakia chan pi kepiechan sa nu suna pi tsüthu mejuya. 6Kekinyipen hapi Cenkethenjüh Khitson tuwi keshonthsü na ameiwa wi chi. Apen ciwi hi nthu metu ben. 7Ghanen kaghapenla Aaron na ahula tsü noncca kegho wi ma ahankedemvu pi ciwi mecang chiben. 8Ma shitawa wi ahula tsü kecanki wi la tsü makesü saben. Hankedemvu mecang pi kekinyi ha matsü ghaketen tsüdi wi la nhandhila saben. 9Kekinyipen ha miwi khen keten asahang nyelela asu pi kekinyi, nu kisengtssü pi keshusha kechi kekinyi mangla nsala. 10Amapi kesü wi Aaron na asahang pi kesami hhansha kesa jjüwa tsüpi kekinyipen ghacüthu miwi chi nu ha sakemetha keccüna saaben. Ghaketen matsü tsüdi wi amapi kaghapen hawa ha saaben. Kekinyipen hawa ha metha, nu satemetha pi hi Apvüwa wi chidha.”
Apvüwa Ketenpen Nithsüjjen Ghena Khajana
11Apvüwa na Mosa kiza, 12“No khathansha wi Israel nyithu nyanzhüghu khe anyi kesüsü ma kahang men pi hi cüben, isanu nyanzhüghu keben jüwi ketizenkesa na ma miwi ngho thsüle kesalina. 13#Bvü 38.25,26; Mat 17.24. Anyi ma nyanzhüghuya kesathu tsüdila tsü tsüwi apisa men kenie wina nkhuchithu yishü. Anyi tsüdila hapi ma kekinyi sala pi hi ncüthu yishü. 14Anyi ma nyanzhüghuya kesathu ma kahang mapi ngwe nu tsüna ameiwa tsüdila apisa haju tsüpi hi cüben. 15Mathu kahang ghena apisa khukechi wi kebenwa ji nyelela ketha-uwa zeng isa nben. 16Israel nyithu wi apisa ha saghuya nu pi hi ketenpen Nithsüjjen ghena nonccalo. Khajana hawa ha mathu kahang ghena nu hi mathu khwetenle meshen yaden.”
Lezza Pi Kwenkemetsikhukesa
17Apvüwa na Mosa kiza, 18#Bvü 38.8. “Lezza pi kwenkemetsikhu nu ma kedonpen kesü saya. Tsüpi Nithsüjjen nu kekinyipen manyi jüwi chi nu atssü pi ciwi chiya. 19Aaron nu ma tsathu na atssü tsüpi mathu kwen metsi nu mathu ccü bhu ben, 20tsüna mathu na Nithsüjjen wi du nyelela kekinyipen wi wa atsse pi npi kekinyi tuwi. Isalethu mathu pathia nben. 21Mathu nshüle kesalina mathu kwen metsi nu mathu ccü bhu nsathu yishü. Ayen hawa ha mathu nu mathu shicüthu na anuphanla nieben.”
Kenyenji Deli
22 #
Bvü 37.29. Apvüwa na Mosa kiza, 23“Cüdemvu mehai ntsa — mirr tssü kilogram tugho, Sinnamon hankedemvu kilogram kecheng, kane hankedemvu kilogram kecheng, 24kassia kilogram tugho khuya (tsüdila tsü tsüwi apisa men kenie wina). Oliv deli liter mejü pi tsü wwaya, 25nu tsü saghupi hankedemvu ti kenyenji deli kemetha saya. 26Tsüpi hi ketenpen Nithsüjjen wi Cenkethenjüh kenyen wi senlo, 27miz nu ciwi tsanqai tsüdi, ahula kedonpen nu ciwi kebenthu, hankedemvu mecang pi kekinyipen, 28mecang pi kekinyipen nu ciwi keben tsanqai tsüdi, nu kwenkemetsikhu pi ma kedonpen saghula. 29Hatinu hathu ha satemetha chilo, nu tsüthu tsüdila methatha saben, nu anyile atsanqai lela tsü kekidhenwa ma kemetha kekhang ghena ketizen saben. 30Tsaseng wi adeli pi Aaron nu ma tsathu nyen pi mathu yala hi kekuli wi keqhaikedithu sa thsülo. 31Israel nyithu wi khilo, ‘Ghaketen matsü tsüdi wila hi kekuli ghena kenyenji deli kemethawa ha senben. 32Tsüpi anyi jümu ghameme miwi chi nben, nu nthu na katsüha kesaghu wila ha yen makesü sa yishü. Tsüna metha, tsalina nthu tsüpi methale nsathu yishü. 33Anyi thowa na katsüha wi lela hati saghu nyelela keqhaikedi nkenye miwi ha sen la khe ma pi inyile nsadha.’ ”
Hankedemvu
34Apvüwa na Mosa kiza, “Cüdemvu hathu ha meceqe khuyalo — stakte, onikha, galbanum, nu hankedemvu tsentsa. 35Tsüthu saghupi hankedemvu saya, amcü pi tsü saghu pi matsen nu metha ben thsü. 36Tsü pahan pi awheng donya, nu sen wa hi ketenpen Nithsüjjen non wi Cenkethenjüh Khitson tuwi tsü keghü chilo. Hankedemvu hawa ha methatha sadhale salo. 37Nthu kesen ghena hankedemvu katsüha kesaghu wi hati nsa lalo. Hapi ituwi pala kemetha kesü sala satemetha chidhale salo. 38Keujüla anyi kesüle kesü lela kesenji hankedemvu ghena kesaghu wi hati sa lethu ma pi inyile nsadha.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.