Sam keil 70
70
Hisien ten kataunien#Sam 70:1 Sam enek vesesal vatte vatas en Sam 40:13-17.
Asuv houlu Deved mutisi
1O Ahi, kutut moulien onak eli.
O Iahova, kikalah kimai kikataunau.
2Koakeil avit avou vini nau,
keik kilikat rasilin keil keke imemou.
Koakeil asi keil ven sakvisien keil onak,
ilohosai ka ulie hetisa.
3Koakeil amul amumon tohtohien va kat inau,
kisakin huhuen keil one ral minau hemai hehi heisavos keke ilohosai en memouen.
4Ka koakeil umai venuk,
isi keil ka ilonge hetahos venuk.
Koakeil e vat mututien onom ihitehiteni lises ihit,
“!Ahi vi hetetamen imok!”
5O Ahi, avek memerau ka navi livere enges,
kikalah kimai venau li.
Keik kovi kataunien onak ka korali lat inau lises.
O Iahova, konatountei li.
Iliyochaguliwa sasa
Sam keil 70: pma
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Copyright © 2011 Wycliffe Bible Translators, Inc.