Sam keil 136
136
Rehemasmas Iahova ven tounah keil koa kei mumoni
1Mihemasmas Iahova veni kei tahos.
Envatien onen hel lisenges.
2Mihemasmas Ahi koa mulin ahi sav keil.
Envatien onen hel lisenges.
3Mihemasmas Ahi Asuv koa mulin asuv sav keil.
Envatien onen hel lisenges.
4Kei sasen enges mumon mari tounah keil.
Envatien onen hel lisenges.
5Ka en ileilien onen, kei mumon out nesa.#Sen 1:1
Envatien onen hel lisenges.
6Kei varei sakin out netan mea ran atas.#Sen 1:2
Envatien onen hel lisenges.
7Kei mumon tounah vasi keil koa ritin en teilang.#Sen 1:16
Envatien onen hel lisenges.
8Ling meteiai keke valosil kat meneai.
Envatien onen hel lisenges.
9Ka ling avati ka hitu keil keke avalosil kat vongien.
Envatien onen hel lisenges.
10Kei varei mu vini moeite keil ten out Isip.#Eks 12:29
Envatien onen hel lisenges.
11Evus, lah lat me-Isrel keil ran out Isip.#Eks 12:51
Envatien onen hel lisenges.
12Kei mumoni mukonek ral min keihoen koa mul en hen.
Envatien onen hel lisenges.
13Kei sasen mumon Atas Tahilhili maseh va en usite elu.#Eks 14:21-29
Envatien onen hel lisenges.
14Kei sakin meatin keil onen amual kotehei.
Envatien onen hel lisenges.
15Ka sakin atas enek rein vini asuv houlu ten out Isip ral min meatin tavaeen vasi keil onen.
Envatien onen hel lisenges.
16Kei mulamun meatin keil onen aka vas out volvol.
Envatien onen hel lisenges.
17Asuv houlu keil koa akur keihoen, kei vitan en keil vasi.
Envatien onen hel lisenges.
18Mu vinvini asuv houlu keil koa avi hetetamen.
Envatien onen hel lisenges.
19Anatin, mu vini asuv houlu Sihon ten out Amor.#Nam 21:21-30
Envatien onen hel lisenges.
20Ka mumoni vatte tas min asuv houlu Og emun ten out Basan.#Nam 21:31-35
Envatien onen hel lisenges.
21Evus, san atan ose min meatin keil onen vahi ose esuk.
Envatien onen hel lisenges.
22Kei sani min me-Isrel keil koa avi meatin toumien keil onen.
Envatien onen hel lisenges.
23Kei mundem kat ir navong romul en hen mesav keil.
Envatien onen hel lisenges.
24Mumon ir romaluv ran hen vativieh keil orer.
Envatien onen hel lisenges.
25Ka mul vengan tounah vasi keil koa amoul en out netan.
Envatien onen hel lisenges.
26Mihemasmas Ahi ten out nesa.
Envatien onen hel lisenges.
Iliyochaguliwa sasa
Sam keil 136: pma
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Copyright © 2011 Wycliffe Bible Translators, Inc.